مشاهدة النسخة كاملة : (ليلة الدخله) بين الأمس واليوم.
الفتى السمنسي
02-01-11, 09:48 pm
يسولف علي جدو العجوز السمنسي يوم من الأيام وقال لي : ياحفيدي الفتى ليلة الدخله أيامنا تختلف عن ليلة الدخله في أيامكم .
قلت : وشلون ياجدي وضح اكثر .
قال جدي : بما إني مزواج وتزوجت على ثلاثطعش زوجه ومنهن اربع من الموديل الجديد (فرافير هالحين) أقولك وأنا جدك إن الفرق كبير جدا .
زمان البنت لما أدخل عليها القاها تنافض من الخوف وبعضهن تبكي من الخوف وتلقاها لابسة عباة وغطوة ومتمسكة فيهن بقوة وفيهن حياء ماله مثيل وعقل وثقل وخدمه وذرابه طبعا بعد الزواج .
وبنات هالحين وانا جدك تزوجت على اربع منهن وحدة مديرة ثانوية والثانية طالبة بالجامعه والثالثة موظفة في بنك والرابعه ربة بيت وكلهن لما أدخل عليهن واثرهن مطيراتن عيونهن متى ادخل وبدقيقة وهي تكركر معك وتسولف كأنك تعرفها لك سنه وفيهن عجز وكسل ووساخه واتكاليات .
وش رأيكم بكلام جدي ؟؟
رغــــيد
02-01-11, 09:54 pm
~
الحآل من بعضه ..!
يوم تغيرت الرجال ..تغيرت الحريم ...!
ويوم الرجال رجال ..كانت الحريم حريم ..!
صح ..
..
عاشق ديرتي بريده
02-01-11, 09:56 pm
شكل جدك عمى
وشلون عروسه تصير وسخه خخخخخخخخخخخخخخ
أبوطــارق
02-01-11, 10:07 pm
يبدو والله آعلم ان التخريف قد ادرك جدك :) .
الآن ، ربما قلة الرهبه بسبب المكالمات ، لكن ان تنفي الصفة بشكل كامل هذا من الظلم والتعدي على النساء .
حلاتي بعنادي
02-01-11, 10:24 pm
آلله يرحم ضعفك آنت وعجيزك .. :(
,
زمن الغرباء
02-01-11, 10:27 pm
وش رأيكم بكلام جدي ؟؟
ان صارت الوحدة تستحي
قلتوا ماينفع الوحدة تستحي الزوج يبي الجريئة اللي تدلعه من أول ليلة
واللي ماتستحي
هذي قليلة حياء
ويالله اننا داخلين عليك ,,
عموما
الى الحين فيه بنات يستحن ويتنافضن من الحياء
والجريئات الله يزيدنا واياهن من نعيمه ,,
والله يهدي بال جدك ولا يجعل النساء أكبر همومه
موفق ,,
قـتـالـه
02-01-11, 10:30 pm
يعني الرجال احب عليهم اللي بعباته ؟
نتكومر ومالوه .. تسان التكومر يخليننا ننفق :)
ياخي الوساخه اللي هو شاف وينهيبوه ؟
أبو الريش
02-01-11, 10:35 pm
لأن الرجال صاروا مهوب رجال ولا وش يخلي البنت تسوي كذا إلا أنه ماشافت حوله أحد
وعلى قولة جدك الكيماوي لعب بهم
بالعكس كذا فضحت الرجوله لأن خيبة وقلة حياء البنت من هجران ولي الأمر عنها أو أنه واطيه عليهم وطي
ياثقل دمكم ثقلاه وياصبر البنات عليكم لو انا البنت ماخذكم لو تغرقونن بالملايين وأنتم معروف مقدماً وش تتسوون في محيط الحياة الزوجيه
أحترامي لبعض للرجال
فديكا التميمي
02-01-11, 10:38 pm
شكل جدك عمى
وشلون عروسه تصير وسخه خخخخخخخخخخخخخخ
قالوا وشدراك بالكذبه قال من كبره ....:)
الفتى السمنسي
02-01-11, 10:47 pm
~
الحآل من بعضه ..!
يوم تغيرت الرجال ..تغيرت الحريم ...!
ويوم الرجال رجال ..كانت الحريم حريم ..!
صح ..
..
صح كلامك .
وجدي لما قال عن عريسات هالوقت انهن وسخات يقصد (الحياة الزوجية بشكل عام) نظافة منزل وجسم وتعتمد على الشغاله بكل شي لويحصل لها تاكل الشغاله عنها ماوفرت الشغاله. ويقول جدي :لاتنس بنات هالوقت يحبن صرف الفلوس شكل جنوني على فاشوش بعكس بنات زمان يحبن يوفرن وطلعوا رجالهن تجار وعندهم بيوت مو زي هالمهبولات ماغير بالعثيم مول او الحسون سنتر ونثر بالقروووش نثر
مشكوره ابلتي رغيد
العـاصي
02-01-11, 10:51 pm
احسن ما في موضوعك عنوانه
تحيتي للجميع
زفرات سنين
02-01-11, 10:53 pm
:
جرب... وأنت تعرف
.
الفتى السمنسي
02-01-11, 11:07 pm
شكل جدك عمى
وشلون عروسه تصير وسخه خخخخخخخخخخخخخخ
والله من الذهانة بعد.
قصد جدي بعد شهر العسل ترجع تصير عجازه ووسخه وماغير متعنقطه بالمحمول أو الجوال وهات تنغيز وطقطقه والبيت حوسه وغرفة النوم مارتبتها وماغير تجطل تقل ناقة حامل .
الفتى السمنسي
02-01-11, 11:13 pm
يبدو والله آعلم ان التخريف قد ادرك جدك :) .
الآن ، ربما قلة الرهبه بسبب المكالمات ، لكن ان تنفي الصفة بشكل كامل هذا من الظلم والتعدي على النساء .
شكلك ماعرست الى الحين ..مالها دخل المكالمات بالحياء مع احترامي لك .
بنات هالوفت حسب كلام جدي العجوز إنهن فالتات ويبن ضبط وربط وماينعطن وجه ويحتاجن لمراقبة دائمة لأن العقل عقل جراده وممكن تنصاد بسرعه.
باسم الثغر
02-01-11, 11:31 pm
بنات هالوقت
بليلة الدخلة هن أحسن من حريم أول
وحريم أول لو يرجع بهن الزمن صارن أفهر من حريم هالزمن
أما مابعد ليلة الدخلة
يعني باقي أيام الحياة الزوجية
ودك تآخذ من ذولي شوي وذولي شوي
وتخلطهن بخلاط
ثم تطلع لك زوجة يحبها قلبك (( مخضرمة )) :)
ياحرام
البنات صغار ع جدك يا فتى؟؟؟
ماينلامون اذا مااستحوا منه
ياخوي كبر ابوهم مدري جدهم هههههههههه
يعني في فرق بين شايب وشاب؟
وترى صدق فيه بنات جريئات وفيه العكس
اشكرك ع الموضوع
ويعطيك العافيه
القصيم ـ بريدة
02-01-11, 11:43 pm
أحلى كف من رغيد للفتى السمنسي
كفيت ووفيت
عذبـــــة
03-01-11, 12:07 am
وش عنده الحج متولي !
ياسهلك يالعباية بتعنقط بها لين سابع يوم من شهر العسل عشان مااطيح من عينه
على طاري الموضوع
موضوع حلقة كلام نواعم الان
ليلة الدخله :)
مع احترامي لك شكلك تنصب بلسان جدك
بنات هالوقت تسوا مليون واربع حبات من الحريم الاوله
اذا طارت ع الواحد قال بنات هالوقت مايستحن
ضماي أنت
03-01-11, 12:22 am
أقول والله من الخربيط أنت وبني جنسك
ما عندكم غير سواليف بنا
كل جيل وله وقته
كانك صادق خل خواتك يسون مثل أول
هرج بالفاضي
اتركونا ترانا ملينا من سواليفكم
قـتـالـه
03-01-11, 12:26 am
وش عنده الحج متولي !
ياسهلك يالعباية بتعنقط بها لين سابع يوم من شهر العسل عشان مااطيح من عينه
كلنا ياحيي بنتعنقط
شكلي ابخلي جهازي كلوه عبايات :)
ونة خفية
03-01-11, 12:28 am
إذا تغيرت بعد شهر ما عليها شرهه لأنها كانت راسمه بأحلامها الوردية شخصية رومنسية حنونه لبقه ذوق وتتفاجأ بأن ماعنده منها شيء مجرد اوهام في اوهام فيجي المسكينه انواع الأحباط النفسي وفتور العزيمة والركود
مجرد إنسانه
03-01-11, 12:41 am
كلن يشوف الناس بعين طبعه
وعلى قوله امي الحريم يبن رجال
وافهمها
هيـبة ملك
03-01-11, 02:56 am
العين بالعين والسن بالسن والبادي اظلم
اكيد جدك وصخ وحالته حاله فصارت مثله
لو هو مرتب تستحي اساسا تصير مو مرتبه عنده
بدرالوابلي
03-01-11, 03:18 am
احم احم ياملا المضراب وبعدين ؟؟
اي شي به طاري ذاك وذاك على طول خذ مراجه وفهاره !!
ابدري وش تحسون به وانتم تاخذون وتعطون بهالمواضيع ((اللوويت)) ؟؟
الفتى السمنسي
03-01-11, 01:39 pm
آلله يرحم ضعفك آنت وعجيزك .. :(
,
آمين .ادري الحقيقة توجع احيانا .
قل لجدك الأحمق يرجع عما قال ، لأنه كذب ثم أفترى وظلم ، أما كذبه فليس بكفؤ لأن يرتبط بأكثر من واحدة ،وافترى على الزوجة وما هي بكائن مخلوق لخدمته والخوف منه ! وظلم بأن جعل هذا نهجه في الحياة وفكرة ، فهو ظالم لنفسه ولمن يسمع له ، وفي الأخير أيها الفتى عليك ببناء نفسك وعقلك فأربأ عن الجهل بما يفيدك وقم عن مراقد الحمقى والمغفلين إن كنت حقاً طري اللحم والعظم ؟! فو الله أني لمتحسر عليك وعلى أمثالك من الأبناء والبنات ،والله ولي التوفيق والقادر عليه وصل الله وسلم على محمد بن عبد الله وعلى آله وصحبة الطيبين الأطهار ، وإلى اللقاء في الحلقة القادمة ..
Miss Tala
03-01-11, 02:32 pm
الى يوم القيامه مايعجبكم العجب ولاصيام رجب ....
مهندس ارواح
04-01-11, 05:01 am
سلم على جدتك وقل له
ماغير الناس الا ذي العولمه
على بالنا تطورنا اثرنا تدحدرنا
وبيني وبينك الرجال مايبي المقشره
يبي له وحده هو يقشرها علىى راحته
سمر العبدالله
04-01-11, 09:26 am
اسمحلي جدك ماعنده سالفه .
اللي تغير مو الزمن اللي تغير هم البشر وهذا شيء طبيعي لأن كل شيء تطور مع الزمن .
المرأه عزها الله بالإسلام لكن يبقى لسؤال : هل أعطيت المرأة كامل حقوقها حسب الشرع؟؟؟
.
الفتى السمنسي
04-01-11, 01:35 pm
ان صارت الوحدة تستحي
قلتوا ماينفع الوحدة تستحي الزوج يبي الجريئة اللي تدلعه من أول ليلة
واللي ماتستحي
هذي قليلة حياء
ويالله اننا داخلين عليك ,,
عموما
الى الحين فيه بنات يستحن ويتنافضن من الحياء
والجريئات الله يزيدنا واياهن من نعيمه ,,
والله يهدي بال جدك ولا يجعل النساء أكبر همومه
موفق ,,
وراك حمقة علي وعلى جدو ؟؟
مافيه احد يشتكي من حياء المرأه بل بالعكس يزيدها حلا . لكن فيه بجيحات ومغسولة وجيههن بمرق ومفهيات وهاجتن كشرتها وتعبر وتدبر وهي في ليلة زفافها .
الفتى السمنسي
04-01-11, 01:41 pm
يعني الرجال احب عليهم اللي بعباته ؟
نتكومر ومالوه .. تسان التكومر يخليننا ننفق :)
ياخي الوساخه اللي هو شاف وينهيبوه ؟
الوساخة شافها يوم قضى شهر العسل صارت تبطح تقل بقره ولا تكنس ولاتطبخ وماغير متعنقطة باللابتوب وترد على مواضيعها والرد لايتعدى كلمتين (يسلمو على المرور) .
تَمَرّدْ
04-01-11, 03:31 pm
اسمحلي جدك ماعنده سالفه .
اللي تغير مو الزمن اللي تغير هم البشر وهذا شيء طبيعي لأن كل شيء تطور مع الزمن .
المرأه عزها الله بالإسلام لكن يبقى لسؤال : هل أعطيت المرأة كامل حقوقها حسب الشرع؟؟؟
.
غريبه متأكده انك راده على الموضوع ...!!
غريبه ماكتبت اشباه رجال :p
أحب نفسي
04-01-11, 03:56 pm
ياربيييه حرنآ بكم ,,:(
وش نزين طيب ,؟
نستحي ولآ مانستحي ؟! :(
بعدين ترآ حتى الجريئآت تلقطهن الروعه بذآك اليوم ..
سلم ع جدك وقلّه لآتولف ,, ويآحبك للحريّم :)
يعني الرجال احب عليهم اللي بعباته ؟
نتكومر ومالوه .. تسان التكومر يخليننا ننفق :)
ياخي الوساخه اللي هو شاف وينهيبوه ؟
قتاله ..
دائما تستوقفني كلماتك مماتجعلني اقطب حاجبي واحاول قراءتها وازاله المبهم عنها ولكن لاجدوى ..!
افصحي قليلا يافتاة العرب بمعنى " نتكومر ومالوه" ؟! ولو كان سيبويه حيا لقتلك حتى لاتتفوقي عليه بلغتك المذهله :)
قـتـالـه
06-01-11, 11:23 am
قتاله ..
دائما تستوقفني كلماتك مماتجعلني اقطب حاجبي واحاول قراءتها وازاله المبهم عنها ولكن لاجدوى ..!
افصحي قليلا يافتاة العرب بمعنى " نتكومر ومالوه" ؟! ولو كان سيبويه حيا لقتلك حتى لاتتفوقي عليه بلغتك المذهله :)
ياحيي انا قايلتها من زمان .. اللي يحس حالوه من ربايا فرانكفورت يجيب له تورجمان
على حسابوه ماني مكلوفتن بخلق الله :)
vBulletin® v3.8.8 Alpha 1, Copyright ©2000-2025, vBulletin Solutions, Inc Trans by mbcbaba