مشاهدة النسخة كاملة : Modern
... Welcome to my blog
:for12:
إفتتاحيه :
حقيقه قسم المدونات في منتدى بريدة غير شكل
ولما اقول غير شكل اقصد الكلمة بجميع اوجهها ؟!
وعشان كذا حبيت اخذ لي مقعد بين مدونات الاعضاء ..
وانشاءالله نضيف للقسم لا عليه ،،
http://www.dohaup.com/up/2010-09-07/admin1553896642.jpg
نعمة يوتيوب !!
بصراحه انا انسان استهلك 50% من جلستي اليومية على النت داخل موقع اليوتيوب
لأنه بإختصار انت اللي تختار اللي حاب تشوفه مو هو يفرض عليك زي الفضائيات :(
اتابع فيه المقاطع بإختلافها اهدافها ومستواها ومصادرها
من السياسه للفن للثقافه للتوثيق للكوميديا والقائمه تطوووول
واكيد من كل توجه اطلع بفوايد مو فايدة وحدة وبس،،
حتى التعليقات داخل يوتيوب اتابعها واضحك على زحف ربعنا السعوديين لما يردون هه
عشان كذا ببدأ بمقطع من اليوتيوب وصلني من صاحبي العزيز : )
http://www.youtube.com/watch?v=jQ69ohUQXBI&feature=related
الجميل بالمقطع شغلتين
روعه الاصطفاف للصلاه وبشكل مرتب ومنظم جذب انتباه الماره
روعه الحريه الدينيه في بلاد الغرب ومثلكم شايفين كيف الصلاه بوسط ميدان عام
ولو اننا قمنا نخسر جزء من هذي الحريه بسبب تصرفات اللي محسوبين علينا :(
أرجو من الأعضاء والزوار الكرام التفضل بالدخول هنا :
http://www.buraydh.com/forum/showthread.php?t=255006
مقدماً
http://www.dohaup.com/up/2010-09-09/admin1752428436.gif
http://www.youtube.com/watch?v=_URfnT3gUYk
هنا شرح رائع
يتكلم عن فحص الجهاز بأحد البرامج الثابتة داخل احد المواقع (يعني بدون تحميل على جهازك)
طبعا كله واضح بالشرح وباللهجه المصريه هه
واللي حاب يختصر الدخول على الموقع اللي بالشرح يدخله من هالرابط :
http://www.windowsecurity.com/trojanscan/trojanscan.asp
والباقي كله واضح بالشرح
على اني اهتم في هالشغلات وبشكل شبه يومي اقوم بتنظيف جهازي بكم برنامج مختلف وتنقيته من اي ثغرات ممكنة
إلا ان هذا البرنامج اظهر لي ثغرتين داخل جهازي والحمد لله شطبتها
برضو هنا شرح لثلاثة برامج مع ارفاقها ضمن شرح المقطع على اليوتيوب
وللأمانة مابعد طبقت الشرح اللي هنا !
وهذا المقطع :
http://www.youtube.com/watch?v=_zUeio0pPRU&feature=related (http://www.youtube.com/watch?v=_zUeio0pPRU&feature=related)
انشاءالله تستفيدون منها زي ما انا استفدت :)
^^
عشان اخلي مسؤوليتي عن البرامج اللي فوق !
استشيروا مهندسنا بو صالح الله يعطيه العافيه عن مناسبتها من عدمها !!
شخصيا استفدت من الشرح الاول
الثاني مابعد طبقته ،،
اليوم بريدة غير بقدومك :for12:
السنة هذي قليل اللي راسلوني بالجوال يهنون في رمضان خلاف السابق !؟
وللحين قليل اللي ارسلوا يهنون بالعيد ،،
قبل من دخول العشر يتسابقون بالرسايل
انتم نفس الشي؟
ياترى الناس ملت من المعايد بالرسايل وغير الرسايل (مثلي)
ولا عرض الاتصالات السنة الماضية (رسايل ببلاش) سحب طاقة الناس للارسال كم سنة قدام :(
طالما المنتدى للحين مافيه قسم خاص باليوتيوب
بستثمر موقعي الخاص (مدونتي) بالمقاطع المميزة من وجهه نظري !
منها اسلك اتجاه غير اتجاه غالبيه اصحاب المدونات
ومنها تكون مكتبة مقاطع من اختيار الفقير لله مودرن
**
http://www.youtube.com/watch?v=p9rmXLvYStM&NR=1
هنا تصميم مقترح ومطروح ضمن مشروع الملك عبدالله لتوسعة الحرم المكي
والفكرة تتلخص بتطبيق التصميم ضمن اعمال المشروع الجديد وفي حال مناسبتها وجدواها
يتم تعميمها على الحرم بشكل (دائري) مايعني مسح البناء الحالي بشكل كااااامل !
مشروع جبار في حال تطبيقة ولا استبعد الشروع بتطبيقة قريبا !
لاسيما ان الزحمة في مكة بتزايد كثيف ومستمر ،،
تخيلوا معي كيف وضع الحرم خدماتة ،، مستوى نظافتة ،، تطويرة
في حال كان داخل بلد من البلدان المجاورة من الجهه الشمال غربية لنا ؟!
http://www.dohaup.com/up/2010-09-09/admin1515870698.gif
امس واليوم طلعت وليتي ماطلعت !!
من دخل رمضان ما اذكر اني طلعت بسيارتي نهاية العصر ورحت منطقة وسط البلد
امس واليوم رحت !
الزحمة والفوضى و و و و ... كله كوووووم !
واللي يستخدمون البوري عند الاشارة اخر العصر كوووم
والمشكلة والله ناس تشره عليهم كلهم كبارين !
مادري شلون مايستحي لما يستخدم البوري بشكل متكرر بوسط الناس عند الاشارة
وعداد الاشارة التنازلي مابعد وصل 3 !
وش خلى للمراهق !
اتمنى يكون لساهر كلمة بخصوص استخدام البوري بدون وجود حاجة ملحة !
متى الشعب السعودي يتعلم :(
اليوم11 سبتمبر !!
http://www.dohaup.com/up/2010-09-11/admin157818431.jpg
لحظات عصر يوم الثلاثاء الموافق 11/9 من عام 2001 مازالت عالقة في ذهني كما هي تماماً
لما بثت قناة الجزيرة بداية سلسلة اخبار سبتمبر العاجلة بالخبر :
(اصطدام طائرة بأحد ابراج مركز التجارة)
طبعا صارت الموضة كل سنه بنفس تاريخ هذا اليوم تنزل دفعة جديدة من الاخبار و الافلام والتقارير الوثائقية والتمثيلية لأحداث 11 سبتمبر
ومهما اختلفت الادوار والافكار يبقى الهدف الاول والاخير وهو المادة من خلف مثل هالتقارير والافلام ،،
لكن لحد اليوم ماشدني واعجبني واشبع فضولي الا تقرير واحد!
وهو تقرير او خلينا نقول فلم وثائقي امريكي القالب والمحتوى !
وهنا الفلم بالكامل على جزئين:
http://www.youtube.com/watch?v=-xY37Qd2W5o
http://www.youtube.com/watch?v=Bkjo0Vkexx8
أنصح بمشاهدتة :)
http://www.dohaup.com/up/2010-09-11/admin1097989106.jpg
.
http://www.dohaup.com/up/2010-09-13/admin2062924665.jpg
مازال وضع وزارة العدل والقضاء بالمملكة سيء جداً
المخجل ان المملكة تعتبر من اقل الدول (على مستوى العالم) في عدد القضاة (نسبة وتناسب مع عدد السكان)
بشكل جعل الكثير من السعوديين يتنازلون عن حقوقهم الواضحة جداً وذلك ليس تهرباً من حقهم
بل تهرباً من الاصطفاف في القائمة الطويلة للوصول الى سعادة الشيخ إذا في العمر بقيّة ،،
الغريب في الأمر ان المملكة تحتل المركز الاخير في عدد القضاة
بينما تحتل المركز الأول بلا منازع بتخريج طلاب التخصصات المطلوبة للقضاء (طلاب الشريعة)
http://www.dohaup.com/up/2010-09-15/admin897535901.jpg http://www.dohaup.com/up/2010-09-15/admin1002563725.png
التـعآون..... × ..... الرآئـد
المناسبة : دوري زين السعودي للمحترفين 2010-2011
الجولة الخآمسة - الدور الأول
الفريق المُضيف : التعـآون
الفريق الضّيف : الرائـد
اليوم : الجمعة
التاريخ : 8 / 10 / 1431هـ - الموافق - 16 / 9 / 2010م
الساعة : 30 : 8 مساءً بتوقيت مكة المكرمة
جنون ديربي قطبي القصيم سيشعل بريدة يوم الجمعة!
جنون على ارضية الملعب وعلى المدرجات والمنصة والصحف والمواقع الالكترونية،،
ديررربي الجميع ينتظرة داخل بريدة وبرا بريدة ..
خسارة ماراح اقدر احضر الديربي بالملعب :(
بالتوفيق لكلا الفريقين ،،
http://www.dohaup.com/up/2010-09-15/admin499834852.jpg
(مسكة الكهرب ومات)
الله يكفينا واياكم شر الكهرباء وشر من به شر :)
دايما مانسمع مقولة فلان مسكة الكهرب ومات
وبديهيا اصبح الواحد يعتقد ان الكهرباء تمسك الانسان بالفعل (بالمعنى الحرفي)
بينما الصحيح ان الانسان هو اللي يمسك الكهرباء بنفسه
بدليل سقوطة بعد وفاتة !؟
سبحان الله الانسان مسيّر بعد مشيئة الله بأمر جهازه العصبي
حينما يلمس الانسان كأس حار على سبيل المثال ،،
ترسل مجسات الجلد اشارات (سيالة) عصبية الى مركز الجهاز العصبي (المخ)
والذي بدورة يرسل الأمر بسحب اليد من ذلك الكأس الحار لتجنب الأذى ،،
لكن ماذا عن لمس تيار كهربائي ؟!
الصعق الكهربائي كفانا الله وإياكم شره عبارة عن شحنات عاليه جدا
تقوم بالمرور داخل جسم الانسان حين وصولها له متلفه الانسجة والعضلات والقلب
ومحدثة ضعف بالتنفس واختلال بالجهاز العصبي المركزي
بشكل لايمكّنه من العمل الطبيعي و من إرسال تنبيهات الى الابتعاد عن مصدر الاذى!!
لذا يستمر الإنسان بالأمساك بمصدر الاذى (الكهرباء) لحين الوفاة والسقوط :(
بعد إذن رب العالمين ،،
الساعة 7:45 صباحاً
بداية نقطة تحول في حياتي !!
حالياً ولظروف خاصة اسكن شقة مفروشة
مع الاسف وفقت بجار اقل ما اقول عنه ( سخيف )
عياله لاصار نص الليل صحوا من النوم
وخذ ياتصبيخ بيبان وصراخ وملاحق بالممرات !!
اما لسان بنتة الصغيرة قصة لحالها :(
حاجة فظيعه ماتنطاق ابداً وهذي ليلتي الثانية اللي ما انام بسببهم :(
المضحك المبكي ان جاري السخيف ابو هالمبزرة المزعجين
رجل مقصّر ثوبة ومطلق لحيته !!
وهذي مشكلة ربعنا لما يكتفون بالمظهر ويتركون الجوهر
اكتفى بإطلاق اللحية وتقصير ثوبة وترك وصية الرسول صلى الله عليه وسلم بالجار
اليوم راح اتواصل معه بخصوص إزعاج مبزرته وعسى يكون بوجهه شوية دم ويشوفلهم حل
رغم ان الاستقبال يقول هذا من سنة وهو مزعجنا هو وعيالة :(
موفق مودرن
وبالنسبة لجارك
كنت اريد القول
لعل الاجازه شفيعا له
لكن وبعد حديث الاستقبال اقول :
شف لك شقه ثانية ما دام الاجار يومي
كان الله في عونك
حياك توبي
مو المصيبة اني دافع لحد شهر قدام :(
الحسنه الوحيده اني قمت وصليت الفجر بسبب الإزعاج ،،
صبراً جميل والله المستعان
على صفحات المنتدى
قهوة عربية مودرن !!
http://www.dohaup.com/up/2010-09-19/admin1377128859.jpg
^
وأنا أقلب هالصور لقيت معهن صوره تصلح لواحد من الأعضاء هنا خخ
شفته بسوق التنين المعـروف بالصيني ..
وهذي الصوره لـ modern
.
.
.
http://www.dohaup.com/up/2010-09-21/admin1335767410.gif
.
.
ماشاء الله يامودرن متوفر بكل مكان اللهم لا حسد
ومير تقل اشتغـلت الغـيره عندي .. أبي آي شي بإسمي .. لو هي ان شاء الله بقشة عجوز
بس مالقيت الله لا يردي لي حظ ولا نصيب قلت مالي إلا أسوي تسذا ..
وهذي الصوره بعـد التعـديل
.
.
http://www.dohaup.com/up/2010-09-21/admin1586219355.gif
.
.
الله يكفينا شر الغـيره < لا بعـد .. خاشرتن شلته معـه
.
ههه حلوه اللقطة
تنفع توقيع !
بالله وش كان يبيع ؟؟ < عسى يواجه يعني
ومايكون مع محلات الزراعة والسيراميك والعدد وهالطقة :(
والغيره هنا مهب بمحلها !
بصراحة لو ماكنت مودرن وفتحت محل وخيروني بين اسم مودرن وحور بختار مودرن
خبرك الاسم يلعب دور بجذب الزباين ،،
الحمد لله على السلامة
وسفرة ولقطات حلوة الله يديم ايامكم الحلوة
شـــــادن , x 7oor s3od x+ , modern
حياكم ربي
سعيده بطلتكم
سبحان الله طرت لي هالمره أرحب مدام فيه حور وأخوهـ
ملزمة يعرفون ياشادن اني عمكم مدري اخوكم :(
اما فيديو كليب سمية الخشاب (توي اشوفة مادري قديم ولا جديد)
بذمتي تلعن الدقيقة اللي فكرت انها تسوي اغنية فيديو كليب
مهزلة ومافية اي تناغم بين الشكل والدور اللي تقوم فيه والحركات
بإختصار مايليق لها
وكله كوم ويوم كانت على السير في المطار كوم ثااااني هه
مشكلة الحريم الغيرة ويحسبون لازم يكونوا بالصورة بكل مجال وإتجاه
ولا شحليلها لما كانت بدور سكينه!
يبدو ان مشكلة المنتدى لحد الحين !
مشاركتين انحذفوا لي قبل شوي غير المشاركات اللي قبل يومين :(
المنتدى مهدد بخسارة اكبر لو استمر الوضع على ماهو عليه :(
بصراحه ماحد راح يجتهد هالفترة بموضوع ولا رد بينما احتمالية فقدانه ورادة !
قبل كنت اقوم على رنة الجوال
حالياً ثلاث منبهات وما اصحى !!
يارب لطفك :(
http://www.dohaup.com/up/2010-09-27/admin775674465.jpg
طبعاً لاجديد لما اقول الشاهي الاخضر مفيد الكل عارف هالشي
لكن البعض يجهل شغلات مهمة حلوة اذكر اهمها :
# عدم مناسبتة للي يعانون من انخفاض حاد بضغط الدم
# عدم مناسبتة على الريق
# عدم وضعه على النار مباشرة بهدف غلية (خطر) والصحيح هو اضافة الماء المغلي علية بدون (هجد) :)
اما افضل الانواع الموجودة بالسوق ،،
للحين ماحد قد يثبت الافضل :(
واللي يعرف شي ومتأكد منة يخبرني ونجربة من ضمن اللي جربنا!
ومساء نقي للجميع ،،
الذين يشاهدون محتوى الموضوع الآن : 4 ( الأعضاء 3 والزوار 1)
Modern , مُشاكِسْ , (جوانا)
اهلا وسهلا
اول مرة ارحب بزواري ،،
بين انها تفوت علي وبين اني ماتعودت وبين اني ماقتنعت!
بس اشوف الكل يهلي ويرحب حسيت حالي سخيف لو مارحبت :(
http://www.buraydh.com/forum/showthread.php?p=4075678#post4075678
ههههه
والله حبيت راعي الموضوع
منسم جديد بالمنتدى!
عندي سؤال يدور براسي ..بس اخاف اسئلة تقول وش هالحشرية ..!
هااااتي !
ولو ماعجبني بسوي نسيت اجاوبك،،
ايورالي انه قبل فترة كان تاريخ تسجيلك 2009 .. والحين 2003 ..وشلووون !! < واللي سهجتس ههه ..
طيب بجاوبك عشان مايدور براسك شي
مع ان هالسؤال وصلني قبل وسهجته على قولتك
بس ترى التاريخ غلطانة فيه !
كان معرفي بتاريخ تسجيل 2008 مو 2009
وكان لي معرف قديم بتاريخ 2003
وبصراحة كنت ناسية وناسي اذا اني كنت مسجل هنا !!
ولعلي شفته بالصدفة لما قريت موضوع قديم وحصلت مشاركة بأسلوبي المميز (من حقي) داخل الموضوع وعرفت ان لي معرف هنا
وكلمت الادارة مشكورة بطلب النقل للمعرف السابق بالاسم والمضمون
وماقصروا ونقلوني
وووبس!
على المواقع الالكترونية ،،
مايتكلم في الرجولة
ويربط كل شاردة وواردة بالرجولة
ويتهرب ويتلكلك بدعوى مخالفة الرجولة
الا اللي فاقد الرجولة بالفعل قبل الاسم!
هالشي لاحظتة من واقع معايشة الكثير (بشكل غير مباشر) على النت !
.
http://www.dohaup.com/up/2010-09-28/admin296351974.jpg
ok
جاييك!!
.
http://www.dohaup.com/up/2010-10-03/admin232528198.jpg
الفم بشكل عام والاسنان بشكل خاص تعمل فيني مفعول السحر!
دايماً ارتاح واحب واتقبل واتقرب لأشخاص والفضل ابتسامة متوجة بأسنان مرتبة جميلة نظيفة!
نعم الأسنان المرتبة نعمة من رب العالمين
لكن الاهتمام بالاسنان ونظافتها مهما كان وضعها يعكس صورة حلوة عن صاحبها
بالمقابل اكره وانفر من صاحب الفم القذر والاسنان الصفراء !!
وما اقول الا الله يعين زوجتة علية!
لمتى شعبنا الاليف (بعمومة) مايعترف بالفرشة والمعجون ؟؟
اليوم كنت في موبايلي وزحمممة !
ومليت من الانتظار وقمت اطقطق في الاجهزة اللي موفرينها
مادري خدمة النت موفرينها بكل الفروع ولا لا ؟ (حلوة الصراحة تحرق الوقت)
توقعتها لعرض خدمات موبايلي حصلتة انترنت مفتوح
وجيت سويت دعاية للمنتدى وحطيت الصفحة الرئيسية للجهاز اللي اطقطق فية منتدى بريدة
يعني دعاية ببلاش يابو نورة حط بالك لا وبثاني اكبر شركة إتصالات بالمملكة < كلهم ثلاث اصلا هه
http://www.dohaup.com/up/2010-10-06/admin243990557.jpg
ايية ورجعنا للكونكت غصبن علينا مع اني منيب مقتنع فيه نهائياً :(
حتى السرعة مش ولا بد مع ان الموظف وهقني وقال المكان الفلاني مايحتاج ملغّم ابراج 3g !
احب الدي اس ال على كثر عواكسية !
اللي عندة رنة منبة قوووووووووووية تركب عالجوال
يخبرني عليها وله الاجر إنشاءالله ،،
وضعي متأزم صاير ما اصحى نهائياً
يارب لطفك!
.
http://www.dohaup.com/up/2010-10-06/admin1821088620.jpg
... أسـرارنـا أسيــرة أسـرّتـنـا ،، ...
نعمه أنها تتحمّل وماتتكلم .. !
.
ياست عذبة كملي جميلك وعطيني الرنة :(
دورت عليها في رنات الايفون على موقع وماحصلتها !
بس حصلت رنة حلوة مرة للي يبغى منبة لصلاة الفجر الله يهدينا ننساها وهي الاهم !
ونهتم للتنبية عشان الدوام :(
عموما
هنا النغمة للي يبيها :
http://www.zedge.net/ringtones/723733/islamic-alarm-tone-ringtone/
شرح بالتفصيل للعليمية مثلي :) :
تختارون المربع الاخضر (PC Download)
بتطلع لكم نافذة اختاروا ( Start Download )
الذين يشاهدون محتوى الموضوع الآن : 5 ( الأعضاء 4 والزوار 1)
Modern , X 7oor S3od X , ămōяẻ+ , تتعب لو معي تلعب+
عشان عمووووري برحّب بالزوار
ومايهون البقية بس عموري احبة وبقوة !!
مع اني ماعرفه وبقوة !!
منورين ياحور وتلعب
http://www.u06p.com/up/upfiles/eYR52389.jpg http://www.u06p.com/up/upfiles/g5j52389.gif
.
يُقال ان هناك اكثر من 36 مقراً رسمياً للمباحث الفيدرالية والإستخبارات الأمريكية داخل السعودية :rolleyes:
.
welcome back Bandar bin Sultan
http://www.u06p.com/up/upfiles/cBC52084.jpg
واس - الرياض :
وصل الأمين العام لمجلس الأمن الوطني صاحب السمو الملكي
الأمير بندر بن سلطان بن عبدالعزيز الرياض مساء اليوم قادماً
من خارج المملكة.وكان في استقبال سموه في المطار رئيس
الاستخبارات العامة صاحب السمو الملكي الأمير مقرن بن
عبدالعزيز ، ومساعد وزير الدفاع والطيران والمفتش العام
للشؤون العسكرية صاحب السمو الملكي الأمير خالد بن سلطان
بن عبدالعزيزومساعد وزير الداخلية للشؤون الأمنيـة
صاحب السمو الملكي الأمير محمد بن نايف بن عبدالعزيـز ،
ووزير الدولة عضو مجلس الوزراء رئيس ديوان رئاسة
جلــسة الوزراء صاحب السمو الملكي الأمير عبدالعزيز بن
فهد بن عبدالعزيـزوالمستشار في ديوان سمو ولي العهد
صاحب السمو الملكي الأمير فيصل بن خالد بن سلطان
ومساعد الأمين العام لمجلس الأمن الوطني للشـؤون
الأمنية والاستخباراتية سلمان بن سلطان بن عبدالعزيز
وعدد من أصـحاب السمو الملكي الأمراء وكبار المسؤولين
بالأمانة العامة لمجلس الأمن الوطني .
http://www.u06p.com/up/upfiles/v5Y53784.jpg
شوفوا من يسوق وايت المويه ؟!!
عرفتوه ؟؟؟
الشيخ
الفارس
الشاعر
القناص
السماك
المظلي
الطباخ
المغامر
المحارب
الكابتن
السواق
( و قريباً ) محترف في برشلونه
الشيخ فل أوبشن ( فـزاع ) !!
هههه لا لا ذي لحالها !!
سوري إذا قديمه بس انا ضحكت فعلا
سخافه + سطحية + نستاهل قلعتنا !!
جميل لو تم تقسيم قسم المدونات الى قسمين :
1 / مدونات الشعر والخواطر والناس الحساسة ،
2 / مدونات يوميات الاعضاء افكارهم ارائهم تقليعاتهم !
حتى مايتحسف الواحد لما يدخل على مدونة مايروق لة مادوّن داخلها !
فيه احد فكر بفرمتة الكمبيوتر
وهل هي بالصعوبة اللي نتصورها ؟!
صديق لي يفرمت جهازة كل اسبوعين مرة !!
التهكير ومايسوي !
كرجل
شاهد على انانية وحيوانية (في احيان كثيرة) الرجال ،،
زميلي طلق وتزوج وطلق وتزوج
كل هذا خلال مدة ماتتعدى الـ 8 شهور !!
تعليلة
ماعجبتني الجديدة وراجعت الاولانية !!
مو المصيبة انه لاوجه ولا قفاء ومع كذا يتشرط !!
حقيقة وما ابالغ لما اقول اني اتألم لاشفت مستوى نظرة وفكر رجال مجتمعي تجاة الحريم
يعني من لحظة إقدامة عالزواج والانانية حاضرة وفكر انها في حال ماصلحت لي طلقها وغيرها اكثر !!
بدون اي اعتبار لوضع البنت بعد الطلاق داخل مجتمع كان ومازال يرى المطلقة نص استواء !!
الله يصلح الاحوال ،،
إندفاع بعض الاشخاص تجاهك
يخليك (تضرب بريك) وتحاول تقنين علاقتك معه !!
هالوقت كل حاجة ممكنة ولية التسرع !
مو قدامي سنة كاملة!
http://www.u06p.com/up/upfiles/0g057156.jpg
هالموقع اول ماشفته شدني لللإشتراك فيه
وماترددت بالإشتراك فيه (خلاف العادة)
تجربتي معه كانت مبكرة جداً (داخل منتدى بريدة) واعتقد اني الثاني بعد الاخت Sam
وبكل الاحوال هالتجربة طلعت منها بايجابيات وسلبيات وامور كثيرة جدا جدا جدا !!
اطرفها !
وصول اكثر من رسالة تؤكد ان Modern انثى وليس ذكر وتطالب بالإعتراف بذلك !!
وزيادة انو مودرن يسعى لأهداف غامضة وغير مكشوفة من خلال تواجدة !!
اتمنى ان هالتوقع الغريب اقتصر على افكار ثلاث اشخاص (عدد الرسائل اللي وصلت بهالخصوص)
لكن وكالعادة !
طحالب الانترنت والمنتديات يفسدون كل جميل
لذا كان لزاماً علي الترفع وإغلاق حسابي
بعد ما اصبح مستنقعاً لقذارة كل مريض ومريضة !
لهذا المنتدى فضل علي لن انساة ولن اتخلى عنة طوال عمري
احتفظ واتمسك بحقي بالافصاح من عدمه عن ماهيه ذلك الفضل !!
شخص واحد يعرفة تماماً ،،
وصلتني دعوة عشاء
مفهوم الكرم بحالة حرجة !!
http://www.u06p.com/up/upfiles/O1K24198.png
حبيبي هذا !
سلمان علاقتي معة داخل المنتدى ماتتعدى الاشهر
وبكل امانة ومو مجاملة لابو عبدالعزيز اتشرف بهالشي
كونه من اجمل الاعضاء تواجد داخل المنتدى ،،
وانا لو كنت مسؤول داخل المنتدى ماترددت بتنصيبة
شيخ المنتدى (والمشيخة هنا عمر وعلم طبعاً)
المبادرة بالتواصل والاسبقية بالطيب دائماً منه
سوا داخل المنتدى او خلال الماسنجر
وبصراحة مابيني وبينة الا محادثتين بالماسنجر
اولها قبل ثلاث شهور وقبل شوي الثانية
ولعلي اشاركة نفس السبب وهي قلة دخولنا للماسنجر ،،
طبعاً اللي مشكك بعمر ابو عزيز وهل هو طاق الخمسين ولا تحتها
يبي يتأكد من هالشي لما يسولف معه ماسنجر
كونه يتكلم بأسلوب يحفة الوقار وبتجاوب كيبوردي متواضع ومنطقي للكبار لكنة يعتبر بطيء للشباب مثلي ،،،
وبعد حب الخشوم والايمان المغلظة سمح لنا ابو عزيز ننزل المحادثة هنا
طبعاً بعد ماحذفت كلامة بخصوص مرتة الثانية
وعشان نتجنب قولة مب صحيح سواليفهم كلها بريئه بدون طاري للحريم
وصاني ابو عزيز اخلي طاري المسيار اللي جاء (وكأنة مزح)
بينما هي حقيقة حاصلة راح تنتهي بمجرد علم ام عبدالعزيز عنها وياويلك يابو عزيز !!
،:
*السلام عليكم
*يسعدلي مساك ياعم
oldman:
*:)وعليكم السلام حياك الله
،:
*بشر عنك
*شعلومك
*كيف ايامك
*شمسوي
oldman:
*أنا بخير عساك بألف خير
Modern:
*عسى دووم
oldman:
*نقطعها وللا الفراغ يخلي الواحد يدور مسيار;)مالها دخل
Modern:
*وينك مانشوفك بالمنتدى؟
*هههه بقوة مالها دخل
*بس مثلك مايواخذ ياحبي لقلبك
oldman:
*انا موجود بس من غير تسجيل
Modern:
*لا بس ماشوف لك مشاركات
*والمدونة تسكتنا بقصة يوسف
*نبي سواليفك
oldman:
*ايه يقولون إني غير متزن هما الواحد يعلق ويحب يفرفش ماوده يكشر بوجيه خلق الله يقولون إني غير متزن :S
Modern:
*هههه يارجل يقولون مايقولون
*ذكرتني بالمتزن الله يذكرة بالخير
*دام انت ماسلمت وش نقول حنا :(
oldman:
*الله يذكره بالخير
Modern:
*اجل للحين هلالي
oldman:
*:$ إييه
Modern:
*الاربعاء اجل مايحصل نشوفك؟
oldman:
*ههه أسكت ياخي بغيت أموت مع الغرافه لكن الله ستر8-|
Modern:
*ايه شفت قصتك وشوي اصيح
oldman:
*كرهت الكوره واللي يتابعها بيوم هذيك المباراة
Modern:
*لا اجل انشاءالله بيعوضونكم الاربعاء الجالي
*عاد قل الجد بتحضر المباراة؟
oldman:
*من قلبك :D
Modern:
*بيني وبينك
*ههه شدعوا اكيد من قلبي ترى والله منيب متابع للكورة ولا متعصب الا من بعيد لبعيد والميول عالمية غصب علي
*كلن يحسب اني متعصب مع اني منب اشارك ولا مشاركة بقسم الكورة :(
oldman:
*لا والله ما أحضر المباراة ولا عمري حضرت وآخرتها مباراة الرائد والتعاون أيام المطر
Modern:
*يوم الكعبة طين ههه
*طيب وش خلاك ماتحضر من ذيك الايام؟
oldman:
*وش كعبته؟:|
Modern:
*شكلك طابزه رز ولبن يابو عزيز
*اقصد يوم الدنيا دنيا ذيك المبارة قديمه
oldman:
*ممممم شكلي مايساعد على الحضور8-|
Modern:
*دامك جبت طاري الشكل
oldman:
*لا والله ماتغديت للحين
Modern:
*احساس يراودن انك اطخم ومتكتك
oldman:
*(bah)
888
اختصار صورة بقرة اللي بالماسنجر!
Modern:
*هههههه
oldman:
*وش أطخمه الحمدلله خلق الله حسن <:o)
Modern:
*ايييه دامك تقول كذا فأحساسي صايب
oldman:
*أستر عليّ الله يستر عليك
Modern:
*الله يحفظك لأم عيالك وماتستغل ملحك وتنكبه بيوم
oldman:
*لا انا شيفةولله الحمد والمنه
Modern:
*علينا ابو عزيز
oldman:
*********************** والحمدلله إني شين
Modern:
*هههههههه
*ياحبي لك بس شكلك مالك بالماسنجر والحتسي بوه
oldman:
*أول كلن مايبين وانا أتلزق بخلق الله مادري وش الطبخه
Modern:
*يعني اللي يسولف معك هنا مايقول ذا خوينا
*هنا تقل على وجهك وينهك عليك بينما بالمنتدى ملكّع وتجدع حتسي منا ومناك
*هههه اجل تلزق
oldman:
*أيه نسدد ونقارب:|
Modern:
*تسمح لي انزل محادثتنا بمدونتي؟
*مع حذف الحتسي الاخير طبعا هه
oldman:
*:S وشو هذي آخرته
Modern:
*بغيت انزلة بدون ما اشاورك بس اخاف تقلب علي صايرن ما اوثق بأحد
*هههه
*ماعليك ماعليك
*بتعدي على خير
oldman:
*أخاف يصير الكلام مهوب زين ولا يواجه
Modern:
*كل شي منك يواجه
*بس الاسرار والاتفاقيات اللي بينا ماراح تنزل اطمن :P
*اوكيشن ياحلو يامتكتك ؟
*نمت ياعم ؟
*؟
*عمي وينك؟
*يعني معقول تسويها وتضرب بالخمس وتسحب علي ومحادثتي :S
oldman:
*غصيييت وشو
Modern:
*هههههه
*بالعافيه
*خلاص ترى المحادثة بتنزل بعد التنقيح والترتيب
*يعني اطمن رقم جوالك مهوب نازل :P
oldman:
*تلقيح وش تلقيحه:|
Modern:
*قل تم بس وكمل طحن الله يجعله يسري مسرى العافيه على بطنك
*ههههه لا هين وضعك سيء
oldman:
*تم بس
Modern:
*بس وشو؟
oldman:
*أنت تقول قل تم بس
Modern:
*ايه اجل توكلنا على الله ههه
*يالله بالعافيه بالعافيه
oldman:
*هه توكلنا على الحي الذي لايم
*ابي أحلي بشاورما
Modern:
*بالعافيه بس لاتكثر السكر
oldman:
*الحين أنت خلاص رجعت وللا تبي تقطع
Modern:
*وش اقطع؟
*عمي سواليفك تجي شطافيه مادري وش مناسبتها
*بس بعديها لك بس برضو فهمني شتقصد
oldman:
*أيه انا أتكلم باللي يجي على بالي ماهمني يكون الحتسي متواصل وللا لأ
Modern:
*اصولها كذا بس يقمعونك ربعنا بمقولة اقطع رقبة لاتقطع سالفه الرجال:S
*ولا ياما فاتت علينا تساؤلات حساسة بسبب سالفه الرجال البايخه اللي يقولون لاتقطعها
*عمي بنام انا وانشاءالله بشوفك وقت ثاني صحيح والله ضروري نلتقي هنا ونشوف اخبارك
*قل تم
سجل خروج!!
oldman:
*الواير لس عللق:S
Modern:
*اول مره اسمع بواير لس يعلق
*انا بختم الرد وبنزله
*اوكي؟
oldman:
*خير إن شاء الله
الشريف كفاية
ليه ماتحط روابط مواقع الشعر الشعبي
وترددات قنوات الشعر
وتقفل مدونتك ؟
<< يدور على مذبحة :a6:
لا بس اللي اقصدة نبي سواليفك اللي بالي بالك
وخلك من الرومنسية واهلها ماتركب عليك ياقلبي ولا بواسطة
هههه لحالها يوم تقول كالحمار
عموماً بشويش كانك بترد اوكي http://www.buraydh.com/forum/images/icons/icon11.gif
هلا بالشريف مودرن >>> ماتقول لا بدار الندوة ننتظر ابو لهب خخخ
المهم
ادري ان الرومانسية ماتركب بس شسوي تجيك خطمات تحس ان نفسك بحاجة لفك خلق
ماعليك رايح اسولف بس خل النفسية تنفك حبتين
مودرن ..
يشهد الله اني احبك ليه مدري بس احبك وودي اتعرف عليك
ويكفي انك الوحيد اللي تحملني طول اشرافه ههه غير البعض الللي مجرد مايشوف اسمي ينقز به مرّ
وترااي أنتظر منك رد ودي اتعشا انا وياك وعبدالله 30 لانه هو الطباخ بتاعي اذا عزمت احد وخاصة اني ماعرف اطبخ بس علي الاغراض وهو يبوبز عند القز لين يقول تفضلوا
الا انتم من اي الاشراف ؟
اشراف الخبوب او اشراف بريدة
لان الاشراف يختلفون انا واخوك
الله يرفع من قدرك
المحبة والمعزة متبادلة
والله يعجل بتحسن نفسيتك
حتى تمتعنا بسواليفك مثل ما امتعتنا بالمدونة السابقة
دعوتك اتشرف فيها وفيك وفي عبدالله 30
لكن والله حالياً انا برا البلد
لعل الاشهر القادمة تكفل لنا لقاء
بالنسبة لنا فعلا احنا من اشراف بريدة هه
تشكرات مسيو كفاية
واثق ان عموري اسعد عضو بالمنتدى اليوم !!
والله يديم ايامه كلها سعادة
صح ولا لا ياعموري؟!
اليـــوم او بالأصح أمـس
كنت مواعد الزقرت بعشيهم
ومن الصبح كلن مرسل له رسالة بهالخصوص ،،
ولعلي الظهر تأخرت مانمت وطولتها لين بعد صلاة العصر
وصكيتها نومة بعد توقيت المنبة على 7 المغرب
لكن صحيت وسكرتة وعلى اني بتمغط واقوم
وعليها مافتحت عيني الا حول 12 بالليل !!
والقى 22 اتصال كل واحد منهم داق 6 مرات !!
ودك ماتعزم مشافيح!!
طبعاً الحين ملزومين نعوضها لهم :(
اعترف أني
مدمن لرائحة الكلوركس والديتول !
,,,, اممممممم
برضو مدمن مشاهدة محيا سيرين عبدالنور !ّ ,,,
عشان اكون صريح عالاخر
ادمنت مشاهدة مسلسل بالفترة الاخيرة
يبدأ بحرف الـ ص وينتهي بـ أ :(
وياويلي سواد ليلي !!
ربك مايخلي احد !!
امس تعشيت بقي اكل خليته بكيس عند الباب
طلعت الصبح للدوام مامعي اي شي (نسيت الكيس)
رجعت بعد ماوصلت المصعد لاني ناسي اوراق باخذها معي
اخذتها ولما جيت اطلع مره ثانية شفت الكيس واخذته على طريقي
اول ماطلعت مع المدخل والقى قدامي بسة صغيره حالتها حاله مسكينه!!
سنعبوده شحليلة ميتتن جوع وهم وغم تمشي وبه عرجة وتنوي تبي اي شي تاكلة !!
ولعل ربي كاتب ارجع عشان اخذ هالكيس وافتحة للبسيسة
شكلها والله مؤثر وهي تاكل كنت بصورها بس متأخر وابو يوسف يحترين < المدير
بالعافيه على قليبها
بصراحة بصراحة
إدماني الحقيقي !!
هو شراء اكواب السيراميك !!
اجمل 3 اكواب شريتها بشهر سبعة ميلادي من السنة هذي
تحديداً من بندة بطريق عمر بن الخطاب
حكايتها حكاية
ماكنت بحاجة الـ 3 اكواب بس كانت طقم ،،
هي الاكواب الوحيدة اللي اشتريتها ومو سيراميك!!
. علاقاتي مشبوهه ظاهرياً ,
. نقيّة جوهرياً ،، .
stc
كذبة فررررش وصلتني الحين
http://www.u06p.com/up/upfiles/gNg07549.jpg
(تنبيه)
المكتوب ادناة كلام مستهلك ومنطقي كان مالك مزاج لاتكمل الرد وشكراً ..!
.
.
امس كنت اقرأ جريدة (الرياضية) بالطيارة < ليتها جريدة يمدي نرقع ونقول يشفع لها اللي يكتبون فيها ونستفيد من كتاباتهم
http://www.u06p.com/up/upfiles/NyV54488.jpg (http://www.u06p.com/up/)
وطالعت قدامي
حصلت الواد الخواجة مازال منهمك بقراءة كتاب كان مستلمة من يوم كنا بصالة المغادرة !!
http://www.u06p.com/up/upfiles/70M54488.jpg
صراحة تذكرت ابو عدي لما كان زعلان منا يالعرب ونازل شرشحة فينا !!
وقلت بعذر الرجل بنا نستاهل ونص !
والطامة لما يعيديون ويكررون مقولة ( بس احنا اللي صدّرنا العلوم لهم بالقرون السابقة :( )
http://www.u06p.com/up/upfiles/syu13041.jpg
أستغرب لما اشوف واحد نازل المغسلة ومعة كيس كبير عريض مليان ملابس يبي يغسلها
واستغرب اكثر لما تكون (منشفتة) من ضمن اللي ناوي يغسلهم !!
يعني مادري وش مفهوم النظافة عند البعض صراحة !!
ومادري وش المشكلة عند ربعنا العزابية اللي تمنعهم من غسل ملابسهم بنفسهم؟!
هل هي تنتقص من المروءة ولا الرجولة ولا الفحولة ؟
اللي يضحكني اكثر لاقال اشترط علية يغسلها لحالها هه
حتى ولو لحالها نفس الغسالة تبع المحل كيف تشتهيها ؟!
مادري انا عندي زود وسوسة ولا فعلا الموضوع صعب قبولة !
تخيلوا ملابسكم تغسلونها مع :
http://www.u06p.com/up/upfiles/ge313041.jpg
ومع :
http://www.u06p.com/up/upfiles/HwL13041.jpg
هذا غير غسيل ملابس فلان من ثوب لـ فنيلة لـ كلسون لـ بوكسر + منشفتك !
يع !!
اكره طفولتي بذكرياتها
مرتاح جداً لحياتي الحالية
خائف جداً من حياتي المستقبلية
ربي اكتب لي الخير ،،
على المستوى الشخصي فقط !
امممممم
اعتقد عندي مشكلة في التواصل مع اللي حولي ؟
او بالأصح هم اللي عندهم مشكلة بالتواصل معي !؟
بعضهم
يتنرفز
يهاوش
يحاول يفرض راية
يزل لسانه !!
هنا انا
اعطية ظهري واستمتع بالحياة دون ادنى تجاوب معه سوا تجاوب سلبي او ايجابي
وياسرع مايجي يعتذر ويطلب ودي !!
لذا زادت قناعتي بأن تصرفاتي لها شفرة غير شكل قليل من يفهمها
ويتم استيعابها بعد مراجعتها مراراً وتكراراً
لذا كان الاعتذار بالأخير واجباً مع مودرن
.
.
فاصل نرجسي لا اكثر ..
رغم أني مازلت الثلاثينات من العمر وبتحدد 33 سنه
الا أن الشيب بدأ يغزو رأسي شعره تلو شعره لاأدريمالسبب أو ماهي الأسباب
ربما يعود الى عوامل وراثيه أو أن الضغوط والهموم لها يد في هذا
اقول في نفسي هذا المذيع سعود الدوسري
بو ريما
انا بشهر واحد طلعت ثلاث شيبات بشنبي جهه اليمين
وشيبة إضافية للسكسوكة جاورت الشيبة الاولانية وكلهم يمين برضو هه
اما شعري حدث ولا حرج لكن مو بالشكل الظاهر
وعموما الموضة زي ماقلت تدريج الاسود والابيض
بس نرجع ونقول مشكلتنا بالوجيه هه
يعني دام الوجه نعمه ماينفع معه لا لون ولا موضة :(
الله يكفل الجميع !
العزيز / مودرن..
لم استطع أخفــاء أعجابي بماسطرته
اعتقد عندي مشكلة مع التواصل مع كثير من اللي حولي
او بالأصح هم اللي عندهم مشكلة بالتواصل معي !؟
بعضهم
يتنرفز
يهاوش
يحاول يفرض راية
يزل لسانه !!
هنا انا
اعطية ظهري واستمتع بالحياة دون ادنى تجاوب معه سوا تجاوب سلبي او ايجابي
قد لاتصدق انني أمر بنفس الحااله أو أشد!!
ابتعدت تماما عن مجتمع الاصحاب
حتى ان الاشاعات _طالتني- من جراء
هذا الانقطاع
مودرن / ربما تطفلت في اشياءك الخاصه. ولكن لان ماذكرته انت اثارني كثير,,
لأن صاحب هالمسج شخص إستثنائي
اجزم بأن الناس هي اللي ماتعرف تتواصل معي مو أنا !!
يعني حبكت العزيمة اليوم !!
كأنهم يتقصدون مانفرح بفوز العالمي الليلة :(
سلام للنوم استعداداً للهم والرسميات !
سبحان الله يومي لما يبدأ بنكد يستمر بنكد لين ينتهي
الصباح اضطريت اقبل عزيمة بدون سابق انذار
المساء زميلي تلقى خبر وفاة ابوة قدامي من اخوانة المطافيق !
الله يرحم اموات المسلمين اجمعين ،،
وش يحس فيه الله يدق عليك صبح الخميس !!
ووش يحس فيه اكثر لما يرجع يدق مرة ثانية لما مارديت ويصحيك من غرقة النوم !
خسارة ياصبح الخميس ما استمعت في نومتك :(
حتى بالإتصال متخلفين !
،،،،،،،،
اذن الظهر وحان موعد الذهاب للخب للقاء سماحة الوالد حفظه الله
كفاية
وش بروتوكولات السلام على الوالدين بالخبوب غير انها لازم تكون ظهر الخميس ؟
خروج وكسر للروتين
الى رحلة صيد بحريّة ..
سلملم
http://www.u06p.com/up/upfiles/axD30983.jpg
إنشاءالله موسم خيــر .. !
رغم ان المتردد يخرجني من (هدوئي)
لكن
اثناء الإستشارة
اثق برأي الشخص المتردد اكثر من الواثق
لإعتقادي أن المتردد لم يتردد الا لمراجعة مايفترض عملة او قولة
تجنباً لتأنيب ضميره وحدوث ما لا يحمد عقباه !
خلاف الواثق (مطلقاً)
قد يخطي مرة ويصيب مرة ونشاركة الإصابة حين والخطأ احيان !
وتبقى استشارتي للمتردد قبل الواثق لاتتجاوز (مارأيك بالسيارة الفلانية) وعلى ذلك فقِس !
حكي فاضي موو ؟!
يعني عشانك مملوح ،، ترمي خفوقي وتروح ؟!
ومن بعده عاد اخذت النغمه اللي عند مودرن الله يجزاه خير ويوفقه اللي
تصحي جيراننا من قوته
أختي جوانا
لايهمك قولة نغمة !
جرربي هالساعة :
http://www.u06p.com/up/upfiles/XCV00963.jpg
مو تقوم الجيران وبس
الا الحارة كلها !!
من الاخر هي عبارة عن
جرس مدرسة واستريحي !
سلبيتها ان الواحد يقوم منلحس وماله خلق شي :(
اخذتها من هندي يظهر لي إنة (نصوح) بالسوق الداخلي
مقابل بسمة القصيم لصيانة الساعات < وصف بذمه !
اليوم إستثنائي !
داخل مجتمع منيل بستين نيلة زي مجتمعنا
اقرف من التعامل المباشر مع هالمجتمع اثناء العمل
مافيه وبكل ثقة اقولها مااااافيه !!
خلال الـ 4 ساعات الماضية (خلاف العادة)
كان فيه لقاء مباشر مابيني وبين 4 اشخاص
3 منهم سنة (حضري وبدوي سعوديين وعربي)
1 شيعي سعودي
جميعهم فوضويين
لايحترمون النظام
يحبون كثر القرق بداعي وبدون داعي
يتكلمون باللي مايعنيهم وهذي من صفات المتخلفين طبعاً
بإسثتناء الشيعي !
كان دبلوماسي بكل ماتعنية الكلمة متفهم صاحب ابتسامة طوال اللقاء !!
حاجة غريبة ومؤسفة فعلاً ؟!
البلاك بيري !
اشتريت منة (بولد) ايام موضته
واسبوعين بس وتخلصت منة بشكل خاص !!
قبل فترة شفت بالسوق موديل جديد (بيبي بولد اوف وايت)
عجبني صراحة شكلة كشخه ومتكتك قلت مابدهاش من اساسي حاب البلاك بيري بس ماعطيت روحي فرصة!
لكن وكالعاده شهر واحد وتنازلت عنه بشكل خاص !!
لما اشوفة بيد احد اقول لا يلزمنا واحد
ولما اخذه احس حالي مراهق !! (سوري يابلاك بيريين)
عشان كذا ما اندمج معه وفعلا هو مايساعد ان الواحد يندمج مافيه اي حاجه مشوقة!
ماعدا الشكل الحلو والحين مسخ يوم صار بكل يد !
كل هذا كوم
ولما يرسل لي ولد عمتي المراهق رسايل من نوع (عزيزي .... مثلا) ياااااااثقل الدم!
http://www.u06p.com/up/upfiles/bfC02794.jpg
الحين دور الايفون الجيل الرابع بعد ما طمنونا وقالوا سليم الحين بجربه < بدري !
نصحوني بأجهزه ايفون من موبايلي ؟!
يقولون بس ماتلقاه الا بطلعه الروح :(
صحيح كلامهم ؟!
<< مسكت اليوم يشتريه !
طبعاً ويبقى جهازي الحبيب والمفضل
واللي شريحة رقمي الاساسي ماتطلع منه (n95) هو الكل بالكل
الناس من حولي
يبغالها دورة مكثفة بالتلميح
واخرى بالتصريح
متوجة بدورة اساسية تحمل عنوان
كيف تلفت نظر من حولك !!!
http://www.u06p.com/up/upfiles/tqD86473.jpg
انا محب وعاشق ومدمن للسهر
احاول دايماً اعدل نومي (غصب علي)
خصوصاً اوقات الدوام
لكن بدون جدوى !
احب سهر الليل (غالباً لوحدي)
متابعه التلفزيون مرة والنت مراااااات
بالسهر يحلى تصفح النت
يحلى الاتصال
يحلى الاكل
يحلى التفكير والتخطيط < اي هين!
يحلى التمشي بشوارع الديرة سوا بسيارة او( رجليّه )
تحلى الهالات السوداء تحت العيون لعيون السهر وناسه !
نوم النهار الذ منه بالنسبة لي مااافيه
ولو ان الاسواق والمشاغل والارتباطات نقدر عليها اخر الليل زي النهار
كان حياتي ليلية على طوووووول!
تمنيت كثير لو كان فيه فرصة لدوامي انه يكون ليلي !
والحين اطقطق عليكم من سهره امس للدوام مواصل بدون نوم
انتظر اذان الظهر ومن بعدها سمكة عالفراش لنوووووومه انشاءالله بتكون لذيذه !
الافغان !!
http://www.u06p.com/up/upfiles/esI86856.jpg
اسمهم ارتبط بالحشيش وقوة التحمّل ودينات البطاطس والفحولة!
حولي بقاله صاحبها (افغاني)
اجي الظهر احصله
اجي العصر احصله
اجي المغرب احصله
اجي 2 بالليل احصله
ست الفجر اليوم حصلته وكان يحوف علبه طحينيه داخل المحل!!
والله ما ابالغ !!
مادري متى ينام !!
وكيف يقدر يتواجد كل يومه بدون تعب او ملل !!
طبعاً لحيته لحد سرّه
لكن محله فيه ستاندات لجميع شركات الدخان وبطريقة عرض تسويقية (مغريه)
كل ما اشوفة اقول ماشاءالله عليه تبارك الله
مادري وش قوه الجلد على الشغل والربطة ببقاله مساحتها 50 متر
حتى ولو كانت ملكة واكله واكل عياله منها الانسان بطبعه مايتحمل الارتباط بهالشكل،،
وعلى طاريهم ذي صور لمزحهم وصلتني من فترة !
http://www.u06p.com/up/upfiles/fur86855.jpg
http://www.u06p.com/up/upfiles/kBo86856.jpg
ابوووك يالمزح :a6:
(كود) الواحد مايقول شي :(
صحيت وحصلت وصلني مسج عالجوال
يقول نومه لذيذة انشاءالله !!
والظاهر ماحاس نومتي الا هو http://www.buraydh.com/forum/images/icons/icon6.gif
احسب اني ما اصحى الا تسع بالليل .. !
لقيت حالي صاحي من 6 :(
الفوضى اثناء النوم زمان عنها !
اقصد ان الواحد يصحى يلقى كل شي حوسة حولة وكأنة كان يتهاوش مانام!
لما صحيت حصلت مخداتي طايحه من السرير
وحدة هناك حول التلفزيون
والثانية تحت السرير !
http://www.u06p.com/up/upfiles/Bil33527.gif
قال ايش .. قال البريد الممتاز !!
الاحد الماضي رحت لأحد (المؤسسات الوطنيّة) وهي البريد السعودي
وابي منه خدمه (بدون منه) لان فيه عليها مقابل
وهي إرسال CD فيه ملفات عمل لأحد الاصدقاء في مدينة اخرى
سألت الموظف بعد ماجاء من استراحة صلاة الظهر والساعه وقتها كانت تشير للـ 1 ظهراً !
قلت له بالحرف الواحد :
عندي ملفات ضروري توصل اليوم فيه إمكانية ولا لا !؟
قالي :
وين ؟
قلت :
المكان الفلاني
قال :
دقيقة اشيّك لك إذا السيارة طلعت ولا لا
وجلست انتظر وفي رواية اكلت تبن
جاني بعدها وقال:
لا يالحبيب مايمدي اليوم !
لكن بكرا 1 الظهر تكون واصلة
قلت :
آآآآكيد الظهر واصلة؟!
قال :
مايحتاج إذا بترسلها على الممتــــــاز < يقولها بفخر !!
قلت :
اووكي ولايهمك ممتاز ممتاز اهم حاجة بكرا توصل !
توكلت على الله وارسلت
وقلت ياخسارة ايام قبل !
كنت ارسل بالدي اتش ال وفيديكس وتارك البريد السعودي
مع ان سعر النقل عند هالشركات ثلاث اضعاف البريد السعودي والله يعز الحكومه !
وراح الاحد ...
والاثنين :(
والثلاثاء :( :(
والاربعاء :( :( :(
وخويي رجع بريدة وهو ما استلم الملفات اللي مرسلها له !
واضطريت اليوم اجزء الملفات وارسلها له عالايميل ،،
ولحين كتابة هذا الرد والبريد الممتاز يزحف !
المقصود
لاحد يتوهق بالبريد الممتاز تراه مقلب !
والله يخلي لنا DHL ،،
بلا مؤسسات وطنية بلا بطيخ !
^^^
ابشرك وصل امس السبت البريد الممتاااااز!
يعني 6 ايام بس ماتفرق عن 24 ساعه !
بالله
افضل كليجا ببريدة وين؟!
ابي كليجا (صوغه) وتشّرف للهديه
اللي موب قصمان يحسبون القصمان اكلهم الاساسي كليجا!
مايدرون اني اجلس السنه والسنتين ماذقته!
يُفترض اني انحف
اتوقع اني جالس اسمن!!
منك لله يالخبز!
فنتاستك
اجل رحلة علاجيه!
قدييييييييييييييمة يارجل شف لك غيرها!!!
خابرك ذيب ماتفوت عليك زي هالشغلات!
صباح الشوق يـا بـريـدة
:13[1]::d9::for12:
مصيبه لما يكون فيه سيارة بأسمك مع شخص ثاني!
اخوي سيارتة بأسمي
والحبيب مازال مستمر بحصد المخالفات وانا مازلت مستمر بالسداد
وليتها على كذا!
قبل فترة منعوني من السفر وكأني مطلوب دولي!
والسبب تعميم صادر من اشهر بخصوص حادث قديم ما اغلقت اوراقة عند مرور بريدة
ووقتها كنت على بعد 1200 كيلو عن بريدة واضطريت ارجع لهم بعد ماتكنسلت السفرة طبعاً :(
واليوم صاحي بدري واخر روقان
وكعادتي بموقع وزارة الداخلية وطرا لي اشيّك على مخالفتي من عندهم
وليتي ماشيّكت .. لقيت مخالفة جديدة :(
http://www.u06p.com/up/upfiles/RIC53501.jpg
مادري هي مدبولة ولا من الاساس 300 ريال
هنا للي حاب يشّيك عشان مايتوهق بعدين بمبلغ اكبر من المستحق :
الإستعلام عن المخالفات المرورية (http://www.moi.gov.sa/wps/portal/!ut/p/c1/hY_ZcoJAFES_hQ-w5jLOsDwCI4usgoDwYo2KhHIhLpUoXx9N8mCsktx-PN23ulGJbtrzj6bm56bd8y2aoVKaUyMyHMUfilaUyoBNmYwNyV XAJTdePPAwsBk44DLdC0NMLKkvTcX-NNB_0vm97WsHGf7wIMSpSRxRVKSRCFiyie5lDljsl8OL0-Dp_99-rkF6-ff6Pn7f18cxRYHd7iqU8CMqUCk_OBmhN2dqxiz1RLBlNEUzc3m 6sFar2YjFp64h55ZUlzFri-aQ51qYaq5nZ4P1PGokkmtQ55-6va1Pm26VdW9ck4l6HS3mnZ8UULnjbjG8xnw9AL-pDpdkn7jLTvV35eeUw0TNVmbRRWsjj11LqWilbs75WROEp55Ad QNwFhg0nkYQYoyKbVXz5RW979IZNE7jDPQjnQjCF6g5MO4!/dl2/d1/L2dJQSEvUUt3QS9ZQnB3LzZfNUNQQ0k4TTMxT05IRDBJMEtEQk xPTzI0MDU!/)
بروح اصلي الجمعه وبعدها اروح اسدد وانا رجل !
:(
كـأي ابو صابر .. اسف مواطن سعودي
رحت بسدد بدون نقاش وجدال
لاسيما اني اخر مرة سددت مخالفات كانت 600 (سرعة بدائري العاصمة)
وقبلها 2800 والبركة بأخوي !
وكلهم سددتهم بنفس طيبة بدون مجرد التفكير بالنقاش
جيت بسدد عن طريق حسابي بأحد البنوك المستضعفه محليـاً ونسيت ان الجباية قصدي السداد محصور ببنكين لاثالث لهما :(
وكـأي سعودي ضروري يكون معي حساب فرعي غالباً مصفّر في الراجحي او الرياض
مخصص لسداد المخالفات وتجديد الاقامات والجوازات وغيرها من خدمات حكومية
ومن القرادة لقيت فيه 295.40 ريال !!
يعني باقي 3.60 عشان اقدر اغطي المبلغ!
بو عدي .. كفاية
من وين شريت اضحيتك؟!
خابركم يالخبوبية بكم زود ذهانه (ماشاءالله)
وماتطيحون الا متواسين!
اكيد انها طيبة وبسعر رمزي!
عيد الاضحى
هو اثقل موسم علي خلال السنة وقبلة عيد الفطر!
اكرة الاعياد (يالله الغفران)
طبعاً الذبح والسلخ واجواء صباح العيد ماعشتها الا نظرياً و يوم انا كبر فنتاستك < اجحدها
مهوب دلع ولا خكرنة قسم بالله شي نفسي :(
يـاجماعه
في محل للنظارات والعدسات بالنخيل بلازا
على ماعتقد اسمه الفا مش عارف
مقابل مغربي عند بوابة بندة
تكفون لايلعب عليكم !!
طبعاً مغربي مايقل نصب عنة ومعروف ان كل حقين النظارات نصابين
لكن ذا زودها بالنصب
مادري عن كل بضاعته
لكن والله لاعبن على اللي حولي بنظارات بالمئات وهي سعرها جملة 40 ريال!
انا مستعد ادفع الف والفين للنظارة لما تصير ماركتها اصلية بحق وحقيق وانا هاوي هالماركة
لكن اني انغبن بنظارة تقليد ويدعي صاحبها انه اصلية مستعين بديكور محلة للبهرجة هذا الضيم:(
ومانقول شي ينصب بـ (المعقول) و ياخذ مكسب زية زي غيرة
لكن هذا زودها بالنصب ووصل مرحلة الاحتيال والاستغفال والاستغلال
انقهر لاشفت المصري والسوري يلعب على السعوديين وبداخلة يقول بدو وش عرفهم!!
بعدين لمتى يرحم امكم ماتعرفون تشترون ولا نظارات وتفرقون بين الاصلي والتقليد الجيد والتقليد اللي رايح وطي :(
نسيت شغلة بخصوص النظارات
السوق عندنا 90% منه مضروب
لكن برضو فيه تقليد جيد وتقليد سيء
التقليد الجيد وانا جربتة للإمانة
يكون اسم الماركة محفور بالفريم تبع النظارة
مثلاً ماركة ريبان لها علامة مميزة بجميع نظاراتها (مادري عن الموديلات الجديدة)
وهي انها تسجل حرفين (r-b) على المطاط اللي يتكي على الخشم < امحق وصف :)
برضو ريبان عدساتها معروفة انها خفيفة ورقيقة وبنفس الوقت قوية وخدشها موش بالساهل
النظارات الاصلية فعلاً يجي معها رقم خاص فيها (زي رقم السيارة التسلسلي)
وهالرقم اما يكون محفور عليها او مسجل بشكل شبة استحالة مسحه!
ونفس الرقم يكون مسجّل بكرت الضمان اللي يجي مع النظارة
ولو جاها شي تراجعون الوكيل تبعها ويستبدلها فوراً مهما كانت قيمتها (في حال كانت اصلية من وكيل معتمد)
وماننسى ان سعر النظارة الاصلية يساوي سعر فاتورة او فاتورتين جوال
مقابل انها تبقى مع الواحد سنتين كأقل تقدير
يعني بحسبة بسيطة الواحد بالاخير كسبان جودة وسلامة عيون (بإذن الله)
نرجع للكليجا !!
وصلنا مرحلة مفصلية الحين
وهي تواصل بعض الاعضاء معي(اشكرهم مرة ثانية)
بوصف مواقع التموين والامداد بالكليجا وغالبها بالخفيّه يبدو لي !!
وغالبها من امهات بل جدات الله يخليهن لعيالهن
نبدأ بالامهات
كليجا ام الزويد
وكليجا ام الصويان < اضن كذا اسمها واضنها من عنيزة
وكليجا ام الصايل ولا الصوغان صراحة نسيت وش يقالهم لاني مسحت المسج :( بس الاكيد فيه ص
كليجا حلويات الجزيرة
وكليجا حلويات العربي
من نعتمد ياجماعه من دون قصور بأراء الاخوان والاخوات اللي فوق ولهم شكري مرة ثالثه!
عيدي كان حافل
بالمواجهات المصيرية
والكتمات الصدرية
والضحكات الهستيرية
وكل عام والجميع بخير وصحة وعافية
كعادة كل سنة
للحين ماذقت لحمة العيد!!
وكعادة كل سنة لما اطالع منظر الحجاج وهم مبسوطين
بأداء فريضتهم وعلى وشك العودة لديارهم
اقول
لو اني بس حاج وجادعن الهم !!
الله ييسر لي ولجميع اللي ما افرضوا الحج المبرور والسعي المشكور
اللهم امين
http://www.u06p.com/up/upfiles/JVZ12996.jpg
احلا حل بالتاريخ!
الكرتون بـ 12 ريال وفية 100 حبة
في سيارتي
لازم يكون بالدرج كمية منها
وفي شنطة السفر
برضو لازم كمية منها
لما تكون مسافر ولا بأي مكان عام
تحتاج دورة المياة حاجة طبيعية
وخبركم عاد دورة المياة بتكون مزار عام !
وكلن يدخلها ويحوسها ويطلع
عشان تتجنب استخدام طرق غير مشروعه
وتقضي حاجتك وانت مطمن
البس لك من هالقلفزات
وافتح وسكر في الموية وانت مطمن
البسها من قبل ماتنزل من سيارتك
ولا ترميها الا قبل تركب
وبكذا تبقى اكوس انسان
جهود الادارة مشكورة
لكن الستايل الاولاني على تواضعة يبقى احلا من الجديد
حلو انهم مخلينة تحت وللعضو الحق بإختيار طريقة العرض
ماليش بالاناشيد
بس حبيت هالنشيد
وصلني من صديق صادق!
www.4msk.com/audio/SrAb.mp3
عــاجل
مطلوب رقم مميز جداً (جوال - ثابت)
بمقابل مجزي !
يالله يالسمسريّه شدوا حيلكم !!
http://www.u06p.com/up/upfiles/UBF37373.jpg
رغم الغـموض!
اعترف أني اسيرها ..!
حتى وإن كابرت واظهرت خلاف ما اخفي !
اللهم عجّل بالفرج والخير لها قبل أن يكون لـي ،،
الذين يشاهدون محتوى الموضوع الآن : 4 ( الأعضاء 2 والزوار 2)
Modern , بلزاك
حضورك زاكي يـا بلزاك!
اهلاً وسهلاً :)
والمعذره مقدماً !!
بنت اختي صغنونة بالتمهيدي
معلمتها عـراقية !!
مش قادر اتصور عراقية مع الاطفال !!
احترم واقدر الماجداااات العراقيات
لكن اتوقع طبيعه وتركيبة الانثى العراقية
ابعد ماتكون عن تربية الاطفال وبالتمهيدي!
صحيح لكل قاعدة شواذ
بس تبقى العراقية شديدة صارمة قوية تاخذ حقها وحق عشرة
تجادل تفاصل ماحد يدوس لها على طرف (إلا برضاها)
وعلى فكرة
تعجبني الانثى اللي تحمل هالصفات
واللي يسمونها ربعنا (رجالية) !!
سلامي للزبيراويه!
1970 - 1990
اجزم انها الفترة الذهبيه للمملكة العربية السعودية
وياما تمنيت اني عايش هالفترة كلها ومستمتع فيها
اسألوا جميع من عاشها بحق وحقيق وشوفوا جوابة ،،
سقى الله ذيك الايااام ،،
خـروج الـروح (حرارياً)..!
http://www.youtube.com/watch?v=TiYys-n3M_U&feature=related
الله يكتب لي ولكم حسن الختام
،
اللهم اننا مقصرون ومذنبون
فاهدنا واغفر لنا
وتب علينا انك التواب الرحيم ،،
modern+
انت تحية خاصة اخبارك
وعندى رقم مميز بس ودى ابيع ولا ودى بس تراه زين
ياحبي لك ياعموري
يارجل وقتها كنت اكلم واحد بالماسن
وقالي ابي رقم مميز
جيت مسوي فزعه و نزلت ذاك الرد
عموما بقولة وبشوف عنه
بس تراة عله يبي رقمين متشابهين للجوال والثابت!!
يا تلحق يا ما تلحق !
http://www.buraydh.com/forum/showthread.php?t=264565
http://www.u06p.com/up/upfiles/oLA89926.jpg
من قدي!
سهرتي كانت في عمق الخبيبيّه
اللي فقدت الاضواء بعد ترحيل شهيرها !!
بـعـض الـنـاس مـاتـدري وش يـحـس فـيـه
وبـعـض الـنـاس تـدري وش يـحـس فـيـه!!
^^
والله كلام كبير بس يبي روقان وبعدها يكون الاستيعاب http://www.buraydh.com/forum/images/icons/icon6.gif
شقتي
لما ادخلها بعد الدوام (خاصه) واحيان بالليل
ريحتها كشنه وطبخ!
بحكم اني محاط بعوائل ماهمهم الا اكلهم :(
جربت كل الحلول من تسكير درايش
لتشغيل مراوح شفط طول الوقت
لرش عطورات
مااافي فايدة
اخر حل شريت فواحه
بس لعب علي المصري بالعطر ماله ريحه تنتشر :(
قمت ابخبخ من عطوراتي بنفس صحن الفواحه
صراحة طلع خليط راااااااااااااايق
اليوم رحت ورجعت ودخلت الشقة والله خقيت على الريحه
حسيت اني داخل شقه اليسا http://www.buraydh.com/forum/images/icons/icon11.gif
جررربوها!
بعض الاسماء في جوالي
اقلق لما اشوفها في شاشة جوالي معلنة الإتصال بي :(
كونها سبق وأن تركت انطباعات وتصورات غير مرضية إن لم تكن مؤلمه!
احدهم ارسل لي قبل قليل رسالة
رغم أن مضمون الرسالة يدور حول الاخوّه والتسامح والنصح!
إلا ان رسالتة اصابتني بالغثيان
ولسان حالي يقول (الله يستر من تاليها)
كــفـايــة , modern
يامودرن ماعندنا شيء نقدمه لك
تبي قل كلافة حياااك
تدري اليوم عندي ع العشاء عبدالله 30 وابونورة اذا كنت هنا تكفى عطني خبر تجي لمنا تشرفنا
بو عدي
الله يخلي لك عيالك وامهم قل امين
اشكرك على الدعوات الكريمه والاحراج
ووالله انا مو بالديرة
انشاءالله الجايات اكثر
اشكرك من القلب
وسلامي لك و للزقرت اللي بتجتمع معهم الليله
وعوافي عليكم الحميّمات ،،
مودرن الغااااااااامض !
حقيقة مو اول مرة تنقال لي هالكلمة!
امممممم
اخرها اليوم كان بيني وبين احد الاعضاء اخذ وعطاء بخصوص قضيه بالمنتدى
وانا اعتذرت من المواصلة < مسوي يبي يموّه :)
ايه ومير هالعضو يرسل هالرساله!!
مودرن
خلنا نعرف عنك شي اعوذ بالله ..
والله ترى بدعي ربي مايزين الواير لس حقك هههه
اذا عذرك مهب قوي ماراح اسمح لك نهائياً ..
يانت غاااااااامض بشكل !!
صحيح انا غامض؟!
مادري احس اني وصلت مرحلة بالوضوح ماتقبل الزيادة خصوصا بالأشهر الاخيرة!
طيب انا غامض بس تكفى الا الاتصال تراه معقدن تعقيد :(
http://www.u06p.com/up/upfiles/LTX14899.jpg
بعد منتصف الليل اجلس مع اصدقائي النت والتلفزيون
بحكم ان بكرا الاحد نهائي كأس الخليج كانت متابعتي التلفزيونة رياضية 99%
تابعت احد البرامج على قناة كويتية وبرنامج ثاني سعودي على احد القنوات
جميعهم يتكلمون عن النهائي تقارير تغطيات لقاءات وصولاً لإستقبال إتصالات المشاهدين
للتعبير عن ارائهم وملاحظاتهم وتوقعاتهم لمباراة الأحد ،،
الكويتيين كعادتهم جرأة ثقة إعتزاز باللهجه استيعاب للطرح
ونقاش حضاري لنفس الطرح بدون شطحات وبشكل راقي بدرجة جيدة
بإختصار متصلين عشان يتداخلون بحق وحقيق مو إتصال لأجل الاتصال مو اكثر
والسعوديين مع الاسف كعادتهم لما يتصلون :(
تعتعه لكلكه اراء غير منطقية وخذ ياتناقضات بنفس المكالمة اللي ماتكمل 60 ثانية
أما الشطحات حدّث ولا حرج !
اوكي تعودنا على ربعنا لما يتكلون قدام الكاميرا بلقاءات الأخبارية المضحكة :(
بس الحين برنامج وإتصال وكووورة ياسعوديين كوووورة!!!
اذكر ان السعوديين هم بالمركز الاول خليجيا بل عربيا بمتابعة الكورة وعشقها
لية مايعرفون يتكلمون حتى فيها :(
صباح الـ :for12:
**
http://www.u06p.com/up/upfiles/Clj07301.jpg
قميص بولو عامل شغل جامد .. بس ملغ !
صباحك ورد كفاية < اكيد ماعجبك قولتي ورد بس عديييها
توافقني بخصوص موضوع قميص بولو ولا تختلف معي؟
اليوم كل من دق علي يقولي والله ياجو بريدة شيييييييييييي !
ماشاءالله تبارك الله وعسى الخير يعم على الجميع
**
يسعدني التقدم بأصدق التهاني والتبريكات للنصراويين كافة وعموري خاصة
بمناسبة سداسية النصر الحلوة اليوم
برضو ما انسى ابارك للهلاليين تعادل فريقهم مع نادي التعاون ودمتم متعادلين
http://www.u06p.com/up/upfiles/weg03430.jpg
لاصحاب المرور السريع
بإمكانكم المحاولة مرة اخرى
لنيل شرف التحاور معي ،،
* الصورة لوردة النرجس!
حكايتي مع الصدف حكاية
دايماً تصير معي شغلات تلحس المخ!
اليوم اخذت فرّه بالهوز هير
والله ويطلع لي مشرفنا سلفر مرتز!
نفس صورتة اللي هنا بالزززبط
قلت يامحااااسن الصدف
مع ان بيني وبينه حول الـ 1000 كيلو
وبيني وبينه الاف المستخدمين لنفس البرنامج
إلا اني صادفت سلفر بعينه بالبحث !
لحد هنا حلووووين نقول صدفة
لكن لما
دخلت المنتدى بعد دقايق
حصلت رسالة خااصة من سلفر ههه
لا وكاتب صدناك و احس اني حاجرك بالزاوية وصاك الباب واضحك !!
وكأن الولد جني وفعلا قاصد التحجيّر لي هنا وهناك!!
هذا مثال واقعي وعملي وسريع للمثل يامحاسن الصدف :cool:
هنا
http://www.u06p.com/up/upfiles/qlu80700.jpg
كان اللقاء جميل ،،
صح نسيت اخبركم اني ببريدة ولله الحمد
جدولي مضغوط جداً
بمعنى ماحد يحرجني $:
توي انتبه للمجلس اللي فوق
الله ياهو شين هههه
مادري ابدأ بالجدار الاحمر ولا الاصفر ولا المروحة!
بس فعلاً توي احط بالي
كنت اشوفه شحليلة مرتب متكتك!
اممم
انا على موعد مع النوم !!
على فراشي اللي هجرته كثير غصب مو طيب :(
الى اللقاء إذا في العمر بقيه ،،
موظف اسمة سليمان في ساكو بريدة
يستاهل من الجميع تحيه وتقدير
خلوق ومتعاون بشكل فوق الوصف
ومثال للرجل الحقيقي داخل ذاك الفرع تحديداً
لة مني اجل تحيّه واكبر شكر على تعاونه وخدمته لي
وياحبي للموظفين والموظفات السعوديين بشكل عام
وبشكل خاص بالأماكن اللي كنا متعودين وجود الاجانب فيها!!
عيالنا يبردون قلبك فعلاً بخدمتهم وتعاونهم عكس الاجانب الله لايكثرهم!
اليوم مع الوالدة طلعنا نتمشى
وصلنا لموقع مهرجان الكليجا بدون تخطيط مسبق!
كنت بنزل بالوالدة في حال توفر عربات للكبار
لأن الوالدة تتعب من المشي الكثير
بس مع الاسف خبروني انه مافيه اي عربات
وبالنهايه مووش فارقة معي او مع اميمتي اصلا هي تقل مامن حرص
خصوصاً بعد ماشافت الزحمة وكأن مافيه موقع انسب للمهرجان من ذاك المكان !
بس تخيلت ان عجيّز وصلت مع عيالة
وشدته الزحمة وتواجد العجايز وطراله تنزل توسع صديره :(
يعني ياليت اللي له علاقه مع المسؤولين هناك
يقولهم يوفرون عربات زيها زيها عربات الصغار حتى لو كانت بأجار
حتى ماينحرم احد من التواجد هناك في حال وصولة بدون تخطيط مسبق مثل حالنا
وش رايكم بي لاقمت اقترح؟!
اليوم حافل بالاحداث والإنجازات
نكمل...
اليوم سلم علي واحد
ومباشرة بدوون اي مقدمات
قالي شلون فلان < يعني اخوي!
انا لا اعرفة ولا قد شفته
قلت شدراك < كانت تعابير وجهي كلها دهشه
قال ولو عرفت انك اخو فلان من اول ماشفتك مبيّن الشبه !!
مع انه ولا مرة احد قالي اننا نتشابة !
وفعلا مابينا اي شبه
اخوي ذاك حليوه وانا يفتح الله :(
غير كذا اخوي ذاك يختلف بالشكل والتشكيل!
اممم يعني هي فراسة ولا ذاك الرجال موووش مضبوط ؟!
لاني كلمت اخوي وقلت له سلم علي واحد قال انه فلان الفلاني زميل دراسة قبل 15 سنه
قال اخوي اول مرة يمر علي هالاسم!!
فيه قصة اسمراني شاب ببريدة على وقت الملك سعود
بسببة يقولون بدأت اول مظاهره في تاريخ الحكومة السعودية الحالية
مين يعرفها ويذكرني بالاسم لأني نسيته واحتاج معرفتها بشكل دقيق لأمر خاص جدا!!
لما كان عمري 6 سنوات
شفت ساق ميت كانت ( مكفوفه )وهو فوق الاكتاف في مكة تحديدا في سوق الليل
للحين مو فاهم القصه نهائياً !!
وللحين مانسيتها
وكثير لما اشوف ساقي بوضعيه معينه اتذكر ذاك الساق تماماً !!
موظف ساكو كأني مو متأكد من اسمه لاني بصراحة سمعت واحد ينادية!
احتمال يكون عبدالرحمن مو سليمان
بس انا متأكد اي واحد بيميزه من بين الموجودين
لانه فعلا محترم وشقردي < فعلاً شقردي انسب وصف له
الله يوفقة ويحقق مناة ومناي ومنى الجميع
موظف ساكو هذا خلاف موظف شفته بهرفي برضو سعودي
لكن سمعته يسولف مع زبون
مافيه سلبية ومسبة وفضيحة عن شركة هرفي الا قالها
مادري وين إحترام المهنة ومكان العمل بغض النظر كان كلامه صحيح ولا من جنبها وهذا الاقرب
يعني مهما كان مو حلو تتكلم بهالشكل قدام اي زبون يجيك
على الأقل احترم العقد الخطي والشفهي اللي بينك وبين عملك
وإذا مو مقتنع غيرك يبي مكانك توووكل،،
والمشكلة هاللي يسب فاشل جدا لا من ناحية استقبال ولا تعامل مع الكاشير ولا حتى تقديم للأكل!!
حتى مظهر شعره الحوسة والقشره اللي على اكتافه واسنانه الصفراء كان مقزز!
بخصوص اللي تسألني عن سالفه الميت برسالة خاصة
مو ضروري تفهمي !
لأني انا مافهمت ،،
.
مسائكم انا
كنت في مكة الخميس الماضي
اعتقد اني اول مرة ازورها بمثل هالوقت من السنة
اجواء خيالية هواء منعش مافيه زحمه مافيه مضايقات مافيه متسولين (مقارنة بالمواسم)
عمرتي اخذتها بأقل من نص ساعه مع اني طفت 9 مرات
والسبب اني مرتين انسى التكبير عند الوقوف بخط البداية همّن اتذكر لاوصلت المقام واقول نعيدها احتياطاً
بس لأحد يسوي مثلي لأني سئلت واحد وقالي لاعمرك تبزع مره ثانية
في مكة ويوم الخميس وتحديداً بعد صلاة العصر كان الجو مايزال غائم وكويس
ركبنا السيارة وابعدنا برحمة من ربي عن منطقة الحرم متجهين لأحد الكافيهات
نبي نشوف المباراة التاريخية لمنتخبنا الوطني اللي يسير وفق خطط مدروسة
ونعمه من الله اننا ابعدنا عن منطقة الحرم
لان السماء انشقت علينا بمطر مايووصف لدرجة ان الشلالات صارت تتدفق من الجبال المحيطة < والله منيب ابالغ :f9:
هالمطر كله خير لأنه منعنا عن مشاهدة المباراة وغيّر الجدول المعد مسبقاً
وخلانا نستعد للتوجه لجدة
رحت لجدة وكأن الخير وراي وراي
جاهم الخير وانشقت السماء بجدة وبظرف دقايق صرنا بوسط بحيرات اغنتنا عن روحة البحر
الجمعه كان موعد رحلتي من جدة والجو كان متقلب غبار وغيوم وصحوو
سبحان الله بمجرد ما اقلعنا على الساعه 10 انشقت السماء عليهم
بشكل خلى جدول الرحلات يتلخبط وتتوقف كل الرحلات
برضو ادارة التعليم وقفت الدراسة ليوم السبت
وكأن الله راحمنا بالهروب من جدة قبل المطر اللي جاهم وقبل هبوط طائرة ابن علي بثمان ساعات تقريباً
،،،،
http://www.u06p.com/up/upfiles/Fgx55280.jpg
بندر ترى ما اسمح لك كانك تلعب علي بهالكلام المعسول هههه
ياحبي لك
موضوع جدير بالزيارة والمشاركة
كيف لا وهو من تغطية الجميل دااااااايما بندر الحمر
هنا رابط الموضوع :
http://www.buraydh.com/forum/showthread.php?t=272599
.
.
الكوايتية رهيبين لما يجون على سليقتهم
خالد عبدالجليل احبه لاقام يسووولف
http://www.youtube.com/watch?v=lN5LdJyZIQo&feature=related
http://www.youtube.com/watch?v=GjcsBxE6Hg8&feature=related
هههه اهم شي الجرابيع
.
طالما اني باليوتيوب واتكلم عن الكوايتة
احب اتكلم واتغنى بالدكتور العلامه الفاضل الشيخ العالم عبدالله النفيسي
http://www.u06p.com/up/upfiles/MOs59582.jpg
سيرتة اكبر من اني احصيها داخل متصفحي
واللي حاب يتعرف عليه اكثر يبحث عن سيرتة الذاتية ومسيرتة العملية
وانا واثق انه راح يكن كل الاحترام لمثل هالرجل القدير والقدير جداً
ياكثر ماقلت وش بيكون العالم العربي في حال كانت مفاصل دولة بيد مثل هالعقليات
اتابع محاضراته بشكل دوري
استمتع بأسلوبة وأهيم كلامة اكثر من استمتاعي وهيامي بنغم قديم ابو نورة ولا عبادي
هنا مقطع لجزء من محاضرة له
هالمحاضرة عملت جدل كبير بين المهتمين بالشأن اللي يتكلم بخصوصة
هنا الجزء الاول وبقيّه الاجزاء بالامكان الوصول اليها من القائمه المصاحبة لهذا الجزء
http://www.youtube.com/watch?v=0fm8H4L1yfc&feature=related
يُنصح بمتابعتة
.
بما اني ببريدة :13[1]: حتى إشعار آخر ،،،
وبخصوص الكوايتة كمان وكمان
وش افضل محل يفصّل ثياب كويتية ببريدة؟!
اكلت خوازيق بمحلات كثيرة وماودي اكل اكثر
ابي محل يعرف يفصّلة فعلا مو يتعلم على حسابي!
ياليت الزقرّت اللي يعرفون يخبروني بمسج وبفصّل لهم معي وعلى حسابي :)
ولا نروح الكويت كلها 720 كيلو وحنا بالمباركية وناخذ الخبز من خبااازة
.
الذين يشاهدون محتوى الموضوع الآن : 12 ( الأعضاء 5 والزوار 7)
Modern* , احمد النجم , تَـرفْ ♪
يـــاهلا بترف والنجم اسعد بتواجدكم :)
فضول غير معتاد عند مودرن يبي يعرف مين هالـ 7 زوار،،،،
.
.
http://www.u06p.com/up/upfiles/kNy06678.jpg http://www.u06p.com/up/upfiles/g2D06678.jpg
كلنا وبدون إستثناء
دربنا واحد !
يالله حسن الختام ،،
.
كنت في عـزاء
والله لو دخل احد مايعرف انه عزاء
كان توقعه مناسبة عائلية !!
ضحكات وسوالف وشبه نار وقهوجيه وفلّه حجاج !
ماشاءالله على قلوبهم
والله يرحم حال قلوبنا :(
.
ههههه ربعنا منسمين
اتوقع بمصر وشافوا الكنسية وقالوا قدااام
اما الشخص الملتحي شكلة متعود على المكان هههه
http://www.youtube.com/watch?v=JqgqWZEY8AU&feature=related
بالله اللي عنده خلفيه عن المقطع لايقصّر علينا ،،
.
دائماً إهتمامنا على الشكليات والمظاهر ،،
كنت جاي من مطار الملك خالد قبل فترة
صراحة ماكنت بصدق الكلام عن مشروع جامعة نورة لو ماشفته
مباني خرافية
مسارات قطارات
بوابات بحجم مباني لوحدها
اعمال قائمة على مد البصر
بس ياترى وش بتكون المخرجات!!!
هذي صور حصلتها على النت للشكل النهائي للمشروع
وبصراحة هالصورة ماتعكس 30% من ضخامة الاعمال على ارض الواقع :
http://www.u06p.com/up/upfiles/Djh77206.jpg
http://www.u06p.com/up/upfiles/zQK77206.jpg
بينما على النقيض هذي بعض الصور لجامعة هارفارد
http://www.u06p.com/up/upfiles/kzL77239.jpg
http://www.u06p.com/up/upfiles/ldc77239.jpg
وهي جامعة غنية عن التعريف احتلت المركز الاول من بين جامعات العالم
من ضمن منسوبي هيئة اعضاء التدريس فيها
يوجد 44 شخص حاصلين على جائزة نوبل
وهي الجامعة الاولى بعدد حصول خريجيها على جائزة نوبل واشهر الاوسمة العالمية
ومن خريجين الجامعة اشهر الرؤساء الامريكان واكثرهم شعبية وهم :
جون آدامز - - فرانكلين روزفلت - رذرفورد هايز- جون كندي - باراك أوباما
على فكرة
رئيسة الجماعة امرأه :)
للإستزادة :
ويكيبيديا (جامعة هارفارد) (http://ar.wikipedia.org/wiki/%D8%AC%D8%A7%D9%85%D8%B9%D8%A9_%D9%87%D8%A7%D8%B1% D9%81%D8%A7%D8%B1%D8%AF)
الفرصة قدام بناتنا الحين لأثبات اننا مو اقل منهم
لأنها راحت على شبابنا
ياترى
بنشوف مخرجات لجامعة نورة ممثله بطالباتها تعادل 50% من مخرجات هارفارد :(
وماننسى كاوست
وماننسى الاعمال والتطويرات والميزانيات الخيالية
لجامعه الملك سعود بس عشان تحتل المركز الاول عربيا ههه
وجامعة القصيم ماتقل عنهم
كون ميزانيتها ماتزال من ضمن اعلى ميزانيات جامعات المملكة بس مع الأسف من جرف لدحديره
.
http://www.youtube.com/watch?v=OUlQJFjJI3g
هههه فسقان ابو يعقوب
المصريين مو وجيه مظاهرات ولا مطالبات حدهم تنكيت
تخريب وصراخ وسرقة وقلة حياء هذي هي المظاهرات المصرية
فرقهم عن التوانسة فرق الثراء عن الثريا
هناك التخريب كان محصور بجهات معينة من قبل عصابات فعلا هذا هدفها
مو المصريين الاغلبيه ماشين احراق وتخريب وتكسير بكل مبنى حكومي بدون اي مبرر
اجل طابين على المؤسسات الحكومية وتهاوشوا على الكراسي الدوارة ههه
واللي زامن دينمو هو وماصورته ورايحن لبيته
واللي زامن طرابيزه على قولتهم
والمصرية الدبيه اللي مجلعدة بكرسي دوار بالشارع هاجتن بوة لحاله هههه
شعب سطحي ومشفوح لأبعد درجة طموحاته تافهه جدا
شعب ماينفع يدير بلدة بنفسه
مصر كانت ام الدنيا لما كان اللي يحكم شعبها اشخاص غير مصريين
من عهد الفراعنة حتى عهد جمال عبدالناصر
كل هالقرون كان الحكم في مصر من اشخاص غير مصريين
والتاريخ يشهد انها كانت الافضل وام الدنيا بحق وحقيق لما كان حكم المصريين من اشخاص غير مصريين
المصريين شعب يُقاد ولايصلح ان يقود
المصريين للتنكيت وووبس
انتهى التحليل المودرني ؛)
http://www.u06p.com/up/upfiles/obq20851.jpg
يعني قلنا الشباب يبيضون الوجه اوقات الازمات والامطار
بس عاد مهب كذا هههه
ربعنا ماودك يسرفون بالفزعات
تتوقعون وين رايحين به :a6:
.
قناة الجزيرة توقفت عندي
حسني مبارك واعوانه وقفوها
عموووري حبيبي
القناة مازالت شغاله على قمر النايل سات بس بترددات ثانية
تحصلها على موقع الجزيرة نت
ياحبي لك ياشييييخ والله اني اغليك !
http://www.youtube.com/watch?v=BfKrnTE9cf8
ياما ضحكت على هالمنسم هههههههه
صحيح قديم المقطع
بس احبه وتذكرتة مع احداث مصر الحاليه
مهبل ررربعنا
يعيش القصمان:13[1]:
عندي شخص
اسنانه تهز وتبي صيانه كامله
طبعا هو كبير بالسن
العيادات كثيرة
والخيارات متاحه
اللي يعرف عيادة كويسة فعلا
واشتغل بـــنـــفـــســه عندها
ويــنــصــح اني اروح لها
ياليت يخبرني وله مني جزيل الشكر ووافرالدعاء ،،
اكرر ابي شخص بنفسه اشتغل
مو ولد خالته ولا عمه ولا يقولون العيادة الفلانية كويسة !
http://www.youtube.com/watch?v=5JRO6VLKEc0&feature=related
الحرمه اللي بالمقطع
احرجت خالد الفيصل بجرأتها المحترمة
وحرقتها الواضحة على وضعها وانخداعها بموقع بيت العمر
لكن هذا كلة كوم
وزمرة المزمرين والمطبلين ولاعقي الاحذية ومتلقي الفتات كووم
بتصفيقهم واطلاق عبارات الثناء والشكر على حي الله كلمة يقولها الامير حتى قبل يكملها!
بينما كانوا عاضين على شحم لما كانت المسكينة تتكلم من حرقة
لعنه الله على رجال هذا مستوى تفكيرهم
لعنه الله على رجال مابهم رحمة لدموع هالحرمة
واللي ماخلوها تكمل كلامها وقاطعوها بتصفيقهم ونفاقهم قدام الامير
ونبي مشاريع تصريف وهالحيوانات هذي مابينا وبين رأس الادارة خالد الفيصل ،،،،
يقولون ابن علي يوم شاف المصريين استهاشوا امس
ارسل رسالة لحسني وقال تراي ابنام
ومفتاح الشقة بحطة لك تحت طبلون الكهرب كان جيت بالليل
ههههههههههههههههههههههههههههه
بايخة بس والله ضحكت من قلب عليها
لها
هي
وبس!
ياضفاير شعرها....طيحي على صدر القمر
... اجرحي صدر القمر
... ارقدي فوق النجوم الخضر........ضيعي
... اااااه - ضيعي بين حبات المطر
... واستريحي
... استريحي فوق اوراق الشجر
... اغسلي سوق الشجر
... اكتبي اسمي....... انا
... احفري قلبي....... انا
... اااااااه ........ ياقلبي انا
... اااااااه ........ يامذبوح يبكي ....فوق اغصان الشجر
... يازوينه ياحلاتك
... ياحلاتك يوم ترخين اللثام
... ياحلاتك يوم صوتك
... صوتك العصفور يشجي ...... يازوينة بالكلام
... ياحلاتك يوم تضوي بسمتك
... ياحلاتك يوم تدبك خطوتك...
... ياحلاتك يوم جعدك ينتشر...
... فوق امتانك ويرقص.............ماتضيمه شيلتك....... ياحلاتك
... ياحلاتك شمعدان يذيب خوفي
... ياحياتي في ليالي غربتك
... يوم تذرف دمعتي ماي النوى
... يوم يتعبني بجوره
... في ليالي وحشتي حمل الجوى
... ياحلاتك يوم شوفك تلعبين
... في حدايق وهمي المفتون
... بالغايات... والميصال ... والذكرى ... واحوال السنين
... يا حلاتك يوم شوفك تكتبين
... بالقلم ... في دفتر المجهول
... عن حبي واتعابي ... وعن وجدي واحزاني ... وعني
... ثم عن جرحي ... وصبري
... يوم اقعد في مكاني
... بين كل اللي جراحي
... بين كل اللي مثيلي
... ياحياتي ..........صابرين
http://www.u06p.com/up/upfiles/JlB44701.jpg
http://www.u06p.com/up/upfiles/4ei45200.jpg
كنت اتابع برنامج اسمه الجماهير او جماهيركم < حاجه زي كذا
على القناة الجديدة لاين سبورت
وكان جمهور الحلقة عيّنه للجمهور الريداوي
ياسلاااام عليهم
شباب يشرفووووون
ترتيب ووسامه وطريقة حوار راقيه ومهذبه
صراحة رفعوا راس الكرة البريداوية القصيمية فوووق
وكان عندي فضول اعرف اساميهم بس ماعرضوها بالحلقة مع الاسف:(
عقبال مانشوف كل جماهيرنا بهالشكل
ماكنت بكتب عنهم
لكن امس شفت نفس البرنامج مع عيّنه لجماهير ناديين من اكبر اندية المملكة
والله لا تعصب ولا تعنصر
بس كانوا يفشلون على مستوى المظهر والجوهر
اللي متابع البرنامج ويعرف الجمهور الرائدي اللي حضر بذيك الحلقة
يشرفنا بذكر اساميهم :)
http://www.u06p.com/up/upfiles/7cz90191.jpg
http://www.u06p.com/up/upfiles/tmm90191.gif
والآن على لاين سبورت
وعشااان مايزعلوا مني التعاونية وعلى رأسهم عموري
لقاء مع عيّنه من جمهور نادي التعاون ببريدة
كمااااااان يشرفون بتعاطيهم الراقي
واستغلال فرصه الظهور الاعلامي لخدمة النادي لا سواه ،،
بينما البعض يحاول استغلال اي ظهور اعلامي لمحاولة ابراز نفسه
ياسلااام على عشق الاندية عندنا
وفوووق يا اندية بريدة فوووق
هناك الكثير من الصورة الجميلة للحرم الشريف
لكن استوقفتني هذه الصورة كثيراً !
http://www.u06p.com/up/upfiles/ZcT14463.jpg
خزانات زمزم برتقالية
سيارات اجرة صفراء
جسر الحرم الاخضر ؛)
سجاد الحرم الحمراء
هناك المزيد من الالوان
تغيّرت
استحدثت
استبدلت
وبالطبع معها رحلت الكثير والكثير من الذكريات الجميلة
فيه سوبر ماركت المبارك شمال بريدة مابين حي النهضه والراشد
عشان اكون اكثر دقة لاخليتوا العثيم مول يساركم واتجهتوا شمال للدائري
تجيكم الاسواق بعد الدوار وعيادات انفنتي
طبعا اسواق المبارك غنية عن التعريف
وكان عصرها الذهبي لما كانت جنوب اسواق النافورة الحالية (بندة)
اليوم وللمرة الاولى اروح فرع المبارك الجديد بعد الانقطااع
صراحة الاسواق تحترم الزبون بمعنى الكلمة
ترتيب ونظافة وتميز وهدوووء
رايح لها باخذ لحم حاشي < مدحوه لي ؛)
حصلت الاسواق متكاملة من كل النواحي
ومرتبة من كل النواحي
الخضار والفواكة يحبهم قلبك ومجهزين بعبوات واحجام تناسب كل الاحجام العائلية
واللحمه عز الله تستاهل وماكذب اللي وصاني عليه
بس والله شي يقهر انها فااضيه والعمال يهشون الذبان
يعني فوق ان هالسوبر ماركت لولد الديرة السوبر جداً مميز ومرتب ومأنتك وينكم عنه :(
الاسواق الثانية زحمة مع انها ماتحترم الزبون ولابه زود :(
جربوا المبارك وادعموا ولد ديرتكم وماراح تخسرون
http://www.u06p.com/up/upfiles/c0v83736.jpg
http://www.u06p.com/up/upfiles/DtM83736.jpg
فمان الله يابـريــدة :(
http://www.u06p.com/up/upfiles/Cd192914.jpg
القذافي يحطم الرقم القياسي بالتنسيم والهستره
ويقرر النزول والمشاركة مع مظاهرات شبابية
مزمع اقامتها قريباً بهدف اسقاط حكومته !!
(سبق - متابعة: قرر ناشطون ليبيون إعلان يوم 17 فبراير
يوم غضب شعبي، على أن يسيّروا تظاهرة كبرى تطالب
بإسقاط الحكومة، والمفاجأة أن الرئيس الليبي معمر القذافي
قرر التضامن مع الشعب، والنزول إلى التظاهرة والمشاركة
فيها للمطالبة بإسقاط الحكومة، حسب صحيفة "الدار" الليبية.)
ههه يعني مافيه حيلة
معمر القذافي له تقليعات سابقة مثل التدخين بالقمم والمؤتمرات العربية
http://www.u06p.com/up/upfiles/L7c92962.jpg
http://www.u06p.com/up/upfiles/T2X92962.jpg
برضو الهسترة اثناء إلتقاط الصور التذكارية الرسمية
ضارباً بعرض الحائط اي بروتوكول متبع بمثل هذه المواقف الرسمية
(كااان فيه حسني وابن علي)
http://www.u06p.com/up/upfiles/RxH92962.jpg
عزّ الله انها صورة تذكارية هذي
http://www.u06p.com/up/upfiles/lU992913.gif
وماننسى اقرب تقليعه وهي دعوته حسناوات ايطاليا للإسلام
اثناء إجتماعه بهن واللي استمر لأكثر من ساعتين
ولولا قوانين المنتدى كان نزلت صور للأجتماع الروحاني،،
http://www.u06p.com/up/upfiles/jtd92914.jpg
بنخفّف وفي رواية بنسوي رجيم!
http://www.u06p.com/up/upfiles/lr712424.jpg
الذين يشاهدون محتوى الموضوع الآن : 10 ( الأعضاء 2 والزوار 8)
Modern*
الثمانية الزوار (شكلاً) على راسي من فوق
اما المخفي نوووو !
كانوا الشباب يشكون لي من ساهر واقول قلعتكم !
بحكم اني كنت اكابر بعدم حصولي على اي مخالفة من لحظة اعتماد وتشغيل ساهر
وخلال 4 ايام حصلت على ثلاث مخالفات = 900 ريال سعودي
مخالفتين منهمبينهم اقل من 3 ساعات بس :(
وكلهم سرعة!
واثنين منهم والله كنت اشوف سيارة ساهر قدامي
واقول اييية مسوي تبي تلقط علي مخالفة بحكم اني ما اسرعت واتفاجأ بالفلاش علي!
والله استاهل لو كنت مخالف السير ولا قاطع اشارة ولا مسرع بشكل جنوني
اعلى سرعة من بين السرعات اللي تسجل عليها هالـ 3 مخالفات كانت 100
وجميعها بشوارع 3 مسارات وغير مزحومة ومع كذا طالبين محددين السرعة مابين 60 - 80
فعلاً ساهر نظام للجباية مش اكثر
منك لله ياساهر
http://www.youtube.com/watch?v=loygY7YNy_Q&feature=related
هذا المقطع
يجعلني اشعر (الله لايقول)
وكأني قد عانيت
من ظلم
إستعباد
إستبداد
إستغلال
تغطرس
بن علي وبنت الطرابلسي!
مقطع جداً مؤثر
اعتقد هذا المقطع
يكفي عن العديد من الكتب اللي تصف فرحة الثوار بعد نجاح ثورتهم ،،
هذا المقطع
يحكي كثيراً عن ماكان يعانيه ويكتمة ابناء تونس،،
المجد لـ بو عزيزي
المجد لثورة الياسمين ،، للتوانسة لاسواهم
اول الظهر كنت استعد للنوم
ولما غفت عيني جتني رسالة عالجوال وصحتني
شيّكت حصلتها مخالفه من ساهر (يالليل ساهر)
سكرته وانا مسوي ماهمني وان الواحد ماينفع يزعل من حاجة مخلوص من امرها
لما غفت عيني للمرة الثانية جتني رسالة ثانية وصحيت
شيّكت حصلتها رسالة من stc تعلن عن اصدار فاتورة جديدة بمبلغ وقدرة
لما غفيت للمرة الثالثة وبدون مبالغة صحيت للمرة الثالثة من رسالة بس من جوالي الثاني
شيّكت عليها وانا احبس انفاسي حصلتها من موبايلي يقولون سدد الفاتورة هههه
الا ابو متعب اكيد الليلة راح يجي؟
.
http://www.u06p.com/up/upfiles/h2208447.jpg http://www.u06p.com/up/upfiles/6CT08447.jpg
الديربي
كان بارد وممل!
كنت اتمنى ينتهي بالتعادل
بس التعادل الايجابي والحمااااس اللي الكل كان ينتظرة
مو بالشكل اللي شفتوووه :(
ليتي مافوّت ليلية السبت واستغليتها بالشكل المعتاد !
،،
يوم الاربعاء الماضي
من سوء حظي ضاعت علي ساعه وشوي
وانا اتهجج عن الزحمة في يوم المسيرات اللي تفشل
ماش يالسعوديين
مو وجه احتفالات ومسيرات بالشوارع العامة
لسسه باقيلنا كم سنة
حول العثيم مول اشوف من خلف المواقف
شابين اعترضوا بنات بمسكهم وتخوفيهم
بمباركة اصحاب الدبابات
ووسط صراخ وصياح هالبنات وضحك واسهتبال هالشباب
قسم بالله مهزلة مابعدها مهزلة
يعني تتميلح وترقص وتسكر الشوارع وهي مو لايقة عليك نبلعها ونقول مايعرفون يحتفلون
لكن انك تعترض بنات هذي اللي ماتنبلع
اتمنى ان الامن كان لهم بالمرصاد
ولو الامر يعود لي
والله لا اعلقهم من اذانهم واخليهم عبرة لكل من تسول له نفسه بالتميلح قدم اخوياه
http://www.youtube.com/watch?v=OXG89eZ9sgY
نقول مصيبتنا من مهابيل الشيعه
تجينا المصايب من مهابيل السنه
هذا من نصّب نفسه قائداً للمهابيل
او المتظاهرين
لكن ولله الحمد والشكر
كان تجاوب المتواجدين بالموقع معه سلبي حسب رؤيتة ورؤية اسير زريبة لندن
وإيجابي حسب رؤية الشاكرين لنعمة الامن والامان اللي نتمتع فيها
كلام جداً خطير
من قبل حبيب العادلي وزير الداخلية المصري
قبل سقوط حكومة مبارك
يكشف من خلالة عدد من الحقائق الجوهرية
نتااااااااابع الحوار !!
http://www.youtube.com/watch?v=-ydrYcQHJSY&feature=related
الله سبحانة
كفاني الامراض الخبيثة
كفاني الشلل
كفاني العماء
كفاني الصمم
كفاني البكم
كفاني الفقر
كفاني الكثير
متعني بالصحة
والعقل
والامن والامان
ومع كذا مازلت مقصر بحق ربي
مازلت اقترف الذنوب رغم علمي وإدراكي بمدى فداحتها
مازلت غير مبالي!
يالله !!!
كم انا حقير امام رب السموات والارض!
اللهم ارزقني صلاح ونقاء القلب
اللهم ارزقني التوبة الصادقة
اللهم ارزقني محبة الطاعات والإقبال عليها
استغفر الله العظيم
استغفر الله العظيم
استغفر الله العظيم
محاكيكم مايدري عن الاوضاع الخارجية !
اتمنى إن الفتنة قد وأدت وهي في مهدها
كل من دقيت عليه اقول هاه كيف الاوضاع
يقول شرهك على اللي طلع يصلي اصلا عشان يدري وش الاوضاع هههه
ياحبي للخوف صحيح انه ابن حلال
اتابع التلفزيون بشغف على امل ان ارى مشاغبات مهابيل المظاهرات ببلادنا
ورؤسهم قد تم اقتلاعها ووضعها على الارصفة كـ مسج سريع وواضح لكل من مازال يحاول إثارة الفتنة
مريت على قناة العالم الاخبارية الايرانية وشفت الدجل !
يقولك 18 مدينة سعودية تخرج بمظاهرات في يوم الغصب!
ويجيبون مقاطع فيديو مختلفة وكل مقطع مكتوب قدامة مدينة سعودية
والحقيقة ان كل المقاطع للقطيف من زوايا واوقات مختلفة
اجل كاتبين بريدة امام عمارة العويضة والمقطع يصور كم بزر بشارع 12 متر !
ماشاءالله تبارك الله احسن الخالقين
http://www.u06p.com/up/upfiles/E4w51612.jpg
بناتي الهلاليات
بسم الله عليهن
الله يحفظهن من العين يارب
بحكم اني نصراوي الميول
ارغب بإختيار الميول الانسب وفقاً للأوضاع الرياضية الراهنة
لذا قررت (هلهله او تهليل) بناتي كي يعيشوا بأمان رياضي :(
ولك الله يانصر :(
يارب سترك
تسونامي اليابان
رعب!!
http://www.u06p.com/up/upfiles/OFF52653.jpg
http://www.youtube.com/watch?v=gLMlinBqC4Y&feature=player_embedded
ومازلنا بنعمة
ومازلنا غافين!
11 مـارس
http://www.u06p.com/up/upfiles/WxB08918.jpg
http://www.u06p.com/up/upfiles/WxB08918.jpghttp://www.u06p.com/up/upfiles/WxB08918.jpg
http://www.u06p.com/up/upfiles/WxB08918.jpghttp://www.u06p.com/up/upfiles/WxB08918.jpg
http://www.u06p.com/up/upfiles/WxB08918.jpghttp://www.u06p.com/up/upfiles/WxB08918.jpg
http://www.u06p.com/up/upfiles/WxB08918.jpghttp://www.u06p.com/up/upfiles/WxB08918.jpg
http://www.u06p.com/up/upfiles/WxB08918.jpghttp://www.u06p.com/up/upfiles/WxB08918.jpg
الفريان
يجمع مابين خف الدم تاره
وثقل الدم والبثارة مرااااات
لكن يوم عن يوم يثبت انه ملك الفلاشات
http://www.u06p.com/up/upfiles/syk81684.jpg
هنا متكّي مع قوات درع الجزيرة وهم متجهين للبحرين!!!
بس ياترى بيكمل معهم ولا بيخت منّا ولا منّاك لادخل البحرين :4_1_6[1]:
http://www.u06p.com/up/upfiles/jzK86913.jpg
آهم شي مكان الإقامة!؟
صباح الخير والنقاء
هذا الاسبوع
اسبوع الاحلام الكوارثية
خليط من الاحلام
غريب مفزع مقرف ومضحك احياناً
هناك حلم معين منذ الـ 5 سنوات لم افتقده
دائماً اطراف ذلك الحلم حاضره مع اختلاف الاحداث
تلك الاحلام المتنوعة بالاحداث والثابتة بالاطراف
تكفي لتأليف مسلسل يعرض طيلة شهر رمضان ولمدة 5 مواسم :(
لعل نومة العصر التي اصبحت حتمية في روتيني البغيض هي السبب
ولعل هذه الاحلام كانت سبب في عزوفي عن النوم او عزوف النوم عني :(
الشنطة جاهزه
بقي الاقلاع مصحوباً بالارق والهم للأيام القليلة القادمة
(الله يتمم على خير )
امي الغاليه
تحتاج
لدعواتكم الصادقة
بالشفاء والعافية
بالخط السريع بإتجاه الرياض
وجنبي حامله دبابات + سيارات مختلفه للجيش
الاربعاء كان الخط ملياااان سيارات الجيش بإختلافها
جميعها متجهه للشرقيه
حاجه حلوه التحرك العسكري واخذ الاحتياطات
لكن اللي مو حلو
اصرار الجنود على ابراز علامه النصر
واللي واثق انهم مايدرون وش معناها
يعني حنا مو بحرب !
اضافه لانها استفزازيه وقد تكون على الجيش لا عليه ؟!
^
قصدي على الجيش لا له )؛
برنامج حافز
اللي هو عباره عن مكافأه شهريه للعاطلين
خلال فترة وجيزة
حققت العباره (برنامج حافز)
المرتبة الاولى بمعدل البحث على محرك قوقل sa
متجاوزاً البحث عن اي برامج اخرى شهيرة !
رغم ان الاعلان عن برنامج حافز ماتم الا من فترة بسيطة اقل من عشرين يوم
بمعنى لما تكتب (برنامج) يكملها قوقل ويكتب حافز؟
تليها
عمليات البحث عن برامج فتح المواقع المحجوبة !!
وانطوى أسبوع
من اقسى الاسابيع التي مررت بها طيلة سنوات حياتي
أمي الغالية
اضطرت لعمل عملية مقلقة جداً
وصعبة جداً
صعبة من الناحية الجراحية
ومن الناحية الحركية فيما بعد العملية
خلاف صعوبة موقعها
الحمد لله
الحمد لله
الحمد لله
بفضل الله
ثم بفضول دعوات القلوب الطاهرة
تمت العملية بنجاح
وحالة أمي الغالية
في تحسن ولله الحمد والشكر والثناء
اللهم اتم على والدتي الشفاء والعافية
الشكر لمن تواصل معي بشكل خاص
والشكر لمن قام بالدعاء لوالدتي بظهر الغيب
والشكر أولاً وأخيراً لله رب العالمين
هنا كانت لحظات إنتظار قاسية جداً
اثناء وجود الغالية في غرفة العمليات
وآه من لحظات الإنتظار تلك :(
http://www.u06p.com/up/upfiles/OL882257.jpg
وهنا اجمل شعور وإحساس وأنا بالقرب من الغالية
اثناء تناولها وجبتها الثانية بعد العملية :)
http://www.u06p.com/up/upfiles/Z5c82256.jpg
هني وعافية يا أميمتي ،،
يارب تمم على خير
وسهّل أمر العملية القادمة
يارحيم ياكريم
وأمي بالعناية بعد العملية بساعتين
وهي تحت تأثير المخدر اللعين عشان الالم الفظيع
حسّت بوجودي انا واخواني حولها
فتّحت عيونها وعساي لهن فدوه
وقالت
كان عندكم شغل لاتجلسون روحوا لشغلكم :( :( :(
يالله على أمـي وقلب امي
مادري وش هالقلب لها
مادري وش اسمي تقديمها وتفضيلها لعيالها على نفسها :(
وش هالـــحـــب من الام لعيالها
العملية حساسة
الالم فظيع
البنج مُتعب
حالة وعي ثواني ولاوعي ساعات
ومع كذا
تفكر وشاقيه بعيالها
وماتبيهم ينشغلون فيها وهي بأقصى الحاجه لهم
لابارك الله بالشغل اللي يلهي ولد عم امة!
ولابارك الله بولد يترك امة عشان شغلة
الله يحفظ لي ولكم والدينكم ويعطيهم الصحة والعافية
ويرزقنا برهم والعمل لرضاهم
والله يمتعهم بصحتهم
اللهم آمين
http://www.u06p.com/up/upfiles/jcs59580.jpg
عبدالله البرقاوي - سبق - جدة:
تجمّع أكثر من 10 مواطنين أمام سوبر ماركت
كبير في حي قويزة بمحافظة جدة
مساء اليوم الأحد مطالبين بإغلاقه ومحاسبة
الكاشير نتيجة التلاعب في الأسعار.
المواطنون تجمعوا أمام أبواب السوبر ماركت،
وأبلغوا الجهات الأمنية التي باشرت الموقع.
ورفض المتجمعون مغادرة الموقع إلى حين
إغلاق السوبر ماركت ومحاسبة "الكاشير"
على تلاعبه في الأسعار. يقول المواطن
علي البلادي "شاهد عيان" إن المواطنين
تجمعوا أمام السوبر ماركت بعد أن اكتشفوا
رفع الكاشير أسعار البُنّ والهيل بشكل كبير
مقارنة مع بقية المحال المجاورة؛ فتجمع
المواطنون أمام المحل، وأبلغوا الجهات
الأمنية مطالبين بإغلاق المحل ومحاسبة
الكاشير وأضاف "حضرت الجهات الأمنية
إلى الموقع، وناقشت الكاشير وعمال
المحل، وأكملت بعض الإجراءات، فيما
واصل المواطنون تجمعهم أمام السوبر
ماركت لأكثر من ساعتين".
والله زقرّتيه يعجبونك
لو كل محل يرفع سعرة سوينا فيه كذا
كان كلن رضى بقسمة ربة وترك الجشع
http://www.u06p.com/up/upfiles/xOJ58119.jpg
كثير من الناس
ياكل الصباح علك او حبوب المص الستريبسل او بخاخ منعنع او او
عشان يعطر يعطر الاجواء داخل فمّه :a6:
وهالشغلات كلها طبعاً تركيبات صناعية ماتضيف للجسم اي شي
بالعكس ممكن تضرة على المدى البعيد
لكن مين فكر يستبدلها بكم حبّه زبيب كل صباح؟
خصوصاً الزبيب الاسود!
فوق انه يعمل عمل العلك وخلافة
فوائدة خرافية !!
على كل الاعضاء الحيوية بالجسم
ماحب اسردها
بس اكتب داخل قوقل (فوائد الزبيب)
جربوا اسبوع
وبتشوفون الفرق!
بس لاتنسون تدعون لي :(
للعجازين
اللي مالهم خلق يبحثون
+
ماجان النوم
بنزل بعض فوائد الزبيب
http://www.u06p.com/up/upfiles/OB958120.jpg
# مفيد للجهاز التنفسي بشكل عام (ملطف ومنظف ومجدد)
# مكافح لحالات الالتهاب بالصدر والمعدة والامعاء
#السعرات الحرارية في الزبيب تفوق سعراتة الحرارية لما كان عنب طازج! بمعنى انه يمد الجسم بطاقة اكبر
# معالج لفقر الدم بأنواعة (غذائي - للحوامل _ نقص الحديد _ مابعد الولادة _ المزمن _ المراهقين)
# معالج لأمراض القلب والاوعية الدموية وارتفاع ضغط الدم الشرياني
# معالج لمرض النقرس (داء الملوك)
# فاتح للشهيه
#منشد للغدتين الثدييتين
# محسن سير الحمل ويمنع بعد الله مضاعفات الحمل من اجهاض ونزيف
# يمد الجسم بفيتامين سي - بي
# على مر التاريخ اقترن الزبيب بعلاج امراض الكبد والمرارة بأختلافها
# معالج لألتهاب القولون
# مدر للعرق والبول
بالرجوع الى الطب النبوي
تستحضر مقولة لأبن الجوزية بخصوص الزبيب
تختزل الكثير من المذكور اعلاة وهي :
أجود الزبيب ما كبر حجمه ورق قشره ونزع عجمه
وإذا أكل وافق الرئة ونفع من السعال ووجع الكلي
والمثانة ويقوي المعدة ويلين البطن
وهو بالجملة يقوي المعدة والكبد والطحال
نافع من وجع الحلق والصدر والرئة وفيه نفع للحفظ وتقوية الذاكرة
الله يعطيكم الصحة والعافية ؛)
http://www.u06p.com/up/upfiles/SZs65926.jpg
،،
وين شوق التلاقي ،، وين لحظة جنونك
وين ورد تفتح من رياض ابتسامك !
وين
قلبك
و
فكرك
وين سارح بكونك؟!
كل شي فيك يدعو للتعجب .. علامك!!
http://www.u06p.com/up/upfiles/c0K10450.jpg
من ودة يتمشى بالحرم النبوي وهو متكّي على جهازة؟
مرة بالسطح
مرة بالساحات
ومرة فوق المنارة!
وبأماكن كثيرة
ترىاتكلم جد منيب استهبل!
ومن هنا :
>> الحرم النبوي الشريف <<
(http://www.360cities.net/profile/king_fahd_glorious_quran_printing_complex)
بعد منح الضوء الاخضر وإتجاة مكاتب الاستقدام للعمالة المنزلية البنجلاديشية رخيصة الثمن
كبديل للعمالة الاندونيسية وشروطها التعقيدية وكأننا بنجيب علماء مش خدم
تتجه ايضاً الخطوط الجوية العربية السعودية لجلب طيارين بنجلاديشيين بدلاً عن الطيارين السعوديين
انا لا اقلل من العقل البنجلاديشي والمجال اقل من سرد علمائهم المؤثرين حقاً
لكن المصيبة ان تبرير هالاتجاة هو وجود مشكلة لدى الطيارين السعوديين مع اللغه الانجليزية
لا اعلم إن كانت مشكلة مع اللغه بشكل عام او مع اللغه في مجال الطيران ومصطلحاته
المهم والاكيد ان هالشي نتيجة المحسوبية والواسطة الملعنه والصريحه
في هيئة الطيران المدني ممثلة بالخطوط الجوية السعودية
بداية من موظفي الخدمات الارضية ورفعه خشومهم وهم بالارض
وصولاً لمضيفي الطائرات وتظاهرهم الدائم بالارق والتعب وتقليب العيون
وإنتهاء بالطيارين
النتيجة استبعاد اكثر من 30 طيار سعودي لانهم ببساطة مش كفو!
http://www.youtube.com/watch?v=DyJmgLyOvjc&feature=related
هذا من اوائل المقاطع اللي ضربت بالبلوتوث
ضحكت عليه اليوم كثر ماضحكت عليه اول مانتشر
عماااار يالباندا
يبدو إن حماس المصريين لإقتلاع مبارك من كرسي الحكم مازال موجود!!
في برنامج يناقش الاوضاع المصرية ومابعد مبارك
تحمسوا الضيوف وقلبوها حلبة مصارعة
والفاظ سوقية
وعقليات طفولية
و
رحمك الله ياعمر بن العاص
http://www.youtube.com/watch?v=z68HPP3x5s0
عروض عسكرية (جميلة ، مهيبة)
لعدد من جيوش دول العالم
عرض عسكري صيني
http://www.youtube.com/watch?v=iZbvPAGQAu4&feature=related
عرض عسكري امريكي
http://www.youtube.com/watch?v=dKyDa75DSVc&feature=related
عرض عسكري ايطالي قديم
http://www.youtube.com/watch?v=3J2fKngji24
عرض عسكري روسي
http://www.youtube.com/watch?v=SQmcjXkJm4Q
عرض عسكري سعودي
http://www.youtube.com/watch?v=w-J9GYeJG10&feature=related
http://www.u06p.com/up/upfiles/nzA62708.jpg
غريبه هي مشاعر الناس تجاه هذا الرجل
اما المحبه الجنونيه واتخاذ صوره واقواله واشعاره ورسوماته كرمزيات وتعريفات
او الكره العميق واتهامه بالكثير من المؤامرات والتضييق والاستهداف ...
اشك اني الوحيد اللي اشوفة بعيون حيادية !!
سبل الخير كثيرة
للتبرع بطرق عصرية وسريعة ولمن يستحقها (بإذن الله)
http://www.u06p.com/up/upfiles/dGL28897.jpg
صحيح ان الحاجه ام الاختراع
الصباح في شقتي ذباب وانتم بكرامة
انا ماتعودت وجود الذبان او الباعوض في شقتي
عشان كذا سبل مكافحتها غير متوفرة عندي
لكن لما طال استفزاز الذباب لي
تمت مكافتحه بأحد العطور
والحمد لله خر صريعاً
انصح بتجربة هالحل البديل في حال عدم توفر الـ بف باف
جامعة الملك فهد للبترول والمعادن طرحت مجموعة وظائف ادارية وفنية
تشمل الكثير من التخصصات والمؤهلات ،،
للتقديم للوظائف المطروحة في جامعة الملك فهد للبترول والمعادن
http://www.kfupm.edu.sa/fpa/Employement1432/Employment.htm (http://www.kfupm.edu.sa/fpa/Employement1432/Employment.htm)
((رابط مباشر لصفحة التقديم))
اخر يوم للتقديم 1/6 الموافق ليوم الاربعاء
يالليل مجتمعنا المتحول اللي مادري وش يبي من حياته!
مره تركي مره كوري والحين انجليزي
اشغلونا بزواج كيت ووليام
يعني اهتمام فظيع يفوق اهتمام المعنيين فيه بشكل مباشر
المشكلة حايمه تسبدي قبل من طاري هالموضوع وكملتها اميمتي
كلمتها اشوف اخبارها
قلت وينك الظهر دقيت ماتردين
قالت كنت اشوف زواجك (ذولاك) والجوال بالغرفه :(
بس والله امي عن براءه مب مثل هالبنات اللي غثونا
بدليل يوم قالت زواج ذولاك وبينت له امتعاضي من هالطاري
قالت ايه الله يسهل وييسر زواج عيال وبنات المسلمين ولاهم وش عليهم!
جنون
جماهير
البوكا
http://www.youtube.com/watch?v=f5hPgSEwCiQ&feature=player_embedded
هناك صفحة على فيس بوك تحمل اسم الدكتور / عبدالله النفيسي
قد تكون شخصية وإحتمال كبير أن تكون من إنشاء معجبي ومتابعي الدكتور
المهم وجدت داخلها هذا المنشور وأحببت نقلة إلى هنا :
..
أرجو الإهتمام
هناك تصويت يجري حاليا في ألمانيا من أجل الاعتراف
بالدين الإسلامي كدين أساسي في ألمانيا.
بحيث لو فازت الكفة يصبح الاعتراف بالإسلام كدين رسمي
كما هو معترف باليهودية والنصرانية لديهم
...أختر أول إجابة
الإجابة بنعم هي JA
بعد ذلك أضغط على
Stimme abgeben
لمضي التصويت
أتمنى أن ترسلها لأكبر عدد ممكن ممن تتوسم فيهم الخير
رابط موقع التصويت بالألماني:
http://www.tagesschau.de/inland/wulffrede112.html (http://www.tagesschau.de/inland/wulffrede112.html)
رابط الموقع بعد الترجمة من google:
http://translate.google.com.sa/translate?hl=ar&sl=un&tl=ar&u=http://www.tagesschau.de/inland/wulffrede112.html
..
(لا أعلم عن مدى صحه هذا الإستفتاء والعمل به من عدم ذلك لإصدار قرار مفصلي بهذا الشأن)
طالما أن التدوين قادني للداهية الدكتور عبدالله النفيسي
لامانع من إضافه مقطع يوتيوب لأحد أخر أحاديثة بخصوص الأوضاع الخليجية الراهنة
http://www.youtube.com/watch?v=9qO9Zmp7FwI&feature=player_embedded
نبره حديث هذا الرجل تشدني
قبل الخوض والتمعن والتفكر في مضمون حديثه
لدرجة أعتقادي أن حتى عملية إلتقاطه لأنفاسه يختارها بعنايه!
وبإنتظار حديثة حول موضوع أسامه بن لادن الأخير
وللعلم
الدكتور عبدالله النفيسي نادراً إن لم يستحيل
أن يأتي بإسم أسامه بن لادن قبل أن يسبقه بلقلب (الشيخ) ..!
شخصياً أنتظر حديثة بفااااااارغ الصبر!
8
8
الحلقة كاملة
7
7
http://www.youtube.com/watch?v=HuiNStu-yks
مجموعة مواقع تقدم خدمة
فحص الفيروسات للملفات والنظام مجاناً
( إضغط على الصورة )
http://www.u06p.com/up/upfiles/scA08729.jpg (http://www.virustotal.com/)
http://www.u06p.com/up/upfiles/i0008854.jpg (http://www.iolo.com/threatcenter/virusscanstart.aspx)
http://www.u06p.com/up/upfiles/WRJ08854.gif (http://cainternetsecurity.net/entscanner/)
http://www.u06p.com/up/upfiles/vDt08809.jpg (http://onlinescan.avast.com/)
http://www.u06p.com/up/upfiles/0Es08764.jpg (http://home.mcafee.com/Downloads/FreeScanDownload.aspx?affid=0)
http://www.youtube.com/watch?v=mKNKZShbnCA&feature=related
سوف نبقى هُنا كي يزول الألم ...
تتردد في الميادين الليبية ،،
جميلة جداً
http://www.youtube.com/watch?v=2VOfik_z--g
انا فاشل بالطبخ
هذي مابها كلام
ولا اجادل بهالقضيه
ولا احاول اتعلم
بس
قررت اطبخ هالايام
يوم شفت بالسوبر ماركت
بصل مقطع جاهز
مادري احس البصل اكبر عائق
طبعاً ماكنت بطبخ كبسة ولا حاجة كبيرة
دوّرت اسرع حاجة ممكن اطبخها
او بمعنى أصح أسخنها
اشتريت شاورما امريكانا
وعشان احسس حالي اني ناوي اطبخ
اشتريت زيادة
بصل
وفلفل
وصلصه < للحين ما استخدمتها
وصويا
ومخلل خيار << كمان للحين ماستخدمته
يعني زيادة على اني ماعرف اطبخ
ماعرف اتقضى :(
وهنا كانت التجربه :
http://www.u06p.com/up/upfiles/qkj46149.jpg
http://www.u06p.com/up/upfiles/plm46149.jpg
http://www.u06p.com/up/upfiles/z2k46149.jpg
هو مطرسه
بس نظيف ولذيذ وهني
وبدون اي عواقب ولله الحمد
يكفي انه من شغل يدّي
http://www.u06p.com/up/upfiles/hr624750.jpg
أهلاً أهلاً .. !
كالعادة
حديث جريء من الوسطي محسن العواجي .. وممتع !
http://www.youtube.com/watch?v=n_5lWXn4dvg
http://www.youtube.com/watch?v=_NvWuk0dfy4&feature=mfu_in_order&list=UL
http://www.youtube.com/watch?v=eKSMnW2gdU8&feature=mfu_in_order&list=UL
http://www.youtube.com/watch?v=NCEtDPUbH3M&feature=related
البرنامج كل يوم جمعة على 1 الظهر
في قناة روتانا خليجية
وينقل على قناة الرسالة
مخطط برنارد لويس لتفتيت العالم الإسلامي
هنا (http://ikhwanwiki.com/index.php?title=%D9%85%D8%AE%D8%B7%D8%B7_%22%D8%A8 %D8%B1%D9%86%D8%A7%D8%B1%D8%AF_%D9%84%D9%88%D9%8A% D8%B3%22_%D9%84%D8%AA%D9%81%D8%AA%D9%8A%D8%AA_%D8% A7%D9%84%D8%B9%D8%A7%D9%84%D9%85_%D8%A7%D9%84%D8%A 5%D8%B3%D9%84%D8%A7%D9%85%D9%8A)
مقطع حبيت صاحبة من أول دقيقة
وسمعت كلامة لأخر الدقيقة الـ 10
http://www.youtube.com/watch?v=LQFo2U6TT9Q
لا خلاف
على أن مثل هذا الطرح
مؤثر وضروري لكثير وكثير من عامة الشعب
لكن هنا دليل أكيد
على أن الدعوة إلى الله وضمان قبولها
لايعني بث الرعب والتهويل طوال الدعوة
لايعني تعطيب الوجه وجفاف اللفظ
لايعني كثرة ترديد الحرام والحرام والحرام
لايعني لبسه البشت
لايعني مسمسه المرزام
لايعني إستظراف الذات
لايعني تأكيد المشيخة
لايعني الكثير من واقع دعاتنا
أمي الغالية
تحتاج لدعوات قلوبكم النقيه .. التقيه
جزاكم الله كل الخير
دائماً وابداً ،،
الذين يشاهدون محتوى الموضوع الآن : 3 ( الأعضاء 1 والزوار 2)
اهلا بزواري الاعزاء
تشرفني رؤيتكم
بينما اخر تواجد لي هنا قبل 18 يوم ،،
شكراً لتشرفيكم
والحقيقة 18 يوم حافلة بالكثير من المنغصات :(
وصباح التفاؤل والدعاء للجميع ،،،
كل عام وانتوا بخير وصحة وسلامة مقدماً
اللهم اجعل مقدم رمضان مقدم الخير والصحة والسلامة على الجميع
خصوصاً أمي الغالية
اللهم اشفها وعافها ومتعها بصحتها يا ارحم الراحمين
اللهم ارحم واغفر والدة العزيز على قلبي عموري
اللهم تقبلها بلا حساب ولا عقاب فإن روحها قد فاضت إليك وهي قاصدة بيتك المحرّم
اللهم اغفر لها ذنوبها واسكنها فسيح جناتها
وإدخلها مدخل الصديقين والشهداء ياعزيز ياكريم ،،
اللهم اشفي وعافي أبيه وإخوته واجبر مصابهم
وعظّم أجرهم يا أرحم الراحمين ،،
الا ليت الاستقرار يعود يوماً :(
تعودت على نفض الغبار من على مفرش سريري الأصلي والحقيقي !
رغم الاحتياطات والجدران النارية !
دوام الحال من المحال :(
اكثر من عضو مفكرني انا اللي بالصورة الرمزية
والحقيقة مش انا طبعاً
هذا الكاتب الروائي يوسف المحيميد
طيب انا مودرن المحيميد ؟!
لا !
اجل على كذا يوسف قريبك؟!
كمان لا ،،
كل الحكاية انه للصورة عمق ومعنى اشوفة جميل جداً
ومادري اذا غيري يشوفة او لا .. ومايهمني!
الاكيد انه معنى جميل اجبرني اختارها كـ صورة رمزية
شكراً لفضولكم *_^
الست وضوح ذكريات يوم انا مديركم ،،
شكراً لوجودك
جميلة يومياتك
كأني اشوفك
وصف دقيق
اهلا وسهلا
على المستوى العربي بل العالمي
اسوأ خبر سمعته خلال هذا الاسبوع
هو منع الشيخ المفكر سلمان العودة من السفر
مايعني منعه من الظهور اعلامياً بشكل او بأخر !
وبهالوقت الحرج والحساس ؟!
منطق غريب!
بس الشيوخ ابخص طبعاً
خسارة الشيخ يمنع حقيقة
رغم اني مقل بمتابعتة
الا اني ارى تأثيرة جلياً على كثير من العقول المحيطة
الله يحفظة ويبارك بعلمة
رغم مايملكة من علم لم يتغير
تشرفت بالجلوس معه بعد خروجه من السجن مباشرة
وتشرفت بلقاءة ايضاً بعد صولاتة وجولاتة الاعلامية
كما هو لم يتغير بل زاد في تواضعة وبشاشة إستقبالة!
حقيقة امثالة من نفتخر بهم فعلاً :)
ريقك عسل علمني وشلون بتصوم ؟!
جميل لما تنصح شخص
جميل لما توجه له النصيحه بشكل شخصي
بينك وبينه .. فقط
لكن لما توجه له النصيحه عبر ( الناس )
هنا تجعل من كان يشكك بأنك طالب شهره ..
يتيقن من ذلك ،،
كنت بموقع سياحي سعودي
اغلب الفعاليات السياحية بأكثر من منطقة سعودية
محصورة مابين الترفية والمناشط الدعوية
وكأن شعبنا مانقصة الا الترفية (السعودي)
وكأن شعبنا حديث عهد بالاسلام !
سموه المسئول عن التنشيط السياحي بالمملكة
اقتربت رحلتة السياحية في الخارج ،،
في مكتبة جرير
لما تتعدى مشترياتك الـ 500 ريال
اطلب كرت التخفيض
3 ايام ينزل اسمك بالكاشير
وبكذا يقدم لك خصم 10% بالميه بمجرد ابراز الكرت
خصم كويس للمشتريات العاليه .. غير الالكترونيه :(
في حال وصول مشترياتك الى 25 الف ريال
يقدم لك خصم 20%
الاولين يقولون
شيّن ببلاش .. ربحوه بيّن
محاكيكم كل مرة ينسى طلب كرت الخصم :(
لدى البعض إحتقان تجاة الدولة بخصوص قضية مساجين الارهاب
بينما الواقع يقول ان الدولة جدا حليمة معهم
والمعلوم ان المساجين من فترة طويلة ثبت تورطهم بشكل مباشر في احداث مختلفة
مع ذلك
مجموعة كبيرة تم إطلاق سراحها
وتم تأمين سيارة ومبلغ مادي ممتاز جدا للكثير منهم لبداية حياة جديدة
الا انهم سرعان ماعادوا من حيث اتوا
للاسف فكرهم لايمكن ان يتغير
ما اتمناه
اعاده النظر مع مساجين الرأي
على الاقل فكرهم لايصل لمرحلة إباحه دماء المسلمين المسالمين
وفي حال تجاوزهم التعليمات
للدولة كامل الحق بالتصرف تجاههم ولا لوم بعد ذلك
الله يكفينا شر الفتن
اتفهم واقدر مشاعر ذوي المساجين
مشاعر امهاتهم
زوجاتهم واطفالهم
بالمقابل اقدر مصائب ذوي الضحايا
مشاعر امهاتهم
زوجاتهم واطفالهم
وهم الاحق في التعاطف معهم ،،
بالامس حلقة مثيرة وجميلة للدكتور محسن العواجي
على قناة الحوار
اعتقد والله اعلم انه في غياهب السجن حالياً
وهو عموما مش فارقه معاه
ومثل ماقالها كم مره انا زبون مميز للسجون ههه
الحلقة جديرة بالمتابعه
وفي حال تنزليها على يوتيوب بنقلها هنا
إن كان هناك متابع *_*
حسابه على تويتر محجوب حالياً !!
في كل عام قبل رمضان
اقول هالسنه من اول ليله في رمضان للأخيره
راح انتظم في صاله رياضيه ونزبط الجسم
وكل عام زي اللي قبله ما اسويها
لعل رمضان هالسنه خلاف السابق
ويكون عامر
بالطاعات
والارادات
والرياضات
امين
:( :(
http://www.u06p.com/up/upfiles/akm84767.png
:( :(
إستنفذت جميع الحلول المطروحه !!
انا منيب راعي البان ومشتقاتها
بس اعتقد الشعب السعودي
ما اجتمع على كلمة سواء ومثّل لنا الوطنيه بحق وحقيق
الا على مقاطعه البان المراعي
اكيد قيام المراعي بزياده الاسعار امر مستفز للمستهلك
واكثر إستفزاز اذا صحيح ان الزياده لمنتجاتها في السعودية فقط دون دول الخليج!!
بس مع كذا للحين ماعندي الثقه بأن السعوديين فعلاً مقاطعين بكل ماتعنيه هالكلمه!
كون المُقاطع " لبن " وياكثر شركات الالبان!
واعتقد ان اسباب نجاح المقاطعه الظاهر
هو وجود شركات بديله تقدم نفس المنتج باسم مختلف
ولو ان ماعندنا الا شركه المراعي تنتج البان كان زادوا بالريالين والثلاثه والامر مااااشي
زي ماحصل مع البيبسي :(
بس بكل الاحوال تبقى خطوة كويسه وبتخوف اي تاجر تسول له نفسه
بإنتظار إفلاس الشركة
وبحكم اني ولد بريدة انصح بإختيار البديل شركة نجدية
كونها شركة بريداوية
كذلك نادك < مش متأكد
يالله مصائب قوم عند قوم فوائد ،،
يقول ..
في هذا العصر
من يمثل الاسلام خير تمثيل؟!
من يمثله كـ دين حضاري منفتح على الاخر
متعايش مع الاخر
جاذب للاخر لاكتشاف هذا الدين .. للسير على مايسير عليه
هل هم :
من حرموا ما احل الله درء للفتنة كما يزعمون؟
ام حركة طالبان واتباعها و من يقطنوا جبال تورا بورا واليمن ؟
ام حزب العدالة والتنمية
بقيادة العظيم رجب طيب اردوغان ؟!
مازلت اتمني يجي اليوم اللي مانشوف فيه ولا مخيم افطار للصائمين
ولا حتي التخبط بتوزيع علب الاكل ذات التصاميم المميزة عالطرق السريعه وعند الاشارات داخل المدن
وبتكاليف هالمشاريع اللي على وجه العموم تروح لرجال قادرين هذا في حال كانوا مسلمين ثم صائمين
نسد حاجه الاف الاسر المتعففه والميته جوع والاف الارامل والايتام طوال السنه ،، مش شهر واحد
والاقربون اولي بالمعروف
او مافي خير من غير بهرجه ؟!
لكن جد جد اليوم كان حلوووو
قصدي امس *_*
كيف زين والجيل الثالث؟
واحد من الزقرت يقول الزين زين!
موبايلي كل يوم وهي بإنحدار
الاتصالات طبعا افضل منها
لكن طماعين!
هاه يا أهل الزين؟
كيفكم وخدمات الـ 3g ?
يافيه فلم وثائقي غير شكل
يحكي قصه وثيقه الـ 60 عام
بس خايف انزله
ومن خاف سلم ،،
مين يتاجر بالفورفوكس؟
إذا الارباح بعد الممارسه تكون بهالشكل
ليه ما اعرف احد يطقطق فيها ؟
صراحه عندي كميّه تساؤلات من فتره ،، تحملوني
مين يعرف دكتور او دكتوره كويسين لمتابعه مريض بالسكر طبعا في بريدة
ابي المتابعه دوريه ( متابعه السكر التراكمي)
الله يحفظ ويشفي الجميع ويمتعهم بصحتهم ويمد بأعمارهم
البناء وشطحه جديدة
http://www.youtube.com/watch?v=AcSh9TV2bbM
بس مقدم البرنامج رااايق
وعجبني اعلامي مصري اخيراً ،،
ضحكت على وجود مبتعثين للدراسه بالجامعات اليمنيه
واسمعي ياكاوست
وضحكت على تعهد الوفاء لبريدة من غير ابناء بريدة
واسمعي ياصناديق الاقتراع
وضحكت كثيرا على تأييد قرار الملك الاخير من رموز المؤسسه الدينيه
زي مايسموها هم انا مالي علاقه!
بينما قبل القرار بربع ساعه لو بتناقش واحد منهم مجرد نقاش بقرار الملك كان عطاك صك ارضك بجهنم
بالتوفيق اليوم لرائد بريدة وراقي جدة *_*
هذا الرد :
http://www.buraydh.com/forum/showpost.php?p=5207710&postcount=424 (http://www.buraydh.com/forum/showpost.php?p=5207710&postcount=424)
ارى انه الرد الاجمل والاكثر اتزان و عقلانية وشمولية في هذه القضية هنا ،،
ولم وواعتقد لن يكون هناك قراءة وتحليل للقضية هنا بشكل اجمل من تناول الصمت الخجول
حصلت هالموضوع
لعله يفيد من هو بحاجه له
الله يمتع الجميع بالصحه والعافيه
ويعافي كل مبتلى
==
==
جداول محدثة لمبالغ حقوق بعض المرضى وذوي الاحتياج الخاص
المستحق صرفها لهم من قبل وزارة الشؤون الاجتماعية
http://www.u06p.com/up/upfiles/4ms88394.jpg
http://www.u06p.com/up/upfiles/zws88394.jpg
http://www.u06p.com/up/upfiles/oui88394.jpg
http://www.u06p.com/up/upfiles/gqg88387.jpg
شروط الحصول على الاعانة
لذوي الاحتياجات الخاصة وبعض الامراض:
1.أن تكون الإعاقة من الإعاقات المعتمدة للحصول على الإعانة الشهرية.
2.لا يقل عمر المتقدم عن سنتين ولا يزيد عن 45 سنة ويجوز استثناء حالات
الفشل الكلوي وأمراض السرطانات والأورام الخبيثة من العمر.
3.إذا زاد عمر المتقدم عن 45سنة وقت التقديم فيجب أن تكون الإعاقة حدثت له
قبل بلوغ سن 45 سنة وعليه إثبات تاريخ الإصابة في التقرير الطبي.
4.لا يزيد راتب الموظف الأعزب عن 2500 ريال أو المتزوج عن 3000 ريال.
الطلبات والمستندات:
1.حضور المعاق للمركز للكشف ومعاينة الحالة من قبل الأخصائي الاجتماعي
والأخصائي النفسي وطبيب المركز.
2.الهوية الأصل + صورة منها.
3.تقرير طبي حديث لا يتجاوز سنة يثبت في حالة الإعاقة وتاريخها.
4. عدد 4 صور شمسية حديثة ملونة للمعاق مقاس 3*4 بأي وضعية كانت.
5.تعريف بالراتب إذا كان المتقدم موظف.
الشروط والمستندات للحصول على بطاقة تخفيض أجور الإركاب
(تذاكر الطيران وا لنقل البري والنقل البحري):
1.ان يكون المتقدم من المستحقين للاعانة ولديه رقم مستفيد.
2.صورة شمسية حديثة ملونة.
3.الهوية الأصل + صورة منها.
4.لا يشترط حضور المعاق يكفي ولي أمره.
الشروط والمستندات للحصول على بطاقة التسهيلات المرورية ( بطاقة المواقف):
1.رقم المستفيد.
2.صورة شمسية حديثة ملونة.
3.الهوية الأصل + صورة منها.
4.استمارة سيارة سارية المفعول للمعاق أو احد أقاربه من الدرجة الأولى.
5.ان يكون غير قادر على المشي مسافة 50متر فأكثر إلا بمساعدة.
6.يشترط حضور المعاق للكشف الطبي.
الشروط والمستندات للحصول على لا صق السيارة ( استيكر لاصق):
1.رقم المستفيد.
2.صورة شمسية حديثة ملونة.
3.الهوية الأصل + صورة منها.
4.استمارة سيارة باسم المعاق سارية المفعول.
5.يشترط حضور المعاق للكشف الطبي.
=========
تنويه:
· رقم المستفيد يظهر لدى الموظف في النظام الآلي لمن يصرف إعانة
· جميع الخدمات تشمل المعاقين السعوديين من الجنسين ( ذكور وإناث).
· يحق لغير السعوديين الحصول على بطاقات تخفيض أجور الإركاب.
· قد تختلف طريقة التقديم على هذه الخدمات وموعد التسليم للبطاقات حسب تنظيم كل جهة.
(( التقديم على الشؤون الاجتماعيه ))
عموري
مبروك ياغالي الوظيفة
جدا فرحت لما عرفت بالصدفة
مالك حق ماتعلمنا نبارك لك !
الله يبارك لك بوظيفتك وبحياتك القادمة ويحقق لك جميع امانيك ،،
عطر شانيل والبترول !!
مقارنة حلوة !
http://www.u06p.com/up/upfiles/2pk61944.jpg
الكاتب :
صالح النملة
أوروبا وأمريكا اللتان اعتادتا أن تحصلا على سعر النفط بأسعار زهيدة
لأسباب سياسية وليست اقتصادية لا تتحملان أي ارتفاع لأسعار النفط حتى ولا
على أي مستوى كان،
وبالمقارنة بين سعر برميل النفط الذي يدخل في جميع تفاصيل حياتنا وحاجاتنا اليومية
وأسعار سلع اخرى قد تكون ذات أهمية وتصدرها لنا أوروبا وأمريكا ولكن ليست
بالضرورية التي لا يمكن الاستغناء عنها تكتشف كيف أن الغرب يمارس النفاق
الحقيقي والتشكي غير المبرر من أسعار النفط..
وبمقارنة سعر برميل النفط مع برميل منتجات اخرى تكون المقارنة على النحو الآتي:
1. برميل النفط سعر برنت (117) دولاراً.
2. برميل كوكا كولا (126) دولاراً.
3. برميل حليب (163) دولاراً.
4. برميل مياه بيريه معدنية (300) دولار.
5. برميل عصير برتقال تروبيكانا (307) دولارات.
6. برميل بيرة بدوايزر (447) دولاراً.
7. برميل سكوب غسيل فم (682) دولاراً.
8. برميل فنتي عصير ستاربوكس (954) دولاراً.
9. برميل بن وجيري آيس كريم (1609) دولارات.
10. برميل برتولي زيت زيتون (2370) دولاراً.
11. برميل تباسكو الفلفل الحار (6155) دولاراً.
12. برميل فايزين تنظيف للعين (39728) دولاراً.
13. برميل عطر شانيل (1666560) دولاراً.
بعد هذه المقارنة البسيطة هل سعر النفط تلك المادة الحيوية
لجميع مناحي الحياة اليومية رخيصة أم مرتفعة؟!!
أم أن هناك تشكياً داخل المجتمعات الغربية التي تعودت على الرفاهية
ولوم الآخرين وحربهم وتدميرهم من أجل أن تعيش هي حياة مرفهة.
http://www.u06p.com/up/upfiles/lt537320.jpg
http://www.u06p.com/up/upfiles/ldk37321.jpg
http://www.u06p.com/up/upfiles/guh37321.jpg
http://www.u06p.com/up/upfiles/4tn37327.jpg
بيق بروبلم :(
الزمن الجميل ،،
http://www.youtube.com/watch?v=izS6CuPVLCw&feature=fvwrel
http://www.u06p.com/up/upfiles/5bj52453.jpg
http://www.u06p.com/up/upfiles/1rc52453.jpg
http://www.u06p.com/up/upfiles/fsq52445.jpg
http://www.u06p.com/up/upfiles/ivs52453.jpg
http://www.u06p.com/up/upfiles/c2t52445.jpg
رحم الله تانزيلا
ام احد اعظم رجال إن لم يكن رجل هذا العصر ،،
http://www.u06p.com/up/upfiles/dqh38487.jpg
اجوائنا قبل يومين !
^^
الجو هنا ترى يوم الاثنين الماضي
ولاهو برا ksa
ولاهو مطر
ولاهي برد
بس مع كذا داومنا : (
من اكثر الشخصيات السياسية المعتبرة داخل المملكة
التي ترفض التدخل الخارجي والامريكي تحديداً (بل تكرهه)
رفضاً بالقول والفعل
هي شخصية الامير نايف
والشواهد على ذلك كثيرة لا اعتقد من المناسب او الأمن ذكرها *_*
حقيقة من الشخصيات التي اراها مميزة وتستحق الاحترام بل الانصياع
هي شخصية هذا الرجل الصارم
صاحب النظرة الدقيقة والخبرة العريضة في تفاصيل الفكر السعودي وكيفية التحكم بة!
هذا الرجل المتمسك برأية رغم فتحه كامل المجال لمن يعارضه لقول رأية !
شخصية ذكية صارمة مرنة ماكرة ,, والله خير الماكرين!
نايف من الشخصيات التي من الصعب ان لاتُعجب على الاقل ببعض صفاته
اختلافك معه بالتوجهات والسياسات ..
يجبرك على اتفاقك واحترامك لة من الناحية العملية الجدية على الاقل
فهو الوزير الذي يشغل المنصب الاكثر خطورة وحساسية بالمملكة
منصب وزارة الداخلية ومنذ مايقارب 46 سنة
ولا اعتقد ان هناك من يستطيع ان يشغل هذا المنصب
بالطريقة القوية والذكية التي يتمتع بها نايف بن عبدالعزيز ،،
المنطق والواقع للبيئة السعودية يقول:
كل سعودي مُدان لنايف (بعد الله) طوال الـ 46 سنة ..
إعتدنا على نايف وصورة نايف بأخبار مكافحة الارهاب وتوفير الامن قدر الامكان
لكن القليل منا لايعرف نايف ومايحب نايف
الامير الصارم من محبي الصقور بشكل حقيقي لا إستعراضي كما هم البقية
لعل مايؤكد ذلك هو ندره الصور اللي تجمع نايف بأحبابة!
ويمتلك انواع من الصقور النادرة و الاغلى ثمناً على المستوى العالمي
هنا مجموعة صور مختلفة ويفترض ان تكون نادرة للأمير نايف :
http://www.u06p.com/up/upfiles/b0i06129.jpg
http://www.u06p.com/up/upfiles/7zr06129.jpg
http://www.u06p.com/up/upfiles/qyy06112.jpg
http://www.u06p.com/up/upfiles/uhn06090.jpg
http://www.u06p.com/up/upfiles/hy606090.jpg
http://www.u06p.com/up/upfiles/i4x06090.jpg
http://www.u06p.com/up/upfiles/1xl06112.jpg
http://www.u06p.com/up/upfiles/q9d06233.jpg
http://www.u06p.com/up/upfiles/gje88149.jpg
http://www.u06p.com/up/upfiles/7ul30035.jpg
^^
نسيت احطه قبل ومتحسفن به ^_*
الحمد لله والشكر!
محبط عندما يكون تحليل الامور وإصدار الاوامر تجاهها طفولي،،
صادر من نظرة ضيقة من زاوية واحدة لايمكن أن تتغير للأفضل !
http://www.u06p.com/up/upfiles/3pi96499.jpg
الحل الأخير لأصحاب النوم الثقيل
بس قبل كل شي
اللي ماينفع معهم هالحل خلاص لاعاد يحاولون يصحون
ويصيرون عاطلين وعاله عالمجتمع زي بعض الناس *_^
هالمنبه فكرته لما يرن مايتسكر !!
سوا حاولت تسكره بضغط اي زر
حاولت تهدي الصوت بضغط اي زر
حاولت تغلق الجهاز نهائياً
حاولت تكسر الجهاز
مافي فايدة!
ران يعني ران الله لايعوقه بشر
الحل الوحيد عشان يتسكر
هو انك ترج الجهاز رج رج رج :(
ومن مميزات الجهاز
إنك تتحكم بعدد الرجات الكافيه عشان يتوقف عن الرنين
يعني ع حسب نومك تحط عدد الرجات!
ثقيل 10 رجات اثقل 20 ... الخ
وهنا إعداداته من شرح واحد من الشباب بمنتدى البوابة :
شرح الاعدادت :
الخيار الاول : alarm off يعني ايقاف او تشغيل المنبه طبعاً لازم تفعل هذا الخيار عشان يشتغل المنبه
الخيار الثاني : set alarm وهذا الخيار الوقت اللى انت تبي المنبه يشغل عليه
الخيار الثالث : set repeats وهذا الخيار الايام اللى تبيها تنبهكـ عليها
الخيار الرابع : alarm label وهذا الخيار الرساله اللى تطلع لكـ وقت التنبيه طبعاً انت تكتب أي شي تبيه
الخيار الخامس والسادس : كلها نغمات انت تختارها بس مدري وش الفرق بينهم
الخيار السابع والمهم : shakes عدد الرجات اللى انت تبيها مثل ماذكرت فوق من 30 الى 1000
الخيار الثامن والتاسع : ما أدري وش يعني بس خلهم مثل ماهم >> يهايط وينزل موضوع ولا يعرف بعض الاعدادات http://www.adslgate.com/dsl/images/smilies/new14.gif
الخيار العاشر : crazy mode on يعني ايقاف او تشغيل الهزاز
والخيار الحادي عشر : twitter settings طبعاً هذا الخيار خاص بإعدادات التويتر وانا ماجربت فيه شي لآنه مو مهم
(الجهاز خاص لأصحاب الأجهزة الذكية)
الذين يشاهدون محتوى الموضوع الآن : 3 ( الأعضاء 2 والزوار 1)
Modern (http://www.buraydh.com/forum/member.php?u=4469)* , سلفـsilverـر (http://www.buraydh.com/forum/member.php?u=28845)
صديقي الالكتروني سلفر
اهلا وسهلا منور الدار انت والزائر العزيز : )
شخبار السييرا *_*
وهل صحيح الفرق بيّن بالرساوة على الطرق مبين مابين الـ 1500 والـ 2500
ولا مافي فرق بيّن ؟!
وياليت تذكر السلبيات اللي واجهتك بالسييرا في حال وجودها
الله يعطيك خيره ويكفيك شرّه
http://www.youtube.com/watch?v=2OLhWkBynC4
هلا وغلا بالمودرن .. منور بوجودكـ حبيبنا ..
نظره شمولية للسيارة روعة بكل ماتحتويهـ ولا شفت اي سلبيات رغم انها ليست تحت ملكي الآن .. ! :(
ولكن برجع له وقت ماتسمح الظروف :)
مافهمت الــ 1500 و الـ 2500 ؟؟
اهلين سلفر
اجل ماشاءالله السيارة مابعده
بخصوص الـ 1500 والـ2500
اولاً اللي عرفته ان اغلبية اللي نشوفهن 1500
الـ2500 منتشر بأمريكا هو والـ3500
لكن موجود عندك طبعاً
والفرق بشغلات كثيرة
منها عدد دورات المكينة
وزيادة ماتقل عن 30 حصان
وبالسحب يفرق كثير عن خوينا
وفيه اختلافات بالمساعدات وقوة التوقف وعدد مسامير الكفر
طبعاً هالمميزات ماتقلل ابداً من 1500
لاني زي ماقلت لك اكثر اللي نشوفهن من هالفئه
والاهم اني للحين ما اقدر اجزم فعلاً بوجود فرق بيّن
لاني ماجربت الاثنين بوقت واحد وكافي للحكم
عشاان كذا قاعد اسألك ياعزيزي
يالله مش مشكلة
*_^طلعنا بكلمتين حلوين منك اول الرد
http://www.u06p.com/up/upfiles/k1w67598.png
من أرقى التجمعات والمجتمعات الإلكترونية
التي أسعد بالسفر إليها والتجول بشوارعها
هي مجتمعات الفلكر
مجتمعات راقية
هدف تواجدها راقي
لقطات جميلة
عبارات مشجّعة
نقد هادف وبناء
تواجد مشرّف بالفعل
يجمعهم الذوق والفن والإبداع
احبكم يافلكريين ،،
http://www.u06p.com/up/upfiles/dkr67598.png
( تنبيه )
بخصوص برنامج iCloud
ولعدم إختراق خصوصيات أجهزتنا!
البعض وانا منهم
ركض وراء الاجهزة ومميزاتها
وجهلنا في هالاجهزة ومميزاتها
بالتأكيد يجعل منها سلبيات!!
هنا فيديو اسرع بدل ما اكثر كلام :
http://www.youtube.com/watch?v=rMMkkK-dxYg (http://www.youtube.com/watch?v=rMMkkK-dxYg)
التنبيه موجة بالدرجة الاولى للي يروحون للمحلات وينزلون لهم البرامج!
http://www.u06p.com/up/upfiles/64e72342.jpg
حقيقة فوضى مابعدها فوضى بعملية استقبال جثمان سلطان بن عبدالعزيز رحمه الله
موظف من موظفين الخطوط رضح رجله التابوت وهم ينزلونه وقام يتلوى وزين ماطاح من الرافعه
وطبعاً ماكان وقته مادري وين جدعوه
برضو واحد انجلد قدام سيارة الملك وهو يمشي
ويقولون والعهده على الراوي
انه امير توطى بضابط منعه من الاقتراب لسيارة الملك
الا منهو مسؤول المراسم الملكية؟!
مقطع لموظف الخطوط :(
http://www.youtube.com/watch?v=lu1whELlKeo&feature=player_embedded
المشاكل اللي صارت قدام سيارة الملك
الدقيقه 5:10
http://www.youtube.com/watch?v=tViW6ulZ6eU
http://www.youtube.com/watch?v=XipUVr5BfMM
http://www.youtube.com/watch?v=cADyQwrdRYM&feature=related
vBulletin® v3.8.8 Alpha 1, Copyright ©2000-2025, vBulletin Solutions, Inc Trans by mbcbaba