بدون عنوان ..... 1مهستر

[مهستر]

السلام عليكم ورحمة الله وبركاته

اخواني الاعضاء : مرحبا بكم جميعا .. اتمنى ان تكونوا بصحه وعافيه




نبدأ بالموضوع :

الحقيقه مااعرف وشلون ومن اين ابدأ .. ولكني ابدخل بالموضوع بدون مقدمه ..


حنّأ شلّة شباب ... ستة اشخاص .. رجال ولافيهم اي كلام .. مانب امدحهم عشانهم اصدقائي ..

لانهم مهب هم الوحيدين لي ..

والدليل انهم رجال .. واحد منهم حرم نفسه من سيارة يموت عليه من زمااااان .. ولكنه

راح و طلّع سيارة جيب آخر

موديل لأهله عشان تنقلهم من مكان الى مكان >>>بلا منّة عيال الخالات
لانه موظف خارج المدينه وعطى السيارة اخوه الصغير ..


ويتحمل على نفسه ثلث راتبه يروح قسط للسيارة من أجل أهله ..

أليس هذا رجلاً يستحق الأخوّة ..؟؟

وكلّهم والله كذلك ... وجميعهم متخرجين من الكليه وجامعيين ومثقفين ..


الشّاهد من القصّه أن عيبهم الوحيد .. أن الخمسة جميعهم مدخنين


عافنا الله واياهم... ماغير أنا ... تارك الدخان بفضل من اكثر

منذ اكثر من اربع سنوااات والحمدلله... وأنا أعاني من تدخينهم عندي الامرّين .. اتذكّر

الريحه .. وتصير جلستنا سُحب ركاميه غير مُمطره >> من الدخّان..

ونحن منذ مدة طويله نجلس مع بعض ...

لكنّي الحمدلله مازلت تاركه هالطاعون ..



انا ماادري يااخواني واخواتي وش اسوي معهم .. انا احبهم وهم بعد

لكني اتضايق من الدخان .. مالعمل ..؟؟




ابي رايكم يااخواني .. اتركهم والا مااتركهم ..؟؟؟


يهمن رايكم

[انتظرتك]

لاتتركهم علشان كم زقاره
بس خبرهم أنك ماتتحمل الدخان
وهم راح يراعونك بحيث مايدخنون عندك ...

[سراج اللوذه]

أرجع للتتن .. كلش ولا ربعك .. هم راس المال ...
كم سنه تبي تعيش يا بعدي.. يعني يبي يطيح من عمرك ثلاث سنين ..إذا نكست ؟

[الفعل المضارع]

خفف الزيارات

ومن الناحية الصحية المدخنين حالا منك لأنك تدخن بشكل سلبي وهم يدخنون بشكل ايجابي

[تَمَرّدْ]

أرجع للتتن .. كلش ولا ربعك .. هم راس المال ...
كم سنه تبي تعيش يا بعدي.. يعني يبي يطيح من عمرك ثلاث سنين ..إذا نكست ؟

والله من الشر بهالراس بعد

عوذه منكم ومن نصايحك

[سراج اللوذه]

^^
الولد يا بنيّتي أسمه .. مهستر .. وشلون تنحل المعادله ؟!

الله يعصمنا وياه ويستر عليتس

[تَمَرّدْ]

^^
الولد يا بنيّتي أسمه .. مهستر .. وشلون تنحل المعادله ؟!

الله يعصمنا وياه ويستر عليتس

والله ياخيي اللي خلاك تنهبل مب عجز يخليه يعقل

آمين يارب ويعصم اخيي ويستر على بنات المسلمين

[مهستر]

^^
الولد يا بنيّتي أسمه .. مهستر .. وشلون تنحل المعادله ؟!

الله يعصمنا وياه ويستر عليتس



وانت تبي تحكم على الاعضاء من خلال معرفاتهم ..؟؟


يهمك المعرّف وبس ..؟؟


طيب انت اللحين اسمك سراج .. هل انت جماد يعني ..؟؟

مثل السراج ماتتحرك ابد..؟؟




لاتشطح عن الموضوع ... عليك باللب ودع القشر ..



الله يهديك ويهدينا

[ămōяẻ]

الرجال يبي نصيحة

مو تنفير

خوش نصايح


طيب يالغالي بامكانك مصارحتهم بانك ودك ماحد يدخن
وان دخن احد ابطلع
وممكن يستحون منك ويقلون من التدخين

[مهستر]

الرجال يبي نصيحة

مو تنفير

خوش نصايح


طيب يالغالي بامكانك مصارحتهم بانك ودك ماحد يدخن
وان دخن احد ابطلع
وممكن يستحون منك ويقلون من التدخين





نورت الموضوع ياغالي

ماتلاحظ اني اذا قلت لهم ماابغى احد يدخن عندي راح يتضايقون من جلوسي معهم

ويمكن ينفرون من علشان وجع روسهم اذا مادخنوا ..؟؟؟


بارك الله فيك يابعدي

[سراج اللوذه]

يا وليدي أنت وياه .. وشلون تخلي أخوياك عشان زقيّره ..
أجل لو يتدبس خويّك .. بنص حبيبة آخذه بالغلط ..
تبي تبتل تركض هاجاً منه ..وتفارقه إلى يوم الدين ؟!


الله يوفقك وييسر امرك وأمري

[نملهـ فوشيهـ]

آنآ من رآي أنتظرك وعمور
قولهم آني أتضآيق من الدخآن وهم بيرآعونك آكييييييد

[قـتـالـه]

مالك الا تركب لهم شكامين بالسقف,,
صديقة دربي البروفايلي و اللي احبها ماتحط الا زيت دابر املا بشعرها :) :)
ويعرفن السحا وش معنى دابر أملا :(
شي يخلي عيونك تحوقل ونفسك يرقا تقل راقي طلعه ,,
وتجيك جواثيم بالقوايل ماتفك الااذا غسلت راسك بمي بارد ..!
وببعض الايام استشم وما يفكني الا كبو معتق :(
أناضل من اجل البقاء معها وبكافة السبل :)
ويالبا قلبها الفزاعه هي ودابر املا ربي لاتحرمني ذاك الزول ,,
الصداقات مالها ثمن ,, شوري عليك لاتفرقكم التتنه :)

[القلم الصريح]

خل زياراتك لهم بنهار رمضان الجاي فقط ومن السنه للسنه كافي ياوافي
وتكون انحلت المشكله

[أسيل محمد]

**

قلتها لك يوما .. من المفترض ان يحترموك ويحترموا وجودك بينهم ..
على الاقل يخافون عليك من اضراره ..
ان لم يهموا ذلك من انفسهم .. صارحهم .. وحاول ان تنصحهم بتركه
ان لم يستجيبوا لك اتركهم لانك هنا ستعرف من الاغلى عندهم هل السيجاره ام وجودك بينهم ؟

لكن تأكد ان ليس كل مدخن سيء يستحق ان تبتعد عنه ..

[ابن المجمعه]

بما انهم رجال


وقد كلمة رجال رايح يراعونك لوقلت لهم ياشباب اللي يبي يدخن يعلمن اطلع برى


ثق ثقه انهم ماريح يدخنون عندك .


تقبل مروري

[روفه]

اخوي مهستر

بالأول احييك على ارادتك بترك التدخين

وانت مايخفاك اضرار التدخين والا لما تركته

التدخين السلبي يحمل اضرارا ايضا

والصحه لاتقبل المساومه ولا انصاف الحلول

أما ان يتركو التدخين بحضورك

او تتركهم

[رواسي]

السلآم عليكم

والنعم فيك
الدخان أول شيء إنه حرآم والحمدلله تركتهـ


لكن أصحابك أيضآً فيهم خير لكن عيبهم هو اللي يبعد كثير ناس عنهم مو بس أنت

تترك أصحابك مايصير لكن فيهـ طرق تخليهم يفهمون ضيقك من الدخآن
أقرب وآحد لك وأحكمهم وأفهمهم كلمة إن تدخينهم قدآمك يضآيقك
هو رآح يفهم ويفهم الباقين


بالتوفيق
:)

[" TWIX "]

هذي مشكلة بكل الشلل .. أحمد ربك إن خوياك من زقارة وجاي
بعضهم يقطعون بحوش الاستراحة تمشي توطي جراكل ..!!

للبنات ..
تراي أعني القطع بالبالوت..:29_1_16[1

[ســـــالــي]

خفف الجلسات معهم وع شوي شوي لما تبتعد عنهم او قم بنصحهم..
وانت يالسراج اتعرف تنصح وش هالنصيحه لك الولد يبي النصيحه
وانت جاي تجيب العكس الصديق بداله صديق بس النفس مابداله نفس..

[امرؤ القيس]

لاتترك أحد


أنا من طلعت على الدنيا واخوياااي يدخنون ويسافرون براااا لكن أنا عاقل وخصيم نفسي لادخنت ولا سافرت والحمدلله


يعني

العاقل خصيم نفسه هو اللي يحدد مو الناس يحددون له وش يسوي

[| ~ ســمــو ~ |]

مــرحـــب ..

رأيي باختصار شديد انك تقول لاقرب واحد لك من المجموعة ،
يعني تقوله عن رأيك بهالشي بصراحه شديده وشفافيه ..
وخله هو يوصل لهم ..
اذا احترموك وقللوا من التدخين امامك ، مشكورين وماقصروا وهذا ظننا في ناس هذي سلبيتهم الوحيده ..
واذا العكس للأسف يلزمك تقلل الاجتماع فيهم ، ولا اقول تقاطعهم لان الخطا الواحد ما يأثر على عشرة عمر والف صح ..


يــ ع ــطــيــك الـــف عـــــــافــيــــــه ..

اشكر اهتمامك وثقتك بالطرح لنا هنا .. اتمنى لك كل الخير ، وبالتوفيق

[نـور]

بقائك معهم معناته احتمال تدخن


فلذلك اهل الخير كثيرون ابعد عنهم واهرب بنفسك منهم اهم شي صحتك

[نجداوي]

ممكن صداقات بديله !

مو شرط تتخلل بينهم

هداكم الله وووفقكم :

[مهستر]

لاتتركهم علشان كم زقاره
بس خبرهم أنك ماتتحمل الدخان
وهم راح يراعونك بحيث مايدخنون عندك ...



يعطيك اف عافيه اختي

نورتي الموضوع


تخيلي نجلس خمس او ست ساعات

مايدخنون عندي ..؟؟

اعتقد صعبه عليهم قوووه .. لان المدخن مايقدر يجلس ساعه بدون سيجارة ..


ولا اغاهم يتضايقون من جلستي عشان الدخان ..


واخاف ان الموضوع يكون فيه حزازيات ..


شوكرن لك

[غربة جيل]

شجعهم على العلاج من هذا الخبيث لعل الله يشفيهم

وحاول معهم بقدر استطاعتك وان لم يستجيبوا فتركهم اولى

[اخت الفهد]

اخي مهستر انت ليس مهستر بل صالحا مصلحا

اسال الله ان يجعلك مباركا ايننما كنت بالنسبه لاصدقائك اطلب منهم الا يدخنون بحضورك

واخبرهم بتجربتك عندما تركت الدخان وماهي الراحه النفسيه الي شعرت بها عند ترك الدخان

واحضر لهم بين فتره واخرى نشرات ومطويات عن اضرار التدخين

[.. بآآنسك ..]

من المفترض انك تصارحهم كلهم اذا قعدت معهم تقولهم يالغالين لاتدخنون قدامي
لأني اتضايق منه
وهم بإذن الله راح يحترمون تواجدك معهم ولايدخنون قدامك نهائيآ
طالما انك ماصارحتهم بقولتك كذآ ماراح بنتبهون انك منزعج من تدخينهم قدامك

الله يهديهم يارب ويثبتك

[تَـرفْ ♪]

اللي يبي يدخن يطلع برى
ويدخل لاخلص


لاتخالطهم أثناء التدخين
لأنك مع الوقت بتقول: بيجيني منهم تدخين سلبي يعني خاربة خاربة , أدخن أحسن لي !
ف كن على حذر

موفق أخوي

[مهستر]

الرجال يبي نصيحة

مو تنفير

خوش نصايح


طيب يالغالي بامكانك مصارحتهم بانك ودك ماحد يدخن
وان دخن احد ابطلع
وممكن يستحون منك ويقلون من التدخين


وانت غالي ..

اذا صارحتهم متأكد انا انهم راح يراعوني من هالنقطه .. لكن مع الوقت

اكيد راح يملون ويتحاشون الجلسه معي ..

تخيل في هذه الايام البارده .. اللي يبغى يدخن يطلع برّى ..

ياهي بتكون معاناة لهم مو كذا..؟؟؟


تشرفت بحضورك هنا ..

[مهستر]

مالك الا تركب لهم شكامين بالسقف,,
صديقة دربي البروفايلي و اللي احبها ماتحط الا زيت دابر املا بشعرها :) :)
ويعرفن السحا وش معنى دابر أملا :(
شي يخلي عيونك تحوقل ونفسك يرقا تقل راقي طلعه ,,
وتجيك جواثيم بالقوايل ماتفك الااذا غسلت راسك بمي بارد ..!
وببعض الايام استشم وما يفكني الا كبو معتق :(
أناضل من اجل البقاء معها وبكافة السبل :)
ويالبا قلبها الفزاعه هي ودابر املا ربي لاتحرمني ذاك الزول ,,
الصداقات مالها ثمن ,, شوري عليك لاتفرقكم التتنه :)



خخخ .. حلوه منك شكامين ..

والله مدري وش السحا..؟؟

كم انتي رائعه بتضحيتك .. لكن ماتشوفين انك ظالمة نفسك ..؟؟

تشرفت بمرورك اختي

[" TWIX "]

لاتترك أحد
أنا من طلعت على الدنيا واخوياااي يدخنون ويسافرون براااا لكن أنا عاقل وخصيم نفسي لادخنت ولا سافرت والحمدلله
يعني
العاقل خصيم نفسه هو اللي يحدد مو الناس يحددون له وش يسوي

تبي تقنعن إنك منت سربوت ...!!

:ash:

[البحرسي]

انا رأيي لك طال عمرك انك ما تكثر النصايح لانك راح تخسرهم وراح تحس انك غريب بينهم.. افضل شي انك تحاول تجلس up wind ‎اي عكس اتجاه الريح عشان ما يجيك الدخان.. وبعدين حاول تنصحهم على انفراد وخل هذا تحدي بينك وبين نفسك انك تخليهم يقلعون عن التدخين..لانهم اصحابك والصديق وقت الضيق..
تحياتي

[مهستر]

**

قلتها لك يوما .. من المفترض ان يحترموك ويحترموا وجودك بينهم ..
على الاقل يخافون عليك من اضراره ..
ان لم يهموا ذلك من انفسهم .. صارحهم .. وحاول ان تنصحهم بتركه
ان لم يستجيبوا لك اتركهم لانك هنا ستعرف من الاغلى عندهم هل السيجاره ام وجودك بينهم ؟

لكن تأكد ان ليس كل مدخن سيء يستحق ان تبتعد عنه ..



أنا متأكد انهم يحترموني ..

المدخّن يصعب عليه ترك السيجارة .. بغض النظر عن ما اذا لاجل اي شخص ..

بالتاكيد ان ليس كل مدخن يستحق ان تتركه .


شكرا لك