المساعد الشخصي الرقمي

مشاهدة النسخة كاملة : احذروا هذا الخطأ

جلوي العتيبي
23-10-10, 02:27 pm
وصلني إتصال من احد الزملاء قبل ساعات وحقيقة لإن العمليه جديده نوعاً ما علي قبلت المكالمه وإذا بها مكالمة فيديو !!!

الجميل في الأمر أن ذلك الطفل الذي يعبث بالجوال كان لوحده وفي غرفته .تفاجات بالفيديو وأغلقت المكالمه بينما كان الطفل ينادي يمه يمه :(

عبث الأطفال بالجوالات في ظل وجود هذه الخدمه (مكالمة الفيديو ) أمر لاتحمد عقباه فأحذروه .
قلب صدام
23-10-10, 02:55 pm
عبث الاطفال بالجوالات مصيبه احيانن

تجد الاطفال يعبثون في الجولات في

اجتماعات عائلية ويفتح الكمره يصور

وهو لا يعلم الرجاء من الامهات عدم

التساهل في هذا الامر
نجداوي
23-10-10, 04:43 pm
غير خدمه الفيديو الحين اطفال الابتدائيه لهم جوالات خاصه وفيها كاميرا

يعني الخطر ادهى وامر ممكن يصور اهله ويستغله احد بالمدرسه او الشارع وتنتشرعلى حساب

ارضاء خاطر هالطفل

الحرص اولا وثقيف الطفل ثانيا بآذن الله تكون سد منيع ضد اي تطفل خارجي


احترامي .
عـــــســـــولــي
23-10-10, 06:13 pm
وإحنا ناقصين جرائم قتل وإبتزاز !!!!!!!!!!
ياجلوي صدقني سيكثر القتل والإبتزاز وهذا مايسعى إليه المفسدين ممن يعيشون بيننا لعنة الله عليهم .
ماقهرني غير سكوت العلماء وعلى رأسهم المفتي ..ليش مايكلمون الملك عبدالله حول كل ماهو مدمر للمجتمع وأنا متأكد إنه سيمنع هذا العبث بأعراض المسلمين . حسبي الله ونعم الوكيل
محارهـ
23-10-10, 06:27 pm
عسولي . .

مو كنك عطيت الموضوع ابعاد متطرفه في الرأي

وتبي تحرم العالم من هذي الخدمات الي فيه ناس غيرك يشوفون انها مهمه بالنسبة لهم ومن حقهم يستخدمونه مثل ما انت من حقك ترفض استخدامها وتبي تعمم رفضك على الجميع !

المسأله بسيطه , تلغي الخدمه والسلام
شيخوه
23-10-10, 06:42 pm
مشكور ع التنبيه والله مثل هالأمور غافلين عنها
‏ جزآك الله خير
A K V
23-10-10, 06:57 pm
وإحنا ناقصين جرائم قتل وإبتزاز !!!!!!!!!!
ياجلوي صدقني سيكثر القتل والإبتزاز وهذا مايسعى إليه المفسدين ممن يعيشون بيننا لعنة الله عليهم .
ماقهرني غير سكوت العلماء وعلى رأسهم المفتي ..ليش مايكلمون الملك عبدالله حول كل ماهو مدمر للمجتمع وأنا متأكد إنه سيمنع هذا العبث بأعراض المسلمين . حسبي الله ونعم الوكيل

أقول ياعسولي امسح خشيشك :)
به شينن أعظم من هالجوالات ولاأحد قال شي
وخلاص التطور الحين كل يوم بإنحدار
الله يستر علينا وعليك وكل مسلم
عـــــســـــولــي
23-10-10, 07:12 pm
عسولي . .

مو كنك عطيت الموضوع ابعاد متطرفه في الرأي

وتبي تحرم العالم من هذي الخدمات الي فيه ناس غيرك يشوفون انها مهمه بالنسبة لهم ومن حقهم يستخدمونه مثل ما انت من حقك ترفض استخدامها وتبي تعمم رفضك على الجميع !

المسأله بسيطه , تلغي الخدمه والسلام

وش رأيك ياأمونه تبلغين عني ويجون يضفونن ..أي تطرف وأي خرابيط.
حنا شعب شهواني متخلف ولانستخدم التقنية لأغراضها السلمية الصحيحة من أجل تطوير ذواتنا ومجتمعاتنا بل نستخدمها وبنسبة 95% لأغراض سيئة كالإبتزاز والأدلة والشواهد كثيرة .
يعني (درء المفسدة مقدم على جلب المصلحة) وترى التمدن مو بالخرابيط هذه التمدن الحقيقي برقي أخلاقك ودينك وهذا هو الأهم .
فـــارس
23-10-10, 07:15 pm
يعطيك العافيه بوشهد على النصيحه
وبصراحه وجود اي جوال فيه كامره لطفل هذا تسيب ...
الفعل المضارع
23-10-10, 07:21 pm
المكالمة التصويرية باشتراك ورسوم
محارهـ
23-10-10, 07:31 pm
وش رأيك ياأمونه تبلغين عني ويجون يضفونن ..أي تطرف وأي خرابيط.
حنا شعب شهواني متخلف ولانستخدم التقنية لأغراضها السلمية الصحيحة من أجل تطوير ذواتنا ومجتمعاتنا بل نستخدمها وبنسبة 95% لأغراض سيئة كالإبتزاز والأدلة والشواهد كثيرة .
يعني (درء المفسدة مقدم على جلب المصلحة) وترى التمدن مو بالخرابيط هذه التمدن الحقيقي برقي أخلاقك ودينك وهذا هو الأهم .


ياربيه
وشذا

( شعب شهواني ومتخلف ! )

عسولي . .
شكلك تحب التعميم وجلد الذات كثير

لما تتمسك بوجهة نظرك الخاصه هذا من حقك وما احد يقولك ( تلت التلاته كام ) بس لما تبغى تعمم وجهة نظرك على الجميع وتفرضها عليهم ( هنا تصبح متطرف في رأيك )

وصلت او ما وصلت

وشكراً
╝◄ ساندرا ►╚
23-10-10, 08:08 pm
الله يستر بسس
اذا مافي رقابه للاطفال راح تشوف البلاوي
| ~ ســمــو ~ |
23-10-10, 08:21 pm
جزاك الله خير :)
عذبـــــة
23-10-10, 08:49 pm
ماش ياجلوي متغير بعدي
اخبرك مرن وتحب التقنية بكل مجالاتها .. وتنظر للشيئ من منظور حسن وتتغاضى عن سلبياته
لكن هالمرة شكلك منقهر ومنغث وحتى كتابتك للموضوع بدون حتى مقدمات ..
شكل هاللي ينادي امه طار بالجوال لها وحطته على خشتها تبي تشوف الشاشة وشفتها وتغلّقت وانسدت نفسك وقلت ليتهم يسكرون هالخدمة ويلغونها نهائيا .. عاد بعذرك ترى بعض الحريم عليهن شين يشطب الشاشه .
زين ماقلت مانبي الجوال كلله بكبرة بس شكلك تماكنت نفسك وسكرت المكالمة بسرعه .
كلوز
23-10-10, 09:12 pm
جزاك الله خيرا أباشهد على هذا التنبيه
جلوي العتيبي
23-10-10, 09:54 pm
قلب صدام

نجداوي

نعم الجوال وخاصية الكاميرا خطر كبير ربما يتسبب في مشاكل أكبر

شكراً لكما
جلوي العتيبي
23-10-10, 09:57 pm
عسولي

أمونه

الخدمه من وجهة نظري لاتقدم الكثير وفي نفس الوقت لو كانت حسب رغبة المشترك لكانت أفضل وأنسب

شكراً لكما
جلوي العتيبي
23-10-10, 09:58 pm
شيخوه

فارس

نتمنى أن يكون الجوال بعيد عن متناول الأطفال وأن ينشر الوعي بين الجميع

شكراً لكما
قـتـالـه
23-10-10, 10:01 pm
اي والله تكفون يالربع
ياويلي ويلااااه القوم غزونا !!
قهر والله الناس وصلت مصاف عاليه بتسهيل تبادل المعلومات
ومنا من وده يستخدمون الناس جوال الكشاف بعد مو المطور!
اي تقنيه لها وجهين سلب وايجاب بكل بقاع البسيطه,,
الاخطبوط المرقط
23-10-10, 10:11 pm
والله زمن كله ملغم !! نلاقيها من وين ولا وين !!
ذا كلام موجه لأهل الفراسة واللي قادرين يفكوا رموز وقفول حروفي المعقدة.
اسمـرني
23-10-10, 10:14 pm
والله زمن كله ملغم !! نلاقيها من وين ولا وين !!


ذا كلام موجه لأهل الفراسة واللي قادرين يفكوا رموز وقفول حروفي المعقدة.




صدقت والدليل مالونته

أهلا وسهلا بكـ اسمـرني (http://buraydh.com/forum/member.php?u=55761).
آخر زيارة لك كانت: 20-10-10 الساعة 10:36 pm
التنبيهات: (http://buraydh.com/forum/usercp.php) 5 http://buraydh.com/forum/tl4s-bryda/misc/menu_open.gif
ونة خفية
23-10-10, 10:14 pm
هذا الخطأ ربما يقع منا نحن الكبار بشكل عفوي غير مقصود
يعني اكثر من واحد يحط جواله بجيه أو وحده بشنطتها ولوحه المفاتيح مفتوحه
وتنغط مفاتيح الاتصال على بعض الأصدقاء وانت تهذر مع عائلتك بكل اريحيه عاد هالصديق
هو وأمانته إذا يقفل الأتصال مثل تصرفك الأمين أو يخليه مفتوح ويسمع
اميرة البحار
23-10-10, 10:16 pm
بارك الله فيك ابا شهد
تنبيه تشكر عليه
رواسي
23-10-10, 10:23 pm
أستاذ جلوي

إنت قِبلت مكالمه الفيديو صح
يعني تعرف إن هذي المكالمه مكالمة فيديوا
البارق
23-10-10, 10:26 pm
يعطيك العافية ابو شهد
بالفعل عبث الأطفال
أحياناً يحرج ويوقعك في مشالك
اسمـرني
23-10-10, 10:33 pm
ماش ياجلوي متغير بعدي


اخبرك مرن وتحب التقنية بكل مجالاتها .. وتنظر للشيئ من منظور حسن وتتغاضى عن سلبياته
لكن هالمرة شكلك منقهر ومنغث وحتى كتابتك للموضوع بدون حتى مقدمات ..
شكل هاللي ينادي امه طار بالجوال لها وحطته على خشتها تبي تشوف الشاشة وشفتها وتغلّقت وانسدت نفسك وقلت ليتهم يسكرون هالخدمة ويلغونها نهائيا .. عاد بعذرك ترى بعض الحريم عليهن شين يشطب الشاشه .
زين ماقلت مانبي الجوال كلله بكبرة بس شكلك تماكنت نفسك وسكرت المكالمة بسرعه .




ردكـ لا يكتبه غير عاقله تفهم مايدور << عسى ماينحذف بعد :)
علووووشـ
23-10-10, 10:45 pm
وش رأيك ياأمونه تبلغين عني ويجون يضفونن ..أي تطرف وأي خرابيط.
حنا شعب شهواني متخلف ولانستخدم التقنية لأغراضها السلمية الصحيحة من أجل تطوير ذواتنا ومجتمعاتنا بل نستخدمها وبنسبة 95% لأغراض سيئة كالإبتزاز والأدلة والشواهد كثيرة .
يعني (درء المفسدة مقدم على جلب المصلحة) وترى التمدن مو بالخرابيط هذه التمدن الحقيقي برقي أخلاقك ودينك وهذا هو الأهم .

هههههههه ذابحك الشهواني وانا احسبك عاااقل ومطوع اثر من الناس اللي يغويه الشيطان

عسولي لا تعمم الله يصلح دينك

معلومه اغلب اللي يستعملون مكالمات الفيديو الصم والبكم وانا شفتهم بعيني


عسولي ملاحظه بسيطه بس انت دايم تهول الأمور << اشك انك مرجف
مثل بعض الحريم اللي تحط من الحبه قبه
الايام
23-10-10, 11:05 pm
المفروض كل ام وكل اب يضع رموز قفل لجواله

وكمان اي جوال ماله فايده يشيلوه من اطفالهم انا بنت اختي صغيره امها شرت جوال جديد
وعطتها الجوال القديم عشان تلعب فيه فجأة الا نطالع صورنا بالجوال واحنا نشرب شاي والله
مصيبه الاهمال،
والمشكلة الثانية ان الاطفال اللي في الابتدائي معاهم جوالات الافضل ان الوحده خلاص ماتشيل هم اذا احد صورها عشان ماتعيش حالة رعب خليها على الله.
دلوعة حبيبه
23-10-10, 11:27 pm
جزاك الله خير على التنبيه
اصالة نادرة
23-10-10, 11:41 pm
.



اللي اعرفه ان خدمة مكالمات الفيديو من زمااااان
يعني من سنتين او اكثر وراااكم توكم تذكرون تتكلمون عنها
الا اذا هي توها توصل لكم فـ بريدة فهذا شيء ثاني http://www.buraydh.com/forum/images/icons/icon6.gif
اسمـرني
23-10-10, 11:54 pm
.



اللي اعرفه ان خدمة مكالمات الفيديو من زمااااان
يعني من سنتين او اكثر وراااكم توكم تذكرون تتكلمون عنها
الا اذا هي توها توصل لكم فـ بريدة فهذا شيء ثاني http://www.buraydh.com/forum/images/icons/icon6.gif

هي تستوجب نظام الــ g3 اعتقد مابعد وصلت بريدة يمكن جلوي دق على صاحبه اللي في يوركـ البريطانية ..!
عذبـــــة
24-10-10, 12:01 am
هي تستوجب نظام الــ g3 اعتقد مابعد وصلت بريدة يمكن جلوي دق على صاحبه اللي في يوركـ البريطانية ..!


انا قبل سنة استخدمتها
كنت في جدة واكلم وحده بالقصيم وكانت مكالمة فيديو
من سنة جدي طالعة هالخدمة
اسمـرني
24-10-10, 12:45 am
انا قبل سنة استخدمتها
كنت في جدة واكلم وحده بالقصيم وكانت مكالمة فيديو
من سنة جدي طالعة هالخدمة

يعني g3 من سنة جدكـ في القصيم ؟!

كم له جدكـ ؟!
المنطق
24-10-10, 12:53 am
وش رأيك ياأمونه تبلغين عني ويجون يضفونن ..أي تطرف وأي خرابيط.
حنا شعب شهواني متخلف ولانستخدم التقنية لأغراضها السلمية الصحيحة من أجل تطوير ذواتنا ومجتمعاتنا بل نستخدمها وبنسبة 95% لأغراض سيئة كالإبتزاز والأدلة والشواهد كثيرة .
يعني (درء المفسدة مقدم على جلب المصلحة) وترى التمدن مو بالخرابيط هذه التمدن الحقيقي برقي أخلاقك ودينك وهذا هو الأهم .


تفكير سطحي !!

فكر منغلق ..

أغلاق محكم ..

بقفل مصدي وضايع مفتاحه ...
جبل السكر
24-10-10, 04:33 am
تفكير سطحي !!

فكر منغلق ..

أغلاق محكم ..


بقفل مصدي وضايع مفتاحه ...




هههههه
يعني يالمنطق انت عايش بمجتمع نزيه وبنفس الوقت
متطور ومتفتح
كلام عسولي صحيح 100% كل المجتمعات العربيه
للأسف الشديد مش مجمتعنا فقط
يستخدم التقنيه بشكل سلبي وهدا الكلام الدراسات اثبتته
ومتل ماقال الادله و الشواهد كثيره
فكل شيء مكشوف وواضح مايحتاج تبحث عن دراسات
فعلا عسولي اجاد الوصف (شعب شهواني متخلف)
وكل ماله للوراء
فلا شيء يساوي (الخلق والدين) يامنطق

همسه ليك يامنطق(عسولي كنز من كنوز المنتدى):g3:
لما يحمله من فكر نير ومنطق سليم وروح ساميه
نفتقدها في الكتير هنا:29_1_8[1]







احترامي ليك
روح لايسعهآ جسـد
24-10-10, 09:50 pm
ههه ولو ماشاء الله عليك ذكرتني بيوسف عليه السلام يوم انها قالت هيت لك ولا عطها وجه
برافو والله
الله يكثر من امثالك
قـتـالـه
24-10-10, 10:15 pm
ههه ولو ماشاء الله عليك ذكرتني بيوسف عليه السلام يوم انها قالت هيت لك ولا عطها وجه
برافو والله
الله يكثر من امثالك

اجل هيت لك.. يالبا قليبتس بعد :)
جلوي العتيبي
24-10-10, 11:47 pm
شكراً للجميع

ويبقى دورنا في توعية وتنبيه كل من نعرف فالأمر أكبر من أن نصوره بطريقه بسيطه او مرحه وأعراض إخواننا المسلمين ليست رخيصه .

دمتم بخير وسلامه
بسومة بريده
25-10-10, 03:21 am
الخدمه هذي متوفره بس بجوالات 3g

وشرائح الجوالات القديمه ماتحتوي عليها...

لكن لها فايدتها احيانا...

الواحد ينتبه لبزارينه ...اكره مااشوف الجوال بيدين البزارين
المرياتشي
25-10-10, 05:41 am
وش رأيك ياأمونه تبلغين عني ويجون يضفونن ..أي تطرف وأي خرابيط.
حنا شعب شهواني متخلف ولانستخدم التقنية لأغراضها السلمية الصحيحة من أجل تطوير ذواتنا ومجتمعاتنا بل نستخدمها وبنسبة 95% لأغراض سيئة كالإبتزاز والأدلة والشواهد كثيرة .
يعني (درء المفسدة مقدم على جلب المصلحة) وترى التمدن مو بالخرابيط هذه التمدن الحقيقي برقي أخلاقك ودينك وهذا هو الأهم .



فعلاً أستاذي جلوي .. أنها هذا الموضوع يشكل إزعاجاً نوعاً ما ..

لكن الحل في إلغى الخدمة لـ نفس الجهاز ..!

أستاذي عسولي ..!

النسبة المذكورة أخذتها عن طريق جهة رسمية .. أو من خلال إستفتاء ودراسة قمت بها .. أو من رأسك ..!

ولا زالت الوصايه الدينيه قائمه ..!
الوقت غربه
25-10-10, 06:06 am
تنبيه جميل استاذ جلوي ولكن اظن ان هذه خدمة من الاتصالات وبفلوس واتت ثمارها على ذووي الاحتيجاات الخاصه فلي زميل يستخدمها بس اغلب ربعنا التقنيه عنده موجووه ولكن يسي لنفسه بهذا التصرف ...............فلكل شي في الحياة ايجبياات وسلبيااات بارك الله فيك؟؟؟