تسجيل الدخول

مشاهدة النسخة كاملة : محتــار . جاني مولود ولاموني على أسمه

العبد الموحّد
12-08-10, 11:21 pm
السلام عليكم

أهلا وسهـــلا

وكل عام وانت بخير والله يتقبل منا ومنكم

أنا رزقني الله بمولود وكان في بــالي أسم معجبني لكن عــارضوني عليه الأهل والاخــوان

القرار طبعاً يرجع لــــي أنا , لكن بستشيركم جميعا عن الأســم هل هو منــاسب أم لا



((( جبـــــــــــــــــــــران)))



بعيد عن المجــامله أرجو أن تضعو وجهات نظركم للاسم
سيدآنه
12-08-10, 11:34 pm
.
.

معناه جميل ... قوي وعظيم وكذا

لكن (لفضه) يفتقد الجمال
ويحسس إنك تسكن البادية !


هذا رأيي بدون مجاملة :)

.
.
أبو الريش
12-08-10, 11:36 pm
هلا والله أبو جبران

أسمه رهييييب أنصحك تسميه

أجل وش تسمي ( علي ولا صالح )

اجزم بــس :)
كلوز
12-08-10, 11:42 pm
جبران على وزن حيران !

لاتحتار وسمي جبران

إسم جميل جدا مع أن لي عم إسمه جبر واعز عم بالهالكون

يسعدك ربي ويتربى بعزك
أسيل محمد
12-08-10, 11:44 pm
والله رايي من رأي الاخت سيدانه .. الاسم معناه جميل لكن لفظه ؟!
وإذا كان معجبك . واللي حولك مااعجبهم .. ترى في البدايه يستنكرونه بعدين لا اخذوا عليه يبي يعجبهم .. مثل اسم مصعب وحذيفه كنت اقول لايمكن يعجبني الاسم لكن بعد ماسما خالي عياله صارن عاديات بالنسبه لي ...

بنات اخوي اسمهن رانسي وتولاي .. قبل مانسميهم تعال شف الطنازه علينا من الناس بس عقب ابدوا اعجابهم فيه ..


اسم جبران ارحم من اسم جابر ..

ذكرني الاسم بالزير سالم ..



اهم شيء رايك ورأي زوجك ..............< ركز ع الاخيره




الف مبروك المولود .. جعله إلهي بارا بكما .. وحافظاً لكتاب الله .. وقرة عين لك ولامه
رآنيآ
12-08-10, 11:58 pm
اسم جبران معقول ومقبول



واحسن من اسم رانسي وتولاي ! < سنه احتريهم يدخلون مزاجي هههههههههههههههههه
معناهم ايش؟
فديكا التميمي
13-08-10, 02:03 am
بعون الله انك بتتنازل عنه من جهتي ثقيل وموب لم ديره ....:)
دِيم
13-08-10, 02:09 am
.
.
:)

بس الشيبان بيكسرون الجيم
جِبران , ويتشوه الإسم ...
سمّه : روّاف أحسن :)
لسان الطير
13-08-10, 02:09 am
بارك الله لك في المولود
لكن الاسم ذكرني بالشاعر المهجري النصراني جبران خليل جبران
القائل في قصيدته
جئت لاادري من اين جئت
ولكي اتيت !
ولقد ابصرت قدامي طريقا فمشيت !!!!



نستغفر الله من الجهل والجهاله
عزازيل
13-08-10, 02:10 am
اسم جميل ، و مهم أن يكون متناسق مع اسم الاب و العائلة
سحايب نجد
13-08-10, 02:10 am
الاسم ثقيل وبكره ولدك اللي بيلومك مو الناس
قـتـالـه
13-08-10, 02:20 am
حلو وبيتعودون بعد فتره عليه والاهم
مراعاة اسماء اخوانه وابوه لازم فيه تناسب ,,
<< تموت على الاسماء الثقيله
مااواطن اسماء البنات الجديده تقل شغالات !
العالميه
13-08-10, 02:22 am
مبروك ويتربى بعزك..
بصراحه مو حلو..الخوف بعدين يقاله (جعران)
الأسماء الحلوه كثيره ليش مصمم على جبران
عندك ..ليث..معتصم..حمزه...مصعب..عساف
سيف...
ياليت تقولي وش معجبك بجبران؟؟
انتظرتك
13-08-10, 02:31 am
وراه هو حصان وإلا طير يوم انك بتسميه جبران !!!!
بنت منيره
13-08-10, 02:33 am
مشكلتي ما اقدر اقول الاسم غريب

مير اكتفي بـ انه ثقيل جدا فوق هذا ابتعد كثير عن حرف الـ(ج)<<<هنا نطقه علووم

ج ود ابعد عنهن <<متعقده
╝◄ ساندرا ►╚
13-08-10, 02:42 am
غير جميل ونطقه ثقيل
لاتخلي الولد يتعقد
شيفه الاسم
>قلنا الصراحه ونتمنا ماضايقناك
أحب نفسي
13-08-10, 02:50 am
أغديك تغيره ,,!!
رواسي
13-08-10, 02:55 am
لآ لآ يآأستآذي لآتسميهـ كذآ حرآم
الإسم مو موآكب للعصر

وإنت لآتستشير شيبآن ولآ نآس تعدى عمرهم 28
لأنهـ خلآص أسمآئهم قديمهـ وصعبة شوي
العبد الموحّد
13-08-10, 06:23 am
أشكر الجميع على المشاركه وماقصرتو

كنت متحدي انا وبعض الناس علشان بوريها الردود المؤيده للأسم طلع العكس ومارح تشوف ولارد

:) :(


موفقين وشهر مبارك
أسيل محمد
13-08-10, 06:29 am
^^^^
انا مااسمح لك ورها ردي .. اعوذ بالله مستكثرين حتى الفرحه عليها .. وهـ بث
مشقاص
13-08-10, 06:40 am
( جيران )

اسم شاعري ياحبي لجيراننا !!
أسيل محمد
13-08-10, 06:42 am
^^^^^
وش جيرانه اقر زين :a4:
يارب انه جبران:c5:
قـتـالـه
13-08-10, 06:47 am
^^^^^
وش جيرانه اقر زين :a4:
يارب انه جبران:c5:


حيران:)
اشوى ان المره مب شايفه رد مشقاص..
مشقاص
13-08-10, 06:50 am
^^^^^
وش جيرانه اقر زين :a4:
يارب انه جبران:c5:


أسف العتب على السمع .!!
أزهار
13-08-10, 06:52 am
مبروك المولود
وجبران اسم جميل
أسيل محمد
13-08-10, 06:56 am
أسف العتب على السمع .!!

اييييه باين ان السمع عندك شجر الله يخلف عليك
مشقاص
13-08-10, 07:07 am
اييييه باين ان السمع عندك شجر الله يخلف عليك


جندوانا

الله يخلف علي اللهم امين شوفي ويش ترجين من
واحد تعدى السبعين أكيد بتصبر الدنيا عنده كلها أثل ..
ليلـ
13-08-10, 07:18 am
ماكثر الله الا الاسامي سمه مثل اسامي الناس
وخل عنك التميز اللي ماله داعي
باسم الثغر
13-08-10, 07:20 am
اسم جبران
احتكرته كم قبيلة من قبائل جنوب المملكة
فهو كثير عندهم

مثل
احتكار اسم صالح وعلي عندنا :)
قـتـالـه
13-08-10, 07:23 am
ماكثر الله الا الاسامي سمه مثل اسامي الناس
وخل عنك التميز اللي ماله داعي


:f5:

:f5:

عندك مثلاً اسم قتال دارج وخفيف وسهل وتراي ماابي سماوه :f5:
ليلـ
13-08-10, 07:29 am
:f5:

:f5:

عندك مثلاً اسم قتال دارج وخفيف وسهل وتراي ماابي سماوه :f5:

قتال اسم دارج امحق درجه وخفه.!
كاسر الحدود
13-08-10, 10:16 am
أسمـــ جميـــل !!

يبدو لي أنك ممن يحبذ الأسمآء ( ذات المعاني ) الغير دآرجه بقوه في مجتمعنـآ !! فكرة جميلة ...

ما رأيكـ بـ( منذر ) < اسم ذو دلاله + خفيف النطق + وغير متسغرب ولافتن للانتباه في نفس الوقت .!
زمن الغرباء
13-08-10, 03:24 pm
يااارب اجعله من مواليد الصلاح والسعادة ..

معناه قد يكون جميل لكن لفظه ...

اسم مالك / رياض / سفيان / شادي /
رائد

ربي يقر عينك ووالدته فيه