تمقلوا بتشارلز دا سيلفا حقنا الجديد .. :)

[شاطئ الراحة]

نبي نغير من الطرح المعتاد .. و نكون قريبين لبريدة وناسة أكثر .. :)

واحد من أخوياي بوليفي .. يقول لي باللاتيني طبعاً :) بس أروح أترجم لوه .. يقول : أعلمك يا شاطئ أن تشارلز صفقة كبير .. قلت وشلون قال : تشووووف خير ... المهم رفيقي هذا لوه نظره ثاقبة بالكورة البوليفية .. يعني تقدرون تقولون عنه أنه يبخص الدوري البوليفي .. المهم مالنا بالطويلة و هي قصيرة .. << هوشة .. :) .. قال لي البوليفي رفيقي أتحفظ عن اسمه ( يمكن أحد الأندية يبون لاعبين أخدمهم ) .. شف هالروابط هذا لهالمجنون تشارلز .... الصراحة أنه فاااااول متعوبن عليه << من زين الفاول يخطم الهرج ... الثمرة .. أن هاللاعب يبزخ بزخ .. يعني ما يعرف حنا أعيال عم و جيران .. أو تراه كوره ما تسوي تبزخه هالبزخه ... نرجع لمحور حديثنا ... اللاعب هذا يا جماعة الخير بوه ثقل دم ما يلاحن .. إذا شاف المرمى استهاشت رجله ما شاء الله عليه و تكامخت رجلين الحارس و الدفاع .. تف تف ما شاء الله عليه ... يالله خلونا مع هالمقاطع أنتمقل بهن قبل 4 رمضان إذا قسم الفاس الراس نصين .. :)

هذا قاول .. رجت المدرجات منوه ..
http://www.youtube.com/watch?v=IHuLcYy1iQ4&feature=related

و هذي عرضية تبرد التسبد .. به ملح و قبله ..
http://www.youtube.com/watch?v=t9CDKv1u3nY

و هذا مقطع طويل .. و يوسع الصدر .. :)
http://www.youtube.com/watch?v=BtznY3ngBs0

مجنون تشارلز .. يبزخ الكورة بيد اللاعب يحب العناد يبي بنلتي .. :)
و تنلفز الكورة بالمرمى من اللاعب الثاني ..
http://www.youtube.com/watch?v=kSEcP_H0CWI


و كونوا بالقرب .. رفيقي البوليفي عنده مقاطع أد الدونيا .. :)
لا أحد يزعلن ترى ما زجيب لكم مقاطع .... :)


وش أنت يا تشارلز بريطانيا عندووووووه ..
يا بقتن بـ بورمث .. :)

سلام يا بشوات ..

[ولد بريـده]

كفووو يا حظره العمده

كفو ثم كفو ,. و الله يكون بعون الشباك و الله يا هي تبي تمزق تمزيقاً << صووح اللغه

صلاح الدين و تشارلز و الحكمي و المشعل و الغوينم و الخير والخوجلي مع المهاجم الاجنبي
ناااااار يا حبيبي ناااااار

[البركان الشبابي]

لله درك ياعميدنا

[ابو هليل]

الله يستر لا يكون مثل اللي لعب مع فريق الجنوب قبل كم سنة ..!!!


عموماً دعواتنا للجميع بالتوفيق

[عقب العصر]

اجل يستهيش لا شاف مرمى
الحقيقة ما اقدر اعبر ولا ادري وش اقول
بس الله يعين من يعادينا

[لآ تغ ــرك آلضحكة]

بـالتووفيق له :) ..

[جنرال وسهم خسارة]

بوليفي هههههههههه
وش هي بوليفي

[بردقوش]

عوافي على المقاطع الرائعة

شكلك تبي ترفع الضغط والسكر

عند بعض ناس

انتظرواالمفاجئة الرابعة

مع الشيخ فهدمش حتئدرتغمض عينيك

[بريداااااوي]

مبروك للرائد التعاقد مع تشارلز نجم الدوري الباراغوياني سابقاً وافضل لاعب بالدوري البوليفي 2009 ..
وغيرنا يوهم نفسه بأن المجلات المقدونية تتكلم عن لاعبينهم هههههههههههههههههه

[Dreams]

سالفة ابوتا بالمقاطع وخرو عنه ويوم جاء مايعرف يثبت كوره وبالاخير منشطااااات !!!


بأنتظار فترت الانتقالات الشتويه وبأنتظار البوووووووووز للبوليفيا

[نزف العيون]

نااااار نااااار نااااارحبيبي الرائد ولع نااااااار

[رائد نت]

ديسلفا يبرد التسبد
والاهم من ذلك ان اخر لقاء لعبه مع فريقه السابق
قبل 13 يوم ... يعني المزع وارد وبقوه من البدايه
والعيديه مهب بعيده

[عميد اندية القصيم]

هههه حلو السرد

هذا تهديد ووعيد مبطن يا شاطيء الراحة

لاعب ممتاز بس ان شاء الله الحكام يضبطون الحيطة لاننا تعودنا بالدوري السعودي الحيطة تتقدم نصف المسافة قبل يشوت اللاعب

[صاحب السمو]

عطنا تاريخ اللاعب الكروي وماذا قدم
اما فاول ومقطع لايتجاوز دقيقتين فأنتهى زمنها /صاحب يتذكر برونو

[ابراهيم المزيني]

اتوقع يفيد الرائد بالتوفيق له

[رشاش أحمر]

هذا الولد رائع ....... ننتظر 8/10/1431هـ يوم الجمعه مع الجيران

[رولكس]

..




الهم يامالك الملك ويامجيب الدعوات ..



اللهم ياحي ياقيوم أثلج قلب أخي شاطئ الراحة بالإيمان والطمأنينية كما أثلج صدري هاذا اليوم ..





يالبا قلبك ياعميدنا ..




تصدق حسيت ان الاهداف للكيان ,,




..



روولكس

[مع الحدث]

ألف مليون مبروك ...... مبروك أقولها لكل جماهير الرائد مشجع فرد محب عاشق
للكيان الرائدي .... أقولها من القلب لعميد القلوب شاطيء القلوب
يقولون بإن هُناك إحباط أصاب مدرجات (الرعد ) بعد التوقيع مع اللاعب
بتشارلز داسيلفا (المرعب ) ..!

[القلب المفتوح]

مع احترامي لك

فكل لاعب يأتي لرايد ( ينعمي ) وينزل لمستوى لاعيبته
وما نحن عن ابوتا وكامبوس ببعيد

ابوتا هداف الدوري قبل ان يأتي لرايد ولم يسجل سوى هدف واحد ؟؟؟؟؟؟؟

كامبوس اول موسم ابدع ولكن بعد ان تمرغ في عشوائية ادارة الرايد وجماهيره انتكس وصار لاعب اقل من عادي ..

اقسم بالله اني لم اشاهد المقاطع لضيق وقتي ولكني اجزم ان اي لاعب مهما يكن عندما تطأ اقدامه نادي الرايد ينتكس ويكون عاله على نادي الرايد والسبب معروف ؟؟؟

[مترف]

والله يانا خريته يوم شفت اهدافه
اشوني اشجع رائد ..

[متى نصعد]

ماشاءالله وش هالمدفعجي بديت أتنافض وأنا أشجع رائدالتحدي من زينه

وشلون المتعصبين من بنوتعاون لاشافوه ياشاطئ أكيد تبي تصيرحالتهم غثووووووووووووث

الحمدلله اني أشجع رائد منعم الله علينا برئيس ملياردير

أي لاعب يقدريجيبه ولوكان عند الجار مثل حكمي

[متى نصعد]

مع احترامي لك

اقسم بالله اني لم اشاهد المقاطع لضيق وقتي ولكني اجزم ان اي لاعب مهما يكن عندما تطأ اقدامه نادي الرايد ينتكس ويكون عاله على نادي الرايد والسبب معروف ؟؟؟


تقسم انك لم تشاهد أهداف تشارلزلضيق الوقت وأنت كل وقتك ساكن بالمنتدى بس ماتتحمل أعصابك تشاهد المدفعجي تشارلزززززززز

ماتنلام كله شهرين وتشاهد أهدافه على الطبيعة في مرماكم عهد الخرط راح بدينا بالمدفعجي تشارلزززززز

جاك الموت ياتارك الصلاة

هههههههههههههههههههههههههههه

[River OF Dreams]

صراحة موضوعك يبرد التسبد
مثل عادتك دايم

[شاطئ الراحة]

ولد بريدة ..

هاليومين ما تلاحظ أن الرائديون يوزعون إبتساماتهم في كل مكان ..!
ألا يجدر بنا أن نسكر من المبسم شويتين علشان ما نسدح بعين ..
مطوعنا على داير ملم يمشي .. و غيرنا ما يفرق بين مشية الدرفيل و الوزة .. :)


الجنرال الشبابي ..

تواجدك القريب في المنتدى أثار حفيظة البعض ..
لهذا إلزمنا تلهد غيرنا .. :)


أبو هليل ..

كل شيء جايز ..!
و لكن جميل أن تخدم دوري زين بهيبة دوري زين ..؟!
دون إحتضان فكر الثمانينات .. أليس كذلك ..!


عقب العصر ..

هذا ألي جاك ..
واحدن يعرف يلعب وش تسوي بوه ..!
يعني نقولوه تكفى لا تلعب زين علشان
عيال عمنا بهم الأجر .. ما ينفع
هذا زين و ألي ما يقدر زين زين ما يقدروه ..!


لا تغرك الضحكة ..

و بالتوفيق للرائد ..


جنرال ..

بوليفي تسنك تقول تعاوني ..
المفروض ما تغيب عنك لأنك عالمي ..!
غيرك ما يعرف مثل هالألقاب ... صوووح ؟


بردقوش ..

ودنا ما نرفع الضغط ..!
بس ألي ما يحترم سقطاتك لا ترحم سقطاتوه ..
بعدين أنت ما دريت أن تشارلز يغني باللاتيني
يقول : يا تشارلز ناوي لك على نيه .. :)
طبعاً باللاتيني .. تبين أرسل لك الترجمة علشان تصدقن .. :)
و إلا مهب لازم ...


بريداااااااوي ..

هماهم دخلوا غرفة الولادة بمستشفى الولادة
و لبسوا ولييد علم لتعاون ، و قالوا أننا دخلنا موسوعة جينس
للأرقام كون هالولييد أصغر مشجع بالعالم ......
لذلك لا تستغرب أن يكون التعاون عضو منتدب من الفيفا مشارك بدوري زين ..
إذا كانت الجرايد المقدونية تمدح لاعبينهم ..
كلشن جايز ... :)


دريمز ..

عن أنا ما مدحت أبوتا ..!!
و كلن لوه راي بأي لاعب ..
بعدين يا حبيبي واحد من العيال يقول لي :
عطيتوا مارادونا و بليه أكبر من حجمهم ..
قسم بالله يتكلم جاد ..!
وش تقول لوه هذا ..!!!
أما تشارلز فراح تشوف خير ..
و لا تستعجل على الخير ... بليز ..!
حنا ما ندعي علم الغيب .. و لكن لنا تاريخ اللاعب بالبزخ
و المهارات الي يتمتع به .... ناهيك على نقطة مهمه ..
وهو التجانس ما بين اللاعب و البيئة و اللاعبين وو ..!
و رغم هذا أنا أأكد لك نجاحه بإذن الله .. و الميدان بالإسكان ..!


نزف العيون ..

أشوفك حرقت من هالنيران .. :)
بسم الله عليك و علي و على تشارلز .. :)


رائد نت ..

تصدق خايفن يصدر بند بمنع المزع و الشوت الزين ..
وقفة مع أهل الأمور الدقاقة .. :)
شكل العيد يبي يصير عيد البزخة .. :)


عميد أندية القصيم ..

لا تقول لي تهديد مبطن ..
قل لتشارلز لا يصير لعبوه زين و يبزخ بدون رحمه .. :)
الحيطة أمره سهل .. بس لا يتفرج الحكم إذا صار لك فاول
رأفه بأهل الأمور الدقاقة ..... :)


صاحب السمو ..

إذا عطيتن تاريخ الجيزاني و المحياني عطيتك تاريخ اللاعب ..!
و تاريخ اللاعب مطقوقن بموقع الرائد ، إذا تبيه رح لموه ..!
لحظة .. ضهيرك العصري وشو تاريخه ..!
لا تقول أنه لاعب يزحلق على الخصم ..
أو يفحج رجليه بكأس العالم .. هذي عارفينه ..!


إبراهيم المزيني ..

و هذي نظرتي للاعب بحكم معطياته بالمقاطع ..
و بحكم تاريخه الشخصي ..


رشاش أحمر ..

من قال لك أن تقديم اللاعب للتعاون فقط ..!
بالعكس هذا الفكر ليس فر الرائد نهائياً ..!!!
الرائد قدم هذا اللاعب للعطاء في دوري زين فقط ..
دون النظر للتعاون ، ناهيك على أن التعاون واحد
من أندية دوري زين فقط ..! و هذا سر نجاح مطوعنا .. :)


رولكس ..

آمين .. و لك بالمثل ..

اللاعب متمكن و هو لاعب موهبة ..
و لو تلاحظ لقاءات الفرق كانت الحضور جماهيري كبير
و هذا دافع للتعامل مع ضروف المباريات كلها ..
أرقد و آمن .. :)


مع الحدث ..

دائماً نُشيد بالإخلاص في العمل الإداري ..
و هذه ثمرات الوفاء الذي يُلازم فهد المطوع ..
و هذه بوادر الفكر الراسخ .. الذي طير النوم
من نفوخ بعض ناس ... :)


القلب المفتوح ..

مارادونا أسطورة العالم لم يوفق مع بوكاجونيور في أحد مواسمه
و أظنها أوائل التسعينات الميلادية ..!
و هذا مثل بسيط للاعب عالمي .. كفيل للرد عليك ..!
كيف أحاورك و أنت لم تطلع على الردود ..!!
أليس من اللائق أن تواجد الموضوعغ بالكامل دون التواجد
عن تعاقدات الأمس ..!
إن كان أبوتا صفقة خاسرة فكامبوس صفقة ناجحة لو لا الضروف الأخيره للاعب ..!
و كل لاعب في العالم يخفق في بعض مواسمه ..!
عزيزي .. إرجع للمقاطع و بعدها أنتظر رأيك ..!


مترف ..

ههههههههههههههههههههههههههههههه


متى نصعد ..

أحمد ربك على العافية .. غيرك محتاج ..!
و يامالك من البزخات .. بس لا تصير ورى القدّة
لو تنشق الشبكة تضربك و لا يصير عندنا متى نصعد ..
بسم الله عليك ..... :)


نهر الأحلام ..

و تواجدك وفاء بحد ذاته ..
و إبتسامة وفاء بطلها السهلاوي بتوقيعك ..



تحيتي لكم ...