أنتم مثلي ولا أنــا بس

[أبو الريش]

بسم الله الرحمن الرحيم

السلام عليكم ورحمة الله وبركاته

أبــو الريش

انا كل ما رن جوالي أو جتن رساله يرجف قلبي واخاف

مادري يتخيل لي انه مصيبه او خبر شين أو فاة واحد عزيز علي ولا ارتاح الا لمن افتح الرساله أو يخلص اللي مكلمن واقول الحمد لله

س/ بصــراحه هل تواجهون مثل هالأمــــــر؟



موضوع خفيف لاتشرهون علي

[انتظرتك]

عندي لك الحل
بس كود اعلمك بالخاص
والا خلني اقول هنا ...
شف تعرف على بنوته حليوه
وتواصل معها كثير بالجوال
وبتلاحظ أنه كل مارن جوالك
فز قلبك شوق لها يحسبها هي ,,,

جرب راح تدعيلي بعد مايروح التشاؤم منك ,,

[To Be]

بسم الله الرحمن الرحيم



السلام عليكم ورحمة الله وبركاته

أبــو الريش

انا كل ما رن جوالي أو جتن رساله يرجف قلبي واخاف

مادري يتخيل لي انه مصيبه او خبر شين أو فاة واحد عزيز علي ولا ارتاح الا لمن افتح الرساله أو يخلص اللي مكلمن واقول الحمد لله

س/ بصــراحه هل تواجهون مثل هالأمــــــر؟




موضوع خفيف لاتشرهون علي



خل فواتيرك تطلع فوق المية وتنتهي المشكله :36_1_12[1

[فديكا التميمي]

لاحول ولاقوة وش هالوساويس خلك متفائل بالخير ...

[أبو الريش]

عندي لك الحل
بس كود اعلمك بالخاص
والا خلني اقول هنا ...
شف تعرف على بنوته حليوه
وتواصل معها كثير بالجوال
وبتلاحظ أنه كل مارن جوالك
فز قلبك شوق لها يحسبها هي ,,,

جرب راح تدعيلي بعد مايروح التشاؤم منك ,,

بس مشكلتي ما أحب الغزل أبداً ولا أطيقه

فيه طريقه ثانيه


جرب راح تدعيلي بعد مايروح التشاؤم منك
مهوب تشاؤم هذا إحساس ولا انا متفائل الى مالانهايه

[أبو الريش]

خل فواتيرك تطلع فوق المية وتنتهي المشكله :36_1_12[1

توبي,, وراك من بد الناس هرجك مايفهم حاول تراعي شعور العليميه ويكون عندك ان الناس أجناس مهوب مثلك مزاجك صافي :)

[To Be]

توبي,, وراك من بد الناس هرجك مايفهم حاول تراعي شعور العليميه ويكون عندك ان الناس أجناس مهوب مثلك مزاجك صافي :)




عذرا

كلم وراسل ربعك وجماعتك و رايح تتغير الرسائل والمكالمات جذرياً :)

[البـــBADERـــدر B.D.Q]

ابو رايش

الظاهر هالتشاؤم انبنى عندك بعد موقف او رساله ارسلت لك ويعلمونك ان فلان مات صح قل ايه الله يرحم والدينك :f5:

لان قبل كم سنه بشهر تقريبا مات لي كم شخص .. واي رساله تجي على جوالي خلاص اقول بوه احد ميت والظاهر هالرساله تعزيه وخبر للهالوفاه :f5:

فا طبيعي ينبني عندك هالشي لكن مع مرور الوقت وكثر رسايل اعلانات الاتصالات عيال التبن راح يتغير الموقف معك وتصير اي رساله تجيك تحسبه اعلان من الاتصالات وتفتحه تشوفه تعزيه بشخص عزيز عليك << بعيد الشر عنهم ان شاء الله :f5:

[البارق]

ابو الريش
هذا مرض نفسي
ولا تخاف من كلامي
فكلنا مرضى نفسيون أو نفسيين

وهذه الحالة شاهدتها
في بعض الشباب

وحلها انك تدرب نفسك
على التفاءل
وبدل ماتتوقع خبر سيء
توقع خبر سار يفرح قلبك

وهذا هو التوجيه النبوي
إذ قال صلى الله عليه وسلم

( تفاءلوا بالخير تجدوه )

[أبو الريش]

ابو رايش

الظاهر هالتشاؤم انبنى عندك بعد موقف او رساله ارسلت لك ويعلمونك ان فلان مات صح قل ايه الله يرحم والدينك :f5:

لان قبل كم سنه بشهر تقريبا مات لي كم شخص .. واي رساله تجي على جوالي خلاص اقول بوه احد ميت والظاهر هالرساله تعزيه وخبر للهالوفاه :f5:

فا طبيعي ينبني عندك هالشي لكن مع مرور الوقت وكثر رسايل اعلانات الاتصالات عيال التبن راح يتغير الموقف معك وتصير اي رساله تجيك تحسبه اعلان من الاتصالات وتفتحه تشوفه تعزيه بشخص عزيز عليك << بعيد الشر عنهم ان شاء الله :f5:
الا رسايل الاتصالات هذي بحد ذاته قصف على الواحد


الظاهر هالتشاؤم انبنى عندك بعد موقف او رساله ارسلت لك ويعلمونك ان فلان مات صح قل ايه الله يرحم والدينك

أيه أيه أيه أيه أيه أيه صدقت ,, تصدق تلفون البيت منب ارد عليه منب أواديه

[" TWIX "]

انتظرتك ..

شف تعرف على بنوته حليوه
وتواصل معها كثير بالجوال
وبتلاحظ أنه كل مارن جوالك
فز قلبك شوق لها يحسبها هي ,,,

http://buraydh.com/forum/images/icons/icon10.gif
يخرب بيتك ..http://buraydh.com/forum/images/icons/icon10.gif

[شموخـ إمرأهـ]

والله يابن الحلال اللي يدق علينا هو اللي يصيب باللي تقول

يخاف ويجيه وسواس ويمرض >>ترى مانهشت توو

مير هذا يدل انك ربط شئ بشئ يعني قد صار لك موقف وعقالك الباطن محتفظ فيه عشان تسذا تخاف>>اكتشاف خطير هع

[دموع الورد]

الله يهديك ياالعضو\ انتظرتك \توصي بفعل المعاصي تقول تعرف علي بنوته يروح عنك القلق بلعكس تزود الطينه بله تبي حياته تزود سوء وضيقه لانه معروف وش ينتج بفعل المعاصي للانسان

من هم وضييييييييييييييييييييييييقة بال

[شمعه مضيئه]

الله يعينك
اقراء وردك دايم
واستغفر وراح ترتاح
........

[ابو فارس الحمادا]

ممكن أنت أعطيت الجوال اهتمام كبير من وقتك
مارس الرياضة واقرأكتاب الله تجد نفسك في عالم آخر هذاجوابي للعموم
وممكن بينك وبين اشخاص مشاكل من ديون ومواضيع خاصة قد يكون هذا يعطيك
قلق واضطراب في القلب وعدم الأرتياح في النوم
أهتم في أمورالآخرة تبتعد عنك نكدالحياة
شكري وتقديري

[سمو ذات]

عندي لك الحل
بس كود اعلمك بالخاص
والا خلني اقول هنا ...
شف تعرف على بنوته حليوه
وتواصل معها كثير بالجوال
وبتلاحظ أنه كل مارن جوالك
فز قلبك شوق لها يحسبها هي ,,,


جرب راح تدعيلي بعد مايروح التشاؤم منك ,,



يابن الإيـه تبي تطرد وسواسه وإلا تبي تفضي جيوبه :c7:
عاد مالقيت غير هالأجودي ابو الريش تلعب عليه << باين عليه ما :36_1_12[1 !!!


عاد الجد هالحاله تجي مو بس مع الجوال على كل حركه بالبيت احس فيه مصيبه
لو اسمع احد يضحك قلت يصيح قلبي يصير مثل الورقه يطير به الهواء مع كل هبه :(


تعوذ من ابليس وسو اللي قالك عليه انتظرتك :)

[أســماء]

اشترك بأي شي من الاتصالات وراح يزعجونك بالرسايل :|

اسأل مجرب :)

[ابو ريما الخالدي]

أهلاً بسيدي ابو الريش

شوف ياسيدي هالحاله لاتأتي الا أذا شفت من المتصل
فاأذا صارواحد مثل مايسميه العميه وجه البوم
يعني راعي أخبارمشؤمه اقول الله يستر

أما غيره فالامر عادي

وبنسبه لرسائل أذا جتني على طول يجي في بالي يامبروك دخل اسمك السحب أو تجاوزت حدك الأئتماني

وعلى طاري الاتصالات واحد من زملائي اذا جاه أتصل على طول يقول يارب دراهم

دمت بود ياسيدي

[لمعةالألماس]

الله يحفظ ..
.........

حاول إنك تهدئ أعصابك ,, وتكثر من قول لا حول ولا قوة الا بالله ,,
واحمد الله كثيرا ,,
واكثر من الإستغفار ,,

.. وتذكر أن من أركان الإيمان ..
الإيمان بالقضاء والقدر خيره وشره ,,
وسلم أمرك لله ,,
وإذا أستشعرت ذلك بإذن الله تنزل السكينة على قلبك وتهدأ نفسك ,,
,, ولن تخاف وترهب الجوال لأن المكتوب سيقع وأنت راضٍ ومحتسب ,,

["غرك غلاك"]

أبو الريش شرحك سرى ياقلبي
شكلك من النوع الزمووول والحساس مثلي
لكن لا أوصيك إقرأ وردك صباحا ومساء

[أبو الريش]

والله يابن الحلال اللي يدق علينا هو اللي يصيب باللي تقول

يخاف ويجيه وسواس ويمرض >>ترى مانهشت توو

مير هذا يدل انك ربط شئ بشئ يعني قد صار لك موقف وعقالك الباطن محتفظ فيه عشان تسذا تخاف>>اكتشاف خطير هع

بنت منيره والله انك اجوديه أخر معرف افكر يوقفونه معرفك مير الله يجازي كل مراهق.

والله ياكثر الربط بين شيئ وشيئ انا مره دق علي واحد يقاله بيمهد الطريق لي بس مايعرف وبالاخير قالي خبر وفاة عقبه بديت مأرد عليه لأنه تخصصه ((اخباروفاة وحوداث))

[أبو الريش]

ابو الريش
هذا مرض نفسي
ولا تخاف من كلامي
فكلنا مرضى نفسيون أو نفسيين

وهذه الحالة شاهدتها
في بعض الشباب

وحلها انك تدرب نفسك
على التفاءل
وبدل ماتتوقع خبر سيء
توقع خبر سار يفرح قلبك

وهذا هو التوجيه النبوي
إذ قال صلى الله عليه وسلم

( تفاءلوا بالخير تجدوه )

والله يالبارق ماله الدخل المرض النفسي

فكلنا مرضى نفسيون أو نفسيين


نفسيين قصدك ,, يمكن انت ابخص بنفسك بس التشخيص للمريض النفسي مايجي عن طريق المنتدى تعال لمي للبيت علشان تشخص تبي تقول مهوب هذا اللي كاتب الموضوع

التفاؤل ماله دخل ابداً باللي أقوله

ان شاء الله نشوف قريب عمود من عواميد المسجد

[أبو الريش]

ممكن أنت أعطيت الجوال اهتمام كبير من وقتك
مارس الرياضة واقرأكتاب الله تجد نفسك في عالم آخر هذاجوابي للعموم
وممكن بينك وبين اشخاص مشاكل من ديون ومواضيع خاصة قد يكون هذا يعطيك
قلق واضطراب في القلب وعدم الأرتياح في النوم
أهتم في أمورالآخرة تبتعد عنك نكدالحياة
شكري وتقديري


اغلب حياتنا مرتبطه بالجوال والاهتمام به واجب

والله ياليت علي ديون بس المشكله اني أسلف وياما سلفت ولا رجع ولا ريال :)


أهتم في أمورالآخرة تبتعد عنك نكدالحياة

كبّرت الموضوع ياشيخنا

تراي امام مسجد ومؤذن واحيانا القي دروس المساجد وشف عاد الحضور:)

[أبو الريش]

يابن الإيـه تبي تطرد وسواسه وإلا تبي تفضي جيوبه :c7:
عاد مالقيت غير هالأجودي ابو الريش تلعب عليه << باين عليه ما :36_1_12[1 !!!


عاد الجد هالحاله تجي مو بس مع الجوال على كل حركه بالبيت احس فيه مصيبه
لو اسمع احد يضحك قلت يصيح قلبي يصير مثل الورقه يطير به الهواء مع كل هبه :(


تعوذ من ابليس وسو اللي قالك عليه انتظرتك :)




انا ماعرف المجامله ولا انحاز لأي معرف مهما كان

بس مادري ليش ردود سمو ذات وخصوصا على موضوع سابق لي سنه والموضوع هذا يعتبرر رد في محله

فعلاً قراءتها لموضوعي دليل انك فهمتي وش أقصد

لكن بعض الردود اربطت شي بشي ماله دخل

اهنيك واشكرك

[أبو الريش]

اشترك بأي شي من الاتصالات وراح يزعجونك بالرسايل :|

اسأل مجرب :)


لا انا اختلف عنك مره اشتركت بخدمه عجزت احذفه واخر شي غيرت رقمي يوم دريت بعد 6 شهور اثر طريقة الالغاء سهله :)

[أبو الريش]

أهلاً بسيدي ابو الريش

شوف ياسيدي هالحاله لاتأتي الا أذا شفت من المتصل
فاأذا صارواحد مثل مايسميه العميه وجه البوم
يعني راعي أخبارمشؤمه اقول الله يستر

أما غيره فالامر عادي

وبنسبه لرسائل أذا جتني على طول يجي في بالي يامبروك دخل اسمك السحب أو تجاوزت حدك الأئتماني

وعلى طاري الاتصالات واحد من زملائي اذا جاه أتصل على طول يقول يارب دراهم

دمت بود ياسيدي

هلا ابو ريما

ههههههه ردك اضحكني بصراحه متفاؤل انك تفوز بسياره او سحب

عاد تصدق اني انا محظوظ افوز بأي شي بمسابقه مادري ليش لاني منب اهتم فزت كثييير ومن كثرهن ناسيهن بس اتذكر وحده بجده قديمه يمكن عام 1418 فزت بأستريو كبير بملاهي عطالله يوم هي على عزه

[أبو الريش]

الله يحفظ ..
.........

حاول إنك تهدئ أعصابك ,, وتكثر من قول لا حول ولا قوة الا بالله ,,
واحمد الله كثيرا ,,
واكثر من الإستغفار ,,

.. وتذكر أن من أركان الإيمان ..
الإيمان بالقضاء والقدر خيره وشره ,,
وسلم أمرك لله ,,
وإذا أستشعرت ذلك بإذن الله تنزل السكينة على قلبك وتهدأ نفسك ,,
,, ولن تخاف وترهب الجوال لأن المكتوب سيقع وأنت راضٍ ومحتسب ,,


جزاك الله خير على هالرد المميز

[عـــــســـــولــي]

سأكون صريحا معك وماتزعل مني .
خوفك هذا خوف شيطاني بمعنى أنه بسبب الشيطان وهذا نتيجة إنشغال الشخص بحياته وبعده عن الله وعن الذكر والتسبيح والإستغفار .
يقول الله تعالى (الا بذكر الله تطمئن القلوب) . كن قريبا من خالقك وسيكون بقربك .

[أبو الريش]

أبو الريش شرحك سرى ياقلبي
شكلك من النوع الزمووول والحساس مثلي
لكن لا أوصيك إقرأ وردك صباحا ومساء


هلا وغلا الورد يمكن اكثر واحدب الحاره يقرأ الورد لكن الزمل منب ازمل ابد عتدي اشياء تستدعيني مازمل لشيء

[أبو الريش]

سأكون صريحا معك وماتزعل مني .
خوفك هذا خوف شيطاني بمعنى أنه بسبب الشيطان وهذا نتيجة إنشغال الشخص بحياته وبعده عن الله وعن الذكر والتسبيح والإستغفار .
يقول الله تعالى (الا بذكر الله تطمئن القلوب) . كن قريبا من خالقك وسيكون بقربك .

لا والله غلطان بصراحه تفسيرك مهب بمحله وان قلتلك اصلي واتسنن واخر من يطلع بالمسجد انا ماله دخل بهذي

دور شي غيره

[أبو الريش]

لاحول ولاقوة وش هالوساويس خلك متفائل بالخير ...


فديكا يقالك ماتزملين بعض الاحيان

اعترفي يالله

[فديكا التميمي]

فديكا يقالك ماتزملين بعض الاحيان

اعترفي يالله
لا مانب ازمل مبرده على الاخر دايم يهوشونن خخخخخخخخخ

[قـتـالـه]

وبتلاحظ أنه كل مارن جوالك
فز قلبك شوق لها يحسبها هي ,,,

جرب راح تدعيلي بعد مايروح التشاؤم منك ,,



اثر هاللي ماتطيح جوالاتهم من يديهم طايحين بطريقة انتظرتك :c7:

[التنين الصيني]

سيم سيم حبيب قلبي .......

واكثر شي اذا صرت بالدوام ................ اكيد اللي دق يبي حاجة ....

ههههه .......... اذا لقيت حل قلي ......

والا حل انتظرتك .......... احسن ....؟؟؟

[شموخـ إمرأهـ]

بنت منيره والله انك اجوديه أخر معرف افكر يوقفونه معرفك مير الله يجازي كل مراهق.

والله ياكثر الربط بين شيئ وشيئ انا مره دق علي واحد يقاله بيمهد الطريق لي بس مايعرف وبالاخير قالي خبر وفاة عقبه بديت مأرد عليه لأنه تخصصه ((اخباروفاة وحوداث))

يابن الحلال ترى التوقيف فله
وقسم يكفين المدح اللي جان >>تشوف الكاس المليان
وتوقيفي خيره
امييين الله يهدي المراهقين

عاد تصدق ولد عمي اسمه مادريتنا بـ جوال ابوي واخواني تخصص رسايل متوفين

>>هناك جنازه في جامع محمد بن عبدالوهاب
هناك 3 جنائز في جامع محمد بن عبدالوهاب

>>لـ درجه اني اقول اشواء اني بنت عشان ماتجين هالرسايل خخخ

[هيـبة ملك]

تعوذ من ابليس وخل عنك التفكير الكثير
وخل ايمانك بالقضاء والقدر قوي
وباين ان اللي عندك ردة فعل لشي صارلك قبل بس حاول تتجاهل هالشعور
وتفتح الرساله اول ما تجي وترد عادي ومع الوقت ان شاء الله بتنسى

[رواسي]

متأكد إنك تخآف إنهـ يكون وآحد مريض أو بيموت

[أسيل محمد]

س/ بصــراحه هل تواجهون مثل هالأمــــــر؟


بالنسبه لي اخاف من حاجه لكن مو من دقه جوال
انا لما احد يشرق عندي او يغص اتخيل انه بيموت عندي .. دايم مرتاعه ..
لانه سبق وحصل معي هالشيء

[>ريانه<]

انا عكسك يابو الريش افرح إذا دق جوالي ولا جتن رساله

تحياتي لك

[سيف وفيصل]

لأن الناس ما تكلم إلا لحاجة أو ايصال خبر فقط

[john cina]

شكلك قليله طلعاتك من البيت عشان كذا تفكر كثير<<<صح او انا غلطان

[(*)أوقـآآت فرآآآغ]

انت زيي بالزبط .. مايرن علي الا وقت المشآآكل !! والا وقت المصالح ...!!

فلذا اخذت موقف وصرت اكرهه واخاف اذا رن او جتني رساله ..!! وفيه دراسه حاليا اني الغيه واريح راسي .. فيلم رعب مو حيااه هذي !!!

[النهى]

تجيني حالتك وقت ما اكون في الجامعه يفز قلبي لا دق الجوال ولا كان المتصل احد من البيت
اما في اوقات الاجازه لا عادي والحمد الله
الله لايورينا مكروه

[أحب نفسي]

بالعكس أنآ انقز من الفرحه لآدقّ جوآلي. .>>أقول اخيرآ أتصل أحد اهمق معه ..
والرسآيل بعد يآنآ أكيّف عليهن .!


بس لآدق الجوآل عمومآ بالليل يعني من 1 وفوق يفزّ قلبي بشكككل .. >>لأني مرة كنت عند أبوي وهو يكلم وتلقى خبر وفاة بحادث كان مفزع ومفآجئ
الحمدلله ع كل حال


ابو الريش/
تعال ابقولك سرّ/>>يآخي وناسه مواضيعك خفيفآت ولآيبي لهن تفكير وهوآجيس واستشهادات وأشيآء وآقعيه ..
يعيش بو الريش هع

[Qassimy]

أحساسي أحساسك ولكن عندما انتظر شيئا ما .
ولكن ما تعانيه لا أستبعد أن يكون وسواسا قهريا " شفاك الله "