المساعد الشخصي الرقمي

مشاهدة النسخة كاملة : بالله إرجــــع ضــاق صــدر المـدينــه ..

(جوانا)
14-09-10, 08:35 pm
,

,

بالله ارجع شوف وجه المدينه ..
تبكي شوارعها من اسباب فرقاك
حتى المباني من فراقك حزينه ..
الريح صوت ونبرة الحزن شباك ..
والليل بيح في غيابك حنينه ..
ينشد نجومه وين طلعت محياك ؟؟
برد وظلام ودمعته وسط عينه ..
راح يتلمس في زواياه يمناك
كنه طفل غاب الفرح عن سنينه ..
يشتاق لك ويحن لك ويترجاك
والشمس تطلع تسأل الليل وينه ؟؟
تقطع خيوط الليل من شان تلقاك
تاقف وتمشي كنها لك رهينه ..
تمشي وتاقف في سماها تحراك
ياصاحبي صاحبك الله يعينه ..
محد(ن) عرف وشلون حاله بلياك
عزيز نفس ولارضى بالغبينه ..
البعد يغبن والغبن كيف ينساك
من زود حبك صرت دمعه بعينه ..
يخاف لاتنزل رجـــولــه توطـــاك
حال الفراق المر بينك وبينه ..
يرمي حبال الوصل يمك ولاجاك
شاعر صدى حرفه يترجم انينه ..
يموت حي لافقد مثل شرواك
هذا أنا وجروح قلبي دفينه ..
تعال داو جروح بعدك بلاماك
هذا أنا ودموع عيني سجينه ..
هذا أنا ياصاحبي لا عدمناك
إرجع بدونك بيض الايام شينه ..
ياخي حرام إرجع ترى الكل يبغاك
بالله إرجع ضاق صدر المدينه ..
تبكي مبانيها من اسباب فرقاك



تحيتي ..
دمتم بود ..
ămōяẻ
14-09-10, 11:43 pm
بالله ارجع شوف وجه المدينه ..
تبكي شوارعها من اسباب فرقاك
حتى المباني من فراقك حزينه ..
الريح صوت ونبرة الحزن شباك ..

اختيار رائع وقصيدة ولا اروع

شكرا جواانا
احمد النجم
15-09-10, 02:52 am
بالله إرجع ضاق صدر المدينه ..
تبكي مبانيها من اسباب فرقاك
تصوير بديع!
(جوانا)

قصيده معبره . لكن لمن هذه الابيات؟
وشاح الذكريات
15-09-10, 03:03 am
.



.



صح لسان الشاعـــــــــــر ولسانك
بــــ قمة الروووعـــــه والجمال .... ذوووق وآنتقاااء مميــــــــــــز .....

الله يعطيك العافيــــــــــــه
عادل الحبيتر
15-09-10, 05:29 am
والشمس تطلع تسأل الليل وينه ؟؟
تقطع خيوط الليل من شان تلقاك
تاقف وتمشي كنها لك رهينه ..
تمشي وتاقف في سماها تحراك




رووعه الحرووف
وجميله هالكلمات
راااقت لي كثير
يعطيك العافيه على ذوقك الرااائع
- msk ✩
15-09-10, 08:42 pm
http://www.up2up.com/download.php?imgf=up2up.com12844907451.gif
(جوانا)
15-09-10, 09:05 pm
اختيار رائع وقصيدة ولا اروع

شكرا جواانا

والأروع مرورك .. وتشريفك ..
الله يعطيك العافيه ..
العفوووو عموري ..

تصوير بديع!

قصيده معبره . لكن لمن هذه الابيات؟

مراحب ..
جدا معبره .. صور حال المدينه بعد الفراق ..

والقصيده للشاعر ( عبدالناصر العالي )
اسمها (( وجه المدينه ))

شاكره لك مرورك ..




صح لسان الشاعـــــــــــر ولسانك
بــــ قمة الروووعـــــه والجمال .... ذوووق وآنتقاااء مميــــــــــــز .....


الله يعطيك العافيــــــــــــه


صح بدنك ..
الله يسلمك ..
التميز هو مروكم على الصفحه ..
الله يعافيك ..



رووعه الحرووف
وجميله هالكلمات
راااقت لي كثير
يعطيك العافيه على ذوقك الرااائع




ازدانت أكثر بمروركم ..

الله يسلمك .. ويعافيك ..

شاكره لكم جميعا مروركم ..
نورتوا الصفحه ..

تحيتي ..