شارع القناة وغيرها من شوارع بريدة أعدمت سيارتنا .. من المسئول ؟؟؟

[أحمـــــد]

السلام عليكم ورحمة الله وبكراتة

ما يثير الدهشه والغضب في وقت واحد عن ما تسببه شوارعنا من إنهاك وخلله للسيارات فمثلا عندك شارع القناة في الماضي القريب كان الشارع من أميز الشوراع في مدينة بريدة لا يعاني لا من مطبات أو حفر والتي أعدمت سيارات من يسلك هذا الشارع فالمقاول الذي كان يعمل حفريات واعمال صرف بهذا الشارع لم يقم بسفلتة الشارع بالشكل المطلوب . فمن الواضح أن هناك من يغض الطرف عن مثل تلك التجاوزات لصالح من؟ لا نعلم ذلك .

ولكن هل المواطن أصبح حقل تجارب لكل من هب ودب من مقاولي الصيانة والحفريات في مديتنا الغالية و لا تراعى فيه حقوقة.

أم هل أنه يتم غض الطرف عنه بحيث يقوم بسفلتة بعد الحفر بحيث تكون غير لائقه بميزانية تصرف له بالشي الغير المعقول من أجل أن يتم تعميده مره أخرى بعقد جديد لإعادة سفلتة كامل الشارع ؟؟

من المسئول ؟؟ وأين نحن المواطنين من أهتمام المسئول ؟

أمل إثراء الموضوع لعل المسئول ينتابه الضمير ويعجل بأمر يكون فيه حل لنا مع المعانة التي أصبحت أزمه في مدينة بريدة بأكملها.

ودمتم سالمين

[فارس التميز]

شارع القناةاسفلته دمار
الله واعلم اللي ملبده برجلينه

[شبوه]

صحيح وكلام سليم....

في الدول الاروبية لا يتم زفلت الشارع الا بعد تمديد جميع الخدمات للوقت الحاضر والنظرة التوسيعية فيما بعد ومن تصريف المياة وغيرها ومن ثم يتم الزفلته..

هنا لعبة مسؤلين الان يسرى العطاء او المقاولة على مقاول وذلك بدفع رشوة للموظفين المختصين...وم ثم يسري العطاء ولاجل تمديد الخدمات يتم طرح المقاولة مرة اخرى وبرشوة جديدة ....وبعد تمديد الخدمات يكون الطريق قد تلف لذا تطرح مقاولة جديدة مرة اخرى للصيانة وبرشوة اخرى...وهلما بعد والحبل على الجرار...ومن المستفيد من ذلك هو الموظف الذي اخذ الرشوة...ومن الضحية المواطن والدولة التى تدفع المال اكثر من مرة في طريق واحد وذلك لسوء الادارة من قبل الاشخاص المكلفين وسوء التخطيط...

الى متى هذا الحال...

[لحن المشاعر]

يارجال هذى شي عادي عندنا

والله لو اني مفتي المملكه كان حرمت ان الواحد يشري سياره جديده وفخمه بالسعوديه

[الــمــقــلــع]

ملينا وحنا نكتب مثل هالمواضيع بس ماحولك احد

[هلالي اخلاق]

من المسئول ؟؟ وأين نحن المواطنين من أهتمام المسئول ؟


المسؤول ياحبيبي ابو سلطان امين المنطقة ,,,

موقع مع الرواف اخيس شركة مقاولات بالعالم وجديدة وطارد عنك شركة الفهد والصائغ وغيرها من الشركات اللي عليها العلم .


عاد ماندري منهو شريك الروااااف الله اعلم اسؤلو يمكن تعرفون مين هو ؟؟؟؟؟؟

[عمر العايد]

وش نسوي ملينا وحنا نكتب ونشجب ونستنكر
لكن مافي موجيب أغدي الأمير فيصل بن مشعل يقرأ الموضوع
ويشوف لنا صرفه

[روحي بريده]

الله يعين . والله لوهو ردميه كان احسن من زفلتهم اللي متملعين به.

[ابــو خليـــف]

وانت الصادز قسسسم بالله تعذبنا منهن لو يقشعون السفلت اهون لاكن الله يعين

[ღ♥ღ KSA ღ♥ღ]

انا ارى ان المشكلة اكبر من ماهي ظاهره عليه


الامر يعود الى ان لدينا فساد اداري بشكل عام

اسأل الله العلي القدير ان يلطف بنا وينير طريقنا

[نزف العيون]

حسبي الله على من كان السبب في اعدام سياراتنا

[memo2003]

الشكوى لغير الله مذلة مذلة مذلة

قولوا معايا ورددوا { حسبنا الله ونعم الوكيل }

[قاهر الصحراء]

الله يرحمنا برحمته
انا بعت سيارة جديده وشريت سيارة مستعمله عشان الشوارع انعدمت سياراتي

[عـبدالله بـريدة]

هههههههههههههه لا بعد اصبر خل الله يجيب مطر سنع تشوف تسذبهم حفر ودفن لتصريف ميااه السيول

تصدق ماعمري دخلت منتدى يخص القصيم الا الااقي زي هالمواضيع بس غريبه لا حيااااة لمن تنااااااااااادي


تقبل مروري احمد 000 شكرا

[أحمـــــد]

الجميع مشكوووورين على مرورهم وإبداء إستيائهم حول أعمال الحفر والدفن بشوارعنا ،،

لكن تبون الصدق حسيت ويمكن أني تندمت شوي أني كتبت الموضوع لان أحساسي يقول أن الشخص المسئول عن مشاريع المنطقه والمقاولين العاملين فيها جالس يقراء مثل هذاه المواضيع
وهو مبسوط من الشماته فينا إحنا يالمتضررين ، لانو بأبسط الامور سيارته الخاصه على حساب الدولة أو على حساب المقاول كل سنه يتم تغييرة ،،

لكن الله المستعان وإليه نشتكي من سوء تخبطات الامانه ومن آزرهم من الدوائر الحكومية ذات الصله بالموضوع

دمتم سالمين

[k a r o m]

لاحياات لمن تنااادي


هو بس شارع القنااة .

[روحي بريده]

وانت الصادق السياره من المقاول

[أحمـــــد]

الله المستعان بس

[Digimon]

على فكرة وكما يقال بمجلة القصيم باحد الاعداد من عام 1998 تقريبا
انه قدرت ميزانية انشاء شارع القناة وفروعه ب 21 مليون ريال
21 مليون ريال كما يزعم ولم يزع حتى نخل او شجر منذ انشائة وطتويره في عام 1412

[عاشق الاكسنت]

مشكور وماقصرت موضوعك مهم جدا>>> انا موتري جديد وعلطول تفكك لو يشيلون الزفلت ويخلونه ردميه اصرفلهم لان الردميه احسن من الزفلت الي ذاليننا عنده

[أحمـــــد]

هههههه الله يهديك يا عاشق لا تفتح علينا باب مصكوك الحين يسمعونك ثم فعلا يقشعون الزفلت همن عاد ربص مرو لحد ما يسوون ردمية ،، تراهم يتهددون على الشيل والحط

وه بس يا تسبدي

[الحلم المستحيل]

مشكور وماقصرت موضوعك مهم جدا

[صوت]

انا أمنية ارسلها من هنا ..

ان اعرف الآلية التي تستلم البلديه من خلالها الشوارع بعد عملة الحفر والصيانه ..!
هل هناك آليه .!!
ولا اظنها احفر وادفن على هواك ..!!
اقسم لكم ...
اتمنى ان ارى هذه الالية والنظام ...!!


افففففففف بسسسسس .!

تحياتي لك

[loqpol666]

كل السبايب من ولد الصايغ ،،

[عطري فرنسي]

لا صار مافيه ضمير تبي تشوف العجب

[أبوحــمــد]

أنا أتمنى يجي وقت أمر من عند القنااة ولا أجي حفريااات وألقى طريق زي المسلمين ..
مهب مثل الي قباال الونياان أعوذ بالله يالعبوا فيه لعب مهب صااااحي .. :s !!
لكن نقول ماكل مايتمن المرء يدركه .. !!

[معاد بدري]

عند انعدام الأمــانه ..
وتســليم الأمور لمن هو ليس بكفء،، تحصل الكارثــــــه !!

[عبدالمجيد الكريديس]

والله اذا تبون الجد
ترا شوارعنا زينه مقارنه مع الشرقيه =)

,’

بس انا ما امداي مطقم مساعدات جدد وماتمن شهرين الا تفقعن

بالله عليك وش هالشوارع وغير هذا بلك وسط شارع عام وش هالتخلف !!!!!!!!!