قروشنا راحت بخرابيط !!!

[عاشق ديرتي بريده]

في منازلنا وفي استراحتنا ومزارعنا اشياء واشياء

لو رجعت لمحتوياتها لوجدت نصف اغراضها لاتستخدم

ذهبنا واشترينا اغراض منها لا لشي وإنما لمجرد الشراء

ثقافة الشراء لدينا إن لم تكن ضئيله فهي معدومه

انظر ماحولك في غرفتك وسوف تعلم أنك مخطي

اشياء كثيره نشتريها كاتقليد او اعجاب مؤقت لكن بالنهايه تبقى من ضمن الأثاث الذي لا فائدة منه !

لماذا نشتري اشياء لا نحتاجها ؟

هل الفراغ وزيادة المال هي السبب ؟

أم أننا لم نفكر يوما بشي إسمه ثقافه الشراء !

انظر مالذي تستفيد منه بحياتك وسوف تكتشف أن نقودك ذهبت ادراج الرياح !

بالنهايه اقول قروشنا راحت بخرابيط !

[فديكا التميمي]

<<<هذي اول وحده ابوه يقول انتي خربيه ماتعرفين تمسكين القرش...
وين راحن له وش شريت ماادري..!! اشري لغرض التلمك بس وبعده مايهمن اللي شريت...

[دقات قلب]

يمكن يكون فسق اقرب شي ..

[عاشق ديرتي بريده]

فديكا
لست وحدك من البنات فهن يتميرن بالشي هذا لأن الفراغ لديكن اكثر من الرجال !
ولكن إلى متى الخرابيط ؟

[قلب الأسد]

تصدق ياعاشق اني دايم اشوف اشياء بالبيت نصهن مالهن ام داعي

بس شي بالنفس واحياناً على قولتك لانفكر بثقافة الشراء << متعوب عليه

هالكلمه ياعاشق هههه شكلك توك سامعه بأحد هالقنوات هههه

[فديكا التميمي]

فديكا
لست وحدك من البنات فهن يتميرن بالشي هذا لأن الفراغ لديكن اكثر من الرجال !
ولكن إلى متى الخرابيط ؟

ودي واتمنى اني اترك هالعاده بس عجزت غصب كلشن ابيه وكلشن ودي املكه ...احيانا احد قريباتي يبنن اطلع معهن للسوق حق التجسير بس واعيي لاني عارفه انه ماراح تصير مجرد تجسيير
ابرجع بكومة اكياااس وكل مره اتوعد نفسي وارجع اكرر الغلط...

[سيف وفيصل]

كلامك صحيح ويمكن تكون اقل عند الرجال
والنعمة لها دور كبير
والبعض مماثلة ومشاكلة

[عاشق ديرتي بريده]

دقات قلب
هو فسق خالصين من الشي لكن ليش الفسق ؟

قلب الأسد
أنت مامن بعايد عن الرجالات !
بس تشري تخاف تتحسف إنك ماشريته !
وتراي مثقف بس مالي خلق اطلع كل ثقافتي عندك اخاف تطنزبي
تذكرت البهيم إذا بدأ يسولف إيقاله مثقف ودي اسطره مع خشمه خخخخخ

[مقصود]

ثقافة الشراء لدينا إن لم تكن ضئيله فهي معدومه

الله يجزاك خيرا الثقافة معدومة ؟؟؟؟

[(*)أوقـآآت فرآآآغ]

تلفت يمين يساار مالقيت شي ماله داعي !

..

لكن الله يرحم ايام منول الي نملا العربيه من بندة ب 500 ريال والحين .... :(

[قلب الأسد]

دقات قلب
هو فسق خالصين من الشي لكن ليش الفسق ؟

قلب الأسد
أنت مامن بعايد عن الرجالات !
بس تشري تخاف تتحسف إنك ماشريته !
وتراي مثقف بس مالي خلق اطلع كل ثقافتي عندك اخاف تطنزبي
تذكرت البهيم إذا بدأ يسولف إيقاله مثقف ودي اسطره مع خشمه خخخخخ


ههههههههههه ايه بس اشري مايهنان ,,,

ههههههههه البهيــم ههههههه ويموت على زكاة الاراضي هههه

[أبو الريش]

أعتقد الكفه ترجح للحريم أكثــر شيئ هن اللي يملن البيت من كل شي لانه يشوفن بالسوق شي يحتاجنه ويتحسفن به

هذا غير بعض الحريم اللي بس تشري متعوده ايده على الشرى , ذكرتني بمستودع لنا كل مادخلته لقيت اغراض متنوعه عليهن غبار واقول اروح ابيعهن منه انظف البيت منهن ومنه استفيد

شيء بالنفس عند بعض الناس والسبب يرجع لثقافتهم وماعندهم فن بطريقة الشراء والتقنين يعني مثل ماقلت راحن قروشنا بلافايده

[عاشق ديرتي بريده]

سيف و فيصل
هي فعلا عند النساء اكثر ولكن بمساعده من الرجال فرجل البيت يستطيع أن يتحكم بنفسه ونساء بيته

مقصود
كنت على وشك أن اكتب معدومه فيأتي من يقول لاتعمم ولكن حطيت ضئيله علشان افتك
مقصود جزاك الله خير

اوقات فراغ
شكلك قاعد بغرفه مافيها إلا بلاط !
ودخولنا وخروجنا من بنده اكبر دليل على خرابيطنا ندخل نبي نشتري شي واحد ونطلع والعربيه مليانه

فديكا
الأمر لايحتاج معجزه ثقفي نفسك وضعي لنفسك هدف كاشراء ارض او ذهب للتجاره ولن تشتري إلا ماتحتاجينه

[قـتـالـه]

مؤخراً طبقت على نفسي حيله جيده بصفتي احدى مدمنات التسوق ,
اذا شفت شي اختار مقاسي وامسكه بيدي طوال تجوالي بالمحل وبعدها اتركه واتابع
طريقي للمحل الثاني الى ان تقترب مدة بقاءي بالسوق على الانتهاء ..
والبضاعه اللي مازالت باقيه براسي واحس اني لازم اشتريها هي اللي ارجعلها ,,
طبعاً هالطريقه ماتصلح للضروريات بس لما تكوني فسقانه والا تشترين شراء عاطفي فغط !

[عاشق ديرتي بريده]

قلب الأسد
ابخصك واعرفك بدون ماتقول
ولا تنسى الرهن العقاري خخخخ

ابو الريش
الرجال بوقتنا الحالي لا يختلفون عن النساء ولكن بعض إرتباطاتنا الماديه هي اللي تمنعنا بعض الشي
ومستودعنا مو بعيد عن مستودعكم ترامس وصفاري وزمزميات واباريق ودلال مادري وش فايدتهن !

[عاشق ديرتي بريده]

قتاله
الخروج للأسواق لمجرد الخروج هو من أهم اسباب الشراء بلا هدف

فخروجك لحديقه او للبر او الجلوس بالبيت بعيدا عن الاسواق هو افضل طريقه للحد من الشراء !
لكن جميل أنك بدأتي تنتبهي لنفسك وتسيطري عليها .

[قـتـالـه]

قتاله
الخروج للأسواق لمجرد الخروج هو من أهم اسباب الشراء بلا هدف

فخروجك لحديقه او للبر او الجلوس بالبيت بعيدا عن الاسواق هو افضل طريقه للحد من الشراء !
لكن جميل أنك بدأتي تنتبهي لنفسك وتسيطري عليها .

حديقه او بر !
كلاهما مر .. لواهيب وبق وشهابه ,,
الاسواق هي المتنفس على الاقل براد ..

[ابو ريما الخالدي]

عزيزي عاشق

قلت سابقاً في مدونتي
حنا عندنا حمى أسمها شراء
أول مانشوف الشي على طول نحطه بالسله ولانسأل ليش أشتريناه

[زمن الغرباء]

كلام واقعي ..
لكن الحمدلله ان ربي منعم علي .. مااحب اشتري الا اللي احتاجه مااحب كثر (القراشيع )
لانه مستحيل البيت يصير مرتب اذا صار فيه اغراض كثيرة ..
موضوع رائع ..
شكرا جزيلا ..

[Qassimy]

لأن الذهاب للسوق للتمشية والتنزه أحيانا فلا بد أن يكون الهدف طائش !

[يكفيني حنانك]

الصراحه اغراءات الاسواق
لاتقاوم،،،فهم كل يوم جايبين لنا جديد ،،وكل يوم احلى من اللي قبل
،،وش نسوي عجزنا نقاوم،،هل الاغراءات،،
والمشكله كل يوم يفتح عندنا مولات ومراكز جديده،و محلات
والله ما ندري وش نبدي حنا يالحريم،،

حريم +تسوق=متعه،،،فقط لمجرد المتعه

كما ان الرجل يجد متعته بالسفرللخارج؟؟؟

لكن الاسراف بالتسوق ارحم،،وابرك

[~»«نــــــــارآ »«~]

السلام عليـكم ،،

أنا عن نفسي إذا كان معي فلــوس يضيق صدري لازم
أصرفهن سواء بشئ نافع أو خرابيط ،،الله لا يوخذانا ،،

يعطيك العافية ..

[ابوبكر]

شي بالنفس .. قهر صرآآآحه

[نبض قلب]

منافسه للغير فقط

الله لا يزولها من نعمه 00

[قمراء بريدة]

عن نفسي إذا كان معي فلــوس يضيق صدري لازم
أصرفهن

[النهى]

ممكن يكون معك حق
بس ما حب اخلي شي بنفسي
لا طاحت عيني بشي وعجبني ما يردني شي مستحيل اروح واخليه بنفسي
اهم شي بسطه الواحد وفرحته الفلوس تروح وتجي ياعاشق ديرتك