عاااجل..إطلاق نار عند إشارة البيبسي...

[منطقي]

نفذ افراد المرور كمين يساعدهم افراد بسيارات مدنية وملابس مدنية كمين عند إشارة البيبسي وصادف صاحب جيب ربع شباب وجود النقطة او مايسمى بين الشباب بالكمين وهرب منهم بأن اتجه لطريق الثاني معاكسأ واتجه صوب طريق الربيعية وعند مروره من افراد المرور المدنين أطلق عليه أحدهم النار أمامي وكان الجيب مليان شباب صغار سن ولم يؤثر على هروب الجيب وواصل هروبة وانطلق خلفه خمس دوريات ولا أعلم ماحصل..
السؤال.. هل يستدعي هذا الموقف إطلاق النار وخاصة أن افراد المرور يعلمون أنهم صغار سن وليسوا باارهابيين؟؟
سؤال آخر.. هل يستدعي هذا الموقف مطاردة هذا الجيب بسبب أنه يدور فقط ؟
لنفترض لو حصل لهم حادث بسبب مواجهتهم للسيارات القادمة من طريق الربيعيه من يتحمل هذا الحادث وهو مليان 5 شباب صغار سن.؟؟؟؟

[ولـ’ـد بـريـ’ـدة]

للأسف مثل هالاشكآل مآفيه رقيب عليهم !!

وقبل شوي وآحد من افراد القوآت الخاصه يقولي نزل رجلك وانا جالس جنب السوآق ضحكت انا على انها مزحه قآلي انت شكلك تبين اعقدهآ عطني اثبآتك !!


حسسبي الله ونعم الوكيل

[الــرزيــن]

خخخخخخخخـ


ويزعلون لاقلنا ( أغلب ) عسكرنا همج

[شـهـد]

الله يهديهم والله امر غريب صحيح يشوفون اطفال ليش يسون كل هالضجه
وكمان الخطأ عليهم هم شككو ع انفسهم وهربوآ ...
والله صحيح لو صار لهم حادث من المسؤال ..؟ الله يحمينا ويكفينا شر الدنيا
وربي يحمي شبابنا من الفتن ..والشرطه الله يهديهم صايره دوبهم دوب هالمراهقييين ...
اشكرك يأإخي ...

[Abu-HassaN]

الله لايجيب الشر ,

[قشعان]

ليتهم ذابحينه
كل من هرب اتركوه وكثرة السرقات والخطف ومافيه اي
روح لأمريكيا شوف كيف تطبيق النظام بأي سيارة ترتكب الهرب

[khuzama2000]

يعني مافية صغار سن ارهابين

بهدين هذول هم سبب التفحيط وقطع الاشارات

[الموج الاحمر]

اول شي انت وش دراك انهم مو ارهبيه؟؟؟
وثاني شي انت وش دراك انه يلحقونهم عشان دوران؟؟؟
ياشين الى يشوف حدث بعدين يجي انزله ويولف قصه من عقله
من المستحيل ان يصلق رجل امن على شخص الا باوامر من فوقه
يعني الشخص المطلق عليه يستاهل
وان كانك تقول انه معه مبزره هذا مو دليل انه مو ارهابي الحين بدو يمهون في الحرير وش عاد المبزره
رجل مرور يعطيك قسيمه هذي يمكن على كيفه
اما رجل شرطه يطلق نار هذي مو على كيفه ارواح الناس مو لعبه
افهم الشي الى قلته ولا عمرك تنزل موضوع الا وانت متاكد من جميع الاحداث

[خالد ابو سليمان]

السلام عليكم

اوامر اطلاق النار ثلاث

بالهواء

بالعجلة الخلفية

مباشرة على الشخص اذا تبادل معك اطلاق النار

وهروب الشخص هذا في هذه الطريقه يكون عليه اكثر من علامة استفهام

وما تتحرك اي دورية الا في امر من ضابط الميدان او عمليات مرور

وفق الله الجميع ..........

[ابن حمادة]

مشكور اخوي
انا اتفق معك انه مايستدعي الامر الى اطلاق نار ممكن اصغار وخايفين من مخالفه ولا غير ذلك من استدعى ولي امر
ولكن هذا التنازل والنظره الى صغار السن وتغاضي بعض رجال الامن عن تطبيق النظام بحجة العاطفه والامر مايستاهل
جعل هيبة رجل الامن لا خوف منها ونتج عن هذا كثرة سرقات السيارات والهروب وغيرها من المشاكل وعدم احترام النظام
اخي لو لي سلطه وتنفيذ اوامر بالامن اي سيارة تجاوز النظام ولم تستجيب للامتثال للاوامر اطلاق النار وحجز المتسبب حتى اي شخص اذا ناظر رجل الامن يحسب 1000 احساب لتفادي الموقف ويحترم النظام
شكراًلك وتقبل مروري

[نجداوي]

لنفترض لو حصل لهم حادث بسبب مواجهتهم للسيارات القادمة


طيب واذا ماتو وين المشكله ؟!


هالاطفال اصحاب السيارات ازعجونا وازعجو خلق الله

الله يشغلهم بانفسهم

[فهد العنزي]

مرحباً عزيزي ..

أنا كنت متواجد بالموقع لحظة أطلاق النار بالهوى من قبل دوريات المرور قرابة الساعة الثانية ونصف مساءاً ..
ولم يتم مطاردته حسب ماذكرت خمس دوريات .. بل تم الأبلاغ عنه والتعميم على شكل السيارة فقط .. رغم انه أغلق نور السيارة وسلك طريق الربيعة .. الله يهدي شبابنا ..

[Shawly]

ماودي أقول ليته فاقعن مخه لأنه مسلم

بس أنا سمعت أن الدوريات مسموح له إطلاق النار بعد الساعة 12 من أي سيارة ماتوقف

وبعدين المبزره مايعقلون إلا إذا شافو المسدس وخاصة راعين الهيلوكسات

لأنهم تعودو يشوفون حلاو مصاص يحسبون الدنيا كلها كذا

[في خاطري شي]

هذا من اخطاء المرور تاركهم فتره طويله يعثون في الارض فساد تفحيط
وما خفي كان اعظم


سؤال هل مسموح للا طفال بقيادة السياراة لان قائدي الهيلكس والجيب الربع اغلبهم اطفال ؟؟

[منطقي]

اول شي انت وش دراك انهم مو ارهبيه؟؟؟
وثاني شي انت وش دراك انه يلحقونهم عشان دوران؟؟؟
ياشين الى يشوف حدث بعدين يجي انزله ويولف قصه من عقله
من المستحيل ان يصلق رجل امن على شخص الا باوامر من فوقه
يعني الشخص المطلق عليه يستاهل
وان كانك تقول انه معه مبزره هذا مو دليل انه مو ارهابي الحين بدو يمهون في الحرير وش عاد المبزره
رجل مرور يعطيك قسيمه هذي يمكن على كيفه
اما رجل شرطه يطلق نار هذي مو على كيفه ارواح الناس مو لعبه
افهم الشي الى قلته ولا عمرك تنزل موضوع الا وانت متاكد من جميع الاحداث

اشكرك على مرورك اخوي..
تقول وش دراك انه مو ارهابيين؟؟ يااخي الجيب مر من عندي ووجيههم واضح انه صغارين سن راعين دوران هذا اول شئ..
تقول وش دراك انه عشان دوران ؟؟ مثله مثل غيره تفاجأ بنقطة تفتيش وحاول يهج..
تقول من المستحيل انه يطلق النار واقولك هذا اللي صار قدام عيني حتى في احد الاعضاء كان شاهد واقرأ الردود.ولا عمرك تكذب احد ولولا غرابة اللي صار ماكتبت الموضوع..
تقول افهم هالشئ ولا عمرك تنزل موضوع,, وانا اقولك مو انت اللي تفهمني متى انزل موضوع لانك جالس في بيتك ولا تدري عن اللي صاير واقول الله يعين اللي معك في البيت احسك حقنه مالك الا رأيك..

[صاحب السمو]

يارجااااااااااااااااال عساه يتأدب بس

دامك خايف عليه يرتهب ليش يخالف النظاااااااام
أجل أبا أعاكس وألحقوني لين توقفوني
هزلت يالغالي وهالمبزره كلن يدعي عليهم أزعجوا خلق الله الله يهدي شباب المسلمين

[$ابوريشه$]

انا اشوف انه يستاهل اللي جاه

المفروض اي واحد يهرب من نقطة التفتيش ينال جزاءه

والا وش فايدة رجال الامن ونقاط التفتيش ,, للزينه مثلاً

وبعدين وش خايفين منه , اقصى ماله مخالفه

[الخل الوفي]

ذكرت المشكلة وكانك بينهم وتعرفها وذكرت ماقامو به رجال الامن وايضا حللت فعلهم وكانك مطالب

بذلك التحليل ؟؟

اخي العزيز كتبت الموضوع وتدخلت في امر قد يكون خطيرا فلماذا !!!!

[الموج الاحمر]

اشكرك على مرورك اخوي..
تقول وش دراك انه مو ارهابيين؟؟ يااخي الجيب مر من عندي ووجيههم واضح انه صغارين سن راعين دوران هذا اول شئ..
تقول وش دراك انه عشان دوران ؟؟ مثله مثل غيره تفاجأ بنقطة تفتيش وحاول يهج..
تقول من المستحيل انه يطلق النار واقولك هذا اللي صار قدام عيني حتى في احد الاعضاء كان شاهد واقرأ الردود.ولا عمرك تكذب احد ولولا غرابة اللي صار ماكتبت الموضوع..
تقول افهم هالشئ ولا عمرك تنزل موضوع,, وانا اقولك مو انت اللي تفهمني متى انزل موضوع لانك جالس في بيتك ولا تدري عن اللي صاير واقول الله يعين اللي معك في البيت احسك حقنه مالك الا رأيك..

هههههههههههههههههههههههههه
يعني انت تتوقع انهم مو ارهبين
هههه العاطفيه الزايده هذي مو موجوده في نظام العسكريه
المخطي = يعاقب
وبعدين انا افهمك وافهم عشره من امثالك الفرحين الى اول مابشوفون حدث يفرح ويجي ينزل مو ضوع
وانت تقول اني حقنه
كلن يشوف الناس بعين طبعه

[قشعان]

8
8
8
ههههههههههههه هدو اللعب http://www.buraydh.com/forum/images/icons/icon10.gif
احس ان العضو منطقي راكب وراء بالجيب ومرتاع الى هلحين وأول مانزل ببيتهم نزل موضوع

[منطقي]

8
8
8
ههههههههههههه هدو اللعب http://www.buraydh.com/forum/images/icons/icon10.gif
احس ان العضو منطقي راكب وراء بالجيب ومرتاع الى هلحين وأول مانزل ببيتهم نزل موضوع


اخوي قشعان انا كنت واقف عند الاشارة ومعي عيالي ومو راعي هالخرابيط من دوران وغيره..

[منطقي]

ذكرت المشكلة وكانك بينهم وتعرفها وذكرت ماقامو به رجال الامن وايضا حللت فعلهم وكانك مطالب

بذلك التحليل ؟؟

اخي العزيز كتبت الموضوع وتدخلت في امر قد يكون خطيرا فلماذا !!!!


أشكرك اخي الخل الوافي على ردك.. والكن سبب كتابتي للموضوع .. أنني غير مؤيد لكل اللي صار من هروب من الشباب ومن دوران وغيره كذلك غير مؤيد لإطلاق النار لأنه لو أصيب أحد الشباب صدقني ماراح احد ينفع العكسري اللي أطلق النار وكل راح يتخلى عنه..

[منطقي]

مرحباً عزيزي ..

أنا كنت متواجد بالموقع لحظة أطلاق النار بالهوى من قبل دوريات المرور قرابة الساعة الثانية ونصف مساءاً ..
ولم يتم مطاردته حسب ماذكرت خمس دوريات .. بل تم الأبلاغ عنه والتعميم على شكل السيارة فقط .. رغم انه أغلق نور السيارة وسلك طريق الربيعة .. الله يهدي شبابنا ..


اشكرك اخوي ابو هنادي.. اخالفك بقولك انه لم يكن هناك مطاردة من درويات المرور..
انا كنت عند الاشاره وأمام عيني هذا المنظر بكل تفاصيله عكس الطريق وخلفه خمس دوريات مرور رسمية ولا اعلم نهاية ماحصل في الأخير..

[فيصل العنزي]

هذا مقطع الشاب أنقتل بتبوك باليوم الوطني برصاصة عسكري
من المسئؤل . . . من أعطى الحق للعسكري بإطلاق النار

طيب أنت تدري أنه مراهق . . . . !!!!

حسبي الله ونعم الوكيل

ويظهر لنا المقتول بالدقيقة 1:05

http://www.youtube.com/watch?v=iI4yNZZzEQA

[محمد الربدي]

اخواني الاعزاء المرور مايطلق النار وانتهى الموضوع


السالفه مو ارهابيه

[منطقي]

اخواني الاعزاء المرور مايطلق النار وانتهى الموضوع


السالفه مو ارهابيه



أشكرك اخوي محمد على مشاركتك ولكن والله الذي لااله إلا هو انه حصل امامي وبامكانك مشاهدة أحد الردور من الأخوان هنا كان مشاهداُ هذا الموقف أمامه..
وهذا سبب كتابتي للموضوع هنا أنه رجل مرور ويطلق النار ...؟؟؟

[الــرزيــن]

ياناس أنا معي زوجتي وبنتي

واقف عند اشارة البيبسي ومليانه الإشارة شباب

جت سيارتين مدنيات وقفلوا الخط وبدأو يسجلون أرقام اللوحات

طيب أنا معي عيالي ورايح لبيتي يتسجل رقم لوحتي ليش


فرضاً جاي لبيتنا أو رايح للإستراحة

ليش تسجل رقم لوحتي وأتبهذل ؟؟

[منطقي]

ياناس أنا معي زوجتي وبنتي

واقف عند اشارة البيبسي ومليانه الإشارة شباب

جت سيارتين مدنيات وقفلوا الخط وبدأو يسجلون أرقام اللوحات

طيب أنا معي عيالي ورايح لبيتي يتسجل رقم لوحتي ليش


فرضاً جاي لبيتنا أو رايح للإستراحة

ليش تسجل رقم لوحتي وأتبهذل ؟؟


إحمد ربك مانط احد الرصيف واطلقوا النار عليه ..؟؟

[ركان]

شكرا للجميع اقول مايصلح كل يتكهن على كيفه

أكيد رجال الامن أبخص بالموضوع

[محمد الربدي]

طيب وش الحل معهم اشغلونا الله يشغلهم في انفسهم التفحيط بشارع القناة اخر الليل واغلب

اللي يفحطون لهم مصادر في المرور وبل اغلبهم من المزاين ويتعرف عليه رجل المرور ويخليه الواد


حقه الله لايبلانا ويستر على المسلمين بــــــــــــــــــــــــــــــــــــــس

[حمورابي]

ياخوي معقولة

لاحول ولاقوة الا بالله

[رآغب بدون ع ـلآمه]

اللي قاهرن

ان اكثر المراهقين طافين بالهروب من نقاااط التفتيش { مرور - درويات ْْ

وكان الامر عادي


الا اطرووده و اطلقوا النار عليه

و خل تربيته تنفعه

[عاشق الهلال]

الله يهدي شباب المسلمين

[شموخ أنثى]

الله يستر على المسلمين

[عبـدالله الحبيتر]

أجل صديقي العزيز

إذا مر أرهابي لو سمح الله مرة ثانية وعاكس ونط الرصيف

لأحد يطلق النار يمكنه شخص جالس يدور

أقول أرحمنا الله يرحم والديك المبزرة هذه أزعجو المسلمين

أقل من التهديد مانبي إلى الأمام يارجال الأمن

خاصة أصحاب الهايلوكس والربع

[biz]

انا شفته نط الرصيف والدوريات وراه وعكس الطريق انا جاي من الجهه الجنوبيه والله تخيلت نفسي اتابع فلم مطاردات (درايف ) وبعد ما عاكس الطريق فيه مرور سري قفل الطريق ودورية مرور وقفوا بوسط التقاطع وانا طلت من بينهم كانت الاشاره فاتحه لنا كانت الحادثه هذه بالضبط الساعة 1.50 دقيقه على طول شفت فلم الاكشن ناظرت الساعة فيه واحد قالي انه الى حول الفجر وهم مطاردات مع صاحب الجيب

[بـــريـــداوي]

الله يهدي الجميع

[هـلـي]

ماودي أقول ليته فاقعن مخه لأنه مسلم

بس أنا سمعت أن الدوريات مسموح له إطلاق النار بعد الساعة 12 من أي سيارة ماتوقف

وبعدين المبزره مايعقلون إلا إذا شافو المسدس وخاصة راعين الهيلوكسات

لأنهم تعودو يشوفون حلاو مصاص يحسبون الدنيا كلها كذا

يشوفون حلاو ومصاص ؟؟
يارجال لاتعم كل راعين الهايلوكسات
وانا معي هايلوكس واعرف الاسلحة وانت بظهر ابوك
ومهب كل من ركب هايلوكس قلت انه بزر هذا يدل على نقص عقلك

[حميدالراشد]

وانت تبي الدوران مثلن هذا الدوران يسبب اي خراب يخطر ببالك سرقات جرائم ترويج تفحط بالاضفة الى هز الامن بحيث يتعودون على مجارات رجال الامن رجال الامن فيهم كبير وفيهم صغير السن الاصابع ماتتساوى قديحث خطا بس يبقى خطا فردي فجميعنا معرضون للاخطاء ولا يعمم على افراد الجه باكملها لاتدور ولا تفحط ولا احد متعرض لك والا رح للفنجال ودر لمين تدوخ ماحد قايلك شي بدون ماتتعرض لاحد وشكرا ,,,,,دمتم بود

[راعي الخيل]

طيب ياللي تعذرون لراعي الجيب وهل انتم متاكدي بانه امطلوب او لا او مسوي شي ؟

[شريدح]

هههههههه
هذا حال ربعنا العسكر ماهي اول مره
لابس ترا المصيبه اعظم يتفاخرون في المجالس انا رميت على فلان راعي الجيب رقم
مافي رقيب ومافي حسيب
ولاصارت مصيبه اخفيت اثار الاوراق وكان مافي شي

[مالتيزرز]

الله يعافيهم ولا يبلانا ..

[ام الزعيم]

رجال الشرطه دائما هم الصح عند مروسيهم رغم ان الغلط

راكبهم من فوق الى تحت والا لماذ يعالج الخطا بخطا اكبر منه

ولو كان هؤلاء الشباب من جماعته لضرب لهم تحية ولكن ماذا نقول؟

هل الارواح البشريه اصبحت رخيصه لهذه الدرجه واقول الاخوة الذين

يويدون افعال الشرطه سياتى يوما عندما يكبروا عيالكم وتنستنكرون افعالهم