ياأستاذهـ الرفق الرفق . بالطالبات الابتدائي؟

[دمـي ملكي]

بسم الله الرحمن الرحيم ..

السلام عليكم ورحمه الله وبركاته ..

أنا اول مرهـ أشوف طالبه تنضرب من قبل . مدرستها . وهي بالصف الاول إبتدائي .؟

هذي . البنت هي بنتي . ودخلت علينا بالبيت تبكي . تقول المدرسه ضربتني . . .

تخيلوو ياجماعه الخير . ثاني يوم من دخولها المدرسه . كان ماتعرف تقرا الحروف

بشكل صحيح . يعني توها صغيرهـ . يبيلها وقت عشان تحفظ . مثلكم عارفين

وضع البنات الصغاار .


تخيلو. اتصلت علي المدرسه تقول . بنتكم ماتعرف تقرا ..؟

طيب يا استاذهـ اصبرو عليها شوي ؟!!

لا والمصيبه . شاركت مع المدرسه بكتابه الحروف بدفترها .

تخيلوو عطتها (((صفر من خمسه ))) يعني هذا بالله عليكم تشجيع؟

والله العظيم . ماحلفتوني . اني بس اصيح على بنتي من القهر .

اتمنا . من جميع المدرسات المحترمات . الفاهمات . القديرات .

ان يراعون شوي ويتحملون الطالبات المبتدأت . اصبرو عليهم شوي

الله يجزاكم خير . ويحفظكم ويوفقكم ويستر عليكم

للعلم هذي المدرسه . إسمها . . مدرسه الخامسه عشر الابتدائيه . بالصفراء

إن شاء الله تدخل المدرسه وتقرا كلامي وان شاء الله ترحمني وتعطف علينا

ولاتشوف نفسها على البنات الصغار .

وانا اسفه على الاطاله . لكن منقهرهـ من الوضع .

إختكم في الله .

[سماط]

إنقليها لمدرسة ثانية وإرتاحي

[نجداوي]

المعلمه نفسها عنده اضطرب نفسي او ماتستحمل استثآره الغباء بعقول الاطفال


هذي يبي لها تآديب من آداره المدرسه


الدنيا فوضى تعامل البراءه بالعنف !

وبعدين منهجيه الضرب او القسوه المفروض مايكون لها اثر نهآئيآ خاصه ان المناهج وتوضيحها

بجماليه الالوان والشرح المبسط يلغي الاحتقان بين المعلمه والطالبه والامور كلها سلسله باذن الله

اتصلت علي المدرسه تقول

وانتي يامنضاله ليه تتصلين عليها المفروض رحتي بنفسك تشوفين وش الاوضاع

وحتى لو لزم الامر تدخل الشرطه خليها تتدخل او حتى القضاء

وش هالمهزله وقله الحياء وعدم المسؤاليه

الاطفال مهما صدر منهم لاااااااااااا يتعامل معهم بعنف بآي شكل من الاشكال من الاهل عاد كيف

منظومه توجيهيه تعليميه زي المدرسه .!!

بنتك لها حق المعامله الحسنه وانتي المسؤاله عن ذالك واذا تركتي الحابل على الغراب

هالشي راح يدخل ذذمتك ومسؤاليتك والحساب عند رب العالمين

[alnesf1]

مشكل المدرسات بعضهن كبار سن ؟؟؟

[الايام]

شوف اختي انا قاعدة اكتب وفي جوفي حرارة كانها بنتي المضروبة لو انا مكانك بسوي حلين :
1- اروح المدرسة وفي الطابور المدرسي انزل عليها ضرب بس هذا سلوك غير حضاري ممكن بيرد اعتبار بنتك
. 2-اتوجه بشكوى للمباحث الادارية والمحكمة وادارة التربية والتعليم لان ضرب البنات ممنوع من يوم كنت انا بأول ابتدائي.

اذا انتي منقهرة على بنتك بتسوين احد هذين الامرين

اذا انتي سمحتي للمشلكة هذي تعدي تأكدي بكره بناتنا كلهم بينضربون وبنقعد نكتب في المنتديات وننقهر ونقهر بناتنا عشان يصيرون معقدات ولا يتعلمون صح اذا اخذتي حقها بترفعين معنوياتها واذا سكتي الله يكون في عونها وعون اخوانها معاك.

[>ريانه<]

يعني الحين على بالهم الضرب وسيله ناتجه لبناء جيل ناجح !!!

مشكل المدرسات بعضهن كبار سن ؟؟؟


هنا المشكله الكبرى تكون عندها صعوبه وصول المعلومه لدى الطلاب ,,
بحكم خبرتها المفروض يكون العكس لكن (السن)له دور كبير,,

تحياتي..

[عذبـــــة]

الله
الحين كل هذا حصل بهالسبوع ؟
امداهم يخلصون كتاب التهيئة عشان تقولها اقري وتضربها وتعطيها صفر من خمسة ؟
هم مااخذو الا حرف حرفين شلون تقولها اقري؟ وتضربها وتعطيها صفر من خمسة؟؟؟ من متى صار على القراءة درجات بصف أولى ابتدائي ؟
ياخيتي مع اني ماصدقت هالفلم الهندي لكن بنيتك اعز ماتملكين بهالدنيا اذا شفتيها ماارتاحت بمدرسة انقليها لمدرسة ثانية وثالثة وعاشرة لين تقولك ياماما هذي مدرسة حلوة وتحسين فعلا ان مدرستهم أم ثانية لها بغيابك
ترى المدرسات بعضهن ودك تمسكينها شهادتها وتخلينها تغسل المواعين ابرك لها .

[جُـودي]

[QUOTE=الايام;4145865][align=center]
[align=center]
1- روحي للمدرسة وفي الطابور المدرسي انزل عليها ضرب بس هذا سلوك غير حضاري ممكن بيرد اعتبار بنتك
والله ثم والله مالك غير الحل هذا..

[الحنتريش]

هالمعلمه شكله مزعله رجله والا ولده مانام هاك الليله وحطت الحره ببنتس
بس لاتشيلين هم الحل موجود
ترا المساله ابسط من كل الي قالو لتس
لاتتسرعين بردة الفعل
روحي للمعلمه بالمدرسه وناقشيها قدام المديره
بس انصحتس وانصحتس بالثقل وعدم الانفعال لان دايما الانفعال يقلب الموازين
روحي مع بنتس وخليها تحس ان وراها احد عشان تكون معتس اكثر وضوح البنت
شجعي البنت على احترام نظام المدرسه والمعلمات
لاتزعلين يالغاليه يمكن تكون هالضربه باب خير للبنت
>>> يصلح مربي اجيال




1- اروح المدرسة وفي الطابور المدرسي انزل عليها ضرب بس هذا سلوك غير حضاري ممكن بيرد اعتبار بنتك



8
8
اغديتس فاكتنا من هالحل لاتدربين ام البنت
عاد باتسر تلقينه داخلتن مشكله لاضربت المعلمه

[| ~ ســمــو ~ |]

يمكن بنتك راعية تهويل الله يصلحه :)

[ام الزعيم]

اذا كانت المعلمة فعلت هذا فى بداية العام

فماذا ستفعل فى نهاية الفصل؟الحل الافضل

ان تنقل ابنتك الى مدرسه اخرى تكون المعلمه

حسنة المعامله قبل ان يصيب البنت عقدة من المدرسه

ودمتم بخير

[الوردي]

أنا ما أكذبك ولكن الموضوع صعب ينتصدق

صحيح أن التعليم النسائي عندنا مدحدر بتنصيب صغيرات بالسن حديثات التخرج قليلات الخبرة أو اجنبيات متسعودات لا تخلوا من الغل والحقد أو صاحبات عقد نفسية بمناصب إدارية
مما يكون له تأثير سلبي على المعلمات
ولكن ما أعتقد ياصل لأذية طفلة وخصوصا في بداية العام الدراسي

ولا أستبعد هالشيء أن يحدث في الأسابيع المتقدمة ويكون مع الشقيات جدا

وأحسن حل من وجهة نظري
تذهبين للمدرسة وتشوفين الوضع وهل هو صحيح أو يكون هنالك تضخيم للموضوع من قبل الطفلة لآن خيالهم في هالعمر عالي جدا ويبدعون في التأليف ويعيشون الدور بشكل ممتاز ومقنع

فإن كان صحيح فالمعلمة خطر ليس على ابنتك فقط بل على الفصل باكملة
وأن لم تفعل الإدارة ما يريحكم أما بتقويم سلوك المعلمة أو نقل الطالبة إلى فصل أخر أن توفر وإلا تقومون بنقل ابنتكم لمدرسة أخرى لمصلحتكم .

وأن لم يكن صحيح وهذا ما اعتقده فلتوضحي الأمر للمعلمة والطلب منها أحتواء الطالبة وكسبها بالحب وستتغير الصورة بأذن الله

[الايام]

انا ما اشوف الحل انك تنقليها لازم تقدمي شكوى لازم الشعب يتنور ويدافع عن حقه وحقوق اولاده الدولة سامحة انك تاخذين حق بنتك وانتي ما قدمتي اي شي لبنتك صدقيني بيجي اليوم اللي بنتك بتسألك وبكل قهر ليه يا ماما ما خذتي حقي من المعملة الفلانية اتمنى انك تأخذين حقها وتوقفين الاستهتار اللي صار.

[حلاتك بريدة]

وين تعليم أيام زمان وكذلك المعلمات المربيات تعلم الحروف وتتحمل وتمسك يد الطالبة على شآن تعرف تمسك القلم ..؟؟؟ أما الآن.....
ومن واجب المعلمة تتحمل وتصبر على الطالبات بعض المعلمات تطالب الأهل بتعليم أبنتها بتدريسها وتلاقي دفتر الواجبات أحمر أبنتكم لم تحفظ وضعيفة وغيره من الملاحظات ؟؟؟ تبي كل شيء جاهز

[الام الحنون]

بصراحه قهر لكن اولا اروح للمدرسه واتفاهم مع الاداره ...,,,

ماسوولي شي ولا ردو اعتبار بنتي ,, ارفعها للقضاء وانقل بنتي لمدرسه ثانيه

لان بعض الناس تفكيرهم عقيم بعدين تحطه براسه واهم ماعليك بنتك