كبسة بصلية الدجاج وتجربة أولى ناجحة لرز باب الهند ( كشتة عائلية مصورة )

[دهران]

http://i247.photobucket.com/albums/gg130/dehraan/Nikon/besmallah1.png



أيها الإخوة والاخوات الاعزاء .....




http://i247.photobucket.com/albums/gg130/dehraan/Nikon/besmallah2.gif



أمس سلمكم الله كنت كاشت ومعي الوالدة الله يحفظها والعائلة في مزرعة أخوي الكريم نواف الصخيبر ( أبو محمد ) في الغضاء بعنيزة وصراحة إنها كانت رحلة لا تنسى إستانسنا ووسعنا صدورنا ولعبوا الشباب في هالطعوس وشبينا الضو في بيت الشعر اللي يجيب العافية عسى الله يكثر خير راعيه آمين

المهم مالكم بالطويلة , الشباب قالوا نبي بصلية دجاج قلت أخاف ما تجوز لكم قالوا ما عليه إن ما جازت لنا هالمرة تجوز لنا المرة الجاية إن شاء الله ( يعني فيك فيك ) قلنا الله يعيننا ومادام الدعوى كذا قلت خل أجرب هالرز اللي لاعبٍ فيني لعب من لذته ونطعته ( باب الهند ) والصراحة إني كنت خايف ما يضبط لأنه حساس جداً واللي ما يعرف طريقته ماهوب صالحٍ أبد أبد , لكن خذنا الوصفة حقته من كم مصدر وعدلنا عليه بعض التعديلات والحمد لله طلع ( خيااااااااااااال ) , ما نطول عليكم تعالوا نشوف بالتصوير الممل



http://i247.photobucket.com/albums/gg130/dehraan/My%20Subject/basaliahtdejaj/1.jpg
يا زيت بيت الشعر ويازين راعيه عسى الله يحفظه


http://i247.photobucket.com/albums/gg130/dehraan/My%20Subject/basaliahtdejaj/2.jpg
الله يطرح البركة في هالزرعة ويكفيها شر البرد آمين



http://i247.photobucket.com/albums/gg130/dehraan/My%20Subject/basaliahtdejaj/3.jpg
الشباب تحت الرشاش , قمة الوناسة






http://i247.photobucket.com/albums/gg130/dehraan/My%20Subject/basaliahtdejaj/4.jpg
وهنا نبدأ في إعداد القهوة والشاهي

http://i247.photobucket.com/albums/gg130/dehraan/My%20Subject/basaliahtdejaj/5.jpg
ريحة القهوة أشمها وأنا هنا

http://i247.photobucket.com/albums/gg130/dehraan/My%20Subject/basaliahtdejaj/6.jpg
سكري عنيزة , لا يقاوم

http://i247.photobucket.com/albums/gg130/dehraan/My%20Subject/basaliahtdejaj/7.jpg
زبيب أسمر مجفف

http://i247.photobucket.com/albums/gg130/dehraan/My%20Subject/basaliahtdejaj/8.jpg
أناناس مجفف

http://i247.photobucket.com/albums/gg130/dehraan/My%20Subject/basaliahtdejaj/9.jpg
منوعات مجففة

http://i247.photobucket.com/albums/gg130/dehraan/My%20Subject/basaliahtdejaj/10.jpg
فنجال يقعد الراس ويطرد العماس

http://i247.photobucket.com/albums/gg130/dehraan/My%20Subject/basaliahtdejaj/11.jpg
بيالة شاهي أبو جبل تلقيمة طعمها غييييييير








هنا سلمكم الله نبدأ الشغل اللي عليه الكلام


http://i247.photobucket.com/albums/gg130/dehraan/My%20Subject/basaliahtdejaj/12.jpg

http://i247.photobucket.com/albums/gg130/dehraan/My%20Subject/basaliahtdejaj/13.jpg

http://i247.photobucket.com/albums/gg130/dehraan/My%20Subject/basaliahtdejaj/14.jpg

http://i247.photobucket.com/albums/gg130/dehraan/My%20Subject/basaliahtdejaj/15.jpg
المقادير ( بهارات , ملح , فلفل أحمر مطحون , قرفة , ليمون أسود , ماجي , فصوص ثوم حسب الرغبة , فلفل أخضر حار , كيس بصل وسط مقطع شرائح , عدد 2 دجاج منزوع الجلد ومقطع )



http://i247.photobucket.com/albums/gg130/dehraan/My%20Subject/basaliahtdejaj/16.jpg
نبدأ على بركة الله بوضع الطبقة الاولى في القدر وهي عبارة عن نصف كمية البصل المقطع



http://i247.photobucket.com/albums/gg130/dehraan/My%20Subject/basaliahtdejaj/17.jpg
الطبقة الثانية الدجاج



http://i247.photobucket.com/albums/gg130/dehraan/My%20Subject/basaliahtdejaj/18.jpg
الطبقة الثالثة باقي البصل ونغطي به الطبقة الثانية ونقطع معها قرن فلفل أخضر حار



http://i247.photobucket.com/albums/gg130/dehraan/My%20Subject/basaliahtdejaj/19.jpg
ثم البهارات



http://i247.photobucket.com/albums/gg130/dehraan/My%20Subject/basaliahtdejaj/20.jpg
ثم الفلفل الاحمر المطحون



http://i247.photobucket.com/albums/gg130/dehraan/My%20Subject/basaliahtdejaj/21.jpg
ثم الملح



http://i247.photobucket.com/albums/gg130/dehraan/My%20Subject/basaliahtdejaj/22.jpg
ثم باقي المقادير من قرفة وليمون أسود وفلفل اخضر وماجي وفصوص الثوم ( وترى فصوص الثوم إذا وضعت بهذه الطريقة تضمن اولاً عدم إطلاق النكهة في كامل الطبخة وثانياً تحافظ على مكونات وفوائد الثوم أكثر بحيث تقدر تاكل الثوم بعصره من الفص ويصير مثل المايونيز في يدك وتقل رائحته النفاثة أيضا )



http://i247.photobucket.com/albums/gg130/dehraan/My%20Subject/basaliahtdejaj/23.jpg
نغطي القدر ثم نشب عليه النار ونخليه على نار عالية حتى نسمع البلف بدأ في إفراغ الهواء , نقصر عليه ونخليه على نار متوسطة لمدة 20 دقيقة مع ملاحظة أنه يفضل كل 5 دقائق إمساك القدر وهزه من فوق لتحت وعلى الاجناب حتى تتداخل المكونات والنكهات )





http://i247.photobucket.com/albums/gg130/dehraan/My%20Subject/basaliahtdejaj/24.jpg

http://i247.photobucket.com/albums/gg130/dehraan/My%20Subject/basaliahtdejaj/25.jpg

http://i247.photobucket.com/albums/gg130/dehraan/My%20Subject/basaliahtdejaj/26.jpg

http://i247.photobucket.com/albums/gg130/dehraan/My%20Subject/basaliahtdejaj/27.jpg

http://i247.photobucket.com/albums/gg130/dehraan/My%20Subject/basaliahtdejaj/28.jpg
هذا سلمكم الله الرز اللي جربناه اليوم
وأقول للي ما جربه لا يفوتكم , طعمه في الدماغ
وطريقته إننا نغسله بموية وشوي ملح حتى لا تتكسر حبته ثم ننقعه في ماء ساخن قليلاً لمدة عشر دقائق
( ترى هالطريقة أحسن من الطريقة اللي مكتوبة على المغلف لأنهم ما عندهم سالفة جربنا طريقتهم وخرب الرز علينا قبل كذا )



http://i247.photobucket.com/albums/gg130/dehraan/My%20Subject/basaliahtdejaj/29.jpg

http://i247.photobucket.com/albums/gg130/dehraan/My%20Subject/basaliahtdejaj/30.jpg

http://i247.photobucket.com/albums/gg130/dehraan/My%20Subject/basaliahtdejaj/31.jpg
نجهز للرز كشنة خاصة وهي عبارة عن زيت وبصل وفلفل أخضر وبهارات ونخليها جاهزة لحين وقتها



http://i247.photobucket.com/albums/gg130/dehraan/My%20Subject/basaliahtdejaj/32.jpg
نقوم بوضع الرز في القدر



http://i247.photobucket.com/albums/gg130/dehraan/My%20Subject/basaliahtdejaj/33.jpg
وهنا البصلية جاهزة وزي ما تشوفون مستوية ماشاء الله والماء اللي طلع من البصل واللحم والمكونات بنكبه على الرز علشان تطلع كبسة لا يعلى عليها



http://i247.photobucket.com/albums/gg130/dehraan/My%20Subject/basaliahtdejaj/34.jpg

http://i247.photobucket.com/albums/gg130/dehraan/My%20Subject/basaliahtdejaj/35.jpg
هذا ماء البصلية مع الرز



http://i247.photobucket.com/albums/gg130/dehraan/My%20Subject/basaliahtdejaj/36.jpg
نخلي الماء فوق الرز بحوالي سنتمتر واحد ولا نغطي القدر لين يشرب الرز كل الموية ( حوالي 7 دقايق )



http://i247.photobucket.com/albums/gg130/dehraan/My%20Subject/basaliahtdejaj/37.jpg

http://i247.photobucket.com/albums/gg130/dehraan/My%20Subject/basaliahtdejaj/38.jpg
الآن نسكب الكشنة فوق الرز ونغطي بها كامل الطبقة ونغطي القدر ونخليه لمدة 10 دقايق على نار هادئة جداً وتعالوا شوفو الرز عقبها





http://i247.photobucket.com/albums/gg130/dehraan/My%20Subject/basaliahtdejaj/39.jpg
الرز جاهز



http://i247.photobucket.com/albums/gg130/dehraan/My%20Subject/basaliahtdejaj/40.jpg
نشيل الكشنة من فوق الرز



http://i247.photobucket.com/albums/gg130/dehraan/My%20Subject/basaliahtdejaj/41.jpg
ونجفى الرز في الصحن



http://i247.photobucket.com/albums/gg130/dehraan/My%20Subject/basaliahtdejaj/42.jpg
ونكب بصلية الدجاج ولا ننسى الكشنة عاد



http://i247.photobucket.com/albums/gg130/dehraan/My%20Subject/basaliahtdejaj/43.jpg
يا حليلها ( نجد ) قالت بلى رضاعة بلا هم أبي بصلية خخخخخخ



http://i247.photobucket.com/albums/gg130/dehraan/My%20Subject/basaliahtdejaj/44.jpg
بسم الله الرحمن الرحيم



http://i247.photobucket.com/albums/gg130/dehraan/My%20Subject/basaliahtdejaj/45.jpg

http://i247.photobucket.com/albums/gg130/dehraan/My%20Subject/basaliahtdejaj/46.jpg

والحمد لله الذي بحمده تدوم النعم


وتقبلو أعذب وأرق التحايا


أخوكم أبو فارس

[الحبيبـــة]

الله يااادهران تدهر ماشاء الله ..

روعة سلمت يداااااااااك.

متى نطلع للبر علشاااااان اسويها....؟؟؟

ماشاء الله طبخ...تصوير...ابدااااااع...فن ...ماقصرت ابدعت

[نجداوي]

فنان يابو فارس

شكلك راعي كيف

علمنا لاجيت تطلع ثانيه اغدينا نخاويك !

احترامي

[نجداوي]

الله يخليك لعيالك يابو فارس < توه تطلع الصوره


بس الاناناس يوكل مجفف والا مع الطبخ !!

[أنسآم الصبآح]

ماشاء الله ، تبآرك الله ,,
بصرراااحه الشكل النهاائي مشهي جداً
عكس التوقعااااااااااااااااااات ,
الله يقويكم ويزيدكم من خيره
المزرعه لحاله ماشاء الله ، والطبخ لحاله أيضاً ,,
جآري تطبيقها إن شاء الله ,,
بارك الله فيكم أخونا ..

[ابونورة]

أكثر من رائع يا ابو فارس

شغـل مرتب ومنــظــم

أشك أنك سـعودي .. شكلك ياباني :)
هذا الترتيب والتنظيـم مانشوفه ولا في فنادق الخمس نجوم
وأنت ماشاء الله في البر مسـوي كذا ..
أهنيـك وعليكم بالعافيـة والبركـة
وســفرة دائـمة بإذن الله ..


http://i247.photobucket.com/albums/gg130/dehraan/My%20Subject/basaliahtdejaj/3.jpg

الله يصـلحهم ويوفقهـم ويقر عيونكم بصلاحهـم ،،

[الخيآلي]

ماشاء الله كبسه رائعه وكشته منظمه يعطيك العافيه والله يخلي لك عيالك

[>ريانه<]

ياسلام عليك يادهران

طبخ +فن+ابداع بالتصوير

تسلم الايادي يابو فارس

[Queen of buraydh]

ماشاءالله تبارك الله

عافية عليكم يارب


ورز باب الهند لا يُعلى عليه ... من ألذ أنواع الرز ..
شخصيا ما بديت آكل الرز الا بعد ما استخدمته , لكن مشكلته يحتاج الى دهن الدجاج او اللحم عشان ما يتلاصق .. وانا لا احبذا استخدام موية الدجاج واللحم في طبخ الرز لأنها مُضرة

شكراً لك اخوي

[جُـودي]

تسلم الايادي
يعطييييك الف عافيه

[أبو الريش]

أنا ذقت رز باب الهند رائع جداً ونثري وغير متماسك وخفيف

صور رئاعه والله يهديك شنا الصورهـ والغداء باقي له ساعتين وش بيصبرنا

حتى الصحن اللي عليه الرز رائع يشهيك الأكل

[بريداوية تعاونية]

ماشاء الله تبارك الله

شغل مرتب ويفتح النفس

يعطيك العافيه

[آبو بتال]

ما شاء الله
تسلم الايادي
مشكور ياخوي
تقبل مروري

[رمزالحنان]

ماشاءالله الطلعه رووعه
الله يتمم عليكم

[ابراهيم المزيني]

بالهنا والعافية يادهراااان


طلعة روعه

[برنسيسة القصيم]

ماشاء الله يادهران

والله ونااااااااااااااااااااااسه كشته+ذووق+جو+كبسهـ = بالعاافيه على قلوبكم



ابدعت بكل خطووهـ بالتوفيق والله يخليلك عيالك يااارب

[سلفـsilverـر]

الكلاسيكي داخلن بالموضوع .. خلاص الامور تبي تكون عاااااااااااال العاااااال

اخوي دهران

ابدعت ويعجبني هالتنظيم لأن مقولة (نص الحلال نظرة) هي نبراسي بالحياة :)
وانت هُنا عملت عليها بحذافيرها ..

بشرح المقادير .. بعين هالبريموس .. بالكاتم الي يلق ماشاء الله .. والدله الي ترد الروح << شكل اغراضك جديدة يادهران ؟؟ :) ماجاها سنا ههه

ونهاية بوضوح وشفافية الصور والدقه بالالتقاط ,,

عليك بالعافيه والى رحلات وطبخات اكثر متعة وفائدة ,,


برايفت دهران << تقل مار علي هالمعرف بمنتدى مكشات :)

[كيبورد]

ماشاء الله شغل متكتك

[مرافى هادئه]

ماشاء الله شغلك حلووووووووو ونظيف .. سلمت خيوووووو ,, وعااافيه على قلووووبكم

[عادل الحبيتر]

دهران
ما شاء الله طباخ مميز مميز
واضح من الطبخه انها روعه . والتصوير روعه

وميزة رز باب الهند .. أنه حتى لو أستغنيت عن الطماط والصلصه وطبخته فقط مع المويه والماجي الابيض والبصل والدرسين والثوم .. يطلع روعه بعد
أذا أنت تبي يكون لون الرز أبيض
وهذي من مميزات رز باب الهند ..

تحفه الطبخه والتصوير
يعطيك الف عافيه

[نصراوي عسل]

يعطيك العافيه خوش شغل

[●● غندوره ●●]

يااااااااااي تشهي
يعطيك الف عافيه

[اشراقتي شدا]

ماشاء الله تبارك الله

شغل مرتب
يعطيك العافيه

[وليــــــــد]

ماشاء الله تبارك الله

[سْحآبـہ ♥]

ماشاءالله
كبسه رائعه
تسلم الايادي
والله يخليلك اولادك
يعطيك العافيه

[sozo]

أكثر حاجه اعجبتني بالموضوع انه رغم هالجمال والابداع بالشكل والطعم ان الطماط ماله طاري والناس ذابحيننا الطماط غلي الطماط رخص واحنا مالنا اهم شي ان الطبخ يكون صح ونحن دائما نتمسك باشياء وهي ليست اساسيه ويمكن الاستغناء عنها بسهوله شكرا جزيلا للمبدع صاحب الموضوع

[دنيتي بريده]

لا شلت يدك الله يبارك فيك ويخليلك عيالك

[فسقــان]

ما شاء الله
روعه
تسلم الايادي