.... أفكاركم للحياة اليومية ....

[باسم الثغر]

لكل واحد منا طريقته في تعامله بالحياة اليومية
ولكل شخص منا أسلوبه الخاص وطريقته الخاصة
يصيب من يصيب ، ويخطيء من يخطيء

ولكل منا أفكار معينة ومحددة يسير عليها
والكثير قد أبدع وللطريقة التي يسير عليها أنفع

.
.

في هذا الموضوع
نبي من كل شخص يعطينا بعض الطرق التي يسير عليها في حياته
ويرى أنه استفاد منها
سواء في البيت أو المطبخ أو السيارة أو الشارع

المهم وباختصار
أعطنا أفكار مميزة تسير عليها في حياتك اليومية

مثلا
إذا بغيت تتبخر حط عطرك المفضل على ثيابك ثم تبخر
هذا
يعطيك ريحة أحلى وأكثر ثبات للبخور


يالله ياأحبابي
الموضوع لكم
فخلونا نشوف أفكاركم المميزة

[صرقعة جيل]

اذآ بغيتي تروحين لعرسـ
:
:
:
بخري ثيابتس قبل تلبسينهن هاه قبل موب لالبستيهن تبخرتي
وبخري شعرتس وهو رطب تجلس بوه الريحه لما تغسلين شعرتس
نوبتن ثانيه
:
:
:
بآآآسم الثغر يعطيك الفـ عآفيه
علــى هيك موضوع الى الامام يابطل لاتحرمنا قلمك

[المنسمم]

مشكووووووووووووووووووووور على الموضوع

[باسم الثغر]

صرقعة
تواجدك السريع والمميز له ثقله
فكرة رائعة منك

المنسم
وأنت مشكور بس لازم تفيدنا


من الأفكار
إذا بغيت تنزل من سيارتك وهي بالشمس
فخل قارورة ماء مفتوحة فيها
لأجل الجو داخل السيارة يترطب شوي

وإذا فتحت السيارة وهي مكتومة وبالشمس
فلا تركبها مباشرة
افتح الدرايش وابعد عنها شوي
تبرد السيارة وأصح لك من الهواء المكتوم

[shahd2007]

أفكار حلووه

وموضوع مميز اخ باسم ...

للبنوتات ..
http://www.vb.eqla3.com/images/smilies/004.gif http://www.vb.eqla3.com/images/smilies/004.gif

بعد الشآور حلو انك تحطين جلسريين السائل على جسمك للترطيب

[جثمان الورد]

للتخلص من النمل :
ضع قشر الخيار في المكان الذي يخرج منه النمل

لإبعاد البعوض خاصة في الليل
ضع بضع أوراق نعناع طازج قريباً من الوسادة وفي أنحاء الغرفة!



باسم مميز كالعاده
شكرا لك

[جثمان الورد]

للحصول على مكعبات نقية من الثلج
إغلي الماء أولاً ..

لمنع الدمع عند تقشير البصل
امضغ علكة ..

لجعل المرايا تلمع
إمسحها بالسبيرتو.

للتخلص من الفئران
رش الفلفل الأسود في الأماكن المحتمل وجود الفئران فيها ، عندها تجد الفئران تخرج هاربة بسرعة! .

لنزع العلكة عن الملابس
ضع الثياب في الثلاجةلمدة ساعة

لإزالة الحبر عن الملابس
ضع كمية من معجون الأسنان على بقعة الحبر، واتركه حتى يجف تماماً ، ثم إغسل كالمعتاد

لتبييض الملابس
ضعها في ماء مغلي مضافاً إليها شريحة ليمون لمدة عشر دقائق ، ثم اغسلها

لإعطاء الشعر لمعاناً
أضف ملعقة صغيرة من الخلل الشعر ثم اغسله جيداً .

لجعل الليمون يعطي أكبر كمية من العصير
ضعه في ماء ساخن لمدة ساعةقبل عصره .

لإزالة رائحة السمك من اليدين
غسل اليدين بقليل من خل التفاح

للتأكد من صلاحية المشروم ( الفطر )
رش قليلاً من الملح علىالفطر ، فإذا تحول لونه للون الأسود ، فإنه جيد ، وإن تحول لونه للأصفر فإنه سام .

لسلق البطاطا بسرعة
قشر حبة البطاطا من جهةواحدة فقط قبل السلق

لسلق البيض بسرعة
أضف قليلاً من الملح إلى الماء .

لإذابة الدجاجة المجمدة
ضعها في ماء بارد مضافاً إليه ملعقتين كبيرتين من الملح

لمعرفة السمك الطازج
ضعه في ماء بارد ، فإذا طفا على السطح فإنه طازج .

لمعرفة البيض الطازج
ضع البيضة في الماء ، فإن رسبت بشكل أفقي فإنها طازجة ، وإن رسبت بشكل مائل ، فإن عمرها 3-4 أيام ، وإن رسبت بشكل عمودي ، فإن عمرها 10 أيام ، وإن طفت فإنها فاسدة ..


لتقشير البطاطا الحلوة بسرعة
ضعها في الماء البارد فوراًبعد نضجها .

لإزالة الحشائش من جوانب الطريق
رش الملح عليها






...........................................
هذي افكار عن بكرا وبعده وبعده هع >>ترا ابد مسوت نسخ ولصق
شكرا لك

[صديق الملك]

ماشاء الله موضوع ممتاز
ويستاهل التقييم
وافكار الاعضاء منتازه جدا

إذا بغيت تقوم أحد من مكان انت تبيه
اجلس بجنبه زاحمه لين يقوم او يشوتك<< عليك افكار
اشكرك اخوي باسم

[ابوغرام]

موضوع وطرح رائع

الله يعطيك العافيه

[الزنون]

اذا نويت تقلط على الاكل
تربع بالجلسه عشان تاخذ راحتك بالبلع


اذا حان وقت النوم
افصخ ثوبك ولا تلبس قميص نوم
بل انقز على السرير سنوكا بسروال وفانيلة
وانت منبطح اما على بطنك او على ظهرك
ابعد رجولك عن بعض (فحج) حتى تنعم بنوم هنياً مبسوطاً

[≈ Śķőőŋ »]

^
من ناحية النوم لا توصي خخخخخ




هذي للبنوتاتhttp://www.buraydh.com/forum/images/icons/icon10.gif

لا بغيت تسوين طبخه حطي نفس المقادير
لا تزودين من عندتس يقالني خبرهhttp://www.buraydh.com/forum/images/icons/icon10.gif ترا انتي الخسرانه بتخرب طبختس..< مجربهhttp://www.buraydh.com/forum/images/icons/icon11.gif


وشسمه ذا البخور احسن شي شبوه بفحم ترا حقت الكهرب اوب زينه تخرب ريحة البخور
وحطوا على الملمس الناعم ولا حطيتوه لا تقلبونه
خلوه على وضعه اول مره ترا بتخرب ريحة البخور


شكرآآ ع الموضوع الحلوو

[باسم الثغر]

أنتم الأروع بمروركم ومشاركتكم
77
7
مستغرب من الزنون
ماعقل إلى اللحين همه النوم والأكل :)

.
.
.

نصيحة روعة خصوصا لبناتنا وإلا الشهبان ماينفع معهم شي :)
إذا خلصتي متروشة = أو إذا صرنا أكثر تطور آخذة شاور
خوذي لك جيك ماء تحلية ، لازم تحلية
وصبيه على شعرك
مفيد جدا للحفاظ على الشعر وللنعومة
خبركم الماء حقنا ماينفع

[فديكا التميمي]

نم وكل واطلع وافتح النت لاطفشت ..
ولاتنسى تمشي اشوي تفكك رجلينك من القعده خخخخ

[عبود زمان]

موضوع جميل يـ باسم :)

بس ياليت الأعضاء ينزلون على معلومه او معلومتين على الأكثر علشان تسهل قرآءة الرد الواحد على العضو

<< لاشاف رد طيول نطّه :f5: << عجاز

فكرتي لـ الشباب :)
ياليت تخلي هواء كفرآت السيارات قليل مره لأنه الزياده تأثر على ربلات والسياره وامقصاته واذرعنه وبنفس الوقت يكون عمر الكفر اقل
لآكن برأيي إنه لما يخلّص الكفر بسرعه اهو من إنه تحتي السياره يخرب بسرعه << معلومه ماشي عليها لي اكثر من خمس سنوات واحسه ممتازه :)

[دقات قلب]

الله يعطيك العافيه ع المووضع المميز

[الزنون]

للداجين اللي مثلي

اذا صار معك ريالات لا تخليهن بالبوك
خلهن بدرج السيارة
لانه يبي يجيك يوم تصير مطفر والبوك فاضي والرصيد افضى من الفاضي
وتصير جوعان همن تبلش ما يصير معك فلوس
لكن اذا صرت حاطهن بالدرج وجاء اليوم الاسود
واثرك تحصل شيء تشتري به
http://smilles.5d5l.com/smile_albums/fun/152.png (http://smilles.5d5l.com/)

[بنت عز وما تنهز]

لابغيت تروح للقصيم وانت مو متأكد تروح والا لا
فجهز اغراضك من الحين احسن لك <<مجربه



موضوع روعه
تشكراتي

[موسى العناز]

طرح راقي ياباسم يعطيك العافيه

يسلمو

[حفيدة خالد]

موضـــــوع رائـــــــــع جــــدا


صراحه افــكــاركم حلووه وجاري تجريبها http://www.s-qu.com/forum/images/smilies/40.gif



يسلمووو باسم الثغر

http://www.s-qu.com/forum/images/smilies/kly.gif

[باسم الثغر]

عبود زمان
دقات قلب
فديكا
بنت عز
موسى العناز
حفيدة خالد
الأجمل مروركم وهذا موضوعكم جميعا
والله الله بالأفكار


من الأفكار == هذي وصية عجيز من عجزنا ، وأشوفها نافعة
إذا صار فيك كحة وذابحتك ذبح
إدهن مواطي رجليك بفكس
وإلبس شراب ونم
وبإذن اللي ماتنام عينه ، إنك ماتشوف إلا العافية

[البركان الشبابي]

موضوع رائع ويفيد كثير الله يعيطيك العافيه

[الزنون]

اذا صرت مقهور او متضايق
والنفسية زفت

طف النت واطلع بحوشكم وخاصة بعز الصيف
ولا تطبق الفكرة الا الظهر الساعة 1,45
وانسدح على البلاط وانت عليك فانيلة وسروال بس
والافضل انه ما يكون عليك شيء

ومني انا على طول تستانس وتنسى الهم والضيقة
حتى اسمك تنساه

[بنت عز وما تنهز]

اذا انقهرة ودك تكفخ احد
اصبخ بالباب تراه يخفف القهر << عشان كذا بيباننا كليوم منكسره

[باسم الثغر]

88
8
اما ياصفقت الباب هذي علاج ناجح :)


من الأفكار
إذا قعدت على النت
حاول إنك تتحرك كل ساعة وتعطي لعيونك راحة
وإلا والله إن تنفقع عيونك من الشاشة :)

[باسم الثغر]

هذي للطباخين والطباخات
يقولون
أضف كزبرة طازجة للكشنة يصير طبخك رووووعة

وترى الهنود يسوون كذا ، وهذا هو اللي خلى طبخهم يشق الخشم

[هجير أمنيه]

للصبايا
اللي تحب تجعد شعرها كثير احذري تستخدمي جل ولا بيبسي لتجعيد الشعر
لانه يكسر الشعر ويخليه باهت
الافضل بعد ما تاخذي شور ويكون شعرك رطب استخدمي بديل الزيت والافضل يكون من بانتيين لانه حلو ويخلي الشعر على طبيعته000

موضوع رائع تشكر عليه

[أحب ديرتي]

موضووووووووووووع في قمة الروعة واصابة الهدف


رش عطر اصايل مع عطرك اللي تستخدم بس مكثف على فوطة نظيفة ثم بخرها

وحطهااااااااااا بدرج السيارة

واذا ركبت افتح الدرج ومع المكيف ولا احلى>>>>>>>> تكون ريحته لاكثر من اسبوع


يسلموووووووووووووووووووووو باسم دائما مميز

[باسم الثغر]

ياهم عندي رب
نصيحة رائعة للبنات
وياليت البنات يخففن من كثرة استعمال الاستشوار وطقته
لأني أشوفه يتلف الشعر

أحب ديرتي
فكرتك رائعة وجاري التجربة

.
.

من الأفكار البسيطة
بما إننا في هذي الأيام حررررررررر والواحد إذا بغى يتروش بالنهار ياكافي
الماء تسوي فيه شاهي من شدة الحرارة = حتى إننا بدينا نوفر غاز هاليوميين يالله من فضلك القهوة والشاهي من البزبوز مباشرة :) =
الفكرة
افصل فيش السخانة = لاتخليها على الكهرب
وإذا جيت تتروش استعمل الماء اللي يجي منها مباشرة
يكون يميل للبرودة قليلا == هالسخانات مالنا غنى عنها شتاء وصيف :)
هذا الحل وقتي

[عـبدالله بـريدة]

افكار ماعندي افكاار بس نصيحه !!

أسهر على مزااجك وسو الي تبغااه بس حافظ على الصلاة بوقتها
واجلس مع نفسك بعد كل صلاة عشر دقايق واحسب اذنوبك الي سويتهن بين الفرضين واستغفر لهن لاتقول عشر دقايق كثااار ترااك تقعد عند النت فوق خمس ساعات
وبعدها ترتااااح وكل ماتضيق تنفرج وترتاح نفسيا وعقليا وكل شي
والي مااصدق يجرب بس يومين

[بنت عز وما تنهز]

لا ستانسة قوه
ناقز فوق السرير << والله وناسه

[تكرونيه كووول]

اخي باسم الثغر ..
اقف صامته امام روعت حرفك موضوع في قمة الرووووعه ..

لي باكـ ..


دمت لمنتدى بريده ..

[اوكسجين بريده]

نصيحتي لكم كلكم
سو نفسك اطرنبتن بالبيت خلك ما تعرف شي ابد علشان لمنك بديت تدهر بالبيت او برا بيدرون انك تعرف ويبلتون يقولوك لا تقول\ين مهتويه بيجي وقت ما تهتوي/ن همن اورط/ي يقومنك بالغصب http://www.buraydh.com/forum/images/icons/icon10.gifhttp://www.buraydh.com/forum/images/icons/icon10.gif
~
يعطيك العافيه باسم

[اوكسجين بريده]

اذا جاك يوم .. و صكت فيك الدنيا .. و تبي احد يساعدك ما لقيت .. الكل متخلي عنك .. ترى ربك موجود =)
^^
نصيحتي

[الاشـهــب]

نصيحه للشباب

إذا بغيت تشري غنم او معزا
انتبه لعمره لاتصير كبيرة انتبه لاتصير رباع او سداس
الرباع زينه للي يبي يربي
و السداس يعني تالد مره بالكثير مرتين
اما اللي يبي ياكل لايشري إلى جذع
و إذا بغا يشري يسأل اللي يبيع عن عمره وبعدين موب اول واحد يلقاو يشري منه لازم يدور السوق كله
خخخخخ >>> فرح انه اليوم شاري معزا

[اوكسجين بريده]

اذا صرتي مالك خلق تشتغلين وجاوا اهلك قالولك قومي سوي وقمي قولي حطي نفتس تعبانه وانبطحي ع السرير ونامي خخخخخخخ

[باسم الثغر]

أفكاركم طيبة جدا
خصوصا فكرة البنت العجازة :)
.
نصيحة للعيال والبنات
الواحد مادامه عند أهله يخدمهم ويدهر بالبيت
يركب شي ويفك شي ، والبنات يطبخن وينظفن ويبزعن مافيه مشكلة أبد
ترى الواحد لو أخطأ
خطأه مغفور ومتقبل عند الأهل
بس إذا كبر وأعرس ، شريك الحياة مايغفر لك أبد :)
=
تراها نصيحة خاطمة على الموضوع

[خفايا الروح]

موووووووووووووضوع روووووووووووووعه
الدميجه فاااضيه اغدين للقيت معلومه ولا شي جيت وسدحته بذا
ثااااااااااااااااانكيو

[باسم الثغر]

من الأفكار
.
.
إذا صحى الواحد من النوم
وبعد مايغسل
يشرب له كم كوب ماء
ويجلس بعدها ساعة تقريبا
ثم يآكل اللي يبي

دخول الماء للجسم بعد النوم ، مفيد للصحة وللتسليك


ننتظر مرور من وعدنا ، لنستفيد منهم :)
وأي فكرة لاتحقرونها ، ترى يمكن تصير عندك عادية وعندنا جديدة وحلوة

[تكرونيه كووول]

امممممم

اذا قابلت شخص لاول مره تمزح احيننا لا يتقبل مزحتك...

[باسم الثغر]

من الأفكار
هذي الفكرة للي يحب الشاهي ، وراعي الكيف

إذا غلى الماء
حط السكر بالزمزمية
وجب أوراق اللبتون
وحط كم حبة على حسب كبر الزمزمية
ثم اسكب الماء المغلي عليها
وسكرها
انتظر أكثر من نصف ساعة ، وكل ماطالت المدة أحلى
واشرب أحلى شاهي خااااااااادر

[خفايا الروح]

انصح كل بنت تسلف اخوه افلوس علشان تذله
علشان اذا بغيتي تطلعين وقال لالالا قولي جب افلوسي
انا جربته انفعت اول شى معي بعدين قال خوذي افلوسك واقلبي وجهك

[اوكسجين بريده]

دع التفكير وتمتع بالدلاخه
^^
اكبر دليل ان الدلوخه بآمان :f3:

[ابونـآيف]

مشكووووووووووور على الموضوع الرائع

[باسم الثغر]

من الأفكار أو النصائح
.
.
للي يحبون ينحفون
قبل ماتتعشى أو تتغدى بنصف ساعة
حاول تشرب لك كمية من الماء مقدار كوب أو كوبين
عند الأكل تحس بالشبع
وعلشان مايكثر أكلك == ثم نبتلش وش يشيلكم )