انا بين نارين ياحبيل ابوكم عطوني حل

[فاهم غلط !]

ياجماعة الخير
وش اسوي انا الحين بين نارين
انا خطبت مطلقه
لكن الى الان وهي بنت
تزوجت البنت من رجل جلست معه اسبوع او عشر ايام ومابغته البنت
وذكرت لي البنت وخطبته والبنت عاجبتني
لكن كل من عرف انه مطلقه قالو الناس لي وش تبيبه دام انت ولد
رح تزوج على بنت ماعمره تزوجت ابد

انا الحين بين نارين مابين موافقه ومابين رفض
اهلي يقولون لي اذا البنت جميله ماعندك مشكله اما انه عاديه فلا
ندور لك ازين منها وهي مطلقه بعد
بس اهلي يقولون انه الطلاق مهب عيب بس الناس ماتعطي خيييير

لكن الانسان مايكمل ابد لازم فيه عيب
مره اقول ان عيبه مهب عيب ومره اقول ان عيبه يخلين اتراجع عن الزواج


انا الحين ابي رأيكم ياشباب هل اخذ مطلقه وانا ولد او مااخذه ؟
وهل انت ترضى تتزوج من مطلقه او لا ؟

[انتظرتك]

اهلي يقولون لي اذا البنت جميله ماعندك مشكله اما انه عاديه فلا


مادري أنت من معه عايش
يعني أهلك مايدرون عن البنت !
لا وخطبتها وعجبتك
انتبه ياخوي لا تتزوج واهلك ما دروا ... أهم شي الأهل ..!!!!!

[بنت منيره]

استخر ربك يا استاذ>>بس مو قبل شوي راده على الموضوع ولا وش السالفهظ؟

[شي يقهر]

النبي صلى الله عليه وسلم تزوج سوداء بنت زمعة وتزوجها الرسول صلى الله عليه وسلم وكان عمرها 80 سنه وأرملة ...

ما عابها لا ترملها ولا كبر سنها ان تتزوج اشرف وخير الخلق سيدنا محمد صلى الله عليه وسلم .


----

حرام والله نظرتكم المتخلفة للبنت بالدونية و الوضاعه بهالشكل .
وش ذنبها ان الله كتب لها تتزوج ثم تتطلق .

لو بالطلاق عيب وومسة عار ... ما اباحه الله برغم كراهته له سبحانه .


اذا البنت من اصل طيب وذات دين .... وش المانع ؟!
وين المشكلة .؟

مع الاسف ان مشكلتك وهمك الاكبر ((كلام الناس ))
اللي لا يعمر بيت ولا يأكل عيش ولا بيد الناس أقدار المخاليق

ومن تابع كلام الناس يتعب .

[فاهم غلط !]

مادري أنت من معه عايش
يعني أهلك مايدرون عن البنت !
لا وخطبتها وعجبتك
انتبه ياخوي لا تتزوج واهلك ما دروا ... أهم شي الأهل ..!!!!!

عايش في العصر الحجري ياحبيلك خخخ
ياقلبي البنت ذكرته لي احد اقاربي
وانا شفه لكن مدري متردد
اهلي ماشافوها
وماودي يشوفوها الا اذا صار شيء
الا انت وش رايك
ترضى تتزوج مطلقه لكن بنت ؟

[فديكا التميمي]

ارجع واقول توكل على الله وخذه ....

[إنسانة غير]

ياالله شدني العنوان بس لأني الآن بين نارين

الله يختار لك الخيرة المباركة

دامك مااقتنعت ليش مستعجل
رغم إن البنات في هالحالة ينظلمون ومن حقهم يتزوجون ولد لم يسبق له الزواج

[سمو ذات]

.






اهنيك على طولة البال بس لاتشطح كثير :)





يبدو انك انت مو مقتنع من الأساس بقرار الموافقة !!






لكن الانسان مايكمل ابد لازم فيه عيب
مره اقول ان عيبه مهب عيب ومره اقول ان عيبه يخلين اتراجع عن الزواج





يعني انت هنا تجزم ان هذا عيب ؟!!

صورة من صور ظلم المعتقدات والتقاليد البالية بحق الأنثى

[انتظرتك]

عايش في العصر الحجري ياحبيلك خخخ
ياقلبي البنت ذكرته لي احد اقاربي
وانا شفه لكن مدري متردد
اهلي ماشافوها
وماودي يشوفوها الا اذا صار شيء
الا انت وش رايك
ترضى تتزوج مطلقه لكن بنت ؟


لا ياقلبي مثل ما انا بقراطيسي ابي وحده بقراطيسها بعد ,,,

[الأرجوانه]

^^


يقولكـ هي بنت .. ..


أقوولكـ توكل على آلله وخذه وبعد ماتستخير طبعا .. لكن اذا هي عاجبتك ولا اعجبت اهلك

خذه انت اللي بتتزوجه موو هم ..!..الأهم رايك بعدين رايهم .. وشف راي امك اذا هي عاجبته ولا لا ؟ ..



تقبل مرووري

[ღIbraheemღ]

وإذا كانت مطلقة

توكل على الله بس وأعرس دامك تعرف أن البنت مايعيبها شئ

الله يرزقكم الذريه الصالحة

[Princess Flair]

اسـتخيـرر ..~
وشف ..~ اذا كانت معجبه امك ..~
امك تعرف الحريم اكثر منك .~
وشوقرن

[ـالدوآسر يآزينهم]

غريبه فيه نآس للحين تفكر كذآ ؟؟؟؟ وش فيهآ لو تزوجت مطلقه.؟

احس انو عآدي لو هي مب بنت يآكيف اذآ هي بنت !

أنآ أعرف كثآآآر أخذو مطلقآت ولآ فيهآ شي ولو أخوي يخطب وتذكر لنا مطلقه وتعجبنآ والله نآخذهآ ونركض بعد..,

خذهآ بس ولآ تهتم لكلآم النآس لآنو مآبيعجبهم العجب.., هذآ بحآلة إذآ أنت صآدق بهالموضوع :)

[ـالدوآسر يآزينهم]

لا ياقلبي مثل ما انا بقراطيسي ابي وحده بقراطيسها بعد ,,,




عآدي مب فيه بنآت يآخذون مطلِقين !

يكون في المقآبل عيآل يآخذون مطلَقآت

عشآن نكون مجتمع عآدل ومنصف ومن ثم نرتقي وننآفس الغرب في هذا المجآل :b3:

[الخيآلي]

الحين وش السالفه حذفت كل الردود
ولا هالموضوع نزل مره ثانيه ؟!!

[دلوعة حبيبه]

شوف اخوي اول شي استخير بعدين فاتح اهلك بالموضوع وشف البنت اذا انت ارتحت لها توكل على الله واخطبها

وعادي اهم شي انه بنت يعني( بكر) والحمد الله مو شرط المطلقه يعني ان فيها عيب
الله ماكتب توفيق بينهم
ان اشوف كذا توكل على الله واستخير( ماخاب من استخار) و(ماندم من استشار)

[قرنااس الشمال]

السلام عليكم ورحمة الله وبركاته


اخوي الله لا يهينك انت ثاني مره تكتب الموضوع وانا رديت عليك بموضعك الأول

لكن بقولك حاجه أنا أستشفيته من موضوعك الاول أنت بداخل رافض هالزواج وقست هالموضوع من رد لك بالموضوع الأول يوم سألت واحد من اخوياك أو أقاربك الي قالك (كيف ترضى تنام مع وحده نامت مع واحد قبلك ) يعني يأاخوي انت بالعربي مع احترامي ماأقتنعت بالموضوع فأرجو منك أنك ماتجرح البنت خله ونصيبه بأذن الله مكتوب عند رب العالمين...
وترددك أكبر دليل على انك ماتبي وكنت تقول بكلامك السابق (أن أختك الكبيره تقول وش تبي فيه ) والحين تقول أهلك مو موافقين يعني وانا أخوووك خله ولا يجي اليوم الي تعايره فيه بأنك أخذته وهي مطلقه ...

فأرجوك وانا أخوك خله ولا تكون انت والزمن عليه البنت ربك بيكتب له نصيبه وانت شف نصيبك لأن أساس الزواج القناعه وانت ماأقتنعت ..........

أرجو أنك ماتزعل من كلامي ..

[قيدوم]

ليس لك عن الإستخارة بُد

الله يسهل أمرك

[| ~ ســمــو ~ |]

توكل على الله .. ماتدري وين الخيره قد تكون احسن من 100 بنت لم يسبق لها الزواج

[ـالدوآسر يآزينهم]

عين العقل يآقرنآس أحييك على هالرد :e6:

[" TWIX "]

عيب .. عيب ..!!
والله كلمة عيب شغالة في مجتمعكم كويس ما شاء الله تشجعون السعودة ..http://buraydh.com/forum/images/icons/icon10.gif
يالذيب الأمعط .. كان تبي تدرعم ورا العيب والله إن تيبس ولا ذقت العيشة
شف أسحب على مجتمعك الكريم السيفون واستخر ربك
ترى الرسول أخير منك ومن تزوج خديجة وهي امرأة ثيب
فهمت .. ياضحية عيب ...!!

[سَـاكنة القـلب]

^


المشكلة ليتها ثيب ، بنت وياحلاتها على كلامه بس اسم انه قعدت ويا رجل أسبوع وحملت لقب منفصله الأنيق !
كيف ترضى تنام مع وحده نامت مع واحد قبلك
وآآآآ حر قلوبكم ياحريم المعددين ..
البنت نامت بس أسبوع ورجلها ماقربها والمسألة مضيقه صدرك !!
من جد حريم المعددين وش الشعور اللي يجيهم : (
الله يخلي لكل ضعيف قويه :/

نقول الله يوفقك ويختار لك ..

[الزنون]

لا اعتقد بانك جاد بالسؤال
هل من المعقول موضوع مثل هذا تعرضه بالمنتديات
المنتديات اعضائها افكارهم تختلف
فيها المتعلم والجاهل

سؤالك توجهه لاهل الاختصاص والاستشاريين

ملاحظة
ترى المطلقة انسانة من لحم ودم
مثلها مثل غيرها من البنات

لكن نحن ننظر لها بنظرة غير

ما اقول الا اعانهن الله

يا عزيزي
اذا بتناظر للناس لن تفلح ابد