ماسر شجاعة المرأه في قطع الطريق مشياً على الاقدام !

[سلفـsilverـر]

السلام عليكم ورحمة الله ..



مرحبا واهلا بك اعضاء وزوار هذا القسم ,,,

حقيقةً لا أجيد سبك الأحرف والكلمات المترادفه أمثال بعض الاقلام هُنا بالمجلس .. ولكن هو أمر في نفسي ونا على يقين اني لا استطيع ايصاله الا عبر هذهـ البوابهـ ..


اخواتي الفاضلات ..

موضوعي هو ان شئتي اسميه اي اسم ,

استفسار

تساؤل

تعجب !

لا اعلم بماذا انعته ولكن لعلي ادخل في صلب الموضوع ..


يعلم الكثير خطورت الطرقات المزدحمهـ بالسيارات , وكم آلمنا وافجعنا كثرة مانسمع من حوادث الدهس ..

اريد ان اتكلم عن نفسي ..

انا شخصياً قبل فتره ليست بالبعيدهـ وتحديداً في مكه وإذ بي امشي على اقل من مهلي بسيارتي متحاشياً الماره .. اذ بتلك المرأه هداها الله وكأنما سقطت علي من السماء ,,, تفاجأت حقيقه وارتبكت لينتهي الأمر بحمد الله بدهس قدمها ولم تصب بأذى !!!

مرهـ اخرى في سوق بريدهـ الداخلي ماشي بأمان الله وفي لمحة بصر إذ بسرب من النساء يقطعن الطريق بدون اي مبالات !! عجباً اهذا الطريق للمشاة ام للسيارات ..

الا يجب التوقف قليلاً والنظر يمنه ويسره لكي تطمئن على سلامتها قبل قطع الطريق .. او هي على يقين ان السائق مهما كانت سرعته انه على كل شي قدير !!!

ايضا اختم بموقف لم يمضي عليه سوى 24 ساعه , ليلة البارحه
قطعت الطريق امامي امرأهـ اكاد اجزم واحلف انها لم ترى الطريق نهائياً لا يمين ولايسار !!


اعتقد اتضح مرادي من موضوعي ,,

اخاطبكن اخواتي واخص بالخطاب من اتمت سنوات بلبس الحجاب اعني انها كبيرهـ وناضجة العقل .. لا القي باللوم على الصغيرات ربما لم يتغير الوضع عليهن بعد الحجاب الى الآن ..


ماهذهـ الجرأه والشجاعة والإقدام على الموت ,,, !!!!

[رواسي]

مسآء الخير بمآ أن السؤآل مخصص للنسآء فسأجيب عليهـ
مع أنك حددت العجآيز بآلإجآبة وللأسف مآيتوآجدون كثير عآلنت
فكن مع الفتيآت وستأتيك الإجآبآت



بصرآحة أنآ من هذي النوعية ألي أمشي وأنآ مغمضة عيوني والسيآرآت مآشآء الله عندنآ إذآ شآفت إمرأهـ
تقف من بعد ميل

والشيء الثآني أني أنآ وأكيد أخوآتي البنآت بصرآحة نستحي نتلفت أو نطآلع يمين يسآر
أمشيء سيدآ وربك كريم


شكرآً لك
:)

[ابو فارس الحمادا]

أخي القدير سلفر
أنامعك في هذه النقطة مادري كيف تتصرف المرأة أحيانا
في الطريق كثير يحصل هذاالمشهد
أعتقد والله أعلم أن المرأة عندهاالثقة المفرطة بأن السائق
يشوفهاومايحتاج تلتفت المرأة
تدري إن السواق واقف واقف إحتراماًللمرأة
أناأخاف عليهن من الأجانب اللي توهم مستجدين بالسواقه
أخاف (يلخه)المسكينه
المشكلة لاصارن فررق يعني سرب هذي المشكله
يخطمن تقل لحالهن بالشارع عاد يمكن مستعجلات لابو خمسة ياحبهن للمحلات ذولي
شكراعزيزي سلفرموضوع جميل الله يحفظنا جميعا

[لسان الطير]

هناك شبه كبير بين المراه والناقه (مع احترامي لنساء
وهو انه كلاهما تقطعان الطريق دون ان تكلف نفسها عناء الالتفات يمنه ويسره
وايضا لثقتها ان صاحب السياره سيقف لامحاله !

[نبراس القصيم]

هذا فعل كثير من النساء

والسبب أنها تقول أن السائق سيقف عندما هي تعبر الطريق

لكن لو هي وقفت تنتظر أن يخلو الشارع من السيارات فأنها لن

تعبر وسيمضي يومها بالأنتظار


واعتقد أن هذه طريقة خاطئه


وحده من خواتي هذا فعلها بستمرار عندما تذهب للسوق

لكن تعرضت قريبة لنا لدهس بعدها تابت ولا تعبر الشارع

الأ بعد أن تتأكد من خلوه من السيارات

[الشجاع الصامت]

قانون عن النساء هو
" إذا راء صاحب السيارة أمرأة تعبر الشارع فإنة يقف دن ضرب بوري أو أي حركة "

[بسومة بريده]

تمنيت ان اجيبك لكني لست منهن...

وبالرغم من انني اقوم بمعظم مشاويري سيرا على الاقدام واضطر لعبور الطرق والشوارع..

لكن ماعمري خطمت ولا صقطت على سياره<<دباب مو حرمه

ماهنا اخوف مني انقطع ويروح وقتي وانا انتظر احد يتكرم ويهدي عشان اقدر امشي....

لكني اتصور ان قلب المرأه قوي وجزومه ويمكن انها واثقه ان الرجال بيوقف لها غصب...

[عذبـــــة]

حكمتي بالشارع تقول :
الأفضلية للي يمشي رجليّة :c7:
سيارة توقف لي دامني امشي على رجولي
واللي ماتوقف اخطم عليها لين توقف غصب ويضرب لي الراكب سلام

[قـتـالـه]

آآهبن اللي يعرفن يقطعن !
ودي اعرف عجزت :(
اذا جزمت اقطع ووقفت غصب التفت جهة السياره واثرها جايتني يطير عقلي وتصافق عظامي واصرخ وهو مابعد جاني شي!
بشارع الصناعه رغم ان القطع يقدر عليه البزر اللي يحبي الا اني استعين بالعيال الصغار
يقطعونبي:)
او عمال يخطمون همن اخطم معهم وانا مغمضه ماابي اشوف السيارات!
عندي فوبيا القطع مااعدتني عذبذب القرمه:)

[| ~ ســمــو ~ |]

بالنسبه لي غالبا السيارات توقف او تهدي بمجرد ما انوي اقطع الشارع :)

واحيانا ماعندي وقت انتظر فـ اذا شفته بعيد شوي اقطع بسرعه هههههه



هذا سر الشجاعه :)

[سلفـsilverـر]

مسآء الخير بمآ أن السؤآل مخصص للنسآء فسأجيب عليهـ
مع أنك حددت العجآيز بآلإجآبة وللأسف مآيتوآجدون كثير عآلنت
فكن مع الفتيآت وستأتيك الإجآبآت



بصرآحة أنآ من هذي النوعية ألي أمشي وأنآ مغمضة عيوني والسيآرآت مآشآء الله عندنآ إذآ شآفت إمرأهـ
تقف من بعد ميل

والشيء الثآني أني أنآ وأكيد أخوآتي البنآت بصرآحة نستحي نتلفت أو نطآلع يمين يسآر
أمشيء سيدآ وربك كريم


شكرآً لك
:)


اهلاً فتاة ..

بالعكس انتن المعنيات بالكلام .. والا العجائز كان اروح للصندقه حقت العجايز الي بالسوق واقول لهن الموضوع مشافهه :)


شفتوا ياجماعه اني صادق .. هذا اول خير ..

عموماً مو كل مره تسلم الجرهـ .. وتحروا السلامهـ في هالأمور لا تكوني ضحيهـ لصدمه مني لاسمح الله .. تراي راعي سرعه :)

[سلفـsilverـر]

أخي القدير سلفر
أنامعك في هذه النقطة مادري كيف تتصرف المرأة أحيانا
في الطريق كثير يحصل هذاالمشهد
أعتقد والله أعلم أن المرأة عندهاالثقة المفرطة بأن السائق
يشوفهاومايحتاج تلتفت المرأة
تدري إن السواق واقف واقف إحتراماًللمرأة
أناأخاف عليهن من الأجانب اللي توهم مستجدين بالسواقه
أخاف (يلخه)المسكينه
المشكلة لاصارن فررق يعني سرب هذي المشكله
يخطمن تقل لحالهن بالشارع عاد يمكن مستعجلات لابو خمسة ياحبهن للمحلات ذولي
شكراعزيزي سلفرموضوع جميل الله يحفظنا جميعا


العفو يابوفارس ..

شاكر لك تعقيبك ..


ياليت قومي يعلمون :)

[سلفـsilverـر]

لسان الطير


حنا ماذبحنا الا ثقتها اننا نقدر نوقف بأي وقت .. هذا الي مرتسم في عقول الكثير ولكن الواقع ماراح يسمح لك بكل الأحوال ,, اتمنى السلامه للجميع ..


نبراس القصيم


ليت الأخوات هنا يعتبرن ايضاً من قريبتكم الي حصل لها حادث دهس ويتعظ الجميع ..


الشجاع الصامت


القانون لا يحمي المغفلين ..
تحيتي ,,

[سلفـsilverـر]

تمنيت ان اجيبك لكني لست منهن...

وبالرغم من انني اقوم بمعظم مشاويري سيرا على الاقدام واضطر لعبور الطرق والشوارع..

لكن ماعمري خطمت ولا صقطت على سياره<<دباب مو حرمه

ماهنا اخوف مني انقطع ويروح وقتي وانا انتظر احد يتكرم ويهدي عشان اقدر امشي....

لكني اتصور ان قلب المرأه قوي وجزومه ويمكن انها واثقه ان الرجال بيوقف لها غصب...



الله يثبتك على ركادتك ..

وصدقيني اساساً صاحب السياره (وهذا الغالب) نادراً مايرى امرأه تريد قطع الشارع ويقوم بإهمالها .. بالعكس يقف ويخبر من خلفه من السيارات بوقفون اظطراري (فليشر) وتعبرون بسلام ..


تحيتي //

[سلفـsilverـر]

حكمتي بالشارع تقول :
الأفضلية للي يمشي رجليّة :c7:
سيارة توقف لي دامني امشي على رجولي
واللي ماتوقف اخطم عليها لين توقف غصب ويضرب لي الراكب سلام


تصرفك يذكرني اول مابديت اسوق يعني فيه سوء تصرف وعنجهيهـ ..
الي بتخطمي عليه اصلا بيحاول قدر المستطاع التوقف ولكن لو لم يستطع ذلك .. !!

موفقهـ لخطمات آمنهـ ..

[روح لايسعهآ جسـد]

لان الرجل مجرد مايشوف المراه تبي تعبر الطريق يهدي عشان يقزقز
عن نفسي انا لازم اشوف السيارات قبل ما اقطع الشارع لكن الحريم اللي قلت عنهن اتوقع من الهم والغم يبن ينتحرن

[سلفـsilverـر]

آآهبن اللي يعرفن يقطعن !
ودي اعرف عجزت :(
اذا جزمت اقطع ووقفت غصب التفت جهة السياره واثرها جايتني يطير عقلي وتصافق عظامي واصرخ وهو مابعد جاني شي!
بشارع الصناعه رغم ان القطع يقدر عليه البزر اللي يحبي الا اني استعين بالعيال الصغار
يقطعونبي:)
او عمال يخطمون همن اخطم معهم وانا مغمضه ماابي اشوف السيارات!

عندي فوبيا القطع مااعدتني عذبذب القرمه:)



قتاله .. اضحكني مالونته بالأحمر ..

ولكن لن ازيد على ردي للأخت بسومهـ ..

تأكدي انها نسبه كبيره سوف تقف لأجل عبورك بأمان ..

لكن شارع الصناعة يبي له حذر اكثر لأن مابين الرايح والجاي اقل من نصف متر ..

يعني لانصير مثل القط (أعزكم الله) دائماً مايصدم بالشارع الثاني :)


تحيتي //

[سلفـsilverـر]

بالنسبه لي غالبا السيارات توقف او تهدي بمجرد ما انوي اقطع الشارع :)

واحيانا ماعندي وقت انتظر فـ اذا شفته بعيد شوي اقطع بسرعه هههههه



هذا سر الشجاعه :)


جميل .. وهذا هو محور حديثي ليت بس الي يسوق يعرف بمرور احد وصدقوني راح تكون الامور عال العال ..

حنا خوفنا من الي لا اقبلت السياره خطمت !!


اجابه وافيهـ ..


تحيتي//

[سلفـsilverـر]

لان الرجل مجرد مايشوف المراه تبي تعبر الطريق يهدي عشان يقزقز
عن نفسي انا لازم اشوف السيارات قبل ما اقطع الشارع لكن الحريم اللي قلت عنهن اتوقع من الهم والغم يبن ينتحرن


مالونته بالأرزق موضوع ثاني لسنا بصددهـ ..

اما عن مداخلتك ..
فـ قواك الله وعسى الكل ينحو نحوك ..

الله لايجيب الهم والغم ..


تحيتي //

[اصالة نادرة]

انا من الحريم اللي يقطعن الشارع
بس اني اذا جيت اخطم ادق اشارة للسيارات ارفع ايدي واقوله لحظة
وابن امه اللي يعيي ياقف عاد يتحمل اللي يجيه ان مت يبي يدفع الديه http://www.buraydh.com/forum/images/icons/icon10.gif

[رونا]

انا من الحريم اللي يقطعن الشارع

بس اني اذا جيت اخطم ادق اشارة للسيارات ارفع ايدي واقوله لحظة
وابن امه اللي يعيي ياقف عاد يتحمل اللي يجيه ان مت يبي يدفع الديه http://www.buraydh.com/forum/images/icons/icon10.gif

هههههههههه
حظ اهلك بيستفيدون بعدكhttp://www.buraydh.com/forum/images/icons/icon10.gif<<امزح طولة العمر يارب وايدك ملوحة
انا خوافة حييييييييلhttp://www.buraydh.com/forum/images/icons/icon9.gif
تقدر تقول قاعدتي بالحياة ياروح مابعدك روح:a7:
اوقف لحد مايعبرون:b9:
او استنى لمن يوقفون وهم يلوحون لي وبعدها اعبر:b7:

[shahd2007]

بصــراحه ماعمري قطعت شآرع .. لحآلي .. <<خوآفه
بمكه نظطر نمشي ونقطع شارع .. اتمسك بـ آبوي لحد مآوصل السياره ..
اغبــط اللي تمشي .. وتقطــع ولاتخآف احس انها قوويه

[شـــــادن]

.


تجين حالة شجاعة أو بالأصح (درعمه):) بالطرق الضيقة بس
تذكرت مرة كنت أنا وأختي بالسوق والشارع مليان سيارات وتقولي اقطعي بسرررعة http://www.buraydh.com/forum/images/icons/icon8.gif
رفعت لي ضغطي مدري وشلون أخليه توقف قلت: طسي والله منب صايرة مثل بقر الهنود يقطعن والسيارات توقف لهن
وأبشركم وقّفت بعد هالتشبيه :)
بس يعجبنن اللي يقطعن بثقه والسيارة توقّف يحسن بذيك اللحظه إنهن شخصية مهمه حتى لو إنه خطر عليه :)

[Queen of buraydh]

بعض الحريم جزوماات ومتهورات ,

قطع الشارع حاجة مخيفه لكنها شر لابد منه ..

[عـــــســـــولــي]

خلاص يابنوتات من اليوم ورايح لاتشيلن هم قطع الشارع .
بعد نظام ساهر دجوا الناس وفلسوا وكثير منهم باع سيارته علشان يسدد مخالفات ساهر وبالأخير صفت على جحش مزيون مامنه خوف وفرصه يابنات تشترن حمير ونبدأ نتحدى بعض ونتساقط ونهجول .

http://i1109.photobucket.com/albums/h434/5353d3b2f3/jizz.jpg

[الاخطبوط المرقط]

حقيقةً لا أجيد سبك الأحرف والكلمات المترادفه أمثال بعض الاقلام هُنا بالمجلس ..

هههههههههههههه إلا وش بقيتي من عالم السبك لغيرك
ماشاء الله عليك ..
مداخلتي .. احتسي نفسك وامش على الرصيف ترى المبزره والمهبل من الشيبان أكثر من البنقالية.

[النهى]

اكره السكك اكرهها لو الخط فاضي يتراولي فيه نور سياره بيعدي
اتوتر توتر لا قطعت خط
احيانا الوحده تكون مجبوره يكون اللي موديها مشوارها مستعجل ومايمديه يحطها قدام المحل اللي تبيه
الله يحفظنا بحفظه بس

[زمن الغرباء]

هذي موب شجاعة الا موت قلب
الله لايبلانا
والله حرام اللي قاعدات يسونه
يروعن خلق الله وهن مايدرن

فعلا موضوع يستحق الطرح
جزاك الله خير

[العالميه]

في بلادي قطع الشارع فيلم مرعب وآحيانآ أكشن..
ولايمكن أن أُجازف بحياتي وأقطع شارع..
أضحك لمشاهدتي شخص يعزم على القطع..رافع ثوبه ويعض
شماغه ويترقب... خوفآ من المصير الذي ينتظره

لكن خارج بلادي أستمتع بقطع الشارع لأن لك إشاره وخط مشاه
والجميع يقف لك لتعبر بسلام وآمان ...

[سلفـsilverـر]

أصاله نادر


رونا


شهد


شادن


كوين


عسولي


الاخطبوط المرقط


ساره


زمن الغرباء


العالميه


***

شاكر لكم مداخلتكم ..

وبإنتظار البقيه ..

على الهامش :

اتخيل وحدهـ من الأعضاء هي الي دهست رجلها بمكهـ .. !! الله لايقوله هههه

[لمعةالألماس]

..

. ماسر هذي الشجاعه؟؟ >>>
مثل ما قالت قتاله عندي فوبيا القطع !!!


شكرا لكـ

[إنسانة غير]

خخخخخخخ حطيت يدك ع الجرح

أنا أكثر وحدة تخاف تقطع الشارع

مستحيل اقطع الشارع وفيه سيارة وحده

أختي تتضايق تمشي معي ودايما تقول انتي جبانه

وبالمناسبة

فيه كثير من الرجال يوقفون إذا شافوا حرمة بتقطع

وربي أدعي لهم من قلبي

[عازفة ألحان الليل]

ماسر شجاعة المرأه في قطع الطريق مشياً على الاقدام !

هذه ليست شجاعة هذا غباء مع احترامي لهن

البعض منهن تعتقد انها تمشي في منزلها وأن الطريق ملك لها وحدها

غباء تفكيرها يؤديها الى الموت وهي لا تدري ..

[X 7oor S3od X]

للأمانه لو أنا مكان اللي ذكرت
كان احطك عمى وماتشوف وإلا بزر توه ماسك سياره http://www.buraydh.com/forum/images/icons/icon10.gif
بس اساساً منب اتهدد على القطع لو انطق نص ساعه ..
والحمدلله دايم موفقه بعيال حلال هم اللي يوقفون لين حضرتي تقطع :)
< تراجد على عمره http://www.buraydh.com/forum/images/icons/icon10.gif

[جلوي العتيبي]

المواقف كثيره

انت شف الدرعمه عند الصرافات وكأن العالم عندها لاشيء ،أتوقع السبب هو حرصها على عدم التفريط في أي دقيقه من وقت التسوق :)

الله يستر على أخواتنا المسلمات وانتبه في الطرق القريبه للأسواق النسائيه

[درر مضيئة]

أشاهد كثير من الرجال يقطعون الطرق بثقة حتى لو كانت السيارات تسير بسرعة عالية وقريبة
حاولت أقلدهم هههههه صراحة شيء عجيب
مايخافون ماشاء الله عليهم
بالعكس المرأة حريصة على نفسها هذي سمة بارزة
تسلم أخوي على الموضوع

[سلفـsilverـر]

جمره


بهالفوبيا تسلمين وايضا حنا نسلم من تغيير فحمات السياره < مايعرفها الا العيال هذي .. هههه

شكرا لك ..


إنسانه غير

حياك .. وخوفك وحذرك بيعود عليك بحفاظك على نفسك من الاخطار .. بعد اذن الله عزوجل

حتى هم بيدعون لك انك خبرتيهم انك بتقطعي الشارع عشان يوقفون :)


شمس الصباح

اسميتها شجاعة لعدم معرفتي مايجول بداخلها اثناء تجاوز الطريق بدون اي التفاته ..

شكراً لصراحتك ..


X 7oor S3od X


قصدك الي تم دهس قدمها .. < اذا هي المقصودهـ .. اقولك زين الي ماصارت تحت السياره بعد ..
يابنت الحلال تمشي ماتدري وين ربي حاطها .. وتسمع صوت السياره تمشي 20 بجنبها وشارع مخصص لعبور السيارات , يعني الله لايعمينا ماتشوف ولا تسمع الصوت .. بغمضة عين طرت له الاجوديه ولفت يسار وأثاري سلفر له بالمرصاد < سادهـ

زين انك ماتهددين ..
اصحاب السيارات ماراح يقصرون بالوقوف بس لو يكون عندهم سابق علم لـ انتهت المشكله المُثاره ..

شكراً لإضافتك ..


جلوي الشقير

يارجال الاسواق النسائيه مايحتاج آخذ حذري ..
الي ذكرت في بداية موضوعي النوذج الثالث كانت وقت العصر عند احد الدور ..

يعني الصبح مدارس <بيخطمون
والعصر بدور القرآن
والليل بالسوق

يعني نركب خيول مثلاً < :)


منور جلوي ..


درر مضيئه

الرجل عشان ماعليه عباية وطرحه ونقاب << وهلم جرى
يعني خفيف
المرأه لابد تحسب حساب هالامور وماتضع هالمقارنه :)


شكرا لتواجدك ..

[eivl girl]

مااعدنن ذولي
مااعرف اقطع لحالي ابدن لازم معي احد
مره وقفن اخوي وقال يالله انتظرك اقطعي
جلست واقفه بجنب السياره ساعه اخر شي نزل قال جاء العيد وانتي مانويتي تتحركين من مكانك يالله امش وقطعنا بسلام

[سمو ذات]

.








والله ياانا اطلع تقل مهبولة بشارع الصناعة مثل المروحه القعادية وهو كلة شبرين ونص :)
بس اتلفت مرة اقول اخاف السيارة تحجي منا ومرة اقول اخاف تجي منا


بس عندي اخت الله يصلحه مجازفة مايهمة شيء اسمة طريق وسيارات إذا صرت معه ارتاح
حتى انها مرة قاطعة طريق العليا طالعة من العليا مول رايحة للمملكة وليته لحالة
معة صديقتة وعيالهن بعربيات http://www.buraydh.com/forum/images/icons/icon10.gif
اتوقع ان صديقته ماتتجرأ بس هي اللي جرأته على هالشي :)

[قـتـالـه]

.

حتى انها مرة قاطعة طريق العليا طالعة من العليا مول رايحة للمملكة وليته لحالة
معة صديقتة وعيالهن بعربيات http://www.buraydh.com/forum/images/icons/icon10.gif

واااتسبديه
عاد ذيك الاماكن وانا بوسط السياره اتمسك بالطبلون وارجد
مو واقفه والسيارات تشخف من جنبي:(

[سلفـsilverـر]

^^^

ترى هالموضوع للفائدهـ مهب كافيه بنات !! < حمق خخخ

[يكفيني حنانك]

الا صدق اللي يوقفون للحرمه
تقطع،،هم راحمينه والا بس بيتفرجون عليه؟؟بديت اشك:f9:

ياليت الاخوان يسوون استبيان عن سبب وقوفهم لنا
الله يجزاهم خير،،وتوضيح الهدف من ذلك
والقصد والنيه ،،ننتظركم يا اخوان هههه

شكرا سيلفر

[شيخوه]

تبي اقولك ليش ولمآذا ومآالسر ؟
السالفه إنها تنهبل وتخآف من قطع الشآرع فعشآن كذا تغمض وتمر
ولآتلف لا يمين ولآيسآر يعني إن مت مت وإن مريت بسلآم الحمدلله وغالبا تسجد
سجود شكر عند اول رصيف تنقز له :) <<بنآءاً ع الحآلات اللي عندي
<<نفس سوآق جدتي لآجآء عند الدوآر وإلا عند الشرطه حط رجله
يعني هذا من الخوف :)
**إذا فيه لبس قلّ وآنا اوضح لك ::
تقبل مروري

[شميساوي]

الله يستر علينا و عليهن ...

المرأه تحسب اللي يسوقون كلهم يشوفون زين و محترمين و مهذبين ..

المشكله أن بعض أصحاب السيارات قليل أدب ...

يعجز يهدئ من السرعه و يشغل الفليشر و يخلي الناس يقطعون ...

حتى الرجال بعض المرات يعجزون يقطعون و يخافون على أنفسهم ...

...

[مدرعمهـ]

واااوك ذكرتن يومني ابقطع من النخيل لسامرة قبل يحطون الشبك .. جلست اكثر من ساعه وعجزت اقطع بالاخير قلت مايلزم :f4:
لكن بعض الحريم عنده مبداء الافضليه للجزوم تقطع وتجبر صاحب السيارة يوقف له .. عاد هو شيصير عليه بكيفه يدخل بقزازة السيارة يدخل بشجرة بكيفه !
شكرآآآ

[سلفـsilverـر]

يكفيني حنانك

شيخوهـ

شميساوي

مدرعمه

***

شكراً لتواجدكم الثري

لاعدمناكم ..