المساعد الشخصي الرقمي

مشاهدة النسخة كاملة : تـــبطـــحيي ياحلوة .... فالشغالة في المطبخ

غريب الماضي
09-07-10, 05:37 pm
عرض مواطن على بناته الثلاث اللاتي تُراوح أعمارهن بين 10 و16 سنة رواتب شهرية بين 300 و600 ريال، مقابل القيام بأعمال الخادمة التي هربت مؤخراً.


وقال "المواطن" لبناته إن العرض اختياري، للعمل داخل المنزل من تنظيف وطهي ومتابعه شؤون المنزل والأسرة، كما سيتم منحهن مكافأة إضافية حال عملهن خارج أوقات العمل الأصلي في المناسبات العائلية.


وترك الوالد لـبناته حرية الاختيار بين عدد ساعات العمل اليومية وتحديد اختيار نوع الخدمة المنزلية التي سيؤدينها، مبيناً لهن أن من تعمل وقتاً أطول سيكون راتبها أعلى بغض النظر عن عمرها.


في حين رأت الفتيات في عرض والدهن فرصة لتجربة العمل في المنزل، خاصة أنهن الآن في فترة الإجازة الصيفية.


يشار إلى أن العائلة فقدت خادمتها بعد هروبها قبل عدة أيام، وهو الأمر الذي أربك الأسرة، في حين رأى مقربون من العائلة أن عرض والد الفتيات ينم عن رغبته في عدم وجود الخادمة في المنزل.


في وقتنا الحاضر كل شي تغير

الابناء والفتيات اصبحوا لايشعرون بالانتماء الاجتماعي والعائلي في بيوتهم
واضطر الكثير من الاباء الى ان يستقدموا الخادمات لبيوتهم من اجل قضاء حوائجهم والاعتناء ببيوتهم وكان الاب اصبح ملزما بان يؤمن لفتاته او ابنه خادمة تقوم باحتياجاتهم
وكان الاب اصبح من اوجب واجباته على ابنائه ان يحقق لهم كل رغباتهم والا ؟؟؟!!

والا فهو لايستحق ان يكون اباً مثاليا ولايستحق البرّ ولا التقدير والاحترام
الكثير من الفتيات اليوم اصبح جلّ همها ان تسهر الليالي في الصيف وتنام النهار والتعب والارهاق على كاهل امها المسكينة
وكأن حديث قلبها يقول : هاتوا شغالة منب شغالة عندكم
الى متى يتساهل الاباء والامهات باصول تربيتهم لابنائهم ؟
متى تستشعر الفتيات انهن ملزمات بدور اكبر وعليهن واجبات وحقوق يجب ان تؤدي فيه دورها على اكمل وجه
البيوت امتلأت بالخادمات
والبويت اصابها التفكك من جراء الخادمات واعمالهن السحرية
انني هنا ارسل رسالة الى كل ولي امر والى كل فتاة بان يعوا ويتفهموا دورهم الحقيقي في الشعور الانتمائي للبيت ولللعائلة وان يقوموا بدورهم كما يجب

تحيتي لكم
باسم الثغر
09-07-10, 05:57 pm
هالبنات ينطبق عليهن الأثر
(( من الناس من يقاد للجنة بالسلاسل ))
يبي يسنعهن ويربيهن لأجل مستقبلهن
عسى الله يآجر ويعين الآباء
.
.
.
تحرينا لو طالبنا الوالد براتب وخارج دوام ، ينفع
بدل أجر السواق
وأحيانا تآصل لانتداب :)
شموخـ إمرأهـ
09-07-10, 06:23 pm
^^
خخخخخخخ تضحك على باسم اجل سواق

ايه نرجع لموضوعك حنا طست شغالتنا ومالبيت غيري يشتغل ولا كفائني ابوي ابزعل عليه >>مستشره تبي يرجع ابوه عشان يقراء الموضوع

اذا البيت مليان بنات ويقدرون يتقاسمون الشغل صح

لكن بيت مليان عيال وبزران ولا به غير وحده تكرف لا والله لازم الشغاله
من راحت شغالتنا وانا ما اشوف اهلي زين معظم وقتي شغل
اصالة نادرة
09-07-10, 06:25 pm
وانت وش حارق رزك دافع من من جيبك شيء :)
اب وحاب يعط بناته فلوس بس بطريقة ثانية
وش حاشرك بينهم :c7:

وش اللي طلعك بعد هالغيبه ولا حشروك وخلوك تطلع غصب :cool:
لـمـيـا
09-07-10, 06:26 pm
لي عوده لنقاش غريب زمانه في هذا الموضوع

لي عوده فنتظرني
الشمالي بلس
09-07-10, 06:32 pm
مافي داعي للشغالة دام البيت فيه بنات كثير الا اذا يبي يدلل بناته هذا شي ثاني وبعدين شموخ امراة مشاءالله عليها قائمه بالبيت شي طيب راعية بيت مو زي بنت منيرة
النهى
09-07-10, 07:02 pm
الله يكون بعونهن
لو 3000 مو 300 ماكرفت كرف الخدامات
الله يديمهن بس فوق روسنا
رآنيآ
09-07-10, 07:28 pm
والله شوف
الشعب السعودي شعب كسوووووول فلا تستغرب منهم العجز والتبطح !
لو تقارن التربية كيف من دوله لدوله عرفت شلون الفرق ! وطريقة تربيتهم لاولادهم
( يكمن ذلك في التربيه )

وعن نفسي انا ما اسكت
شغالتنا الاخيره لقيناها بتنتحر بالصدفه !! تبي تطب من عند الجدار !!
مسكها اخوي ونزلها وخذ وخل هواش وصراخ ! حتى عداد الكهرب طفوه مادري شسالفه ! وطفى علي الاب :for1:

وعقبها سفرناها وقال ابوي خلاص ماعاد نبي شغاله مره ثانيه
والحين بنكمل السنه وحنا بدون الشغاله :g1:
طبعا انا وخواتي الثنتين ، ما اسكتنا عن حقنا ، قلنا لابوي بالشهر تعطينا راتب
ووافق بس مو ذاك الشغل يعني شي بسيط وبالمقابل راتب http://www.buraydh.com/forum/images/icons/icon10.gif

جزيت خيرا
شموخـ إمرأهـ
09-07-10, 07:36 pm
وبعدين شموخ امراة مشاءالله عليها قائمه بالبيت شي طيب راعية بيت مو زي بنت منيرة


ربي كتب لـ حمد يصير فهد
وش الفرق يعني بين بنت منيرة وشموخ كله 6 ايام بس >>ياعمري تقل شغاله تحتري راتبه بس تحسب لي روحه هع
فديكا التميمي
09-07-10, 08:09 pm
الاخطاء الاملائيه تقل موب غريبتن علي؟؟؟؟
الاهم من هذاااا الله يديمهن ويجيب لنا سواق معه لان العيال ماش
مامنهم نفع سواء دحيناهم بنزين والا لا...
أبو الريش
09-07-10, 08:19 pm
يوجد أشياء كثيره أيضاً جعلت من الشاب متبطح بالبيت وليس الأمر مقصور عليها ,,,

الشباب والبنات عندنا ماقول إلا الله يستر مايعرف ولا يطعم من روحه إلا من رحم ربي,,

عاد ياشين البنت لاصارت عجازه !!!
شموخـ إمرأهـ
09-07-10, 09:08 pm
يوجد أشياء كثيره أيضاً جعلت من الشاب متبطح بالبيت وليس الأمر مقصور عليها ,,,

الشباب والبنات عندنا ماقول إلا الله يستر مايعرف ولا يطعم من روحه إلا من رحم ربي,,

عاد ياشين البنت لاصارت عجازه !!!

واللي يطعم من روحه يصير بوجه المدفع
بالعكس اذا شفت شخص عجاز قلت ياسعده هم المبسوطين
قـتـالـه
09-07-10, 09:30 pm
بعزايمنا الشغالات احب علي من كفيلاتهن :f6:
أحب نفسي
09-07-10, 09:47 pm
أنآ شغــآلة البيت ,,:f6: وأبوي بس يقولي يمال العافية.:g1:.
أحب نفسي
09-07-10, 09:52 pm
واللي يطعم من روحه يصير بوجه المدفع
بالعكس اذا شفت شخص عجاز قلت ياسعده هم المبسوطين
يمال المضرآب اللي يضبهن تجيك الوحده تقل ناقه من كبرة ,
ولآطق عودن عود قآلت أبنحف , أعنبوتس ارحمي نفستس وخففي من هالشحم اللي رآكبك ..
والله بنآت آخر زمن ,
الوحده مآتعرف تطبخ إلآ لآجت تتزوج,والشرهه موب عليهن , به أحد يلقى نعمة ويرفسه لكن الشرهه ع الأمهآت ,
أوك خلي الشغالة تنظف لكن البنت المفروض تطبخ ..

حنآ مآعندنآ شغّآلة, والله لآقعدت مع البنآت اللي كبري أفرح أني أعرف للشغل وبنفس الوقت أحسدهن أنه مآخوذ عنهن فكرة انهن مآيعرفن وكآسبآتن رآحتهنّ..
شموخـ إمرأهـ
09-07-10, 10:29 pm
يمال المضرآب اللي يضبهن تجيك الوحده تقل ناقه من كبرة ,
ولآطق عودن عود قآلت أبنحف , أعنبوتس ارحمي نفستس وخففي من هالشحم اللي رآكبك ..
والله بنآت آخر زمن ,
الوحده مآتعرف تطبخ إلآ لآجت تتزوج,والشرهه موب عليهن , به أحد يلقى نعمة ويرفسه لكن الشرهه ع الأمهآت ,
أوك خلي الشغالة تنظف لكن البنت المفروض تطبخ ..

حنآ مآعندنآ شغّآلة, والله لآقعدت مع البنآت اللي كبري أفرح أني أعرف للشغل وبنفس الوقت أحسدهن أنه مآخوذ عنهن فكرة انهن مآيعرفن وكآسبآتن رآحتهنّ..


من اول ماطلعت من بطن امي وعندةا شغاله
مع ذلك والله الحمد اعرف لكل شئ
اطبخ وانظف والبس واشيل واحط والعزايم كلها بوجهي
ومن قرادتي ان اهل امي ماعندهم بنات صايرن الكل يتكل علي
بس حرارتي ضرتني كثثثثير >>اذا عندتس حل اولاااه

اما عن البنات اللي تقولين وقسم افشل تلقين مره عجوز تفرش السماط تحتها وهي تناظر ماعندها مشكله>>قمة الوقحه وقل الادب

يعني وجود الشغاله موب هو اللي يخلي البنت عجازه

>>خطمه
امي منيرة تقول السنع جيانات وراثيه >>والعهده على امي خخخخخخخخخخ
أحب نفسي
09-07-10, 10:49 pm
من اول ماطلعت من بطن امي وعندةا شغاله
مع ذلك والله الحمد اعرف لكل شئ
اطبخ وانظف والبس واشيل واحط والعزايم كلها بوجهي
ومن قرادتي ان اهل امي ماعندهم بنات صايرن الكل يتكل علي
بس حرارتي ضرتني كثثثثير >>اذا عندتس حل اولاااه
لآ ماعندي لقرآدة الحظّ حلّ....:f6:

اما عن البنات اللي تقولين وقسم افشل تلقين مره عجوز تفرش السماط تحتها وهي تناظر ماعندها مشكله>>قمة الوقحه وقل الادب

يعني وجود الشغاله موب هو اللي يخلي البنت عجازه

>>خطمه
اي والله شوف عيني ,,
امي منيرة تقول السنع جيانات وراثيه >>والعهده على امي
خخخخخخخخخخ

لآ , بالعكس السنع مو ورآثه , لو هو ورآثه تسآن هالبنتآ أغلبهنّ سنعآت ,
حريم الأولآت والله ظليمتهنّ شينه ,,
السنع ع التعوّد ,, والتدريب..

شوفي أنتم عندكم شغالة ع قولتك من صغرك ,
لكن يمكن أمك مآتتكل ع الشغآلة بكل شيء. موكلتك ببعض الأعمآل وهذآ اللي أجبرك ع تحمّل المسؤوليه . ولآ هيّن تحمل المسؤولية مآهو بورآثه ..
البارق
10-07-10, 12:10 am
الشغالات وما أدراك مالشغالات

شر لااااااااابد منه

لكن الحقيقة التي لا ينكرها منصف
أنهن أفسدن طبائع البنات

فمع وجود الشغالة اصبحت البنت
لا تستطيع تحمل المسؤولية
وتعودت على الإتكالية
فإذا ذهبت إلى بيت الزوجية
أسقط في يدها
ووقعت في الحرج مع زوجها
وفي الواقع كثير من الحالات تثبت ذلك



شكراً غريب
على روعة طرحك
أمنية الرحيل
10-07-10, 12:42 am
الابناء والفتيات اصبحوا لايشعرون بالانتماء الاجتماعي والعائلي في بيوتهم


عجبي! شعور الإنتماء الاجتماعي يكمن في الطبخ والنفخ والغسيل وماسواه باطل!

متى سنتشبع شعور الحب داخل بيوتنا؟
زمن الغرباء
10-07-10, 02:08 am
جيت على الجرح كنت بكتب موضوع عن شغل البيت .. وان شاء الله ابكتب ..
باختصاااار البنت مو هي المسؤولة عن الشغل لحاله لابد يكون تكاتف ..
ولنا في رسول الله اسوة حسنة .. كان يساعداهله على الشغل ..
فأين الرجال المقتدون ..
صدقني ..
انا ماأبرر للبنات .. بس والله من واقع تجربتي ..
والله ثم والله لو يتكاتفون اهل البيت مااحتاجوا خدامة ..
بالتوفيق لك ..
شموخـ إمرأهـ
10-07-10, 03:58 am
لآ , بالعكس السنع مو ورآثه , لو هو ورآثه تسآن هالبنتآ أغلبهنّ سنعآت ,
حريم الأولآت والله ظليمتهنّ شينه ,,
السنع ع التعوّد ,, والتدريب..

شوفي أنتم عندكم شغالة ع قولتك من صغرك ,
لكن يمكن أمك مآتتكل ع الشغآلة بكل شيء. موكلتك ببعض الأعمآل وهذآ اللي أجبرك ع تحمّل المسؤوليه . ولآ هيّن تحمل المسؤولية مآهو بورآثه ..

امي منيرة ما تقول لا صزز>>تبي ترفع بـ امه منيرة
للاسف ان البنات تتوقع من الدلال انها ما تشتغل
ماتدري انه شخص غير نافع >>جيت ابقول شئ بس هونت
Princess Flair
10-07-10, 05:35 am
شسما ..
جد البنت لازم تكون متع ـوده من يوم وهي صغيرره ..~
يسلمو
صرقعة جيل
10-07-10, 01:30 pm
والا فهو لايستحق ان يكون اباً مثاليا ولايستحق البرّ ولا التقدير والاحترام
الكثير من الفتيات اليوم اصبح جلّ همها ان تسهر الليالي في الصيف وتنام النهار والتعب والارهاق على كاهل امها المسكينة
وكأن حديث قلبها يقول : هاتوا شغالة منب شغالة عندكم
الى متى يتساهل الاباء والامهات باصول تربيتهم لابنائهم ؟
متى تستشعر الفتيات انهن ملزمات بدور اكبر وعليهن واجبات وحقوق يجب ان تؤدي فيه دورها على اكمل وجه
البيوت امتلأت بالخادمات
والبويت اصابها التفكك من جراء الخادمات واعمالهن السحرية
انني هنا ارسل رسالة الى كل ولي امر والى كل فتاة بان يعوا ويتفهموا دورهم الحقيقي في الشعور الانتمائي للبيت ولللعائلة وان يقوموا بدورهم كما يجب




شدخل التربيه بام الموضوع
وبعدين ياخوك خلنا تسذا خلهم الشيبان يدلعونا وش حارق رزك
ابو ويبي يدلع بناته وهـ بس يالله كلن تخليلوه شويبوه
:
:
جنرال وسهم خسارة
10-07-10, 01:48 pm
يمدحون الفقس لحموضة الساقين
تبطحي وش هالكلام
بناتنا قرمات ويهبلن
غريب الماضي
10-07-10, 04:19 pm
هالبنات ينطبق عليهن الأثر
(( من الناس من يقاد للجنة بالسلاسل ))
يبي يسنعهن ويربيهن لأجل مستقبلهن
عسى الله يآجر ويعين الآباء
.
.
.
تحرينا لو طالبنا الوالد براتب وخارج دوام ، ينفع
بدل أجر السواق
وأحيانا تآصل لانتداب :)


حياك باسم
ياقلبي اعرف شخص يقول ان ان مرتي اقول لها اطبخي لي وغسلي ملابسي ونظفي البيت
تقول له لا !!
مدري وراه
المهم تحققت من الامر اثره مدلعه يوم كانت عند اهله
ماكانت تصلح شيء في البيت ماغير والله تبطح ويجي لها كل من هب ودب
وبعد زواجها لم تكون مسأوله على زوجها وعلى بيتها

بنات اخر زمن قسم
تحياتي
غريب الماضي
10-07-10, 04:22 pm
^^
خخخخخخخ تضحك على باسم اجل سواق

ايه نرجع لموضوعك حنا طست شغالتنا ومالبيت غيري يشتغل ولا كفائني ابوي ابزعل عليه >>مستشره تبي يرجع ابوه عشان يقراء الموضوع

اذا البيت مليان بنات ويقدرون يتقاسمون الشغل صح

لكن بيت مليان عيال وبزران ولا به غير وحده تكرف لا والله لازم الشغاله
من راحت شغالتنا وانا ما اشوف اهلي زين معظم وقتي شغل

فرق ياشموخ بين بنت لوحدها وفرق بين بنات في البيت
الان حتي لو كان البيت مليان بنات كل وحده تقول للثانيه انتي اشتغلي
ماتدري انه تنظف عن امها وابيها واخوها

مثل ماقلتي انتي لوحده بالبيت لكن مانلومك
اما اذا كان البيت مليان بنات بهيك الوم البنات

مهما يكون اذا اشتغلتي ونظفتي فانتي مااشتغلتي الا لاهلك

ان شاءالله على اجر

تحياتي
غريب الماضي
10-07-10, 04:27 pm
وانت وش حارق رزك دافع من من جيبك شيء :)
اب وحاب يعط بناته فلوس بس بطريقة ثانية
وش حاشرك بينهم :c7:

وش اللي طلعك بعد هالغيبه ولا حشروك وخلوك تطلع غصب :cool:

خوفي بكرا تقول اختي لبوي ماراح اشتغلي الا بفلوس
وغير كذا خوفي ان البنات بكرا تتطلق وبسبب انه ماتشتغل عند زوجه
مير بلاك ماسمعتي اللي انا سامعه غير هذا الموضوع
اول ماكتبت الموضوع وجاني واحد من الاعضاء وشكالي همه
يقول وربي من يوم زواجي ماعمر زوجتي طبخت لي ولا غسلت ملابسي ولا نظفت البيت وكل ماقلت لها شيء تقول لا مااحب اني اشتغل
بالله هذا حاله

لكن اقول له كان الله في عونك

وتحياتي
غريب الماضي
10-07-10, 04:28 pm
لي عوده لنقاش غريب زمانه في هذا الموضوع



لي عوده فنتظرني



انتظرك احر من الجمر


النتظرك

تحياتي
غريب الماضي
10-07-10, 04:30 pm
مافي داعي للشغالة دام البيت فيه بنات كثير الا اذا يبي يدلل بناته هذا شي ثاني وبعدين شموخ امراة مشاءالله عليها قائمه بالبيت شي طيب راعية بيت مو زي بنت منيرة

الله يعافيك
لكن الان اصبحن البنات تتدلع وتصحى اخر من في البيت
واذا صحت منه النوم تلقى كل شيء جاهز لها
وش تبين اكثر من كذا ؟

وبنت منيره قليل من جنسه الله يرزقها ببر والدينه
الله يصلحن بس

تحياتي
غريب الماضي
10-07-10, 04:32 pm
الله يكون بعونهن
لو 3000 مو 300 ماكرفت كرف الخدامات
الله يديمهن بس فوق روسنا

هذي نمونه من اللي ذكرت

اصلحك الله

تحياتي
ساعات
10-07-10, 04:36 pm
والله ما هنا حليلهن بس اذا جت تروح مشكلات
مافيه شغاله على طووول
غريب الماضي
10-07-10, 04:37 pm
والله شوف
الشعب السعودي شعب كسوووووول فلا تستغرب منهم العجز والتبطح !
لو تقارن التربية كيف من دوله لدوله عرفت شلون الفرق ! وطريقة تربيتهم لاولادهم
( يكمن ذلك في التربيه )

وعن نفسي انا ما اسكت
شغالتنا الاخيره لقيناها بتنتحر بالصدفه !! تبي تطب من عند الجدار !!
مسكها اخوي ونزلها وخذ وخل هواش وصراخ ! حتى عداد الكهرب طفوه مادري شسالفه ! وطفى علي الاب :for1:

وعقبها سفرناها وقال ابوي خلاص ماعاد نبي شغاله مره ثانيه
والحين بنكمل السنه وحنا بدون الشغاله :g1:
طبعا انا وخواتي الثنتين ، ما اسكتنا عن حقنا ، قلنا لابوي بالشهر تعطينا راتب
ووافق بس مو ذاك الشغل يعني شي بسيط وبالمقابل راتب http://www.buraydh.com/forum/images/icons/icon10.gif

جزيت خيرا

بلعكس الشعب السعودي شعب قوام ويقوم بواجباته
لكن الاب والام خربن بناتهم

غريب امرك
الحين تشتغلين لابوك وامك واخوك بفلوس ؟
عيب والله عليك

الحين من اللي علمك ومن اللي صرف عليك ومن اللي يوديكم ويجيبكم من اللي يوكلكم ومن اللي يشربكم ومن اللي يشري لكم ملابس ومن ومن ومن .... الى اخره

ولاا عمر ابوكم قال لكم عطوني فلوس !
والحين تشتغلون لبيت ابوكم بفلوس !!

عيب ياستي اشتغلي بالبيت وبدون اي راتب

وغير كذا والله العظيم ماراح ينجح زواجك الا من رحم ربي
اذا هذا شغلك وسواتك

ترى بكرا زوجك ماراح يجيب لك شغاله

تحياتي
فديكا التميمي
10-07-10, 04:38 pm
حياك باسم
ياقلبي اعرف شخص يقول ان ان مرتي اقول لها اطبخي لي وغسلي ملابسي ونظفي البيت
تقول له لا !!
مدري وراه
المهم تحققت من الامر اثره مدلعه يوم كانت عند اهله
ماكانت تصلح شيء في البيت ماغير والله تبطح ويجي لها كل من هب ودب
وبعد زواجها لم تكون مسأوله على زوجها وعلى بيتها

بنات اخر زمن قسم

تحياتي



المعروف ان المدلعه هي اللي تكرف دايم تقال خذ مدلعه ولاتاخذ ملطمه<<معلومه واستفيد منه...
غريب الماضي
10-07-10, 04:40 pm
الاخطاء الاملائيه تقل موب غريبتن علي؟؟؟؟
الاهم من هذاااا الله يديمهن ويجيب لنا سواق معه لان العيال ماش
مامنهم نفع سواء دحيناهم بنزين والا لا...

اتحداك اذا لقيتي اي خطأ غير الهمزات
لكن شكل قرأتك كلها خطأ
راجعي للموضوع وتحققي بالأمر

وكل هذا تجحدين اخوانك على انهم مايودونك ولا يجيبونك ؟

الله يصلحك يارب

تحياتي
غريب الماضي
10-07-10, 04:42 pm
يوجد أشياء كثيره أيضاً جعلت من الشاب متبطح بالبيت وليس الأمر مقصور عليها ,,,

الشباب والبنات عندنا ماقول إلا الله يستر مايعرف ولا يطعم من روحه إلا من رحم ربي,,

عاد ياشين البنت لاصارت عجازه !!!

سيدي ابو الريش اهلا بك
نحنُ نتكلم عن شغل البيت فقط لانتكلم عن امر اخر
الان اصبحن البنات يخالفن قول الله تعالي
الفتاة ملزوم ان تلتزم بيتها فقط لا للنوم والاكل

تحياتي
غريب الماضي
10-07-10, 04:44 pm
بعزايمنا الشغالات احب علي من كفيلاتهن :f6:

اذا كانت فقط للعزايم شيء لابد منه لان الشغل كثير جداً
اما اذا كان في البيت فلا اسمح لا اي بنت تبطح وتنام

تحياتي
غريب الماضي
10-07-10, 04:45 pm
أنآ شغــآلة البيت ,,:f6: وأبوي بس يقولي يمال العافية.:g1:.

والله والنعم فيك بنت اصل وفصل وتربيه زينه يامن العافيه

الا يكفي رضاء ابيك عليك !!

ابشري بالجنه اذا كان هذا شغلك

تحياتي
غريب الماضي
10-07-10, 04:47 pm
الشغالات وما أدراك مالشغالات

شر لااااااااابد منه

لكن الحقيقة التي لا ينكرها منصف
أنهن أفسدن طبائع البنات

فمع وجود الشغالة اصبحت البنت
لا تستطيع تحمل المسؤولية
وتعودت على الإتكالية
فإذا ذهبت إلى بيت الزوجية
أسقط في يدها
ووقعت في الحرج مع زوجها
وفي الواقع كثير من الحالات تثبت ذلك



شكراً غريب
على روعة طرحك

اهلا بالعميد

اقف احتراماً لحروفك ياسيدي
ارفع لك قبعتي لواقع كلامك ياسيدي

جزاك الله خير الجزاء وبارك الله لك في عملك

تحياتي لك
غريب الماضي
10-07-10, 04:49 pm
عجبي! شعور الإنتماء الاجتماعي يكمن في الطبخ والنفخ والغسيل وماسواه باطل!

متى سنتشبع شعور الحب داخل بيوتنا؟

نعم
نشعر عندما لبة طلابات اهلها ومستلزماتهم

تحياتي
غريب الماضي
10-07-10, 04:51 pm
جيت على الجرح كنت بكتب موضوع عن شغل البيت .. وان شاء الله ابكتب ..
باختصاااار البنت مو هي المسؤولة عن الشغل لحاله لابد يكون تكاتف ..
ولنا في رسول الله اسوة حسنة .. كان يساعداهله على الشغل ..
فأين الرجال المقتدون ..
صدقني ..
انا ماأبرر للبنات .. بس والله من واقع تجربتي ..
والله ثم والله لو يتكاتفون اهل البيت مااحتاجوا خدامة ..
بالتوفيق لك ..

هل تريدين ان اخوها يساعدها على الطبخ والنفخ ؟
اذن ماهو شغل الرجل في البيت ؟
الا ان يوديهم ويجيبهم ويلبي طلباتهم بالخارج وغير ذاك لا أأيد اي رجل يساعد اهله في البيت الا بحاله واحد :
الا وهي اذا كان البيت خالي من البنات

تحياتي
غريب الماضي
10-07-10, 04:52 pm
شسما ..
جد البنت لازم تكون متع ـوده من يوم وهي صغيرره ..~
يسلمو

الله يعافيك
طيب واذا قالت لا وش نسوي به ؟ عنيده وتبي تقلد صديقاته

تحياتي
غريب الماضي
10-07-10, 04:55 pm
شدخل التربيه بام الموضوع
وبعدين ياخوك خلنا تسذا خلهم الشيبان يدلعونا وش حارق رزك
ابو ويبي يدلع بناته وهـ بس يالله كلن تخليلوه شويبوه
:
:



ههههه
عجبي ؟
اجل لو ماكان فيه تربيه كان البنت الله يستر عليه بس
حارق رزي لان وربي اني ناصح لكم وقسم بالله

بلاك ماسمعتي القصه اللي حصلت مع زوج على زوجته

ماابي اي بنت يصير به مثل زوجك واحد من الاعضاء هنا
قسم يوم ارسل لي البارح انه ضاق صدري وبديت ادعي له

تحياتي
غريب الماضي
10-07-10, 04:56 pm
يمدحون الفقس لحموضة الساقين
تبطحي وش هالكلام
بناتنا قرمات ويهبلن

كل شخص له وجهت نظر
ربما ان اهلك ومن كان حولك قرمات ويهبلن
لكن ترى مو كل البنات هيك

تحياتي
نبـْض آخيـْر
10-07-10, 04:57 pm
،

بنظري الخادمات اليوم أمر ضروري وهذي نعمة وبنفس الوقت نقمة !
اليوم هناك عائلات تمتلئ بيوتهم بالاطفال والشباب والنساء وبنفس الوفت بالجد والجدة !
لو فرضنا فتاة واحدة هل تقوم بمهام البيت الكبير الملئ بالاطفال !!!
بالفعل لاتستطيع ومستحيل لانها ليست آله مكينة تقوم بهذا الأمر !
من غسيل ونظافة وطبخ !!
اذا الخادمــة ومعها أهـل البيت [ ذكرت وأهل البيت أي ليس بمفردها ]
بأستطاعتهم عمل أمور البيت كـ الفتاة أو الأم تقوم بعملية الطبخ
والخادمــة بعملية الغسيل والبنات تقوم بعملية التقديم :)




شكرآ
سمو ذات
10-07-10, 05:16 pm
بلعكس الشعب السعودي شعب قوام ويقوم بواجباته

لكن الاب والام خربن بناتهم




اسمح لي ان اخالفك الرأي هنا فأغلب الشعب السعودي من الذكور
اتكالي ولامسئول
وليست الإنثى فقط من تتكل على الخادمة وتترك عمل البيت
فكن منصفاً واذكر سلبيات الرجال ولاتصب جام غضبك على الأنثى !!!!


والدليل إن الأب يعطي السيارة ولده من عمر 15
عشان مايصير مسئول عن مشاوير اسرته
ومن بعد مايكبر الولد شوي يجيب سواق لأن الولد صار مايستمر بتحمل مسئولية اهله !!!!
أبو الريش
10-07-10, 05:41 pm
سيدي ابو الريش اهلا بك
نحنُ نتكلم عن شغل البيت فقط لانتكلم عن امر اخر
الان اصبحن البنات يخالفن قول الله تعالي
الفتاة ملزوم ان تلتزم بيتها فقط لا للنوم والاكل

تحياتي


والرجل بعد يشتغل بالبيت ,, أقول وش أنا أسوي علشان تبعد عنك التبطح وتصير مثلي


أغسل الحوش وأسقي الدجاج والحمام أنظف غرفتي اغسل ثيابي العب مع البزران بعض الاوقات بس أحيانا اللي بالبيت مايبون المس شي لاني منب احب التبطح لانه مرض خطيير

شكراً كفاني
شموخـ إمرأهـ
10-07-10, 07:00 pm
وبنت منيره قليل من جنسه الله يرزقها ببر والدينه

امييييييييين وياك

وانت صازز قليلن جنسي خخخخخخخخخخ
مهـرهـ
10-07-10, 10:03 pm
اعتقد نسبة العجز والبطاله عند العيال اكثر من البنات
صمت الرجال
10-07-10, 10:28 pm
معد فيه حريم سنعات
ويلومونا فيهم
رآنيآ
10-07-10, 10:53 pm
بلعكس الشعب السعودي شعب قوام ويقوم بواجباته
لكن الاب والام خربن بناتهم

غريب امرك
الحين تشتغلين لابوك وامك واخوك بفلوس ؟
عيب والله عليك

الحين من اللي علمك ومن اللي صرف عليك ومن اللي يوديكم ويجيبكم من اللي يوكلكم ومن اللي يشربكم ومن اللي يشري لكم ملابس ومن ومن ومن .... الى اخره

ولاا عمر ابوكم قال لكم عطوني فلوس !
والحين تشتغلون لبيت ابوكم بفلوس !!

عيب ياستي اشتغلي بالبيت وبدون اي راتب

وغير كذا والله العظيم ماراح ينجح زواجك الا من رحم ربي
اذا هذا شغلك وسواتك

ترى بكرا زوجك ماراح يجيب لك شغاله


تحياتي


الا السعوديين كسولين وبالذات هالجيل على قولتك ان الاب والام مخربينهم

وبعدين مو عيب اشتغل لهم بفلوس ، ابوي يستانس اذا شافنا نشتغل
وبالمره الفلوس هو الي اقترح هالشي ، وحنا ترتفع معنوياتنا اكثر
حتى مو مهتمين ، كم شهر راح ولا اخذنا شي
لكن احيانا يكون ودنا بشي ويرفض ! نقوله من الراتب ها ؟ فقط

بالنسبه لزوجي بكره ماراح يجيب لي شغاله ! << اصلا انا ابرفض وبربي جيل واغد يعتمد على نفسه :g1:

........
غريب الماضي
12-07-10, 12:41 am
والله ما هنا حليلهن بس اذا جت تروح مشكلات
مافيه شغاله على طووول

الله مير يصلحك قولي امين
والله يرزق ابوك وامك بنت تبربهم
غريب الماضي
12-07-10, 12:42 am
المعروف ان المدلعه هي اللي تكرف دايم تقال خذ مدلعه ولاتاخذ ملطمه<<معلومه واستفيد منه...

معلومه غبيه ؟
اجل البنت اللي تدلع هي اللي تكرف ؟
اجل وشلون تصير مدلعه ؟
غريب الماضي
12-07-10, 12:45 am
،

بنظري الخادمات اليوم أمر ضروري وهذي نعمة وبنفس الوقت نقمة !
اليوم هناك عائلات تمتلئ بيوتهم بالاطفال والشباب والنساء وبنفس الوفت بالجد والجدة !
لو فرضنا فتاة واحدة هل تقوم بمهام البيت الكبير الملئ بالاطفال !!!
بالفعل لاتستطيع ومستحيل لانها ليست آله مكينة تقوم بهذا الأمر !
من غسيل ونظافة وطبخ !!
اذا الخادمــة ومعها أهـل البيت [ ذكرت وأهل البيت أي ليس بمفردها ]
بأستطاعتهم عمل أمور البيت كـ الفتاة أو الأم تقوم بعملية الطبخ
والخادمــة بعملية الغسيل والبنات تقوم بعملية التقديم :)

شكرآ


بنظرك انت فقط ؟
اما بنظري وبنظر الاخرين ان الشغاله نقمه على المجتمع الا فقط للضروره القصوى
فديكا التميمي
12-07-10, 12:47 am
معلومه غبيه ؟
اجل البنت اللي تدلع هي اللي تكرف ؟

اجل وشلون تصير مدلعه ؟

خلك معي وافهم...
المدلعه بييت اهله احسن من الملطمه اسال امك حنا افهم بهالامور :)
غريب الماضي
12-07-10, 12:49 am
اسمح لي ان اخالفك الرأي هنا فأغلب الشعب السعودي من الذكور
اتكالي ولامسئول
وليست الإنثى فقط من تتكل على الخادمة وتترك عمل البيت
فكن منصفاً واذكر سلبيات الرجال ولاتصب جام غضبك على الأنثى !!!!


والدليل إن الأب يعطي السيارة ولده من عمر 15
عشان مايصير مسئول عن مشاوير اسرته
ومن بعد مايكبر الولد شوي يجيب سواق لأن الولد صار مايستمر بتحمل مسئولية اهله !!!!



لكن به عجز وكسل
لكن لو نظرنا للأكثيره نرى ان النساء اكثر كسلاً من الرجال
انظري الى مقاضي البيت وانظري الى قيادة السياره وانظري الى العمل .... الى اخره

لكن لو نظرنا الى المرأه لم يكون الا شغلها الشاغل البيت والمطبخ والغسيل وبكذا يخلص شغلها بدقائق معدوده

ومن يعطي السياره لولده وهو بعمر صغير هذا دليل على قرامة الرجال والأولاد
وما انا ارى السواويق الا للعوائل الكبيره

تحياتي
غريب الماضي
12-07-10, 12:51 am
والرجل بعد يشتغل بالبيت ,, أقول وش أنا أسوي علشان تبعد عنك التبطح وتصير مثلي


أغسل الحوش وأسقي الدجاج والحمام أنظف غرفتي اغسل ثيابي العب مع البزران بعض الاوقات بس أحيانا اللي بالبيت مايبون المس شي لاني منب احب التبطح لانه مرض خطيير

شكراً

حسيت من كلامك طباخ خخخ

اشكرك
غريب الماضي
12-07-10, 12:52 am
اعتقد نسبة العجز والبطاله عند العيال اكثر من البنات


وجهت نظر وكل شخص له رأيه

اشكرك
غريب الماضي
12-07-10, 12:53 am
معد فيه حريم سنعات
ويلومونا فيهم


الله يعافيك على هذا الرد
غريب الماضي
12-07-10, 01:05 am
الا السعوديين كسولين وبالذات هالجيل على قولتك ان الاب والام مخربينهم

وبعدين مو عيب اشتغل لهم بفلوس ، ابوي يستانس اذا شافنا نشتغل
وبالمره الفلوس هو الي اقترح هالشي ، وحنا ترتفع معنوياتنا اكثر
حتى مو مهتمين ، كم شهر راح ولا اخذنا شي
لكن احيانا يكون ودنا بشي ويرفض ! نقوله من الراتب ها ؟ فقط

بالنسبه لزوجي بكره ماراح يجيب لي شغاله ! << اصلا انا ابرفض وبربي جيل واغد يعتمد على نفسه :g1:

........

اجل مهب عيب تشتغلين بفلوس ؟
اجل انتي الحين مااشتغلتي علشان ابوك الا مشتغله علشان القرشين اللي راح يجينك
ووش هالشيء اللي يرفع معنوياتك ؟
لايكون بس ابوك معطيك مليون وانا مدري

الا اذا احتجتي شيء قولي لي ترى عادي واللي عندي مكفيني وزياده اذا كان على ام ست ميه وماتحت

راح تربين جيل يعتمد على نفسه خخخخخخخ
طيب وراه ماتقولين ودي ان امي وابوي يربونن على اني اعتمد على نفسي
ههههه
سبحان الله تبي تربين الجيل الجديد وماتبين ابوك وامك مايربونك على انك تعتمدين على نفسك ؟

اشكرك ومع التناقض
كلي عربجية
12-07-10, 02:13 am
السلام عليكم اخي ام أختي صاحبــ/ــة الموضوع ..مشكور/ة لا خلا ولا عدم ..

انا راأأي اذا كان البيت فية بنات كثير أحس مالة داعي لشغالة أبد يعني كل وحده تمسك لة ركن من البيت وخلاص اماالبيت اللي مابة الا بنتين او ثلاث والعيال يرزحون بالبيت اكيد لزوم الشغالة ..
بس اسمحلي ردودك شوي فيها من الغلط يعني قصدي تعميمك للبنات علو قولتك يقومن يشوفن الفطور جاهز او يصحن مو مبكر ويشوفن الغداء جاهز بنسبة قليلة اشوف البنات اللي كذا ..
مشكور مرة ثانية واصل/ي ابداعك اخي او اختي..



ملاحظة تراني مدري اذا انت/ي بنت اوو ولد...
اذكر الله ياخفوقي
13-07-10, 01:18 am
معد فيه حريم سنعات
ويلومونا فيهم


وش دعووووى يا خووي مو كل الحريم سوى هذا حنا انا وخواتي من يوم انا صغيرة وحنا ماعندنا خدامة وبالعكس على كثر الشغل ما عمرنا تظايقنا او قلنا نبي خدامة عالعموم هو تراه على التعود يمكن بعض البنات مايبون يشتغلون لانهم من يوم هم صغار وهم مايشيلون الملعقة عاد يوم كبروا تبيهم يشتغلون مسسستحيل ..
غريب الماضي
13-07-10, 01:55 am
السلام عليكم اخي ام أختي صاحبــ/ــة الموضوع ..مشكور/ة لا خلا ولا عدم ..

انا راأأي اذا كان البيت فية بنات كثير أحس مالة داعي لشغالة أبد يعني كل وحده تمسك لة ركن من البيت وخلاص اماالبيت اللي مابة الا بنتين او ثلاث والعيال يرزحون بالبيت اكيد لزوم الشغالة ..
بس اسمحلي ردودك شوي فيها من الغلط يعني قصدي تعميمك للبنات علو قولتك يقومن يشوفن الفطور جاهز او يصحن مو مبكر ويشوفن الغداء جاهز بنسبة قليلة اشوف البنات اللي كذا ..
مشكور مرة ثانية واصل/ي ابداعك اخي او اختي..



ملاحظة تراني مدري اذا انت/ي بنت اوو ولد...

وعليكم السلام
شكرا لكِ لكن لم اعمم انا
قلت فئه كثيره من الفتياة

انا ليسُ امرأه بل رجل

تحياتي لكِ