ما ادري فاهم الغيره غلط والا الشك عامل عمايله ؟

[مهندس الكلمات]

يوم الاربعاء الماضي طلعت من البيت وكنت متوجه لدوام وكان الوقت بحدود الساعة 12 الظهر
طبعاً ركبت السيارة و اخذت انتظر على بال ماتحتمي السيارة المهم بعد لحظات جاء جارنا العزيز واخذ يقدم سيارته ويرجعه الين صارت سيارته تبعد عن باب بيتهم ربع متر اذا لم تخني الذاكره !!!
الغريب بالا مر اخذ حدود ثلاث دقائق وهو جالس بالسيارة لا والمشكله جالس يطالع فيني وانا جالس افتح بدروج السيارة واسكرهم ( يعني ودي اوصله رساله اني مشغول وماني لمك ياجارنا العزيز )

المهم جلس ينتظرن عشان احرك سيارتي واظف وجهي لكن مافيه فايده
لكن بعد لحظات انفتح الباب اللي جنب السواق ...
انا فهمته وهي طايره
جارنا العزيز جايب اخته من المدرسه ومايبين اشوفه !!!
( على غفله سندرلا والله العظيم لو يقول تزوج أختي بلاش وتكلفة الزواج علي ماتزوجته )

المهم حركت السيارة وانا اقول بيني وبين نفسي فاهم الغيره غلط والا الشك عامل عمايله ؟

طبعاً عزائي الوحيد هو
ان مثل هالعينات موجوده بكل مكان يعني مثل ماصرت اليوم بمحل شك غيري صار له مثلي ويمكن اكثر ....... يعني الحمدلله على سلامتي !!!

[نجداوي]

مفهوم التحفظ امر لم يتلاشى بزوايا المجتمع

مثلا اسماء الامهات او الاخوات وغيرها

تعتبر من الخصوصيات المحرمه عند البعض

مابالك الشكل او كشف وضع معين مثل ماحصل معك اليوم


*بنظره جريمه

رغم ان الوضع بالاساس طبيبعي جدآ ولايحتمل الخيارات


واغلب هالتصرفات تجدها بالمستشفيات من اساليب غريبه عجيبه وتتفرع الى الهمجيه السطحيه المناطه بالوسواس القهري المتراكم من الجاهليه الاولى للبشريه


كان الله بعون الجميع

شكرآ لك اخ مهندس

[مهندس الكلمات]

مفهوم التحفظ امر لم يتلاشى بزوايا المجتمع

مثلا اسماء الامهات او الاخوات وغيرها

تعتبر من الخصوصيات المحرمه عند البعض

مابالك الشكل او كشف وضع معين مثل ماحصل معك اليوم


*بنظره جريمه

رغم ان الوضع بالاساس طبيبعي جدآ ولايحتمل الخيارات


واغلب هالتصرفات تجدها بالمستشفيات من اساليب غريبه عجيبه وتتفرع الى الهمجيه السطحيه المناطه بالوسواس القهري المتراكم من الجاهليه الاولى للبشريه


كان الله بعون الجميع

شكرآ لك اخ مهندس


كفيت ووفيت اخوي نجداوي
كلامك كله درر

[التنين الصيني]

موضوع جميل .....

نحن امة وسطا .....

فلا تجب المحافظة الزائدة عن الحد فينقلب الوضع الى مرض نفسي وهو الوسواس ..

وبالمقابل الثقة الزائدة عن الحد واللتي في غير محلها , فينقلب الوضع الى اهمال ..

فالحرص مع الثقة والحوار = المناعة ...

شكرا لك ...

[بطلة العالم]

غيره زائده
وبمصطلحي (شيطان حب)

[أبو الريش]

هذا مثل جارنا

لاجاء ينزل مقاضي البيت يتلفت يمين ويسار ويخلي الشغاله تنزلهن لو تشوف شكله وهي مسرعه وتنزلهن تموت من الضحك معلمينه على الجحاده ويكرهـ شيئ اسمه جيرهـ دينه ولادين احد يسكن بجنبه

تبي الصراحه هذا مرض حتى تلقاه يطفي اللمبه اللي عند بيته علشان مايدري احد انه ساكن من قوة الجحادهـ يعني مثل النعامه لادخلت راسه بالارض:p

[Miss Tala]

الحمدلله على سلامتك اشوى مانزل وقال وراه ماتخلص

[Queen of buraydh]

الله يعافيهم ولا يبلانا يارب

[روفه]

( على غفله سندرلا والله العظيم لو يقول تزوج أختي بلاش وتكلفة الزواج علي ماتزوجته )

color][/size]

حاط حرة أخوها عالبنيه المسيكينه

غيره

الله يخليلنا رجالنا وغيرتهم المعتدله

[عازفة ألحان الليل]

( على غفله سندرلا والله العظيم لو يقول تزوج أختي بلاش وتكلفة الزواج علي ماتزوجته )
ههههههههههه

وانت صادق

يمكنه ملكة جمال القصيم على غفلة وخايف عليه هههههه

هذي قل ثقة اما بالبنت او بالناس اجمع

لذالك يخالجة الخوف والظنون كل ماشاف اخته برا البيت
.
.
.

[باسم الثغر]

يمكن فيه عمال حولك ماانتبهت لهم
فالرجال ضيقوا صدره

وإلا الجار ماتقدر تغبي عنه شي
يبي يشوف حريم جاره بالداخلة والطالعة
صعبة كل مرة يرص السيارة عند الباب



هذا مثل جارنا

لاجاء ينزل مقاضي البيت يتلفت يمين ويسار ويخلي الشغاله تنزلهن لو تشوف شكله وهي مسرعه وتنزلهن تموت من الضحك معلمينه على الجحاده ويكرهـ شيئ اسمه جيرهـ دينه ولادين احد يسكن بجنبه
أبو الريش

هذا يخاف من العين
أو إنكم تشرهون عليه بالعزيمة :)

[سراج اللوذه]

يمكن تكون عرجا أو به شي من الشلل ..
أو أنه المسكين غريزته مفرطة وخيالة يصور له جسد المره
في كل حزه ..لدرجة أنه لا يمكن يفكر بالأنثى من غير شهوه
ويحسب كل الناس مثله !!!


لا وناهيك عن بعض الناس .. يصير الشنب ما لياً وجهه ..
وإذا صادفته عند بقاله أو محل .. ومعه الهانم ..
ياقف دونك ودونه .. ويتنافض ويحاكيك وهو مركزاً
على عيونك يخاف تلتفت عليه أو تلمح له زول !!
الله يخلف ...
آخر واحد .. سوى معي هالحركة ..
التقيت فيه .. فيما بعد .. ومعي أم العيال ..
أمير أصوت له .. وتجي .. قلت هذا فلان
ولد الفلان اللي أمه فلانه .. وقلت له
هذي أم فهد ...
طمبس وسكت .. قالت أم فهد .. مسيك بالخير .. قال وهو يتنافض هلأأأأ الله يحييك



يااااااحييييييييف الرجال بس

[eivl girl]

اخته بكيفه مايبيك تشوفها

[محارهـ]

* مرحباً مهندس الكلمات ...

تصرف عادي
... هنالكـ آباء أسر يتمنون أن يفرغ لهم النخيل أو العثيم
ساعة من نهار من أجلهم .. !

تذكرت جار والدتي .. يعلم من منا تخلفت عن الأجتماع الأسبوعي لدى والدتي .. !

[التنين الصيني]

يمكن تكون عرجا أو به شي من الشلل ..
أو أنه المسكين غريزته مفرطة وخيالة يصور له جسد المره
في كل حزه ..لدرجة أنه لا يمكن يفكر بالأنثى من غير شهوه
ويحسب كل الناس مثله !!!


لا وناهيك عن بعض الناس .. يصير الشنب ما لياً وجهه ..
وإذا صادفته عند بقاله أو محل .. ومعه الهانم ..
ياقف دونك ودونه .. ويتنافض ويحاكيك وهو مركزاً
على عيونك يخاف تلتفت عليه أو تلمح له زول !!
الله يخلف ...
آخر واحد .. سوى معي هالحركة ..
التقيت فيه .. فيما بعد .. ومعي أم العيال ..
أمير أصوت له .. وتجي .. قلت هذا فلان
ولد الفلان اللي أمه فلانه .. وقلت له
هذي أم فهد ...
طمبس وسكت .. قالت أم فهد .. مسيك بالخير .. قال وهو يتنافض هلأأأأ الله يحييك



يااااااحييييييييف الرجال بس

اعتقد ان ما فعلته صحيح ... ولكن

السباحة عكس التيار متعبة جدا ....

تقبل تحياتي

[عاشق ديرتي بريده]

يمكن انت فهمت غلط وشكيت بالوضع

يمكن جالس بالسياره يتكلم مع اخته او ينتظر احد يفتحت الباب علشان تنزل

ويمكنه سامع عنك انك راعي قز خخخخخخخخخخخخخخخ

الا انت وشوله قاعد تفتح بالدروج تبي تشوف وش يبي يصير !!!!!

[خالــــــــــــــــــد]

بعض الناس طبعهم كذا

وفي مثل هذة الحالات يكون التغافل (عن عمد منك) حاضرا في مثل هذة المواقف

لانه لو نظرت من جميع الاتجاهات لا تجد مبررا لما فعل ,,,,,,,,

[| ~ ســمــو ~ |]

مرحبـــا ..

انت تسرعت في الحكم عليه ،
قد يكون جالس يسولف بشغله مهمه او يتشاورون بشي معين ويبي ينهون كلامهم قبل النزول !
ولو كان مايبي تشوف اخته كان مانزلها :)
ومن ناحية انه يقرب للباب >>>> هالحركة حقت جدتي عشان ماتقوى تمشي كثير :)
يمكن جايب جدته :)

..

ومن ناحية الغيرة الزائده هي مرض وتزعج البنت مرررره
زي اللي يقولي قبل ندخل محل سكري النقاب وانا مسكرته ! ودي احطه بالعجانه ! :)


يــ ع ــطــيــك الـــف عـــــــافــيــــــه

[ابو ريما الخالدي]

عزيزي
نفس المشهد يتكرر معي
فجارنا المقابل للبيت لدية بنات وعند خروجه معهن
يخرج وينظر بالشارع فاأذا كان هنالك لايخرجن حتى يذهب
ويصادف هذا ان اكون بالسيارة جالس احميها
فيدخل ويخرج ويدخل ويخرج وهو يهز بشماغه
بمعنى ياأخي أذلف وهذا يتضح من نظراته لي
من بعدها اذا شفته خرج
انزل من السيارة أو ارجع للبيت واغلق باب منزلي حتى يتكل هو بسلامته وسلامة من معه

[مهندس الكلمات]

موضوع جميل .....

نحن امة وسطا .....

فلا تجب المحافظة الزائدة عن الحد فينقلب الوضع الى مرض نفسي وهو الوسواس ..

وبالمقابل الثقة الزائدة عن الحد واللتي في غير محلها , فينقلب الوضع الى اهمال ..

فالحرص مع الثقة والحوار = المناعة ...

شكرا لك ...

كلامك عين العقل
يعطيك العافيه

[مهندس الكلمات]

غيره زائده
وبمصطلحي (شيطان حب)

ما اعتقد انه غيره زائد اتوقع والعلم عندالله شك واساءة نية
شكرا على مرورك بطلة العالم

[مهندس الكلمات]

هذا مثل جارنا

لاجاء ينزل مقاضي البيت يتلفت يمين ويسار ويخلي الشغاله تنزلهن لو تشوف شكله وهي مسرعه وتنزلهن تموت من الضحك معلمينه على الجحاده ويكرهـ شيئ اسمه جيرهـ دينه ولادين احد يسكن بجنبه

تبي الصراحه هذا مرض حتى تلقاه يطفي اللمبه اللي عند بيته علشان مايدري احد انه ساكن من قوة الجحادهـ يعني مثل النعامه لادخلت راسه بالارض:p


ابو الريش والله جاركم ارحم من جارنا يعني شره على نفسه
الا صحيح ماينفع نعقد صفقة تبادل جيران بيني وبينك !!!

[مهندس الكلمات]

الحمدلله على سلامتك اشوى مانزل وقال وراه ماتخلص


اهلا Miss Tala


اي والله الحمدلله على سلامتي
المره الثانيه اذا شفته جايب اخته راح اكتب وصيتي بالسيارة

[مهندس الكلمات]

الله يعافيهم ولا يبلانا يارب


اللهم امين
شكراً على مرورك

[مهندس الكلمات]

حاط حرة أخوها عالبنيه المسيكينه

غيره

الله يخليلنا رجالنا وغيرتهم المعتدله

لا والله ماقلت الا الحق

[مهندس الكلمات]

( على غفله سندرلا والله العظيم لو يقول تزوج أختي بلاش وتكلفة الزواج علي ماتزوجته )
ههههههههههه

وانت صادق

يمكنه ملكة جمال القصيم على غفلة وخايف عليه هههههه

هذي قل ثقة اما بالبنت او بالناس اجمع

لذالك يخالجة الخوف والظنون كل ماشاف اخته برا البيت
.
.
.

اهلا شمس الصباح

هذا الواقع للاسف وان كان الاقرب هو قل ثقه وشك بالناس

[مهندس الكلمات]

يمكن فيه عمال حولك ماانتبهت لهم
فالرجال ضيقوا صدره

وإلا الجار ماتقدر تغبي عنه شي
يبي يشوف حريم جاره بالداخلة والطالعة
صعبة كل مرة يرص السيارة عند الباب




أبو الريش

هذا يخاف من العين
أو إنكم تشرهون عليه بالعزيمة :)




هههههههههههههـ


فعلا الواحد لازم يدور مبررات وحجج لجاره حتى لو ما اقتنعت انت بنفسك

يعطيك العافيه باسم الثغر

[مهندس الكلمات]

يمكن تكون عرجا أو به شي من الشلل ..
أو أنه المسكين غريزته مفرطة وخيالة يصور له جسد المره
في كل حزه ..لدرجة أنه لا يمكن يفكر بالأنثى من غير شهوه
ويحسب كل الناس مثله !!!


لا وناهيك عن بعض الناس .. يصير الشنب ما لياً وجهه ..
وإذا صادفته عند بقاله أو محل .. ومعه الهانم ..
ياقف دونك ودونه .. ويتنافض ويحاكيك وهو مركزاً
على عيونك يخاف تلتفت عليه أو تلمح له زول !!
الله يخلف ...
آخر واحد .. سوى معي هالحركة ..
التقيت فيه .. فيما بعد .. ومعي أم العيال ..
أمير أصوت له .. وتجي .. قلت هذا فلان
ولد الفلان اللي أمه فلانه .. وقلت له
هذي أم فهد ...
طمبس وسكت .. قالت أم فهد .. مسيك بالخير .. قال وهو يتنافض هلأأأأ الله يحييك



يااااااحييييييييف الرجال بس


يقولون كلا يشوف الناس بعين طبعه
لذلك يمكن تكون نضرتك صحيحه
على العموم يعطيك العافيه سراج اللوذه

[مهندس الكلمات]

اخته بكيفه مايبيك تشوفها

اهلا eivl girl

ماقلنا شي بس ماتوصل ان الواحد يشك باخلاقيات وتربية جاره !!!

[مهندس الكلمات]

* مرحباً مهندس الكلمات ...

تصرف عادي
... هنالكـ آباء أسر يتمنون أن يفرغ لهم النخيل أو العثيم
ساعة من نهار من أجلهم .. !

تذكرت جار والدتي .. يعلم من منا تخلفت عن الأجتماع الأسبوعي لدى والدتي .. !

اهلا محاره
مافهت كيف تصرف عادي ؟
اذا كنت تقصدين انه تصرف معتاد عليه بمجتمعنا فهذا الواقع للاسف
واذا كنت تقصدين انه مقبول فهنا اختلف معك فاساءة الظن والشك بالاخرين شي يحز بالخاطر

وبخصوص جاركم
انا اشوف انه يعاني من مرض الشرافه وحب الاستطلاع
ولكن ارى ان ينضم لاجتماعكم الاسبوعي وان حصل اضيفوه لكرت العائلة وعلى مسؤوليتي

[مهندس الكلمات]

يمكن انت فهمت غلط وشكيت بالوضع

يمكن جالس بالسياره يتكلم مع اخته او ينتظر احد يفتحت الباب علشان تنزل

ويمكنه سامع عنك انك راعي قز خخخخخخخخخخخخخخخ

الا انت وشوله قاعد تفتح بالدروج تبي تشوف وش يبي يصير !!!!!

اهلا عاشق ديرتي بريده

لاما فهمته غلط الموقف تكرر اكثر من مره وبصور مختلفه لكن المره هذي غير

[المنطق]

انا اشوف المنظر من زاوية اخرى ..


يبدو لي العيب فيك انت وليس في جارك ..

انت من توهم وخلق هذه القصة والظنون ..

من خلال لا شيء ملموس !

أنت من ساوره الشك والريبه ..

أنت ومن خلال حديثك حاولت ان تراها ..

ولم يتسنى لك ذلك لفرب السيار بجوار الباب ..

ولم تستطع رؤيتها بما فيه الكفايه ..

أنت اترك عنك هذه الشكوك وأغفل عن جيرانك تعش سعيد ...

أرجو ان تتقبل وجهة نظري بصدر رحب ....

[مهندس الكلمات]

بعض الناس طبعهم كذا

وفي مثل هذة الحالات يكون التغافل (عن عمد منك) حاضرا في مثل هذة المواقف

لانه لو نظرت من جميع الاتجاهات لا تجد مبررا لما فعل ,,,,,,,,

كلامك صحيح اخوي خالد
فعلا هذا الحل الامثل معهم صعب تغير من قناعاتهم وتزيل الوسواس من رؤسهم

[مهندس الكلمات]

انا اشوف المنظر من زاوية اخرى ..


يبدو لي العيب فيك انت وليس في جارك ..

انت من توهم وخلق هذه القصة والظنون ..

من خلال لا شيء ملموس !

أنت من ساوره الشك والريبه ..

أنت ومن خلال حديثك حاولت ان تراها ..

ولم يتسنى لك ذلك لفرب السيار بجوار الباب ..

ولم تستطع رؤيتها بما فيه الكفايه ..

أنت اترك عنك هذه الشكوك وأغفل عن جيرانك تعش سعيد ...

أرجو ان تتقبل وجهة نظري بصدر رحب ....

واذا قلت لك والله العظيم ماكنت ابي اشوفه
على العموم انا ذكرت باحد الردود ان الموقف تكرر معي اكثر من مره ولكن بصور مختلفه
ولكن يقولون مايحس بالنار غير واطيها
شكرا على مرورك اخي المنطلق

[ع ـروووبة]

هههههههههه

لا هذي حالته مستعصيه مرررة

يعني قايل لأخته لاتنزلين لين يرووح هالجار


والله غريب أمرة مررررة


أحيانآ تفهم الغيره خطأ وخصوصا لا قال عيب

تقوول إسم المرة ‏...‏!!‏

[المنطق]

واذا قلت لك والله العظيم ماكنت ابي اشوفه
على العموم انا ذكرت باحد الردود ان الموقف تكرر معي اكثر من مره ولكن بصور مختلفه
ولكن يقولون مايحس بالنار غير واطيها
شكرا على مرورك اخي المنطلق




لا عليك الأن تأكدت ..

من أحساسي ..

بسوء نظرتك للأخرين !

عندما غيرت معنى معرفي ..

لم يكن ذكاء منك كما تتخيل ..

لكنه خبث و تصرف أحمق ..

كان الله في عون جارك .....

[سهاد]

هههه تذكرت ابو جيراننا يفضي الشارع قبل تنزل مرته خخخخ
وهو مايفوت مره الا ويقززه

[محارهـ]

* مرحباً من جديد

اهلا محاره
مافهت كيف تصرف عادي ؟

من شدة ماهو مشاهد في حياتنا .. أصبح عادي وتصرفهـ غير مستغرب