المساعد الشخصي الرقمي

مشاهدة النسخة كاملة : ((شيلة الاقدار)) كلمات //عبدالله بن عماره أداء // سعد اليامي


ساس الوفاء
06-11-10, 12:31 am
ياعين عمدان السهر قامت ولاحولك منـام
.......................................الهم جانـي مبتـداه ورحمـة الله شاملـه
تلعب بي الدنيا واناكنت احسب ان الحظ قام
.......................................الله يعوض خيرفي جهـد اليديـن العاملـه
مثل العقيم اللي رزقه الله في احلامه غـلام
.......................................من فرحته مافارقـت راس الغـلام اناملـه
ماتمت الفرحه وراحت روحه بسن الفطـام
.....................................الله عطى والله خذا فرحـه ولاهـي كاملـه
عيا يزين الحال حتى في التمنـي والكـلام
..................................الصبح مقتـول التوهـم والليالـي اراملـه
اقدار سوت بي سواة الشلف عجلات الولام
.................................تبطش ويبطش بالحشا صيب الجروح الدامله
شرع الدهر يومين زين وشيـن لله الـدوام
..................................حدا الليالي مقبله مـدري وشنهـي حاملـه
والحظ مايسمع ولاينطـق ولاعنـده نظـام
............................اظن لويعرف عنـا راعيـه وفـز وقاملـه
مافات مات باابتدي مدام لي شـف ومـرام
............................دام الامل موجود بقلـوب الوجيـه الآملـه

اللي زرع يحصد وانا بالنور واجهت الظلام
............................واللي يكرر غلطته بانـت عليـه الخاملـه
ياصاح انا سقت القدم صوبك ولافيها كـلام
............................خل النظر حول النظر تلقى علومي صاملـه
الذيب ماهرول عبث والطق فالميـت حـرام
...........................والحـر تكفيـه الاشـاره لابغيـت تعاملـه
انا ماسج الرجل للي يرتخي وقـت الزحـام
............................اسجهـا للـي علومـه طيبـه وازامـلـه
لامن صحبنا ماصحبنـا الارفيعيـن المقـام
..................................الكير نحرب نافخه والمسك نصحب حاملـه
ماهانت العشره ياخيك الا على روس الهلام
..................................اترك سميلات الجداد البس جـداد الساملـه

اللي ما يعنيني ما يعنيني ولا أعطيه اهتمام
كوامله نواقفه.. نواقصه كوامله


قلنا ذلول احزام مردوفة وزعلنا حزام
يحسب ذلول احزام له مدري يحسب احزام له!


أقدام سيقان النعام اتأثر بروس النعام
أثر النعامة راسها لا طال تصبح ثاملة؟


حمل الرسايل والمسافة فوق جنحان الحمام
الطير بالمكتوب حايم للوطن ما حام له


روس الحبال معقده ما بين جوخ وبز خام
الموقف الغصّاب سلم لي على قرامله


الطيبين مصدرين العلم قصاص العظام
الطيب لو ما جاوله جاهم يغني زامله


وإن ضاعوا أهل المعرفة قلنا على الدنيا السلام
أصل الأصايل يحتويها ما تعوّد هامله


يعنّها اللي فاللقا ضاري على ورد الحيام
يزعزع البيدا ولا جار الضما في زامله


وكان الزمن عيا يطيع فخلهاراس وسنام
وأخوك من بعد التعب عبر ابتسامة جاملة



وهنآ على موقع يوتيوب

http://www.youtube.com/watch?v=qP-EOK4fg8I (http://www.youtube.com/watch?v=qP-EOK4fg8I)

مما راق لي :)

/ / ســـاس الوفـــاء //

البارق
06-11-10, 10:53 am
حضور راقي متألق
تكاملت الروعة في الكلمات والشيلة

ساس الوفاء
الف شكر لروعة حضورك

نــف نــف
06-11-10, 09:29 pm
جميلــه جدآ ..

صح ذوقــك وصح لسـآن آلشـآعر :)

●● غندوره ●●
06-11-10, 10:05 pm
يعطيك الف عافيه
جداا رائعه و راقيه
بنتظار القادم منك

طبيبة القلوب
07-11-10, 12:57 am

الرآآئع سآس الوفآ ..


كنت أسطورة تردد لحن العذوبة والجمال ..

عـــــــــــــــلى حسن الإنتقاء ..

موضوعك ملفت للإنتباهـ بكل المعاني ..

أسجل اعجابي وامتناني لقلمك الرائع ...

وذوقكـ الأروع ..

دُمتَ بكل تألق ..

وتقبل مروري المتواضع ..

مُتفائله
14-11-10, 10:16 pm
ذآئقــه رآئــعه ’,

تــجبرني ع ـآلمتـآبعــه ’,