حنا في مسجد اوفي مدينة ترفيهيه ..!

[دقات قلب]

السلام عليكم ورحمة الله وبركاته

بالبدايه مبارك عليكم الشهر وتقبل الله صيامكم وقيامكم وجعلكم الله من المغفورين لهم في هذا الشهر الفضيل

بدخل بالموضوع ع طوول لاني بصراحه الي شفته يرفع الضغط

الاطفال وما ادراك مالاطفال ..!

الي نعرفه رمضان شهر فضيل وشهر عباده والواحد يرتاح لما يروح يصلي بالمسجد والوحده تهرب من البيت حتى ترتاح من لجة الي حولها وتصلي بخشوع وطمائنينه لاكن الي شفته بالمسجد عندنا غيير
معاناتي ابتدت يوم رحت اصلي صلاة التراويح بالمسجد وكنت اول الحاضرين للمسجد انا واختي وبعد دقايق شفت مالم يكون بالحسبان كل وحده من الحريم تدخل ومعها طفلين ثلاثه.. لحد الان الامر طبيعي .. وبعد ماكبر الامام وقال الله اكبر ابتدت الصجه واللجه والصراخ واللعب .. تخيلو اذا سجدنا يبتدي الضرب فينا من الاطفال الي يضربك بقارورة المويه والي يسحب عبايتك يحسبك امه والي تسرق نقابك وتجلس تلعب فيه والي يسحب في المناديل ويرمي ع الارض يعني قمة المعاناة تخيلو حتى حاملات المصاحف ماسلمن منهم !! الحاملات بالمسجد فيهن عجلات وكل طفل راكب بوحده وجالس يفحط فيها بالمسجد .. اسئلكم بالله فيهم من برائة الطفوله ..!
والي يقهر اكثر امهاتهم مايعرفن يقولن عيب او غلط او مايصح الي تسويه ككل شي عندهم فرررري

ياخواتي اذا كان عندك اطفال صلاتك ببيتك اجر لك لان صلاتك بالمسجد فيه إذاء للمسلمين

وسامحونا على الاسلوب الجاف نوعاً ما ولا كن والله من القهر الي فيني هههههههه

[صريح بريده]

منذ (مبطي) نعاني من هالنوعيات من الاطفال الله يصلحهم ويهدي ابائهم وامهاتهم .

[دقات قلب]

منذ (مبطي) نعاني من هالنوعيات من الاطفال الله يصلحهم ويهدي ابائهم وامهاتهم .

هذا الي يقهر اخوي انه منذ مبطي نعاني من هالشي .. ليش لحد الان مالقينا حل مع هذي المشكله
امين يارب الله يصلحهم ويهدي والدينهم .. اسعدني مرورك اخوي ونورت متصفحي

[احمد النجم]

الاطفال مادون السادسه الافضل الا يصطحبوا للمساجد

الا في حدود ضيقه جدا
اما أن تكون عااده وعدم مبالاة بما سوف يسببونه من أزعاج للمصلين او المصليات
فهذا غير مقبول.. فمايشاهد حاليا هو ان صلاه الترويح اصبحت متنفس
ولهو !!!

الله يصلح الحال, ويرزقنا حس العباده واحترام بيوت الله

[دقات قلب]

الاطفال مادون السادسه الافضل الا يصطحبوا للمساجد

الا في حدود ضيقه جدا
اما أن تكون عااده وعدم مبالاة بما سوف يسببونه من أزعاج للمصلين او المصليات
فهذا غير مقبول.. فمايشاهد حاليا هو ان صلاه الترويح اصبحت متنفس
ولهو !!!

الله يصلح الحال, ويرزقنا حس العباده واحترام بيوت الله

صدقة اخوي صلاة التراويح اصبحت متنفس ولهو للاطفال بمباركه من الوالدين
امين الله يصلح حالنا وحالهم .. اسعدني مرورك

[نــف نــف]

آلغريبــه .. آن مـآفيه منــظمه للمسسسجد .,’

وآلصرآحه لو آنـآ منتسس كـآن هشتهم :c7: .,’

يعني حتــى ولــو بيــت آلله . . ,’

[دقات قلب]

آلغريبــه .. آن مـآفيه منــظمه للمسسسجد .,’

وآلصرآحه لو آنـآ منتسس كـآن هشتهم :c7: .,’

يعني حتــى ولــو بيــت آلله . . ,’

مين اهاوش ياقلبي انتي اهاوش ثلاثين طفل تقريباً..!
انا عساهـ يطلع لساني على خواتي الصغار تبينه يتفرعن على عيال الناس ههههههه
نورتي متصفحي يالغلا

[مس امل]

الله يعينك

نفس المعااناه بس انا ارحم امهاتهم يضربونهم ولايجيبونهم

ياااارب يهديهم ويصلحهم

[أبو الريش]

للأسف هذا ضعف التوعيه

يعني المسلمه أفضل له صلاته في بيتها وهذي مجرجره بزرانه معه مادري متى بيفهمون الناس ماهو المبدأ

[اسير الغلا]

شكرا لك من القلب

[دقات قلب]

الله يعينك

نفس المعااناه بس انا ارحم امهاتهم يضربونهم ولايجيبونهم

ياااارب يهديهم ويصلحهم

زين ماشاءالله امهاتهم فيه بوجيههم دم
امين الله يهديهم ويصلحهم .. اسعدني مرورك

[دقات قلب]

للأسف هذا ضعف التوعيه

يعني المسلمه أفضل له صلاته في بيتها وهذي مجرجره بزرانه معه مادري متى بيفهمون الناس ماهو المبدأ

اي والله صدقت ضعف التوعيه وايضاً ضعف التربيه
اسعدني مرورك .. ولا تحرمنا جديدك

[دقات قلب]

شكرا لك من القلب

العفو .. اسعدني مرورك

[رهينه الشوق]

جد دقات مشكله هذي
يعني لمتى راح تنحل هذي القضيه مايمديك تحولين تخشعين بصلاتك الا البزرين مطيرين ام الخشوع بسوالفيهم اللي ماتخلص ولا بصيااحهم
الله يهدي امهاتهم ياارب صدقتي يالغلاا
صلاتهم في بيتهم اجر لهم وامان لعياالهم الوحده تصلي ولا تدري ولده عندها ولا يروكض بالشاارع
يعطيك العافيه قلبي

[دقات قلب]

جد دقات مشكله هذي
يعني لمتى راح تنحل هذي القضيه مايمديك تحولين تخشعين بصلاتك الا البزرين مطيرين ام الخشوع بسوالفيهم اللي ماتخلص ولا بصيااحهم
الله يهدي امهاتهم ياارب صدقتي يالغلاا
صلاتهم في بيتهم اجر لهم وامان لعياالهم الوحده تصلي ولا تدري ولده عندها ولا يروكض بالشاارع
يعطيك العافيه قلبي
العفو يالغلا ..
منورهـ رهونه

[ربيع بريدة]

ليس فقط في مصليات النساء ..بل حتى في مصلى الرجال ومصيبة هؤلاء اشد لآنهم اكبر سناً ولعبهم على الثقيل صراخ واصوت وتلاحق وتراشق بالمياه.. حتى وان كان الامام حسن الصوت خاشع القراءة ازعاج هؤلاء الاطفال بشتت ذهنك ويشغل تفكيرك.
اللوم نضعه على الاباء ايضاً كما على الامهات.. ألأب يرى ابنه قابع خلف المصلين متكىء ومعه قارورة الماء يستعد لشن غارة هجومية بالماء على احد اقرانه أو يصدر اصواتا عالية أو ضحكات مدوية...
ولا يملك الأب الا أن يقابل ابنه بابتسامة عريضة فرحاً لوجدوه في المسجد!!
وحتى أن لم يصلي وحتى وأن أزعج المصلين الأهم عند ألاب ان أبنه تحت نظره ولم يذهب الى
الشارع!!!
شكراً لك وبارك الله فيك لطرح هذا الموضوع الذي والله انه اشغلنا كثيراً.

[ابـوفهد]

باين ان كلامك خارج من معاناة حقيقية

الله يعينكم واتمنى ان يصل هذا الكلام لتلك النساء الآتي يحضرن أبنائهن المشاغبين الصغار في المسجد

[قـتـالـه]

وه بس يالبا بنيات مسجدنا ,,
يشيلن ويحطن ويوزعن المويه والبرشورات ياحبيلهن هن وعباياتهن ,,
ومره وحده من الامهات جابت ولدها ابو 4 سنوات
شطاني مريد سكتن له البنات اول ليله ولما كبر الامام بالليله الثانيه
وبدا الولد يستعرض شطانته اجتمعن عليه ورضن عظامه
وبعدها ماعاد شفناه:)
عاد يوم 28 بعد التراويح بنسوي عيدية عوايل بعد التراويح يستاهلن
ذوليك البنوتات ,,