عانس اجمل حاليآ

[صرقعة جيل]

عانس اجمل حاليآ
؛
http://albailassan.com/smilies/images/noscript_data-7/a010.gif
كلكم تسذا عيونكم مهوب
بصراحه رايي انا عانس اجمل حاليا
لاوجود لشباب مثقف يعرف قيمة المراءه
يعني برايكم يابنآت وش رايتس باللي حولتس يشتكن
ماحمت تسبدتس مثلي
:
:
اسئله لشباب فقط
1/انت ماخذ الزوجه كاخدامه لك مثلآ
2/انت ماخذ الزوجه كاجدار ليتحمل كل انفجاراتك مثلآ
3/ماخذ الزجه لي تتفرعن وتخرج عضلاتك عليها مثلآ



1/
واحد دخل على زوجته وقت الفطور قال ليه مسويه الشوربا
بس تقعد للهواء لاعمرتس تسوينه
يوم صار بعد 3ايام جاء قال وين الشوربه قالت مازينت قال وراه
قالت انت قايل قال انا قايلتس ذاك اليوم موب تفرحين ماتزينين ابدhttp://albailassan.com/smilies/images/noscript_data-5/a110.gif

2/
وحده عنده شغاله قال رجله خلاص هذي لازم تسفر
قالت وراه خله تساعدن قال موب لازم هذاتس بس قاعده
قالت حرام عليك شفن قاضيه اوحش من الشغل والتعب
قال مانتب ميته نوديه وننتفع من فلوسهhttp://albailassan.com/smilies/images/noscript_data-5/a110.gif


3/
ووحده اقاله بتغير بسماط الفطور وخرت السمبوسه حذفته هاليوم
وحطت بداله 3اشكال يوم جاء قال اقالتس كاشخه وطباخه
لاعمرتس اتفننين عندي وافطر والنفس براس خشمه
وطلع وخلاه وعيا يججيبه لم الاجتماعhttp://albailassan.com/smilies/images/noscript_data-5/a110.gif

4/
ووحده رجله ذابحه ماتاكل حبوب الحمل
ولامن صاح ولده الصغير قاله خوذيه وطسي بالصاله
(اللي يبي الدح مايقول اح)http://albailassan.com/smilies/images/noscript_data-5/a110.gif



؛
يآآشبآب تكفون اللي موب قد المسؤليه والزواج لا يتزوج
اللي اعصابوه ماهي بيده لا يتزوج
اللي بيحط حرة غيره بمرته لايتزوج
اللي بياخذ بنت الناس يحافظ عليها او لا يتزوج
اللي بيصير علك بحلوق الناس من تشكي مرته لا يتزوج
اللي حاط بباله ان الزواج للتفرعن لا يتزوج

الله يرحم امكم حسو فينا حنا يالبنات الصغار كرهنا الرجال
كرهنا الزواج من شي نشوفه قدامنا نسولف بالاجتماعات لاالتفتت علينا متزوجه درينا انها بتشتكي
1من 1000000بس اللي عارف حقوق الزوجه

لاتناظرون المسلسلات وتطيرون تبي تعرسون همن لا اخذته كشرت
ترى المسلسلات هاللي لعبة بعقولكم تسذب ×تسذب
وانتم يالاهل لا تزوجون عيالكم بنات الناس الا اذا اصطلب الولد
اذا صار رجل يدري ان اللي قدااامه ادميه

:
:
للاسف نردد انا وجيلي

{عانس اجمل حاليآ}

اتمنى عدم الحذف<<

[صرخة انثى]

هلا اختي صرقعة
انا ضد كلمة عانس اصلا
كلمة عانس مؤلمة ومهينة بعض الشئ
ممكن كلمة غير متزوجة ارقى وابلغ بالتعبير
والسعادة ليست بوجود الخادمة
فانا اعتبر حياتي من غير شغالة احلى واجمل
وانا معك بان الشباب هالزمن اصبحوا اقل شهامة ونخوة
ويرون السيطرة بالصراخ والاصوات العالية
اه لو الازواج ربع بابا كان الدنيا بخير
تقبلي مداخلتي حبيبيتي

[أبو الريش]

1/انت ماخذ الزوجه كاخدامه لك مثلآ


طيب من يخدمن أنا هاج من العزوبيه تبينن أخدم نفسي ولا تبينن أعرس عليها والقى اللي تحوف بي وتطقطق اصابع رجليني
تخدمن وتلقان خدام عنده,, دخولها للجنــه مربوط برضــاي

2/انت ماخذ الزوجه كاجدار ليتحمل كل انفجاراتك مثلآ

طيب من ياقف على جرحي من يواسيني من يقولي هات انفجــاراتك أرقعهن لك , يعني وشلون ناخذ مسيـــار علشان نلقى قلب يحس بنــــا

/ماخذ الزجه لي تتفرعن وتخرج عضلاتك عليها مثلآ





والله نــاس ونــاس هذولا حشرات وحيوانات اللي يطلع عضلاته على زوجته , الأنثــى مهمــا كانت مخلوقه رقيقه , لكن في بعض الأحيــان بعض الزوجــات بكلمه تهد الحياة الزوجيه وتثير الرجل لأنه بالأصــل ماتفهمه وتسوي حركــات غبيه تحسبه غبي وهو جايب اللي وراه <<


ماتملون من هالمواضيع تكررت مرات كثيره

[صرقعة جيل]

هلا اختي صرقعة
انا ضد كلمة عانس اصلا
كلمة عانس مؤلمة ومهينة بعض الشئ
ممكن كلمة غير متزوجة ارقى وابلغ بالتعبير
كل الطرق تؤدي الى روما
والسعادة ليست بوجود الخادمة
فانا اعتبر حياتي من غير شغالة احلى واجمل
اكيد الحياة اجمل بدونها بس من يتحمل بيت واطفاال درزن
ورجل ماهمه الا نفسه حبيبتي
وانا معك بان الشباب هالزمن اصبحوا اقل شهامة ونخوة
ويرون السيطرة بالصراخ والاصوات العالية

هذا اللي اتكلم عنه
اه لو الازواج ربع بابا كان الدنيا بخير
تقبلي مداخلتي حبيبيتي

كل البنات انطقوها..}

[صرقعة جيل]

طيب من يخدمن أنا هاج من العزوبيه تبينن أخدم نفسي ولا تبينن أعرس عليها والقى اللي تحوف بي وتطقطق اصابع رجليني
تخدمن وتلقان خدام عنده,, دخولها للجنــه مربوط برضــاي


هي ماهي مقصره بس البعض وهي تزين ولده يصرخ جيبي هذا
وهي تعطيه المويه يصرخ عليه ماتسمعين ولدتس يصيح
بذمك اهيا وش تبدي عليه
المقصد اذا كان طفلك يصيح انتظرها لين تسكته لانك انت الكبير العاقل وبتجيك وبتطقطق اصابعك بس عطها وقت راحه
جيبي لي
زيني لي حطي لي
غسلي لي اكوي لي
اطبخي لي
يعني متى وقت تفضى فيه واذا فضيتوا قلتوا الحريم السعوديات
مايفتحن النفس بعذره من المراكض وراك نست نفسه


طيب من ياقف على جرحي من يواسيني من يقولي هات انفجــاراتك أرقعهن لك , يعني وشلون ناخذ مسيـــار علشان نلقى قلب يحس بنــــا

ماقلنا شي تشاركك الهم تعطيك راي
انفجاراتك اللي انا كنت اقصده تجي من برى وحمق على واحد وكاتمها بس تدخل هات وود من اللجه على هالضعيفه
ويخرب ذاك اليوم كلوه

والله نــاس ونــاس هذولا حشرات وحيوانات اللي يطلع عضلاته على زوجته , الأنثــى مهمــا كانت مخلوقه رقيقه , لكن في بعض الأحيــان بعض الزوجــات بكلمه تهد الحياة الزوجيه وتثير الرجل لأنه بالأصــل ماتفهمه وتسوي حركــات غبيه تحسبه غبي وهو جايب اللي وراه <<
مو تستغبي اصلا المراء مخلوق ضعيف الشخصيه رقيق
بطئ الاستوعااب






ماتملون من هالمواضيع تكررت مرات كثيره

اما عن كثرة المواضيع سؤال
هل طرحها اجدا نفعا
شاكره لك التواجد

[العنقريه]

3/ماخذ الزوجه لي تتفرعن وتخرج عضلاتك عليها







نعم هذا المعروف الواحد تلقى ابوه كارفه كرف قبل يتزوج والمدير ماسحن به البلاط , اذا تزوج نتف زوجته نتف

مسكين مايقدر يفرّغ الا باللي اضعف منه ,,,

[جمان البحر]

خوذي الحتسي من بس وأنا أختتس ..

ترا نص هالحريم الي تشوفين من كفارات العشير الي قال عنهن الرسول ..((وترا فيه رجال مثلهن وأردى مرته حايفته حوف ولا سهت مرة أنكر كل جمائله عليه من قبل))

مستانسات واذا رجله قصر عليه بشيء راحت تسبه عند القاصي والداني ..
مدري خوف من العين ولا شيء غصب عليه ..

والله ثم والله ان الوحدة منهن لو صدق رجله ضايمه ماراح تلاقينه الا ببيت أهله ..



تزوجي واستانسي بعمرك بس لاتخلين زوجك محور حياتك ومحور اهتمامك ..
اهتمي بنفسك أولاً وبعدين فيه ثانياً وبكذا ماراح تتعذبين ان شاء الله ..

ولا تخافين كل الحياة فيها شقى ..
ان تزوجتي بيجيك الشقى ببعض الأيام ..
وأن جلستي بيجيك بعد .. من هالي يسبن العرس قدامك ..
هن أول من يبي يتكلم فيك ويتشمت فيك لأنك ماتزوجتي ..

قسم ماأنسى وحدة تسب العرس والرجال وتقول للبنات ياويلكن تعرسن استانسن بحياتكن ..
وعقب كم يوم مادرينا به الا وهي طايرة مع رجله مسافرة برا المملكة ..
وهي لو هي ببيت أبوه زين لا وصلت مكه تحمد ربه وتحب يده وجه وقفا ..
أدري بتقولين حنا نسافر وماعلينا قاصر بس الزواج أمر فطري ببني آدم ..

[صرقعة جيل]

خوذي الحتسي من بس وأنا أختتس ..

ترا نص هالحريم الي تشوفين من كفارات العشير الي قال عنهن الرسول ..((وترا فيه رجال مثلهن وأردى مرته حايفته حوف ولا سهت مرة أنكر كل جمائله عليه من قبل))

مستانسات واذا رجله قصر عليه بشيء راحت تسبه عند القاصي والداني ..
مدري خوف من العين ولا شيء غصب عليه ..

والله ثم والله ان الوحدة منهن لو صدق رجله ضايمه ماراح تلاقينه الا ببيت أهله ..



تزوجي واستانسي بعمرك بس لاتخلين زوجك محور حياتك ومحور اهتمامك ..
اهتمي بنفسك أولاً وبعدين فيه ثانياً وبكذا ماراح تتعذبين ان شاء الله ..

ولا تخافين كل الحياة فيها شقى ..
ان تزوجتي بيجيك الشقى ببعض الأيام ..
وأن جلستي بيجيك بعد .. من هالي يسبن العرس قدامك ..
هن أول من يبي يتكلم فيك ويتشمت فيك لأنك ماتزوجتي ..

قسم ماأنسى وحدة تسب العرس والرجال وتقول للبنات ياويلكن تعرسن استانسن بحياتكن ..
وعقب كم يوم مادرينا به الا وهي طايرة مع رجله مسافرة برا المملكة ..
وهي لو هي ببيت أبوه زين لا وصلت مكه تحمد ربه وتحب يده وجه وقفا ..
أدري بتقولين حنا نسافر وماعلينا قاصر بس الزواج أمر فطري ببني آدم ..


ووش اللي معذبنا ان العرس
{شر لابد منه}
ابد مثل الشغالات نقطع جلودهن وحنا مانستغني عنهن
بس ياحبيلتس فرق لا اخذتي رجل يقدر اللي تسوينه ورجل مزوجينه
اهله عشان ايتعلم عليتس
والا هرجي بوه خطآآء

[صرقعة جيل]

نعم هذا المعروف الواحد تلقى ابوه كارفه كرف قبل يتزوج والمدير ماسحن به البلاط , اذا تزوج نتف زوجته نتف



مسكين مايقدر يفرّغ الا باللي اضعف منه ,,,


منورهـ........./

[رفآت]

حبيبتي ،،
قد نتفوه بكلمات ونكتب حروف تؤثر فينا أو في غيرنا مدى الحياة ،،
التغيير هو السائد في وقتنا هذا ومن عندها الدافع له ستغير وتتغير
ولنبدأ بأنفسنا أولاً
فلو ثبتنا هذه القاعدة والكلمات التقليدية التي لم نرى الا الشؤم منها
لما عشنا حياة جميلة
هنا
دعوة للتفائل والتغيير والنظرة للجانب المشرق
الحياة الزوجية من أجمل ما يعيشه الإنسان في هذا الوقت
وأكثر من يستمتع فيها ( المرأة) فلو نظرنا الى أمور كثيرة قد نتغاضى عنها ونتركها او نرفضها
الا الزواج وهذا دلالة على أن فيه مايسمو بنا إلى حياة أكثر عفة ورضا ونقاء وسعادة ..والحياة لاتخلو من كدر ومنغضات ،،
فكوني متفائلة :)


تقديري،

[صرقعة جيل]

حبيبتي ،،
قد نتفوه بكلمات ونكتب حروف تؤثر فينا أو في غيرنا مدى الحياة ،،
التغيير هو السائد في وقتنا هذا ومن عندها الدافع له ستغير وتتغير
ولنبدأ بأنفسنا أولاً
فلو ثبتنا هذه القاعدة والكلمات التقليدية التي لم نرى الا الشؤم منها
لما عشنا حياة جميلة
هنا
دعوة للتفائل والتغيير والنظرة للجانب المشرق
الحياة الزوجية من أجمل ما يعيشه الإنسان في هذا الوقت
وأكثر من يستمتع فيها ( المرأة) فلو نظرنا الى أمور كثيرة قد نتغاضى عنها ونتركها او نرفضها
الا الزواج وهذا دلالة على أن فيه مايسمو بنا إلى حياة أكثر عفة ورضا ونقاء وسعادة ..والحياة لاتخلو من كدر ومنغضات ،،
فكوني متفائلة :)


تقديري،

اسعدني
حضورك هنا ومشاركتي
تعليق جيد ممتاز

[سيف وفيصل]

الموضوع يبي له

[ونة خفية]

الوحده بس لو تضمن ماتتطلق من هؤلاء الشيف
كان ترد له الكف بالكف والعلقه بالعلقه
يعني بالعربي تكون ذيبه وتأخذ حقها منه بيدها حار فور
ولاتستكين ولا تتضيعف له وبعدها احلف يمشي عدل

وكل عام وأنتِ بخير صرقعة

[هلاوين]

طيب واللي مهوب قد المسووليه ياخذ شغلاتهم ارحم ههههههههه .

بصراحه والله 90%او اكثر من اللي اعرف مبسوطات ومستانسات


بعدين ترى المرتاحات واجد مررررررره وربما تعرض مشكله لغيرها وتنسبها لها خوفا من العين


شكرا لك صرقعه جبل

[بنت منيره]

خخخخخخخخخ صرقعه يابعدي وقسم العيال مايستاهلون تعصبين عشانهم اهم شئ عندنا صحتس ياختي

اسمعي عشان مايصير فيه ظلم بعض الحريم يتسذبن عيني عينك ويزودن بالكلام

وبعضهم تخاف من العين وتخربط وتسبه على باله انه الحريم يبي ينحتنه

+ان فيه بعض الرجال ولا برياااال

المهم اذا طق باب بيتكم وجاك واحد اطخم وموظف وعاقل استخيري واخذيه<<ماودي اقول لتس مطوع خابرتس تبي تقولين فكين خخخخخخخ

[صرقعة جيل]

الوحده بس لو تضمن ماتتطلق من هؤلاء الشيف
كان ترد له الكف بالكف والعلقه بالعلقه
يعني بالعربي تكون ذيبه وتأخذ حقها منه بيدها حار فور
ولاتستكين ولا تتضيعف له وبعدها احلف يمشي عدل

وكل عام وأنتِ بخير صرقعة
ماصار زواج ابراز عضلات
ومهما كان ماننسى ان الرجال يمشي اللي يبي على الحرمه
يعني لو عطاتس كف اذا ابتسمتي بينقهر
انا اذا عطيتيه كف بيقوم وابيحوس مريرتس ومردتس بيت ابوتس
خلي عنتس تفريد العضلات انتي حررررررررمه

[صرقعة جيل]

طيب واللي مهوب قد المسووليه ياخذ شغلاتهم ارحم ههههههههه .

بصراحه والله 90%او اكثر من اللي اعرف مبسوطات ومستانسات


بعدين ترى المرتاحات واجد مررررررره وربما تعرض مشكله لغيرها وتنسبها لها خوفا من العين


شكرا لك صرقعه جبل

ياخي والشغاله مهب ادميه..هههه
انا ماقلت شي ياكثر اللي مستانسين بس حنا نحل
مشكلة اللي حياتهم بين النقاط اللي ذكرته الى متى والحرمه تاكلها

[صرقعة جيل]

خخخخخخخخخ صرقعه يابعدي وقسم العيال مايستاهلون تعصبين عشانهم اهم شئ عندنا صحتس ياختي

اسمعي عشان مايصير فيه ظلم بعض الحريم يتسذبن عيني عينك ويزودن بالكلام

وبعضهم تخاف من العين وتخربط وتسبه على باله انه الحريم يبي ينحتنه

+ان فيه بعض الرجال ولا برياااال

المهم اذا طق باب بيتكم وجاك واحد اطخم وموظف وعاقل استخيري واخذيه<<ماودي اقول لتس مطوع خابرتس تبي تقولين فكين خخخخخخخ

موب المهم اطخم المهم يقدرني ويعزني ويصون هذا اهم شي
:
:
وايه ادعيلي بالمطوع يالله من فضلك ليتوه يجي على الاقل لا منعني من شي احس انه منعني من دين موب عناد او تفرنك

[سحايب نجد]

فديتك لاتصدقين ولا متزوجه واذا تبين تتأكدين قولي لها زوجك تزوج عليكي بالسر وشوفي ردت فعلها يمكن تذبحك لانها مهما سوى فيها تحبه وماتبيه يروح لغيرها لو على جنازتها
خلي عندك امل وتفاؤل الدنيا لسه بخير ..

[صرقعة جيل]

فديتك لاتصدقين ولا متزوجه واذا تبين تتأكدين قولي لها زوجك تزوج عليكي بالسر وشوفي ردت فعلها يمكن تذبحك لانها مهما سوى فيها تحبه وماتبيه يروح لغيرها لو على جنازتها
خلي عندك امل وتفاؤل الدنيا لسه بخير ..

لا ياحبيل قلبتس واذا قلتلتس هاللي عنه الهرج
اختي وعمتي وكم وحده يعني قريبات قوه..}
واكيد حتى لو انها مسوي فيني الويل ابنقهر لا تزوج شين وقوة عين

[سـمـاء]

أول شي ان حتسي اللي حولنا ثلاث ارباعه بهارات وخرابيط
واكره شي بالحياة ان تقول كل الرجال تسذا < هي تزوجت كل الرجال عشان تحكم عليهم
مثل ماالحريم أجناس الرجال نفس الشيء



ثاني شيء لازم التشكي لـو هي طلباتها اوامر
والسبب الاول لذالك :
ان المرأة معروفه بتشكي وأنها كفارة العشير < الرسو اللهم صلي وسلم عليه قاله
ثاني شيء يعني أقاله بتبعد الحسد والعين عنه لان بعضهن هداهون الله موسوسات
لو تجيه كحه قالت أويحي عيين ماصلت على النبي

^
الزبده انه إذا ماتزوجت عشاانه فهو عشااني
وعشان أفعل أمومتي < الله يرزقنها يآرب

ـ
وأخيراً :
التعميم لغة الحمقى


وتشكرآتي..,

[سحايب نجد]

لا ياحبيل قلبتس واذا قلتلتس هاللي عنه الهرج
اختي وعمتي وكم وحده يعني قريبات قوه..}
واكيد حتى لو انها مسوي فيني الويل ابنقهر لا تزوج شين وقوة عين

حتى انا بعد اخواتي وصديقاتي كلهن متنكدات بس ماتقدر تطلب الطلاق لانه زوجها وبيتها وماتقدر تستغني عنهم وحتى لو جلست في بيت اهلها اسبوع تلاقيها قلقانه ومنزعجه تبي بيتها والا تدرين خليني اجرب اعرس واعلمتس وش قصتهن (:

[أحب نفسي]

أييه والله ياقلبي ..,,,
ليتهم بس مو قد مسؤليه أخلاقهم شينه بعد ويحسّ أنه لآعصب وجدع عليتس كم كلمه معناته أنه رجل بمعنى الكلمه ..
والله ياموضوعتس بالصميم ومتزديه ..
بس بنبتل نردد هالكلآم ,,
هم يحسون أنك انتي اللي يبيلك تعديل ومستحيل يعترف أحد منهم بخماله وشين طبايعه ,,
بس وش نزيّن .؟؟؟
نعزف عن الزواج مثلآ ؟؟؟
مالتس إلآ تاخذين أبو نفسن شينه وجلدن مروّح وحاولي تكسبين من ورآه أجرّ ,,


وربنا يعيننا .

[ابو ريما الخالدي]

1/انت ماخذ الزوجه كاخدامه لك
لا

2/انت ماخذ الزوجه كاجدار ليتحمل كل انفجاراتك
لا

3/ماخذ الزوجه لي تتفرعن وتخرج عضلاتك عليها

لا

[المنطق]

الرجل على ما تعود عليه

أنت من عوده على هذه الطريقة في التعامل والتسلط

على المرأة أن تدرك ذلك وتبرمجه على طريقتها من أول ليلة ...

[زين نجد]

أولاً لا ينبغي أن نطلق على غير المتزوجة كلمة عانس بل نتلطف قليلاً.

أختي نصيحتي لكِ ولغيرك من الفتيات..

لا تسمعي لكثيرٍ من اللواتي يقمن بسب أزواجهن فو الله إن 90% أنهن كذابات وخاصةً في مجتمعنا هذا.

وأقرئي هذا الحديث :

عن ابن عباس - رضي الله عنهما - قال: قال رسول الله - صلى الله عليه وسلم -: "أريت النار، فإذا أكثر أهلها النساء يكفرن قيل: أيكفرن بالله؟ قال: يكفرن العشير، ويكفرن الإحسان ، لو أحسنت إلى إحداهن الدهر ثم رأت منك شيئا قالت: ما رأيت منك خيرا قط". متفق عليه.
وهل هناك أصدق من أبالقاسم صلى الله عليه وسلم.!

إذاً تأملي هذا الحديث كثيراً.

فعليك الاستدلال بهذا الحديث واعلمي أن غالب من يشتكي هو كذاب ولكن قد تكون بين نساء لم يتزوجن ثم تذكر ذلك خوفاً من العين. أو أنها لا تريد لكن الخير وهذا وارد.. وهذه إنسانة مسكينة مريضة. وعلى من عندها أن ينكر عليها تصرفها.

فهل من العقل أن أشوه سمعت زوجي من أجل الناس.

ألا تخاف الله أن يبدل حالها وهذه لا تأمني لها عقوبةً من الله عاجله..

أختي..

يعلم الله أن الكثير من الأزواج ولله الحمد عندهم حسن المعاشرة والحب فلا يكون مقياسك من الذين حولك فقط فهناك نساء لا يردن الخير لمن حولهن.
قلوبهن ممتلئة على من حولهن ولو كن أقل منهن حالاً وهذا كثير.
فو الله أن الكثير من الذين أعرفهم أنهم ينعمون بحياةٍ هانئة.

صحيح أن هناك من لم يوفقها الله برجلِ شهم ذو مروءة وأخلاق ولكن تأكدي أنهم قلة ولله الحمد.

وارجعي لردود هؤلاء الأعضاء :
هلاوين – بنت منيرة – سحايب نجد- سما

تقبلي مروري،،،

[منذ مبطي]

القضيه ابسط من هالاوهام اللي انتم عايشين فيها
كن مع الله يكن معك وثق ان الله يجعل بين الزوج وزوجته موده ورحمه الا الغير موفقين والمشاكل تصير بكل وقت وبكل بيت فلا تتطرفون برأيكم الموضوع اسهل من كذا والحياه اجمل بما يرضي الله

[شعاع الكون]

شوفي حبيبتي ترا بعض الحريم تشتكي من زوجه تسذب عشان ايش على قولته عشان ماتعطى عين
ترا اكثر هاللي تشتكي من رجله تراه عايشه بنعيم لاتصدقينهن
وبعضهن كفارات عشير ياكرهي للمره اذا سبت رجله
المفروض اسراره مع زوجه ماحد يدري بهن حتى لو هي صدز

الله لايبلانا بس



ومشكوره اختي عالموضوع

[عزازيل]

أضم صوتي للمصوتين لصالح العزوبية للأنثى و الرجل ، فحقيقة الأمر أرى أن الزواج هو فرض كفاية يسقط عن الغالبية إذا تم تحصين رأسين بالحلال لكل عشرة رؤوس و هم بالتأكدين عدد كاف جداً لتكاثر النسل و المفاخرة بأمة محمد المطيرة ، ذلك لأن في العزوبية راحة من كل منغص و حرية بمعناها المفرد و الموسع ، ولو ان عزوبية الأنثى أخف وطأة من عزوبية الرجل في الشرق ، لأن التربية و الثقافة الشرقية تجبر الرجل أن يتكل اتكال كبير على أنثى خادمة في أغلب الأحوال مع إنكار أهميتها في حياته ، و لو نظرنا إلى حال الأنثى فأقول ستكون راضية و مرضية حينما تغلق عليها باب مسكنها فهي مدبرة له و قادرة على صنع الغذاء و الدواء و ما احتاجت إليه .
بالتوفيق لكم

[قـتـالـه]

مو تستغبي اصلا المراء مخلوق ضعيف الشخصيه رقيق
بطئ الاستوعااب


اقول ياحيي ليتنا بليا هالفزعه كان حنا ضعيفات شخصيه وبطيئات الاستوعااب على قولتتس :(

[بريداويهـ]

هكذا هي الحياة
تستمر على وتيره واحده فياتي جيل ويذهب جيل وتتالي الاجيال مقصور على التزاوج والانجاب وقبل كل هذا العشره الطيبه

وايضاً لاتنسي اخيتي شيء واحد وهو عند الحزن والهموم نحزن ونبادر بطرح مشكلتنا لاقرب قريب كي نرمي عن كواهلنا الشيء الكثير
لكن عند الفرح يذهب كسائر الافراح دون ذكر لان انفسنا مرتاحه ولا نحتاج لصديق كي يشاركنا الهموم

والزوجه عندما تحدث قصه معها تبادر لاختها او امها او اقرب قريب بقولها لها لكي تتعايش مع حزنها
وليس كلامها عن المشكله برايي انتقاص من قدر زوجها
لا
بل هي مجرد (فضفضه) لا اكثر ولا اقل


ملخص قولي
ان الحياة تسير على هذا المنوال
فتاره نتعارك
واخرى نتصالح
وكثير من المتزوجين ياتي لحياتهم فتور يحدث بسببه خصام
وبعد الخصام ياتي المصالحه


عموما
باعتقادي ايضاً
ان الحياة كـ كاس الشاي مر مالم تحركيه فيمتزج السكر ويحلو
والمشاكل لابد منها من آن لاخر


وغير ذلك
من يقول لك لاتتزوجي وهو متزوج
قولي له اذا اثبت لي ان الزواج كريه واتركه <-- سيقفون حائرين طبعا ومن ثم يقولون (بسم الله علي)

وخوذيها نصيحه من اخت محبه
الزواج حلاته بمشاكله ومنغصاته ومن ثم التصالح اللذي يليه


ولامانع ان يكون هناك رجال غثثاء ونساء ايضاً غثيثات


تحياتي وتمنياتي لك بزوج صالح

[أســماء]

الله يكون بعونكـ ..


,
,

:)

[بردقـآنه]

والله يآبعدي العررس شرن لابد منه على ماقالوا
والرجل ناشبن بتس ناشبن بتس
بس على أجر إن شاءالله أنتحملهم ويعوضنا ربي بالجنه إن شـآء الله...

:)

[رغــــيد]

والله هو صآدق إمام مسجدنآ , يوم جآء وآحد يسأله عن ولد جيرآننا
لأن ولد جيرآننا هذا خآطب بنت هذا السائل ..
قال الإمام : والله يابن الحلآل الحين البنات مثل الشباب
الواحد كود يسأل عن البنت أكثر من الولد لأن البنات فسقن مثل الشباب
وشوله ما نخلي أحد ما نسأل عنه الخآطب والبنت ما نسأل عنه ..!
[طبعآ مو الكل فسقان ..البعض محشومين حم ]
...
وشوله دايم حاطين حرتنا بالشباب .. وانهم وانهم ...
والبنت ما شاء الله طاهرة مطهرة ...!
<~ أدري ان ردي تقل انه خاطم ..بس لزوم أقوله لأن الحرة دآيم بالشباب..

وصية للشباب >> إذا جيت تزوج إسأل عن البنت وعن أخلاقه ودينه وطبعه واللي تبيه إسأله ...مثل ما أهله يسألون عنك ...
كثرت دشرت البنات الحين ...



والله يآبعدي العررس شرن لابد منه على ماقالوا
والرجل ناشبن بتس ناشبن بتس
بس على أجر إن شاءالله أنتحملهم ويعوضنا ربي بالجنه إن شـآء الله...

:)

يا أختي حرآم عليك ما يجوز تقولين لشيء آمر فيه الله ورسوله شر....!



؛

[صمت الرجال]

خوش بنات عفوا خوش عوانس
خليتس ببيت ابوتس احسن من التشرط

[صرقعة جيل]

أول شي ان حتسي اللي حولنا ثلاث ارباعه بهارات وخرابيط
واكره شي بالحياة ان تقول كل الرجال تسذا < هي تزوجت كل الرجال عشان تحكم عليهم
مثل ماالحريم أجناس الرجال نفس الشيء


ولا وحده قالت كل الرجال انا اللي اقوله كل رجال هالجيل
خرطي الا من رحم ربي

ثاني شيء لازم التشكي لـو هي طلباتها اوامر
والسبب الاول لذالك :
ان المرأة معروفه بتشكي وأنها كفارة العشير < الرسو اللهم صلي وسلم عليه قاله

تخيلي اختي تتصل تشكي لامي تسذب
ماتدخل ولا بمزاج بزراوعمتي تكلم جدتي

ثاني شيء يعني أقاله بتبعد الحسد والعين عنه لان بعضهن هداهون الله موسوسات
لو تجيه كحه قالت أويحي عيين ماصلت على النبي

كل اللي ردوا هنا اتبعوا هالرد


^
الزبده انه إذا ماتزوجت عشاانه فهو عشااني
وعشان أفعل أمومتي < الله يرزقنها يآرب

تفعلين امومتس بتصبيحه خناق ونويمه خناق

وشكرآ

[صرقعة جيل]

سحايب نجدحتى انا بعد اخواتي وصديقاتي كلهن متنكدات بس ماتقدر تطلب الطلاق لانه زوجها وبيتها وماتقدر تستغني عنهم وحتى لو جلست في بيت اهلها اسبوع تلاقيها قلقانه ومنزعجه تبي بيتها والا تدرين خليني اجرب اعرس واعلمتس وش قصتهن (:
ياااااارباه وانا من امس وش اقول
كلنا مانستغني عن الطرف الاخر بس ليه الطرف الاخر
مايعطينا من التقديروالشكر والثناء اللي نحتاجه


احب نفسي
أييه والله ياقلبي ..,,,
ليتهم بس مو قد مسؤليه أخلاقهم شينه بعد ويحسّ أنه لآعصب وجدع عليتس كم كلمه معناته أنه رجل بمعنى الكلمه ..
والله ياموضوعتس بالصميم ومتزديه ..
بس بنبتل نردد هالكلآم ,,
هم يحسون أنك انتي اللي يبيلك تعديل ومستحيل يعترف أحد منهم بخماله وشين طبايعه ,,
بس وش نزيّن .؟؟؟
نعزف عن الزواج مثلآ ؟؟؟
مالتس إلآ تاخذين أبو نفسن شينه وجلدن مروّح وحاولي تكسبين من ورآه أجرّ ,,


وربنا يعيننا .


والله انتس صادزه نصبر ونحتسب

ابو ريما الخالدي1/انت ماخذ الزوجه كاخدامه لك
لا

2/انت ماخذ الزوجه كاجدار ليتحمل كل انفجاراتك
لا

3/ماخذ الزوجه لي تتفرعن وتخرج عضلاتك عليها

لا

اجل ليه ياابو ريما كذا المعامله تجينا
من ازواج هالجيلـ
قرفنـــــــــــــــــآ


المنطق
الرجل على ما تعود عليه

أنت من عوده على هذه الطريقة في التعامل والتسلط

على المرأة أن تدرك ذلك وتبرمجه على طريقتها من أول ليلة ...



انا معك وبقوه بهالنقطه
وكذا مره اطرحه في تجمع نساء
ويقولون لي ماتقدرين ولا باول ليله الخوف يذبح



زين نجد
أولاً لا ينبغي أن نطلق على غير المتزوجة كلمة عانس بل نتلطف قليلاً.

أختي نصيحتي لكِ ولغيرك من الفتيات..

لا تسمعي لكثيرٍ من اللواتي يقمن بسب أزواجهن فو الله إن 90% أنهن كذابات وخاصةً في مجتمعنا هذا.

وأقرئي هذا الحديث :

عن ابن عباس - رضي الله عنهما - قال: قال رسول الله - صلى الله عليه وسلم -: "أريت النار، فإذا أكثر أهلها النساء يكفرن قيل: أيكفرن بالله؟ قال: يكفرن العشير، ويكفرن الإحسان ، لو أحسنت إلى إحداهن الدهر ثم رأت منك شيئا قالت: ما رأيت منك خيرا قط". متفق عليه.
وهل هناك أصدق من أبالقاسم صلى الله عليه وسلم.!

إذاً تأملي هذا الحديث كثيراً.

فعليك الاستدلال بهذا الحديث واعلمي أن غالب من يشتكي هو كذاب ولكن قد تكون بين نساء لم يتزوجن ثم تذكر ذلك خوفاً من العين. أو أنها لا تريد لكن الخير وهذا وارد.. وهذه إنسانة مسكينة مريضة. وعلى من عندها أن ينكر عليها تصرفها.

فهل من العقل أن أشوه سمعت زوجي من أجل الناس.

ألا تخاف الله أن يبدل حالها وهذه لا تأمني لها عقوبةً من الله عاجله..

أختي..

يعلم الله أن الكثير من الأزواج ولله الحمد عندهم حسن المعاشرة والحب فلا يكون مقياسك من الذين حولك فقط فهناك نساء لا يردن الخير لمن حولهن.
قلوبهن ممتلئة على من حولهن ولو كن أقل منهن حالاً وهذا كثير.
فو الله أن الكثير من الذين أعرفهم أنهم ينعمون بحياةٍ هانئة.

صحيح أن هناك من لم يوفقها الله برجلِ شهم ذو مروءة وأخلاق ولكن تأكدي أنهم قلة ولله الحمد.

وارجعي لردود هؤلاء الأعضاء :
هلاوين – بنت منيرة – سحايب نجد- سما

تقبلي مروري،،،


شاكره لك المرور


منذ مبطي
القضيه ابسط من هالاوهام اللي انتم عايشين فيها
كن مع الله يكن معك وثق ان الله يجعل بين الزوج وزوجته موده ورحمه الا الغير موفقين والمشاكل تصير بكل وقت وبكل بيت فلا تتطرفون برأيكم الموضوع اسهل من كذا والحياه اجمل بما يرضي الله
شاكره لك التواجد

شعاع الكون
شوفي حبيبتي ترا بعض الحريم تشتكي من زوجه تسذب عشان ايش على قولته عشان ماتعطى عين
ترا اكثر هاللي تشتكي من رجله تراه عايشه بنعيم لاتصدقينهن
وبعضهن كفارات عشير ياكرهي للمره اذا سبت رجله
المفروض اسراره مع زوجه ماحد يدري بهن حتى لو هي صدز

الله لايبلانا بس



ومشكوره اختي عالموضوع

والكل اخذ هالرد نسخ ولصق بطريقه اخرى

قتالهاقول ياحيي ليتنا بليا هالفزعه كان حنا ضعيفات شخصيه وبطيئات الاستوعااب على قولتتس
ماكذبت ..

[صرقعة جيل]

الدبلوماسيه
هلا أختي صرقعه وش دعوى كل هالكلام الطويل أنتي عاد عند أهلك سالمه خلي عنك وعيشي حياتك وعاد هالحريم أكلنك وجحدن ولاتنسين الحديث القدسي( أنا عند ظن عبدي فليظن بي مايشاء)من أنا جربي بالوتر أنك تدعين بكل اللي تبينه بفارس أحلامك يابعدهم والله أن تتغير نظريتك مايجيك من الزواج أقل شيء ولد صالح يدعو لك اللهم ارزق بنات وأبناء المسلمين ماترضاه منهم يارب العالمين وأبعد عنهم الهموم والغموم يارب العالمين


شاكره لك التواجد



بريداويه
هكذا هي الحياة
تستمر على وتيره واحده فياتي جيل ويذهب جيل وتتالي الاجيال مقصور على التزاوج والانجاب وقبل كل هذا العشره الطيبه

وايضاً لاتنسي اخيتي شيء واحد وهو عند الحزن والهموم نحزن ونبادر بطرح مشكلتنا لاقرب قريب كي نرمي عن كواهلنا الشيء الكثير
لكن عند الفرح يذهب كسائر الافراح دون ذكر لان انفسنا مرتاحه ولا نحتاج لصديق كي يشاركنا الهموم

والزوجه عندما تحدث قصه معها تبادر لاختها او امها او اقرب قريب بقولها لها لكي تتعايش مع حزنها
وليس كلامها عن المشكله برايي انتقاص من قدر زوجها
لا
بل هي مجرد (فضفضه) لا اكثر ولا اقل


ملخص قولي
ان الحياة تسير على هذا المنوال
فتاره نتعارك
واخرى نتصالح
وكثير من المتزوجين ياتي لحياتهم فتور يحدث بسببه خصام
وبعد الخصام ياتي المصالحه


عموما
باعتقادي ايضاً
ان الحياة كـ كاس الشاي مر مالم تحركيه فيمتزج السكر ويحلو
والمشاكل لابد منها من آن لاخر


وغير ذلك
من يقول لك لاتتزوجي وهو متزوج
قولي له اذا اثبت لي ان الزواج كريه واتركه <-- سيقفون حائرين طبعا ومن ثم يقولون (بسم الله علي)

وخوذيها نصيحه من اخت محبه
الزواج حلاته بمشاكله ومنغصاته ومن ثم التصالح اللذي يليه


ولامانع ان يكون هناك رجال غثثاء ونساء ايضاً غثيثات


تحياتي وتمنياتي لك بزوج صالح

امين ادعيلي يالوخيتي بالرجل الصالح




البردقانه
والله يآبعدي العررس شرن لابد منه على ماقالوا
والرجل ناشبن بتس ناشبن بتس
بس على أجر إن شاءالله أنتحملهم ويعوضنا ربي بالجنه إن شـآء الله...


هذا اللي مصبر الحريم

[صرقعة جيل]

خوش بنات عفوا خوش عوانس
خليتس ببيت ابوتس احسن من التشرط

تسلم والله
اكيد لاصار الرجل نفسن شينه وجلدن مروح
بيت ابيي ابرك

[حلاتي بعنادي]

آلنسآء كفآرآت آلعشير .. :(

<~ هذآ آلوآإآقع :(

[حـــكآآيـة رجــل]

هههههههه
الله يعينكم شر البليت مايضحك ...
1 من 1000000 مايعرف حقوق الزوجه شكلك ماره على المليون كلهم وسـآلتهم هههههه
كل الشباب كذا الله يعين بس اجل وش بقى من الشباب اذا كلهم كذا ؟
والله مشكله .!!
من الافضل انك اذا ذكرتي حالات سلبيه اكيد فيه أجابيه اذكريه وخلك عادله بموضوعك ...
وهذي حالآت صعبه تحصريها او تقيميها ..لآنه توفيق من الله
وثانيآ التربيه والتعليم له دور فيهـآ والتفـآهم وغيره حـاجات.
وفيه سلبي وفيه اجابي من كل الجنسين سوى شباب او بنات .
فالآفضل لآ تركزي على جنس معين بعينه
العدل يرضي الجميع ..
على قولتهم ..
عـنــدنـآ وعـنـــدكم خــير ...

[رواسي]

يعني برايكم يابنآت وش رايتس باللي حولتس يشتكن
ماحمت تسبدتس مثلي <<

ألي حولنآ كذآبآت لآتصدقينهم هي كلهآ بس عشآن مآحد يحط عينه على زوجهآ
فعشآن كذآ مآتقول غير العيوب

إنتي رآقبيهآ من بعيد وشوفي حركآتهآ إذآ شآفت زوجهآ :4_1_101[1

[حلاتي بعنادي]

إنتي رآقبيهآ من بعيد وشوفي حركآتهآ إذآ شآفت زوجهآ


100 % :)........

[رمش بقه]

ترا بعض الحريم اللي يششتكن يزوودن ويلخبطن ويكبرن السسالفه
.
يعني ماتعرفين قرق الحريم اللي ماينتهي وتلقينووه كله تسسذب بتسسذب
.
يما علششان العين واللى من هالخرابيط
.
واللى صرااحه كل البنات مايقدرن يسستغنن عن ازواجهن
.
تلقينه طوول الوقت تناظر جواله تحتريه يدق
.
واللى لوو تموتين تنام عند اهله
.
<<تقوول نبي نعرسسس وتجي العافيه

[عازفة ألحان الليل]

الموضوع جميل:) ..لكن للمعلومية لا تخلوا الحياة الزوجية من (مطبات) خصوصا اول الزواج ولكن

(وين الي يصبر <هذة عائدة للذكر والأنثى )

[ـأإكشـن]

موضوعك ياعمري يجعل البنات يعزفن عن الزواج ويسلط الرجال عليهن
اناوجهة نظري تختلف تماما
سبحان الله كلا هالنعم والرجال قشران لابالله رجال قالوقت وش حليلهم احسن من ايام اول بالف مرة ولافيه وجه للمقارنة
يكفي حصوصيتك ببيت مستقل من اول يوم ومراعتهم واهتمامهم بالمراة والاولاد
وشفيهم بالاسواق يا يدوروراه ماسك البيبي ياجالس يلعبهم بالالعاب
ولي يقول غير كذا فهم قلة
اما خروجهم للاستراحات فما يمنع ذلك تغيرجو تغير روتين
مثل ماتبين يبي
وبالعكس اي بنت يأتها الرجال المناسب لاتتاخر ورح تذكرين كلامي
بس بشرط التادب معه وحسن المعاشرة ووصية الاعرابية اللي برابع لاتنسنه وتغاضي وهو يتغاضى والتنبيه يكون غير مباشر وتمشي حياتكم
وسوء التفاهم وبعض المشاكل مافيه بيت مايخلو منها بس صدقوني هي بهارات الحياة الزوجية واحيانا تكونين كنك عريسة ههههههههه
تقبلي فائق احترامي يا صاحبة الموضوع

[على بلاطه]

اااااااه لو كل البنات مثل امي!!

وش فيهم الشبااااااااااااااااااااااااااب

اللي ذكرتي ذولا مايقاسون على الباقي لان الشباب الحين متثقفين اقصد اللي بالعشرينات ويحترمون المرأه ويحطونها بعيونهم بعد

[عذابي غ ــير]

رغيـــد ~

بما انك فتحت باب السؤال عن البنت , فحبيت أنبّه اللي يبغون يسألون عن الفتيات أن لا يسألوا "امرأة" أخرى عنها , الافضل أن يسألوا ذكر


لأن بعض الحريم والعياذ منهم الحقد يسري بدمهم فراح يسبون البنت ويقولون عنها شغلات مش فيها

كل هذا عشان تتفركش الخطبة من الحقد اللي مالي قلوبهم .. :@


موفقين :)

[رغــــيد]

^
صآآدقة كلآمك مزبوط ..الحريم تحط من الحبة قبة ..!
بــس الرجآل ما بيعرفوا يوصفوا ..:(
شكرآ لك ثرثآآرة ;)



/،

[| ~ ســمــو ~ |]

بالعكـــس حبيبتي ..
الزواج - اذا وفق الله - وصار فيه توافق يكون للبنت استقرار عاطفي وسكينه وأمان وحـب ..
وترى الشباب الحين غير اول !!
الان فيه وعي اكثر صاروا يقرون عن البنات وش تحب وش ماتحب
وابشرك صاروا يعرفون الورد الاحمر
ويستخدمون مجموعات جسم من ايف روشيه :)
يعني بقى كم سنه ونصير زي شباب لبنان وسوريا :)

هههههههه تراي صادقه .. الله يوفق شباب وبنات المسلمين :)
ويزوجهم ويرزقهم الذريه الصالحه :)

[بودرة نونو]

الزواج مرحلة من مراحل العمر؛ وكل مرحلة لها ايجابيات وسلبيات ؛ اذا وفق الله بين الزوجين وجعل بينهم مودة ورحمة؛ بيتجاوزون مشاكلهم؛ أما الحريم اللي يتشكن فهو نوع من الفضفضة بعض الحريم تنفس من خلاله؛‏

[باسم الثغر]

لاتصدقن المتزوجات
كل اللي يقولنه من زود الدلع والفضاوة
يعني من زود الحشيمة وشوفة الخاطر والتقدير من الزوج ، صارت الزوجة تدور أي خطأ أو زلة وتسوي منها مشكلة
حتى الزوج يستغرب وشلون صارت هالمشكلة
تلقينها كل الصبح نيمة
وإذا قامت قبل مايجي زوجها الظهر من دوامه
سنت لسانها وبدت تدربه على الصجة واللجة ، وأقل القليل تشكي وتشره على شي ماله داعي

أنا أشوف هالوقت ، والسنين الأخيرة
الزوجات عايشات جوهن ، وهذي هي سنينهن
شي أشوفه بعيني
كل مادخلت سوق أشوف الرجال هو اللي يجر بزرانه وراه والزوجة ماغير تتمخطر وتأشر على اللي تبي ، واشتر يابو العيال
اللي أعرفه من الأقارب والزملاء ماغير حشمة لحريمهم ، وش يبن وش خاطرهن فيه ، وآخر مايفكر فيه نفسه ، وكلش ولازعل أم العيال
وهن ماغير تشكي إذا اجتمعن ، وتقطيع برجالهن


إذا جاكن نصيبكن اتكلن على الله
بس أخاف
بكرى تعرسن وتقولن مثل ماقالن :)


لاأصير طولت بالحتسي