واير لس جهازي الأصلي + واير لس خارجي (ألفا)

[Modern]

السلام عليكم
صباحكم نور ومسائكم رضا يا اعضاء وزوار ومشرفي قسم التقنية


عندي مشكلة جابت لي الضغط والسكر بخصوص الواير لس
انا حقيقة من بداية استخدامي للنت دايما استخدمه على الكيبل
لكن الفترة الأخيرة مجبر استخدمة عن طريق الواير لس وآه من الواير لس توي احس بمعاناة اصحابه :(
مرات مافيه اتصال خير شر رغم وجود برج او اثنين للشبكة ورغم الاتصال معها
ومرات فيه ابراج كاملة تقريباً والاقتران معها صحيح بس مافيه اتصال
ومرات الاتصال على احسن مايكون
كل هالحلات تصير بزمان ومكان واحد!

تحديث تغيير تجديد كل هالشغلات سويتها

طيب جبت المقوي (الفا) وقالوا لي التايواني افضل شي قلنا ناخذ تايواني
ركبتة الابراج تجيني فل الفل وتمام التمام
اتصل ما اكمل دقايق الا قاطع اتصالي!!
الابراج تجيني فل الفل تمام التمام اسوي اقتران يقترن بس مافية اتصال بالنت يقول تعذر !
احيان اتصل ويتم الاقتران ويتم الاتصال واحلا سرعة واحلا اداء لين ما اسكر جهازي
اجي مرة ثانية وترجع حليمه لعادتها القديمه بعدم وجود اتصال!

وش الحل المناسب الله يخليكم؟؟؟

الشكر لكم مقدماً والله يعينكم علينا :(

[Modern]

معليش تراي متنح يوم اقول واير لس خارجي بالعنوان :(

اقصد مقوي واير لس خارجي
ياليت يعدلها المشرف حتى ماحد يضحك علينا وتكمل :(

[عناية بالبشرة]

هذول حلين نسختهم لك من موقع متخصص جربهم ليما يفيدوك

الاخوة ابوصالح وابوفارس

/

تقوم بازالة تعريف الويرليس لديك بالكامل عن الجهاز وتحذف أي ملفات مسجلة في ملف regedit ومن
ثم تقوم باعادة تشغيل الجهاز الخاص بك، والخطوة التالية هي أن تقوم بتنزيل التعريف الخاص بالويرليس
الخاص بك من اسطوانة الجهاز الأصلية التي معه.


الحل الاخر مودرن


اضغط ابدأ وتشغيل واكتب services.msc وموافق
ابحث عن Wireless Zero Configuration
اضغط عليها دبل كليك واختر تشغيل تلقائي وبعدها
تطبيق وموافق.

[عناية بالبشرة]

:
وهذي احتمالات خلل المقوي عندك
:

لا تستخدم وايرلس خارجي والجهاز فيه وايرلس داخلي
يمكن يكون المشكلة في القطعة او في التعريف

:

اغلب الاجهزة الجديدة فيها وايرليس...
وعملها مثل عمل الادابتر....بتلاقيه في الجهاز باسم wireless lan
او نحو من هذي العباره وتلاقي معها ارقام احتمال....
لانها تختلف من جهاز الى ثاني...ولو مالقيتها تكون تحتاج
الى تعريف.
:
:
وممكن المقوي الي انت تستعمله مو قوي او مايشتغل مضبوط.
المقوي الافضل هو من شركة لينك سيس

[عبدالله صالح العميريني]

حياك الله اخوي ان شاء الله تكون بخير ...
اختنا تحدوها البشر ماقصرت

كما افادة عند تشغيل اي وير لس لازم تعطل الثاني ...

مشكلك على الوير لس الداخلي 95% من تعريف الوير لس او فيروس يتدخل بالموضوع ويعطله ...
5% من المودم فيه خلل بالعدادات او مقبل على عطل ...

اما الفا كان نظامك ونديز 7 له اعدادات خاصه

[Modern]

تحدوها
تشكرات عالتجاوب السريع والجميل
حقيقة جميع الطرق اللي ذكرتيها سويتها :(
وجميع الملاحظات شيّكت وحصلت اني متفاديها :(

بس مع كذا المشكلة مازالت فيه واعاني منها




بو صالح مشكور على التجاوب حبيبي
بالنسبة لحالة الاتصال وهل هي صحيحه صدقني الامور صحيحه
صح اني عليمي بس موب لدرجه اني اشغل واير لس الجهاز وواير لس خارجي بوقت واحد ههه
المودم سليم بدليل ان اللي يشتغل عليه بكيبل زي الفُل بس المشاكلة اللاسكلي ؟!

التعريف 12 مرة اعيد تنزليه من الـ cd الخاص بالمقوي

يالله ربك يحلها
شكرا شكرا لكم جميعا

[فـــارس]

ان صارت لي المشكله على نظام xp
كان بنفس الوقت يفصل ويشبك
اذا شبك ادخل على قوقل ثم يفصل (يهبل بي

هي يااحدى حلين
ياعندك مشكله فايروس يعطل لك الوايرلس بالالفا
او احذف تعريف الالفا ثم عيد شغيل الجهاز ثم اعد تثبيته

وياري تفيدنا ايش نوع نظامك

[.: Mr.Ali :.]

اعد تحميل الالفا

[Modern]

اهلين فارس وبريدة سبعة

زي ماقلت لكم الالفا الحين سويت اعادة تحميل لة للمرة الـ 12
وكلها بنفس الطريقة اللي ذكرتوها
بس مافي حل :(


مشكلتي نفس مشكلتك اللي ذكرتها يافارس بالضبط!

الويندز عندي اكس بي

[فـــارس]

طيب لا تثبتها كل شوي
اول شي احذف التثبيت ثم اعد تشغيل الكمبيوتر ثم اعد تحميلها
من الضروره اعادة تشغيل الكمبيوتر

[عبدالله صالح العميريني]

التعريف 12 مرة اعيد تنزليه من الـ cd الخاص

اذا عندك النظام مايقبل التعريف ابحث عن تعريف اخر او سو فورمات ولا تركب التعريف الموجود بالسيدي ابحث عن بديل

[.: Mr.Ali :.]

هذا تعريف
انشاء الله يظبط معك
تفضل
http://www.mediafire.com/?d9pptnjiibkbrsk

[Modern]

فارس
بو صالح
بريدة 7

والله ماقصرتوا

انا سويت حذف للتعريف الاول
واعاده تحميل التعريف مرة ثانية
بعد ما سويت اعادة تشغيل
حتى الان الاتصال كويس ومافصل
ولو فصل بستخدم التعريف اللي عطيتني اياة يابريدة 7
ولا نلجأ لتوصيات بو صالح

الغريب سويت بحث في قوقل وحصلت كثييير يشتكون نفس المشكلة اللي اعاني منها :(