مقهورة يانااااااااااس << صرخة فتاة اصيلة في احد المنتديات

[ملح ـوس]

يامل الجنه ياهالبنت

وانا اتمشى بالمنتديات لقيت صرخة فتاة حركت المشاعر الراكدة في اعماقي..

وقلت ياسبحان الله بينه وبين بعض الناس الي يتشفون بالمجتمع .....

وصورته لكم عشان تشوفونه :

http://www.gulfup.com/file5/12795764301.jpg

[فتاة المستقبل]

مقهوره بــــــــس علشانهم تكلموا بالسعوديه !!!,,عادي جدا ويا جبل مايهزك ريح

اللي يقهر الله يعافيك ويشب التسبد
هو هالمحادثات المنتشره بين الشباب والبنات ,,الله المستعان منول يوه ويا سواد ليله اللي تكلم شاب
وهاللحين يتجاكرن بينهن ,,يامال اللي مانب قايله
استغفر الله يارب لاتخسف بنا بسواياهم

[البارق]

اخوي ملحوس
هذا هو إعلامنا العربي
يهدم أكثر من أنه يصلح

[عــــــازف]

المسلسلات السعودية فاشلة في مواضيعهااا ...
فهي تعرض المثاليااات دائمااا ...
أسواااار ... المسلسل الوحيد الذي عرض المسكوت عنه في السعودية ..
القائمين عليه هدفهم المااادة .. ونشر الفسااااد .. والاثاااارة ... ما إختلفنااا ..
ولكن عرضوا الوااااقع ...
يقهر إيه .. بس هذا مجتمعك ...

أهنئهم على النجاااح ...

[بنت منيره]

والله ماعرف المسلسل هذا

مير شوفي بكل جخر الصالح والطالح

وكل واحد يمثل نفسه ولا احد يقول صوره اللسعوديه صوره للقصيم >>كذا اريح

>>ترد على البنت

[هلاوين]

الاعلام هو مراة الوطن ان خير فخير وان شر فشر

[السما صافية]

دايما تنتقدون همن اول ما يتابع حنا


شوفن طاش


الكل ينتقده ويسلط الضوء على المشاكل ويسبقوننا في الوصول اليها

وبعد كم سنة نصير مثلهم


وهم يهاجمون طاش يتابعونه بفرح وانتظار




اللي يقول عندي المجد والبداية وطيور الشجر والحجر وو




وهن يتابعن مهند وطقتهم

[عذبـــــة]

مسلسل أسوار ماجابو شي من روسهم
هم كشفو المستخبي بالسعودية واللي اتسترو عليه الناس والهيئات والجهات الحكومية
والناس اللي على نياتهم انهبلوا من ذا المسلسل لأنهم مايمكن يتخيلون ان السعودية تكون على هالحال بيوم من الأيام
آل ايه آل صرخة فتاة .. تصرخ ولا ماتصرخ مادرو عنها ... هذي شكلها عانس وقالت الله يستر مايروح سوقنا زود على ماهو رايح ويتجهون للشاميات واليمنيات ويتركوننا
ياخيتي تعوذي من ابليس ومنهم وياما حتشوفي من بلاوي الله يكافينا شرها
اعذب تحية

[ملح ـوس]

والله ياجماعة الربع انا ماعرف المسلسل

ولا همن المسلسل لاني خابرهم وخابر سواليفهم

اللي همن ان فيه بنات وشباب يغارون على مجتمعهم

هذا مربط الفرس عندي وهي سألت سؤال باخر كلامه

وقالت : يعني لو عرضوها في مسلسل بتنحل ؟؟

والقصد اننا صرنا فرجه للمجتمعات الثانية دون حلول

والمجتمع السعودي تراه تحت المجهر لانه قبلة المسلمين ويفرحون عليه باي شي


اما مايصير به من مشاكل فلاننسى اننا بشر مثلنا مثل غيرنا ..

(((ولكن اسواء شي ان اخوك اواختك يعين عدوك على النيل منك ....!!!!)))



وتحية مبخرة للجميع ..

[كريمل]

طبعا المسلسلات السعودية فاشلة

وتدعوا للتحرر والانحراف

مره وحده بس طاش ماطاش جابو حلقه عن الليبراليين

وغيره يفتح الله

[قرنااس الشمال]

هلابك اخوي محلوس

والله كلامه في محله .. يعني الأعلام هو الي بيحل المشكله ,,,وانا اخوك المشكله مهيب في العرض البلاء أن الشق أكبر من الرقعه والبطانه الفاسده هي سبب كل هالفساد وأظهار السمعه السيئه لسعوديه ...ماننكر أن فيه عندنا أشياء سيئه حنا مو ملائكه بشر وكلنا نغلط مافيه عيب لكن البلاء لو ماعرفت تعالج عيبك وقمت تنشره على الناس وتعلمهم وشلون يتعلمون عيبك ويكون شي صحيح
يعني لما البنت تركب لحاله مع السوق هذا بالمجتمع العاقل الراكد عيب لكن بث الاعلام أنه عادي وطبيعي وتتكلم هي وياه ودق حنك وسوالف يعني يخلون البنت تتجرأ طبعاً هالكلام مو لكل البنات لا والله بالعكس فيه بنات ماتخاف عليهن بنات رجال ....لكن الخوف على البنت الي طربقه ورى الموضه والفله والوناسه ..........

هذا رأيي وكل كلمة فيه تعنيني ولا تعني أي شخص أخر غيري ...وشكراً

[مَطْلِع الْشَّمْس]

مشكلتنا أننا لا نبدأ مما أنته من الآخرين ...

بل نبدأ من الصفر !!!!

الإعلام الكويتي ,,, كان قبل سنوات ...

يعرض مسلسلات تحاكي مسلسل أسوار ...

فقامت الدنيا و لم تقعد حتى تغير أسلوب الأعلام عندهم

[| ~ ســمــو ~ |]

هههههههههههه صراحه احيانا اضحك وانا اشوف المسلسل كله خيانات وعنف اسري
يطلع عن الواقع اكثر من اللازم :)

مشكوووووووووووور

[الفتـ الذهبي ـى]

وسخ هـالـ دنحي !

[سمو ذات]

.




ياليتك ناقل كلامها مع تصحيح الأخطاء الملائية احسن من التهجي ساعة :(



هو فيه احد يتابع مسلسلات سعودية ألحين ؟؟؟
والله من المصالة بعد :)

المسلسل قديم ليش توه تطلع الأصوات المنزعجة !!

المسلسلات مهما شخصت جزء من مشاكل المجتمع
إلا انها لاتطرح حلول مجرد زوبعات واثارة مشاكل



اقوووول
ليت كل المسلسلات مثل الأرض الطيبة :)