ذهبوا لزواج رجل اختهم !

[كــفـايــة]

أهلين

بعض العوايل تجبرك على احترامها وذلك لأنها لم تلطم الخدود وتشقق الثياب مراعاة لمشاعر اختهم على ماقام به زوجها من الزواج بأخرى وربما ثالثة ورابعة بل يقومون أيضا بحضور الزواج حتى وان كان في مدينة تبعد عنهم اربعمئة كيلو متر

كنت في أحد المجالس وذهلت لما سمعت الإخوة ووالدهم ايضا يتواعدون للذهاب لزواج زوج اختهم وهو الزواج الثالث له في الرياض !!

فقلت : ما موقف اختكم من زواج زوجها

فقالوا : عادي وهي الآن في احد المتنزهات تقضي عطلة الحج

وللمعلومية فهي ليست صغيرة بل لديها ابناء كبار على مشارف الزواج .


هل هذه المواقف بنظركم تتكرر من أهل الزوجة والزوجة ام هي نادرة والنادر لاحكم له !!؟



فتكم بعافية

[هلاوين]

احل الله للرجل اربع زوجات طالما ان الرجل يستاهل ومقدر اختى ولم يظلمها مستعد اروح لزواجه لو كان في الصين.

بشرط الايكون ذلك على حساب نفسية اختى بل بعد رضاها وموافقتها بالذهاب .

[كروومه]

مرحبا الف يصير ابوي الله يرحمه رايح لزواج زوج عمتي وكاشخ بعد ورايح من العصر يقول يمكن يحتجونن بشى مع ان عمتي متكدره كثير من هالزواج :x3:

[الطاحونة]

هي على حساب مقدار الرجولة عند زوج الأخت , إن كان إنسانا محترما معطي أختهم حقها ويعاملها بكل تقدير فما المانع أن أجازيه عند فرحته وأتكرم بالحضور فما فعلوه خطوة إيجابية ومقابلة احسانه لأختهم بالإحسان , لا تتعجب يا أخي فمازال فيه رجال ونساء عقولهم تزن جبال .

[فديكا التميمي]

معقووووووله ......!!!!!
اكررررره من قلب والله من القساااوه ....

[قـتـالـه]

مستحيل وضرب من الخيال اذا زوجه بحدا المتنزهات بليلة عرس رجلها
كني فهمت ان هذا الزواج الثالث يعني محطوط فوق راسها وحده وبهالحاله فقط
ممكن تهيص بحدا المتنزهات .. !
اما روحة الابو والاخوان لعرس رجل بنتهم هذي ياعين ابوي انا اسميها
تمرجل على حساب مشاعر بنتهم ..
ومو غريبه على بعض الابوه والاخوان اصلاً ماجابوا خبرها علشان يجيبون خبر مشاعرها!
ولو وحده من خوات زوجة الاخوان يتزوج رجلها عليها تسان تلقى الاخو داقن لطمه
ياعسا من حوله يتلطمون اذا اقبل !
موت وخراب ديار الحين وش عليكم اذا ابوان حريمكم الاولات حضروا او ماحضروا العرس المبخوت .. يعني انقهروا تراي اعرست على بنتكم
لو منكم اتفشل واجحد واخليه عائلي بأقصى سامطه على عملتي السودا مب اشره على اهل زوجتي انهم ماجوا < اهبوا ياقوي عيونهم !

[أسامة99]

كل الصور موجودة في الحياة



ولها انصار ومحبون


الصورة الماثلة أمامكم لها حالات معينة وقليلة حد الندرة لتأييدها من أهل الزوجة والزوجة



منها :


- تأييد الأهل لكون الرجل منصف .

- تأييد الأهل كونهم عقلاء .


- تأييد الأهل كون وضع الزوجى ليست كامل !


- تأييد الزوجة كونها تقدر موقف الرجل من ظروفها .


- جلافة الرجل وغياب دوره داخل الأسرة .


- الاكتفاء بدوره المادي !

[أحلى ابضايه]

أمحق مرجلة الله يخسهم هم ومرجلتهم
اتوقع رجل البنت مقرقش وله منصب وعشان تسذا ذالين ارواحهم له ومايبون يخسرونه
صراحه ذولا كمخ وسامجين هم وبنتهم
وبعذر الرجل لو طق عشر دام هالمماليح نسباوووهـ

[ابن حمادة]

طيب مرايك باللي تحضر زواج زوجه وترحب وتنظم وترقص
بكل حب وفرح دوب اخوانه

[eivl girl]

بعض الرجال زواجه فكه

[ملح الدنيا]

يعرس على اختي واحضر عرسه!!
اقول مايبين اجيب توت معي بعد!!
وش ماكان والله مااطب عرسه
ولو اشوفه قطعت البشت اللي فرح فيه
وجعتن توجعه

[Qassimy]

كفاية
عطنا سبحنية ثانية لكن نبيها تراجيدية غارقة في الحزن :g3:

[مين أصدق]

اتمنى احضر زواج زوج اختي واقولها بصدق لاعيب ولاحرام

لو يدعوني للزواج رحت وحضرته وابارك له

بعدين اشوف ان التعدد للزوجات اصبح محرم بينكم حتى اصبح الرجال يشككون بحلاله واثرو فيه الحريم

اتمنى اتمنى اتمنى من قلب صادق من الله زواج كل ازواج خواتي عليهن واكون اول الحاضرين


اتمنى من كل وحده تثبت لي حرمة الزواج او العيب فيه او يمس العقيده واتحدها

مو تجي وحده تقول طبقتو السنه في شيئ وتركتو شيئ يعني كيف نترك الزواج علشان عيونكم ولا تجلس البنات والمطلقات ببيوتهم وينتشر الفساد او الفساد ينتشر والزواج من اربع لا بس اهم شيئ تكوني امام المجتمع ان زوجك ماخانك على قولتكم اي خيانه هههههه اضحك من قلب على من يتزوج عليها زوجها تقول خيانه وهو شرع وحق من حقوقه



اللي يبي يتزوج واقولها بصدق وصراحه وان كان جاد انا مستعد ادله على الناس اللي يقدرون الرجال

[ملح الدنيا]

اللي يبي يتزوج واقولها بصدق وصراحه وان كان جاد انا مستعد ادله على الناس اللي يقدرون الرجال


[/center][/color][/size][/QUOTE]

اقول ورا ماتبلع ريقك وتنطم>>ههههههههههههههههههه

[ابراهيم المزيني]

اذا كان عادل مع زوجته ويعطيها حقها كامل ..ماالمانع من الحضور اذن

[مين أصدق]

اللي يبي يتزوج واقولها بصدق وصراحه وان كان جاد انا مستعد ادله على الناس اللي يقدرون الرجال
اقول ورا ماتبلع ريقك وتنطم>>ههههههههههههههههههه

[/center][/color][/size]

[/quote]

جزيتي خيرا أو جزيت خيرا

الله يوفقك يارب

[مـ ــ ط ــ ـر]

نعم نادرة ونادرة جدا
وليتنا نأخذ الأمر بهذه البساطة... ياليت

[هذي الدنيا عجايب]

حسب الرجل ورجولته !!

[| ~ ســمــو ~ |]

لانها الزوجه الثالثه بالعكس لازم تكون مبسوطه و تغير جو بالمنتزه :)
لان جارتها الحقيقيه هي الثانيه .. لذلك الثانيه هي اللي تصير حزينه مو الاولى :) :) :)

اما من ناحية حضور ابوها واخوانها صراحه يسمعون بالمراجل ..!

[سمر العبدالله]

هذه هي أخلاق الإسلام والمسلمين .
وحضورهم لزواج زوج إبنتهم يدل على رجولتهم الحقيقية وثقتهم بأنفسهم .
وفيه زوجات تخطب لزوجها وهذا هو الحب الحقيقي مو حب اليومين هذه .حب مصالح ومن أول هزه يسقط وينتهي

[أحب نفسي]

يحضرون ؟
لا وبعد هي بأحد المتنزهات ,, عاد هذا اللي كلش ماتدخل الراس ,, !!
:)

[شميساوي]

ما المانع من الحضور ...

إذا كان الدين الأسلامي أمر بـ التعدد ...

ومن باب قبول الدعوة ...

أحضر هذا الزفاف ...

حتى و إن كان زواجاً على أختي ..

[Chocolate]

ماأقول الى الله لايقهرنا

[نـور]

طيب عآدي يسلمون ويطلعون مآفيهآ شي

وأقلهآ الرجل يخجل شوي من أخول أولده

[كــفـايــة]

كفاية
عطنا سبحنية ثانية لكن نبيها تراجيدية غارقة في الحزن

الحين يقالك حطمتن بها الكلمتين

[جوجو المنتدى]

الله يعين على الدنيا
واذا تزوج كوني ثقه ويا جبل ما يهزك ريح
الرجال اذا فكر بالزواج تزوج لو بعد حين
وعندهم فكرة الشرع حلل اربع
اهم شي عيشي حياتك وطوري من نفسك

[تـولين]

لو كان لي عيال منه يحضرون زواجه أهون علي من أنه يحضره اخواني

اخواني هذولا عزوتي وسندي بالدنيا اذا ماراعوا مشاعري من بيراعيها


أنا ماأقول لاخواني تمشكلو وطقوا وأجرموه

بس يحضرون زواجه ليييييه؟؟

يعني يشدون على يده؟

ولايعترفون للناس الحاضره الزواج انه اختنا مقصره ومعيوبه ونبارك لزواجه وفكته من أختنا؟

وترانا نعين ونعاون بزواجه أختنا الملامه!!

بصراحه فيه عقيات مدري كيف تفكر


مو معناته اني قلت وجهة نظري إني أحرم التعدد هذا شرع ومحلله ربي

لكن أنا أتكلم بحيثيات السالفة وأبطالها وتصرفاتهم هذي مشاعري حتى لو أنا اللي خطبت لزوجي

مايحضرون اخواني!!

عائشة رضي الله عنها رمت بصحيفة حفصة رضي الله عنها عندما أتى بها الرسول عشاء

وبدأ الرسول أفضل الصلا والسلام عليه يلملم الصحيفه وهو يقول غارت أمكم غارت أمكم

بأبي وأمي أنتي يا أم المؤمنين

فكيف نلام نحن يابنات عائشه

[كــفـايــة]

أشكر المتداخلين في المواضيع كل بإسمه وحقيقة سعدت بالآراء المطروحة

ونظرا لضيق الوقت لم يتسن لي الرد على ماجاء بها

[جبل السكر]

اما اهلها يحضروا لزواجها هدا اسمو عباطه
ولو هيا بطولها راحت اكيد منها بوعيها

انا مابعرف ليه الزوجه لمن زوجها (يلي مايستاهل تعيش معاه
دقيقه وحده )يتزوج عليها وهيا لساتها في بيتو
واكره ماعندي عذرها لمن تقول (علشان اولادي) بجلس
يخرب بيت عدوك ياشيخه الراجل مش معتبرك ولا حاطط ليك
قيمه وتقولي اولادي ومااولادي هه

اعرف واحد قصيمي متزوج وحده من (قرايبي)
وهدا الرجال عينو زايغه حبتين كل بعد سنتين اربعه يتزوج
ويطلق وزوجته حضرت كل زيجاته حتى يلي بالقصيم والرياض
جدا واثقه بنفسها وتطلع احلى من العرايس هههه
وفعلا ماارتاح الا معاها وهيا بنفسها تقول عارفه
انو مالو غيري :D
بصراحه بصراحه ماعندو نظر هالآدمي عندو زوجه متلها
ويروح يطالع غيرها
ماشاءالله عليها يلي يشوفها يقول هادي عشرينيه بشكلها
ولبسها واناقتها ولسانها الحلو:g3:
واولادها اتنين منهم متزوجين

بس نرجع ونقول (سعودي) وحده ماتكفيه هه

[فينيسيا]

حتى لو زوج اختي حاطها ملكه على العالم بالكامل احساسا ما اقدر اجرحها حتى لوتكرهه


انا صارت لي مع صديقتي عزمتني اخت طليقها بس رفضت احترمت مشاعرها لانها عزيزه علي مره مع ان زوجها كان يبيها بس هي اللي طلبت الطلاق وتقول الله يوفقه مع غيري

[الأرجوانه]

مستحيل وضرب من الخيال اذا زوجه بحدا المتنزهات بليلة عرس رجلها
كني فهمت ان هذا الزواج الثالث يعني محطوط فوق راسها وحده وبهالحاله فقط
ممكن تهيص بحدا المتنزهات .. !
اما روحة الابو والاخوان لعرس رجل بنتهم هذي ياعين ابوي انا اسميها
تمرجل على حساب مشاعر بنتهم ..
ومو غريبه على بعض الابوه والاخوان اصلاً ماجابوا خبرها علشان يجيبون خبر مشاعرها!
ولو وحده من خوات زوجة الاخوان يتزوج رجلها عليها تسان تلقى الاخو داقن لطمه
ياعسا من حوله يتلطمون اذا اقبل !
موت وخراب ديار الحين وش عليكم اذا ابوان حريمكم الاولات حضروا او ماحضروا العرس المبخوت .. يعني انقهروا تراي اعرست على بنتكم
لو منكم اتفشل واجحد واخليه عائلي بأقصى سامطه على عملتي السودا مب اشره على اهل زوجتي انهم ماجوا < اهبوا ياقوي عيونهم !

ورآآه مستحيلhttp://www.buraydh.com/forum/images/icons/icon5.gif
عآآدي انا امي يوم زواج ابووي كنا بالشرقيه كلنا ومستاجرين شاليه وفالينه ~>بعد كانت تبربس بالبحر http://www.buraydh.com/forum/images/icons/icon10.gif
بعد امي الأولى http://www.buraydh.com/forum/images/icons/icon11.gif

[Modern]

كفاية
عطنا سبحنية ثانية لكن نبيها تراجيدية غارقة في الحزن :g3:



هههه
ياخي رهيب هالرد



كفاية
سالفه اشراف الخبوب وبلعناها
بس هذي صعبة ماتنبلع :a6:

[A K V]

يمكن الرجل كل يوم معرس عليه وتملطت عنده الامور
والا ان الرجل محومن تسبده ماجازله ولاهيب تغار عليه ولاشي بقريح يطير به هو وعرسه

[A K V]

أشكر المتداخلين في المواضيع كل بإسمه وحقيقة سعدت بالآراء المطروحة

ونظرا لضيق الوقت لم يتسن لي الرد على ماجاء بها


ليتي مارديت أجل
الله يصلحك تسان صبرت ماطرحت موضوع الا لاصرت فاضي لاني تحمست ودي ادري وش صار على الرجل وين قضى شهر العسل
ومرته الاوله وين تبي تقضي باقي اجازة الحج خخخخ

[shahd2007]

عاد رايحه لمنتزه قوويه شوي ..!!

مافيه شي لو جلست بالبيت

وبالنسبه لحضو الوالد وعياله لحضور زواج رجل بنتهم عاادي الرجال يشجعون ع هالشي
ويفرحون بالزوجه الثانيه ويتطعمون به لو هي موب لهم

[شـــــادن]

عاد رايحه لمنتزه قوويه شوي ..!!



مافيه شي لو جلست بالبيت

وبالنسبه لحضو الوالد وعياله لحضور زواج رجل بنتهم عاادي الرجال يشجعون ع هالشي

ويفرحون بالزوجه الثانيه ويتطعمون به لو هي موب لهم




هههههههه
شهوده حلوووووه يتطعمون به لو هي موب لهم والله انك جبتيه
يوم العيد الحريم محزنات ووجيههن سود قلت عسى ماشر قالن: نتكلم عن الرجل اللي يعرس ع زوجته
القهر إن اربع منهن جارات لبعض http://www.buraydh.com/forum/images/icons/icon10.gif
مدري شلون ضايقتن صدروهن :)

[ليه يادنيا المحبه]

هذا اللي يخلي الواحـد يدور المنسب الطيب

بعض الناس اذا تزوج الرجل على اختهم او بنتهم تلقا عقولهم اخف من عقول الحريم !!

بالعدواه والبغضاء لـــــــــــــه

واذا هو مكرم اختهم وش المانـــــــع بل احضر واعينه اذا محتاج

[محمد الدحيم]

انا اشوف انها حاله غريبه وغير معتاده فقليل من يذهب لزاج زوج اخته لأنه من الطبيعي انه غيرراضي عن زواجه
لاكن ناس وناس

نقول ممكن