ماخلى الرجال يكرهون العزايم إلا حريمهم !

[عاشق ديرتي بريده]

نحن نريد والنساء تفعل ماتريد !

نريد نحن كارجال أن نذهب للمناسبات بأسرع وقت ونكون اول الحاضرين

ولكن تبقى أماني صعب تطبيقها بوجود الطرف الثاني ( النساء ) !

من عاشر المستحيلات أن نذهب بدري بوجودهن !

مهما بكرن باللبس والزينه فلن يخلصن حتى يرتفع الضغط !

اخترع الرجال طرق كثيره لكي يبتعد عن المشاكل

فمنهم من ينام حتى يخلصن ومنهم من يجلس على النت لكي لا يدخل بمشاكل بسبب لباس

ومنهم من يقول سوف آتي الساعه كذا إذا ركبتن وإلا رحت وتركتكن !

يانساء لماذا لا تستحن على انفسكن وتستعجلن باللباس !

بصراحه لاادري هل هذا طبع كل النساء او لعانه وستلكاع لكي لا تكون اول الحاضرات !

اكثر الرجال يقول اكره المناسبات بسبب الحريم !!




استودعكم الله الذي لا تضيع ودائعه .

[ابراهيم المزيني]

هههه واقع مرير..

لن يتعدل وضعهن حتي يلج الجمل في سم الخياط ..

واتوقع مالنا الا الصبر

[احمد النجم]

عاشق/
جبتها بالزاويه 90...
بصراحه لاادري هل هذا طبع كل النساء او لعانه وستلكاع لكي لا تكون اول الحاضرات !

أرى انه من الاعواج الطبيعي لديهن...وأيضا لابد للكاعه دور لكنه ليس الاصل!

لا ..ونسيت شيء مهم ياعاشق؟؟


هن أخر من يطلع من المناسبه ؟؟

يعني ذيك الليله ..؟؟
يبغى لك تعويض بعدها ثلاثه ايام استجمام بعيد عنهن!

[فتاة المستقبل]

هههههههههه عاشق يهوش..

بس ترى بعض الاحيان تصير لعانه ,,قاهره بشئ قالت اقهره بطريقه ثانيه ,,وبعض الاحيان لا صدز داهمه الوقت وهي ما خلصت

[رفآت]

الإتكيت يجبرك على الحضور متأخراً

في مجتمع النساء من تأتي أول ناس ضحية زوج عجول ،،
لأنها لن تطول أي اهتمام ولن تحصل على ضيافة حتى يحظر البقية
لو اتفق الرجال مع بعضهم وجعلوا ابناءهم يتفقون مع النساء للحضور
جماعة في وقت واحد أفضل من انتظاره ومن ازعاج النساء ،،

وفقك الله ،

تقديري لك ،

[| ~ ســمــو ~ |]

بلاك ماتقعد تسوي ليس لشعرك وتحط مكياج وترضع البزر وتفصخهم وتلبسهم بعدين تلبس انت هذا غير اللي يبربس بـ الما قبل الطلعه بدقيقه :(
والصراحه انتم تطلعون بدري قوه خصوصا الزواجات وحنا مايناسبنا بنوووب :)

[ملح ـوس]

ليته تسوي هالزينة لزوجة .. تسان تاخذ اجر

بس للاسف الحين صار منهي المشخصة اكثر والسالفه فستان فلانه وصبغة علانة..


اما زوجه لاصارت تبي تزين وتضبط له... بثلاث دقايق تشلشل روحه وتمشي


اذكر واحد من الربع تعب مع زوجته وهو يقول تضبطي مثل ماتسوين لاجيتي تروحين لعزيمة

او زواج ولا تجاوبت معه بتاتا البته ... المهم في احد الايام

كان فيه مناسبه والبنت صارت سنقة عشرة قام الرجال شالة ونحر شقق مفروشه

وزعلت وطنقرت الضعيفة تبي يشوفونه بفستانه الجديد ..

وترى الكلام هذا كله على (((((((((((((بعض الحريم ))))))))))))

[فديكا التميمي]

شف ياعاشق اذا هالمره عنده شغاله صراااحه تشب التسبد ومعه حق الرجل يعصب
واذا ماعنده لاتلومه والله من شغلتن وشغله ماتدري وش تبدي محد يحسبه الا لاصار بمكانه...
انا بالنسبه لي مااحب اروح بدري انطق وتحوم تسبدي مابعد تجمعوا الخلق
ولانب اتاخر وسط..
بس اعرفلك وحده تقول مااحب اروح الا اخر الناااس علشان الفت الانتباه هههههههههه
المكله تحوم التسبد...
ياااحسره وش عليه؟؟؟؟؟

[عمر العايد]

هههههههههه
جبتها ياعاشق بصميم شف تخيل معي
من الظهر يتكشخون ولا يقضوووون أبد لو حصل لهم يوم كامل مافيه مشاكل
ولا إذا جن من العزيمه إييييييييه شفتي ثووووب فلانه يهبل ولا فلانه وووووووووع يحوم التسبد
تحيل دقيق

[إنسانة غير]

عاشق كلامك صحيح ولا غبار عليه

بس وين الحل

تذكر الأشياء اللي تسويها البنت أو الحرمة قبل تروح وقارنها

بلبس الثوب والشماغ بسسسسس

فرررق شاسع


حتى الحريم مسيكينات

هالأيام التقيت بوحده وحنا على العشاءلي فتره أدورها ماصدقت على الله اشوفه ومايمدين سلمت عليه واخذنا صحون البوفيه وجلسنا مع بعض على العشاء مابعد أكلت ولا ملعقة إلا دق جواله وراحت
حتى من العجلة نست تعطين رقم جواله
يعني بإختصار ماحد مرتاح لا الحريم ولا الرجال

[قـتـالـه]

مايصلح الحرمه تروح اول الناس تضيق على المعازيب ,,
اهل العزيمه يكون لهم اتيكيتهم بالتقديم وخاصه العصير والقهوه
همن لجت مرة عاشق شابن على والدينه وحالته حاله ,
بلشوبه مايدرون يقدمون او ينتظرون لين تجي دفعة معزومات اخرى

[باسم الثغر]

ياعاشق ولا يهون البقية

أحيانا ألتمس لهن عذر
بحكم إن قراشيعهن كثيرة وزعبلتهن أكثر
بس ياليتهن يستعجلن أو يقدمن البداية بمشروع الجمال للمناسبة
علشان مايرصن الرجال عند الباب ، ماغير ياولد وياعالم وياناس

فيه عادة سيئة عند الحريم
خصوصا بالعزايم
مايفلن قهاويهن إلا إذا جت آخر وحدة ، وحتى لو تأخرت
وكأنهن يتحدن أيهن تتأخر أكثر
والضحية الرجل

[كريمل]

فعلا هذا سبب كبير ان الرجل يكره المناسبات

لكن خلاص صار الوضع عادي .. ان شاء الله يكبرون عيالهم ويرتاحون

هذا آخر حل

[ام سمو]

والله من يوم ويوم رصينا ننتظر من ساعه الى ساعه ونص على شان يودينا لمشوار وانتم ايها الرجال عليكم اهانات ولا نقدر نتكلم

[لمعة جليد]

والله من يوم ويوم رصينا ننتظر من ساعه الى ساعه ونص على شان يودينا لمشوار وانتم ايها الرجال عليكم اهانات ولا نقدر نتكلم

والله انتس صادزه بس الرجال مايحسون الا بأنفسهم

[لمعة جليد]

هههههههههه
جبتها ياعاشق بصميم شف تخيل معي
من الظهر يتكشخون ولا يقضوووون أبد لو حصل لهم يوم كامل مافيه مشاكل
ولا إذا جن من العزيمه إييييييييه شفتي ثووووب فلانه يهبل ولا فلانه وووووووووع يحوم التسبد
تحيل دقيق

اجل انتم حومتم تسبدي كل ماخلصت مباراة قعدتوا تحللون http://smilles.5d5l.com/smile_albums/small/86.gif (http://smilles.5d5l.com/)شفت هذا وشلون عدا بالاعب وشفت وشلون جاب الهدف الخ

[ميرنون]

متى يحبونها من أجلهم :)؟؟

التغير ومجارات الناس راحة لك ولها ،،


،


تقديري‘

[ملكة سبا]

ليته تسوي هالزينة لزوجة .. تسان تاخذ اجر

بس للاسف الحين صار منهي المشخصة اكثر والسالفه فستان فلانه وصبغة علانة..


اما زوجه لاصارت تبي تزين وتضبط له... بثلاث دقايق تشلشل روحه وتمشي


اذكر واحد من الربع تعب مع زوجته وهو يقول تضبطي مثل ماتسوين لاجيتي تروحين لعزيمة

او زواج ولا تجاوبت معه بتاتا البته ... المهم في احد الايام

كان فيه مناسبه والبنت صارت سنقة عشرة قام الرجال شالة ونحر شقق مفروشه

وزعلت وطنقرت الضعيفة تبي يشوفونه بفستانه الجديد ..

وترى الكلام هذا كله على (((((((((((((بعض الحريم ))))))))))))

حتى انتم يالرجال الواحد ما يتكشخ ويتعطر لزوجته
مثل ما يتكشخ للدوام او مناسبه

[سارة عبدالعزيز]

ليش اللي عندك لزقه ؟

[Miss Tala]

اشغلوا نفسكم باي شغله ثانيه ..
او مثلا لا تجي البيت الا اذا خلصت الحرمه من اللبس والبس واطلعوا ...يعني فيه حلول كثيره بس دايم تدورون العلث ..

[ابودانه]

والله انتس صادزه بس الرجال مايحسون الا بأنفسهم

[وميضُ البرق]

أنا وأنا "حرمة" :) قاهرني هالشي!
عندنا طلعة شهرية ثابتة نسائية بس وعلى الرغم من اننا نقطن بأبعد نقطة عن الاستراحة إلا أننا أول من يجي لا ونعاون اللي عليهم الدورية!<< صدق قراوى :p
لا والأدهى والأمر بآخر مرة ماجابوا القهوة إلا السعة عشر مع أننا مجتمعين بعد صلاة المغرب والله يالتطور شينن قوة.

ترى ياعاشق مافسدكم أنتم وحريمكم إلا المدنية المزيفة وأن اللي ياصل متأخر هو الإتيكيت وهو اللي يحشم! أنا عن نفسي بعزايمنا اللي يصيف مانعطيه الا تالي القهوة ويمكن مابه الا الحثل، يجون قبل العشاء بدقايق ويتعشون ويمشون ترى الدنيا تطورت والناس شبعت والاجتماعات علشان يتشاوفون مهوبب يأكلون.

[فوفو ابويا]

والله انك صادقه ام سمو ياما قعدنا نستناهم عشان شي تافه قاعد على النت او يشوف مباراة اصلا لو تسوين كل الي باله ماراح يعجبه بيضل ينتقد انا اشوف ان الحرمه تسوي الي براسه وماعليه من احد (احينا تخلصين بدري بس عشان ترضينه بيقول غريبه مخلصه قبل الموعد ) يعني بالعربي مافيه فكه

[غريب الماضي]

تحياتي لك عشعش

[نور الهبدان]

كل مناسبة ولها وقتها يعني الزواجات غير الإستراحات غير الأعياد ..

لكن فعلاً فيه حريم يكرهون الواحد بالطلعة يعني وش يضرها لو قامت من الظهر تتعدل هي وعيالها ..
اتذكر مرة مجتمعين بستراحه أيام العيد وشفنا بعض وتقهوينا وتعشينا وجلسنا بعد العشاء نسولف يوم بدت بعض العوايل تطلع دخلت وحده هي وبناتها توهم جايين وتقول وراكم طلعتوا تونا ... بالله شرأيكم مو بعض الحريم يكرهون الواحد بالطلعه ..
والله ما أقول الا الله يعيينكم يالرجال ..

شكراً لك ..