سؤال مهم وضرووري ادخلوا أبي رأيكم يا بنااات

[بريداوية ذوق]

السلام عليكم ورحمة الله وبركاته


بنات أنا مره محتاره ومحتاااجة لكم تساعدوني
جاني تعاقد مع ادارة التربية والتعليم
في قرية تبعد 190 كيلو عن بريدة
رحت يوم الأربعاء ووقعت العقد لأني لما أتصلو علي سألت الموظفة وقالت لي أنها
تبعد من 95 إلى 100 كيلو بس
بس لما بحثت بالنت لقيتها تبعد 190 كيلو
وش رأيكم أروح ولا لا؟
وهل أقد ألغي العقد؟؟ واذا الغيته ممكن يجيني عقد ثاني أو خلاص يشطبون على أسمي؟؟؟

[صـاحي و رايـق]

,
بكون شويه ملقوف
لو كنت مكانك برفض بصراحه
عقد وتضربين كل هذه الكيلوات حرام
العقود كثيره وراح يتصلون عليك كثير بما إنك مسجله لديهم
,
,
موفقه
,

[>ريانه<]

ومن ناحيه يشطب اسمك راح يشطبون مده طويله بحكم اللي خبروني

استخيري وانا اختك هذا اهم شي

والله يكتب فيه الخير

[| ~ ســمــو ~ |]

ياااااااقلبي انت اذا توفر مجموعة بنات (معلمات) يروحون ويجون معك في نقل روحي وماعليك الا العآفيه :)

الله يعينك

[ع ـروووبة]

حبيبتي إستخيري أول شي
بعدين روحي شوفي وش عندهم

[أحب نفسي]

لااااااااااااااااااا تخلينه
روحي هذآ الرزق لآزم الوآحد يتعب على مايحصله ,,
روحي وربي يسر لك ويرزقني أنآ بعد ,,
أكيد فيه معلمآت يروحن بنقل خاويهن بس وروحي ,,
روحي ودررررررررررربك خضررررر

[بريداوية ذوق]

أستخرت وأقررت أني ما أروح والله يعوضني بالخير أن شاااء الله
ويرزق كل بنات المسلمين لأني أكتشفت أن المعلمة الرسمية ما داومت إلا أقل من شهر
وفيه وحده قبلي داومت وتركتها من ثاني يوم لأن القريه تبعد عن الخط السريع
40 كيلو بين الجبال والقرى النائية لو رسمي يمكن تحملت بس بدل الله يعوضني باللي أحسن منه ياااااااااااارب ..

[>ريانه<]

الله يعوضنا وياك وكل مسلم يارب

[بريداوية ذوق]

اللهم آميييين
الله لا يحرمنا ولا يحرم مسلم الرزق ..

[أحب نفسي]

أهــآ ..
أجل هذي الخيرة ي قلبي ,,, :)
لك التوفيق ,, :)

[| ~ ســمــو ~ |]

يااااااااقلبي انت .. الله يعوضك :)

[امنيات حالمه]

الله يعوضك ان شاء بخير
بس انتي ان كان رحتي شفتي المدرسه وطريقها قبلماتتخذين هالخطوه مو كل شي يقال يكون صحيح دائما التجربه خير برهان
بس بما انك استخرتي ان شاء الله يختار اللي فيه خير وصالح