كولي ( ..... ) !!!؟؟؟

[زمن الغرباء]

كنت أكلم وحدة من زميلاتي بالمسن ..

وكنا نتمازح انا وهي

ومن ضمن مزحها

قالت : كولي تبن تراه مفيد لك !!!

الله يكرمكم ويعزكم ويرفع قدركم عن هالكلمة ..

أنا ضحكت ومازعلت والله وعادي عندي لأني متأكدة انها تمزح وأعرف غلاي عندها

لكن مهما كان

بعض الناس حتى وهو يمزح - تبارك الرحمن - يتنقى الفاظه تنقي ماشاء الله _ ويحاول انه مايجرح مشاعر أحد

الله يجعلنا منهم ,,,

اضاءة ,,,

عن امير المؤ منين عمربن الخطاب رضي الله عنه انه قال:ـلولا ثلاثة ما أحببت البقاء في الدنيا {أن أدير الخيل لأمة محمد تغزو بها في سبيل الله، وأن أكابد التهجد في جوف الليل، وأن أجالس أقواما ينتقون أطايب الكلام كما ينتقون أطايب الثمر}.

بالتوفيق للجميع ,,,

[كــفـايــة]

موضوع نوووكته صراحة


هذي كلمات تقال في المجالس وفي الاسواق والشوارع لكن ماتنقل على انها مواضيع تبحث وتناقش وانها ذات اهمية


عن نفسي لا اجد شيء ابحثه في هذا الموضوع


ولا اعتقد ان مثل هذا الكلام ينزل من قيمة الشخص الادبية اذا اذا اريد بها استنقاص


اما في المزح فتذوب كل الاشياء ويزيل الشك


واللي اعرفه ان التبن غالي الايام هذي وعليه سوق مو بسيط وخاصة مع جفاف الارض

[مخملية روح]

اللهم اسقنا الغيث عاجلاً ....






المجتمع ..
هو من يتحكم بالألفاظ ..قد تستوقفنا ألفاظ في مجتمع آخر يختلف معناها في مجتمعنا ...

[سحايب نجد]

اجل وش رايك وحده معي بالمسن كاتبها لزميلتها وحشتيني بالكلبه خخخخخخ الله يكرمكم

ارفض مثل هذه الكلمات لانو اصلا ماتجوز شرعا وعقلا وحتى لو من باب الميانه مانقولها

[| ~ ســمــو ~ |]

ياحبي لك بسسس


طيب خلي زميلتك تقرا هالموضوع يمكن المره الثانيه تقول كولي حلاوه زي زميلتي اللي تسوي مؤدبه ههه

[قـتـالـه]

ياملغهن السحا هن ومزحهن !
ايقالها تدللك .. ليتنا من حبكم سالمين ..
وكله كوم ولمنك جزتيلها بالجلسه وقالت وه منتس ياحماااره وهي تعض اصبعها تدللاً
انا عن نفسي تقمط كل مشاعري ومعهن وجهي >:mad:
وتراودني نفسي اقلبها هوشه بس اتفل على بليس واتصدد لين اهجد !

[فديكا التميمي]

يبقى ألاهم اللي بالقلب ياااكثر ماامدحونا ومن ورانا يخلف الله

http://www.buraydh.com/forum/images/icons/icon9.gif

[ونة خفية]

هلا بالغائبة الحاظرة
(كولي تبن ) يا كبرها كبرها
قسم بالله ياما وياما تخاصمنا و زاعلت ناس علشان مثل هالكلمات التي تعبر عن قلة ذوق صاحبه وفوضويته حتى في انتقاء كلماته مع الآخرين
يعني تخيلي تروين سالفه حقيقية وتنط بوجهك وحده من دهشتها ودباشتها وتقولك ( كذابه ) قدام الكل وانتي صادقة وإلا انقلعي وضفي وجهك وياقبحه لو وحده تقولها لأمها وإلا ابوها وإلا اخوها العود
بس لدى المعظم القدرة على التغيير إلى الأفضل مع المجاهده.

[دِيم]

بعض الناس حتى وهو يمزح - تبارك الرحمن - يتنقى الفاظه تنقي ماشاء الله _ ويحاول انه مايجرح مشاعر أحد

الله يجعلنا منهم ,,,


:(

أنا أعاني من صديقتي الذوق ..:(

مشكلتي معها ..:
بعمممممممرها ماجرحتني ., ولا تلفظت بأي كلمة وحنا لنا فوق الأربع سنين مع بعض ..:(
لا بكلمة ولا بتلمحية .. ولا حتى بزلة لسان ...
من جد مقهورة منها ..!!
أبيها تزعل علي لو كذب ..
تعتب علي لو كذب ...
اي شيء تسويه ..
,



زمان كان على بالي إن هالنوعية من البشر مملين .. وثقيلين دم ..
لكن هي كسرت القاعدة ...

ربي يحفظها ويزل لسانها . لو مزح ... :)

[نـور]

البعض يقول اللباقة تخلق الرسمية

[Qassimy]

لا أحب المجاملات في التعامل بين الأصدقاء داخل استراحة , فالرسميات في التعامل يلغي التلقائية
في التعامل الجاذب للوناسة والنكت العابرة

[زين نجد]

كلامك واقعي..

والمشكلة الكبار قد يقولونها مازحين ولكن مشكلتنا أن صغارنا يسمعون هذا الكلام ويطبقونه..

ونحن نريدهم ان يكونوا أسوياء..

دمتِ بود،،،

[زمن الغرباء]

هذي كلمات تقال في المجالس وفي الاسواق والشوارع لكن ماتنقل على انها مواضيع تبحث وتناقش وانها ذات اهمية
اذا كانت الالفاظ مو مهمة أجل ايش المهم ؟؟؟

اما في المزح فتذوب كل الاشياء ويزيل الشك
بالعكس ... أحيانا المزح طريقة المزح هي اللي يسبب التنافر .. اذا كانت بطريقة خطأ

واللي اعرفه ان التبن غالي الايام هذي وعليه سوق مو بسيط وخاصة مع جفاف الارض


بس ماخصص للبشر ,,

موفق ,,

[انتظرتك]

ياكثر ماقلت ...... انثبر بس
تحرونه تشبه قولة كل تبن ...!

[زمن الغرباء]

اللهم اسقنا الغيث عاجلاً ....

امين ,, امين ,,, امين


المجتمع ..
هو من يتحكم بالألفاظ ..قد تستوقفنا ألفاظ في مجتمع آخر يختلف معناها في مجتمعنا ...

بغض النظر عن الاختلاف
لكن الكلمات اللي تعرف معناها .. أعتقد أنها تؤثر في شخصية الانسان ..

شكرا عزيزتي ,,,[/size]

[زمن الغرباء]

اجل وش رايك وحده معي بالمسن كاتبها لزميلتها وحشتيني بالكلبه خخخخخخ الله يكرمكم

ارفض مثل هذه الكلمات لانو اصلا ماتجوز شرعا وعقلا وحتى لو من باب الميانه مانقولها

تكرمين والله ,,
صدقتي .. حتى لو من باب الميانة .. المفروض الواحد يتأدب بألفاظه

موفقة ,,,

[زمن الغرباء]

ياحبي لك بسسس


طيب خلي زميلتك تقرا هالموضوع يمكن المره الثانيه تقول كولي حلاوه زي زميلتي اللي تسوي مؤدبه ههه

ههه
الا بجد مؤدبة زميلتك
منورة حبيبتي ,,

[زمن الغرباء]

ياملغهن السحا هن ومزحهن !
ايقالها تدللك .. ليتنا من حبكم سالمين ..
وكله كوم ولمنك جزتيلها بالجلسه وقالت وه منتس ياحماااره وهي تعض اصبعها تدللاً
انا عن نفسي تقمط كل مشاعري ومعهن وجهي >:mad:
وتراودني نفسي اقلبها هوشه بس اتفل على بليس واتصدد لين اهجد !

هههههه
أي والله ياقتالة
مامثل الواحد يهجد
لأن كثير من الناس مايقصد
بس متعود لسانه على كلمة ويرددها دايم ,,

موفقة يالغلا ,,

[زمن الغرباء]

يبقى ألاهم اللي بالقلب ياااكثر ماامدحونا ومن ورانا يخلف الله

http://www.buraydh.com/forum/images/icons/icon9.gif

يافديكا ..
صح القلب أهم شئ
لكن حتى الألفاظ
تأثر بالنفس حتى لو هي مزح ..

موفقة ..

[زمن الغرباء]

هلا بالغائبة الحاظرة
(كولي تبن ) يا كبرها كبرها
قسم بالله ياما وياما تخاصمنا و زاعلت ناس علشان مثل هالكلمات التي تعبر عن قلة ذوق صاحبه وفوضويته حتى في انتقاء كلماته مع الآخرين
يعني تخيلي تروين سالفه حقيقية وتنط بوجهك وحده من دهشتها ودباشتها وتقولك ( كذابه ) قدام الكل وانتي صادقة وإلا انقلعي وضفي وجهك وياقبحه لو وحده تقولها لأمها وإلا ابوها وإلا اخوها العود
بس لدى المعظم القدرة على التغيير إلى الأفضل مع المجاهده.

هلا حبيبة القلب ..
يابنت الأجواد
لاتخاصمينهم وتزاعلينهم
سامحيهم والأجر على الله ,,
والله كريم يتغيرون ويرتقون بألفاظهم ,,

منورة ياحبيبتي ,,

[زمن الغرباء]

:(

أنا أعاني من صديقتي الذوق ..:(

مشكلتي معها ..:
بعمممممممرها ماجرحتني ., ولا تلفظت بأي كلمة وحنا لنا فوق الأربع سنين مع بعض ..:(
لا بكلمة ولا بتلمحية .. ولا حتى بزلة لسان ...
من جد مقهورة منها ..!!
أبيها تزعل علي لو كذب ..
تعتب علي لو كذب ...
اي شيء تسويه ..
,



زمان كان على بالي إن هالنوعية من البشر مملين .. وثقيلين دم ..
لكن هي كسرت القاعدة ...

ربي يحفظها ويزل لسانها . لو مزح ... :)

فعلا
زميلتك غامضة
يعني ماتعرفين لشخصيتها
ماتعرفين وش اللي يزعلها ..

لكن ياعزيزتي الموضوع عن الالفاظ الغير لائقة
حتى لو كانت مزح تبقى غير لائقة

موفقة ...

[زمن الغرباء]

البعض يقول اللباقة تخلق الرسمية

ربــــــــــما ,,

شكرا عزيزتي ,,

[زمن الغرباء]

لا أحب المجاملات في التعامل بين الأصدقاء داخل استراحة , فالرسميات في التعامل يلغي التلقائية
في التعامل الجاذب للوناسة والنكت العابرة

فعلا المجاملات مملة بين الاصدقاء اللي يمونون على بعض ..
لكن الألفاظ مهما كانت الميانة لازم تكون محترمة ..

موفق ,,

[زمن الغرباء]

كلامك واقعي..

والمشكلة الكبار قد يقولونها مازحين ولكن مشكلتنا أن صغارنا يسمعون هذا الكلام ويطبقونه..

ونحن نريدهم ان يكونوا أسوياء..

دمتِ بود،،،

أحسنت ,,,

احترامي ,,

[زمن الغرباء]

ياكثر ماقلت ...... انثبر بس
تحرونه تشبه قولة كل تبن ...!

لا
تختلف في المعنى
لكن في قلة الذوق
يتشابهن

موفق ,,

[فديكا التميمي]

يافديكا ..
صح القلب أهم شئ
لكن حتى الألفاظ
تأثر بالنفس حتى لو هي مزح ..

موفقة ..

ياااحبيلتس لاتهتمين خليتس ثالجه مهنا اثلج منتس ماكلشن يحمقتس اهم شي انتي راضيتن عن نفستس وغيره مع جد ابوي ...