لاشي ..يستحق !! ... مهاجم دولي [الأرشيف]

مهاجم دولي

14-10-10, 06:55 am

5:53 ص

الخميس
2010/10/14م

ستكون هنا اوراق .. ماضي .. وحاضر نعيشه .. ومستقبل نتمنآه

سيكون .. البياض المتفرد .. هو المتواجد ..

هنا فقط قلب ابيض .. يكتب ..مايريد ..من دون اي تجميل للحياه ..

وهنا ايضا .. مزاج متقلب ..مثل الفصول الاربعه ..

لاشي بالتحديد... مشاعر انسان .. وكيبورد ... ومنتدى ..

هذا كل ما احتاج ..

مهاجم دولي

15-10-10, 09:00 pm

جاك الذيب .. جاك وليده

هذا مثل معروف ... ينقال دائم..

لــ الشي .. اللي يغثك...وكل شوي ..طالع لك

ولامنه فكه.. طبعا .. جاك الذيب .. يعني لاصارت مصيبتك كبيره

..وجاك وليده ... لاصارت المصيبه صغيره... وكلهن مصايب

والذيب... هنا ...

http://www7.0zz0.com/thumbs/2010/10/15/17/159261296.jpg (http://www.0zz0.com/realpic.php?s=7&pic=2010/10/15/17/159261296.jpg)

ايه ... ساهر ... اللي بكل زاويه ... تلاقيه

والله .. اخاف اجي ... مره .. والاقيه بحوشنا ...

وياليته على سنع... يعني امس امشي .. والاقي لوحه .. ثمانين

وشوي ..والاقي لوحه..تسعين بنفس الخط.... يعني مدري وش اقول ..

النظام.. بشكل عام...رائع .. ومطبق باكثر من دوله وناجح... بس عندنا..

شغلهم..حوسه...

وجآآك الذيب.. جاك وليده...

مهاجم دولي

15-10-10, 09:25 pm

الطماط

..وبالانقليزي ..اول ماحفظت هو من مدرس الانقليزي ..زمان لما كنت اطلب..شسمه العلم:b3: .. تومايتوز...

لنا الله اللحين.. وصل الكيلو ... خمسين ريال ...

طبعا .. انا ماتفرق .. معي .. مويا .. وتمره.. ونعيش

بس .. بعضهم ... مايستغني .. ولايقدر يدفع...

المشكله .. لاجاك ضيوف... وتبي تكشن العشاء ..

يصلح تكشنه بخيار ؟؟!..

احيان افكر .. ازرع .. طماط بحوشنا... والا اروح لمهرجان ..

كل سنه يقام .. باسبانيا .. يجمعون الطماط .. ويحذفون بعض .. فيه

الله يعين.. ان شاء الله

الى متى الجشع ؟؟!!!!!!!!!!

مهاجم دولي

15-10-10, 09:37 pm

مقدر اواصل خطوتـي لآخـر الـدرب... ومقدر اضحي لخاطـر عيـون غايـب

تقدر تقول اني كذا مـا اعـرف احـب... وتقدر تقول انـي مـن الحـب تايـب

صدر الغلا لا ضاق من سيـرة الحـب... ارم المحبـة فـي طريـق الهبـايـب

ثنـتيـن فالدنيـا تـرى مالهـا طــب ... خيانـة الصحبـة ..وظـلـم القـــــرايـب

مهاجم دولي

15-10-10, 09:46 pm

فيه ... ناس بحياتك ..

لو تناظر .. تلاقي ... لهم بصمه..

ودائم .. موجودين ..معك

مو شرط.. يكونون.. والديك ..

احيان.. صديق ..

فيه.. ناس بحياتي ... وين ما التفت .. الاقيهم .. موجودين بحياتي

الله لايحرمنا .. من احبابنا ...

مهاجم دولي

15-10-10, 11:28 pm

ادعى رجل من الاعراب النبوة
في زمن المهدي العباسي فاعتقله الجندي
وساقوه الى المهدي
فقال له: انت نبي؟
قال: نعم
قال المهدي: الى من بعثت؟
قال الاعرابي : أو تركتموني ابعث الى احد؟
بعثت في الصباح واعتقلتموني في المساء.

مهاجم دولي

15-10-10, 11:39 pm

تلك الدموع الهاميات أحبها ،،
وأحب خلف سقوطها تشرينا

بعض النساء وجوههنَّ جميلة ،،
وتصير أجمل .. عندما يبكينا

هذا يقوله نزار قباني .. النساء يكونون اجمل اذا بكو
وش رايكم يالحريم صدق هـ الحكي والا لاء ..

مهاجم دولي

16-10-10, 12:00 am

http://img104.herosh.com/2010/10/15/470920587.jpg (http://www.herosh.com)

من كموم الفجر جيتك صبح عاشق
جيت مثل الغرس فالارض الخصيبه

جيت شتلات الوفا والطلـع باسـق
جيت محبوب ويـدوّر عـن حبيبه

مهاجم دولي

16-10-10, 02:07 am

تخيل .. ان معك .. مفتاح باب .. واحد لباب بيتكم .. الخارجي

ومره .. جيت .. وانت .. تفتح باب .. بيتكم .. انكسر

هذا .. شي ..عادي .. راس ماله .. مفتاح

بس ياترى ؟

كم ..مفتاح .. وحيد.. كان .. معنا .. كسرنا .. هـ المفتاح

سواء .. مع ابوك .. امك.. زوجتك .. هذا النوع..

من المفاتيح .. لا انكسر ... صعب .. تلاقي بداله..

حافظوا .. على مفاتيحكم .. مع الناس .. اللي تحبونهم..

ومن اكبر ..مفاتيح .. القلوب هي الابتسامه ..

فلا تكسرونها ... بينكم .. وبين اللي تحبونهم ..

: )

مهاجم دولي

16-10-10, 09:11 pm

..

رضيتْ أوادعها .. بلا شوُق وأحبابْ
وشْ لون أبعشقها وهي ماهي بــ لـي ؟

..

مهاجم دولي

16-10-10, 09:42 pm

http://img105.herosh.com/2010/10/16/463529152.jpg (http://www.herosh.com)

مابيك تستغرب إن صارالحـزن هـادي
البعد واحـد ،،،و لـو تكثـر تفاصيلـه

ياصاحبي لوضحكت من الحزن ،،، عادي
ما عاد باقي حزن يستاهـل أبكـي لـه

مهاجم دولي

17-10-10, 10:04 pm

واحد.. من الشباب ..دق علي .. قال ... تكفى .. تعال ... ضروري ..

قلت .. وين .. وقال لي .. المكان... رحت .. له .. ولقيته .. موقف

على الرصيف... نزلت ..وسلمت عليه .. قلت له .. سلامات

قال .. ابيك .. توديني البيت.. قلت..له.. وتخلي سيارتك هنا... خل نصلحها اول

قال .. لالا.. انا .. عارضها ..قلت ليه ..تبي تبيعها؟؟!.. قال لاء ..بس اخليها هنا

موقفه.. بالمكان ..ذا.. هذي حركات ..شبابيه.. وين عايش انت .. قلت..ايه بس .. كذا

عاد.. انا .. اخذت .. فوق .. تحت .. ووقفت.. عند ..بقاله.. وقلت له ابي .. ببسي

نزل.. ودخل البقاله.. مشيت .. وتركته... دق علي .. وينك.. قلت ..ابد .. حصل ظرف طاري

لــ اهلي .. ورحت ... قعد ..يسب .. قلت له.. ليه.. قال .. وين اروح انا اللحين...

قلت .. لاتروح .. اقطع .. الشارع .. واركب سيارتك.. ورح لـــ قريح....

جايبني... من .. آخر بريده... عششان.. ارجعك ... لبيتك .. وسيارتك..معك

وش تبي .. بــ منة ..خلق الله... اركب سيارتك.. ورح لبيتكم... زعل مني..

الظاهره... ذي انتشرت... بــ بريده.. ناس ..توقف ..سيارتها .. وتخليها...

ويشغلون.. اهلهم.. او اخوانهم.. او اصحابهم... عطني سيارتك برووح قريب

ما اقووول الا ...

عجبي .. اصحـــاب العقول في رآآحه !!

مهاجم دولي

17-10-10, 11:38 pm

امانه الله عليك إن غبـت عـن عينـي
لا يكون قلبك مثل قلـب الزمـن جافـي

مع كـل دمعـة تذكـر رعشـة يدينـي
ومع كل ضحكـة تذكـر قلبـي الوافـي

مهاجم دولي

18-10-10, 10:57 am

يقول لكم محشش حكم عليه بالاعدام

سألوه : وش اخر شي تتمناه قبل تنفيذ الحكم ؟
قال : اتمنى يكون هذا درس لي بالمستقبل

اي مسستقبل يابو الششباب هههههههههههههههههااي

مهاجم دولي

18-10-10, 11:38 am

ما مثل الإستغفار يتلاه تهليل ..

تقطيع وقت وأجر منّا و مناا ..!

وهذي هي الدنيآ طلوع و تحآويل ..
مآجت لإبن آدم على ماتمنى ..!

مهاجم دولي

18-10-10, 10:23 pm

الرجل الَّذي لايجعل ( أنثاهُ ) تنحصر دموعها
في . . " دموع الفرح " . .

- لا يستحقُّها -

مهاجم دولي

19-10-10, 06:21 pm

* لا تطلب الفتاة من الدنيا إلا زوجاً.. فإذا جاء طلبت منهُ كل شيء

شكسبير

مهاجم دولي

19-10-10, 10:14 pm

قطّاع الطرق يطلبون منك إما النقود وإما الحياة ..
أما المرأة فتطلب الأمرين

" صموئيل بتلر "

مهاجم دولي

22-10-10, 01:22 am

هــــــــــــــات يـــدك

كلمه دايم يقولها .. اللي جالس للي واقف عشان يقوم من مكانه

وهي كلمه حلوه .. ومعبره ..وتدل على التعاون

ولها معنى ثاني .. اعمق بكثير من الاول ..

وهي انك تقولها لشخص طاح في مصيبه .. ولا قدر يطلع منها

وانت تعرض عليه المساعده .. والفزعه ... وتقول هآت يدك

واللحين .. لاتنسون .. اذا احد قال هات يدك.. مدها له...

لانك بــ يوم .. راح تحتاج انك تقول ..

هاتوا ايديكم : )

مهاجم دولي

11-11-10, 12:10 am

اخف من الريشه !!

يمكن نقولها

لما نعبر عن امر خفيف وهمه بسيط

او نقوله

لما نشيل شي خفيف مابه ثقل

وبعد تقال ::

للى عقله خفيف وبه طفاقه !!

فلان عقله اخف من الريشه ...

نكون مثل الريشه

بخفه الروح والسوالف

والدم مايكون ثقيل

ونكون عكس الريشه بالعقل
هذا المفروض

بس البعض فعلا عقله اخف من الريشه ..

او على قوله اهل الشام :

فلان عقله جوزتين بخرج !!

ولى على آامتى ....

مهاجم دولي

11-12-10, 01:43 am

التفله بعشره !!

فشل بالدارسه

وتخبط ماحصل وظيفه سنعه

وصار عاطل باطل

قصر الثوب

واطلق اللحيه

واشتغل تفال !!

وصار له ناس تطلبه
وتدفع فلوس عشان تفلته المباركه !!
وشوى

مويه مقرى عليها

وزيت

والتفله صارت بعشره

لا بميه

لا تطلب لها جلسه خاصه

تف تف تف
اللحيه وتقصير الثوب
البعض وضعها لهدف استغلال الناس وضعفهم

تف عليه مايخاف ربه ..

مهاجم دولي

11-12-10, 02:02 am

عندك قروش

افتح لك مستوصف اهلى

واطمر للديره ذيك
وهات لك كم دكتور توه متخرج ماحصل وظيفه

وعلى كل فاتوره ياخذ نسبه

وكثر من التحاليل والاشعه ...

وحط بالاستقبال بنت ....
وابشر بالخير

هذا الواقع!!!!

مهاجم دولي

11-12-10, 08:03 pm

http://www5.0zz0.com/2010/12/11/15/504225225.jpg (http://www.0zz0.com)

ابدا مافيه شي ...

مواطن طاح بحفره صرف صحى!!!

مافيها شي

ولا يطيح الا الشاطر

ومافيه اهمال

والمواطن عقب ماطاح ابشركم

فزعوا له عقب طعش ساعه

وجت سياره الاسعاف عقب ماطلعت روحه

وراح يحصل كامل الرعايه الطبيه

وكل شي ماشى ومنظم

ولافيه اى خلل !!!!!

مهاجم دولي

11-12-10, 08:10 pm

زوجه قالت لزوجها

شوف ابو فلان مشاء الله عليه بعد ماماتت زوجته بنى لها مسجد باسمها

رد عليها الزوج

انا شارى الارض من زمان

بس التاخير من عندك

هههههههههههههههه

مهاجم دولي

11-12-10, 10:13 pm

جلد ماهو جلدك على الشوك جره !!

البعض كذا يتعامل مع شي لايملكه

او يشوفه ملك عام

او للاخرين

يعنى لو كل واحد منا تعامل مع ممتلكات الغير كانها له

ماجرينا جلود غيرنا على الشوك ..

مهاجم دولي

12-12-10, 12:32 pm

لا تقتحم احساسك في بعض المتاهات
وخلك ماتعلم .....حتى لو كنت تعلم

وعشان تتفادى جروح وخسارات
سطح علاقاتك مع الناس تسلم

سطح علاقاتك مع الناس تسلم

الععلاقات السطحيه

يمكن تكون من انجح العلاقات واقوها

وتستمر سنوات

يعنى علاقتك مع فلان سطحيه

تظل معه بشكل ودى سنوات بدون مشاكل

لان علاقتك فيه سطحيه !!

التعمق بالعلاقات بين الناس قد يجر مشاكل

سوء فهم

او كشف اسرار يندم صاحبها بعدها

ماصارت قلوب الناس على بعض

تخيل

انت مسطح

بمعنى علاقاتك كلها سطحيه
مع الجيران

مع زملاء العمل

زملاء الدارسه

كلش سطحى

مافيه احتكاك

تقارب

زمن عجيب مسطح !!!

مهاجم دولي

12-12-10, 01:25 pm

مشاكل هــ الناس

احيان تحصل مشاكل .. بين الناس

بسبب بزر ... او بسبب موقف سياره

طبعا لو تناظر اللي يتهاوشون..

تلاقيهم.. ناس خفيفين

كلمه توديهم.. وهمسه تجيبهم

ونادر تحصل هوشه طرفها شخص رزين

وعلى قولة المثل

الثوب ماينشَق بين عاقل ومجنون!!!

مهاجم دولي

12-12-10, 08:51 pm

للهمّ عندي ... إرْتباطات عدّه !!
.................. ولا يمكن اتْعدّي حياتي بلا همّ

عادي ومتْعوّد .. ليا زاد حدّه !
.................. مبطي واناابْحضْن الغيابات ملتمّ

يرخي معي مرّات ، من بعْد شدّه
.................. أضيّعه .... وارْجع ألاقيه وانْغمّ

مهاجم دولي

12-12-10, 09:17 pm

* أحســاس بشــع *

أن تهبهم كل مساحات الثقة البيضاء وتمنحهم كل الأراضي الخضراء التي بداخلك..!!
وتضع باقاتك الحمراء عند بابهم وتسهر لتقرأ أخبارهم..؟!
فوق جبين القمر ثم تكتشف إنهم وضعوا أسمك في قائمة الأغبياء بلا حدود ..!!

.

وكفى .!!

مهاجم دولي

13-12-10, 12:00 am

فلان على وجهه !!

دايم الكلمه هذي تسمعها من اخوياك بالاستراحه

والا من زملائك بالعمل

والا بمجلس ..

يعني ان فلان مسكين ..وساذج .. وينضحك عليه بسهوله!!!

بهــ الوقت صارت طيبه القلب .. سذاجه عند اغلب الناس

مهاجم دولي

13-12-10, 12:19 am

لحظات للمرح ..

هذا واحد من الشباب راح يخطب وكاشخ

المهم ابو البنت يبيه يتكلم يبي يشوف منطوقه

قاله وين تشتغل !؟

ارتبك و قاله اشتغل في شركة كبيره ومعتمدين علي بكل شي

حتى شف جوالي يدقون علي يقولون تعال مانقدر نسوي شي بدونك

بالوقت ذا جت له رساله

عاد ابو البنت يعرف هالحركات قاله ورني اشوف

صارت الرساله واحد من اخوياه يقول له لاتنسى

وانت جاي الاستراحه تجيب معسل:f5:

قاله ابو البنت اي والله مايقدرون يسون شي بدونك

ههههههههههههههه

:f5::f5::f5:

مهاجم دولي

13-12-10, 12:32 am

لو كان المال يغني عن الرجال .. لما تزوجت بنات الملوك !

مهاجم دولي

13-12-10, 12:56 am

ام فلان

عزمت حريم الحاره على القهوه ...

ومثل العاده

تدخل الحرمه

وتستقبلها ام فلان

بالهلا والمرحبا

وتشيل عبايه الضيفه

عشان الضيفه تاخذ راحتها

والحريم جالسات بالصاله

فجاءه !!!

دخل رجال معه اكياس للمطبخ !!!!

هنا تنغازت الحريم وتتطامرن

كلن من مكانها

واللى

وويلاه رجال ....

وتغطى وجهها بالمخده !!

والثانيه

تخبت وراء ظهر الاولى !!!

والثالثه

هجت تركض

وطاحت لو جالسه مكانها ابرك

والرابعه تصارخ هاتوا عباتى وخزياه !!!

ووسط الصجه واللجه

دخلت المعزبه

وقالت

ماعليكم الا العافيه

وش فيكم

هذا مو رجال !!!!!

اجل وشو ؟؟؟؟

هذا سواقنا كومار جايب اغراض للمطبخ

؟؟؟؟؟؟؟؟؟؟؟

ايه اشوى

تصدقين احسبه رجال طاح قلبى !!!

دامه مو من رجال البيت

اشوى

ويدخل كومار

ويجيب اغراض للمطبخ

وسط الحريم

وهو طبعا مو رجال !!!

ماله عيون مثل الرجاجيل

وماله احساس مثلهم

عادى

سواق

خذن راحتكن يالحريم

؟؟؟؟؟؟؟؟؟؟؟؟؟؟؟؟؟؟

مهاجم دولي

14-12-10, 09:04 pm

يشب قلبك نار !!

كثير نقول شاب قلبى نار

يشب قلبك نار غيره على من تحب

ما تتحمل تشوفه مع غيرك

او احد يجيب طاريه قدامك

يشب قلبك نار

لما فجاءه من كان ظهرك وسندك يوقف ضدك ويتخلى عندك بدون سبب

يشب قلبك نار حقد وبغض للبعض

وبنهايه انت من احترق قلبك لانك ماطفيت النار بتسامح والمحبه

يشب قلبك نار لغياب من تحب

لفقده

لبعده

دون اشاره منه عن غيابه

اعتذار

تنبيه

!!

يشب قلبك نار

لما غيرك اقل منك يتقدم عليك عشانه من ربع الواسطه

كم مره شبت قلوبنا نار

على فرض تركناه

او النسيان غيبه عنا

كم مره شبت قلوبنا نار على ضياع يوم بدون ذكر الله!!!

مهاجم دولي

15-12-10, 12:01 am

http://www13.0zz0.com/2010/12/14/19/865663744.jpg (http://www.0zz0.com)

قلت المطر قالت من اليوم ديمه
ما به رعد لا برق ما غير هتان

عشق جمع ما بين قاع وغيمه
فيض على صدر الثرى دمع الأمزان

همس النديم اللي يعاتب نديمه
صوت المطر كنه تعاتيب خلان

البـــدر

مهاجم دولي

15-12-10, 12:07 am

[]

ليس من الرشد ..
أن تصنّف الناس إلى أعداء وأصدقاء وكأنك مركز الكون .. !
فهناك الكثيرون .. لم يعلموا بوجودك أصلاً ..

الشيخ " سلمان العودة "

[/]

مهاجم دولي

16-12-10, 11:08 pm

الأشيـاء الجميلة تأتي عندمـا ,,
نكف عن إنتظارهااا ...!

هل المقوله هذي صحيحه ؟؟

انا اعتقد انها .. صحيحه 100%

اقعد انتظر لك شي ...

شخص تحبه ... وظيفه .. واسطه ..

مار اح تجيك مهما سعيت لها ...

بس صد عنها .. وانس هــ الحاجه....

تلاقيها جت يمك..!!

ليه.. مدري ..يمكن المسأله فيها .. كيمئاء !!

حاول تجربون .. تنسون حاجاتكم اللي سعيتو لها وماتحققت الى اللآن..

وشوفو .. يمكن تجي لكم ...

وان ماجت ... مالي شغل فيكم

..

مهاجم دولي

16-12-10, 11:14 pm

sms :-
تعلمتُ اليوم أن الرسائل لا تضل الطريق ,
لكنها القلوب التي ترفض الإجابة .

* أحمد العثمان

مهاجم دولي

18-12-10, 04:23 am

[]

http://www8.0zz0.com/2010/12/18/00/431042558.jpg (http://www.0zz0.com)

" وش سَهَـَرك فيني وانا كِلي نعَـاس "

مهاجم دولي

18-12-10, 10:00 pm

لما تشوف عيوبه مزايا

اكيد تحبه

لما تحرص تكون بافضل حال وصوره قدامه

اكيد تحبه

لما يهمك تسمع رايه

اكيد تحبه

لما عند كل خطاء تحصل له عذر

اكيد تحبه

لما تفقده مده ودك بس يقولك شي !! اى شي

اكيد تحبه

لما تكذب احيانا وتقول انك تعبان ومصخن !! بس عشان
يقول ماتشوف شر

اكيد تحبه

لما تكون مع مجموعه كبيره حولك ومع هذا ماتشوف الا هو
اكيد تحبه

لما تحس مرات انك محظوظ انك عرفته

اكيد تحبه

لما تحس بمتعه وانت تغوص باعماقه وتحاول تفهمه

اانت تحبه ..

مو محتاجين علامات عشان نعرف اننا بحاله حب

القلب يتكلم بحنيه ... ويقول
احبه !

مهاجم دولي

18-12-10, 10:35 pm

حاله نفسيه ...

الى متى كل مصيبه

تصير

نقول

حاله نفسيه

انتحار

حاله نفسيه

اب يذبح عياله

حاله نفسيه

ام تخنق طفلها

حاله نفسيه

زميل يقتل زميله

حاله نفسيه

بتجينا حاله نفسيه ترى !

مهاجم دولي

20-12-10, 10:43 pm

هناك من يغادر حياتك... فيترك خلفه فراغا باتساع السماء...
فتحاول جاهدا ملء الفراغ خلفه... فتتعرف على من يستحق
ومن لا يستحق وتتخبط في علاقاتك كي تنساه...
احيانا تنجح وفي معظم الاحيان....لا

مهاجم دولي

21-12-10, 11:06 pm

[]

http://img104.herosh.com/2010/12/21/351869562.jpg (http://www.herosh.com)

ومَازِلتْ ألتَمس الأعَذار لـ إثم الغَيَاب ..

[/]

مهاجم دولي

22-12-10, 11:58 am

ودنا نكتب احيانا ونتردد

اما خوف نعبر غلط

او تنفهم سطورنا غلط

او نشوف الى بنكتبه مو مهم

وماله قيمه

دام حروفك طالعه من قلبك
وكتبتها بصدق اكتبها
واغلب قلمك

مهاجم دولي

23-12-10, 11:35 pm

بعض الناس طبعه يحب يشوف غيره متضايق

ويستانسون لما يشوفونك متضايق !!

مدري وش الفائده اللي بياخذونها من وراء حزنك ؟؟!!

طيب لو نشرت المحبه بين الناس

وش تخسر لو قلت كلمه حلوه !!

وتركت انطباع احلى عندهم

سبحان الله بعض الناس طبعه الاذيه !!

مهاجم دولي

24-12-10, 03:05 am

.......}:for12:

{خلك ثقيل وخل كلآمك بـ مقيآس ...
مآ كل من يسمع همومك فزع لك ••!!

بعض البشر من حبهآ تقول لآ بآس ....
وبعض البشر من حقدهآ تبتسم لك ••!!

مهاجم دولي

26-12-10, 12:32 am

هـذا أنا .. يوم أخلـف الوقت ظني
الحزن حزني .. والسوايا سواياك

بكيت .. وابكيت العيون .. وبكني
تعال .. شفني كل ماحان ذكراك

كـم واحدٍ جاني بعدك وسألني
شخبار من حبيت وأقفى وخلاك

واصد .. والحزن الخفي ممتحني
وإن قلت منهو ؟ قيل ماهوب يخفاك

قيل : العوض قلت العوض ماشحني
والله.. لا هذا.. ولا ذا.. ولا ذاك..

يـامـا بـعضـهم مرني مافتني
يا جعل ماهم بالعوض في محيآك

الله لا يجـبـر عــزآ .. مــن عذلني
ماجاه ماجاني .. ولا جاه ماجاك

واللي عذل ويقول لوهـ ولو إني
جعل يعشـق لـه واحدٍ كنه إياك

مـا فيـه شيٍ فــي حيـاتـي غبـنـي
ألا نهار أقفيت وأنا اسمع إبكاك

الله من جــرحٍ قــديــمٍ مــكــني
أمداك نزفه لكن إدواه ماامداك

عليَ كـم جـار الـزمـان وطـعـني
أسمع صدى صوت المعاليق تنخاك

وين أنت؟ ياللي كـل مـاغبـت كنـي
واقـف على بـاب الأمـل واتحـراك

لـيتك تـعـرف تـخـون وأقـول خـني
على الأقل ألقى سبب واتناساك

وليت الزمن في محبتك مـا خذلني
وليت الهجرمن طيب خاطرك ورضاك

لو إن قربك والوصل بـالتمـنـي
ما غبت عن عيني كثر مااتمنـاك

خـايف يـطول البـعـد وتـسج مـني
ويآخذ مكانك شخص ماهوب يسواك

.....

مهاجم دولي

12-03-11, 09:06 pm

http://www6.0zz0.com/2011/03/12/17/567950147.jpg (http://www.0zz0.com)

ليس أقوى من المرأة عندما تكون

محبـوبة !

وليس أضعف منها عندما

تُحــــب !

مهاجم دولي

12-03-11, 09:14 pm

http://www10.0zz0.com/2011/03/12/17/960149327.jpg (http://www.0zz0.com)

لاوجع مثل وجع الغياب

مهاجم دولي

16-03-11, 02:31 am

تحسبيني على خبرك ...امووت اموت واحيا بك ... انا لو مانسيت الود ما انسى انك خذلتيني ...

ذبل ورد الامل فيني ... وضاع الوعد بترابك ... وبقيتي مثل ما انتي بعيــــدة لو سكنتيني ..

وكيف يسامحك جرح السنـــين .. ورحلة عتابك ... خسرتي كل شي ادري ... ومع هذا

خسرتيـــــــــــــــــــــــــــــــــــني..

مهاجم دولي

17-03-11, 02:42 am

يحول اقسى من الحرمان لامني تمنيتك

اششياء كثيره .. ينحرم منها الشخص في الحياه

وتختلف من شخص لــــــ آخر

شخص محروم من نعمه من نعم الله مثل النظر او الحركه <--- الله يكتب لكل محتسب الاجر

و عائله محرومه الاولاد ... ماينجبون :(

وناس محرومه من اشياء بالدنيا مثل.. المال ..

وفيه اشياء اهم وهي معنويه

مثل انسسان محروم من الحب ..

رغم وجوده عند اهله الا انه محروم منه

واللي محروم من الصبر .. تلاقيه مايصبر على اي شي

يبي كل شي بثانيه .. ولو تقوله اصبر دقيقه ..طق فيه عرق ومات

الحرمان شي صعب .. على اي انسان انه يجربه ...

اللله لايحرمنا شوفتكم .. ^_^

مهاجم دولي

17-03-11, 04:21 pm

http://www.m5zn.com/uploads/2011/3/17/photo/031711040339lzyvv5x.jpg (http://games.m5zn.com/cooking_games.html)

هي:

حروفها له ترفل بثياب الصداقة الانيقه
يعجبها منطقه / كلامه / اسلوبه
لكنها شديدة الحذر منه
ترمقه بعينها من بعيد
وعلى استحياء
مقتنعه بانه لا يراها
تفكر به كثيرا
لكنها لا تتجرا ابدا للحديث معه

مهاجم دولي

17-03-11, 05:01 pm

http://www.m5zn.com/uploads/2011/3/17/photo/031711050317d528xo99b2m5sc.jpg (http://games.m5zn.com/cooking_games.html)

هو:
يسعد قلبه كلما رأها
يعلم تماما مدى اعجابها به
يبتعد متعمدا عنها
يشتاق لها
يعود ليتامل روعة خجلها منه

مهاجم دولي

20-03-11, 06:02 pm

*****=0 ******=0

حزن يختزل كل المسافات ..

ويختصر كل التواريخ ... وكل الازمنه ...

الى تاريخ .. ومكان .. وزمن .. وآحد

كلها تشهد .. على رحيل ... انسان عزيز .. من دون سابق انذار

ورغم دموع الفراق ... ومرارة الرحيل ..

تبقى ..الذكريات .. متعلقه داخل قلوبنا ..

منزويه .. في .. مكان بعيد ..

تحركها .. غصات الحنين و الاشتياق .. الى أناس .. تركو احبابهم في هذه الدنيا ..ورحلو

ولكن .. هل يقارن ..فقدان اي شخص ..

بـــ فقدان .. الأم ؟؟؟!!

مهاجم دولي

11-04-11, 03:48 am

,’ ~

بعض العرب .. ما بين طبّ و تخيّر !!
حظه على ما يشتهي .. دايم يسير

و بعض العرب ينساق ما هو مخيّر .!!
على الحظوظ الخايبه .. والمخاسير

من كثر ما جريت صوتي .. تغيّر
ومن كثر ماخاب الأمل.. ودّي أطير .. !!

., ~

مهاجم دولي

12-04-11, 02:44 am

قررت اروح اجازه ..بعد مششاورات مع نفسي .. اقنعت نفسي فيها

لكن مالقيت احد يخاويني .. لان العالم سبقوني وراحو خخخخخخ وانا توني افكر ..^_^

الوجهه : الشرقيه ( الخبر )

الانطلاق :بكره ( Tomorrow )

اللي وده يخاويني يرسل لي رسالة والشروط المطلوبه في الخوي هي :

1. وسيع صدر

2. مايعرف احد في الشرقية علشان مايقروشنا كل شوي ابروح اشوف عمتي والا خالتي

3. فلاوي

4. يحب البحر بس لايسبح ويغرق يوهقنا
5. مايطلبنا نروح لاسواق الراشد

مهاجم دولي

25-04-11, 12:53 pm

http://www4.0zz0.com/2011/04/25/08/757570299.jpg (http://www.0zz0.com)

كم قبـرٍ ، من قبـور المـقبره ،
يَحفره شايب و يُدفن به صبي .•
و كمّ رجلٍ .. شاف شيٍّ يقهـره ،
من وَلَد عمّه ، على شان اجنبي

مهاجم دولي

25-04-11, 01:03 pm

مدرس لغة عربية يعطي الطلاب درس عن الأسماء الخمسة ( أبو , أخو , فو , ذو )
وقال لطالب محشش : حط ( حمو ) في جملة مفيدة ؟
قال المحشش : حمو العشاء ..
http://vb.ta7a.com/images/smilies/biggrin.gif (http://vb.ta7a.com/)

محشش زوجته تبي تتطلق منه ,,
قالها القاضي : ليش تبين تتطلقين ؟
قالت له : لأن زوجي حيوان ,,
قالها : ليش تزوجتيه ؟
قالت : لأني ماكنت أدري إنه حيوان ,,
قال المحشش : كذابة والله كانت تدري
http://vb.ta7a.com/images/smilies/biggrin.gif (http://vb.ta7a.com/)

مهاجم دولي

28-04-11, 11:29 pm

حظ الملايح تحت الصفـــايح وحظ القبااايح فالسما لايح http://vb.ta7a.com/images/smilies/biggrin.gif (http://vb.ta7a.com/)
وفي معنى اخر
حظ السمايح تحت القدم طايح
وحظ القبايح فوق السما لايح
ماادري احد فيكم سمع بــ المثل من قبل و الا لا

من جد لو نشوف البنت الحلوه احس حظها تعبان نشوفها تتزوج نقول خلاص هاذي زوجها بيحطها بعيونه ويدلعها ..
ماراح يخليها تمشي بالارض الا ويفرشها لها ورود شوي نسمع تطلقت!!
وتجي وحدة شاكوشة وماهي حلوة سبحان الله زوجها طاير فيها للسماء http://vb.ta7a.com/images/smilies/ta7a_412.gif (http://vb.ta7a.com/)
بعضهم روحهم الحلوة تعكس اكيد الجمال موب كل شي

بس الناس لاشافو وحده حلوة قالو ماشاء الله وش ذا الحلا
اما لو شافو وحدة ماهي حلوة يقولون يابنتى الله يعوضك الرجال الى يصونك وتتزوجينhttp://vb.ta7a.com/images/smilies/biggrin.gif (http://vb.ta7a.com/)
ومن كثر الدعاوي تتوفق .. http://vb.ta7a.com/images/smilies/biggrin.gif (http://vb.ta7a.com/)

"ارزاق وكلن ياخذ نصيبة"

مهاجم دولي

29-04-11, 02:50 am

جلس في الحديقة العامة على كرسي
وجال بنظره في الارجاء البعيدة
يراقب الناس ومايفعلونه
البعض يلعب ، والبعض يقرأ ، وآخر أخذته غفوة
بدا يحس بالسأم
عندها شاهد من بعيد إمراة
ذات قوام جميل ومشية كالطاووس
لم يتمكن من رؤية ملامح وجهها
ولكنه تحسر على جمالها
وقارنها بزوجته المملة التي تشبه العسكر
راقب مشيتها وهي تمشي باتجاهه
و عندما لاحظ طفلا بجانبها
تحسر وقال هنيئا لـــزوجها على هذه الحسناء
وكم خجل من نفسه عندما اقتربت المراة منه
واكتشف انها زوجته وبجانبها طفله

مهاجم دولي

29-04-11, 02:57 am

S e n s a t i o n s

ي الله حي الضيوف

منورين

^_^

مهاجم دولي

30-04-11, 02:33 am

حينمآ يُمدح شخصٌ , فالجميع يصمت
وعندما يُذَمٌ شخصٌ , الكل يشارك

مجتمع غريبhttp://vb.ta7a.com/images/smilies/ta7a_51.gif (http://vb.ta7a.com/)

لازم اشوف لي مجتمع ثانيhttp://vb.ta7a.com/images/smilies/biggrin.gif (http://vb.ta7a.com/)

مهاجم دولي

13-05-11, 02:40 pm

http://www.youtube.com/watch?v=2fpt6hv0D5A&feature=player_embedded

مهاجم دولي

14-05-11, 10:02 pm

يا صآحبي وإن كان للصحبه .. عتاب
............ترى القوي .. اللي بربي .. متقوّي

إن خنتني .. خانوني من قبلك أصحآب
............أنا ما أعرف أمشي .} طريق التلّوي ..!

بموت وب يدفن على راسي ترآب
.......... لا أخون ف أصحابي .. ولا أظلم عدوّي..