تسجيل الدخول

مشاهدة النسخة كاملة : 【:::عَلَى كَفْ اَلْزَّمَنْ ,, حَفَرْتْ اِسْمِيِ ..

جمان البحر
29-06-10, 10:53 am
.
.
.
.
.




هنا في هذا المكان ,,
سأحكي لكم عن نفسي ,, مواقفي المضحكة منها والحزينة , آرائي , وكل ما يجول في خاطري ..
ستشاركونني .. أفكاري , طموحاتي , أفراحي , وأحزاني .
فلكل من يقرأ لي :for12: هدية مني :) .



.
.
.
.
.


يوم الثلاثاء ,, الموافق : 17/7/1431هـ
جمان البحر
29-06-10, 10:56 am
منذ افتتاح هذا القسم وأنا أفكر بافتتاح مدونة خاصة بي ,
حتى أنني في أحد الأيام ضغطت على زر إضافة موضوع جديد , ولكنني تراجعت في اللحظة الأخيرة وذلك لأنني لم أجد ما أكتبه فقد كانت جل المدونات حينها إما مليئة بالشعر (المنقول) ولست من عشاقه , وإما مليئة بالمواضيع والخواطر والصور المنقولة والذي لم أجد له داعياً إلا زيادة للمشاركات ..



ولكن شاء الله وعدت إلى المنتدى لأجل هذا القسم فقط لأتواصل فيه مع من يملكون تقديراً خاصاً لدي ..


ولذلك لم أجد بداً من أن أفتح هذه المدونة لتكون مكاناً خاصاً لي لا يشاركني فيه أحد ,, لأتحدث إليهم و لأتواصل معهم ..
جمان البحر
29-06-10, 07:10 pm
بدايتي في هذا العالم الكبير ..

منذ ست سنوات مضت كانت بدايتي ,, كنت حينها في الصف الثاني متوسط ولم نكن نعرف في ذلك الوقت سوى "الدايل أب" أداة للاتصال بالانترنت <<< ايقالنا كشخة http://smilles.5d5l.com/smile_albums/fun/119.gif (http://smilles.5d5l.com/).

كنت أجلس على الجهاز دون اتصال وأتصفح محفوظات والدي ووالدتي , فتارة أسبح في مواقع الأسهم وأخبارها , وتارة أتجول في رحاب المنتديات النسائيةhttp://smilles.5d5l.com/smile_albums/small/66.gif (http://smilles.5d5l.com/) , وأخرى أغوص فيها في الساحات العربية , أتجول بين المواضيع الاجتماعية منها والسياسية http://smilles.5d5l.com/smile_albums/small/26.gif (http://smilles.5d5l.com/)ورابعة بين مواقع السفر والترحال http://smilles.5d5l.com/smile_albums/small/21.gif (http://smilles.5d5l.com/)حتى يؤلمني رأسي وأحس بالتعب , فأغلق الجهاز لأريح عيني من تعب القراءةhttp://smilles.5d5l.com/smile_albums/small/90.gif (http://smilles.5d5l.com/) .


عشت على هذا المنوال عدة أشهر حتى استعرت في أحد الأيام سيديهات من ابنة خالتي تحوي مقاطع بلوتوث مضحكة موقعة باسم منتدى ما , أعجبتني بشدة وكان بعضها لا يفتح كاملاً أو لا يفتح نهائياً , أردت رؤية هذه المقاطع فقمت بالاتصال بالانترنت وكتبت اسم هذا المنتدى لأفاجئ بطلب لم أتوقعه وهو وجوب تسجيل العضوية لأستطيع رؤية المواضيع http://smilles.5d5l.com/smile_albums/small/86.gif (http://smilles.5d5l.com/).
فكرت بالأمر كثيراً وأخيراً بدأت أول خطوة حقيقية لي هنا , ذهبت إلى والدي وأخبرته بكل شيء فلم أكن أريد الإقدام على هذه الخطوة دون استشارته فهو صديقي بقدر ما هو والدي .
أخذت الإذن من أبي الحبيب و حاولت التسجيل ولكن واجهتني مشكلة البريد الالكتروني الذي لم أكن أعلم ما هو http://smilles.5d5l.com/smile_albums/small/44.gif (http://smilles.5d5l.com/) , فأسرعت إلى والدي أستفسر منه عن هذا الأمر الغريب فلقد قمت بتسجيل رقم صندوق بريدنا ولم يفلح الأمر http://smilles.5d5l.com/smile_albums/small/77.gif (http://smilles.5d5l.com/)..
ابتسم لي وأتى معي إلى الجهاز ووضع لي عنوان بريده , وأكمل خطوات التسجيل معي .
بعدها توجهنا إلى قسم الترحيب وكتبنا أول موضوع لي لطلب الترحيب معاً , كنت أمليه ما أود كتابته وكان هو يكتب لي http://smilles.5d5l.com/smile_albums/love/28.gif (http://smilles.5d5l.com/) , ومازلت أزور هذا الموضوع بين الحين والآخر لأتذكر تلك اللحظات الرائعة التي امتزج بها حنان والدي وثقته وخوفه على حبيبته( بالرغم من انسحابي من المنتدى ونسياني لكلمة المرور) .















.
جمان البحر
29-06-10, 07:24 pm
من ذكرياتي في ذلك المنتدى ,,
* أتذكر أنني حين وصلت مشاركاتي لـ13 مشاركة ركضت نحو والدتي وأنا أقفز من الفرح http://smilles.5d5l.com/smile_albums/small/88.gif (http://smilles.5d5l.com/) بهذا العدد الخيالي من المشاركات (بنظري طبعاً حينها) .


* توالت الأيام ,, وكنت أشاهد الجميع في المنتدى يضعون صوراً تحت أسمائهم عداي أنا فسألت أمي عن هذا الأمر http://smilles.5d5l.com/smile_albums/small/87.gif (http://smilles.5d5l.com/) بحكم أنها قد سبقتني في مجال التسجيل بالانترنت فعلمتني الطريقة واخترت صورتي الرمزية بمشورتها .

*كذلك لم أكن أعرف كيف أضيف الصور إلى المواضيع أو الردود فسألت والدتي كذلك وعلمتني الطريقة , حتى أنها قبل فترة نادتني لأعلمها طريقة تصغير الصور وتحميلها بعد نقلها من الجوال فتبسمت قائلة أأعلم معلمتي ؟! http://smilles.5d5l.com/smile_albums/fun/3s199.gif (http://smilles.5d5l.com/)
أنت يا غاليتي من علمتني كيف أضيف الصور إلى مواضيعي , فكيف أصبح معلمة لك اليوم ؟


* في أحد المواضيع كان هناك سؤال عن العمر , فأفصحت عن عمري وسنتي الدراسية دون خوف , ففوجئت بأحد الأعضاء يرد مستغرباً http://smilles.5d5l.com/smile_albums/other/8.gif (http://smilles.5d5l.com/) من صغر سني , وقال لي حينما كنا في عمرك لم نكن نحلم سوى باللعب بصخر .. هه وددت لو ألاقيه مرة أخرى في أحد المنتديات لأسأله عن رأيه بهذا الوقت http://smilles.5d5l.com/smile_albums/other/75.gif (http://smilles.5d5l.com/) .


كانت مسألة دخول فتاة بعمري وقتها إلى الانترنت أمراً صعباً بل شبه مستحيل فكان الأمر سبباً لعزلتي نسبياً عن من حولي ممن هن في عمري لأننا لم نكن لنجد مواضيع مشتركة بيننا http://smilles.5d5l.com/smile_albums/other/q45.gif (http://smilles.5d5l.com/) ..
وبمجرد دخول الدي ا س ال الى مدينة بريدة أصبح الأمر عادياً جداً بل أصبح من ضروريات الحياة , وأصبح الأطفال http://smilles.5d5l.com/smile_albums/fun/58.gif (http://smilles.5d5l.com/) كذلك يدخلون إلى هذا العالم دون أي إشكال .. دنيا غريبة http://smilles.5d5l.com/smile_albums/other/3s172.gif (http://smilles.5d5l.com/) .
جمان البحر
29-06-10, 07:30 pm
سيمياء ,,



واقوول وش ذآ النور .. اثاري جمون فاتحة مدونة ..!
مبرووووووك يادبآ ..
ايه يالله انطلقي وانا اختس ..! بالتوفيق ..




الله يخليك يا بعد عمري ,,
تعالي مير تراي أطلبتس نص ريال http://smilles.5d5l.com/smile_albums/other/114.gif (http://smilles.5d5l.com/) ..
اليوم أرسلت لتس رسالة مرسلته من قبل , كنت أبرسله لنفر ثاني بس يدي متعودة على اسمتس ومدري وشلون ضغطت اسمتس واعتمدت حتى من الصدمة بالغلطة ما أرسلت لذيك النفر..
جمان البحر
30-06-10, 04:13 pm
قصة اسمي ,,

حينما سجلت في ذلك المنتدى كان اختياري لاسمي سريعاً , اقتبسته من اسم قرأته في أحد المواقع التي كنت أتصفحها بعد والدَي .

بعد عدة أشهر من اشتراكي فيه مللت منه فلم يكن هناك الكثير من المواضيع الجذابة فيه , توجهت إلى أحد المنتديات النسائية و بدأت بخطوات التسجيل (كنت حينها قد امتلكت بريداً خاصاً بي) ولكنني توقفت عند الاسم كثيراً , فأنا لا أريد أن يكون اسمي مقتبساً من غيري لا يمثل شخصيتي .
أجلت فكرة التسجيل حتى أجد لنفسي لقباً يناسبني .

في أثناء تفكيري في الاسم طرأ على بالي البحر نعم هو البحر بأمواجه المتلاطمة ورماله الناعمة بحبي له وعشقي للحظات جلوسي أمامه .
نعم هو وليس سواه سيكون جزءاً من اسمي , وماهو ياترى الجزء الآخر ؟ <<<هذه سواليفي على روحي :f5:

أأسمي نفسي بابنة البحر ؟! عاشقة البحر ؟! حورية البحر ؟!

لالا أريد اسماً يمثلني أنا في هذا العالم الكبير , اسماً يشرح لقارئه من أكون أنا دون أن يحادثني حتى .

فكرت بلؤلؤة البحر , ولكن لا إنه اسم عادي لم يرق لي , أريد اسماً عند نطقه أحس بفخامة حروفه بين شفتي .

نمت ليلتها ولم أختر اسمي بعد , وفي الغد دخلت غرفة المعلمات في المدرسة لأسلم إحداهن دفتري توجهت إليها ووقفت أمامها بانتظار انتهائها من تصحيحه , في نفس اللحظة تحدثت إحدى المعلمات قائلة : أخوي جاه بنت وسماها جمانة .
لحظتها وكأن سهماً أصاب رأسي , نعم هذا ما أردته اسماً جميلاً قوياً يصف شخصيتي , ولكن لن أكون جمانة واحدة بل سأكون جمان فأنا بعقلي و ديني ومبادئي وثقافتي وعفتي لست جمانة واحدة بل جمع من الجمانات في جسم واحد .

:)

دمتم ..
جمان البحر
30-06-10, 04:36 pm
الفتى الذهبي

جمآن البحر

عوداً حميدا،، ومبرووكـ أفتتآح المدونه


الله يبارك فيك ,, .
جمان البحر
02-07-10, 04:36 pm
بدت العطلة الصيفية وبدأ معه المهايط الي على غير سنع http://smilles.5d5l.com/smile_albums/agner/3s141.gif (http://smilles.5d5l.com/) ..

من تبدأ العطلة ولين تنتهي وهالعالم يدهرون بالعروس ,,
ناس يحطون زواجهم على قد قروشهم وما يكلفون ولا يتكلفون وناس يحطونه على قد قروشهم بس ربي منعم عليهم ومب ضارهم اذا كشخوا .
ذولا الناس نروح لزواجاتهم وحنا دارين ومتأكدين اننا بنشوف شيء يملأ العين ويواجه المعازيم ..


بس اللي يشب تسبدي هم الناس الي يحطون عرس بالقاعة الفلانية ويحاولون يكشخون علشان ماتصير فلانة بنت عمهم ولا علانة بنت خالتهم أحسن منهم . http://smilles.5d5l.com/smile_albums/agner/26.gif (http://smilles.5d5l.com/)
همن لاجيت للعرس تلقى الخالات متقاطات بالشوكولاته والحلا :f5:

وتلقى الأبو يا بعد حالي مايدري وش يبدي وماغير يتديّن من الخلق ويطيّح وجهه عند هذا وذاك لأنه لو بيقول لا ,,, انتفخت الأم وبنته وقالوا : ايه تبي تفشلنا !! وش تبي يقال عنا ؟ بنت فلان حسن منا !! وش حيثه حاطة عرسه بالقاعة ذيك وجايبة كوشة بهاك القيمة و جايبة الطقاقة الفلانية ..


أذكر واحد يسولف على رجل خالتي يقول ذبحتن الديون والسبه عرس هالبنت ..والله يعين على عروس البنات الباقيات .. والسبب أخوي ربي منعم عليه وحاط لبنته عرس يهيل ويخيف وبنتي ماتبي تصير قليلة شأن بين بنات عمومته ..

مير ما أقول الا مالت على بنتك هي وتفكيره .. أهم شيء التوفيق من الله مب ان عرسي يصير أحسن من عرس فلانة ..


أكره ما أشوف طبع المجاكر بين الأقارب ,, يحملون قليل اليد فوق طاقته والسبب حنا مانبي فلانة تتميز عنا ...

ولا عاد نجي المعازيم ,,

شيء لاحظته بمعظم الزواجات الي حضرتهن ,, اذا كانت الوحدة حاضرة زواج من بعيد لاهو ولد خال ولا لد عم ولا بنت عم ولا بنت خال ,,أو زواج صديقه ,,
بنات الناس الي معروفين انه ربي منعم عليهم تلقاه لابسة فستان ناااعم وحاطة بشعره تسريحة ناعمة مسويته بالبيت(يعني يادوب فالة شعره ورافعة طرفه عن وجهه مشبك به شوي كرستالات) وحاطة مكياج خفيف مسويته بنفسه..http://smilles.5d5l.com/smile_albums/small/48.gif (http://smilles.5d5l.com/)
وبنات الناس على قد حالهم <<<طبعاً ما أعمم ..البعض مش الكل ..
http://smilles.5d5l.com/smile_albums/small/59.gif (http://smilles.5d5l.com/)
تلقاه لابسة فستان يالله يشقله معه رجلين وحاطة تسريحة أقل شيء بـ250 وحاطة مكياج عند كوافيره تحسبه محليه وهو قالب سنجته ..على باله كذا الكشخة والأناقة!!
ما أدري هي تحسب انه بهالطريقة بتخلي الناس إذا شافوه قالوا أووووه شكله بنت ناس هاي كلاس http://smilles.5d5l.com/smile_albums/small/114.gif (http://smilles.5d5l.com/)ولا مدري وشو !!



كان معكم من قلب الحدث مراسلة بريدة فور نيو نيوز :f5: : جمان البحر ..
جمان البحر
02-07-10, 04:42 pm
الذين يشاهدون محتوى الموضوع الآن : 2 ( الأعضاء 2 والزوار 0)
‏جمان البحر , ‏مسـ بشويش ـرعه

حيا الله مسرعة ,,
تشرفنا بمعرفتك :f5:

اتمنى لك وقت ممتع مع سواليفي :f5:



ــــــــــــــــــــــــــــ

http://www.formspring.me/JamoOon22

اسئلتكم ,, ولا تردكم الا كيبورداتكم .
جمان البحر
03-07-10, 05:25 pm
بدايتي هنا,,,

بعد تركي لذلك المنتدى وتسجيلي في المنتديات النسائية أتتني فترة فتـــور عجيبة , تركت الإنترنت بأسره ولم أكن أهتم به , بعد فترة عدت للإنترنت ولكن لم يكن لدي أي موقع أذهب إليه , فصرت أبحث في (قوقل) عن أسماء أفراد عائلتي واسمي أسماء المشاهير والملوك وووو ...الخ ..
إلى أن أتى إلي والدي في أحد الأيام وسألني عن منتداي القديم ..
فأجبته قائلة : أووووه خلااص يبه تركت ذاك المنتدى من زمااان
قال لي : أجل عندي لك منتدى جديد يمدحونه مرة http://smilles.5d5l.com/smile_albums/small/78.gif (http://smilles.5d5l.com/)..
أنا : وشو ؟!
والدي : منتدى اسمه منتدى بريدة الشباب بالعمل يسولفون لي عنه , يقولون فيه كل شيء عن بريدة ,, قومي افتحيه وخلينا نشوفه .
فتحت المنتدى وتصفحته فأعجبني , وأصبحت أدخل إليه يومياً ..
كنت في تلك الفترة في بداية حبي للفوتوشوب فكنت أقضي معظم وقتي في قسم التصاميم والجرافيكس ..
استمر دخولي للمنتدى لمايقارب الشهرين أو أكثر بقليل دون تسجيل http://smilles.5d5l.com/smile_albums/small/77.gif (http://smilles.5d5l.com/), إلى أن قرأت موضوعاً يخص الفوتوشوب عن الجليتر (الحركة الي تخلي الكلمة تلمع) حاولت تطبيقها ولم أستطع ضبطها بالشكل المطلوب فاضطررت للتسجيل في المنتدى لأجلها ..
ومن هنا كانت البداية إلى درجة أنني كنت في بعض الأيام لا أكاد أبتعد عن المنتدى إلا في أوقات الدوام http://smilles.5d5l.com/smile_albums/small/77.gif (http://smilles.5d5l.com/) :f5:
..



تهئ الله يفشلن اذكر اروح وافتح على قـ..ـو..قـ..ل http://www.buraydh.com/forum/images/icons/icon10.gifhttp://www.buraydh.com/forum/images/icons/icon11.gif.. واقعد عليه بالساعات الله لايروريكم ماهنا احد بالعالم مااكتب اسمه من الشرافة واسوي بحث عليه هههههههه ...! http://www.buraydh.com/forum/images/icons/icon11.gif
الملك فهد الله يرحمه وشارون وانا خخخhttp://www.buraydh.com/forum/images/icons/icon10.gif


أجل أنا جتن هالحالة متأخرة :f5:
عاد أحس كل العالم مروا بهالشيء ,,أذكر بنت خالي تقول إني دائمأص أسوي كذا يوم صار مرة وفتحت جهاز أخوي وأشوف المحفوظات كلهن فلان الفلاني ,, علاني الفلنتاني وووو :f5:
جمان البحر
03-07-10, 06:38 pm
http://smilles.5d5l.com/smile_albums/sad/hzn073.gif (http://smilles.5d5l.com/) http://smilles.5d5l.com/smile_albums/sad/hzn073.gif (http://smilles.5d5l.com/) http://smilles.5d5l.com/smile_albums/sad/hzn073.gif (http://smilles.5d5l.com/)http://smilles.5d5l.com/smile_albums/sad/hzn073.gif (http://smilles.5d5l.com/)

اليوم شغالتنا أضربت http://smilles.5d5l.com/smile_albums/sad/54.gif (http://smilles.5d5l.com/) http://smilles.5d5l.com/smile_albums/sad/s.gif (http://smilles.5d5l.com/) ..
لأننا ناوين نبيعه .. وقايلة له أمي قبل 3 أسابيع .. بعد 3 أسابيع اذا خلصت أختي مختبرة تبي تبيعه ..
وبسم الله ,, مانست ,, يوم صار الصبح اليوم قالت لأمي تراي منب مشتغله أنتي قايلة لي اببيعك بعد 3 أسابيع وخلاص أمس خلصت الثلاثة ..

ومادريت الا وأمي تدق علي <<<تراه بالدور التحتي وأن بسريري فوق ,, بس من القهر عجزت ترقى :f5:
قالت لي يالله انزلي الشغالة أضربت ..
http://smilles.5d5l.com/smile_albums/sad/s.gif (http://smilles.5d5l.com/)

عاد يوم قضينا متغدين ,, وأقوم أسبع المواعين http://smilles.5d5l.com/smile_albums/sad/s.gif (http://smilles.5d5l.com/)

عاد ليت مواعيننا مثل مواعين الخلق .. ماعونين وصحن وملعقتين ..
لاااا حنا كل نفر يأكل بصحن لحاله <<< ما أحد عودهم غيرتس ..
طبعاً السالفة مب سالفة تطور :f5:
لا بس تعودت يوم أنا بزر اني آكل لحالي وخلاص يوم كبرت عجزت أمد يدي مع أبوي بصحن واحد وتعودا باقي أخواني على هالشيء ..
وزيادة على كذا كل واحد له صحن للسلطة :f5: <<لا أحد يضحك ..
نفس الحكاية أنا أكره شيء عندي ان السلطة تنحط فوق الرز واذا حطته أمي لي على جنب صحني أعيي آكل الرز الي جنبه :f5: <<< أنواع واشكال التنكف بالاكل :f5:
وكل واحد له بادية مرقه (بطاطس وقرع مهروسات)<<<نفس الحكاية التنكف داخل بس هالمره من قبل البزارين وحنا تعودنا منهم .. :f5:
وأكيد كل واحد له كأس <<<لااااه أحسن شيء خليهم كلهم يكرعون بطاسة وحدة ..
حتى اللحم والدجاج متهاوشات :f5:
اللحم بصحن لأنه متهاوش مع الرز ومستحيل ينحط فوق صحن أبوي <<<التنكف بالعائلة كله :f5:
والدجاج أكيد يبي يتحكم هو بعد ويتربع على صحن لحاله ..
وكل واحد له ملعقتين وحدة للرز ووحدة للمرقة .. والبعض لهم زيادة ملعقة للسلطة ..

وعاد عليكم الحساب ..
هذا غير القدور .. http://smilles.5d5l.com/smile_albums/sad/57.gif (http://smilles.5d5l.com/)
يوم جيت أسبع وأناظر يدياتي قلت خلااااص قضت أيام العز والدلال وأشوفكن عقب المعركة مع الصابون والمواعين ..



وهالتكرونية مانزلت تسنه عريسه مرتزة فوق ولا فكرت تنزل <<<ياحياة الشقى أنا مأملة انه تنزل :f5:
جمان البحر
03-07-10, 06:51 pm
يوم جيت أبدأ بالتسبيع ,, ضفضفت المطبخ ورتبته وجمعت المواعين كل شيء بجهه ,,
دورت الصابون اببدا بس مالقيته قلت اكيد قاضي ,, تلفت أدور صابون ثاني وأمي متعودة اذا قضى الصابون تحط الصابون المسحوق بعلبة ملح الساسا ..
لقيت علبة الملح الي بوسطة صابون ,, وحطيت منه بعلبة الصابون وأناظر الحبيبات حبيبات ملح مب حبيبات صابون ,,
وأويدز تحت المجلى وألقى علبة الملح الي به الصابون :f5:

بس القهر يوم قضيت مسبعة لقيت الصابون السائل بالصالة مع أختي تعبي لعبته :(

ــــــــــــــــــــــــــــــــــــــــــــــــــ ــــــــــــــــ

يوم خلصت مسبعة نص المواعين دخلت أمي وتمسك الكيسان وتناظرهن والقدور تشمهن :f5: <<<تأكد إنهن نظاف ومابهن ريحة دهن ولا أثر ..
وأنا واقفة بجنبه واناظره ,, يوم التفتت علي ,, اومير تفطس من الضحك ..
قالت ودي اجيب مراية وأوريتس خشتس ,, كأنتس باختبار :f5: وجهتس أصفر و دايخة من التعب وعيونتس الخوف يتناقز منهن .. <<<بعذري زملة للقرار الحكومي الصادر منه بحقي ..
عاد أشوى قالت نظيفات وزينات ..
جمان البحر
03-07-10, 08:28 pm
وبااااس وطلعت الارجنتين ؟!

كنت مأملة بهم بقووووة وأقول أكيد الكأس لهم ,, وماشجعت البرازيل الا علشان ألوانهم :f5: <<< امزح ,,
لا صدق وشلون تسذا أمس البرازيل طلعت واليوم الارجنتين ..

هزلت ,, وخلاص ماعاد للمونديال طعم ..
يعني امس قلنا عادي لأن البرازيليين يا إنهم مصكوكين بعين 400 فولت يا إنهم مسوى لهم عمل مربطهم ..
تقل الي يلعبون منتخب اليمن ,, الدفاع مثل قلتهم ,,

عاد أبوي يقاله يهون الصدمة علي ,,
يقول ايه يابنيتي ترا هولندا قويين ويلعبون صح بكأس اوروبا .. :f5:

واليوم تعشمنا بالارجنتين خير ,, بس الشكوى لله هدتهم المكائن الألمانية ,,

اييييه يا ميسي خيره بغيره ترا حتى السعودية مادخلت ,, وايطاليا وفرنسا طالعات قبلكم ,,
وماعليش يا مارادونا يكفينا ماضيك الحافل بالانجازات وترا امي تسلم عليك وتقول ترا كان ودي تفوز الارجنتين علشانك انت بس :f5:
<<<تقولون انه ترد بموقع منتخب الارجنتين الرسمي مب بمنتدى بريدة :f5:


شكلي هالحين خلاص أبحول على المانيا وهولندا يقول أبوي حداهم يبي يفوز ..
جمان البحر
05-07-10, 02:24 pm
http://img40.imageshack.us/img40/9530/dscf6816.gif




ترآنا هنا نناظر كاس العالم حنآآ ,,< قولي قسم ..!بس تبي توريكم الشاشة اللي مابغت تطلع ماجابه الا كاس العالم ..!



ماشاء الله عالبركة ,,
الله يطعمكم من خيره ويكفيكم شره .

خخخخخخخخخخخخ ,,
شكل كل الخلق ما جابوا هالشاشات الا علشان كأس العالم ,,

أنا خابرة أبوي له سنتين يبي يجيب هالشاشة وكل يوم ياسعد باتسر ..
يوم صار قبل بداية كأس العالم بيوم مادرينا الا وهو داخل ومعه الشاشة ورسيفر جديد :f5:

ووحدة من البنات بالكلية نفس الحكاية تقول أخوي من عرفته وهو يبي يجيب هالشاشة ولا شافوه الا قبل كأس العالم بكم يوم ..

ليت كل شيء يدخل به كأس العام :f5:
جمان البحر
05-07-10, 03:35 pm
من الكتب التي قرأتها وراقت لي بشدة:

كتاب لاتحزن للشيخ عائض القرني ,,

طبعاً لم أقرأه بالكامل ولم أقرأه بالترتيب بل فضلت أن أقرأ مايروقني من عناوين ..
لكن في الحقيقة حينما أقرأ منه أحس بأن الدنيا هذه كلها أمل ..

مجموعة كتيبات صغيرة لمحمد العريفي ,,
بطبعي أحب قراءة القصص والروايات لذلك فكتبه تروقني وبشدة ..

كتاب استمتع بحياتك للعريفي أيظاً ..
هذا الكتاب قرأته ونحن في طريق سفر و لم أنزله من يدي طوال الطريق إلا لأريح عيني من تعب القراءة ..
كتاب أقل ما يقال عنه أنه رائع ,,

أنتقل للجزء الآخر الذي أعشقه وبشده حتى أنني أنسى نفسي وأنا أقرأ هذه الكتب ,,

10 كتب أو 12 كتاب لأجاثا كريستي ,,
كنت أستلفها من ابنة خالتي في ايام العطلة ,, فكنت أسهر طوال الليل على الكتاب الذي بيدي ,, لاأنام الا بعد إنهائه ولو امتد بي الوقت إلى طلوع الشمس ..
هذه الروايات ستعشقها بالتأكيد إذا كنت من محبي الروايات البوليسية ,, ستندمج معها إذا كنت من محبي التحري ,, فكل كتاب يحتوي على قضية قتل مختلفة في أحداثها وتسلسلها عن غيرها ..
ستجد نفسك بلا قصد منك تفكر وتحلل , ويتسابق عقلك مع عينيك لإيجاد القاتل المجهول ..



رواية السجينة لمليكة أوفقير ,,
هذه الرواية عشقتها قبل شرائها ,
رواية واقعية تحكي قصة فتاة والدها يعمل جنرالاً في مملكة المغرب , في صغرها عاشت في بيت ملك المغرب بطلب من الملك , و بعدما كبرت قام والدها بعملية انقلاب على الملك ولكن محاولته باءت بالفشل وتوفي مقتولاً بعدد كبير من الرصاصات .
بعد حادثة الانقلاب لم يرحم الملك أبناءه بل عاقبهم بفعلة والدهم فأرسلهم لسجن بعيد لا يوجد فيه سواهم ..
وضعوهم في زنزانات متجاورة بحيث تم وضع البنات معاً في زنزانة واحدةو الأم والابن الصغيرمعاً والابن الأكبر لوحده , استمر وجودهم في السجن لمدة عشرين عاماً لم يروا فيها بعضهم إلا في أول سنوات السجن .
كانت الجرذان والحشرات الرفقاء الأفضل لهم في تلك الفترة , وتعايشوا معها بالرغم من الدلال الذي كانوا يعيشون فيه .
و أثناء فترة بقائهم في السجن لم يستسلموا للأمر الواقع بل عاركوا لأجل البقاء فوضعوا نظام بث شبيه بالراديو أوصلوه بين زنزاناتهم , وكانت هي من تحكي لهم القصص والحكايات , فكان بمثابة المسلي لهم ..

وبعد هذه السنوات الطوال قررت الفتيات بإرشاد من الأخ الأكبر الهروب من السجن , فقاموا بحفر أرضية السجن بالملاعق والمواد المتوفرة من أغطية للعلب وغيرها ..
هربوا من السجن وطلبوا اللجوء السياسي في فرنسا , وانتقلوا للعيش هناك ..


عشت مع هذه القصة بكل جوارحي ,, لم أستطع النوم إلا بعد إنهائها ..
فيها دقة في الوصف تجعلك تعيش الرواية كأنك معهم ..

من المضحك أثناء قراءتي للرواية :
كنا في بيت جدي لأمي بسبب سفر والدي , هناك لنا قسم خاص مكون من غرفة و (سيب صغير) فيه مغسلة ودورة مياه ,,
بعد صلاة الفجر , نام الجميع فلم يكن بمقدوري فتح الأنوار لإكمال القراءة , فاضطررت للخروج والجلوس في السيب الصغير مستعينة بإنارة الحمام :f5:
حينما وصلت لوصف السجن و حديثها عن الحشرات التي تعيش معهم , تلفت بسرعة حولي خوفاً من قدوم عدوي اللدود :f5:
ولكن الحمدلله إنتهيت ولم أشاهد أياً من أفراد تلك الفصيلة .
وحينما انتهيت من قراءته تفاجأت بأن الساعة أصبحت في حدود الثامنة أو التاسعة , وعيناي مرهقتين و بشدة من القراءة , ورقبتي تؤلمني .. :)

كان هذا منذ سنتين بالضبط ومنذ ذلك الحين وهو يتجول بين بنات خالاتي وصديقات الأسرة و كل واحدة منهن سطرت إعجابها به ولم يعد إلي إلا منذ شهرين تقريباً , وسأقرأه بإذن الله مرة أخرى في هذه السنة ولكن في جو أفضل :)


مجموعة روايات الرائعة قماشة العليان :

أنثى العنكبوت ,,
خطأ في حياتي ,, (مجموعة قصصية وهو الكتاب الأول الذي يصدر للكاتبة)
عيون قذرة ,,
عيون على السماء ,, رواية جميلة قرأتها 3 مرات كانت المرة الأولى منذ ست سنوات وفي كل مرة أقرأها بنفس القدر من الحماسة , وكأنني أقرأها للمرة الأولى .
بكاء تحت المطر ,, (مجموعة قصصية)
الرجل الحائط ,, (مجموعة قصصية)

كل رواية منها لها عالمها الخاص , وأسلوبها المميز ,,
لا يسعني الحديث عن كل واحدة منها ولكن يكفي أن أسطر إعجابي الشديد بالكاتبة ,,
فإن لها أسلوباً مميزاً يجعلني أقرأ السطر وأنا أتلهف لقراءة السطر الذي يليه دون ملل ..


هناك روايات قرأتها لكتاب آخرين مثل غازي القصيبي ولكن أعترف بأنني كنت أقرأها بحثاً عن مايروقني فيها و أنا (متحسفة) على ما دفعته فيها ..
جمان البحر
05-07-10, 03:57 pm
توتي
جمآن البحر الف الف الف مبرووك افتتاح المدوونه

مدونتك رهيــــــــــبه واصلي ..




الله يبارك فيك ,,
تسلم ,,,


البدر
جمان البحر

الف مبروك المدونه رايقه وحلوه وبسيطه

والمعذره على التاخير بالتبريك


الله يبارك فيك ,,
لا لا متأخرة ولا شيء ,, تونا بسم الله مفتتحين .. :)
جمان البحر
07-07-10, 04:22 pm
الترم الي فات كان عندنا مادة اسمه مهارات لغوية ,,
والي يدرسنا هالمادة دكتور مصري http://smilles.5d5l.com/smile_albums/small/47.gif (http://smilles.5d5l.com/),,
وبأول محاضرة وحنا مابعد تعودنا على لهجته ,,
كان يشرح لنا تعريفات المهارة بشكل عام ,, ويعطينا أمثلة على المهارة ,,
فقال لنا : الشاااي لما بتعملوه فاطمة بيعقبنا أكتر من هدى .. لمااازا ؟
قلنا علشان فاطمة عنده مهارة ..
وووو من هالأمثلة وحنا متفاعلات معه ونرد عليه ..
لين وصل لمثال غريـــــب ,,
قال لنا :
الراقل إزا كان عاوز يلبِّك لازم يكون عنده المهارة اللازمة .

وحنا طايرتـ(ن) عييناتنا ببعض وكل وحدة تناظر الثانية وتقول وش يقصد وفوق رأسه علامة استفهام أكبر منه http://smilles.5d5l.com/smile_albums/small/87.gif (http://smilles.5d5l.com/) http://smilles.5d5l.com/smile_albums/small/90.gif (http://smilles.5d5l.com/) ..

بهاللحظة القاعة كله استلجت من تساؤلات البنات وش يقصد ؟ وش معنى يلبّك ؟..http://smilles.5d5l.com/smile_albums/small/115.gif (http://smilles.5d5l.com/)
قال: ايه يابنات ؟! مالكم ؟؟ http://smilles.5d5l.com/smile_albums/small/1.gif (http://smilles.5d5l.com/)
قلنا : دكتور وش معنى يلبّك ؟
قال : يلبّك يعني التلبيكة ,, الراقل لما يكون عاوز يلبّك سيارته بالملبك ..



هنا القاعة كله انفجرت من الضحك ..
أجل قصده يلبّق يعني يوقّف http://smilles.5d5l.com/smile_albums/small/84.gif (http://smilles.5d5l.com/) http://smilles.5d5l.com/smile_albums/other/mb369.gif (http://smilles.5d5l.com/) :f5: ..

هه ياشين المصريين لا منهم بغوا يتكلمون بكلامنا
,, يقلبون أبو أبو الكلمة :f5: ..
جمان البحر
07-07-10, 04:46 pm
اول ما دخلت قسم المدونات ,, كنت ما أقدر أفرق بين صرقة جيل وفلسفة جيل وزيادة على كذا ما أدري أي وحدة منهن أخت فديكا ,,
لين اني مرة ربطتهن بطر يقة غريبه أحب أستخدمه بدراستي :f5:

فديكا تبدأ بحرف ف وبنت عمته فلسفة تبدأ بحرف ف ..
يعني صرقعة معية تطقم مع أخته أول حرف :f5: ..

وش رأيكم ؟


ومن هذا المنبر أحب أبارك لفديكا فك الحظر :f5: ..
جمان البحر
09-07-10, 02:36 am
فلسوفة ,,

جمووون ~> تدلع جمآن البحر ,
سمّي .
شسمه ذآ على هالإكتششآف آقترح تدخلين قسم بدنيه < برآآآ ,،
ههههههههههههه لا أبشرتس دخلنا الكلية واخترنا أحسن قسم بالعالم :f5: ..<<تمسكي بس أنت وقسمك .

ههههه آجل مآتفرقين بينناا لا بس لآيغرنتس المظآهر بس ترى صرقعه
دربيه و عبيده و تجيب آلبلآ ولا أناا
تسني آلبتول بيضاا آلق لق و رقبتي طولتس
مرتين و أهبل قوه و سنعه و مرت بيت و كل اللي تبين ,،
<~ مسكت قميصه بتنحآش هه <|> ..
وش أسوي بكن كلكن بكن جيل ,,
وبلشت بكن .. لا قريت سواليفك همن رحت لصرقعة وقريت سواليفه انخلطت الحوّا مع البسباس عندي :f5: .
خخخخخخخخخخ صااااارقعااااه <<<تنادي صرقعه ..
تعالي شوفي الّي تسبك ..
بس بشويش عليه الله يخليك لا تكودين به ,, ترى عظيماته ماتحمل ..
وأغديتس مير تصيرين الكبيرة والعاقلة وتعفين عنه وتغمضين عن كلامه :f5:

بعدين يآحبيل قليبك فديكآ آلدوباا بنت عمتي يعني أنا آصير بنت خاله و ليست عمته .. ض1
يا بنت الحلال لا تدققين ..
جزاي الله ألف خير يوم اني دريت ان السالفة به واحد أخو وحدة وأنتن بناتهم :f5:

برآيفت لآ إلك ~> تصدقين منول آستحي آكلمتس آحستس شسمه ذآك
وشو !!
مغرورة ؟!
لا أبد ماهنا أحد(ن) مثلي بهالتواضع ..
وبعدين قسم تراي ما اعض ,, ولا أدق ,, ما هنا حليلي .. حبيبة و أحب الناس والناس يحبونن ..

آي و بآلمونآسبه ع آلبركه المدونه و من جد مدونه بطططله و الله يعينك علي بتلاقينن بمدونتك أربع و عشرين ساعه هخ ، لآ من جد تجنن وآصلي يآبطه ..
الله يسلمك ,,
وخ بس أحس اني خلاص أباقف يكفين هالمدح هنا والمدح الي بالبروفايل ..
أبد حياك الله ,, سيري علينا بكل وقت بس اهم شيء جيبي معتس شيء يبرد التسبد ,, مثلتس عارفة الدنيا حرورة والواحد ودُه يبرد على روحه .. :f5: <<<ماتستحي ..
وتربعي بالمدونة لا تطلعين منه أبد .حلالتس والله حلالتس يا بعد حيي ..
جمان البحر
09-07-10, 02:48 am
http://www.nabanews.net/photo/09-11-05-1667902540.jpg


ربي يسر لي أمري وسهله علي ,,
وسخر لي خيرة خلقك يارب العالمين ..



دعواتكم .. :(
جمان البحر
12-07-10, 03:57 pm
والله ياانا بلشت أدور مدونتي ,,
وخ منكم جادعينه بالصفحة الثالثة ,,
المفروض يصير به تشجيع من الادارة لأصحاب المدونات الجديدة ,,\
ويثبتونهن لهم شهر :f5: <<<قولي قآآآ
جمان البحر
12-07-10, 04:20 pm
قبل 9 سنين تقريباً وأنا برابع أو خامس ابتدائي ,, كنا رايحين لسوريا ..
كنا في مدينة اسمها اللاذقية ,,هذه المدينة ساحلية وتعتبر مدينة راقية عندهم ,, يمكن أحسن من دمشق حتى :f5: ..
المهم ,

في أحد الأيام طلعنا مبكرين من البيت علشان نبي نتغدى في مطعم من المطاعم الراقية ..
أول مادخلنا المطعم , استقبلنا مدير المطعم وسألنا وين تبون تاكلون ؟ بصالة مع المشروبات ولا بدون ؟!
قال أبوي : لا بدون مشروبات .. http://smilles.5d5l.com/smile_albums/small/92.gif (http://smilles.5d5l.com/)
وأنا الي أناظر أبوي وتطقن غلقة وشو تسذا ؟! بدون مشروب !! يبينا أبوي نغصص بالأكل ..! http://smilles.5d5l.com/smile_albums/sad/57.gif (http://smilles.5d5l.com/)
وحمقة عليه بقووووة ,, بس عجزت أعترض وأقول وشلون بنأكل بدون مانشرب http://smilles.5d5l.com/smile_albums/sad/54.gif (http://smilles.5d5l.com/) ..
مشانا مديرهم ودخلنا صالة جانبية له باب ومحطوط فوق الباب لوحة عليه رسمة كأس فوقه X ومكتوب صالة بدون مشروب .
وتزيد الغلقة عندي ,, يعني خلااااص مافيه مشروبات ..


جلسنا وجابوا لنا المنيو الخاص بصالتنا ,, وبدو أهلي يطلبون ..
يوم خلصوا طالبين الأكل ,, سألهم الجرسون ,, وش تبون من المشروبات الغازية ؟
سألنا أبوي وقلنا وش نبي <<<عاد الي يسمعك يقول عشرة كلهم أنت وأختك وأمك .
وأنا مازالت عيوني طايرة .. وش السالفة ؟
الحين مشغليننا وبدون مشروب وبدون مشروب وآخرته يسألنا وش تبون تشربون ؟!

بس ماصدقت انهم يبي يجيبون لنا المشروبات الغازية الا يوم دخلوهن علينا ,, والله ياانا بعد استانست يوم شفتهن http://smilles.5d5l.com/smile_albums/other/93.png (http://smilles.5d5l.com/)
بس بتلت علامة الاستفهام فوق رأسي .. وش السالفة ؟! http://smilles.5d5l.com/smile_albums/small/87.gif (http://smilles.5d5l.com/)

ولا فهمت وش السالفة الا يوم صرت بأولى متوسط ,, http://smilles.5d5l.com/smile_albums/other/151.gif (http://smilles.5d5l.com/)

عاد الي قاهرن الحين وراي ساكته يوم حنا بالمطعم ؟
مب عادتي أسكت اذا ماجاز لي شيء .. بس مدري وش الي جاين ذاك اليوم .
جمان البحر
12-07-10, 04:35 pm
جمان ياااحبيل قليبتس قلبتي الموووااجع توي اشوفلتس هالرد...
بس ماشالله مختس شغاااال .....

يالله يابنت الحلال ,,
حلاة الدنيا بمواقفه ,, بعدين تتذكرينه وتضحكين :f5: <<<ايقاله تهبطه ..
شفتي وشلون .. بسم اله على قليبي توف توف <<<تنفخ على روحه :f5:
أعرف أفكر ..
جمان البحر
14-07-10, 04:15 pm
أمس كان فيه اجتماع كبير لخوال أمي ,,
راحن خالاتي وأمي والبزارين ..
وحنا البنات عيينا نروح .. يااخي كسل بس نترزز ونتفرج على الخلق لا وناسة ولا هم يحزنون ..
قلنا أحسن لنا نجتمع جميع ببيت وحدة منا ..
عاد الله واجتماعنا ,, كل وحدة ماسكة لابتوبه وماتحاتسي احد لا واذا هشتهن وقلت تعالن تقهون مدن لي صحن الحلا وقالن كولي كولي واسكتي ..<<<<تقول جايتن اعلف مب استانس .

ماااالت عليكن لو ابي النت كان قعدت ببيتنا ..
قمت وخقلتهن وخقلت اجهزتهن بس ماش مانفع عاكفات عاكفات الله لايعوقهن بشر ..

طبعاً لاب توبي معي بس بدون بطارية <<<خوش والله ..
وفيشه مايشبك على مقابسهم ..
وغير تسذا يااخي مالي خلق النت مليت من مقابله بالبيت ..
قسم حتى هو مل من :f5:

آخر شيء علشان يفتكن من لجتي <<<حسيت روحي عجوز وماغير تهاوش بناته علشان يتقهون معه .
تهاوشن من تنزل تجيب لي من الدور التحتي فيش ثلاثي .. و و لاوحدة طاعت .
اومير يجيبن سلك المسجل ويشبكنه بشاحني بدال سلكي .
ويفتحن الجهاز ويحطنه قدام خشتي ويقولن لي اهجدي لا نسمع لتس صوت .

وخ ياشينهن بعد .

عاد نجي للمهم والي علشانه قلنا السالفة الي فوق .

العمات اتفقن يطلبن من كنتاكي .. يوم جن يشبكن سلك التلفون وتصرخ راعية البيت لااااااااااا قاعدة احمل ولازم تفصلون النت علشان تشبكونه <<<مدري ليش ؟
ويتلفتن على بعض من معه جوال .. وهالداجات كلهن جوالاتهن بدون أرصدة ..
ويلتفتن علي .. وبكل ادب واحترم يقولن سلفينا جوالتس <<<الادب مب علشناتس علشان بطونهن يمالاالي <<<بغيت اسوي حركة نذاله براعية البيت واقول جوالي واصل حده الائتماني بس هونت .
أخذن الجوال ودقن وطلبن .
يوم صار عقب ساعة . دق رقم غريب ومب من عادتي ارد على الارقام الغريبه ..
وساعة وحنا نرد مانرد ,, آخر شيء توكلت على الله ورديت .
طلع هندي مدري فلبيني ..
قال : كينتاااااكيي إيند البااااااب ..
قلت انا : كيف يلاقي الباب ؟
وانا اناظرهن بسرعه أسعفنن وشلون اوصف له .. بشمال بريدة افت له فت بس بالجنوب ماادبر غير طريقنا لبيت خالتي .
قال السواق .. لااالاااا مداااام,, مطأم كينتاكي إند الباااب .
قلت : ايييييه مطعم كنتاكي عند الباب .. <<وليتي ماقلت :(
يوم التفت عليهن ولاهن متسدحات من الضحك .
على طول من الفشيلة صكيت الجوال . ومعطت شوشهن وقلت يالله انزلن جيبن الطلبية ,, يكفي عطيتكن جوالي <<<تقل مب آكلة معهن .
بس كالعادة العجز مب مخليهن ,, ونادن حارس البيت وحارسنا :f5:
(الله يحفظه) ولد خالتي الصغير وكزنه يجيب الطلبية .
جمان البحر
15-07-10, 03:34 pm
ياشين الواحد اذا استعجل ..





قبل فترة كنا طالعين من بيت خوالي ,, وأول ماركبت السيارة تذكرت ان جوالي كان يحوس مع البزران ومن كثر ما أخذوه ورجعوه نسيت هو رجع لي صدز بالأخير ولالا ..

دورته بشنطتي ومالقيته ..
فقلت لابوي عطن جوالك علشان أدق على جوالي وأشوف وينه ..

أخذت الجوال ودقيت الرقم لأني ما أعرف وش مسمين بجواله ..
و الحمدلله لقيت الجوال بشنطة امي ..
بس الي قهرن ان ابوي مسمين بجواله (البي) .. يعني وش دعوى هالتشفير ؟!
انا دائماً اتطنز بالرجال الي ينادون خواتهم ولا بناتهم ولا حريمهم يابنت بالشارع ولا بالسوق ..
وافتخر بابوي انه ينادين باسمي ..
واسمع كثير عن الرجال الي يسمون خواتهم وقريباتهم بأسماء مشفرة واقول مستحيل ابوي يصير زيهم ..

بس وراه مسمين بجواله كذا ؟

وطول الطريق وانا منقهرة من الاسم .. يعني وش معناه ؟!
مثلاً البيت وحاذف التاء ؟!
ولا قصده البنت بس قال ان كتبت البن بيدرون انه بنتي ؟!
ياربيــــــه ..
وأوجعن راسي وأنا ماوصلت لشيء صح .

آخر شيء يوم قربنا للبيت واقرر افصح عن الي بقلبي والي به به ,,
واقول لابوي بلهجة تعصيبه : وراك يبه مسمين بجوالك كذا ؟<<من كرهي له مانطقته .http://smilles.5d5l.com/smile_albums/agner/3s083.gif (http://smilles.5d5l.com/)
قال : وشو؟!! http://smilles.5d5l.com/smile_albums/other/8.gif (http://smilles.5d5l.com/)
تدرين وش مسميتس ؟!

قلت ايه مسمين البي , اختصار للبيت .
ومير يضحك علي .. قال المصريين وش يقولون لحرف القاف ؟!
قلت : يقولون (أ)
قال : خلاص اقري الاسم باللهجة المصرية .
يوم تذكرته وأفشل من روحي ومن أبوي وألقط بقايا وجهي المنثور تحت بين المراتبhttp://smilles.5d5l.com/smile_albums/other/36l.gif (http://smilles.5d5l.com/) ..

أثره يا حياتي هو مسمين (ألبي) يعني قلبي http://smilles.5d5l.com/smile_albums/other/2.gif (http://smilles.5d5l.com/)..



عاد أبوي مايصلح يمسك شيء ..
بدأ كل ماجاء يستهبل علي ولا ايقاله يدلعن يقول ياألبي يابنيتي . :f5:
عطوا ألبي الي تبي .
آمري يألبي ...الخ ..<<<يبي يذكرن بالسالفة كل وقت .

بالعادة حدنا بنيتي واذا صار الدلال فائض عن حده قال حبيبتي جمون ولا عمري بنيتي .
بس البي ذي قوية شوي :f5:
جمان البحر
16-07-10, 02:05 am
ياربي سهل علي أمري ,,

ياربي يسّر لي كل مافيه خير لي ,, وأبعد عني كل مافيه شر لي ,,

ياربي سخّر لي خيرة خلقك ,,

ياربي أرحني من همي ,,

:(
جمان البحر
16-07-10, 05:23 am
عوداً حميداً بـنـت منيرة ,,
جمان البحر
17-07-10, 04:48 am
خواتي الصغار امس واليوم ممرحات عندي بالغرفة ..
ووالله ياهن متشققات من الوناسة ..ليتكم بس تشوفون أشكالهن وهن ينقلن فرشهن عندي .
متحمسات بقووووة ..
واليوم يقولن ميخالف ننام اليوم عندك بعد ؟!
قلت ايه ميخالف نامن .

تذكرت نفسي منول والله ياانا اعجز انام الليلة الي نبي نروح به لم خوالي من الفرحة اننا نبي نمرح عندهم ويصيرن هالايام تسنهن ايام عيد خاصة لاصارت به وحدة من خالاتي ..
ولا جت بنت خالي الله يرحمه وأمرحت معنا ..

قسم والله ياهو فله ..

عاد تو اناظرهن وأقول سبحان الله البزر يفرحه أي شيء لو هو بسيط وبالعكس يمكن أنفسهم تفضل الأشياء البسيطة عن التقنية الي متوفرة الحين .
ومن اللكاعة بي كل ماحتست وحدة منهن قلت له ضفي فراشتس ولا أشوف خشتس عندي ..
همن تقول لالا خلاص التوبة آخر مرة أبسكت .. :f5: ياحبيلهن بس .


جربوا وخلوا أخوانكم الصغارين ينامون بغرفكم ونزلوا أنفسكم لهم ..
اقعدوا معهم بالفراش وقصوا لهم قصة من قصصنا منول الي نسمعهن من جداتنا والحريم الكبار بالعائلة .

وبتدعون لي من كثر الفرحة الي بتشوفونه بوجيههم .
جمان البحر
17-07-10, 04:52 am
الذين يشاهدون محتوى الموضوع الآن : 2 ( الأعضاء 2 والزوار 0)
‏جمان البحر , ‏بنت منيره

حياك الله يا بنت مونيرااا ..
جمان البحر
17-07-10, 07:38 pm
جمان البحر اهلا بك بعد غياب وترا مرحب بمدونتك هنا من اول مافتحتي بس شكلتك ناسية,,,
وجميلة مدونتك والاجمل مافيها تكلف وينبسط الواحد يقرأها

ياخزياه منك يا عموري ..

والله ماانتبهت ..

الله يحييك .. :)


الله يسلمك ,, تشكر على مدحك .. :)
جمان البحر
17-07-10, 08:31 pm
حصل لي موقف في نفس رحلتنا ذيك لسوريا ,, أبذكره علشان تدرون اني ذهينه :f5:
وان جهلي بالمشروب من طهارة مب من دباشة :f5:


فيه محافظة عندهم اسمها الزبداني مليانة مزارع ,,طريقة السكن فيها انك تستأجر بيت ناس ومزرعتهم ..

وحنا هناك استأجرنا عند ناس كان لهم بنتين بعمري وحدة أكبر من بسنة والثانية أصغر من بشهور ..

بيوم من الأيام نادان أبوي وعطان 200 ليرة سورية يعني بحدود الـ15 ريال أو أقل ..
وقال لي روحي يابنيتي للبقالة مع صديقاتك واشتري لكم حلويات وشيبسات واعزميهم ..

أخذت الفلوس وطرت لم البنات وقلت لهن تعالن معي للبقالة ..

وصلنا البقالة وصرت أجمع من الشوكولاتات والشيبسات والعصيرات .. وميزة المنتجات في سوريا إنه يكتب عليها السعر على قرطاسته نفسه فمستحيل يكون فيه تلاعب .
المهم وأنا أجمع كنت أعد بمخي بشكل سريع أبي أوصل لحول الـ200 ..

يوم حسيت اني شبه خلصت عطيت الشايب الي يبيع بالبقالة الكيس الي معي وخليته يحسبهن .
حسبهن لي وقال عطين 200 ليرة ,,
عطيتهن اياه وأخذت الكيس وطلعت من البقالة ,, بعد مامشيت 5 أمتار يمكن ..
وأنتبه إلى إني يوم أحسب الأغراض وأنا آخذهن من على الرفوف كنت مابعد وصلت الـ200 .
وقفت ووقفت البنات وقلت لهم الشايب هذا هاكن علي .
طارت عيونهن .. ليش ؟
وأمسك كيس وأمسّك وحدة منهن كيس وأكب الي معي بالي معه ..
وابدأ أحسب الأغراض ..


وألقاه ناطلن من ليره :f5:
وأرجع لمه وأكب القش على الطاولة الي قدامه وأقول له احسبهن مرة ثانية لقيتك ناطلن من ليره وأحسبهن قدامه ..
وهو طايرة عيونه http://smilles.5d5l.com/smile_albums/other/3s172.gif (http://smilles.5d5l.com/).
قلت له يالله هات ليرتي http://smilles.5d5l.com/smile_albums/other/135.gif (http://smilles.5d5l.com/).
قال :يابنتي الليره ماتسوى شيء ماتقدرين تأخذين به ولا علكة .

وأنا الي أحرن بمكاني وأركز رجلي على الأرض قلت له ماراح أطلع من عندك الا وليرتي معي ..
وهو يحاول يفهمن ان هالليره تراه ولا شيء ماتستاهل وقفتس ..
وانا ماعندي ,, تربية قصمان :f5: ماراح أتحرك من عندك لو آخذه وأجدعه بالشارع مانب تاركته لك http://smilles.5d5l.com/smile_albums/other/135.gif (http://smilles.5d5l.com/) :f5:
آخر شيء الشايب فحم وشاف انه ماهنا فائدة من التفاهم معي .. وأحسن شيء انه يريح نفسه من ويعطين الليره http://smilles.5d5l.com/smile_albums/other/54.gif (http://smilles.5d5l.com/) ..

رجعت للبيت وأنا رافعة خشمي فوووق فوووق وأقول للبنات الي معي والله ياهو حرامي يبي ينطلن عينك عينك بس شوفون ماأسكت له وأخذت قروشي منه .
يوم وصلنا للبيت طرت لم ابوي وانا فرحة بالليره الي معي ..
عطيته اياه ..
ناظرن باستغراب وقبل لا ينطق بأي كلمة .
قصيت عليه القصة ..
وكانت أمي موجودة ..
تبسم أبوي على تصرفي ..
و ضحكت أمي و قالت : هووو يا بنيتي وشوله تبلشين روحتس عند ليرة وحدة تراه ماتسوى شيء مثله مثل الهللات ..
تدرين ان الريال الواحد يساوي 13 ليره ..؟
وأنا طايرة عيوني من هول ماأسمع http://smilles.5d5l.com/smile_albums/other/3s341.gif (http://smilles.5d5l.com/)
قلت مبررة لتصرفي وعلشان مأنكسح ويضيع تعبي سدى : ايه ايه ميخالف الليره على الليره يصيرن ريال والريال على الريال يصيرن ألف همن الواحد يصير تاجر . http://smilles.5d5l.com/smile_albums/other/mb369.gif (http://smilles.5d5l.com/) :f5: <<<أعجبكم أنا :f5:
قال أبوي (يبي يخفف علي هول الصدمة ويفرحن ) : ايه ايه هي صادزة بنيتي .
وأستانس ,, قلت لأمي ايه وبعدين لو انه ماتستاهل كان ماأخذه وعيّا يعطين ايه الا بطلعة الروح .

وأروح لم البنات وأنا نص الشموخ الي كان بي راح ..
يعني تسذا بس ضيعت وقتي علشان ليره ماتسوى ؟! تسيف مادريت من قبل تسان ماتعبت روحي .
جمان البحر
17-07-10, 08:39 pm
الذين يشاهدون محتوى الموضوع الآن : 3 ( الأعضاء 2 والزوار 1)
‏جمان البحر , ‏(جوانا)


حيا الله جوانا والزائر ..
جمان البحر
18-07-10, 02:26 am
الخآمس // اذكـر على الترتيب افضل خمس مدونات موجوده حالياً ..!

1- 【:::عَلَى كَفْ اَلْزَّمَنْ ,, حَفَرْتْ اِسْمِيِ ..
( جمآن )


http://smilles.5d5l.com/smile_albums/love/63.gif (http://smilles.5d5l.com/)


تسلمين فلسوفة ..


الذين يشاهدون محتوى الموضوع الآن : 2 ( الأعضاء 2 والزوار 0) ‏جمان البحر (http://www.buraydh.com/forum/member.php?u=21415) , ‏ămōяẻ (http://www.buraydh.com/forum/member.php?u=5192)

حياك الله ..
جمان البحر
18-07-10, 03:33 pm
الخآمس // اذكـر على الترتيب افضل خمس مدونات موجوده حالياً ..!
جمان البحر


http://smilles.5d5l.com/smile_albums/love/6.gif (http://smilles.5d5l.com/)

وخخخخخخ وخخخخ وش أسوي أنا بنفسي ..
أندعس تحت الطاولة ؟
أتوزى وراء الباب ؟

تسلمين صرقعة .. من زوئك ..

http://smilles.5d5l.com/smile_albums/love/l1.gif (http://smilles.5d5l.com/)
جمان البحر
18-07-10, 04:16 pm
يوم كنت بأولى ثانوي سافرنا لماليزيا ..
وحنا هناك كنت مثل البروش الي معلق بكتف أبوي ,, وين مايروح لازم أروح معه ,, حت لو يبي يسلم على الرسيبشن نزلت معه :f5:

كل ماجاء يطلع من البيت ينادي جمون أبطلع تعالي معي .
سم يبه .
وألبس الطرحة والنقاب عند باب الغرفة والعباة بالسيب :f5:

كنا ساكنين بفندق اسمه الصن واي لاقون .. هذا الفندق تبعه ملاهي وسوق ..
وفيه سيب طويـــــــــــــــل يربط بين السوق والفندق عن طريق مدخل جانبي وهذا السيب فااااضي مافيه ولا محل إلا بآخره عند طرف السوق فيه مكتب سفريات .

سكنا بهالفندق بس علشان الملاهي حقته فكنا كل مانبي نروح للملاهي لازم نمر مع هالسيب .
وخواتي كل ما مشينا فيه يبدن يتزحلقن (أو يسحّن :f5: )وماغير طربق طربق طربق وسسسسسسسسسسسس <<<يركضن همن يسحن بنعالهن .

وأنا تقطر تسبدي ودي أزين زيّهن بس المشكلة بهالعباة والعالم خرمر مع هالسيب .

بآخر يوم لنا بالفندق الصبح نادان أبوي وقال أبروح لمكتب السفريات الي بآخر ذاك السيب دام أمك وخواتك يتلبسون .
سحبت العباة من الدولاب ولبسته كالعادة :f5: ووراء أبوي على طول ..


أول ماوصلنا السيب ,,, أتلفت يمين يسار وراء قدام .. مافيه أحد ياسلااااام .ونعالي عز الطلب :f5:.
مستحيل أطلع من هالفندق وأنا ماسويت الي بنفسي .
وقفت ببداية السيب وخليت أبوي يمشي ويتقدم علي ..
يوم أبعد عن ..

بسم الله الرحمن الرحيم ..
رفعت العباة وأطلقت سيقاني للريح :f5:
http://smilles.5d5l.com/smile_albums/sport/36_1_22.gif (http://smilles.5d5l.com/)
ركضت وزحلقت وخلصنا الأولى ..
وبديت بالثانية وخلصناه ..
وووووهوووووووو والله ياهو وناسة ..

وأبدأ بالثالثة وطربق طربق طربق وسححح و أوووووووووووووح ..
مادريت الا بعائلة كويتية جايين للسيب من الجهة المقابلة لوجهي يعني من السوق ومبين عليهم متضايقين وأبوهم يحضرم <<شكلهم ناسين شيء بالفندق ورجعوا يأخذونه :f5:
ربطت فرامل وتمسكت بالجدار علشان ما أطيح ونزلت العباة ووقفت بكل وقار واحترام ..
رفعت يدي أسلم عليهم ايقالي ماسويت شيء وابتسمت لهم http://smilles.5d5l.com/smile_albums/other/151.gif (http://smilles.5d5l.com/) <<<والله من الدلاخة تحسبهم يشوفونه من وراء النقاب..

أنا خابرتهم أول مادخلوا تسذا http://smilles.5d5l.com/smile_albums/sad/11.gif (http://smilles.5d5l.com/)
وأبوهم تسذا http://smilles.5d5l.com/smile_albums/agner/10.gif (http://smilles.5d5l.com/)
ناظرتهم بطرف عيني عقب ربطة الفرامل ولاهم تسذا http://smilles.5d5l.com/smile_albums/other/149.gif (http://smilles.5d5l.com/) <<<علشان مايحرجونن

وشكلهم لا أبعدوا عن يبي يصيرون تسذا http://smilles.5d5l.com/smile_albums/other/147.gif (http://smilles.5d5l.com/)

وأول ماتعديتهم http://smilles.5d5l.com/smile_albums/small/76.gif (http://smilles.5d5l.com/)طرت لم أبوي ولاه توه واصل المكتب ..
قال وينتس ..؟
كل ذا مشي ؟
قلت هاااه إيه كنت أصور :f5:
جمان البحر
19-07-10, 03:55 am
جمان ياحلوة
شفتس اليوم مرتي من عندي طايره تقل ملحوقه مدري من تدورين
وأنا قزيتس وأنتي ما انتبهتي




هئ ..
وشلون ماشفتتس ؟

تبين تدرين من أدور ؟







كنت أدورتس :f5:
جت لمي أختي قالت تدرين من شفت تو ؟
قلت من ؟
قالت شفت مسرعة وأخته ..
وأنا الي أهوشه وراه ماناديتين ولا جبتيهن معتس يسلمن علي ..
ودي أشوفكن عقب ماكبرنا هو أنتن تغيرتن ولالا ..
طيب وشلون عرفتين ؟
معقولة هذه خشتي من يوم انا بزر ؟ ماتغيرت ؟
ووراتس تشوفينن وأنا مختبه وحالتي حالة :(

وبعدين أنتي وخشتس <<<بدت تمون ..
وراه ماناديتين ؟

احولت عيوني وأنا أدور لون بلوزتس :f5:

أمزح كنت أدور خواتي الصغار علشان أبوي جاء وهن يلعبن ..

وبنفس الوقت كنت أقول ليتي أشوفه وأسلم عليه ..
ودي أشوف وش صرتي عقب ماكبرتي :f5:
جمان البحر
19-07-10, 04:29 am
ههههههههههه

أنا مت وأنا أدورتس بس أحوم ما خليت مكان ألا ودزت به
وأشوى لقيتس


خخخخخخخخخخخخ ,,
تصدقين وأنا لابسة عباتي وأبطلع مافقدت الأمل ,, نسولف أنا وأختي وأقول له أولااااه تلفتي أغديه تمر ولا فرشتهم قريبه ..
الا وين هو به شفتين ؟ لأني يوم أنا أدور درت بكل الملاهي ..

بس ولو اسسستحي حتى اختس ميب حولي تجسرن

قسم بالله العظيم اني منب آكل ..
وحليلة ويمكن أنا أستحي منتس .


ما أبطيت عنتس آخر شوفه بالمتوسط
يمكن أختي هي اللي عقب الابتدائي

والله ياانت اوجعتي راسي .
الحين انت الي ببالي ولالا ؟
انت الكبيرة ولا اختك ..
لأن أنا أقصد الصغيرة منكن :f5:



يوم شفتس شهقت وغزيت باصبعي قلت جمآآآآآآآن بس همآتس مختبه وتلفتين منتب لمي
حتى وريتس أمي >-- خوش علم

هههههههههههههه ليتي سامعتس ..
تسان جاية ومسلمه .

ايه ما به فايده
بعد تراي اليوم ماتكششخت عشان كذا ما حرصت أسلم



خخخخخخ أجل وش أقول أنا ؟
الناس بعضهم تقل جايين لعرس وأنا ماحطيت الا روج لا وانمسح قبل لا آصل .
ولبسي عادي جداً ضفيت الي قدامي بالدولاب ومشيت .
رايحة أستانس مارحت أتكشخ وأترزز .


تقول أختي : حظ أوفر ,, المرة الجية بنعلمكم لا جينا نروح ونتشاوف هناك .<<<ترا هذا بعد 5 سنين :f5:

عقب يوم أنا بسادس ابتدائي مارحت لملاهي الاسكان الا مرة مع المدرسة.. :f5:
جمان البحر
21-07-10, 04:18 pm
عموري ,,

جمان وسيميا سوالف السفر والمواقف انبسط معهن


شكراً لك من زوئك .. :)



الأنسـ

جمان البحر وسيميآء: مدوناتهم تهبل http://www.e-rsam.com/vb/images/smilies/e-rsam%20(85).gifوالسواليف جايه مضبوطه موب همق على الفاضي http://www.s-qu.com/forum/images/smilies/haaawaa.gif وتستمتع وانت تقرا .. وما شاء الله على جمان بداية موفقه http://www.coalles.com/vb/images/smilies/pramg_com70.gif


يا حبي لك بعد .
تسلمين ,, الحمدلله ان البداية اعجبتكم وما ضايقتكم اللغة العربية الفصحى .

2- ҉ كُـنـتُ يَومَــآآ هُنَــآآآ ▌▌ وتَـكـفِـينِـي الـذِكْـرَى ҉ (http://www.buraydh.com/forum/showthread.php?t=222043) & 【:::عَلَى كَفْ اَلْزَّمَنْ ,, حَفَرْتْ اِسْمِيِ .. (http://www.buraydh.com/forum/showthread.php?t=244168)

بعد سيمياء معي ماصارت :f5:



سيمياء ,,
<ماتلاحظون جمان تلاحقن !! جمان حلي عني بيكفي بئة http://www.buraydh.com/forum/images/icons/icon11.gifخلاص حبيبتي الحين انتي صرتي كبيرة وشاطرة http://www.buraydh.com/forum/images/icons/icon10.gif..http://www.buraydh.com/forum/images/icons/icon10.gif
بعدين ييزي ماتعنقطتي بمريولي صايرتن تقل امتس http://www.buraydh.com/forum/images/icons/icon6.gifhttp://www.buraydh.com/forum/images/icons/icon8.gif.. غربلتين الله يغربل العدو http://www.buraydh.com/forum/images/icons/icon11.gif< من اللي يتعنقط بالثاني قلتي !!http://www.buraydh.com/forum/images/icons/icon11.gif


يمالا اللي ,,
الحين انا الي الاحقتس http://www.buraydh.com/forum/images/icons/icon8.gif
نسينا ماكلينا ؟!
هاه نسيتي يوم انا كل مادخلت المنتدى تعنقطتي بي , وابلشتين ماغير تصيحين من الخوف من الناس الغرب .. هاااه نسينا ..
ودائم ننتك بيدي اخاف يهوشك احد همن تبدين تزاعقين همن ياصل صوتس جيراننا ونبلش بتس ..!!




خخخخخخخخخخخخ
ياحبيلتس عاد ..
تعنقطتي بي ولا تعنقطت بتس .. كلهن على قلبي عسل ,,
الله لا يخلين ..
ودي نتشاوف قريب اشتئنا http://e-rsam.com/vb/images/smilies/e-rsam%20%2892%29.gif
جمان البحر
21-07-10, 05:14 pm
من فترة جان ايميل يعلن عن محل ببريده اسمه ساكورا ..
ومن جان وأنا أحن على أهلي أبي أروح لمه .
المحل ملياااان شوكولاته بأشكال غريبه وماكد شفناه بالسعودية او أشياء قديمه وغيروا طعمه .. عندهم تلقاه زي الي منول ..
عاد عقب لجتي واحد من أصدقاء أبوي دله على محل اسمه التويجري للحلويات ..
وعنده نفس الأشياء ..
وتقدرون تقولون انهم يتنافسون ..
^
^
اعلان مجاني :f5:
المهم يوم صار امس قال ابوي يالله قوه أوديكم لم واحد منهن .
رحنا لساكورا لأنه على طريقنا وحنا رايحين لمحافظة القواره .
وضفينا كذا حاجه .
منها اي أعجبنا وقلنا بنشتري مثله بالمستقبل ومنه الي قلنا تووووبه يوم اننا نشتريه ..
عاد صورت لكم الأشياء الي أعجبتن أنا شخصياً ولا مالي دخل بأهلي :f5:

نبدأ مع أغرب شوكولاته شفته . وبديت أتحقرص عنده بالمحل ودي آخذه .
الشيء الأول : شوكولاتة يوركي

http://sub3.rofof.com/img4/07bugis21.jpg (http://www.rofof.com)


شوفوا وش مكتوب عليه : It's not for girls ! <<<لا وحاطين جنبه علامة تعجب علشان يلهدوننا .

http://sub3.rofof.com/img4/07orgad21.jpg (http://www.rofof.com)



عاد شريناه قلنا علشان أبوي ولا حنا مانبيه :f5: <<<والله من التسذب .
يوم قعدنا نتقهوى طلعناه وعطيناه ابوي وقلنا يالله ذقه ..
وكلنا ننتظر رده ..
يوم ذاقه قال أووووه هم صادقين تصلح للرجال وبس تهبل .
تناظرنا انا وامي ودنا ناكله بس متوحشين ..
أخذت امي قطعه منه وقسمته نصين وأكلت نصه وعطتن نصه ..
أخذته وحطيته باثمي ولبست شماغ ابوي كتمويه :f5:
ومدري وانا آكله حسيت بتأنيب ضمير ..
بس عليه طعم لذيييذ بالرغم من انه كاكاو خالص .


الشيء الثاني : بيضة جالكسي ..

http://sub3.rofof.com/img4/07qbtez21.jpg (http://www.rofof.com)

شوكولاته على شكل بيضه محشوه بالكراميل ..
طعمه حلو بس ماتصلح تأكله لحالك ..تدبل التسبد .




الشيء الثالث : بيض سوريني .

http://sub3.rofof.com/img4/07rouqn21.jpg (http://www.rofof.com)

كاكاو على شكل بيضه محشو بكاكاو مع حبيبات محمصه .
هذا الشيء العجيب اللذيذ ..
بصراحه يصلح لو تشترون منه كيلو وتحطونه بفازة زجاج وتأخذونه معكم لعزيمه ولا شيء ..
جداً لذيذه <<<عشقته .



الشيء الرابع : بوب كيت كات .

http://sub3.rofof.com/img4/07apqzg21.jpg (http://www.rofof.com)


امممم هذا النوع ذقناه في ماليزيا وجبنا معنا كميه منه..
وللأسف مالقينا بالسعودية زيه ابد .
لكن هذا هو وصلنا عقب 4 سنين :(
وأكيد كتكات غني عن التعريف .

الشيء الخامس : شوكولاتة الكور .

http://sub3.rofof.com/img4/07wezyx21.jpg (http://www.rofof.com)

أكيد معظمكم يذكره يوم هو بزر .
كانت لذيذه لكن الحين كرم الله النعمه ما تنذاق .
عاد لقينا القديم الي كنا ناكله لكن انتبهوا يجي نوعين نوع من انجلترا حلو بس فيه نكهه أنا ماحبيتها .
والثاني من ايطاليا يميييي لذيذ جداً .
الاأول عند ساكورا .
والثاني عند التويجري .

عاد على الله يعطونن شيء ببلاش عقب هالاعلان لهم :f5:


كانت معكم من قلب الحدث مراسلة بريدة نيو نيوز : جمان البحر :f5:
جمان البحر
05-08-10, 12:09 am
خمنوا وين هذه الصور ؟!


http://sub5.rofof.com/img3/08erpfz4.jpg (http://www.rofof.com)




http://sub3.rofof.com/img4/08rlihz4.jpg (http://www.rofof.com)
جمان البحر
05-08-10, 12:19 am
وذولي :


http://sub3.rofof.com/img4/08jkqge4.jpg (http://www.rofof.com)



http://sub3.rofof.com/img4/08cbtxw4.jpg (http://www.rofof.com)

http://sub5.rofof.com/img3/08ziobr4.jpg (http://www.rofof.com)


http://sub5.rofof.com/img3/08feadn4.jpg (http://www.rofof.com)


http://sub3.rofof.com/img4/08zourh4.jpg (http://www.rofof.com)


تبون زيادة ولا يكفي ؟!

انتظروا صور المكان الي أحادثكم منه ..



للاجابات على مكان هذه الصور يرجى ارسال رساله للفورم ,, عنوان :

http://www.formspring.me/JamoOon22



واللي يجاوب صح له مني اني أحش له من هالخضار وأرسله لبيتهم علشان يزرعه بغرفته ..

:f5:
جمان البحر
12-08-10, 07:42 am
به واحد بس الي جاوب علي صح ..

الصور أعلاه في تركيا ..
في منطقة البحر الأسود بشكل عام .. من كل مكان صورة ..

الحمدلله ياربي رجعنا بالسلامة من تركيا وصمنا اول يوم معكم ..

وتعدينا الحدود السورية بسلام وأهم شيء مشينا بسوريا بالليل وماجانا شيء وحنا راجعين يالله لك الحمد .. طول الطريق وفيه عالم يصيحون يبوننا نوقف بدمشق :f5: لأن الساعة قربت للـ10 ونصف بالليل وأنا أتراجد من الروعة وماغير ادعي ان ربي يحفظنا وشكل أبوي مرتبك وودوه ناصل بسرعه ..
وخالتي دقت على امي وهي مابجواله ابراج وسمعت مرة ترد عليه باللغة التركية ان الجوال خارج الخدمه(مب مثل السعودية رجال ويخب) ويوم رجعت الابراج وردت عليه امي ودرت اننا مسافرين لتركيا واننا راجعين اومير ياحول عجزت ترتاح بدت ماغير تدقدق هاه وصلتوا ماوصلتوا يابعدي هي الله لايخلينا منه دائم شايلة هم العائلة كله ..


حسيتنا تقل مشافيح السعودية .. خلاص بس درينا ان بكرا رمضان مانبي نصومه الا بالسعودية ..


بإذن الله انتظروا سواليفي عن مواقف سفرتنا ومدعمة ببعض الصور ..
جمان البحر
14-08-10, 08:53 pm
والله يا أنا أكره الولد الدب الي باعلان موبايلي حق قمة افرست ..
قسم ودي اغول حلقه وهو يقول وأنت وش دراااك ؟

ماأدري وراه الدببه الي متنفخين من النعمه وما ترهلوا يصيرون دائم شر منزل ,, اللهم ياكافي ..
ما أواطنهم من يوم أنا بزر :f5: ..
على عكس الدببه قوه يعني شوي مترهلين تلقاهم وسيعين صدر ودائم ينكتون ..
جمان البحر
14-08-10, 09:42 pm
قبل مانسافر قريت سالفة كاتبه واحد كتنبيه للمسافرين لسوريا ..
يقول يوم جيت بالحدود أبي أختم جوازي ودفتر المرور علشان السيارة ..
الموظف بدأ يصرخ بصوت عالي كل واحد ياقف بالدور ويجهز أوراقه كامله ومعهم 500 ليره (أي مايعادل 40 ريال) ..
يقول كل العالم بدوا يطلعون 500 ليره الا انا حسيت ان السالفة به ان .. والفلوس مب رسوم لشيء بس بتروج لجيب هالموظف ..
فحطيت بالجواز 50 ليره ويوم جاء دوري وعطيته أوراقي قال وين الفلوس ؟
يقول قلت له بوسط الجواز ..
يوم فتحه وشافهن ناظرن بطرف عينه وهو معصب ..
بس ماتجرأ يقول ولا كلمه ..

عاد وحنا حول الحدود قلت لأبوي السالفه ..
خلص أبوي أوراقه ورجع ..
يوم ركب السيارة.. قال اننا يوم دخلنا المبنى قال لنا الموظف نفس الشيء ..
ويوم جاء دور أبوي وختم له الموظف أوراقه سأله : وين الفلوس ؟
قال ابوي مامعي شيء الحين .. فلوسي بالسيارة ..
خلن أروح أجيبهن لك ..
قال الموظف : زين روح ..
أخذ أبوي اوراقه وركب السيارة ودعس بنزين وهجينا ..

عاد وحنا راجعين وبنسجل خروج ..
خلاص بنرجع للسعودية ..
نزل أبوي يزين الأوراق ورجع ووجهه أحمر من الضحك ..
قلنا وش السالفه ؟
قال : صار حظي بالموظف الي يوم نجي طلب من 500 ليره وقلت له اجيبهن من السيارة وسحبت عليه ..
قلنا : وش قال لك ؟
قال : أول ماشافن ابتسم وقال أهلاً أهلاً http://smilles.5d5l.com/smile_albums/other/104.gif (http://smilles.5d5l.com/) .. وين الـخمسمية ؟
رحت تجيبه ولا رجعت ..
قال أبوي مامعي فلوس ..
قال الموظف ولا 50 ليره <<<شوفوا الوضاعه كيف .. موظف ويشحذ مبلغ أقل من 5 ريال .
قال أبوي ولا حتى 5 ليرات ..
ومشى وخلاّه .

عاد حنا نضحك على ابوي نقول له شكل مافيه احد غيرك ماعطاه الـ500 علشان كذا مانسى وجهك ..
بسم الله علي كم وجه يقابل باليوم ومع ذلك مانسى ابوي وحنا مارجعنا الا عقب 10 ايام ..


ولا يوم جينا نعبي من محطة قبل مانطلع من الحدود ..
ماكان معنا مبلغ سوري الا على قد البنزين دفعه أبوي كله ..
يوم خلص العامل معبي بنزين وأخذ الفلوس وعدهن سأل أبوي مافيه إكرامية ؟
قال أبوي الاكراميات خلصوهن موظفينكم بالحدود ..
ومشينا وتركناه ..


بصراحه بحياتي كله ماشفت ناس وضيعين لهالدرجه يشحذون وربي مغنيهم عن مذلة الناس ..
جمان البحر
14-08-10, 10:10 pm
نبدأ بأول الصور من سوريا ..

وحنا ماشين شفنا مزارع مليانه من هالنوعيه من الشجر ..
http://www.anmar4u.com//uploads/images/anmar-402eabe92b.jpg (http://www.anmar4u.com//uploads/images/anmar-402eabe92b.jpg)


وش تتوقعون ثمره ؟



وهذه صورة الثمر من قريب .

http://www.anmar4u.com//uploads/images/anmar-828bbae436.jpg (http://www.anmar4u.com//uploads/images/anmar-828bbae436.jpg)



الاجابات هنا :

http://www.formspring.me/JamoOon22
جمان البحر
14-08-10, 10:12 pm
الذين يشاهدون محتوى الموضوع الآن : 3 ( الأعضاء 3 والزوار 0)
‏جمان البحر , ‏ابوراشد..



ياحيا الله الموجودين ..

شكل أبو راشد فتح مدونتي وراح يصلي التراويح ..
من زمان وهو بذا ..
جمان البحر
15-08-10, 01:08 am
الثمره الي في الصفحة السابقة هي ثمرة الفستق ..

بصراحه انبهرت كثير يوم شفتها .. ماتوقعت الفستق كذا ..

على اننا رحنا لسوريا من قبل كذا مره لكن ماعمرنا رحنا حول مدينة حلب وهالمزارع تابعة لحلب ..
هذا هو الفستق الحلبي الي ينباع بالاسواق ..


فديكا هي الي جاوبت على السؤال .. وماشاء الله عليها جاوبت صح ..
جمان البحر
15-08-10, 01:17 am
قبل لا أنزل الصور وأتكلم عن مواقفنا ورحلتنا فيها ..

راح أذكر بعض الأمور الهامه لأن فيه ناس أرسلوا لي يقولون يبي يروحون لتركيا من بعد ماشافوا الصور ..

في البداية لازم تحط ببالك قبل لاتسافر الأمور التالية :

1- بعد المسافة حتى تصل للمناطق الخضراء .. وأقصد بذلك أن تكون الأرض نفسها خضراء كأنها مزروعة ثيل .. حنا قطعنا حوالي 2800 كم الى أن وصلنا الى وجهتنا التي نريدها ومثلها في العودة الى بريدتنا الغالية ..

2- غلاء سعر البنزين فاللتر مابين 9,30 ريال الى 9,50 ريال .. يعني سيارتنا كنا نفللها بالسعودية بأقل من 60 ريال وصرنا نفللها هناك بحوالي 1000 ريال ..<<<فرق جداً شاسع ..

3- حتى تصل بأقصر مسافة ستمشي مع طرق زراعية في أغلب المسافات داخل الأراضي التركية الاسفلت فيها غير جيد تماماً , بعض الطرق فيها اصلاحات فتضطر للمشي بوصلة من الطريق بدون اسفلت ,, عدد من الطرق تشابه طريق الهدا قبل تجديده ..من حيث اللفات وضيق الطريق ..
لكن اذا حريص تمشي بطريق سريع راح تقطع مسافة أطول من الي قطعناها بحوالي 500 أو 600 كيلو (على ماأعتقد) ..

4- محاولة بعض الأتراك (وقد يكونون القله) استغلالك لكونك سائح خليجي وهذا بسبب تفاهة بعض الخليجيين هناك ودفعهم للمال دون تفكير فيجب عليك أن تكون نبيهاً أثناء معاملاتك المالية معهم حتى لاتتعرض لعمليات النصب وإن كانت مبالغ بسيطه ..
جمان البحر
20-08-10, 10:24 pm
أول مادخلنا تركيا ..

قابلنا موكبين عرس .. عرس رايح معنا باتجاه شمال تركيا والثاني عكسنا رايح باتجاه الحدود <<ياحليلهم ماتدري وش وقت عروسهم بالضبط بيوم من الأيام شفنا 5 مواكب عروس شيء الصبح وشيء الظهر وشيء بالليل ..

وهذه صورة واحد منهن :

http://sub5.rofof.com/img3/08alhge17.jpg (http://www.rofof.com)

الغريب في تركيا انك أول ماتدخل ماتقابل الا الصفار جبال صفراااء تماماً والأراضي مازينها الا المزارع :

http://www.anmar4u.com//uploads/images/anmar-9b570c6492.jpg (http://www.anmar4u.com//uploads/images/anmar-9b570c6492.jpg)

لكن الي يجمل المنظر هو مزارع القمح بلمعتها الذهبيه :

http://www.anmar4u.com//uploads/images/anmar-9db37cbe6d.jpg (http://www.anmar4u.com//uploads/images/anmar-9db37cbe6d.jpg)

كنت أتمنى أصورها مع قدام وحنا راجعين والشمس كانت ساطعه فيها .. اللون كان مثل الذهب بلمعته ..
لكن ماحصل لي ..


وبعدين يبدأ الخضار بشكل بسيط ..
http://www.anmar4u.com//uploads/images/anmar-53dfdea91d.jpg (http://www.anmar4u.com//uploads/images/anmar-53dfdea91d.jpg)


هنا وقفنا قبل الغروب (لأننا مانبي نتعمق بالداخل والوقت ليل) بقرية العنب (هاسا) قرية صغيرة وهادية جداً... دورنا على فندق ومالقينا الا مبنى حكومي مكون من 4 أدوار 2 تبع الموظفين و2 للتأجير ..

http://www.anmar4u.com//uploads/images/anmar-2b0ca535ab.jpg (http://www.anmar4u.com//uploads/images/anmar-2b0ca535ab.jpg)

يوم نزلنا قشنا تلفتنا يمين يسار .. مافيه أي مطاعم مثل ماقلت لكم قرية صغيره ومافيها شيء يذكر ..
قلنا مافيها الا اننا نطبخ .. بس وين ؟!
حنا آخذين غرفتين بدون مطبخ ..
قال ابوي أنا شايف عند غرفة الرجال الي يشتغل بالمبنى مطبخ .. نستأذن منه ونطبخ ..
تكلمنا معه انجليزي ,, عربي ,, اشارات ,, فتحنا الشنطة وطلعنا عفشنا بالشارع والرجال يدهدر راسه ..
هو ضاق صدره وبدأ يتلفت علينا ويناظرنا كلنا حتى البزارين ..
لين طاحت عينه على اختي عمره 10 سنين حركت يده وكأنه تحرك شيء داخل قدر ..
هنا هو قال آآآه وهز راسه وانفرجت أساريره ..
وقال لنا نو بروبلم ..
قلنا وأخيراً .. يااخي تعبنا وحنا نشرح وآخرته تفهم من بزر ام 10 سنين ..
وصار كل مابغينا نتفاهم معه على شيء التفت لمه وناظره يسترجيه تشرح له ..
عاد هي وخشته مايبي له من ناحية الغرور أشغلتنا بدأت تردد شفتوا .. أنا خبيرة لغة الاشارات التركية ..
بس يوم رقينا وشفنا البلكونه ..وشفنا المطبخ بالدور الي تحتنا قالت امي : لا هونت نزلوا الدافور ..
ماانب قاعدة أنزل وأرقى ..
وغير كذا أخاف الرجال ينام مبكر وحنا نشغله .
وجبنا دافورنا وطبخنا عشانا :


http://www.anmar4u.com//uploads/images/anmar-0a1ad15f53.jpg (http://www.anmar4u.com//uploads/images/anmar-0a1ad15f53.jpg)


يوم قمنا الصبح طلعت للبلوكنه وشفت هالمنظر الحلو ..:

http://www.anmar4u.com//uploads/images/anmar-e95fc5c01e.jpg (http://www.anmar4u.com//uploads/images/anmar-e95fc5c01e.jpg)


وهذا منظر من شباك غرفتنا :

http://www.anmar4u.com//uploads/images/anmar-d9e4fd926b.jpg (http://www.anmar4u.com//uploads/images/anmar-d9e4fd926b.jpg)


وهذه قهوتنا تطبخ .. ياحلو ريحتها الصبح ..


http://www.anmar4u.com//uploads/images/anmar-9eb5ab9b52.jpg (http://www.anmar4u.com//uploads/images/anmar-9eb5ab9b52.jpg)


بعد ماطلعنا من القرية على طول شفنا أشجار العنب على يمين الطريق ويساره :

http://www.anmar4u.com//uploads/images/anmar-1550fca2e6.jpg (http://www.anmar4u.com//uploads/images/anmar-1550fca2e6.jpg)

والبياعه كل باسط بضاعته اشي عنب أحمر واشي اخضر واشي حبه كبيره واشي صغيره .. عنب على كيف كيفك .. واشترينا هذا :


http://www.anmar4u.com//uploads/images/anmar-1e0d6892a9.jpg (http://www.anmar4u.com//uploads/images/anmar-1e0d6892a9.jpg)


وبعدين ترجع للصفار مرة ثانية :
http://www.anmar4u.com//uploads/images/anmar-ac3f863a6a.jpg (http://www.anmar4u.com//uploads/images/anmar-ac3f863a6a.jpg)

ونرجع نشوف أشجار خضراء وصوت نهر يجري .. تحمسنا نشوفه طول الطريق بين مدينتين وحنا نسمع صوته ..
لقينا منفذ صغير للسيارة ونزلنا وقابلنا أول نهر شافته عيوننا داخل الأراضي التركية <<<بآخر الأيام ملينا من كثرهن خخخخ .

http://www.m5zn.com/uploads/2010/8/20/photo/082010130816pb9cqk6kedpek4jv5w.jpg (http://games.m5zn.com/cooking_games.html)


وعقب قابلنا أول بحيرة .. والصفار مبين حواليها :
http://www.anmar4u.com//uploads/images/anmar-d6a977b269.jpg (http://www.anmar4u.com//uploads/images/anmar-d6a977b269.jpg)


وبعدين صار الطريق كله مزارع دوار الشمس :

http://www.anmar4u.com//uploads/images/anmar-dd22690c4a.jpg (http://www.anmar4u.com//uploads/images/anmar-dd22690c4a.jpg)


http://www.m5zn.com/uploads/2010/8/20/photo/082010110858ncexva0k9lfw7hu.jpg (http://games.m5zn.com/cooking_games.html)



http://www.m5zn.com/uploads/2010/8/20/photo/0820101108590513bs1.jpg (http://games.m5zn.com/cooking_games.html)



وش تشوفون ؟

http://www.m5zn.com/uploads/2010/8/20/photo/082010110859vl59ao66480.jpg (http://games.m5zn.com/cooking_games.html)


نقرب أكثر ..

http://www.m5zn.com/uploads/2010/8/20/photo/082010110859jsge5br51tx22xvckof.jpg (http://games.m5zn.com/cooking_games.html)


وجه صح ؟! :f5:

هذا طبعاً ظل السحاب على الجبل ..


الطريق صح طويل بس متعته باننا نشوف مناظر مختلفة كل كم كيلو ..
وشفنا زهور الخزامى بس ماحصل لي اصورهم ..


وصلنا قرية فيها مفترق طريقين كل الطريقين يوصلن لنفس المدينة الي حنا نبي لكن كل طريق يمر بقرى مختلفة ..
حنا سلكنا الطريق الي مايروحون معه الخليجيين .. ومرينا بقرية فيها عرس كل من بالقرية حاضر هالعرس ..
عاد يوم عبينا بنزين من عندهم قعدنا نتفرج شوي على عرسهم وعزمونا .. بس عيينا لأن ورانا طريق ..
بس حسينا أنفسنا تقل موكب الملكة اليزابيث ..
قاعدين بالسيارة والعالم كله عيونه علينا واذا رفع واحد منا يدينه يسلم كل الي يشوفونه يرفعون يديهم ويسلمون وهم متشققين من الوناسة :f5:

هذه صورة عرسهم :

http://www.m5zn.com/uploads/2010/8/20/photo/0820101108590kj8xrofp.jpg (http://games.m5zn.com/cooking_games.html)



واعذرونا على التأخير ..

بس ماادري وش فيهم اهلي حبكت طلعاتهم الحين ..
واذا صرت فاضية الموقع الي احمل منه الصور يصير متعطل .. ولا الموضوع مكتوب من زمان ..


الرد الجاي ان شاء الله بيكون فيه اللون الأخضر الي يرد الروح ..

بس بهالرد بغيت الجميع يعرفون انه مب بمجرد دخولك لتركيا راح تشوف الخضار ..
راح تقابل الكثير الكثير من المناظر والتضاريس المختلفة ..
جمان البحر
22-08-10, 08:00 am
تعرفون نافورة الشوكولاته ؟!

http://www.davescuisines.com/images/ChocolateFountain2002.jpg


أبي أستأجرها ليلة العيد .. خبروني عن محل ولا ناس يأجرونها علي ..

هنا :

http://www.formspring.me/JamoOon22
جمان البحر
25-08-10, 04:15 am
نكمل صور الطريق ..

بس الحين مش أي طريق ..

الحين بدأ الجزء الأخضر الي يرد الروح ..

هالصورة قابلناها من بداية دخلتنا لتركيا في كل الطرق ..

http://sub5.rofof.com/img3/08vymlc24.jpg (http://www.rofof.com)

بالله حنا وش عندنا بداله ؟!
صورة بعير ..

بدينا بجبال عليه عشب بس أخضر مصفر ومافيه الا بقع صغيره خضراء .. وضاقت صدورنا لأن الصور الي شفناهن غير وقلنا ليتنا جايين قبل شهر كان الدنيا خضراء ..

http://sub5.rofof.com/img3/08lthrp24.jpg (http://www.rofof.com)


زاد العشب اخضرار :

http://sub5.rofof.com/img3/08ljefk24.jpg (http://www.rofof.com)


http://sub5.rofof.com/img3/08bqxut24.jpg (http://www.rofof.com)


http://sub5.rofof.com/img3/08duqme24.jpg (http://www.rofof.com)


http://sub5.rofof.com/img3/08qrilc24.jpg (http://www.rofof.com)


واشترينا هالورد وعلقناه على سيارتنا من وراء نبيها تصير عروس :f5: ..

http://sub5.rofof.com/img3/08rnyfj24.jpg (http://www.rofof.com)


وشفنا هالبزران بمسجد وقفنا نصلي فيه الظهر والعصر ..
وأنا أصور وهم وراي قلت خل أصورهم .. التفت عليهم وأشرت للكاميرا وعلى طول صفوا وكل واحد وقف بطريقة تضحك ايقاله كاشخ قدام الكاميرا ..
الصورة تتكلم :

http://sub5.rofof.com/img3/08iqpdz24.jpg (http://www.rofof.com)

والبقر بكل مكان ..<<ولدنا صار مهبول بقر من كثرهن خخخخخخ ..

http://sub5.rofof.com/img3/08pdkfa24.jpg (http://www.rofof.com)

وبدأ الخضار يزيد ويزيد .. وفرحتنا معه تزيد ..

http://www.m5zn.com/uploads/2010/8/24/photo/082410170814ort4v5lp4wjf.jpg (http://games.m5zn.com/cooking_games.html)


http://www.m5zn.com/uploads/2010/8/24/photo/08241017081426zinthqr.jpg (http://games.m5zn.com/cooking_games.html)


http://www.m5zn.com/uploads/2010/8/24/photo/082410170814nna49z1qeuto.jpg (http://games.m5zn.com/cooking_games.html)


http://www.m5zn.com/uploads/2010/8/24/photo/082410170857tg1pxtcoa3gjz6j2.jpg (http://games.m5zn.com/cooking_games.html)


http://www.m5zn.com/uploads/2010/8/24/photo/082410170857pdzhbhbieip.jpg (http://games.m5zn.com/cooking_games.html)


تخيلوا أنفسكم ساكنين بمكان مثل هذا :

http://www.m5zn.com/uploads/2010/8/24/photo/082410170858yaihdwn962zonl8.jpg (http://games.m5zn.com/cooking_games.html)

الصورة من مسجد وقفنا نصلي فيه ..


علشان هالمنظر بكل مكان نلقى اللوحة الي بأول صورة :f5:

لاحظوا الطريق كيف ردئ .. ومعظم الطرق عندهم كذا ..


http://www.m5zn.com/uploads/2010/8/24/photo/082410170858n2ncwagu5zkswnx4q.jpg (http://games.m5zn.com/cooking_games.html)


وكمان خضار وخضار :

http://www.m5zn.com/uploads/2010/8/24/photo/082410170826ttn5g7yriuq.jpg (http://games.m5zn.com/cooking_games.html)


http://www.m5zn.com/uploads/2010/8/24/photo/0824101708268u7sdv6r3.jpg (http://games.m5zn.com/cooking_games.html)

طريقنا شبه انتهى وقربنا نوصل للمكان المقصود ..
وان شاء الله بالرد الجاي الصور ..
جمان البحر
25-08-10, 04:19 am
الذين يشاهدون محتوى الموضوع الآن : 2 ( الأعضاء 2 والزوار 0)
‏جمان البحر , ‏»•° عطر الليل °•«



ياهلا بمشرفنا عطر ..


الذين يشاهدون محتوى الموضوع الآن : 4 ( الأعضاء 2 والزوار 2)
‏جمان البحر
ياهلا بالزوار وبالمخفي كمان .. عسى الصور أعجبتكم بس !! :)
جمان البحر
29-08-10, 01:32 am
نكمل نهاية الطريق ووصولنا لقريتنا الجميلة <<<صارت قريتنا :f5:

القرية الي سكنا فيها اسمها أوزنجول لها صور كثيرة في النت وحلوة ..
قبل وقت جيتنا كان الجو فيها كله مطر على عكسنا حر ..
بس ميزة وقتنا ان الخليجيين طلعوا منها فصار السكن متوفر ..
يعني تخيلوا قبل لانجي الناس استأجروا خيام وناموا فيها ..
لا وقبل اسبوعين من روحتنا بعضهم ناموا في سياراتهم حتى الخيام مالقوها ..
بسبب إن القرية صغيرة والبيوت فيها قليلة والخليجيين هالسنة رايحين لها بأعداد كبيرة ..
حتى الي مرتبين امورهم قبل وحاجزين ومحولين الفلوس يوم وصلوا لقوا بعض الخليجيين من الجنسيات المعروفة انها تدفع ولا تفكر بالفلوس مساومين أصحاب البيت ومعطينه دبل المبلغ الي مدفوع له ..
وراعي البيت يرجع له فلوسه ويقول له معليش غيرك دفع لي أكثر ..

وحنا بالطريق قابلنا يمكن 10 سيارات أو أكثر سعودية وخليجية راجعين من المنطقة الي فيها القرية ..

وقبل لا ندخلها بليلة ماكان يفصلنا عنها غير 150 كيلو بس قلنا مانبي ندخلها والدنيا ليل لأننا حول المغرب ..
وصدق الحمدلله اننا مارحنا سكنا في فندق مرتب ويطل على البحر .. جلسة الفطور كانت جداً رايقة ..<<للأسف مانزلت الكاميرا معي ولا صورت الفطور والاطلاله ..
ويوم رحنا للقرية جارنا الي تحتنا سعودي من المدينة يقول أنا دخلتها أمس بالليل ومالقيت سكن واضطريت أنام في خيمه ..
هنا حمدنا ربنا ألف مرة اننا ما دخلناها امس ..

نبدأ بالصور :

قبل مانفرق للقرية فيه مدينة اسمها ريزا معروفة بالشاي وهذه صور من مزارع الشاي الي لاحقتنا بالصيف من شرق آسيا لتركيا :f5: ..

http://sub3.rofof.com/img4/08bmncl28.jpg (http://www.rofof.com)



http://sub3.rofof.com/img4/08gmcno28.jpg (http://www.rofof.com)


http://sub3.rofof.com/img4/08jpbor28.jpg (http://www.rofof.com)

http://sub3.rofof.com/img4/08wganv28.jpg (http://www.rofof.com)


والأنهار من دخلتنا لمنطقة البحر الأسود وهي تمشي بجنبنا ..

http://sub3.rofof.com/img4/08hslie28.jpg (http://www.rofof.com)



http://sub3.rofof.com/img4/08pkdrm28.jpg (http://www.rofof.com)


http://sub5.rofof.com/img3/08nkurx28.jpg (http://www.rofof.com)

والشلالات ,,

http://sub5.rofof.com/img3/08vfrcz28.jpg (http://www.rofof.com)

وسيارات الخليجيين في كل مكان ,,
http://sub3.rofof.com/img4/08fpyeh28.jpg (http://www.rofof.com)

والخضار بعد في كل مكان ,,


http://sub3.rofof.com/img4/08ckopr28.jpg (http://www.rofof.com)


http://sub5.rofof.com/img3/08atlsm28.jpg (http://www.rofof.com)
^
^
ترا هالنوعية من الصور الي طالع به الشارع حتى لو ماكنت زينة أبحطه لأني أتعب لاجيت أصوره :f5: <<شباك السيارة حق المراتب الثانية ماينفتح الا نصه وأطلع معه والسيارة ماشية على أبو أصور صورة احترافية :f5: <<<زين الي ماطحت ولا جان شيء بسم الله علي ..
يعني باختصار اعرض نفسي للخطر كله علشان هالصور ..


http://sub5.rofof.com/img3/08deojw28.jpg (http://www.rofof.com)
جمان البحر
29-08-10, 01:37 am
الذين يشاهدون محتوى الموضوع الآن : 3 ( الأعضاء 3 والزوار 0)
‏جمان البحر , ‏فديكا بريده

ياهلا وغلا بفديكا والمخفي ..


باقي صور القرية شوي بس وأنزلها ..
جمان البحر
29-08-10, 01:54 am
ونبدأ الحين بقريتنا ,,

القرية تتوسطها بحيرة بجانبها جامع كبير تنقسم مساكن القرية لقسمين مساكن جبلية تطل على القرية كلها وبحيرتها ومساكن تحت بعضها مطل على البحيرة ..
تحتوي القرية على كل الخدمات المطلوبة من بقالات ومغسلة ومخبز وقصاب وانترنت موجود في كل بيت ..

صورة من الجبل المطل على القرية :

http://sub5.rofof.com/img3/08bqjwi28.jpg (http://www.rofof.com)

صورة من جانب الأكواخ المطلة على البحيرة :

http://sub5.rofof.com/img3/08ibqjp28.jpg (http://www.rofof.com)



صور من جانب البحيرة :

http://sub3.rofof.com/img4/08aqpms29.jpg (http://www.rofof.com)


http://sub3.rofof.com/img4/08luiby29.jpg (http://www.rofof.com)





صورة لمنتدى بريده من جلستنا الخارجية :

http://sub3.rofof.com/img4/08nxbra29.jpg (http://www.rofof.com)


يمكن أحد بيقول وش الشراشف الي بجنبك ؟!
هذه الله يسلمكم يوم قعدنا وعينا من الله خير وفلينا قشنا وبدينا نطبخ قهوتنا ..
وأنا قاعدة ماعلي الا جلالي جاء شباب للبيت الي بجنبنا ونزلوا ودخلوا وطلعوا فرشتهم وقعدوا قدام بيتهم ..
طرت لم اهلي <<<الي يسبح والي منسدح :f5:
قلت لهم جيراننا شباب ..<<معناتها اننا بنضطر نلبس نقاباتنا أو مانجلس بالبلكونة من الأساس ..
قالت أمي :بسيطة .. خوذي الشراشف من على السرروانشريهن على الدرابزين وبكذا ماراح يشوفوننا ..
طبعاً للأمانة هم ماناظرونا بس ولو الوحده لو جنبه رجال أعمى تبي تتحقرص ومب قادرة تأخذ راحته ..
وأماجيراننا التحتيين كلهم عوائل حجازيين ..
واحد منهم ماشاء الله كل يوم يصلي الفجر بالمسجد ..<<به سالفة أبقوله عنه بعد شوي ..

هذا صورة الكوخ ..

http://sub3.rofof.com/img4/08qjlvt29.jpg (http://www.rofof.com)

الي تحت هذولي شقتين فيهم الحجازيين ..
والي فوق شقتين الي يسار لأصحاب البيت والي يمين ولها درج هذه حقتنا .. بس البلكونة الي قدام مع الغرفة الي تفتح عليها مب لنا ىخذينها أصحاب البيت .
يعني حنا نجلس بالجلسة الي عند الدرج ..
والسيارة الكشـــــخــــــة :f5: لراعين البيت ..


وهذه صورة عشانا :

http://sub3.rofof.com/img4/08hizcu29.jpg (http://www.rofof.com)

كبسة دجاج تحبها قلوبكم ..
جمان البحر
29-08-10, 02:12 am
الذين يشاهدون محتوى الموضوع الآن : 4 ( الأعضاء 2 والزوار 2)
‏جمان البحر

يا أهلاً وسهلاً ..


الذين يشاهدون محتوى الموضوع الآن : 2 ( الأعضاء 2 والزوار 0)
‏جمان البحر , ‏•»pµяเтЎ«•

أهلاً أهلاً ببيورتي ..
جمان البحر
29-08-10, 03:07 am
نأخذ فاصل ونقول سالفة جارنا الحجازي ..

أول يوم جلس مع أبوي سولف له عن رحلته وعن نفسه وعن القرية وقال اني أصلي بالمسجد الي جنبنا حتى الفجر ما أفوته .. ماشاء الله عليه ..
(القرية فيها 3 مساجد والجامع الي بالصور) .
عاد عقب كم يوم جاء لم ابوي وهو يضحك يقول تخيل اليوم رحت للمسجد الفجر كالعادة أبي أصلي يقول قعدت وقعدت وقعدت أحتري أحد يجي ولا شفت أحد أبد حتى الإمام ماجاء ..
يقول : تلاحقت عمري وصليت لحالي قبل ماتشرق الشمس ورجعت للبيت وأنا مستغرب بقوووه ..

بصراحة غريبين يعني ماأحد قام يصلي ؟!
اذا الإمام غاب وين الجماعة ؟!

لكن بجد لاحظت بمساجدهم المسجد وش كبره ومايصلي فيه الا 10 رجال وأقل حتى مايملون الصف الأول .
وبمجرد مايسلم الإمام كلهم يقبون ..
جمان البحر
31-08-10, 11:50 pm
يا أنا مليت من هالصفحة ودي أفتح صفحة ثانية :f5:
جمان البحر
31-08-10, 11:52 pm
http://obamafreehomaidan.com/adv.gif


http://www.obamafreehomaidan.com/index.html



كلنا بنتوحد ونشترك بهذه الحملة ..

أرجوكم ..
لأجل العدالة ..
لأجل أبناء تيتموا ووالدهم حي دون سبب مقنع ..
جمان البحر
01-09-10, 05:37 am
يالله كلكم تحمدوا لي بالسلامة ..

http://www.formspring.me/JamoOon22

اليوم الدكتورة منخجرتن برجليني لما قلت العيد الليلة ..

والحين منسدحة ومخدومة بس أتأمر جيبول لي ماء تعالوا عضدوا لي أبروح للغرفة الثانية :f5:

بس ما أدري وين عقلي يوم طعت الدكتورة وخليته تلعب برجليني كلهن .تسيف ماقلت له تكفي رجل وحدة بس اني قلت اعرف روحي ان طلعت ماانب راجعة لمه الا عقب سنه .

بس قسم تحسفت كثر شعر راسي خاصة اني متعودة بالعشر الأواخر السحور يصير علي علشان أمي تروح تصلي بالمسجد واليوم حرمته من الصلاة بسبب رجليني ..
جمان البحر
02-09-10, 08:19 am
اليوم حسيت باحساس العجوز الي ماغير تشكى من عياله ,, وجربت احساس المقعدين حركياً .. :)

يوم راحوا أهلي لصلاة التراويح .. هجن خواتي للغرفة الثانية علشان يشوفن أفلام الكرتون ..

وقعدت لحالي بالغرفة وبلشة بعمري وشلون أبتحرك ..
ابي التلفون أبكلم الدكتورة وأسأله عن المعقمات الي صارفتهن لي .. وأبي لاب توبي من غرفتي فوق أبوسع صدري ..
وأبي الريموت حق التلفزيون لأن حضراتهن قامن والصوت مرفوع والموسيقى بدت تصدح عندي بالغرفة ..

أنادي أنادي وحلقي انبح ولا يردن <<<ياحسافة حشيمة أمس أثره بس طفه :(

قسم بآخر شيء خنقتن العبره ..
تخيلت المعاقين حركياً وشلون يخدمون أنفسهم لانزلوا من الويل تشير وماحولهم أحد ..
حسيت نفسي عجوز وماتقوى تحرك وعياله هاجينن عن ازعاجه وتناديهم وكل واحد يقول للثاني انت رد وهي ملطوعة بالغرفة ومنلهدة ..

بس أشوى أول ماجت أمي أدبتهن بديت لاطلبت من وحدة وعيّت هاشته وقالت ذي أختك الكبيرة قومي أحسن لك ..
واكتشفت شيء ثاني أضغط عليهن به ..
يوم فكيت الشاش عن رجليني علشان أعقمهن أومير يصارخن ,, الي بدت تصيح .. والي تتاوع :f5: ..
بديت لا قلت شيء ولا سونه أقول ترا أبرفع رجلي بوجهتس .. خخخخخخخ علشان يسون الي أبيه ..
حتى أمي مع انه تحب مناظر الدم والخرابيط ذي يوم شافتن عيت ترجع تشوفهن تقول رجليك صايرات من تحت زي وجيه مصاصي الدماء .. :f5:
ووحدة من خواتي قايلة قبله رجليك زي الأفلام الي تحبهن أمي ,, قصده أفلام الأكشن ..

بس قسم ياانا رحمت العجز ورحمت المعاقين بجد الله يعينهم ويهون عليهم ولا يحيجهم لأحد غيره ..
جمان البحر
02-09-10, 11:23 pm
اليوم الأول لنا في القرية ..
قررنا اننا نروح فيه لبحيرتين قريبات من القرية .. تقريباً 30 كيلو أو أقل .. بس مش أي 30 كيلو ..
ليش ؟!

الطريق وعـــر جداً ,, ملئ بالصخور ,, لفات × لفات ,, لكن ,, المناظر جداً رائعة .. والصور راح تكون أوضح بالنسبة للطريق وبالنسبة للمناظر..


بعد خروجنا من الشقة حاذينا النهر الي يصب في البحيرة و اخترنا لنا مكان على جانبه علشان نفطر ,,

http://sub3.rofof.com/img4/09avinx2.jpg (http://www.rofof.com)


ياحلو غط الرجلين بالماء البـــارد في عز حرارة الشمس .. وبيالة الشاهي رفيق جميل بهاللحظة :)

http://sub3.rofof.com/img4/09zwcut2.jpg (http://www.rofof.com)



بسم الله بدينا بالمناظر الحلوة .. شوفوا الطريق كيف جداً خطير على الكفرات ..
ترا هالصورة أحبه قوه لأن الشباك ضربن وما ااهتميت وكملت تصوير ..
بس الانتل مبلشن كل ماصورت لازم يرتز بالصورة :f5:

http://sub3.rofof.com/img4/09irmgd2.jpg (http://www.rofof.com)


المناظر الجميلة , والأنهار ,

http://sub3.rofof.com/img4/09eutns2.jpg (http://www.rofof.com)



http://sub3.rofof.com/img4/09qgntd2.jpg (http://www.rofof.com)



http://sub3.rofof.com/img4/09mqtou2.jpg (http://www.rofof.com)


ليت هالبيت البني الي قدام لي ,,


http://sub3.rofof.com/img4/09kidlj2.jpg (http://www.rofof.com)



شوفوا ذولا ياحليلهم كاشتين ,, تخيلوا طرفيتنا كذا :f5: ,,


http://sub3.rofof.com/img4/09oecrj2.jpg (http://www.rofof.com)


يتبع .. بس علشان ما أجمع الصور في صفحة وحدة و تصير ثقيلة ..
جمان البحر
03-09-10, 12:41 am
هذا الشلال أو النهر الجميل ,,
مرة يصير فوقك ..

http://sub3.rofof.com/img4/09btecn2.jpg (http://www.rofof.com)


ومرة يصير تحتك :)

http://sub3.rofof.com/img4/09vkydo2.jpg (http://www.rofof.com)



وشلون ؟


هذا الله يسلمكم حاطين صبه عنده علشان يقدرون يشقون الطريق ومايوقفون النهر والسيارات يمشن فوق الصبه والنهر ماشي ما وقف ..



بالله على هالصورة ما أستحق اني أنافس المصورين العالميين :f5: <<<ياشين الي شايف نفسه ..

http://sub3.rofof.com/img4/09uawgr2.jpg (http://www.rofof.com)



والثلج على القمم بشكل جميل ..

http://sub3.rofof.com/img4/09wrvef2.jpg (http://www.rofof.com)




وصلنا البحيرة الأولى ,, بحيرة صغيرونة اسمها أريقونا ..

توقف سيارتك وتمشي لها حوالي 700 متر على رجليك ..

العائلة الكريمة شادين الهمة ويمشون ..


http://sub3.rofof.com/img4/09jdoue2.jpg (http://www.rofof.com)



البحيرة الصغيرة ,,

http://sub3.rofof.com/img4/09xrgsj2.jpg (http://www.rofof.com)


البحيرة من فوق الجبل ,,

http://sub3.rofof.com/img4/09figxq2.jpg (http://www.rofof.com)


نشبت بمكاني وقلت لاهلي ماراح أتحرك من هنا الا اذا قعدت على العشب الأخضر وبين الورد :f5: ..
سويت الي براسي وقعدت وخواتي قعدوا يلعبون ويجمعون من الزهور الي مالية المكان ويتخيلون أنفسهم بمكان هايدي :f5:


http://www.m5zn.com/uploads/2010/9/2/photo/0902101309492x3oyw5o.jpg (http://games.m5zn.com/cooking_games.html)


يتبع ,,
جمان البحر
03-09-10, 12:50 am
الذين يشاهدون محتوى الموضوع الآن : 4 ( الأعضاء 4 والزوار 0)
‏جمان البحر , ‏مسـ بشويش ـرعه , ‏احلى دنيا , ‏ămōяẻ



ياهلا وغلا بكل الموجودين ..

شرفتوا ..



الذين يشاهدون محتوى الموضوع الآن : 4 ( الأعضاء 3 والزوار 1)
‏جمان البحر , ‏ابو ريما الخالدي , ‏منال الشوق



أهلاً اهلاً ..

نورتوا ..
جمان البحر
03-09-10, 01:39 am
منظر من الأعلى للطريق الذي سلكناه .. ملتوي كأنه ثعبان ..

http://sub3.rofof.com/img4/09olbek2.jpg (http://www.rofof.com)



أهم أسباب ذهابنا الى هذه البحيرات هو وجود الثلج بجانبها .. لكن سبحان الله من شدة الحرارة في هذه السنة ذابت الثلوج القريبة من البحيرة الكبرى فاضطررنا للصعود إلى الثلج على أقدامنا والمغامرة لأن الأطفال أصروا على لمس الثلج بأيديهم ..

العائلة شادة الهمة بالصعود ..


http://sub3.rofof.com/img4/09jsgyq2.jpg (http://www.rofof.com)


صورة للأرض أثناء الصعود ..


http://sub3.rofof.com/img4/09wgmks2.jpg (http://www.rofof.com)



وأثناء صعودنا شفنا منظر بديع للبحيرة الكبرى ,, بحيرة السمك ..




http://sub5.rofof.com/img3/09cubsf2.jpg (http://www.rofof.com)



http://sub3.rofof.com/img4/09akhvq3.jpg (http://www.rofof.com)

يتبع ,,
جمان البحر
03-09-10, 01:40 am
وصلنا الثلج أخيراً ,,


http://sub3.rofof.com/img4/09suvab3.jpg (http://www.rofof.com)


وكتبت اسمي ,,

http://sub3.rofof.com/img4/09dbrwx3.jpg (http://www.rofof.com)


وكتبنا اسم الغالية ,,


تاج القصيم ..


http://sub3.rofof.com/img4/09yambd3.jpg (http://www.rofof.com)



البحيرة من الجنب أثناء النزول وتبيّن الصورة سيارة سعوديين كاشتين بجانب البحيرة ,,


http://sub3.rofof.com/img4/09kabom3.jpg (http://www.rofof.com)



صورة ثانية حلوة ,,

http://sub3.rofof.com/img4/09odcje3.jpg (http://www.rofof.com)



فنجال قهوة مع هالمنظر الحلو ..


http://sub3.rofof.com/img4/09vdiup3.jpg (http://www.rofof.com)


شلال صغيرون بطريق العودة ,,

http://sub3.rofof.com/img4/09mvqld3.jpg (http://www.rofof.com)




هذولي البنات ضحكت عليهم كثير ,, كنت أصور ولاهية بالكاميرا يوم التفت عليهن وأثرهن يمشن وهن منزلات روسهن ويناظرنن بأطراف عيونهن يحسبنن أصورهن ..
خخخخ شكل العالم مبلشينهن يصورنهن كل مامروا ..


http://sub3.rofof.com/img4/09qvyes3.jpg (http://www.rofof.com)




الماء بكل مكان يمشي حتى بوسط الصخر والشجر .. شوفوا الماء من وين يطلع ..


http://sub3.rofof.com/img4/09qzuka3.jpg (http://www.rofof.com)







وانتهينا من رحلة اليوم على خير ..


أعجيتنا المنطقة والمناظر لكن الطريق جداً سيء ..
جمان البحر
03-09-10, 02:10 am
تراي أفرح بتعليقاتكم ..


هنا :

http://www.formspring.me/JamoOon22
جمان البحر
03-09-10, 03:18 am
في طريقنا للبحيرة كنت قارية موضوع بالنت عنها ..
والرجال يقول يوم خلصنا من كشتتنا ووناستنا وحنا راجعين وحدة من الحصى ضربت الكفر وبنشر ..
يقول كان وقتها مطر والطريق صاير غرين ..
نزلت الرافعة (نسيت وش اسمها) ورفعت السيارة وبديت ازينها ..
يقول : انتبهت للوحل وجبت حصى كبار وحطيتهم تحت السيارة ..

وحنا نزين بالكفر ,, فجأة ,,


طاحت الرافعة ..


والحمدلله ربي ستر والحصى الي حطيت مسك السيارة ولا كان نبلش من يطلعها ..



طبعاً أنا يوم نقرر نروح كنت ناسية هي صارت له وين ..
وماتذكرت لين مسكنا الطريق ..

كنا كلنا خايفين وكان أبوي كل مانمشي شوي يقول الله يستر على الكفرات عسى مايجيهن شيء ..

وأنا أخاف أقول لأهلي السالفة ويعصبون علي ليش ماقلت من قبل .. فكنت بالعة لساني وساكتة وأدعي ربي اننا نرجع سالمين ..

وبعد ماانتصفنا بالطريق قابلنا سعودي ,,
وقال لنا : لا تكملون ارجعوا المناظر فوق زي الي تحت .. اللهم بحيرتين فوق ومافيهم شيء زود عن الي موجودة بوسط القرية والطريق زفت زفت وكان معصب ..
بس حنا ماسمعنا كلامه .. لأن البزارين مشتبين يبون الثلج ..
وماكنا متوقعين ان الثلج بيكون انحسر وذاب ومابقى منه الا قطع بسيطة ومرتفعة ويبي لها مغامرات مثل الي سوينا :f5: ..



وعقب مارجعنا ووصلنا الطريق الزين قلت لأهلي السالفة الي أنا قارية ..
وقلت لهم اني جاحدة عنهم لاني خايفة يتنرفزون زيادة من الطريق ويصيرون على أعصابهم أكثر ..
جمان البحر
03-09-10, 03:28 am
الذين يشاهدون محتوى الموضوع الآن : 6 ( الأعضاء 4 والزوار 2)
‏جمان البحر , ‏كلوز , ‏فديكا بريده

اهلاً أهلاً ,, حياكم الله ,,


شرفتوني بحضوركم ..



ياهلا وغلا بكل من حضر .. حياكم الله ..

شرفني حضوركم ..
جمان البحر
05-09-10, 05:16 am
●● ●● ●● ●● ●● ●● (http://www.buraydh.com/forum/showthread.php?t=254639)

ماشاء الله يادنو ..

ألف مبروك افتتاح المدونة القديدة يا بت ..
وعقبال ماتوصلينها الـ100 صفحة بسواليفك الحلوة الي زي الشربات .. :)
جمان البحر
05-09-10, 05:37 am
مدونة أبو ريما من المدونات التي تعجبني وبشدة ..

فقد تميّز بعرضه للمعلومات المفيدة ولكن بطريقة خفيفة على النفس ..

بصراحة (تحسفت) كثيراً لأنني لم أكتشف المدونة وجمال مافي داخلها الا في رمضان ..


هنيئاً لك أبو ريما هذا التميّز .
جمان البحر
05-09-10, 09:04 am
نوقف تنزيل صور شوي ,, ونرجع للسواليف ..

أذكر يوم كنت صغيرة .. يمكن عمري 5 سنين أو أقل http://smilles.5d5l.com/smile_albums/other/64.gif (http://smilles.5d5l.com/)..

رحنا لجدة ,,وهناك دخلنا مطعم وحنا نطلب سألون أهلي وش تبي تشربين ؟!
قلت أبي بيبسي http://smilles.5d5l.com/smile_albums/small/78.gif (http://smilles.5d5l.com/) ..
وماش تقل ماجاز لأهلي ..
ساحرون منا مناك http://smilles.5d5l.com/smile_albums/small/92.gif (http://smilles.5d5l.com/) ,, يا بنيتي مايصلح البيبسي يخليتس تبتلين قصيرة ونحيفة .. ويطيح سنونتس http://smilles.5d5l.com/smile_albums/small/9.gif (http://smilles.5d5l.com/) ..
وأنا مصممة على الي أبيه http://smilles.5d5l.com/smile_albums/small/33.gif (http://smilles.5d5l.com/) << لو أنا من أهلي كان سطرت هالبزر كف وهجدته http://smilles.5d5l.com/smile_albums/small/59.gif (http://smilles.5d5l.com/) :f5:

ماش تقل أيسوا من ..
نادى أبوي الجرسون ..
يوم جاء أثره فلبيني ..
كان قصير لدرجة انه أطول من ذاك الوقت بشوي يعني يمكن طوله متر و20 سم أو أقل ..
جاز لي شكله وقمت ووقفت جنبه أبقيس طولي عند طوله http://smilles.5d5l.com/smile_albums/other/82.gif (http://smilles.5d5l.com/)..
وأنا طايرة عيوني به ..
ياحليله أول مرة بحياتي أشوف رجال صغير :f5:
كنت أناظر شاربه و أناظر طوله وأنا مستغربه .. ياحليله ذاك الفلبيني تسيف اني بلشت به ذاك اليوم قوة ..
هنا أبوي استغل الفرصة http://smilles.5d5l.com/smile_albums/other/62.gif (http://smilles.5d5l.com/) ..
نكّت مع الرجال شوي .. كان بعض كلامه عربي وبعضه انجليزي فماكنت فاهمه كل شيء http://smilles.5d5l.com/smile_albums/other/q7.gif (http://smilles.5d5l.com/) ..
وقال: شفتي هذا الرجال !!
أنا : ايه وش به ؟
أبوي : تراه قصير كذا من كثر ما يشرب بيبسي http://smilles.5d5l.com/smile_albums/other/151.gif (http://smilles.5d5l.com/)..
أنا : http://smilles.5d5l.com/smile_albums/other/3s030.gif (http://smilles.5d5l.com/)
أبوي : حتى اسأليه ..
أنا : http://smilles.5d5l.com/smile_albums/other/q8.gif (http://smilles.5d5l.com/)
واستطرد ,, هاه وش قلتي نجيب لك عصير ؟ http://smilles.5d5l.com/smile_albums/other/23l.gif (http://smilles.5d5l.com/)
قلت : ايه وبنفس طيبه وراضيه تمام الرضا .. لدرجة اني بغيت أقول لهم أبي لبن :f5: <<< هكوا علي http://smilles.5d5l.com/smile_albums/other/mb369.gif (http://smilles.5d5l.com/)
جمان البحر
09-09-10, 01:25 am
نجرب أنشودة العيد ..

ألف ألف مبروك تمام رمضان ..

وعيدكم مبارك مقدماً ..

width=0 height=0
جمان البحر
09-09-10, 01:32 am
الحين أنتم تشتغل عندكم الأنشودة ولالا ؟!

width=0 height=0
جمان البحر
09-09-10, 03:38 am
قبل شوي قريت موضوع في قسم بريدة الخاص عن وصف الطرق وتذكرت موقف حصل لنا في الإمارات في شهر ذوالحجة الماضي ..

كانت هذه رحلتنا الخامسة لديار زايد وفي كل رحلة لازم نحوس شوي في دخلتنا و طلعتنا من أبو ظبي بسبب تغير الطرق والتحويلات والإصلاحات ..

في الرحلة التي سبقتها سجلت أسماء القرى التي يتوجب علينا اتباع لوحاتها لنستطيع الخروج من أبو ظبي باتجاه دبي بدون الدخول داخلها ..
ونجحت المسألة في طريق القدوم لكن في طريق العودة رأيت اللوحة التي يجب علينا اتباعها ولكن لم أتأكد من قرائتي لاسم القرية فقد خيّل لي بأنني أتوهم الاسم بسبب تشكيك البقيّة..

فاضطررنا للدخول إلى داخل أبو ظبي ..
وقبل التعمق فيها وعند أحد الإشارات توقف بجانبنا جيب في اكس آر فتح والدي نافذته وأشار لصاحب السيارة وكانت الأغاني تصدح من داخل السيارة ..
كان من في داخل السيارة شاب صغير السن لا يتجاوز الـ25 سنة هذا إن لم يكن أقل ..
لا أخفيكم أنني في داخلي قلت لنفسي : لا والله مارجينا خير شاب وأغاني وشلون بيقدر يوصف لنا !!
فتحت الإشارة فأشار لوالدي بالتقدم و الوقوف على جانب الطريق ..
توقفنا ونزل والدي ونزل الشاب ..
أترك الحديث هنا لوالدي كما سمعناه ..
يقول : سلمت عليه وسألته عن الحدود السعودية ..
بدأ بالوصف وقال أنت أخطيت المفروض تعوِّد مع طريقك الي جيت معه ..
يوم طول بالوصف ..
قال : تدري أخاف تضيع بالطريق لأنه كله تحويلات وحوسة واللوحات مب واضحة ..
خلّك وراي ..

ركب والدي السيارة وقال خلونا نمشي وراه .. جزاه الله ألف خير تكفل بدلنا على الطريق ..

مشينا وراه ومشينا ومشينا يمكن درنا على أبوظبي كله بكبره مشينا حوالي 50 كيلو ..
تضايقنا من طول مشينا خلفه وكلنا بصوت واحد قلنا لأبوي خلاص وقفه يكفي أبعدناه عن الديره ...
وقفناه على جنب وقال له أبوي خلاص جزاك الله خير بس وصف لي الطريق وأنت تيسر بحالك ..
رفض الشاب رفض قاطع وقال : أبداً ماراح أخليكم لين أوصلكم بعيد عن التحويلات وحوسة الطرق ..
انحرجنا منه بشكل كبير ..
يوم مسكنا طريقنا الي جينا معه وعرفنا معالمه وتأكدنا انه هذا هو وقف ..
وسلم على أبوي وقال له : أنا اسمي عبدالله التميمي .. أصولنا من السعودية لكن أجدادنا أتوا إلى الإمارات من قديم ..

تركنا ومشى وعيوننا كلنا على سيارته وحنا ندعي له إنه يحفظه لشبابه ولأهله ويوصله لهم بالسلامة وبالذات أمي الي ما أسكتت من الدعاء له .. خاصة مع سرعته الكبيرة كباقي شبابنا الله يصلحهم ..

بصراحة بهذه اللحظة حسيت إن من أكبر الأخطاء أننا نحكم على الشخص من مظهره الخارجي فقط .
وتعلمت درس مهم في أن النخوة والفزعة ليست بحاجة لشخص محافظ ولا متديّن وليست بحاجة لعمر كبير بقدر ماهي بحاجة لشخص مستعد لخدمة من يحتاج المساعدة بروح طيبه وبال طويل ..

والا فيه أحد يسويها ويمشي كل هالمسافة علشان ناس مايعرفهم !!


ربي احفظ عبدك عبدالله لشبابه ..واهده وأصلحه ..ويسّر له أموره أينما سار وأينما حل ,, كما يسّر لنا أمرنا ..
جمان البحر
09-09-10, 04:12 am
على فكرة الصور أنا حاطتها كبيرة لأن الحجم الصغير يظلم جمال الصورة ..
والحجم الكبير يحسسك بأنك عايش داخل الصورة .. <<<احساسي ..

فعلشان كذا الي يبي يستمتع ويشوف الصورة كاملة يضغط على f11 علشان شريط ابدأ ومجموعة الأشرطة الي فوق يروحون ,, واذا انتهى يرجع يضغطها ..
جمان البحر
09-09-10, 04:23 am
من مدونة ‏أُنثى خُرآفيًـًہ (http://www.buraydh.com/forum/member.php?u=42926)


هزة بداية النوم !!!

*
كم منا قد جرب الشعور بالسقوط من مكان مرتفعـ
عند بدء الدخول في النوم واستيقظ بعد ذلك على وقعـ اهتزاز جسمه ليجد نفسه
يرقد في فراشه وكل ما حوله ساكنـ
فتعوذ بالله من الشيطان الرجيم ثم انقلبـ على جنبه
الآخر ليكمل نومه.
لابد أن الجميع قد مر بهذه التجربة وتساءل حينها
ماذا حدث لي خلال النوم وهل كنت أحلم أم أن هناكـ أمراً غير طبيعي حدث في جسمي
وسببـ لي ذلك الإحساسـ.

هذه ظاهرة معروفة لدى المختصين في طبـ النوم وتعرفـ باهتزازاتـ
بداية النوم (Hypnic jerks) وهي عبارة عن انتفاضة لا إرادية تحدثـ
عند الانتقال من اليقظة إلى النوم ويشعر خلالها
الشخص بأنه سقط ويصاحبها حركة
مفاجئة في الجسم قد يشعر بها الشخص الذي يشاركـ المصاب في السرير.
وهذه الحركة لا تحدث في مرحلة الأحلام ولكن تحدثـ عند الانتقال
من الاستيقاظ إلى المرحلة الأولى من النوم وهي المرحلة الانتقالية التي يمر
بها النائم قبل التقدم إلى مراحل النوم المتقدمة
وهي مرحلة بين النوم واليقظة. وتسببـ الاهتزازات التي تصاحبـ
الشعور بالسقوط الاستيقاظ من النوم مصحوبا بشعور
منـ الفزع اللحظي يدركـ بعد الشخص انه ربما كان يحلم.
وعادة لا يجد الشخص صعوبة في العودة مرة أخرى للنوم.
ولا يعرفـ السبب الحقيقي لهذا الظاهرة ولكنـ هناك عدة نظريات منها أن
هذه الظاهرة ناتجة عن الارتخاء الطبيعي لعضلات الجسم أثناء
الدخول في النوم مما قد يفسره المخ عند بدء النومـ
على انه نوع من السقوط.
وتزداد الظاهرة عند الأشخاص المنهكين أو الذين حرموا من النومـ
لساعاتـ طويلة أي الأشخاص المنهكينـ الذين يحاولونـ مقاومة النوم.
أي أنها قد تحدث بصورة أكبر لمن بقي صاحيا لمدة 24ساعة أو اكثر.
كما انها تزداد عند النوم في أوضاع غير مناسبة مثل النوم جالسا.
وتحدثـ هذه الظاهرة مرة او مرتين في الليلة ولكنها عند الأغلبية
تحدثـ على فتراتـ متباعدة ويبدو أن هذه الظاهرة تصيبـ
جميع الفئاتـ العمرية بلا استثناء.
وتعتبر ظاهرة حميدة ولا تحتاج لأي علاجـ
ينصح الذين يعانون من تكرر المشكلة بالبعد عن الإجهاد
والسهــر .


بصراحة كثير تجيني هالحالة وأستغربها ومسببه لي قلق ..
ليش تجيني ؟!
وليش تجي أول ما أنام .. بسم الله توي غافية بعد جهد جهيد من التقلب وفجأة أفز من نومي وأنا كأني طايحة من فوق جبل وطيحة قوية ..

أحس نفسي كأني طايحة من فوق جبل وودي أتمسك لو بالهواء وفجأة أطيح على الأرض (سريري :f5: ) في بعض الأحيان أفز بمجرد احساسي بوصول ظهري للأرض وأتفاجأ بصبخ رجليني على السرير بطريقة سريعة ..
وأقوم من النوم وأنا أتلمس السرير وأتلفت أشوف هو أنا صدز بسريري ولا بجنب الجبل الي طحت منه .
وأحس كل جسمي يرتعش من الخوف ..
الي يقهرن اني ما أتحرك من مكاني بالسرير ولا ألف لا يمين ولا يسار ومع ذلك أحس إن الصبخة قوية وتوجع ظهري ورجليني من قوته ..

الحمدلله الي عرفت سببه علشان لاجت مرة ثانية ولا عارفة له ..
جمان البحر
10-09-10, 09:35 am
كل عام وأنتم بخير جميعاً ..

ياحليلهن المدونات فاضيات ..


ما به احد غيري انا وكم عضو على عكس العادة ..

العالم يا بالاستراحات متقابلين وعيونهم حمر وكل واحد وده يسطر الثاني ..
ولا يشخرون بأسرتهم ..

أما أنا توي معقمة رجليني ولا أقدر اصعد لسريري الا لا نشفن ولا راسي يوجعن من الارهاق ولجة امس وهبال البنات وخالاتي قبلهن ..
الا على طاري الصعود فوق .. والله ياانا تقل عجوز اقعد دقيقتين علشان اصعد الدرجة الي انطه بالعادة بـ10 ثواني ..

،،،،

لا واليوم يوم رحنا بنصلي أهلي قالوا ماراح نروح لابو نيان علشانك كله مشي و عطورات وبخور <<مانحب نقعد فيه برا لأن الدور الفوقي فاضي وبراد .

عاد رحنا لمصلى عيد ماادري وش اسمه بس انه بحي الصبيحية ..
لقينا موقف بعيد عن الباب يجي 500 متر .. قالت امي : وقف هنا ..
قال ابوي : كان تقعد جمون ساعة علشان تاصل ..
وعمتي معنا غشي عليه من الضحك تحسب ابوي يقول اني باردة بالمشي ..<< مادرت بالي برجليني ..
ووقفنا ابوي قدام الباب على طول ونزلون ومسكوا يدي وقعدون على السجادة .. <<تحلفون انه امهم العجوز بس بشكل متطور :f5: .
جمان البحر
10-09-10, 09:45 am
وضااعن انــعاالي ودي اقووم افرم هالحريم يمشن ويخقلن لقييت سبورتي بالشارع





شرهتس على الي فصخت جزماته ,, أعز الله القراء ..

صليت وهن علي ..
يوم جيت أفصخهن حسيت اني أبشلع معهن قلبي من الوجع اومير أهون واخليهن ..
جمان البحر
11-09-10, 07:32 am
في عام 2008 ذهبت مع ابي للتخصصي لأجل موعد لدي بعيادة الأنف والأذن والحنجرة ..


المهم ,, جلسنا ننتظر دورنا وحينما حان بعد انتظار طويل , دخلنا العيادة ,,
كان فيها طبيبين إما أنهم من الجنسية الباكستانية أو الأفغانية ..
المهم ,, حين جلسنا ,, بطبيعتي أتفحص الشخص المقابل لي ومن شكله أحدد موقف مبدأي تجاهه ..
أحدهم كان شكله مرتب نوعاً ما ,, لحية طويلة وكثيفة ,, سوداء ,, يتخللها بعض الخصل البيضاء والرصاصية ,, شعر مصفف بطريقة أنيقة للخلف ..

أما الآخر ,, فكان ذو لحية برتقالية يتخللها بعض الخصلات البنية المحمرة .
هندامه غير مرتب ,, معطف لونه أبعد مايكون عن البياض ..
يرتدي قبعة (طاقية) هي الأخرى لم تعرف للبياض طريقاً ,, صفراء وأطرافها بنية أو اممم لا أذكر بالضبط كيف كان لون أطرافها المهم أنها كانت تنم عن انعدام النظافة فيها ..
اشمأزيت من منظره ولم أرتح له .وذكرني بأشكال الخبازين الأفغان بقبعاتهم الصغيرة وألوانها التي تشتكي من انعدام النظافة.
تقدم إلي صاحب الهندام المرتب ونظر في حلقي وقال : اللوز كبيرة يلزمها عملية ..
وسألني كم سؤال وأجبت عليه ..
وأنا أوجس خيفة من ذلك القابع في الخلف ..

ما أعلمه عن الأطباء أن الفحص الأول هو من اختصاص الأخصائي و اما الاستشاري ففيما بعد وغالباً يكون عمله عمل العمليات فقط ..

سحبت والدي وهمست في أذنه .. : لو تحلّم أسوي العملية عند هالخباز بايعة عمري أنا ؟! حتى خباز حويلان طاقيته أنظف من طاقية هذا الطبيب ..وأشك انه خباز لابس يونيفورم طبيب -كما نسمع في العادة من أحاديث الناس- ..

ابتسم والدي لحديثي وألقى نظرة على الطبيب المعني وسأل الطبيب المقابل لي من يعمل العملية أنت ؟
أجاب بالنفي ..
وذكر لنا اسم طبيب من جنسية أفريقية ..
وأخبرنا بأن العملية ستكون بعد 4 شهور على أقل تقدير .. ومعنى ذلك أنني سأعملها في الشتاء وهذا لا يصلح في هذه النوعية من العمليات ..

رفضت وقت العملية وقلت لوالدي : أريدها في الإجازة الصيفية ..
قال والدي : طيب أشوف لي واحد أعرفه أغديه يساعدنا ويدبر لنا موعد بالصيفية ..
استأذنا منهم وخرجنا ..
ذهب والدي الى موظف في المستشفى وحادثه قليلاً ..
ثم أتى إلي ..
وقال : الرجال يقول لازم نشوف عن الطبيب وش يقول ..
جاء إلينا الموظف وبجانبه رجل يكاد طوله يصل الى المتران هذا ان لم يكن أطول .. صاحب بشرة سمراء داكنة وعيون بيضاء لامعة , ورأس أصلع خالي من الشعر لمعة الإضاءة واضحة فيه .
تسمرت خلف والدي وبهمس سريع قلت له : اذا هذا الدكتور تراي ما أبيه .. خير أنا بايعة عمري .. لو أموت ماحطيت نفسي بين يدين هالقصاب ,, شايفن ذبيحة تقدمن له ..
ابتسم والدي وهذه المرة احمر وجهه من كتم الضحكة ..

سأل الموظف : ما عندكم دكتور غيره ؟! كأن بنتي هونت تبي دكتور ثاني ..
قال الموظف : فيه عندنا دكتور مصري ماله الا شهرين ..
وأرسلنا للعيادة التابعة له ..
دخلنا العيادة وكان فيها دكتور مصري مهندم ..
تحدثنا معه قليلاً وسألته ما إذا كان هو من سيعمل العملية لي أم لا .. فأخبرني بأنه أخصائي والاستشاري الآن عنده (بريك) ..
استلم أوراقي وأخبرنا بإمكانية وجود موعد في العطلة ولكن يجب علينا الحضور بعد ساعتين لنقابل الاستشاري ..

بعد ساعتين ذهب والدي لوحده وقابل الاستشاري وأخذ الموعد ..
وعلى الغداء قال لي : الدكتور عيّا يستقبل ملفك عنده يقول بنتك تتشرط ما أبيه .
انفعلت ففاجئني بضحكة وقال : لاتخافين خلاص عطانا موعد .وزي ماتبين بعد .

دكتوري العزيز لم أشاهده الا بعد العملية بالرغم من أنني أشك بأنه لم يبقى دكتور في المستشفى الا وجاء للاطمئنان على إمكانية عمل العملية لي قبل العملية بيوم .
فمن دكتور التخدير الى دكتور الأمراض الصدرية إلى دكتور القلب .. ومابقي الا دكتور العظام لكي يطمأن على إمكانية فتح فكي دون كسره :f5:


بعد العملية بيوم أتى مجموعة من الأطباء عددهم 6 أو7 تقريباً ..
فلم أعرف من هو بالضبط طبيبي .
أحدهم كان شكله بخاري لذلك شككت بأنه طالب امتياز أو طبيب مقيم .
والآخر هندي .
والبقية مصريين ..
أحدهم أصلع طويل القامه .
والآخر مهندم لا بأس بشكله .
أما الأخير فكان صعيدي ,, عرفته من طريقة تصفيف شعره التي اعتدنا عليها في المسلسلات المصرية حينما يعرضون لنا الإنسان الصعيدي المكافح المتوفق والذي يدرس الطب في القاهرة .

وآخر لم يكن وجهه غريباً علي , لكن لم أستطع معرفته ..
وتفاجأت بأمي تسلم عليه وتعرفه بنفسها ..
عرفت من اسمه أنه طبيب مستوصف حي أخوالي ..
والأخ لم يقصر سأل عن كل أفراد العائلة وبأسمائهم مفصلة .
سألته والدتي عن الاستشاري الذي عمل لي العملية ..
وجزاه الله خير فك الشفرة التي تحيرني وأشار إلى أخينا في الله الصعيدي ..

بمجرد التفاتهم عني الى الباب سحبت أمي وهمست لها : يحمد ربه هالدكتور الي ماشفته قبل العملية ولا كان حالفة ما أسويه عنده لأن شكله صعيدي من الفلاليح أخاف همه حفظ الكتاب ومايعرف يمسك المشرط ..

لكن الحمدلله .. ربي يسّر الأمور ..
جمان البحر
11-09-10, 08:12 am
أمس بعد مارجعنا من العيد خلع أخوي قميص بدلته وأعطاه لأختي الي أصغر مني ..
هنا استوقفتني وسألتني لو جابوا لك قميصين متشابهين تماماً وقالوا لك واحد بناتي والثاني ولادي ..طلعي كل واحد منهم ..
كيف بتعرفين ؟!

استغربت من السؤال .. وقلت لها : ما أدري ..مستحيل أعرف ..
قالت : الا تقدرين عن طريق الأزارير ..
بصراحة طارت عيوني .. وشلون عن طريق الأزارير أقدر أفرق !!
قالت : قميص الولد بتكون أزاريره يمين و القفلات يسار أما البنت العكس الأزارير يسار والقفلات يمين .
وورتني قميص أخوي وقالت تذكري قمصانك حقات الكلية ..
وترا هذا ينطبق على الملابس المصممة عالمياً مب حقات محمد الخياط .


بجد صار كلامه صحيح ..

سألته وشلون عرفتي ؟!
قالت : كونان شاف مرة هيئته وطريقة كلامه رجل بس هو شك بأنه مرة ومن خلال أزارير قميصه عرف إنه مرة ..

وللي مايعرفون الفلم الكرتوني كونان .. نعطيه نبذه بسيطة عنه .. <<<بنأخذ مكان أبوريما شوي :f5:


http://www.plasma-sy.com/system/files/conan3.jpg

الفلم يتحدث عن شاب يدرس بالمرحلة الثانوية يدعى سينشي كودو وهبه الله الذكاء .. لذلك عمل كمتحري .
وفي أحد الأيام خرج مع خطيبته إلى مدينة الملاهي وهناك قابل عصابة اسمها المنظمة السوداء .
وسمع شيء من حديثهم فلحق بهم وحينما كان يستمع لحديثهم مع تاجر يبتزونه ..
غافله أحد أفراد العصابة من الخلف وضربه بحديده ثم أعطاه دواء مميت ..

ولكن الدواء لم يعمل بشكل صحيح فاستيقظ سينشي لكن وجد نفسه قد تقلص وأصبح حجمه حجم طفل في الصف الأول ابتدائي وصوته تغير وشكله كذلك .

وبعد ذلك ذهب للعيش في بيت خطيبته التي يعمل والدها هو الآخر كمتحري خاص وذلك ليستطيع اكتشاف أفراد المنظمة السوداء .ولكن دون أن تعلم بأنه هو نفسه سينشي وادعى أنه سافر إلى مكان بعيد.
ولذلك اختار لنفسه اسم كونان ايدوجاوا ..
وفي كل حلقة نشاهد قضية قتل يحاول هو وعمه والد خطيبته حلها .. تجعلنا نحرك أذهاننا معه ونحاول التخمين ومعرفة من يكون القاتل .

هذا الكرتون كنت أشوفه من يوم أنا بثاني ابتدائي وكنا نطلب أشرطته طلبية من الرياض .
إلى أن دخل إلينا الانترنت وصرنا نحمل ونشوف .ومازالت السلسلة تبث منذ أكثر من 11 او 12 سنه . بحلقات أسبوعية ..
وأختي من مدمني الأنمي وبالذات كونان .. هي تحمل وتشوف همن تعطين أنا أشوف عقبه ..
لكن اهتمامي بمشاهدته مستحيل يصل لدرجة اهتمامها هي .


هنا معلومات أكثر :

المحقق كونان (http://ar.wikipedia.org/wiki/%D8%A7%D9%84%D9%85%D8%AD%D9%82%D9%82_%D9%83%D9%88% D9%86%D8%A7%D9%86)
جمان البحر
11-09-10, 08:27 am
الذين يشاهدون محتوى الموضوع الآن : 5 ( الأعضاء 2 والزوار 3)
‏جمان البحر , ‏عجوز سمنسي

أهلاً بالعجوز وبقية الحضور ..



الذين يشاهدون محتوى الموضوع الآن : 6 ( الأعضاء 2 والزوار 4)
‏جمان البحر , ‏ابوراشد..


ياهلا بابو راشد وبالبقية ..
جمان البحر
13-09-10, 10:11 pm
شفت مقطع عن أبو عدي (صدام حسين) في مدونة الأخ عموري ..

http://www.buraydh.com/forum/showthread.php?p=4037340#poststop

بصراحة مها قالوا عن صدام ومهما سبوه بيظل له في قلبي مكانه خاصة .

يكفيني منه إنه كان مسكت الشيعة بوقته ..


بالرغم من كل القتل الي اتهم فيه وبالرغم من الصور الي شفتها وأنا عمري 9 سنين عن مجازرة والي ماقدرت بسببها اني أنام الا اني أحبه ..

ليش ؟!! ما أدري ..

فقط هو غزو الكويت الي أبي أعرف ليش سواه .. هو الي أتضايق منه ..

وصدق الشاعر الي بالمقطع ..

يا أبوي عدي يالمفخرة ..

أنا أشهد إنه مفخرة .. وغصب عن كل من قال غير هالكلام ..

يا أبو عدي مايهمك صامد مثل الجبال
لو أعدموك رصاص كان اعتذر بالحال
ولو علقوا لك مشنقه لاستصرخت الحبال
ولا يهمك ياأبو عدي ,, ولا يهمك ياصدام العرب
المشنقة عندك فخر ,, أرجوحة للأبطال

صدق من قالها .. والله يرحمك ياصدام ..


أما الخسيس الي طعنك هرج بطال
تافه ولا يسوى مسمار جوى نعال
ولا حتى بين الزُمل يسوى كعب رجال
خاين وأكلب من خاين ,, خاين وأحقر من خاين ,, مراوغ ودجال ..

اي والله ما يسوى مواطي النعال ..



لو كنت رجال كنت سميت ولدي عدي وصرت سمي صدام .. أبو عدي ..
جمان البحر
13-09-10, 10:25 pm
الذين يشاهدون محتوى الموضوع الآن : 2 ( الأعضاء 2 والزوار 0)
‏جمان البحر , ‏ămōяẻ


أهلا بعموري ..
نورت المدونة بحضورك ..
جمان البحر
18-09-10, 01:56 am
http://smilles.5d5l.com/smile_albums/danc/12d.gif (http://smilles.5d5l.com/) http://smilles.5d5l.com/smile_albums/danc/12d.gif (http://smilles.5d5l.com/) http://smilles.5d5l.com/smile_albums/danc/12d.gif (http://smilles.5d5l.com/)

ألف مبروك فوز التعاون
http://smilles.5d5l.com/smile_albums/danc/d4.gif (http://smilles.5d5l.com/) http://smilles.5d5l.com/smile_albums/danc/7d.gif (http://smilles.5d5l.com/) http://smilles.5d5l.com/smile_albums/danc/2d.gif (http://smilles.5d5l.com/) http://smilles.5d5l.com/smile_albums/danc/74.gif (http://smilles.5d5l.com/) http://smilles.5d5l.com/smile_albums/danc/13d.gif (http://smilles.5d5l.com/) http://smilles.5d5l.com/smile_albums/danc/13d.gif (http://smilles.5d5l.com/)
^
^
هذولا العائلة الكريمة .. خخخخخخخخ


أبوي حاطين له شاهي وفصفص كالعادة بس من الحماس ما ذاق شيء .. خخخخخ

الشاهي مثل ماهو ماصب منه ولا كأس ..

ألف مبروك لجميع المشجعين ,,
جمان البحر
18-09-10, 02:01 am
حياكم هنا ,,

http://www.formspring.me/JamoOon22

أسعد بتواصلكم ,,
جمان البحر
19-09-10, 09:46 pm
http://sub3.rofof.com/img4/09cotjp19.jpg (http://www.rofof.com)


10/10

يوم ولادة أحلى فرحتين بقلبي http://smilles.5d5l.com/smile_albums/other/2.gif (http://smilles.5d5l.com/) ..

*الصورة من تصويري ..
جمان البحر
20-09-10, 02:02 am
http://sub3.rofof.com/img4/09hyeas20.jpg (http://www.rofof.com)

عقبال ما نفرح بعرسك ياغالي ..
هذه فرحتي الأولى ,,

أما فرحتي الثانية أحتفظ فيها لنفسي :)
جمان البحر
01-10-10, 05:54 am
عندي جدة ياناس ,, عشقي لها جنون ..
بيوم بقولكم ليش ..

جدتي هذه من الناس الي يعشقون الشعر ويحفظونه ,,طبعاً شعر الأولين مب شعر الحين ..مع انها ما تقول شعر ..
ودائماً لاجلسنا عندها وجتنا لحظة صمت جابت لنا قصة قديمة وختمتها بكم بيت قالها راعي القصة ..

بس للأسف أنا مب من أهل الشعر وأعجز أحفظ الشعر الي تقوله بالرغم من انه يعجبني وأفهمه بس أعجز أحفظه .

وأحياناً تقول حكم قالوها القديمين ..
بصراحة ودي كل ما أروح لجدتي أطلب منها تقص لي كم قصة وادونهم عندي لأن هالتراث الي هي حافظته برأيي مهم فيه حكم وفوائد كثيره وبإذن الله شكلي بالأيام الجاية ببدأ أشيل جهازي معي وأسجل شيء من الي تقوله وأحفظه عندي مادامت ذاكرتي عاجزة عن حفظه ..

لكن أمس كنا عندها ,,
وقالت حكمه حلوه بعد ما نظفنا لها غرفتها وقلنا لها ان الغرف سبحان الله تحسين انها تصير (شرحه) بعد تنظيفها ..

قالت :
بالزمن الماضي كان فيه عجوز زوجت بنتها ونصحتها نصيحة ,,
يا بنيتي نظفي غرفتك تكبر ,,
ونظفي رجلك تصغر ,,

يازين الأولين ,, بكلمتين يشرحون كل الي بيقولونه .