قصيدة رايعه (يـــــــــمــّــــــــــــــــــــــــه ) مهب معقوله ؟؟؟؟؟

[الناري]

رإئعه من روائع / بندر بن حجي الشريهي





يُمه دخيلك يابعد كل هالناس = لاتسأليني ليه حالي رديَه

ياليت كل الخلق مثلك بالإحساس = كان الخوي يشفق لحالة خويَه

هو (خنجرٍ بالظهر )أو (رمح جسًاس ) = من (صاحبي )والا (عدوي ) سميَه

تشابهوا بالحيل حتى بالأنفاس = ماعدت أميَيز من معي من عليَه

يُمه وراسك هالحطب مايبي فاس = (تهشمت ) كل العروق النديَه

ماعاد باقي (للرجاء )حيل و(الياس ) = (بيارقه )(رزَت ) بصدري هنيَه

لاصار حتى غايتي عذب الأجناس = من صد خلَيته بليا خطيَه

هي عادتي وأذكرك قلتي هي الساس = مايتبع المقفين ( راعي مطيَه )

وأنا (ذلولي )(درهمت )وقت الأدماس = من (شرَقت )(غرَبت )للمهمهيه

جيتك وأنا أصفقها من أخماس بأخماس = ليت القدر مابان لي وش خفيَه

لكن وأنا اللي واعدك مأحني الراس = إلا لوالي العرش رب البريَه

واللَه مايسوي من القلب هوجاس = صوبه ولا يطري على البال زيَه

لو هب لي بالشوق مع كل نسناس = والله ماأمد لعذر طيفه يديًه

لاتحزني ياأعز مخلوق لاباس = كل الجروح إتهون شويًه شويًه

لايابعد ( بندر ) ترى كل هالناس = الحال منهم عاد ماهي شقيَه



مع تحيات
النـ الناري ـــ الناري ـــــــ الناري ـــــــ الناري ـــــــ النار ي ـاري