وقاحه

[المنطق]

كيفكم ؟؟

مرتاحين ؟؟

وقاحة


http://cedarnews.net/wp-content/uploads/2010/08/450p5.jpg

فرق كبير بين الجرأءة والوقاحة ..

وقلة الحياء لدي البنات .


بعض ردود البنات هنا أراها جريئة ..


حينما تدافع عن نفسها أو عن بني جنسها .


عندما تخاطب البنت صاحب المحل بصوت عالي .

هل نعتبرها جرأءه أم وقاحة ..


وقلة أدب أو قلة حياء ؟


ماهي نظرتك لسليطة اللسان ؟

البعض يراها ثقة بالنفس .


والبعض يرى ان الهمس ..

والرد الراقي والحياء من أنوثة الفتاة والثقة...

[ماهي من البشر]

قال الله تعالى (فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ)

صدق الله العظيم

[عـــــســـــولــي]

لاجرأه ولا غيرها ..سلاطة لسان المرأه من قلة حيائها وبجاحتها وسوء تربيتها وهالنوعية هن حقات المسيار لأنهن بسرعه يطلقن ومايعمرن بأي زواج .

[ماهي من البشر]

^^^

تريث صاحب الموضوع لم يقل الزوجه ؟
فرق بين الزوجه والبنت بشكل عام

[النرجيسهـ]

اممم..

شوف على حسب البنت .. اذا كانت لحالها بضعهن يدجن وبعضهن لا بالعكس

ب اتكلم عني ..

ووربي مااحب اناظر فعين اي رجال سواء كاشير ولااللي بالمحلات ولازم غطاء يغطي النقاب

يمكن تقول ذي شئ تربينا عليه وعرفناه .. والدين مااحل لنا نكلم ونرفع اصواتنا مع اجانب

وانا مع اني بنت بس اللي تجي كذا صوتها واصل لاخر المحل استحقرها بجد ..

يعني انسي الاهل انسي العادات والتقااليد .. وفكري قبل كل شئ بربك وديينك .. وانهم مااحلو لكم هالشئ ..

[فديكا التميمي]

ماهي نظرتك لسليطة اللسان ؟


الله يرحمتس ياتيته مزنه كل عمره تقول اللي ماله لسان ياكله الخنفسان وهي صااادزه خاصه هالايااام يوخذ حقتس وعيونتس طايره والسبب الحياااء ...
لصار ماخوذن حقتس لوطي لسانتس ولاتحسبين للي قدامتس وغيره اطرقيه ....

[روح لايسعهآ جسـد]

على حسب الموقف
احيانا يصير لك موقف يخليك غصب اطول لسانك
والا يهضم حقك
يعني مثلا المحاسب بالسوق يحاسب وحده جايه بعدي اسكت له ؟
مستحيل !

[النرجيسهـ]

على حسب الموقف
احيانا يصير لك موقف يخليك غصب اطول لسانك
والا يهضم حقك
يعني مثلا المحاسب بالسوق يحاسب وحده جايه بعدي اسكت له ؟
مستحيل !

اتوقع ف السوق ولا غيره

في حاجه اسمها اسلوب غيير اسلوب رفع الصوت اللي عارفينه

الصوت ذا ماغير تجميع اوادم ع الفاضي (تعرفون مجتمعنا عاد) .. يختي استري نفسك ولاتجمعين خلق الله عليك عشان وحده حاسبت قبلك ..!!!!!

شئ عجييييييب هالدنيا والله .!!

[Miss Tala]

والله على حسب اللي قدامك فيه ناس ماتجي الا بالعين الحمراء ..واذا سكت وخفضت صوتك صار هو يلعي ويزعق ويفرج عليك العالم ..بس قبل كل شي الانسان اهم شي مايخسر احترامه لنفسه ...

[╝◄ ساندرا ►╚]

اعتبرهاااا وقاحه
وقلة تربيه

[رونا]

المراة سليطة اللسان بغيضة
واشوفها من نقص الثقة بالنفس
الواثق من خطاها يمشي ملكا

[Qassimy]

وقاحـــة !!

[سراج اللوذه]

ورب أنثى لها عزم لها أدب ..فاقت رجال بلا عزم ولا أدب
ويال قبح فتاة لا حياء لها..وإن تحلت بغالي الماس والذهب
يادرة حفظت بالأمس غالية..واليوم يبغونها للهو واللعب
ياحرة قد أرادوا جعلها أمة..غريبة العقل غريبة النسب
هل يستوي من رسول الله قائده..دوماً..وآخر هادية أبو لهب
وأين من كانت الزهراء أسوتها..ممن تقفت خطى حمالة الحطب
فلا تبالي بما يلقون من شبهٍ..وعندك الشرع إن تدعيه يستجب
سليه من أنا من أهلي لمن نسبِ..للغرب أنا ام للإسلام للعرب
لمن ولائي لمن حبي لمن عملي..لله أم لدعاة الأثم والكذب
هما سبيلان يا أختاه مالهما..من ثالث فأكسبي خيراً أو أكتسبِ
سبيل ربك والقرآن منهجه..نور من الله لم يحجب ولم يغبِ

[فتاةآلمتها الحياة]

انا أُوافقكـ ع كل كلمه كتبتها....


مفهوم الثقه ربما لم يفهمه الجميع:

فالثقه ليست ان ترفع الفتاة او الرجل صوته/ــــا على من هو اكبر منه او ان ترفع الفتاة صوتها ع الرجل مطالبه بحقوقها ...

بل الجرائه الحقيقه هي ان تهمس في اذنه بكل احترام شاكيتا امرها..

وليس الثقه تقف في وجه الفتاة رافعاً صدرك مستعليا عليها عند الخطأ...

بل الثقه هي ان تمسك بيديها مرشداً الى الصواب..

وليس الثقه هي ان تجهر بالمعصيه ع مقصد عدم الرياء وبل تأخذه العزه بالاثم...

الجرائه هي ان تقف ع منابر الدعوه و تنادي بصوت جهور داعياً الى الله...

اشياء كثيره نفعلها خطاً ع سبيل الجُرئه....

....

[قـتـالـه]

فيه نبره سابعه بأصوات بعض الحريم اذا جا معها صوت عالي
تصير الوحده جريئه وقراوه ووقحه حتى لو ماأخطأت بالكلام !
ودي ان فيه معاهد تسليك اصوات يعلمون الدوري مي فاسو لاسي < :f5:
لضبط ايقاعات الصوت علشان ينضبط الكلام ..
وهالفئه اشوفهن كثير بالاسواق ..يبدو انها حاله مرتبطه بكبع العباة !
ودي استفهم اذا سمحتيلي ياحيي ؟
فيه احد غيري ملاحظ ان بعض العضوات تتعامل مع المعرفات النسائيه بغلظه قريبه
من الوقاحه بنفس الوقت اللي تتعامل فيه مع معرف شنب برقي ومفهوميه ؟
وش القصه .. يعني اقلب معرفي قتال ؟!

[eivl girl]

يعني اقلب معرفي قتال ؟!

لا ياحيتس<<فاهمه غلط
اقصد ياحيي انتي فاتنتا وحنا بنات موب عاد لاقلبتي رجال تسان انتمنى قلبت دباب بالطرفيه

[عـــــســـــولــي]

ودي استفهم اذا سمحتيلي ياحيي ؟
فيه احد غيري ملاحظ ان بعض العضوات تتعامل مع المعرفات النسائيه بغلظه قريبه
من الوقاحه بنفس الوقت اللي تتعامل فيه مع معرف شنب برقي ومفهوميه ؟

وش القصه .. يعني اقلب معرفي قتال ؟!


القصة ياأم القتاتيل إنهن مع بعض تطحنهن الغيره ويأكلن بعض .
ومع الجنس الآخر نعومه ولمعان ورقة والغرض واضح .أقول أو فهمتي.:c8:

[قـتـالـه]

تسان انتمنى قلبت دباب بالطرفيه

ياعين حيي انتي ..
ياطعمه قلبت الدباب لصارت على جال نفود :)

[قـتـالـه]

.أقول أو فهمتي.:c8:


ياباخصهم ياعسولي
:)

[ريحانة الوادي]

عن جد حاجه .. تقرف

ليش البنات اذا اجتمعو بمطعم اصواتهم عاليه و صراخ و لجه

كنه مافيه غيرهم

كثير اصادف اذا كانو لحالهم الاصوات ازعاج ابدن ما يتحمل و تعالو

بس اذا صار معهم اطفال تسير معركهـ

ابغي افهم ايش تفكيرها..

يعني تحسب هذي وناسه و فله

خاطري اقول لها

ترى يا حلوه فيه شي اسمه اتكيت و ذوق

فيه حاجة اسمها انوثه

و فيه أدب

كل ذا رميتيه عشان ايش

ليش اذا طلعتي مع زوجك او اهلك ما نسمعك

و اذا سرتي مع خواتك و صديقاتك تنقلب الايه

و ربي حسافه .. أبدن ما فيه تربية

لو كانو الصغار عندنا يربون على احترام الاخر .. كان اذا كبر الواحد

تكبر معه هالثقافة مو يربون ع شوفه النفس و الجهاد ع اخذ حقة

و من يكون صغير يعتبر الناس اعداء وشلون يدافع عن حقة

فضاعت الالفه و ضاع الاحترام و مات تقدير الكبير ونشاء الفرد الاناني




لكل وحده تروح اي مكان تجتمع مع خواتيها او صديقاتها:

يالغاليه ترى مو غلط انك تستانسين.. و لا غلط انك تطلعين و تغيرين

جو مع اللي تحبينهم , بس ابد مب زين انه يسير صوتك عالي ترى

فيه ناس بالمكان اللي انتي فيه يعني لازمك تحترمينهم .. مب بس

عشانهم بعد مب حلوة بحقكـ ..وش معناها.. وحده فرحه كنه اول مرة

بحياتها تطلع.. أو وحده ما عندها ذوق .. أو وحده مو متربيه ع الادب و

ما اتوقع تحبين تكونين كذا..


فحسبـ

[عـــــســـــولــي]

ههههههههه أي إتكيت وأي برستيج وأي بروتوكول !!!
الحياء مدفون مع حصه ومزنه من زمان .
يعتقدن إن البجاحه والصراخ موضه حضاريه ماااااالت عليهن وعلى اللي يطلعهن لمطعم هالنوعية حدها عريق الطرفيه وحوش البيت تشوي دجاجه(دجاجه تشوي دجاجه) وبس .

[هلاوين]

ماتدرين وراه لان كل وحده تقول حاسبي انت وولايدي صغير والله مايحسب هههههه مزحه


احيانا الكثرة وشوق القاء يجع الاصوات ترتفع وان كان الاصل في ذلك احترام المكان والذوق العام

تنبية جميل لك الشكر على ماقلتي

[أحب نفسي]

هههه حلو إذا سرتي مع خواتك ,, ماتصير إذآ صرتي خخخ

من حيني قايلته البنات مايصلح يجتمعن بمكان عام
يصيرن تقل سكارى يمشن ويكركرن والحياء يتبخررر تقل كل وحده تقول شوفي أنآ أجرأ منك
مالت على اللي جابهنّ ,,
وجيههن مغسوله بملوخيّة حمراء

[فتاةآلمتها الحياة]

الصوره والتوقيع ليسة لائقه بك و بالمنتدى يا احب نفسي

[شيخوه]

‏ لأ صرآحه اعتبرها وقاحه وبقوه ‏،
طيب واللي تقولكم انهآ شافت بأحد محلآت النخيل ‏
طبعا الي بالكآشير سعودي وكلهم سعوديين
المهم مروا بنتين وحده منهم تغني بصوت عالي طبعا المحل مآفيه إلآ انا والبنتين ‏
حتى الرجال سمع صوتها وقعد يضحك باستحقار ‏،
‏ الحيآ لانفصخ مشكله ‏:/
‏ الي بالصوره لآبسه جآكيت مع نقاب؟؟
هع

[الفتى العصري]

http://store2.up-00.com/Nov10/lBW99896.jpg
ماأقبح السيجارة بيد الأنثى وماأحلى الورد الحمراء بين أصابعها ...

قال الشاعر:
انـطــق مـصيـبًا لا تـكــن هَــذِرًا*** عَيَّابةً ناطقـًا بالفحـش والريب
وكن رزينًا طويل الصمت ذا فكر*** فإن نطقت فلا تكثر من الخطب
ولا تجب سائلاً من غير تـرويـة*** وبالذي لم تـُسـل عنه فـلا تُجب

[لمعةالألماس]

..برأيي
مخاطبة البنت صاحب المحل بصوت عالٍ جرأة إذا لم تتخطى الحواجز

وإن تعدت حدودها بالكلام صارت جرأة بقلة أدب !

وإذا كان مع كلامها إستهزاء وضحكات و...... صارت جرأة وقلة أدب ووقاحه....!!

...............
والبعض يرى ان الهمس ..


والرد الراقي والحياء من أنوثة الفتاة والثقة...
^
أنا مع هذا الرأي ..:)


..........و من لا يملك حُجّةً فالصراخ حُجتَه ..!!
,,

[| ~ ســمــو ~ |]

بالنسبه لي اكره هذا الشي .. ومع ذلك اتمنى اكون كذا ( احيانا نادره ) بس للأسف ما اقدر .!!

[مـ ــ ط ــ ـر]

طبعا أهم صفة يجب أن تتصف بها الأنثى هي (الحياء)
والمرأة بدون حياء كالشجرة بدون أوراق وبدون ثمار
بل إنها بدون حياء تنسلخ من أنوثتها وتصبح بشعة بمعنى الكلمة

والمرأة سليطة اللسان مرتفعة الصوت تمثل القبح بكل معانيه