كل يرى الناس بعين طبعه !!

[عاشق ديرتي بريده]

((كل يرى الناس بعين طبعه))

مثل يستخدم بالمنتديات اكثر من القران الكريم واحاديث الرسول اللهم صلي وسلم عليه

دائماً حينما يقال هذا المثل ياتي ببالي مثل اخر

(( كاد المريب أن يقول خذوني ))

هل أنت مقتنع بــ كل يرى الناس بعين طبعه !

ام هو وسيله للهروب من الواقع والتملص من التهمه !!

[To Be]

شف اخوي عاشق

اذا كنت تنظر للأمور دائما من زاوية واحده فقد يكون صحيحا المثل هذا

ففاقد الشيء لا يعطيه :)

[╝◄ ساندرا ►╚]

مقتنعه وصحيح هالمثل ميه %
مثلآ
يجيك شخص يقولك انت كذاب وغيره
وانت بري من هالشي
بعض الناس يكون فيه صفات قبيحه يتوقع الناس مثله
وياكثرهم هذولا
وياكثره حتى في هالمنتدى
مثلآ تجيني رساله في البروفايل تقول فلانه له علاقات او غيوره او حسوده
وانتبهي منه
بصراحه استحقر الناس الي زي كذا
احس مايتكلم في اعراض الناس الا الي فيه هالصفات

[عاشق ديرتي بريده]

شف اخوي عاشق

اذا كنت تنظر للأمور دائما من زاوية واحده فقد يكون صحيحا المثل هذا

ففاقد الشيء لا يعطيه :)
لم افهم ردك !

[وميضُ البرق]

غالبًا مايستخدم حال الظن السيء فبالدفاع عنه يذكر!
أما من الواقع فمثلا عندنا واحد ماأذكر أنه قال سالفة صحيحة ومع ذلك أي شي نقوله يصدقه.

[قـتـالـه]

والله ياهالمثل دواء لناس هنا:f5:

[أحب نفسي]

موب دآيم صح هالمثل ..
بعض الأحيآن يآكلونك لآقلت شيء ويقولون [ كلن يرى الناس بعين طبعه ] همن توحش وتندم أنك قلت بس عشآن مايلططون بك ,,
وبعض الأحيآن فعلآ كلن يرى الناس بعين طبعه ..

يعني حسب الموقف والتهمه تقدر تحدد هالمثل إن كان فعلآ صحيح ولآ لآ .:(

[ريحانة الوادي]

طبعا.. المثل صحيح

لانه ,, بالحياة كل انسان له خريطته الخاصة اللي يشوف فيها الدنيا
و هي مرسومة له بناء ع تربيته و البيئة اللي عاش فيها و ظروف كثيرة .. و بناء على الفكر اللي تراكم عنده يفسر اللي حوالينه

بمعنى انه لو تكلم شخص عن أمر ما بيفهمها بخريطته اللي جوى عقلة فقط ..

يعني كلن يرى الناس بعين طبعه و طبعه تكون من : معلوماته اللي على مدى ايام حياته و استعداده الوراثي ]



بالاخير:

شغله بقولها.. الانسان لازم يطور تفكيرة و ما يكون محصور ع التربية و الحياة اللي عاشها و يوسع نطاق تفكيرة و يكون واسع الخيارات .. لان المخ ينمو بالعلم و المعرفه و بذلك تنمو نظرته لكل شيء و يكون شخص واعي صاحب نظرة بعيدة..




:for11: و سلامـ ..

[الاخطبوط المرقط]

حسب مقياس ريختر الخاص بي المثل صحيح ولا عليه غبار.

[الرأي الحر]

كنه قران عند بعض الربع

[لآه عآد ؟]

زي ماقالت احب نفسي على حسب الموقف.,
بعض الاحيان يستخدمه ضعيفين الشخصيه لكي يسكتون الي قدامهم ولا هو صدق فيه هالصفه ويقول هالمثل <او القول .,
ولا يكون صدق الي قدام الشخص اتهمه بشيء هو مازينه مو لازم تهمه مثلا سب احد ثاني وبعدين يصير كل يرى الناس بعين طبعه.,

شكراً لك عاشق ديرتي.,

[باسم الثغر]

هالمثال صحيح ، وهو واقع
بس أحيانا يقوله اللي يقوله ، وهو مايدري وش السالفة ، بس يبي يوقف النقاش
مثل كلمة شيباننا المقدسة (( بس ولو ))

[عازفة ألحان الليل]

المثل هذا يصيب في كثير من الأحيان

مثلا الشكاك دايما يشك بلي حولة لأنه هو شكاك ويسيئ الظن بالآخرين

وعن صفاته دائما خائف ويشك في كل كلمة تقال له ويفسر تصرفات الآخرين بتفسير سوء الظن

وغالبا يصير شكه على راسه..... لأنه في داخله سواد وينظر من خلااااااله الأخرين

[المنطق]

عاشق ديرتي بريده


أطلب منك السماح .


أعترف اني اسأت لك متعمده


كانت خربشات ومزاح .


لاتلوم من عاشت وحيده


تدمع عينها من الليل لشروق الصباح ...



هذا طبعي كيف تراني ياعاشق ؟

[kito koroba]

الجواب على بلاطة..
إذا قالها لك وفعلاً صح عليه .. هنا تكون صحيحة
اما إذا قالها وانت عارف انه يصرف .. هنا تصريف..

الموضوع محتاج تفكير ولا انا عبقري ؟!!
سؤالك عزيزي له إجابتين 50% ايه 50% لا

إن كان من سؤال عن هذا المثل فالسؤال .. هل القاعدة صحيحة بالمثل او لا ..
بالتوفيق..#

[JησÖ̤̇ση4E̳̐√ΈЯ̤̈̇]

التسليم المطلق بنجاح الشي وانطباقه على الواقع خطأ وليس دقيق

انا اعتقد ان 86% من الحكمة صحيحه ولكن ليست بجميع الاحوال صحيحه :)