الملحق

[To Be]

الملحق هو الغرفة المعزولة عن البيت !!

معزولة بطبيعتها

معزولة بخدماتها

معزولة بثقافتها


الملحق ، الزاوية الوحيدة مطلقة الحرية في البيت !!

الملحق ، نقطة تحول لمعظم الشباب !!

فهل آثرت خصائص الملحق في سلوكياتهم ؟

الصورة تتحدث

http://www.m5zn.com/uploads/2010/9/26/photo/gif/092610140949zzk04t7qudc68fwig13.gif



واترك الحديث لكم

[●● غندوره ●●]

بعتقادي لا
لان اصل شبابنا معزولين خلقه عن اهلهم
بمعنى ,..ان الشاب يفضل جلست اصدقاه على جلست العائله فلو ما جلس معهم في الملحق راح يجلس معهم خارج البيت كالاستراحه


يعني ماله الاثر الكبير في حياتنا

[وميضُ البرق]

فعلا نظرة للملحق تعطيك مؤشر على السلوك!
أذكر ملحقنا بالبداية يوم أخواني الكبار كانوا شباب بمثابة معمل حاسب أيام ماكانت النت بالبدايات، انتقل الملحق للجيل الثاني كان تلفزيون وبلاي ستيشن وقشور فصفص بس، الجيل الثالث وأعوذ بالله منهم صار زبالة ماغير حوسة ودوسة واشتراك بالجزيرة وكرف وكريف بهالقوايل والا بتال الليل ننظف بعدهم من علب مطاعم لقواطي الببسي وغيره!

تصدقون دائمًا أستخدمه كدليل لاختلاف الثقافات بين الأجيال مع أن العمر اللي يجمعهم 15 سنة!

[ونة خفية]

والله إذا كانت هذي طبائعهم وهم بالملحق
قنوات فضائيه وفوضويه بهالشكل
مافيه امل ولو واحد بالمائه يتغيرون للأحسن لو فتحوا بيوت
وعلى طاري الملاحق ذاك منوال كان للشباب
ذلحين صار ملاذ الشيبان

[احمد النجم]

http://file8.9q9q.net/img/83914677/20090419273.jpg (http://file8.9q9q.net/preview/83914677/20090419273.jpg.html)

ملحق + شاي خادر!.. :f5:

بس ماكملت مع توبي :(

ننتظر موضوع عن جلسات (الكفي) أو (لوبي الفنادق).
تراها لها طقوس الخــاصه!

[To Be]

بعتقادي لا
لان اصل شبابنا معزولين خلقه عن اهلهم
بمعنى ,..ان الشاب يفضل جلست اصدقاه على جلست العائله فلو ما جلس معهم في الملحق راح يجلس معهم خارج البيت كالاستراحه


يعني ماله الاثر الكبير في حياتنا


حياك غندورة زمانها

قد يكمن دور الملحق في الفترة التي تقصل انتقال الشاب من البيت إلى الاستراحة

الله يصلح الحال

شكرا لحضورك

[╝◄ ساندرا ►╚]

الحين طلعت الاستراحات كلن له استراحه هو واصدقائه ياليته وقفت على الملحق

[عازفة ألحان الليل]

حسب تربيتهم إذا رباهم الوالدين على التقى والصلاح سوف يكون الملحق جنة من جنات البيت او مرتع للمناقشات الجادة والعلمية فشاب من يصنع الملحق وليس الملحق من يصنع الشاب ..

[ملح ـوس]

هههههههههههه وش هالحوسة

ذكرتن بملحق واحد من الربع قبل مدة طويلة بس قبل القنوات والنت وغيره

كان شاهي وفديو شريط صغير وبعده جا الشريط الكبير

الله اكبر ياذيك الايام حركت اشجاني يا توبي

[دِيم]

.
.
:)

حوسة حيل ماتلاحظ ..؟

http://www.s9g9s.net/vb/uploaded/1_1234472892.jpg

الملحق اسم ارتبط عندي بـ / المذاكرة والصداع => في الدراسة
والسهر والفصفص بالعطل ..

عموماً : هو مرحلة هامة في حياة الشبـ / الصبية للإنتقال لمرحلة أعلى ..
,
يمر علي وقت ما أطلع منّه ..

[حلاتي بعنادي]

آمممم آلملحق هو آلبلآ وآلجلآ عند معظم آلشبآب .. :(

[الاخطبوط المرقط]

ههههههههههههههه تتجمع فيه القواريص .

[SAGA]

فهل آثرت خصائص الملحق في سلوكياتهم ؟

لا ماآثرت
سلوكيات الشباب ماتتأثر من مكان ,,
وعندهم خيارات أفضل لتوفير الحريه لهم
إستراحه,سفر,مكان عام ,بر

وبالنسبة للملحق أستغرب من الناس اللي يتركون ولدهم يجمع ربعه بملحق بيتهم الدنيا تخوف الحين ومحد يأمن أحد
,,,,,,,,,,,,,,,,,,,

[Modern]

الملاحق زي ماقلت تو بي
هي نقطة تحول وماقدر اقول اكثر من كذا
(لما يكون الملحق خاص بشخص واحد من البيت مو للجميع)
عن نفسي مامريت بفترة الملاحق
لكن القريبين من حولي مروا ولاحظت هالشي عليهم
وتزيد نسبة التحول واحياناً التقوقع كلما زادت فترة الجلسة فيها
وتوصل مرحلة مفصلية لما تكون النومة الرسمية بالمحلق نفسه :(



عن إذنك تو بي ،،


ننتظر موضوع عن جلسات (الكفي) أو (لوبي الفنادق).
تراها لها طقوس الخــاصه!




اهلين احمد
ليه ماتكون المبادرة منك وتتحفنا بطقوس الكافيهات ولوبي الفنادق :rolleyes:
وبصراحة اشتهيت الجلسة في ملحقك عجبتني الإضاءه !

[| ~ ســمــو ~ |]

بالنسبه لنا يعتبر مستودع اضافي اذا فيه شاشه او باقي كنب .. وحتى سيكل ممكن :)

ولا يخلوا من الزواحف :)

[- msk ✩]

ههههه .. لو فيه في البيت غرفه حوسه زي كذا تسان ـأمي ـأنجلطت :( < بسم الله عليها

[بنت منيره]

على حسب اللي يقعدون فيه

مو كل الشباب بهذا الشكل فيه الكثير مرتب ونظيف ومنظم<<مامر على ملحق بـهالشكل اللي منزله

http://www.m5zn.com/uploads/2010/9/26/photo/gif/092610140949zzk04t7qudc68fwig13.gif
س/هالحين وين يقعدون فيه كل الصوره اسلاك وتوصيلات!!

[بسومة بريده]

الى الان الملاحق...!!!؟؟؟

اتصور ان البيوت اساسا الحين مافيها ملاحق..<<كلن يعمر على قده وماهنا غيرحويش صغير

بعدين طلعت الاستراحات فحولت الملاحق الى مستودعات ومشبات...

وعموما اغلب الشباب فوضويين سواء بالملحق او بالاستراحه...

وكلها ماهي الا متنفسات واماكن لاخذ الراحه والجلسه بحريه....

[أنين الليل]

مَ ل ح ق ---- مِلحق

الحق يلحق الحاق ... وه يا كافي لا يكون فيها سباق هجل

الملاحق الان تحولت الى غرف للسواقين

وتطورو الشباب وراحو للاستراحات

عشان ما احد يصورهم

وينتقد سلوكياتهم

ويفلونهااا

[سمو ذات]

.





http://www.m5zn.com/uploads/2010/9/26/photo/gif/092610140949zzk04t7qudc68fwig13.gif


اكيد هذا ملحق ياتو بي وإلا غرفة تمرير المكالمات لعمالة وافدة :) !!
من ملحة يوم انك تحفظ حقوقة باسمك http://www.buraydh.com/forum/images/icons/icon10.gif؟!




اعتقد زمن الملاحق ولّى ألحين البدائل للشباب كثيرة
مااعتقد ابناء العشرين لهم مكان هنا
هذا حاليا عندنا مكان الشياب او نقدر نقول تحول إلى اثاث مميز
وديكور وجلسة على مستوى وتغير اسمة إلى ( المجلس الخارجي ) :)

[To Be]

فعلا نظرة للملحق تعطيك مؤشر على السلوك!
أذكر ملحقنا بالبداية يوم أخواني الكبار كانوا شباب بمثابة معمل حاسب أيام ماكانت النت بالبدايات، انتقل الملحق للجيل الثاني كان تلفزيون وبلاي ستيشن وقشور فصفص بس، الجيل الثالث وأعوذ بالله منهم صار زبالة ماغير حوسة ودوسة واشتراك بالجزيرة وكرف وكريف بهالقوايل والا بتال الليل ننظف بعدهم من علب مطاعم لقواطي الببسي وغيره!

تصدقون دائمًا أستخدمه كدليل لاختلاف الثقافات بين الأجيال مع أن العمر اللي يجمعهم 15 سنة!

وميض البرق

استنتاج اكثر من رائع

بارك الله في حضورك

شكرا لك

[To Be]

والله إذا كانت هذي طبائعهم وهم بالملحق
قنوات فضائيه وفوضويه بهالشكل
مافيه امل ولو واحد بالمائه يتغيرون للأحسن لو فتحوا بيوت
وعلى طاري الملاحق ذاك منوال كان للشباب
ذلحين صار ملاذ الشيبان


حياك ونة خفيه

اعتقد ثقافة الملحق جزء من التربية !!
خصوصاً أن رواده هم الشريحة التي اقتربت للتحليق بعيدا عن أسوار المنزل

وكون كبار السن هم من يتربعون في الملحق !!

فهو أفضل

فهذه الشريحة مافيها ملح
أن حلقت فهي تحلق
خارج حدود الوطن j

شكرا لك