تكلم حتى أراك ...!!

[" TWIX "]

الله يذكرك بالخير يا موضوعي ( خياس X خياس ) منه وأنا ساحب عليكم يا أهل "زوايا أنثى "
ولاني معبركم .. مشكلة عاد ..:c7:
بصراحة لكم وحشة .. وخاصة بعد الطاقم الإشرافي الجديد ..:for2:
المهم .. في أحد المرات ..:
لاحظ سقراط أن كل تلاميذه قد سألوه فأجابهم إلا واحدا ..
فالتفت إليه سقراط قائلا له : تكلم حتى أراك ...!!
وهذا كناية أن الإنسان مخبوء تحت لسانه وأن الناس لا تراه بقدر ما تسمعه
فنحن معشر الشباب ما إن يحل علينا ضيفا في استراحتنا العامرة بأهلها نجلس
أمامه بكل أحترام وتقدير ولا تكاد تسمع إلا همسا وتتبدل الأخلاق مع بعضنا البعض
إلى : سم .. أبشر .. آمر .. وترى الإستراحة في حالة استنفار ورسمية لا مثيل لها
وبعدما يتكلم ولو بنصف كلمة ويجيب العيد ونعرف حينها إن اللي قدامنا هدوم ما بها أحد
تنقلب الصورة رأسا على عقب ...!!
الأصدقاء ...
محمد أخرج بكت المالبورو وبدأ ينفث في وجهه .. وعبدالعزيز حط قناة غنوة وبدا يهز برأسه طربانا ..:a3:
وفهد ذهب يضبط له رأس معسل ع السريع .. والرابع قال للضيف قم صلح شاهي ...!!
إحنا لما يجي الواحد ويتكلم عن :
الكورة .. الفنانين .. والممثلين .. آخر موديل سيارة .. البالوت .. إلخ
خلاص تذوب هيبته ويصير هو وأسطوانة الغاز واحد .. وإن كانت الإسطوانة
لها وجودها وأهميتها ..:c7:
أنتن يا بنات متى المرأة تكسرون الرسمية معها وتصير كأنها من حمام الدار وتصير تشبه دبة غازنا ...؟!!
:c7:

خاتمة ..
وكائن ترى من صامتٍ لـك معجـبٍ . . . زيادتـهُ أو نقصـه فـي التكـلّـمِ

[اوكسجين بريده]

أنتن يا بنات متى المرأة تكسرون الرسمية معها وتصير كأنها من حمام الدار وتصير تشبه دبة غازنا ...؟!!


ههههههههه
حنا يالبنات أول شي كلن بالعن ألسانه , بس خل تطلع سالفه سالفتين تطلع ولا من حمام الدار http://www.buraydh.com/forum/images/icons/icon10.gifخخخخخخخخخ

موضوعك توحفه صراحه , يعطيك العافيه

[كل القلوب تغيرت]

هههههههههههههههههههههه
حنا يالبنات مهما حاولنا نكسر الرسميه مانقدر
لان مواضيعنا موب مثلكم رسميه بالعكس عشان كذا الواحد يخاف تطلع منه كلمه يندم عليها
عآآآآآآآآد الحريم ماينقلون الكلام ابد هع
تقبل مرورري

[الأرجوانه]

عن نفسي اسكت اول مااجي > مستحيه http://smilles.5d5l.com/smile_albums/love/79.gif (http://smilles.5d5l.com/)
همن بعد سالفه سالفتين ابداء اكب العشاءhttp://smilles.5d5l.com/smile_albums/fun/90.png (http://smilles.5d5l.com/) هههه
,
بس طبعا اذا عند الحريم اسسكت ومستحييل اتكلم اخاف اكب عشاااي همن ابلش بالعجز
اما عند البنآت لا عآدي الدعوى فري استانس على كيفي
,
بس حنآ ترآ عشانا مووب مثل عشاكم
حنا عشانا مؤدب
امآ أنتم خذ وخل http://smilles.5d5l.com/smile_albums/fun/18.gif (http://smilles.5d5l.com/)
,
تقبل مروري ..

[شعاع الكون]

ايوووووووه انا نفسك يالارجوانه اول ماادخل استحي واصير رسميه وحالتي حاله وبعد السواليف خلاص انفل واضحك ولاببالي بس مومع الحريم طبعا
مع البنات اللي بعمري

[اميرة الابتسامه]

انا ببدايت الجلسه استحي واخجل بقوووه
واتشعمط بأمي من الفشيله ولااناظر الناس من الحياء بس منزاتن راسي والعب بشوشتي ههههههه
همن لاقربت الروحه انفل واضحك وكل ابوشي

[فتاة المستقبل]

خخخخخخخخخ << تذكرت الخياس

انت ما تدري اللحين الحريم هابات بالرسميه ,, مع كل الجهات ..يخافن يروح البرستيج تبعهن...

بعدين انتم الصراحه ما بكم ملح لا بدت الميانه بينكم ,, تطلعون كل اللي بروسكم مافي احم ولا دستور ..

[" TWIX "]

ههههههههه
حنا يالبنات أول شي كلن بالعن ألسانه , بس خل تطلع سالفه سالفتين تطلع ولا من حمام الدار http://www.buraydh.com/forum/images/icons/icon10.gifخخخخخخخخخ

موضوعك توحفه صراحه , يعطيك العافيه



الله لا يغير علينا ..
اتجه الموضوع 56 درجة شمالا والسبة أنتِ
دائما المواضيع تدرعم ورا أول رد وعلى حسب مفهومية صاحب الرد الأول
وهذا دليل أن نعاني من كسل تشغيل المخ .. أو تأجير عقول الآخرين للتفكر عنا .
ما علينا .. عاد من زين الموضوع ..;)
ملاحظ إنكن ما عندكن رسمية أبدا .. ولا تدرين كان الرسمية توكل وإلا تشرب ..
المرأة من يوم تجلس بجنب مرأة إلا كل وحدة تأخذ برنت عن الثانية
ما عندكن لا خطوط حمراء ولا خطوط طول ولا عرض ..
أحسدكن .. إحنا الواحد لا جلس كأنه شيلدون اللي لو يعطس طاح بنك بكبره
يشوف الناس حشرات لو تسلم عليه يجلس ساعة يشاور نفسه يرد وإلا مايرد ...!!

[" TWIX "]

هههههههههههههههههههههه
حنا يالبنات مهما حاولنا نكسر الرسميه مانقدر
لان مواضيعنا موب مثلكم رسميه بالعكس عشان كذا الواحد يخاف تطلع منه كلمه يندم عليها
عآآآآآآآآد الحريم ماينقلون الكلام ابد هع
تقبل مرورري
بسألك الرسمية من أي أنواع الفواكهة ...:f5:
لو الرسمية واقفة عليكن كان تهش الذبان ما عليها سوق ..:29_1_16[1
بالعكس يا عزيزتــي ..
أنا اللي أشاهده إنكن تميلن للتلقائية في شتى مجالات حياتكن .
لا تعرفن للرسمية طريق .

شكرا لمرورك وتنوير المتصفح ..:for12:

[أحب نفسي]

أصلآ ماعندنآ موآضيع رسميه ,,
صدق والله ,,
البسآط أحمدي من أول لقاء :)

[هلاوين]

توكس دخلت موضوعك عرض لانه مايخصن


الحريم مايفلن وتكثر الميانه الابعد بسط البساط ووضع المالوف الاخضر والمشروب الاصفر هههه

[Miss Tala]

موب لازم احد يرى احد ...الموهم انه موجود ..........((ابعدت عن الموضوع ماودي اشغل مخي

[تَـرفْ ♪]

أنا اشوف العكس !
الرجال متواضعين وبسيطين ويتكلمون بكل أريحية , وهذا الغالب مثل ما أشوف
أما الحريم ابووو الجحـــــــــــادة , لو وشو ماقالت[أ]
تتكلم بالناس صح , بس عنها لا


اكثر مايتكلم من الحريم
بالمستشفيات , تكب العشششاء على سسسسسنع
تعرف اسمها واسم زوجها ووين يشتغل وكيف شكله
وهل هو طويل او قصير , سمين معصقل .. وش يحب يأكل وش يكره
وشوي شوي تقولك بعد اسبوع زواج اختي واني بلشة مدري وش ألبس
تحرين وش يناسبني , الفستان الأحمر ولا الأخضر !!

هالعينات ما أشوفها بمجتمعي الا قليييييييل


مجرد وجهة نظر
تشكرات أخ تويكس

[متى يطيب الجرح]

اعتقد الرسميه للمراه..لاتقارن بالرجل..

واذا عرف السبب بطل العجب..^_^

المراه بطبعها تحب القرقر التسثير..فلذلك اعتقد هالكلمه بقاموسها..ماله اثر ..

ولكن..فيه حريم تحب تكون رسميه ..او بمعنى اخر..تنشد عن كل شئ يخصك..واذا سئلتها عن نفسها صارت تلف وتدور..ماتبي احد يدري عنها بشئ وبنفس الوقت تحب تتشرف على الخلق..

عن نفسي..اعرف لي حريم تجمعن بهن صلة قرابه قويه والى الان ماامون عليهن..!!

يسلمو على هيك طرح ..

[" TWIX "]

الأرجوانة..
عن نفسي اسكت اول مااجي > مستحيه
همن بعد سالفه سالفتين ابداء اكب العشاء هههه
يعني مكينة ديزل ..:c7:
بس طبعا اذا عند الحريم اسسكت ومستحييل اتكلم اخاف اكب عشاااي همن ابلش بالعجز
اما عند البنآت لا عآدي الدعوى فري استانس على كيفي
بالله الحريم الكبار إيش ثقافتهن ..؟!!
أحسن كراث .. وزوجة فلان حامل .. وذيك طلقها زوجها .. وما غيرها فلانه
عرفتيها فيها شد عضلي بالرحم ..:c7:
بس حنآ ترآ عشانا مووب مثل عشاكم
حنا عشانا مؤدب
امآ أنتم خذ وخل
بكون صريح معك .. أحيانا عشانا يكون في قمة الأدب
والأغلب عشانا يكون لابس من غير هدوم ..:c7:
يعني ربك يستر ..:eek:


:for12::for12:

[" TWIX "]

ايوووووووه انا نفسك يالارجوانه اول ماادخل استحي واصير رسميه وحالتي حاله وبعد السواليف خلاص انفل واضحك ولاببالي بس مومع الحريم طبعا
مع البنات اللي بعمري
فهمت ..
أنتن مثل الفريقين لما تلعب المباراة أول الشوط جس نبض ..
وبعدين يبدا الهجوم المباغت والهجمات المرتدة ..:c7:


:for12::for12:

[لمعةالألماس]

...




الحرمة اللي مشقوقة قربته هي واسطوانة الغاز واحد!!!:(




شكراً...

[بطلة العالم]

>مابه ملح لادربت على احد
عائلتنا عائله دربه كلن تدخلبه ماعندهم وقت والضيف الجاي يصير مثلنا ونصير كننا نعرفه من زمان لو هو من اشد الرسميين
لكن بااحترام وتقدير

[ناقه فسفوريه]

صدق الحريم لا طيحن الميانه مابهن ملح ابد مره كنت بمستشفى وقاعده بالانتظار وكان فيه كم حرمه اول شي ساكتات مير تبدا وحده تسأل وتسولف الله لا يوريك الباقي ماصدقن خبر جابو الاول والتالي وكبو العشاء والغداء والفطور ماخلو شي ماقالوه جااابو العيد

عوافي عالموضوع

[" TWIX "]

انا ببدايت الجلسه استحي واخجل بقوووه
واتشعمط بأمي من الفشيله ولااناظر الناس من الحياء بس منزاتن راسي والعب بشوشتي ههههههه
همن لاقربت الروحه انفل واضحك وكل ابوشي

المفروض أمك قبل ماتجي للناس ترسلك قبل كم يوم تعسكرين عندهم على شان تآخذين
على الأجواء والمناخ الأسري ثم بعدها تجي أمك على شان تكونين أوفر مع بناتهم
بالضبط مثل الأندية قبل المباراة يجون قبل 3 أيام تقريبا ..:4_1_6[1]:

[" TWIX "]

خخخخخخخخخ << تذكرت الخياس ..
:8[1]:
أحس بكتمة يوم سمعت طاري الموضوع المخيس ..:f5:
انت ما تدري اللحين الحريم هابات بالرسميه ,, مع كل الجهات ..يخافن يروح البرستيج تبعهن...
:eek:
صحيح اللي تقولينه...؟!!
يمكن جيل بنات الآي فون والبلاك بيري أم جيل أم ناصر وأم عزيز خرارات
ولو تسكت كان أغمي عليها بين العجز ..
حتى إن العجز كان عندهن فراسة بأي وحدة من خوياتهن تلف وتدور وتجحد
في سر من أسراره .. الله والله يا أسرار صفقة أسلحة وإلا تهريب يوارنيوم مخصب ...!!

بعدين انتم الصراحه ما بكم ملح لا بدت الميانه بينكم ,, تطلعون كل اللي بروسكم مافي احم ولا دستور
إحنا تبي كب كبة أسرار صولات وجولات برا وإلا المقالب يوم كنا صغنونين يوم كنا بزارين
بالحارة
أم أسرار عائلية مشفرات ولا ابن أبوه يعرف تردده ...:d4:

:for12::for12:

[" TWIX "]

أحب نفسي ..
أصلآ ماعندنآ موآضيع رسميه ,,
صدق والله ,,
البسآط أحمدي من أول لقاء :)
صحيح كلامك .. كل كلامكن ما فيه خصوصية أبدا
حتى لو كان له اهميته من خلال طرحه المتكلمه تجرده من أهميته وتجعله
أي كلام .. بمثابة الخرطي ..:4_1_6[1]:

[" TWIX "]

توكس دخلت موضوعك عرض لانه مايخصن
الحريم مايفلن وتكثر الميانه الابعد بسط البساط ووضع المالوف الاخضر والمشروب الاصفر هههه
الله يصلحك .. لا جيت تدخل .. تنح نح .. أو كح .. أو صب صوت ..:b3:
:22[1]:
أنا أتوقع أي عجوز تجي ماسكه عصاها وريحة الكراث تنبعث منها
على مسافة ثلاثة أيام بلاليهن وتجلس تتكلم عن كراث المسيطير واليحيى
أتوقع أشكالكن مثل اللي بالأيقونه طايره بوهتكن وكأنها تتكلم عن علم الذرة
والإغراق في تفصيلاته ...!!

[" TWIX "]

موب لازم احد يرى احد ...الموهم انه موجود ..........((ابعدت عن الموضوع ماودي اشغل مخي
:ash:

كيف يعني ...؟!!

:for12::for12:

[" TWIX "]

ترف ..

أنا اشوف العكس !
الرجال متواضعين وبسيطين ويتكلمون بكل أريحية , وهذا الغالب مثل ما أشوف
أما الحريم ابووو الجحـــــــــــادة , لو وشو ماقالت[أ]
تتكلم بالناس صح , بس عنها لا
نحن نتكلم بكل أريحية لكن من يفتحنا .. فنحن على الصامت دوما حتى يأتي من يقلب
خدمتنا ..
اكثر مايتكلم من الحريم
بالمستشفيات , تكب العشششاء على سسسسسنع
تعرف اسمها واسم زوجها ووين يشتغل وكيف شكله
وهل هو طويل او قصير , سمين معصقل .. وش يحب يأكل وش يكره
وشوي شوي تقولك بعد اسبوع زواج اختي واني بلشة مدري وش ألبس
تحرين وش يناسبني , الفستان الأحمر ولا الأخضر !!
وش ذا الاسئلة البايخة ..
هذولي ما أعطينه ولا مستمعي mbc fm من بياختهن ..!!
ياشين الفراغ يسوي أكثر ..
مجرد وجهة نظر
تشكرات أخ تويكس
شكرا لمرورك .

[عازفة ألحان الليل]

مع الناس الي ماعرفهم رسمي وعلى شوي شوي يكون عادي

بس مع الناس الي اعرفهم سوالف عاديه وبعدين فله

[" TWIX "]

متى يطيب الجرح
اعتقد الرسميه للمراه..لاتقارن بالرجل..
واذا عرف السبب بطل العجب..^_^
يعني الرجل لسانه مربوط والمرأة مفكك لغاليغها ..:o
لا .. نظريتك خطأ
أنا أتوقع أن المرأة عندها هرمونات أكثر من الرجل في الحبال الصوتية
ولذلك أصبحت ترغي كتير أوي...!!

ولكن..فيه حريم تحب تكون رسميه ..او بمعنى اخر..تنشد عن كل شئ يخصك..واذا سئلتها عن نفسها صارت تلف وتدور..ماتبي احد يدري عنها بشئ وبنفس الوقت تحب تتشرف على الخلق..
أنا أتوقع الحريم اللي تميل للرسمية أم تعاني من عاهة أو عندها خرس
أو أنها نذرت أن تكمل حياتها صوما ..!!
عن نفسي..اعرف لي حريم تجمعن بهن صلة قرابه قويه والى الان ماامون عليهن..!!
روحي لأقرب مصحة نفسية مني طبيعية
لأن طبيعة المرأة من أول جلسة تطلع ومعها برنت عن صديقتها ...!!

:for12::for12:

[عناية بالبشرة]

لأن طبيعة المرأة من أول جلسة تطلع ومعها برنت عن صديقتها ...!!


غلطان يا تويكس ....

لي صديقات عمر والله مايعرفن عن اموري شي ابدا ..؟
وحنا صديقات الروح بالروح وحده منهن لنا 11 سنه صديقات ..
نعزم بعضنا على مناسباتنا ونتعازم في ملاهي وفي ندوات دينيه نروح
سوا لها في الوشاح ....الخ
ماقد تكلمت عن نفسي معها او عن اي مشكله امر بها ..
تصدق عاد ..؟












:

[أسايرهم]

يعطيك آلف عآآفية ..
بنتظـآر جديدك آلمميز وآلجذآآب..
ودي ..http://www.5abob11m.com/vb/images/smilies/Love-135.gif

[" TWIX "]

...
الحرمة اللي مشقوقة قربته هي واسطوانة الغاز واحد!!!:(
شكراً...
:)
كلاهما مجموع في قولك (ما حولك أحد )

:11_1_218v

[بسومة بريده]

محمد أخرج بكت المالبورو وبدأ ينفث في وجهه .. والرابع قال للضيف قم صلح شاهي ...!!



ياويلي تلقاه يقول وش جايبني...عاد انملدتوا مرة وحده..

الناس يختلفون باندماجهم وسرعة دخولهم بالدرجه على قولتنا...

كل مجتمع وله مفتاحه والشاطره الي تعرف تختار المفتاح المناسب...

وكل وحده وشطارتها الاجتماعيه...

[" TWIX "]

>مابه ملح لادربت على احد
عائلتنا عائله دربه كلن تدخلبه ماعندهم وقت والضيف الجاي يصير مثلنا ونصير كننا نعرفه من زمان لو هو من اشد الرسميين
لكن بااحترام وتقدير
شكل ما عليكم غطاء .. كل واحد كـ كأس الماء يرى ما بداخله
يعني ما فيه جحادة وهذا اللي يجعل الواحد يرتاح ويدخل شلف بكم
أما الناس المنغلقين على ذواتهم هذولا مشكله يبي الواحد كم سنة وهو
وياهم جس نبض ...!!
خلوكم كذا ماهنا زينكم ..:g6:


:11_1_218v

[" TWIX "]

صدق الحريم لا طيحن الميانه مابهن ملح ابد مره كنت بمستشفى وقاعده بالانتظار وكان فيه كم حرمه اول شي ساكتات مير تبدا وحده تسأل وتسولف الله لا يوريك الباقي ماصدقن خبر جابو الاول والتالي وكبو العشاء والغداء والفطور ماخلو شي ماقالوه جااابو العيد

عوافي عالموضوع

:11[1]:
يعني الحريم ناقصهن أحد بس يسمعهن وبعدها يجيب عيد رمضان والأضحى مرة وحدة ...!!
صدق من قال :
لا تمسك سرك امرأة ..:20[2]:


:11_1_218v

[" TWIX "]

مع الناس الي ماعرفهم رسمي وعلى شوي شوي يكون عادي
بس مع الناس الي اعرفهم سوالف عاديه وبعدين فله
طريقة جميلة جدا .. (عدم الطفاقة)
الكثير ممن جلست معهم كانت الطفاقة هي السائدة في جلساتهم وحديثهم
يتكلمون في كل شيء وفي كل واد يهيمون لا خطوط طول ولا عرض توقف زحفهم
الثرثري .. وعمدما ينتهي يندم أنه جاب خبر سلسفيلة ...!!


:11_1_218v