ليتنا من ( عيـــدنا ) ... سالمين...!! [الأرشيف]

مدير خبرة

10-09-10, 01:32 pm

العيد كان جميلا ومفرحا ومبهجا لنا.. حينما كنا صغار..

كنا ننتظره لأن فيه البراءة والعفوية ..

اليوم العيد.. قد يمثل للاطفال فرصة للسعادة..

لكنه للاهل... باب للشقاء... والتعاسة...!

اعرف صديقا لي يسافر سنويا في أيام العيد..

يقول أصرف على زوجتي وبناتي اكثر من خمسة الاف ريال.. ويمكن اكثر

وسفرة لابها آخر وناسة.. ما أصرف هالمبلغ...!!!

مشكلة العيد... أنه اصبح ساحة للتفاخر والتنافس بين النساء

والضحية هو الرجل.. الذي يجبر على الدفع.. على اعتبار انه لايريد ان يكون اولاده اقل الناس

وليت الثياب ولوازمهن.. مثل اول حقات شارع الصناعة... وقبة رشيد

تشري الفستان ب50 و 70 وتطقم بنتك ماتاصل 100 ريال

اليوم الفستان لحاله فوق ال300 وال 500 هذا غير الاكسسوارات وغيره

ولاتنسى الزوجة.. وهذي شنطة.. ماركة وساعة بفوق ال2000 ريال

وينحرم اللي زوجته مهب موظفة أو مدرسة...!!!!!

هذا غير التعب واللفلة بين الاسواق وماهنا سوق مايدخلونه... وبالاخير مافيه شي يصلح

الواحد من اول يوم برمضان وهو ماغير من سوق لسوق...

شي شراء.. واشياء ترجيع...!!!

واللي مر سوق المشاغل اخر يومين برمضان.. وشاف الحريم فيه...

يقول حنا في مدرسة بنات... من كثر الحريم وبناتهن...

وهذي مناكير وذي بدكير وذيك سولتير >> ماله دخل .. بس السجع

صراحة احيانا اقول لو الواحد مقطوع من شجرة.. ارحم في ظل هالاجواء الصعبة

وارحم صرااااااااحة اللي راتبه 2000 او 5000 وش بيسوي مع هالحالة...؟

فعلا الحريم خلن عيدنا هم وألم ونكد...!!!!!

ولد السويلم

10-09-10, 04:39 pm

كلااااااااااااااام جميييييييييييييييييييييل..........

تحياااااااتيــ،

زمن الغرباء

10-09-10, 05:16 pm

الله يكون بالعون ..
بس والله فيه حريم واجد مشتريات قبل رمضان وبأسعار مناسبة ..
يعني مو الكل
وارحم صرااااااااحة اللي راتبه 2000 او 5000 وش بيسوي مع هالحالة...؟
لاتحسبون كل البنات كذا وتضيقون صدوركم
هي اتوقع ع حسب العائلة ومادتها
وبصراحة
اكره ماأشوف التكلف الزايد باللبس والتجمل
احيانا تطلع الوحدة اشين
عموما ..
البساطة في كل شي
هي اللي تخلي الحياة حلوة

لكن
ياليت قومي يعلمون

بالتوفيق ..

شعاع الكون

10-09-10, 08:02 pm

انا مع اختي زمن الغرباء
انا مخلصه من اغراض العيد اول رمضان
والحمدلله كل اسعار اللي اشتريت مناسب
وترا الوحده موب لكل عيد ساعه وجزمات
انا البس من اللي عندي يعني مايحتاج كل شي جديد

الف شكر عالموضوع

>ريانه<

10-09-10, 09:22 pm

المشكله اكثركم تعممون في الكلام

مااقول الا الله يكون بعون الحريم

قـتـالـه

10-09-10, 11:17 pm

مع اني مناهضه للمرأه وماارضى احد يضيمها ولو بكلمه ,,
بس الصراحه بالاعياد يمصخنه نسمع الجعجعه ولانرى الطحين!
سردادي مردادي على المولات والمشاغل كل رمضان ولدخلن علينا
بالاستراحات مانشوف شي تغير حمود هو حمود الا اذا بدن يفشخرن
هذا من المحل الفلاني او هذا من المول الفلاني درينا بلبسهن ..
عندي نظريه تقول كل ماحرصتي بمناسبه معينه تسرقين الاضواء
سبحان الله يقردك الله وتصيرين اردا الموجودات !
مامثل الاعتدال والرجوع للمظهر والالوان الطبيعيه اللي ربي خلقنا بهن
والاهتمام بجذب الاخريات بخفة الدم وذرابة اللسان والتواضع انتن معي او لا؟

كفاني عذاب

11-09-10, 12:16 am

ياحبيك حريم هالوقت دبش قوه
اذا شافت اخته او بنت عمه او احد اقاربها ازين منها لبس
زعلت على رجله وتشيله وتشتري اغلى منهم ولو كان مهب زين بس اهم شيء انه اغلى منهن

الله يكفينا شر الحريم

وكل عام وانت بخير

| ~ ســمــو ~ |

11-09-10, 12:23 am

لا للتعميم :)
والبنت بطبيعتها تحب الزين ، لكن كويس انها تحبه على حسب استطاعة ابوها او زوجها :)

ومشكور

مدير خبرة

11-09-10, 04:33 am

كلااااااااااااااام جميييييييييييييييييييييل..........

تحياااااااتيــ،

حياك ربي ولد السويلم

وتعليقك أجمل يابعدهم

مدير خبرة

11-09-10, 04:34 am

الله يكون بالعون ..
بس والله فيه حريم واجد مشتريات قبل رمضان وبأسعار مناسبة ..
يعني مو الكل

لاتحسبون كل البنات كذا وتضيقون صدوركم
هي اتوقع ع حسب العائلة ومادتها
وبصراحة
اكره ماأشوف التكلف الزايد باللبس والتجمل
احيانا تطلع الوحدة اشين
عموما ..
البساطة في كل شي
هي اللي تخلي الحياة حلوة

لكن
ياليت قومي يعلمون

بالتوفيق ..

المشكلة اذا هرجنا والا لمنا حريمنا

قالوا وين انتم عايشين..!!؟

العالم كله كذا.. ووينك عن الي والي والي....

حتى نرحمهن ونتصور انهن ياحووووول

وعن كلامك.. فيه شباب والله يعانون ..

وشباب اعرفهم هجروا اجتماعات اهلهم بسبب مطالب حريمهم

مدير خبرة

11-09-10, 04:36 am

انا مع اختي زمن الغرباء
انا مخلصه من اغراض العيد اول رمضان
والحمدلله كل اسعار اللي اشتريت مناسب
وترا الوحده موب لكل عيد ساعه وجزمات
انا البس من اللي عندي يعني مايحتاج كل شي جديد

الف شكر عالموضوع

الاستعداد المبكر للعيد شي طيب

بس هو يعتمد على قناعة المراة وثقتها في ذوقها

وما ادري كيف قستي اللي شريتي انه مناسب...؟؟

وربي يهنيك.. على لبسك للي عندك

وووين فيه بنات يرضون كذا...

مدير خبرة

11-09-10, 04:38 am

المشكله اكثركم تعممون في الكلام

مااقول الا الله يكون بعون الحريم

آآآمين

ويكون بعوننا حنا بعد

لاننا حنا اللي وراهم بالتودات.. والصرف

وما ادري انا عممت والا لا...!!!؟؟

قبل كم يوم في منتدى مجاور وحده معلنة انه تبي تنورة من نوع معين ولون معين

وتقول لفت كل اسواق القصيم ومالقتها...!!!

وتقول ابشريها باللي هي به...!!!!

مدير خبرة

11-09-10, 04:41 am

مع اني مناهضه للمرأه وماارضى احد يضيمها ولو بكلمه ,,
بس الصراحه بالاعياد يمصخنه نسمع الجعجعه ولانرى الطحين!
سردادي مردادي على المولات والمشاغل كل رمضان ولدخلن علينا
بالاستراحات مانشوف شي تغير حمود هو حمود الا اذا بدن يفشخرن
هذا من المحل الفلاني او هذا من المول الفلاني درينا بلبسهن ..
عندي نظريه تقول كل ماحرصتي بمناسبه معينه تسرقين الاضواء
سبحان الله يقردك الله وتصيرين اردا الموجودات !
مامثل الاعتدال والرجوع للمظهر والالوان الطبيعيه اللي ربي خلقنا بهن
والاهتمام بجذب الاخريات بخفة الدم وذرابة اللسان والتواضع انتن معي او لا؟

هلا بك قتالة

كلام في الصميم...

وفعلا كثرة الحرص... تجيب النتايج وخيمة

بس من يسمع...!.!!

بس مناهضة اظنها ضد وليست مع ..!!

مدير خبرة

11-09-10, 04:42 am

ياحبيك حريم هالوقت دبش قوه
اذا شافت اخته او بنت عمه او احد اقاربها ازين منها لبس
زعلت على رجله وتشيله وتشتري اغلى منهم ولو كان مهب زين بس اهم شيء انه اغلى منهن

الله يكفينا شر الحريم

وكل عام وانت بخير

معك حق

بعض البنات يتوقعن الزين بالسعر

مو بالشكل...

عشان كذا اهم شي تشري غالي

وخل نقول ...

يالله لاتحرمنا عقل الحريم... وتمتعنا بجمالهن بدون خساير فادحة

ومثل ماقال علي بن ابي طالب رضي الله عنه

"المرأة شرٌّ كلها وشرُّ ما فيها أنه لا بُدَّ منها"

مدير خبرة

11-09-10, 04:46 am

لا للتعميم :)
والبنت بطبيعتها تحب الزين ، لكن كويس انها تحبه على حسب استطاعة ابوها او زوجها :)

ومشكور

حياك الله سمو

الزين الكل يحبه

صح المراة بزود شوي

بس اذا كان بيتسبب في قلق وتعب للاهل

فيصير شين.... وشين قووووة بعد

وخليك عند حسب استطاعة... لانها هي مربط الفرس

فديكا التميمي

11-09-10, 05:16 am

يوم بالسنه موب ضااارهم ...:(

بني تميم بريدة

11-09-10, 05:25 am

مع اني مناهضه للمرأه وماارضى احد يضيمها ولو بكلمه ,,
بس الصراحه بالاعياد يمصخنه نسمع الجعجعه ولانرى الطحين!
سردادي مردادي على المولات والمشاغل كل رمضان ولدخلن علينا
بالاستراحات مانشوف شي تغير حمود هو حمود الا اذا بدن يفشخرن
هذا من المحل الفلاني او هذا من المول الفلاني درينا بلبسهن ..
عندي نظريه تقول كل ماحرصتي بمناسبه معينه تسرقين الاضواء
سبحان الله يقردك الله وتصيرين اردا الموجودات !
مامثل الاعتدال والرجوع للمظهر والالوان الطبيعيه اللي ربي خلقنا بهن
والاهتمام بجذب الاخريات بخفة الدم وذرابة اللسان والتواضع انتن معي او لا؟

ياشيخة أنتي تحففففة وش هالكلام الذهب
والي زخرفته لك بأخضر > سهم قاتل في قلب كل رجل يبحث عن أمرأة تسعده .

ومع هذا أنا مع المرأة في الزينة على قدرة أهلها فإذا لم نستمتع بزينة جمال نسائنا فماذا تريدون أن نستمتع فلننفق عليها حتى تبهجنا . وهذه فطرة المرأة تحب الحلل والزينة والذهب فدعوها تلبس مما أباح الله لها .

نبراس القصيم

12-09-10, 08:02 am

أحب التميز ايه نعم لكن أشتري غالي لا

أخذ حسب أستطعتي الماديه

لكن هناك من يبحث عن الغالي وبس

واللي يقضي أغراضه قبل رمضان يأخذ بأسعار معقوله

وليس التميز والذوق الراقي لايحصل الأ بالغالي

هناك كم يشتري من المولات بالمئات وعندما يذهبون

للأسواق المراكز العاديه والأسواق الشعبيه يجدون

نفس النوع وبأسعار جداً رخيصه

لكن هولاء ممن يحب التفاخر هو غالي ومن المركز الفلاني

والأ مالذي يضر لو أنسق ويكون ذوق وأنيق وبأسعار معقوله

لكن أحياناً الحريم أهم ما عليهن أنه من ذاك المكان وبسعر باهض

عازفة ألحان الليل

13-09-10, 12:39 am

الخطأ ثم الخطأ التعميم.. وهذا هو الي مخلي بعضهم نظرتهم سوداوية للمرأة

او يشوف الي عنده ويحسب كل الكون مثل الي عنده

والله غلط وظلم النظرة هذي

اولا راح تظلم نفسك لإنك تعتقد ان كل الفتيات على هذه الشاكلة ويصيبك إحباط وراح دائما تنظر لهن نظرة سلبيه
ثانيا راح تظلمهن معك

لازم تحطون في بالكم إن كل وحدة تتصرف حسب بيئتها وتربيتها.. وليس من المعقول إن كل وحدة مربية نفس التربة وبنفس البيئة <<غير منطقي ..

رواسي

13-09-10, 04:59 am

فرصة نشتري مانشاء ونبدي زينتنا في هذا الشهر بما نقدر عليه
حتى الرجال تجده يبحث عن أفضل شماع
والشباب عن أفضل بنطلون
وأقنعة ليلة العيد الله أعلم كم تاخذ من فلوسكم
على الأقل إحنا نسوي أقنعتنا بالبيت بي أنتم برى عن مغاربه وتركيين
وقصات شعر
وأفضل عطر أو عوده
الكل فيب هذا الشهر يصير ولا يهتم بكم صرف
أهم شيء سعادتنا في هذا الشهر بكل جديد

:)

ابن المجمعه

13-09-10, 06:31 am

كلامك صحيح مع البعض لاكن صدقني والله اعرف حريم يشرن اغراضهن قبل

رمضان بفترة طويله ويقولن مايهم اخر موديل اهم شي جديد ومناسب للي ولعيالي

وبعضهن ياخذن من خواتهن تبادل بالملابس خاصة غاليه الثمن .

ريحانة الوادي

13-09-10, 06:43 am

كلامكـ بس مساحه للفضفضة و بعدين واضح انه انت اللي تبغي زوجتك تلبس و تشتري بذا الطريقة و الا ليش تقول

وما ادري كيف قستي اللي شريتي انه مناسب...؟؟

كنك حاقر ذوقها ..

شلو ن تسالها عن مقياسها .. فيه شي غير ذوق الواحد يسيرمقياس انه حلو يعني أكيد المفروض تشاورك اذا مناسب او لا..؟

باقي تشتري للمدام هاند باقز هيرمس حق الكولج.. عشان ترضي اللي جواكـ