راعيات القطط ... مجرد تساؤل !

[انتظرتك]

http://byotna.kenanaonline.com//photos/1173777/1173777380/medium_1173777380.jpg





القطط من الحيوانات الأليفة المحببة للكثير ( وتكون مبغضة ) لدى البعض ..
ويكثر تربيتها داخل البيوت وقد يتراوح عمرها مابين 13 و 15 سنة
وقد يصل عمرها إلي 19 سنة ..
وتلد الأنثى من 3 إلي 8 بعد فترة حمل 63 يوماً وقد تقل أو تزيد ..


مايهم أن القطط مباح تربيتها ومنهي عن بيعها كما جاء في صحيح مسلم :
عَنْ أَبِي الزُّبَيْرِ قَالَ سَأَلْتُ جَابِرًا عَنْ ثَمَنِ الْكَلْبِ وَالسِّنَّوْرِ( القط )
قَالَ : "زَجَرَ النَّبِيُّ صَلَّى اللَّهُ عَلَيْهِ وَسَلَّمَ عَنْ ذَلِك "
فمن أرادت قطة عليها تجنب شرائها ,,


مادعاني للحديث عنها هو تعجبي من حب الفتيات الشديد للقطط !
فمحال أن تسأل فتاة عن حبها للقطط وتجيبك بإنها تكرهها
ولو علمت بكرهك لها لاستثارت وغضبت منك ولوصفتك بالقسوة ايضاً ...!


فهل السر في حبهن للقطط هو ذلك الحنان الزائد المتفشي بنفوسهن ؟
أم أن هناك أمر آخر نجهله ؟

[قـتـالـه]

يالبا البسينات بعد ,,
انا عن نفسي احبهن واموت على المواليد منهن
احب اغفصها واصرخ عليها واذا شفتها مرتاعه ضميتها :a5:
ودي اوريك صوربستنا البيضا توحش تاخذ العقل علشان تدري ليش نحبهن بس مامعي الوصله وانا بسفر ..
حتى بساسة الشوارع الصغار اذا شفتهن صرت اعضض اصابعي اموت عليهن :b8:

[X 7oor S3od X]

فمحال أن تسأل فتاة عن حبها للقطط وتجيبك بإنها تكرهها

لا بالله .. أنا اتقزز منهن ولا أواطنهن http://www.buraydh.com/forum/images/icons/icon9.gif
مره بخّت بي بسه وحنا بالمزرعه لا عادت عليه < كل مابي من شعـره وقفت من الروعه http://www.buraydh.com/forum/images/icons/icon10.gif
وهي هجّـت وضربت داويّـه وأنا أدعي عليه .. الله يعـطيك ويرتميك http://www.buraydh.com/forum/images/icons/icon10.gif
ومسألة تربيتهن بالبيوت وخمخمتهن ماخشت مزاجي ولا فيه أمل اقتنع به ..!
بس ماانكر ان بعـضهن طخم كلهن ملح http://www.buraydh.com/forum/images/icons/icon10.gif

[| ~ ســمــو ~ |]

بالنسبه لي ما اواطنهن ولا احب احد يقربهن لي :(

[إنسانة غير]

بالنسبة لي أموووووت على القطط بس مستحيل ألمسها

أو أجيبها تعيش معي بالبيت

بس أطالع صورها من بعيد بالنت أو برى البيت

خخخخخخخخ

http://up4.m5zn.com/9bjndthcm6y53q1w0kvpz47xgs82rf/2009/12/3/04/rqpm9lydx.jpg

[سلطانة]

وووووووووووووووهـ بس فديت البساسه كلهن
انت جرب مره تربي بسه وشف خفة الدم على اصوله والملح والزين والقبله
انا سبب حبي لهن ان ابوي الله مير يحفظه ويطول بعمره على عمل صالح وصحه وعافيه هو وامي والمسلمين من يوم وحنا صغيرين معودنا عليهن فتربينا وحنا نحبهن ونربيهن وننام معهن وندلعهن حتى اضفناهن لدفتر العايلة

[زمن الغرباء]

ذقت العذاب من كرهي لهن ..
الى درجة اني أفكر أعالج بطريقة التدرج ..
يعني على شوي شوي ..

ماراح انسى ضحكهم علي اذا رحنا لعمتي لان عندهم بسة بس ماتت الحين ..
بس قلقة وياما رحت منا وياما رحت مناك ..

والمشكلة ان بعض الناس مايصدق يحسب اني ابالغ ..

شكرا جزيلا
وموفق باذن الله ..

[" TWIX "]

أنا أتوقع سبب تربيتهن للقطاوة وحبهن الزائد
لأنهن في المستقبل يبن يصيرن مربيات لأولادهن وبناتهن فأخذن القطاوة كتجربة
مثل ما تدخل بنتك أو ولدك للروضة يسخن للدراسة الحقيقية ..!!
..
اما بزاريننا عندهم عداوة أزلية مع كل واحد اسمه قط أول ما يشوفونه كل واحد يأخذ أقرب
ما عنده ثم تبدأ المطاردات والمضاربات ..!!
..
تصلح بموضوعي .. صور متناقضـــــــــــة ...http://buraydh.com/forum/images/icons/icon10.gif

[باسم الثغر]

يارجال
مهب البنات اللي يربن البساسة
واحد من الزملاء أخوه بعمر الـ 18 تقريبا مربي له بسة
ولاهب رخيصة شاريها غالية ، ولها أوراق وجواز وحركات
يقول الرجال :
ماغير أشغلتنا هالبسة ، وكل فترة يروح فيها للرياض ماأدري يعالجها أو يسوي لها فحص شامل ، وشكلهن لهن دكتور نفساني :)
حنا موفرين أنفسنا بمستشفيات حكومية وشلون هالبسة :)
وكل يوم والثاني يحوم يدورها فوق الجدران ماغير ضايعة أو حابة تجلس لحالها == شكلها تحب الوحدة

قلت له :
شكل هالبسة تحب ، وانتبهوا على بستكم من عرابجة البساسة اللي يحومن بالشوارع ، خصوصا اللي عيونه تلاقط :)

[دِيم]

.
.

:)

أي حيوان أليف لازم أسوي بيننا علاقة ودية ... سواء قطة , غنمة , هامستر , ناقة ,
لكن ما يأسرني هي : الأرنب :) :) :)
القطة مهما يكن تربية شوارع , حتى وإن ادعت الرقي :)
لكن الأرنب ماتسيع بالشوارع , أحس بها روح الأمومة ,,, ( أحيلك إلى أنشودة : آل الأرنب لـا أمو اسمحيلي روح إلعب )
ودائماً تأتي بأفلام الكرتون : أم لابسة مريلة طبخ وحولها فطافيطها ....

,

:)

[بسومة بريده]

انا وعيالي وبناتي نكره جميع الحيوانات وخاصة القطط...

حتى اليوم الي اشوف فيه البسه اكره عشاي وغداي وفطوري ...

[أســماء]

:(

اكره القطط :( واتوحش منهم كل الحيوانات الاليفه احبهن الا القطط ..<< مدري وش السبب :(

[نور الهبدان]

وكل يوم والثاني يحوم يدورها فوق الجدران ماغير ضايعة أو حابة تجلس لحالها == شكلها تحب الوحدة


ههههه حركات الأخت رومنسية ..

عني أنا أكره جميع الحيوانات أليفة وغير أليفة<< :b3:

[ملح ـوس]

ياخي ذكرتن بالبس ( سعيدون) الي كان عندنا يوم انا بزر

اذكر انه اشهبن الهب عاد ذاك الوقت كل الخلق شهبان واذكر لاسمع ابوي يقرقش بالباب

جا يمشي مليون للباب ..

وكان من الوفاء الي عنده يسرق لحم من الجيران ويجيبه لنا ههههههههههه

ايام ماكان بين الجيران باب << يازين ذيتس الايام

المهم هذاك الوقت توه جاي دجاج الشوايه قام الوالد الله يقومه بالعافيه جاب دجاجه

اول مره نشوفه ولكن من الشفاحه ماعطينا البس شي لانه شويه علينا ههههه

وقام البس يخابط وينطنط يبي لو نتفة ولاعطيناه يوم ايس راح منكسر خاطرة

واختفى كم يوم شكله زعل .. المهم لاعادت على هاكالدجاجة عطانا عين مابعده عين

كلنا في ذيك الليلة المشؤمة طرشنا يعني استفرغنا

بس لو تشوفه اشهب ومخطط برمادي

ياخي ذكرتن بالدنانة والنباطة اطلق وسائل ترفيه

[●● غندوره ●●]

قلبت المواجع علي
انا امـــــــــــــــــوت بشي اسمه بسه و امنتي اربي بس امي الله يهداها حالفه ما تدخل بيتنا بسه
بس لو اشوف صوره لهن احس شوي و ابكي ابغى اربي بسه ..........احد يتوسط لي عند امي

[بنت منيره]

>>وقسم الكلب ارحم من البساسه >>متعوده على كلابه ماتعرف للبساسه هههههههه

اكره ما اشوف البسه جرثيم وبلاوي ماعمري لمسته ولا قربت منه

ولا عندنا انسانه شرسه الا وحده هي اللي تحب البساسه ولا الباقي نفضل التسلاب هع

>>تحك راسه لا تصير قتاله بنت عمه تسانتس بنت عمي فا انا ابقتلك جداعه بستتس في بيت عمي ومهاجمتنا ومنكده القعده علينا

[نبض قلب]

ذكرتني بصديقتي بالكليه كانت تجي الصبح وكل تنورتها شعر ابيض من حبيبة القلب

يشرونها ب1000 وال2000

وفي النهايه هي من تنقل لهم الامراض

ارى انه تقليد لا اكثر

[الاخطبوط المرقط]

انتظرتك .. فيه مدامات تكره القطط ولا تواطنهم بعيشة الله.

[دِيم]

ارى انه تقليد لا اكثر


من يقول ..؟

تربية القطط لم نأخذها ممن تزعمين أننا نقلدهم...

,
تعرفين أبو هريرة ؟

[سيميــآء \=]

فمحال أن تسأل فتاة عن حبها للقطط وتجيبك بإنها تكرهها
الا انا .. اكرهه واخاف واتقرف منه..! وجنيتي ولا بسة ..!! :( http://www.buraydh.com/forum/images/icons/icon11.gif

ولو علمت بكرهك لها لاستثارت وغضبت منك ولوصفتك بالقسوة ايضاً ...!
..لا والله بعذرك والله يلوم اللي يلومك ..!ععع:(http://www.buraydh.com/forum/images/icons/icon11.gif

[قـتـالـه]

>>تحك راسه لا تصير قتاله بنت عمه تسانتس بنت عمي فا انا ابقتلك جداعه بستتس في بيت عمي ومهاجمتنا ومنكده القعده علينا

لا بستي ناعمه ورقيقه مالها بالمعافر وبعد تعرف تقول ياحيي :g6:
وع يالتسلابه والله من القمل قولي السلوقي اهون .. احب اناظرهن من بعيد خاصه المرقطه ,,

[اللص الصامت]

اتدلل عليهن من بعيد ايه
المسهم لاااا
>>مو مقتنعه بتربيتهم ابدددددد

[بنت منيره]

لا بستي ناعمه ورقيقه مالها بالمعافر وبعد تعرف تقول ياحيي :g6:
وع يالتسلابه والله من القمل قولي السلوقي اهون .. احب اناظرهن من بعيد خاصه المرقطه ,,

خخخ لا بستك الله يقطعه دخلت علينا بالغرفه ومير نقوم نصارخ ونهبل ولا لا اني تعوذت من ابلس ولا كان ذبحته>>يقالي بطله خخخخ

الكلب وع >اجل منتب بنت عمي بنت عمي مستحل تجرح احساس الكلب تجي تلحقه معنا هع

[عذبـــــة]

البسه وما أدراك ما البسه
يازينها وياحلوها
بس لايغرنكم بساسة الشوارع القذرات اللي ماتربن
شوفو اللي متربيات صح وبنات حموله طيبه وجميلات
شهادات تطعيم وجواز سفر .. والله لو احلف ان مافيه ولا ربعكم معه جواز سفر وهي تتندح من دولة لدولة بنت العز والدلال
وغير هذا اكلها من برا .. ومتنوع ..
شِي سمك شِي دجاج شِي مرءه شِي اكلات مجففه
انتم اذا اتقطعتوا من التنويع سويتو دجاج فحم ودجاج مندي وبيوم ميلادكم سويتوه مشوي
ولها بيتها الخاص الللي اذا شفتوه ودكم انتم تسكنون فيه
ولها امشاطها الخاصة وبودرتها وعطولها الخاصة
وغير هذا تعليقاتها الراقيه الحلوة
والله لو هذي وحده منكن الاقيها ماتغير الشباصة اللي بشعرها اسبوعين متتاليين
بس شوفو البسة المتربية بنت العز كل يوم لها جرس وتعليقة لون وشكل
ارخص بسة من بنات العز صح مو الخرابيط بقيمة الف وسبع مية ريال هذي ارخصهن

انتم ياشباب خلوكم على اكل النيص والجراد والقنافذ والضفادع ابرك لكم
وخلو البساسه والاشياء الناعمة واليااي للبنوتات

[أسيل محمد]

مادعاني للحديث عنها هو تعجبي من حب الفتيات الشديد للقطط !
فمحال أن تسأل فتاة عن حبها للقطط وتجيبك بإنها تكرهها
ولو علمت بكرهك لها لاستثارت وغضبت منك ولوصفتك بالقسوة ايضاً ...!


فهل السر في حبهن للقطط هو ذلك الحنان الزائد المتفشي بنفوسهن ؟
أم أن هناك أمر آخر نجهله ؟


اكيد انا احب الحيوانات الاليفه بغض النظر عن انها قطو او غيره بس ماعمري خاطرت ولمسته.. إلا إذا كانت ربوه ..
واكثر شيءاحبها الأرانب انظف والطف
وفي الوقت الحالي اتوقعها تقليد لا اكثر ..

[روعة الكون]

ياحبي لهن بعد احسهن بريئات قوه :(
اما عن اننا ليه نحبهن فالحب شيء من الله :)
يعني عندك بعض الناس عندهم النياق اغلى من عيالهم :)


سلآمي

[جبل السكر]

استغرب حقيقه من جلب البعض لها للبيت
وتربيتها وغيرها من الحيوانات

والله مزاج البعض هندي واحيانا اوروبي:36_1_1[1]





تحيتي

[╝◄ ساندرا ►╚]

ارحمهن اذاشفتهن لكن مااواطن المسهن او اقرب لهن

[الأعرابي]

الأمر الذي تجهله تعرفه لكن خبرنا عنه وش بالك

[روح لايسعهآ جسـد]

لا مااحب القطط
ولا جميع الحيوانات

[طحنفوص المجانين]

أم أن هناك أمر آخر نجهله ؟


نعم هناك أمر آخر نجهله الا وهو أن بعض البنات تخرج منهن رائحة تشبه رائحة التونة من أجل ذلك تلاقي القطة تلتصق بالأنثى والأنثى بطبيعتها مغناطيس ( حنونة ) أي حاجة تلصق فيها تمسك فيها مدري الظاهر قلوبهم من حديد والله اعلم !! ياعم محمد قضايا الأمة العربية كثيرة واحنا قطط وكلاب ومياوْ ليه داخلين حديقة حيوانات http://www.buraydh.com/forum/images/icons/icon10.gif

[محبة الجنان]

مو الكل عن نفسي ما أحبهن
بس هذا مايمنع أني اشوف صورهن
لكن على الواقع لا

[عذبـــــة]

نعم هناك أمر آخر نجهله الا وهو أن بعض البنات تخرج منهن رائحة تشبه رائحة التونة من أجل ذلك تلاقي القطة تلتصق بالأنثى والأنثى بطبيعتها مغناطيس ( حنونة ) أي حاجة تلصق فيها تمسك فيها مدري الظاهر قلوبهم من حديد والله اعلم !! ياعم محمد قضايا الأمة العربية كثيرة واحنا قطط وكلاب ومياوْ ليه داخلين حديقة حيوانات http://www.buraydh.com/forum/images/icons/icon10.gif

كان الريحة اللي تطلع من البنات ريحة تونه فأنتم أكبر قطاوة :c7:

[رواسي]

لأنهم حلوآت الصرآحهـ
العيون خيآل والفم واللسآن أحمر

[وضوح]

حقيقة منظرها حلوو لكن لو تمر من جنبي
ماتحصلني الا فوق السطوح :)

مره تسببنا انا واختي بميل صف كامل في الحرم بسببها
مااختارت الا انا وإياهـ تبغى تدخل بيننا ولخبطت الكل والله يقبل الصلاة
راحت إلتفات وضحك خوف ..!:)

[عذبـــــة]

حقيقة منظرها حلوو لكن لو تمر من جنبي
ماتحصلني الا فوق السطوح :)

مره تسببنا انا واختي بميل صف كامل في الحرم بسببها
مااختارت الا انا وإياهـ تبغى تدخل بيننا ولخبطت الكل والله يقبل الصلاة
راحت إلتفات وضحك خوف ..!:)


يخيتي بعذرك اذا خربتي الصف وانهبلتي
لأن هالبسة بسة ماتربت قليلة أدب بنت شوارع وش ترجين منها ؟ تبينها تستأذن منك قبل تمر من جنبك ؟
البسة المتربية بنت الحمولة لو تاخذينها معك لأكبر مناسبة ماتفشلك
تلاقينها هادية ولعوب وتجنن أأدب من بزارينكم
ادعي ربك يقبل صلاتك اللي خربتها بنت الشوارع ترى ربي غفور رحيم

[عازفة ألحان الليل]

اقرب حيوان الى نفسي هي القطط :)

بالنسبة لي اعشق جمالها وخفة حركاتها والوانها وملمسها الناعم وبختصار كل شيئ فيها

[" TWIX "]

أنا عندي قطوة شاريها من باريس أمها روسية وأبوها نرويجي ..!!
إيقالي ولد نعمة ..http://buraydh.com/forum/images/icons/icon10.gif

[ريداويهـ]

أنا وإن كنت أحبّها ,, لكن لاأحب جلبها إلى البيت وتربيتها وحتّى لمسها ’,.
قد يكون تعاملي معها من بعيد إلى بعيد ’,.




.

[oldman]

السلام عليكم

عندي وحدتن تطير بوهته http://www.egyptsons.com/misr/images/smilies/old/o_o.gifوتتغير خشتهhttp://smilles.5d5l.com/smile_albums/agner/3s083.gif وتبدا ترقل :for4: وتصك على نفسها الغرفه لاوالله ماأطلع لمين تظفون هالشي من البيت
(خاصتن إذا بخت البسه يغمى عليه وينخطف لوونه وشهر تفزفز من نومه وتهذري به )
جبت ارنبين بشبك ابي أفرح البزران به ويوم طلعت وجيت لقيتهن بالسور مجدوعات والباب مغلق بالقفل الأسود الكبير http://forum.z7mh.com/images/fisat/119.gifمع الانذار والكرت الأحمر بالمرات القادمه لي ولبزاريني http://www.htoof.com/vb/images/smilies/3.gif
http://www.egyptsons.com/misr/images/smilies/old/sadwalk.gifماتسد فرحنا بحيوان اليف بالبيت http://www.halaq8.com/vb/images/smilies/smilies2/a065.gif
انا أرى أنها صادقه وبعدين انظف وارتب للبيت http://vadrouilles.moto.free.fr/smileys/kickedoutsmile.gif إللا غصبhttp://www.buraydh.com/forum/images/icons/icon11.gif
-
سبحان الله وبحمده
.... عدد خلقه ... ورضا نفسه .... وزنة عرشه .... ومداد كلماته ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

[عازفة ألحان الليل]

http://www.educdz.com/montada/imgcache/28569.imgcache.jpg

:) :)

[oldman]

أذكر مبطي يوم الغنم خمس واللحمه تحمس حمس قبل اربعمية سنه عندنا شاته خروفه ( تسذا يسمونه أولhttp://vadrouilles.moto.free.fr/smileys/yourecute.gif) نجديه
كانت أختنلي تخاف من اللي يمشي على اربع وماتواطنهن بعيشة الله خاصتن أمهات بطانية سوداء وكنا ببيت شعبي وجايبين الشات داخل البيت (مادري وشوله عجزت اتذكرhttp://www.redcodevb.com/smiles/smiles/7/www.hh50.com-Smiles-Fear-Thought-0712.gif) انطلقت الشاته والحقت اختي http://smiles.oo3o.com/yellow-smiles/images/1/p%20(4).gifالذروقه وتهج أختي وتدخل بغرفه ويوم جت تصك الباب على نفسها والله وتقوم تدف الشات الباب http://smilles.5d5l.com/smile_albums/other/3s030.gifوتدخل معه http://www.halaq8.com/vb/images/smilies/smilies2/h015.gif ويو دخلنا واثرها بين الحياة والموت وتشاهق ولونها صاير ليموني
اشوا انها مانهبلتhttp://www.hyatuha.com/vb/images/smilies/smilies/86.gif علينا ولا انفضخ قلبها http://smilles.5d5l.com/smile_albums/small/25.gif

http://smilles.5d5l.com/smile_albums/small/78.gif<--يدور شي بمخباته خخخ
-
سبحان الله وبحمده
.... عدد خلقه ... ورضا نفسه .... وزنة عرشه .... ومداد كلماته ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

[قـتـالـه]

اي شي صغينون احبه ,,
وغد بسه .. وغد ادمي ..حتى وغدان البراغي اموت عليهن:a5:
القطوه الصغمبوطه تخلي مشاعري تهدر هدران مب طبيعي ,,
واعزو السبب الحقيقي لحبي للبساسه انها مطيعه وتجيلي على الكيف
يعني لو امسك بزر ناس واعضه صرخ وفضحني عند امه
القطيوه ماتسوي شي اذا ضميتها قوه ترمش بعيونها بس :for8:

[انتظرتك]

يالبا البسينات بعد ,,
انا عن نفسي احبهن واموت على المواليد منهن
احب اغفصها واصرخ عليها واذا شفتها مرتاعه ضميتها :a5:
ودي اوريك صوربستنا البيضا توحش تاخذ العقل علشان تدري ليش نحبهن بس مامعي الوصله وانا بسفر ..

حتى بساسة الشوارع الصغار اذا شفتهن صرت اعضض اصابعي اموت عليهن :b8:


قتاله

من ردودك كنت احسبك شقرديه
وبالاخير طلعتي راعية بساسه !
يازين من ضف اللي يحوسن بشارعنا وجدعهن بوسط حوشكم
علشان تشوفين بساسه الشوارع على اصولهن ,,,

[انتظرتك]

لا بالله .. أنا اتقزز منهن ولا أواطنهن http://www.buraydh.com/forum/images/icons/icon9.gif
مره بخّت بي بسه وحنا بالمزرعه لا عادت عليه < كل مابي من شعـره وقفت من الروعه http://www.buraydh.com/forum/images/icons/icon10.gif
وهي هجّـت وضربت داويّـه وأنا أدعي عليه .. الله يعـطيك ويرتميك http://www.buraydh.com/forum/images/icons/icon10.gif
ومسألة تربيتهن بالبيوت وخمخمتهن ماخشت مزاجي ولا فيه أمل اقتنع به ..!
بس ماانكر ان بعـضهن طخم كلهن ملح http://www.buraydh.com/forum/images/icons/icon10.gif





حور

انتي بخه وانتهت
بس انا وش اسوي كل ماغسلت الموتر
جن وتسلطن وتبطحن فوق التنده و ......... على القزازه اللي قدام
يعني شف وش سوينا !!

[انتظرتك]

بالنسبه لي ما اواطنهن ولا احب احد يقربهن لي :(

سمو

أحسن لك
عسانا نتحمل بزاريننا بنتحمل البساسه بعد !

[>ريانه<]

عاد الا البساسه ياحبيلهن
عندنا في البيت بستين لوسي +سالي <<موت اساميهن هههههههههه
لكن خطيرات عندهن مواهب وحركات بهلوانيه

[عذبـــــة]

السلام عليكم

عندي وحدتن تطير بوهته http://www.egyptsons.com/misr/images/smilies/old/o_o.gifوتتغير خشتهhttp://smilles.5d5l.com/smile_albums/agner/3s083.gif وتبدا ترقل :for4: وتصك على نفسها الغرفه لاوالله ماأطلع لمين تظفون هالشي من البيت
(خاصتن إذا بخت البسه يغمى عليه وينخطف لوونه وشهر تفزفز من نومه وتهذري به )
جبت ارنبين بشبك ابي أفرح البزران به ويوم طلعت وجيت لقيتهن بالسور مجدوعات والباب مغلق بالقفل الأسود الكبير http://forum.z7mh.com/images/fisat/119.gifمع الانذار والكرت الأحمر بالمرات القادمه لي ولبزاريني http://www.htoof.com/vb/images/smilies/3.gif
http://www.egyptsons.com/misr/images/smilies/old/sadwalk.gifماتسد فرحنا بحيوان اليف بالبيت http://www.halaq8.com/vb/images/smilies/smilies2/a065.gif
انا أرى أنها صادقه وبعدين انظف وارتب للبيت http://vadrouilles.moto.free.fr/smileys/kickedoutsmile.gif إللا غصبhttp://www.buraydh.com/forum/images/icons/icon11.gif
-
سبحان الله وبحمده
.... عدد خلقه ... ورضا نفسه .... وزنة عرشه .... ومداد كلماته ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

شوف ياجدي
انت لاتجيب لها ارانب علطول كباار عليها وهي تخااف
جب لها هامستر صغنون وخلها تصرخ لها يومين وبعدين بتتعود
وبعدها كل يوم جب لها حيون اكبر من اللي قبله الين تربط في حوشكم بقره وهي تضحك
ماتلاقيها الا تحلب من بكرا

[انتظرتك]

بالنسبة لي أموووووت على القطط بس مستحيل ألمسها

أو أجيبها تعيش معي بالبيت

بس أطالع صورها من بعيد بالنت أو برى البيت

خخخخخخخخ

http://up4.m5zn.com/9bjndthcm6y53q1w0kvpz47xgs82rf/2009/12/3/04/rqpm9lydx.jpg


انسانه

شكلك خوافه
مانتي مثل اللي تحضنها وتلعبها وتسبحها
وتنومها بسريرها ...


ويحمد ربه البس اللي بالصوره انه ماعاش بالسعوديه ,,

[’ ŚĀM]

اكره الحيوانات لي البسه ! :)

[طنجرتين مجدرة]

انا بكره كل الحيوانات

وع قرف ووساخه

عساي اربي عيالي وبناتي وانتبه لهم اجيب لي همن ثااااااني

جبت لي مره ارنوبات وسمك ابرد خواطر هاللي عندي لانه يحبونهن بس طيحت اللي براسهم

وعطيتهم عيال الجيران وافتكينا

[قـتـالـه]

البسينه تتمسح فيك وتلاعبك وتنام بحضنك وبس ودها تعطيها وجه ..
واذاخربتها معها مره وغيرت نوعية القواطي اللي هي متعوده عليها
امطرتك بوابل من نظرات الامتنان ,,
وفيه .. توحون اقول وفـيـه لصاحبتها ماعندها ازدواج مشاعر
تحب اكثر واحد بالبيت يلاطفها ولا تتعدى حضنه لحضن غيره ,,
احلى شي اذا سمعت باب البيت ينفتح وراحت تركض تشوف مين جا :g1:
البسينه شروف بس على ملح ,,

[طحنفوص المجانين]

عندنا في البيت بستين لوسي +سالي
عسى ماضفتوهم في كرت العائلةhttp://www.buraydh.com/forum/images/icons/icon9.gif .. لو قالوا اكفل يتيم قلتو الله اعلم بالحالة http://www.buraydh.com/forum/images/icons/icon8.gif

[سَـاكنة القـلب]

كناري ، سلحفاة = الله يلوم اللي يلومكم
سمك = حلو
أرانب = مقبولة

لكن بسه !!!
لا لالا من جد ما أتحمل !!
سبحــــان الله تعجبت كثير من الردود !!
توقعت الأغلبية ما يدانونها !!
لأن مره حصلنا موقف ..
صديق أبوي مهديه بسه مدري شنوعها
بس غالية ..
واهديناها جيرانا وجيرانا مدري من اهدوها
المهم قعدت تتنقل لين رجعت لنا ثاني مره : (

[انتظرتك]

وووووووووووووووهـ بس فديت البساسه كلهن
انت جرب مره تربي بسه وشف خفة الدم على اصوله والملح والزين والقبله
انا سبب حبي لهن ان ابوي الله مير يحفظه ويطول بعمره على عمل صالح وصحه وعافيه هو وامي والمسلمين من يوم وحنا صغيرين معودنا عليهن فتربينا وحنا نحبهن ونربيهن وننام معهن وندلعهن حتى اضفناهن لدفتر العايلة

سلطانه


طيب ابوك الله يحفظه ليش ماعودكم على اشياء ثانية غير البساسه
ليش ماعودكم على السمك مثلا
أو الطيور الحلوه
مثل الكروان والبلابل والببغاء
يعني أي شي غير البساسه ,,,

[بنت ذاكـ الأمير]

انا عن نفسي يعجبن شكلهن واحب اناظرهن بس..

يعني من بعيد لبعيد..

وبنت خالتي مهبله بنا بس تربي بساسه وتشريهن غاليات ولهن جوازات وحركات ..

وبشكل دوري تروح للمستوصف تطعمهن..

وشاريه لهن ملابس وفساتين خاصه فيهن...

بس بصراحه مسببه لنا قلق ما احب تقرب لي ...

[عذبـــــة]

وبشكل دوري تروح للمستوصف تطعمهن..



ههههههه اي مستوصف بس ؟؟
شكلك تسمعين بالتطعيمات

[كلوز]

ههههههههه
ربعنا مايعرفون للرومنسيه ياانتظرتك

مجرد تقاليد فقط

[انتظرتك]

ذقت العذاب من كرهي لهن ..
الى درجة اني أفكر أعالج بطريقة التدرج ..
يعني على شوي شوي ..

ماراح انسى ضحكهم علي اذا رحنا لعمتي لان عندهم بسة بس ماتت الحين ..
بس قلقة وياما رحت منا وياما رحت مناك ..

والمشكلة ان بعض الناس مايصدق يحسب اني ابالغ ..

شكرا جزيلا
وموفق باذن الله ..


زمن الغرباء



انا مقدر الشعور الصعب اللي ياخذ موقف سيئ صعب أنه يتخلص منه ,,

[انتظرتك]

أنا أتوقع سبب تربيتهن للقطاوة وحبهن الزائد

لأنهن في المستقبل يبن يصيرن مربيات لأولادهن وبناتهن فأخذن القطاوة كتجربة
مثل ما تدخل بنتك أو ولدك للروضة يسخن للدراسة الحقيقية ..!!
..
اما بزاريننا عندهم عداوة أزلية مع كل واحد اسمه قط أول ما يشوفونه كل واحد يأخذ أقرب
ما عنده ثم تبدأ المطاردات والمضاربات ..!!
..

تصلح بموضوعي .. صور متناقضـــــــــــة ...http://buraydh.com/forum/images/icons/icon10.gif




اللي أمه راعية بساسه قبل عز الله بيشوف حنان ماشافه احد ..
بس الله يستر من مستقبل الولد وش بيصير !!

ولا تذكرنا بالماضي
اول كنا نعتبرها إهانه لو يمر بس بشارعنا
البس اللي يمر بشارعنا يحرم مره ثانيه انه يوطوط حوله ,,,

[انتظرتك]

يارجال
مهب البنات اللي يربن البساسة
واحد من الزملاء أخوه بعمر الـ 18 تقريبا مربي له بسة
ولاهب رخيصة شاريها غالية ، ولها أوراق وجواز وحركات
يقول الرجال :
ماغير أشغلتنا هالبسة ، وكل فترة يروح فيها للرياض ماأدري يعالجها أو يسوي لها فحص شامل ، وشكلهن لهن دكتور نفساني :)
حنا موفرين أنفسنا بمستشفيات حكومية وشلون هالبسة :)
وكل يوم والثاني يحوم يدورها فوق الجدران ماغير ضايعة أو حابة تجلس لحالها == شكلها تحب الوحدة

قلت له :
شكل هالبسة تحب ، وانتبهوا على بستكم من عرابجة البساسة اللي يحومن بالشوارع ، خصوصا اللي عيونه تلاقط :)



باسم الثغر

الحين الولد هذا لو هو مربي له كم جوز حمام
مو احسن له ..
صح ان السمعه بتصير بالحظيظ
بس احسن له من البساسه
على الأقل بيتكسب من بيع فراختهن ..
والبسه هذي مصيره بيلقاها بحضن بس من بساسه الشوارع
او بيلقاها موطيه بشارعهم ,,,

[انتظرتك]

.


.

:)

أي حيوان أليف لازم أسوي بيننا علاقة ودية ... سواء قطة , غنمة , هامستر , ناقة ,
لكن ما يأسرني هي : الأرنب :) :) :)
القطة مهما يكن تربية شوارع , حتى وإن ادعت الرقي :)
لكن الأرنب ماتسيع بالشوارع , أحس بها روح الأمومة ,,, ( أحيلك إلى أنشودة : آل الأرنب لـا أمو اسمحيلي روح إلعب )
ودائماً تأتي بأفلام الكرتون : أم لابسة مريلة طبخ وحولها فطافيطها ....

,


:)



إنسانية


بعد البحث عن معنى هامستر
اتضح لي أنه فار
ليتنا باقين على البساسه احسن !



كنت متوقع يا إنسانية إنك ما تطلعين من المكتبة
وإن طلعتي رحتي للمطبخ تآكلين وترجعين
بس للأسف صرتي راعية سنتره قدام الافلام الكرتونية !!
أنا بدوري أحيلك لأنشودة : أمي ربة بيتٍ :)

[شامخه الذات]

وهـ فديت البساس الراقيه والمرتبه والجميله

بيتنا للأسف لم يحظى بتربيه السيده بسه مع أن والدتي تكره كره العمى

صديقاتي عندما أزورهنت تنبهني والدتي إحذري من بستهم لايسبب لك تساقط بشعرك

طلعت والدتي تكره بسبب الامرض

كافانا الله شر الامراض

[انتظرتك]

انا وعيالي وبناتي نكره جميع الحيوانات وخاصة القطط...

حتى اليوم الي اشوف فيه البسه اكره عشاي وغداي وفطوري ...


بسومة


مو الي الدرجه
لازم بعض الحيوانات يحبونها
مثل البعارين والغنم وش الحياة بدونهن ,,,

[انتظرتك]

:(

اكره القطط :( واتوحش منهم كل الحيوانات الاليفه احبهن الا القطط ..<< مدري وش السبب :(


اسماء



والله غريبه
ماكنت اتوقع اني بلاقي بنت تكره القطط !
بس حصلت كذا وحده تقول نفس كلامك ,,

حلو يعني فيه بوادر خير ,,

[انتظرتك]

عني أنا أكره جميع الحيوانات أليفة وغير أليفة<< :b3:

نور

حرام عليك
والله يافيه حيوانات ودك بس تتربعين وتتفرجين عليهن ..
مثل القروده :)

[انتظرتك]

ياخي ذكرتن بالبس ( سعيدون) الي كان عندنا يوم انا بزر

اذكر انه اشهبن الهب عاد ذاك الوقت كل الخلق شهبان واذكر لاسمع ابوي يقرقش بالباب

جا يمشي مليون للباب ..

وكان من الوفاء الي عنده يسرق لحم من الجيران ويجيبه لنا ههههههههههه

ايام ماكان بين الجيران باب << يازين ذيتس الايام

المهم هذاك الوقت توه جاي دجاج الشوايه قام الوالد الله يقومه بالعافيه جاب دجاجه

اول مره نشوفه ولكن من الشفاحه ماعطينا البس شي لانه شويه علينا ههههه

وقام البس يخابط وينطنط يبي لو نتفة ولاعطيناه يوم ايس راح منكسر خاطرة

واختفى كم يوم شكله زعل .. المهم لاعادت على هاكالدجاجة عطانا عين مابعده عين

كلنا في ذيك الليلة المشؤمة طرشنا يعني استفرغنا

بس لو تشوفه اشهب ومخطط برمادي

ياخي ذكرتن بالدنانة والنباطة اطلق وسائل ترفيه


ملحوس

هذا آخرتها مع سعيدون
كل عمره يسرق من الجيران ويجيب لكم
وتمنون عليه بقنزة دجاجه !



آه يالنباطه
ياشيخ رجعتني زمان
أيام ماكنا نتقاط علشان نشري سيور
ونسرق زبيريات من المسجد ونقطعهن علشان الجلده !

[انتظرتك]

قلبت المواجع علي
انا امـــــــــــــــــوت بشي اسمه بسه و امنتي اربي بس امي الله يهداها حالفه ما تدخل بيتنا بسه
بس لو اشوف صوره لهن احس شوي و ابكي ابغى اربي بسه ..........احد يتوسط لي عند امي



غندوره


سلميلي على امك اعجبتني ...
خليها كذا على حلفها أحسن من أنه تصير بيتكم مجمع بساسه ,,

[قـتـالـه]

بسومة


مو الي الدرجه
لازم بعض الحيوانات يحبونها
مثل البعارين والغنم وش الحياة بدونهن ,,,

يمه ياانتظرتك بعارين عاد !
البعير مااحد يقدر يدلله او يسبحه او يفك له قوطي لحم زي حقات البساسه ,,
بعدين البعارين ماتحب الحريم يجفلن لشافن السمار مااعدن بعض الاوادم

[ميرنون]

http://www.w6w.net/album/185/w6w_w6w_2005042614534312860ca65971.jpg

انتظرتك هذا النوع يستاهل التقدير :)

أما اللي تتواجد عند القاذورات
لا تعني لي شيئاً ،،


،


تقديري‘

[لمعةالألماس]

.. البسه أحبها يوم أنا صغيره > طفله , والحين أتقرررف إذا شفتها,,
حتى بنتي ما تحبها أبد ..

>> تذكرت بنت أختي الصغيرة إذا شافت البسه يجيها حالة هستيريه من الخوف:)
ههههه

القطة مهما يكن تربية شوارع , حتى وإن ادعت الرقي
:)
هههههههههه هذي نكته ,, حلوة منك يا انسانية جداً,,



..............

شكرا لكـ

[انتظرتك]

>>وقسم الكلب ارحم من البساسه >>متعوده على كلابه ماتعرف للبساسه هههههههه

اكره ما اشوف البسه جرثيم وبلاوي ماعمري لمسته ولا قربت منه

ولا عندنا انسانه شرسه الا وحده هي اللي تحب البساسه ولا الباقي نفضل التسلاب هع

>>تحك راسه لا تصير قتاله بنت عمه تسانتس بنت عمي فا انا ابقتلك جداعه بستتس في بيت عمي ومهاجمتنا ومنكده القعده علينا


بنت منيرة


اسألك بالله
وش كنتي تشربين وانتي تكتبين هذا الرد !

[بنت منيره]

بنت منيرة


اسألك بالله
وش كنتي تشربين وانتي تكتبين هذا الرد !



هوو انتظرك ليه تسالن بالله
والله ما اتذكر اني اشرب شئ
بس بلاك اننا نلاحق كلاب>>الله اكبر يا انتظرك ماعندكم مزرعه به تسلاب؟؟
الكلب اخف دم من البسه >>متعوده على الكلاب
على العموم الكلب مايجوز تلمسه ولا شئ بس يوسع صدرك بالمزرعه البس البنات حطاته وسايد لهن واذا قلت لهن شئ قالن ابو هرير رضى الله عنه>>يييع قرف القطووه

ايه صح يوم اكتب ارد كنت توي جايه من عمي وقطووة بنت عمي لعبه فيني لعب وقسم بالله عنز اكا البسه دخلت علينا وفحطت بيننا >>هذا سبب الحقد للبساسه

[انتظرتك]

ذكرتني بصديقتي بالكليه كانت تجي الصبح وكل تنورتها شعر ابيض من حبيبة القلب

يشرونها ب1000 وال2000

وفي النهايه هي من تنقل لهم الامراض

ارى انه تقليد لا اكثر

نبض



وعساك تسلمين عليها وتفطرين معها ؟
لصارت تصبح وتمسي على بستها
انصحك تبعدين عنها ,,,

[ربيع بريدة]

على كل من تحب تربية القطط والتعامل معها :الحذر.. الحذر
فالقطط ناقلة لداء التوكسوبلازموسييس(داء القطط) وهو يصيب النساء...وقد يؤدي لاقدر الله الى الاجهاض المتكرر حمى الله اخواتنا منه.

وتقبوا تحياتي؛؛؛

[انتظرتك]

انتظرتك .. فيه مدامات تكره القطط ولا تواطنهم بعيشة الله.


الاخطبوط


صدقني من الردود بس عرفت هالشي ,,,

[سيدة الظلام]

مافي احسن من البسس جنان ياقلبي عليها
عندنا بالكوم اسلاف عندنا ^^
ههههههههههه

[حسبي ربي]

أووووه .. عندنا حب الحيوانات وراثة وخاصة القطط

دايم أمي تقول لنا قصص عن مغامراتها مع القطط وعن طرق التربية الصحيحة ها ها..

من أول ما انولدت كل فترة نربي بس ما نتعدى سنتين..
قبل سبع سنوات التقيت بعنتر وحبيته كثير كثير " ويدعى أيضاً بالنمر"
وقبل خمس سنوات.. استلمت هدية من بنت خالتي مفاجأة وكانت قطة شيرازية اسمها نانا "بنت عنتر"
بس أخوي يسميها فتحية.. ومع الوقت صار الاسم الرسمي لها "فتحية"

http://img103.herosh.com/2010/08/01/447756974.jpg (http://www.herosh.com)

حملت ست مرات ، و أنجبت العديد من الأبناء الصالحين ومنهم..
الآنسة فلاكي:

http://img105.herosh.com/2010/08/01/214550601.jpg (http://www.herosh.com)


---------------
ليه أحبهم ؟ مدري وناسة و أنا عندي أحد مسؤولة عنه.. كذا أروح السوبر ماركت أشتري لها أكل
و أروح للبيطري يكشف عليها وهي حامل و أسولف معها و أصورها وهكا ('.')

[سيدآنه]

.
.

وين يودّن كومة الحنان اللي بهن ؟؟

.
.

[انتظرتك]

فمحال أن تسأل فتاة عن حبها للقطط وتجيبك بإنها تكرهها
الا انا .. اكرهه واخاف واتقرف منه..! وجنيتي ولا بسة ..!! :( http://www.buraydh.com/forum/images/icons/icon11.gif

ولو علمت بكرهك لها لاستثارت وغضبت منك ولوصفتك بالقسوة ايضاً ...!
..لا والله بعذرك والله يلوم اللي يلومك ..!ععع:(http://www.buraydh.com/forum/images/icons/icon11.gif


سيمياء

البساسه لأننا تعودنا نشوفهن بوسط الزبايل وانتي بكرامه
صرنا نتقرف منهن حتى لو سبحوهن كل شوي ,,


بس وش سالفة اللي بتوقيعك ..

[انتظرتك]

لا بستي ناعمه ورقيقه مالها بالمعافر وبعد تعرف تقول ياحيي :g6:


وع يالتسلابه والله من القمل قولي السلوقي اهون .. احب اناظرهن من بعيد خاصه المرقطه ,,


قتاله
من وين تشترين لها قواطي اللحم ؟؟؟

[انتظرتك]

اتدلل عليهن من بعيد ايه
المسهم لاااا
>>مو مقتنعه بتربيتهم ابدددددد


اللص الصامت

المشكله مافيه دلال من غير لمس وتحضّن ,,,

[انتظرتك]

خخخ لا بستك الله يقطعه دخلت علينا بالغرفه ومير نقوم نصارخ ونهبل ولا لا اني تعوذت من ابلس ولا كان ذبحته>>يقالي بطله خخخخ


حسيت انها مسافره وحاطه البسه عندكم
زين أنها مهب تقرب لنا ,,

[اوكسجين بريده]

آعتقد بسسب آلنعومه فقط
لكن مو آي قطه يحبهآ آلجميع ,,

تقبل مروري

[انتظرتك]

البسه وما أدراك ما البسه
يازينها وياحلوها
بس لايغرنكم بساسة الشوارع القذرات اللي ماتربن
شوفو اللي متربيات صح وبنات حموله طيبه وجميلات
شهادات تطعيم وجواز سفر .. والله لو احلف ان مافيه ولا ربعكم معه جواز سفر وهي تتندح من دولة لدولة بنت العز والدلال
وغير هذا اكلها من برا .. ومتنوع ..
شِي سمك شِي دجاج شِي مرءه شِي اكلات مجففه
انتم اذا اتقطعتوا من التنويع سويتو دجاج فحم ودجاج مندي وبيوم ميلادكم سويتوه مشوي
ولها بيتها الخاص الللي اذا شفتوه ودكم انتم تسكنون فيه
ولها امشاطها الخاصة وبودرتها وعطولها الخاصة
وغير هذا تعليقاتها الراقيه الحلوة
والله لو هذي وحده منكن الاقيها ماتغير الشباصة اللي بشعرها اسبوعين متتاليين
بس شوفو البسة المتربية بنت العز كل يوم لها جرس وتعليقة لون وشكل
ارخص بسة من بنات العز صح مو الخرابيط بقيمة الف وسبع مية ريال هذي ارخصهن

انتم ياشباب خلوكم على اكل النيص والجراد والقنافذ والضفادع ابرك لكم
وخلو البساسه والاشياء الناعمة واليااي للبنوتات

عذبه


حسيت أن البساسه أهم منا
أحنا نمرض ونموت ماحد درى عنا ...

والأكل أن وافقنا أهلنا يتعشون قلطنا معهم
والا مالنا إلا مطاريس المطاعم ...


بعدين عن الغلط ياراعية ورق العنب ,,

[انتظرتك]

اكيد انا احب الحيوانات الاليفه بغض النظر عن انها قطو او غيره بس ماعمري خاطرت ولمسته.. إلا إذا كانت ربوه ..
واكثر شيءاحبها الأرانب انظف والطف
وفي الوقت الحالي اتوقعها تقليد لا اكثر ..


جندوانا


أشوف الارنب ماشي سوقه بينكن
غريبه وش معنى الارنب !



مصيبة أن كان الأمر مجرد تقليد
لأننا نخشى أن يتطور الأمر إلي تربية الكلاب

صحيح يوجد الآن من يربي الكلاب
لكن عددهم لا يذكر ....

فكما هو معروف أن الكلاب نجسه وآثم مربيها
بعكس القطط ,,,

[بنت رجـــال]

يممممممممه أنآ اخاف ألمس أي شيء غير الأنسان .!
عندي فوبيآ ضدّ كل كل كل شيء وتجين حاله هستيريه أفقد توازني وأطيح مغمن عليّ .!~~

وهـ كل شيء عندي يخوّف خصوصآ البساسه والحمآم ~~~~

شكرآ لك

[قـتـالـه]

قتاله
من وين تشترين لها قواطي اللحم ؟؟؟

انت تزعلني منك ياانتظرتك
بستي ماتاكل قواطي وع
المنيو حقها يختلف على مدار الاسبوع
مرقوق بالفقع .. وكبسة لحم حاشي
وتحلي بتطلي :4_1_6[1]:

[مطزاز]

اي شي يحب الزبايل وياكل فيران اكرررررررررررررررررررررررررررررهه يع يعيين

[قوتشي]

والله خــــــوش موضوع ,,

اثر " البس " مب هين
له قصص وحكايات مع العالم ,,

والله عسنا نربي عيالنا نربي قطاووه

[●● غندوره ●●]

غندوره


سلميلي على امك اعجبتني ...
خليها كذا على حلفها أحسن من أنه تصير بيتكم مجمع بساسه ,,



لا الله يهديك انا قلت بسه وحده بس ولا ثنتين وان كثرة ثلاث......وحده ما كثرة ههههههه

[●● غندوره ●●]

غندوره


سلميلي على امك اعجبتني ...
خليها كذا على حلفها أحسن من أنه تصير بيتكم مجمع بساسه ,,



لا الله يهديك انا قلت بسه وحده بس ولا ثنتين وان كثرة ثلاث......وحده ما كثرة ههههههه

[انتظرتك]

ياحبي لهن بعد احسهن بريئات قوه :(
اما عن اننا ليه نحبهن فالحب شيء من الله :)
يعني عندك بعض الناس عندهم النياق اغلى من عيالهم :)


سلآمي


روعة الكون

على الأقل النياق وراهن منافع كثيرة
بس البس وش وراه غير المضره ,,,

[انتظرتك]

استغرب حقيقه من جلب البعض لها للبيت

وتربيتها وغيرها من الحيوانات

والله مزاج البعض هندي واحيانا اوروبي:36_1_1[1]






تحيتي



جبل السكر



لا تطنزين يكره يبلاك ربي
وتربين بدل البسه ذاك اللي مايتسمى ...

[انتظرتك]

ارحمهن اذاشفتهن لكن مااواطن المسهن او اقرب لهن


ساندرا



سبحان من زرع الرحمة بنفسك ,,,

[عذبـــــة]

عذبه


حسيت أن البساسه أهم منا
أحنا نمرض ونموت ماحد درى عنا ...

والأكل أن وافقنا أهلنا يتعشون قلطنا معهم
والا مالنا إلا مطاريس المطاعم ...


بعدين عن الغلط ياراعية ورق العنب ,,

انا انصح كل سعودي مضطهد من اهله والناس اللي حوله ومأكول حقه انه يستخير الله ويصير قطوة ويحس بالدلال والحنان
اقل شي بيحصل له انه بيقابل وحده تاكل ورق عنب مو نيص وضفادع وجراد

[انتظرتك]

الأمر الذي تجهله تعرفه لكن خبرنا عنه وش بالك


الأعرابي



أصبحت نظرتي قاصره لهن ,,

[انتظرتك]

انا انصح كل سعودي مضطهد من اهله والناس اللي حوله ومأكول حقه انه يستخير الله ويصير قطوة ويحس بالدلال والحنان
اقل شي بيحصل له انه بيقابل وحده تاكل ورق عنب مو نيص وضفادع وجراد



هذا أن دل على شي فهو يدل
على خيبتكن
اللي حنانكن ودلالكن توهبنه للقطاوه !!!!!

[انتظرتك]

لا مااحب القطط
ولا جميع الحيوانات



روح


جميع الحيوانات !
ليه ياكافي ..

والله فيه حيوانات نتحب ,,

[الأرجوانه]

وااو من يحصله يربي بسه خصوصا الامريكيه ...

~> ناويه تشري بسه ...


السرآآحه اموووت عليهن ..


آمآ عن سبب حبهن .. اتوقع الشكل يجذب ..!


تشكرآتي

[انتظرتك]

نعم هناك أمر آخر نجهله الا وهو أن بعض البنات تخرج منهن رائحة تشبه رائحة التونة من أجل ذلك تلاقي القطة تلتصق بالأنثى والأنثى بطبيعتها مغناطيس ( حنونة ) أي حاجة تلصق فيها تمسك فيها مدري الظاهر قلوبهم من حديد والله اعلم !! ياعم محمد قضايا الأمة العربية كثيرة واحنا قطط وكلاب ومياوْ ليه داخلين حديقة حيوانات http://www.buraydh.com/forum/images/icons/icon10.gif[/center]


موقوف من قبل الإدارة


الله يرزقنا كثر ماوقفت الادارة من الأعضاء !


عموماً
ترى مايصلح تصير كل الوجبات رز ولحم
لازم منهن تصير نواشف على الاقل ,,,

[بندر الحمر]

شكرا جزيلا لك اخي الغالي

موضوع جميل

احب ان اضيف تنبيه لمن يتعامل مع القطط

>>> قصة واقعيه حصلت لإحدى البنات الصغيره في العمر

اخذت المشط وقامت بتمشيط القطه

وقامت بعدها بتمشيط اختها الصغرى بنفس المشط والتي صفصفت به شعر القطه

بعد ذلك ..... وبعد ايام قليله

بدأت تشعر الام بتساقط لشعر بنتها

حتى اصبحت بدون شعر

وامها تعيش حاليا بحاله محزنه

وابنتها تلبس باروكه مع عدم وجود حل حتى الان رغم زيارتهم للعديد والعديد من العيادات دون جدوى

[الأرجوانه]

شكرا جزيلا لك اخي الغالي

موضوع جميل

احب ان اضيف تنبيه لمن يتعامل مع القطط

>>> قصة واقعيه حصلت لإحدى البنات الصغيره في العمر

اخذت المشط وقامت بتمشيط القطه

وقامت بعدها بتمشيط اختها الصغرى بنفس المشط والتي صفصفت به شعر القطه

بعد ذلك ..... وبعد ايام قليله

بدأت تشعر الام بتساقط لشعر بنتها

حتى اصبحت بدون شعر

وامها تعيش حاليا بحاله محزنه

وابنتها تلبس باروكه مع عدم وجود حل حتى الان رغم زيارتهم للعديد والعديد من العيادات دون جدوى


مشكوور على التنبيه


من اللحين اقولك هالبنت منهبله .!!

ولاوش بيخليه تمشط اخته بنفس المشط ~>ههههه صارت البسه زي نضافتنا


تشكرآتي

[عذبـــــة]

هذا أن دل على شي فهو يدل
على خيبتكن

اللي حنانكن ودلالكن توهبنه للقطاوه !!!!!


القطوة تستاهل
اعطيها حناني ودلالي ولا تطلع وتخليني بأنصاص الليالي وتروح تونس خلق الله بالإستراحات
ولا تطلع تسربت طول الليل وتجيني ببلاويها كل صباح
اعطيها حناني ولا تروح تتزوج علي فلبينيه ولا اندونيسية وتتركني مثل الكنبه بزاوية البيت
هالكتوه ماتفارقني ولا دقيقه .. تستااهل حناني وزياده
انتم وش فيكم شي يجذب عشان نحن عليكم ؟
لا اطباع زينه ولا اشكال مقبولة ولا كلام حلو
يااااربي الجنة

[الأرجوانه]

^^^^


هههههههههههههههههههههههههههه آلله يرج بليستس يآعذبه ..

[نونـــــــــــــه]

احب القطط صور فقط
اما الطبيعه مافي امل اشوفهم بخااااااااف

[انتظرتك]

مو الكل عن نفسي ما أحبهن
بس هذا مايمنع أني اشوف صورهن
لكن على الواقع لا



محبة الجنان ,,


ترى الصور دوم كذابه
ياما جميلات كنا منخدعين فيهن على الشاشات
يوم شفناهن على الطبيعة كرهناهن ,,,

[مشاكسة]

أخر شي أفكر فيه

أردي نفسي لحيوان !

والله لا يفتنا

[انتظرتك]

كان الريحة اللي تطلع من البنات ريحة تونه فأنتم أكبر قطاوة :c7:


بس مو كل الشباب يحبون البنات ,,

[انتظرتك]

لأنهم حلوآت الصرآحهـ
العيون خيآل والفم واللسآن أحمر


فتاة نادرة


فم ولسان احمر !!
ليش انتي بتجغفينهن مع خششهن ...
ياستي من وين لهن الحلا
لا تخدعن انفسكن ,,,

[قـتـالـه]

بس مو كل الشباب يحبون البنات ,,

يمكن يحبون شي ثاني :f5:

[انتظرتك]

يمكن يحبون شي ثاني :f5:



الله اعلم ..ماحط بذمتي شي :)

[انتظرتك]

حقيقة منظرها حلوو لكن لو تمر من جنبي
ماتحصلني الا فوق السطوح :)

مره تسببنا انا واختي بميل صف كامل في الحرم بسببها
مااختارت الا انا وإياهـ تبغى تدخل بيننا ولخبطت الكل والله يقبل الصلاة
راحت إلتفات وضحك خوف ..!:)



وضوح


يقولون دايم الخواف مبلي << اكذب هذي من عندي

وأحمدي ربك دام الدعوه قطوه
وماصليتي مع ناس العقارب يحوسن تحتهم !

[أبو الريش]

هذا بلاك باللي يتمقل كثير بالتلفزيون وياخذ طبايع غيره,,

ولا وش يجيب بنت شهباء لهباء تربي قطط ,,يقاله سويسريه وهي من خب,, يعني يوم تربي قطه تبي تصير ناعمه, غصب مايجي والله لو تربين فراشه نظرتنا للخشونه بكن ماتتغير خصوصا للي مثل هالنوعيه المنحطه,

اتوقع القط متعذب وهو بين ايديهن عاد الله من قل السنع تلقاه مصبخ ووصخ ماينظفنه لان بالاصل مانظفن بيوتهن ينظفنه لانه كل شيئ بأيد الخادمه الله يخليه ,,

عموماً عقلية من تربي مثل هالنوعيه اكتب على المسمين الرجال ببيوتهن خرفان