خلاص.. يععععع.. وشو ذاااا.. ملينا .. ما صارت [الأرشيف]

مشاهدة النسخة كاملة : خلاص.. يععععع.. وشو ذاااا.. ملينا .. ما صارت

بنت منيره

21-06-10, 02:02 pm

ما كتبت هذا الموضوع إلا من بعد ما حامت كبدي من اللي أشوفه قدامي ... ليه المجتمع الحين صاير سطحي بكل ما تعنيه الكلمه ؟؟ أنا أعمم هالكلام على الحريم والرجال بعد بس بعلمكم أو أقصد بذكركم (لأني متأكده انه الكل ملاحظ هالشيء) باللي يصير بمجتمع الحريم بما إني عايشة بمجتمع ستاتي ... لا يقعد ينط على واحد ويقول يا مصلكم يالحريم .. تراكم انتم لاحقينا بعد

ليه الناس صاروا يتكلفون بكل شي .. عزايم .. زيارات .. زواجات .. كل شي بمعنى كل شي؟؟ لو الوحده بيجيها أي أحد يزورها أول شي تفكر فيه وش بنحط ووش بنجيب ... لازم الحلى من المكان الفلاني ... والفطاير من المحل العلاني ... والسكر شكله كذا .. والصينية مدري وشي قايله كل ماهب و دب محطوط فيها ما بقي الا ينثرون على الأكل قليتر من الزبرقه الزايده .. ذاك اليوم أقول لأختي بجيب فطاير من المحل ( ....... ) اللي جمبنا قالت لا وع قروي ... من متى صار الأكل فيه قروي و مب قروي .. سلاماااااااات !! يازين أيام أمي كانت الدنيا بساطة كلن يزور الثاني والعشاء نواشف وان تحمسوا جابوا فول وتميس ... السالفة مب سالفة فقير وغني السالفة سالفة بساطة وتكلف ... وكلش كوم وإذا قال لك أحد والله الناس تقاطعوا هالأيام !!! كل هذا وما تبون يتقاطعون !؟

ليه إذا ولدت الوحده صاروا الناس يتنافسون من يجيب الأغلى مب الأحلى ... تلقون إذا الوحده يجيها مدري كم طعش سله من باتشي واللي مثله وسعر السله الوحده ما يقل عن 500 طيب سله سلتين بتفتحهم والباقي حراام وش تسوي فيه ؟؟ .. ليه ما نسوي بيبي شور زي الأجانب وكل وحده تكتب قائمة بالحاجات اللي تحتاجها وتسوي زي الحفله البسيطه يجون فيها الناس منها انها ماراح يجيها هدايا إلا الحاجات اللي تحتاجها ومنها انه تجمع الناس مره وحده وما تقعد استقبل وودع طول فترة النفاس .. أكيد الناس بيستصعبونها بالبداية بس بعدين عادي بيتعودون عليها زي الحاجات الكثيرة اللي استنكرناها بالبداية بعدين صارت عادي

ليه البنات صايرين ماصلين وسوالفهم مره ماصله ؟؟ أكبر همهم فلانه وش لبست .. والمحل الفلاني وش نزل .. يااي مره حلو التان عليك ... كلنا بنات ونحب هالسواليف بس مب عاد تصير اكبر همنا !! من متى الوحده حتى لو لابسه شي يحوم الكبد بس عليه اللوقو حق الماركه يصير كشخه كننا مشفح

ولو وحده لابسه مرتب وألوانه حلوه بس مب ماركه تطلع قرقر .. ما أتذكر قبل 10 سنين كنا نفكر كذا أبدا .. وأكبر دليل على هالشي ان السعودية إذا جت تشتري شي ماركه معينه أهم شي عندها ان اسم الماركه مبين و وش كبره يعني مو شاريته علشانه حلو بس علشانه الماركه الفلانيه ... حتى الصغار صاروا لازم يلبسون ماركات لو سمحتوا والمشكله الأعظم انه تلقين البزر توه ما فقش من البيضه ويقول ترى البولو حقي من رالف لورين!؟

ليه البنات بايعين صورهم بتراب .. مسنجر .. فيس بوك ... تاقد .. وغيره وغيره .. يعني خلاص إذا حطيتي صورتك صرتي مودرن وكول ؟ وإلا كلش كوم وإذا جت وصورت يدها ولا رجلها ولو سمحتوا لازم تكون ماسكه بيدها شنطه ماركه .. هو الأساس بالصوره إنك تورينا يدك ولا الشنطه؟ ما أدري نضحك على تطليع اليد ولا الشنطه !؟

ليه البنات بالمنتديات سبحان الله أكثرهم مصيفين بباريس وعندهم كلب ( لو سمحتوا ترى البسه موضه قديمه) وسياراتهم مرسيدس وينادون أبوهم وأمهم بابي ومامي ؟؟ ترى مره صدقناكم !!

ليه الحريم صاروا يحطون ميك أب بالعزاء وشو ذا استغفر الله ... حطي بشفايفك مرطب ورتبي نفسك شوي ما أقول لا بس تجين بروج فوشي ولا مناكير أحمر ... استحوووو خييييييييير

ليه الوحده تقعد الليل كله لميييييين تطلع الشمس عالنت وتستخسر انها تصلي 10 دقايق قبل الفجر تدعي ربها فيها ؟؟

ليه الوحده صارت كل ما كبرت تكشيرتها وناظرت الناس بطرف خشمها صارت رزه و واو .. والوحده اللي تسلم على اللي ما تعرف ولا عالأقل تبتسم قدامه مخفه ولا معجبه باللي قدامها ... الرسول نفسه اللهم صلي وسلم عليه قال وتبسمك في وجه أخيك صدقه .... بس فيه أحد يسمع ؟؟

ليه الوحده إذا انعزمت على زواج صديقة صديقة صديقتها تدفع 500 1000 أو أكثر بعد على تسريحه بتقعد ثلاث ساعات هذا إن طولت بالزواج وتستخسر تدفع 100 ولا 200 على صدقة ؟؟ الناس قاعدين يموتون جوع وحنا قاعدين نضيع فلوسنا على حاجات سخيفة

ليه بالزواجات كل وحده تناظر الثانية من بعيد وتقول ماني قايمه أسلم ليه ما هي تجي تسلم علي ؟؟

من ايملي جازلي قلت اسدحوه لكم

المشكله لو تسألون أي أحد عن للي صاير بيقول انه مو عاجبه الوضع بس كلن يجاري الثاني ويقول مابي الناس يصيرون احسن مني انا وش ناقصني بعد. لازم أحد يبدا ويسوي شي لأن الوضع صاير من سيء لأسوأ

متى بنغير اللي قاعد يصير إذا كان الكل ساكت ؟؟

رواسي

21-06-10, 02:18 pm

من ايملي جازلي قلت اسدحوه لكم

ليتك مآسدحتيهـ
يجيب الهم من طولهـ عآد كيف لو قريتهـ

عـبدالله بـريدة

21-06-10, 02:18 pm

المشااركه رقم ( 1 )

هو صتز لقينا موضوع ههههههههه يابسين متنا نحتري مواضيع http://smilles.5d5l.com/smile_albums/small/52.gif

الموضوع ذا فستناتكنسك http://forum.wow-uae.net/images/smilies/ec.gif <<< يبي يقول فانتستك http://www.buraydh.com/forum/images/icons/icon10.gif

الله يرج ابليسستس يابنت امنيره بس خل ابروح اتغداء واجي امبطح أقبال الجهاز

.يازين أيام أمي كانت الدنيا بساطة كلن يزور الثاني والعشاء نواشف وان تحمسوا جابوا فول وتميس

ههههههههههههههههههههههههههههههههههههههههه
انتي صاتز يابنت منيره يانا اموت بالطيحينه واكلها منول بدون خبز همن تلزق باللهـــات فوق http://www.bnatalqsim.com/vb/images/smilies/blink.gif http://www.bnatalqsim.com/vb/images/smilies/9.png<<< عجزت اوخر ودي احتسي http://www.buraydh.com/forum/images/icons/icon10.gif

لي باااااااااكات

بنت منيره

21-06-10, 02:23 pm

ليتك مآسدحتيهـ
يجيب الهم من طولهـ عآد كيف لو قريتهـ

مطعت يمين ان تقرينة

اذا ماقريته انتي وقالتي رايك مين يقرااه

عـبدالله بـريدة

21-06-10, 02:25 pm

أشو مانحذف الموضع http://smilles.5d5l.com/smile_albums/other/124.gif <<<<< وين الي يبي يروح ايتغدى http://www.buraydh.com/forum/images/icons/icon10.gif

يالله هذاااي رحت ابتغدى http://smilles.5d5l.com/smile_albums/small/76.gif بس عجزت أروح بوسطي قــرقhttp://smilles.5d5l.com/smile_albums/small/86.gif http://www.buraydh.com/forum/images/icons/icon10.gif

رواسي

21-06-10, 02:30 pm

مطعت يمين ان تقرينة

اذا ماقريته انتي وقالتي رايك مين يقرااه

كل الرد على بعضهـ مآفهمتهـ

النبراسكية

21-06-10, 02:35 pm

جد ليش كذا انا كلما زرت السعوديه احس انهم مب هم http://www.buraydh.com/forum/images/icons/icon10.gif

مع احترامي الشديد اللي يسوي كذا عنده مرض نفسي او مو واثق بنفسه

مشكوره ياقلبي على هيك موضوع

بنت منيره

21-06-10, 02:38 pm

كل الرد على بعضهـ مآفهمتهـ

احيانا اجهل مفيد
خلك كذا احسن لك

وشاكره لتس

هلاوين

21-06-10, 02:39 pm

طيب هذي خطبه جمعه او محاضره للشيخه بنت منيره هههههههههههه

شكرا لك بنت منيره على نقل كل جديد مفيد

النبراسكية

21-06-10, 02:40 pm

سلفـsilverـر

21-06-10, 02:40 pm

متى بنغير اللي قاعد يصير إذا كان الكل ساكت ؟؟

سبحان من عنده علم الغيب .. !!

على الهامش :

ابدئي بنفسك والي حولك اخوات وقرابه ولعلك الله يهدي بكم ..

نهاية جرح

21-06-10, 02:42 pm

احيانا اجهل مفيد
خلك كذا احسن لك

وشاكره لتس
وسعي صدرتس عليه يمكنها عجله ولا شي
ولي رجعه

البارق

21-06-10, 02:43 pm

المشكله لو تسألون أي أحد عن للي صاير بيقول
انه مو عاجبه الوضع بس كلن يجاري الثاني

يعطيك العافية بنت منيرة

موضوع بالصميم
ومشكلتنا كلنا ما يعجبنا التكلف
لكنا هكذا تعودنا
أننا صورة طبق الأصل من غيرنا

خاااااااالص ودي

Яęęм✯

21-06-10, 02:43 pm

والله انك صادقه يابنت منيره..,
انا ماراح اكذب عليك يمكن انا من النوع هاذا يعني لازم اتكلف باشياء بسيط
لا وبعد اشيل هم..
حتى امس نتكلم بعزيمة اهل مرة عمي وش راح نحط وش نلبس ..
وفوق هاذا والاهم حفلة تخرج العايله كلن يتانافس منهو الاغلى بالهديه..
ولا عاد البوفيه لازم يكون غالي..

قسم لا جلستي تفكرين تلقين كل هاذا شكليات بس..

واذا جينا ندفع صدقه نستكثر الريال..
ايه الله المستعان..ْ~

مشكوره بنت منيره,,~
وآسفه كثرة كلام..
بس صدق موضوع يستاهل الواحد يتحمس معه..

النبراسكية

21-06-10, 02:48 pm

اخ بس لو تشوفون المجتمع الامريكي

متواضعين بشكل غريييييييييييييييييييب كل شي يمشي عندهم

الزنون

21-06-10, 02:50 pm

من ايملي جازلي قلت اسدحوه لكم

هههههههههههههه
وانا اقرأ الموضوع قلت مو لبنت منيرة
يعني مو انتِ اللي كاتبته
لان ما اشوف فيه اخطاء املائية خخخخخ

اما من نحية الموضوع
الناس تغيرت عشان الناس

اقصد الناس تتكلف تخاف من القول والقال

اذكر قبل شهر رحت انا وابوي نزور صديقه
استغربت اول مرة ازور احد بس يحط قهوة وتمر وشاهي بس
بالعادة الناس تحط قهوة وتمر والحلى اشكال والوان وفطائر وخرابيط
دخلت وجلست وسولفت وطلعت وانا مرتاح ومبسوط

بعكس اذا رحت لناس وجابوا لك من الحلويات والفطائر
همن يقول دوك كل الا حلفت ان تاكل
تدخل وتطلع وانت رسمي

بنت منيره

21-06-10, 03:00 pm

^^

تدخل وتطلع وانت رسمي ويجك المر من كل مايحلفون عليك تاكل

<<تزعل اذا لزم عليه احد بالاكل

Яęęм✯

21-06-10, 03:02 pm

^^^^^^
معلومه جديده
يعني اذا عزمتك مااحلف عليك تاكلين
خخخخخخخخخخخخخ

بنت منيره

21-06-10, 03:05 pm

^^

لالا انتي عزمتني على فطووووووووور

انتي جيبي ولا لك شغل بي >>>هالحين تقول مافيه فطور

رواسي

21-06-10, 03:05 pm

^^
أنآ أعزموني وأحلفوآ
لأني مآأكل إلآ بحلف عشآن أرتآح وأنآ أكل وأعرف إن مآحد نفسهـ فيهآ <دآخلهـ عرض

بس قلت أشآرك كني شفت منورهـ تضآيقت شويهـ
:)

عـبدالله بـريدة

21-06-10, 03:32 pm

جيت امتغدي http://www.lakii.com/vb/smile/26-206.gif <<<< http://www.lakii.com/vb/smile/26-221.gifماغسل ورابطن ايديه بباغه عن الدهن http://www.buraydh.com/forum/images/icons/icon10.gif

هلاوين

21-06-10, 03:44 pm

هههههههههههههه
وانا اقرأ الموضوع قلت مو لبنت منيرة
يعني مو انتِ اللي كاتبته
لان ما اشوف فيه اخطاء املائية خخخخخ

اما من نحية الموضوع
الناس تغيرت عشان الناس

اقصد الناس تتكلف تخاف من القول والقال

اذكر قبل شهر رحت انا وابوي نزور صديقه
استغربت اول مرة ازور احد بس يحط قهوة وتمر وشاهي بس
بالعادة الناس تحط قهوة وتمر والحلى اشكال والوان وفطائر وخرابيط
دخلت وجلست وسولفت وطلعت وانا مرتاح ومبسوط

بعكس اذا رحت لناس وجابوا لك من الحلويات والفطائر
همن يقول دوك كل الا حلفت ان تاكل
تدخل وتطلع وانت رسمي

ضاق صدرك صح لانك رجال تحب الاكل وهم ما حطوا غير قهوه وتمر ههههههههههه

عـبدالله بـريدة

21-06-10, 03:45 pm

المشاركه رقم ( 2 ) <<<< يبي يكثر المشاركات http://www.bnatalqsim.com/vb/images/smilies/he9hf962c83ebb.gif
.ليه إذا ولدت الوحده صاروا الناس يتنافسون من يجيب الأغلى مب الأحلى ... تلقون إذا الوحده يجيها مدري كم طعش سله من باتشي واللي مثله وسعر السله الوحده ما يقل عن 500 طيب سله سلتين بتفتحهم والباقي حراام وش تسوي فيه ؟؟

بهااذي صح اختي مظنيه وعندنا بالبيت والله يانا مستانس بالحلى وقراشيع الحريم ولو تشوفين لوحة المفاتيح حقت جهازي تــدبـق من الدبس http://www.bnatalqsim.com/vb/images/smilies/9.png

واقول بنفسي ياحظ اعيال الأرياف بالطبخات والحلى http://forum.wow-uae.net/images/smilies/ec.gif<<< http://www.lakii.com/vb/smile/26-221.gifيحسب مخابز الأرياف لــناس اسمهـم الأرياف http://smilles.5d5l.com/smile_albums/other/mb025.gif

وقبل ماتظني كنت احلي ببسكوت ابو ميزان شاريه من محل ابوعليان ولا بحلااو تــوفي يابساات يكسرن السنون http://smilles.5d5l.com/smile_albums/other/124.gifhttp://www.buraydh.com/forum/images/icons/icon10.gif

عـبدالله بـريدة

21-06-10, 04:04 pm

المشاركه رقم ( 3 )
.ليه البنات صايرين ماصلين وسوالفهم مره ماصله ؟؟ أكبر همهم فلانه وش لبست .. والمحل الفلاني وش نزل .. يااي مره حلو التان عليك هههههههه ايه خربانات البنات من تاالي باديات يسسولفن بالسيارات http://www.lakii.com/vb/smile/26-174.gif <<< فاهم غلط http://www.buraydh.com/forum/images/icons/icon10.gif

وماهنا حبهن للأسواق الكبيره http://www.bnatalqsim.com/vb/images/smilies/smii180.gif العثيم والنخيل والحسون
وتصدقين بنت اخوي عمرها يمكن 12 سنهhttp://forum.wow-uae.net/images/smilies/lo.gif وكانت امي تبي تروح للسوق وقالت لأمي مرو على العثيم اشرولي بلوزه لونها يقارب لتنووره عندها ولا تبي الا من العثيم http://www.bnatalqsim.com/vb/images/smilies/up2.gif

يوم اركبت امي وأوديها للسوق القديم http://www.bnatalqsim.com/vb/images/smilies/5545455665656.gif أومير تشري لها بلوزه بعشرتريل وحنا راجعين مريت العثيم وشريت جرت ببسي كبيره علشان الباغه وحطينا البلوزه بباغة العثيم وعطينا اياااه وطايرتن من الفرحه مصدقه أن البلوزه من العثيم http://www.bnatalqsim.com/vb/images/smilies/get-11-2009-27uy71w6.gif http://smilles.5d5l.com/smile_albums/other/mb025.gif

عـبدالله بـريدة

21-06-10, 04:06 pm

برب خل ابتلين اشوي تعبت وانا اكتب http://smilles.5d5l.com/smile_albums/small/52.gifhttp://www.buraydh.com/forum/images/icons/icon10.gif

لي باااكات يابنت منيره توي مابعد انتصفت ههههههههههه

ابوغرام

21-06-10, 06:52 pm

موضوع جميل وبالصميم وهذا الي جاري

تكل لادخل الواحد يناضرون الي بيده

واما حركات البنات وبرضو الشباب مشكلتهم التقليد الاعمى مع الخيل ياشقراء

الله يعطيك العافيه على الطرح الرائع

موسى العناز

21-06-10, 06:59 pm

الراقيه بنت منيره

صدقتي

بس تأكدي انه هذا تخلف ذريع راح يستمر حتى يعي المجتمع حقيقته

يسلمو ودمتي راقيه

أحب ديرتي

21-06-10, 07:13 pm

يسلمووووووووووووووووووو بنت منيرة

مجتمع لايخلووووووو من المجاكرة سواء من قبل النساء او الرجال

الحين اخو الزوج اذا شاف على زوجة اخوة شيئ راح يشتري لحرمته >>> انا اعرفه

غـــدي

21-06-10, 07:35 pm

نعم نعم.. اللي قلتي صح..:)

صراحه جداً غأألبه على حياتنا الشكليات صديقاتي ودي اعزمهن وزمله على شان الخراابيط

والجامعه الي مامعها شنطه من قوتشي ولاباربري ماتعرف تلبس لدرجة كل البنات مشترينه الفقير والتاجر <الله يعين على الدبااشه وانا اولهم

نهوله

21-06-10, 07:54 pm

موضوع بالصميم
بس وش نسوي مابيدينا حيله
لا والحين كل شي صايرله حفله
الواحدلو تبطه شوكه يقولون بنسوي له حفله لسلامته
شييييي يقههههههههههر

بنت منيره

21-06-10, 10:00 pm

المشااركه رقم ( 1 )

هو صتز لقينا موضوع ههههههههه يابسين متنا نحتري مواضيع http://smilles.5d5l.com/smile_albums/small/52.gif

الموضوع ذا فستناتكنسك http://forum.wow-uae.net/images/smilies/ec.gif <<< يبي يقول فانتستك http://www.buraydh.com/forum/images/icons/icon10.gif

الله يرج ابليسستس يابنت امنيره بس خل ابروح اتغداء واجي امبطح أقبال الجهاز

.

ههههههههههههههههههههههههههههههههههههههههه
انتي صاتز يابنت منيره يانا اموت بالطيحينه واكلها منول بدون خبز همن تلزق باللهـــات فوق http://www.bnatalqsim.com/vb/images/smilies/blink.gif http://www.bnatalqsim.com/vb/images/smilies/9.png<<< عجزت اوخر ودي احتسي http://www.buraydh.com/forum/images/icons/icon10.gif

لي باااااااااكات

اصلي انا فنتاستك يمشى >>حششت خخ
اجل تاكل الطحنية حاف تسذا يدون شئ
>>ان شاءالله لـ اعرست اهديك طحنية تلهمه انت ومرك
انتظرك وخذ راحتك

amįЯЋ

21-06-10, 10:34 pm

.

لا تخليين اصيح الحين ترى مابي ملح ..http://www.5foq.com/vb/5foq/smilies/37.gif
الله يذكر ايام اول بالخير كنا نرووح لآهلي من الساعه 8 الصبح ونجتمع حنى
واهلنا واقاربنا من فجر الله http://www.5foq.com/vb/images/smilies/CE_DP_Stealer.gif..
وواول عادي ننام عند بعض والحين نروح
بعد العشاء ولا يصدقون العالم تطلع يقولون وه اخيرآ افتكينا منهم مابغو
والانفس ماهناء اشين منهhttp://www.5foq.com/vb/smail/frown.gif*

بنت منيره

22-06-10, 12:26 am

هماهيم

22-06-10, 03:03 am

اخ بس لو تشوفون المجتمع الامريكي

متواضعين بشكل غريييييييييييييييييييب كل شي يمشي عندهم

خلاص النبراسكية اعزمينا عندس
بس هااه بدون كلافه تقعدين الحين تتكلفين همن تزعل بنت منيره ...
وبلمره نشوف وش يسون usa عاااد انتي حددي الوقت الي يناسبك وحنا جاهزين قصدك نتهدد على العزايم لاونبي طحنيه بس من شان يجي عبدالله هههههههههههه

لسعه الخير

22-06-10, 03:21 am

صدقتي اختي منيرة دايم افكر في زي هالموضوع كبرت البيوت وشانت النفوس على قولة اميمتي الله لايحرمني منها

هماهيم

22-06-10, 03:31 am

صدقتي اختي منيرة دايم افكر في زي هالموضوع كبرت البيوت وشانت النفوس على قولة اميمتي الله لايحرمني منها

الله قولي ااامين يخليلك اميمك ولا يحرمك منها

لسعه الخير

22-06-10, 03:45 am

الله قولي ااامين يخليلك اميمك ولا يحرمك منها

اللهم اااااااااااااامين ويجزاك ربي بالجنة

دقات قلب

22-06-10, 11:16 am

بنت منيره يالغلا موضوعك في قمة الرووعه
صدقتي اختي المجتمع صار ممل وملييق .. انا صرت مااروح للأجتماعات بسسب الكلفه والبنات الماصخات يعني لاجيت اروح لازم تتكلفين وياليت يعجبهم .. ولاجيتي تجلسين جلسة بنات تحووم كبدك من سواليفهن وجرأتهن بالسوالف ..د
شكراً لك بنت منيره على المجهود الرائع

يآرب مطر

22-06-10, 12:58 pm

والله صدقتي
زمآن قبل كآن فيه صدق شعور
واللحين الله لآيوريك .. :(
آحنآ الأكشـخ وآحنآ اليآي ..

أومير تشري لها بلوزه بعشرتريل وحنا راجعين مريت العثيم وشريت جرت ببسي كبيره علشان الباغه وحطينا البلوزه بباغة العثيم وعطينا اياااه وطايرتن من الفرحه مصدقه أن البلوزه من العثيم http://www.bnatalqsim.com/vb/images/smilies/get-11-2009-27uy71w6.gif http://smilles.5d5l.com/smile_albums/other/mb025.gif

آقوول لآتصير بس البآغه .. بآغة بنده ههههههههههههههه http://www.buraydh.com/forum/images/icons/icon10.gif

عبدالسلام بن صالح

22-06-10, 01:16 pm

و هالموضوع السنع ..
أحس الكاتب معه عجر وهو يكتب http://www.vb.r7ltamal.com/images/smilies/drunk.gif

سناعةالأولين راحت .. واللحــين الواحد يجي للعزايم وهو راز بوزة
وشوله تعزم فلان لو داري تسان ماجيت http://www.htoof.com/up/uploads/images/htoof-a0f4cd2941.gif (http://www.htoof.com/up/uploads/images/htoof-a0f4cd2941.gif) أيه يازمن الطحينية .

بوركــت يابنت منيرة ..

بنت منيره

22-06-10, 04:10 pm

طيب هذي خطبه جمعه او محاضره للشيخه بنت منيره هههههههههههه

شكرا لك بنت منيره على نقل كل جديد مفيد

لا هذا درس اشرحه عل طلابي:a2:

اشك انك قاريه هع :a2:

منور

بنت منيره

22-06-10, 08:33 pm

ههههههههههههههههههههه

الله يعين بنت منيره عليك http://www.buraydh.com/forum/images/icons/icon10.gif

امين :cool:

عـبدالله بـريدة

22-06-10, 09:01 pm

غريبه بنت منيره المزاااج تقل حوسه http://forum.wow-uae.net/images/smilies/291.gif

أو تحرونك من تأثير الأختبااارات http://www.buraydh.com/forum/images/icons/icon10.gif

آلعـذذوب

22-06-10, 09:05 pm

مشكوره علموضوع يالغلا والله انتس صادزه اغلب بريده يسوون تسذاتا<< تتطنز بمدينته

بنت منيره

22-06-10, 11:23 pm

لسعه الخير

22-06-10, 11:25 pm

مشكوره علموضوع يالغلا والله انتس صادزه اغلب بريده يسوون تسذاتا<< تتطنز بمدينته

ياحبي لتس وقفت على بريدة تعالي لمنا بالرياض وشوفي الهوايل

عـبدالله بـريدة

22-06-10, 11:30 pm

خخخخخخخ
وش دعوا
>>يمكن من تاثير الطفش

ايه زااد بالعاااده فرفوشه ومرجوجه ومطفوقه http://forum.wow-uae.net/images/smilies/ms.gif <<< اقاله يمدحه http://www.buraydh.com/forum/images/icons/icon10.gif

╝◄ ساندرا ►╚

22-06-10, 11:42 pm

كل شي تغير الحين

ماظل شي على حاله
وكل مالهم بزياده:b1:

بنت منيره

23-06-10, 12:37 pm

سبحان من عنده علم الغيب .. !!

على الهامش :

ابدئي بنفسك والي حولك اخوات وقرابه ولعلك الله يهدي بكم ..

>>كنت متشوقه لردك
الحمدالله اني موب راعية مهايط
اشكر لك تعطيرك موضعي

عـبدالله بـريدة

23-06-10, 03:06 pm

.‏عـبدالله بـريدة (http://www.buraydh.com/forum/member.php?u=43145) , ‏ل د ع (http://www.buraydh.com/forum/member.php?u=34116)+ , ‏آلشــــــــــوش ..~ (http://www.buraydh.com/forum/member.php?u=47456) , ‏مشاعر طفله (http://www.buraydh.com/forum/member.php?u=47628) , ‏لسعه شقااوة (http://www.buraydh.com/forum/member.php?u=54798) , ‏انوثه (http://www.buraydh.com/forum/member.php?u=53451) , ‏بدر1 (http://www.buraydh.com/forum/member.php?u=5535) , ‏hoood (http://www.buraydh.com/forum/member.php?u=31748) , ‏دموع العين (http://www.buraydh.com/forum/member.php?u=55214) , ‏خوي البـ z.s.jـدر (http://www.buraydh.com/forum/member.php?u=32664) , ‏طفلة نست تكبر (http://www.buraydh.com/forum/member.php?u=43122)

هههههههههههه بنت منيره
اسمعي شوفي الشوش دااااخله
وشرط تقول انا ناااجحه هههههههههههه
ههههههههههه علشان بس اتصدقينن

بنت منيره

23-06-10, 03:15 pm

.

هههههههههههه بنت منيره
اسمعي شوفي الشوش دااااخله
وشرط تقول انا ناااجحه هههههههههههه
ههههههههههه علشان بس اتصدقينن

خخخخخخ
عبدالله انت حايس في الموضوع
الله يوفقك ووينجحه ويسر امره
الشوش تستاهل كل خير

عـبدالله بـريدة

23-06-10, 03:26 pm

خخخخخخ
عبدالله انت حايس في الموضوع
الله يوفقك ووينجحه ويسر امره
الشوش تستاهل كل خير

هههههههههههههههههههههههه ايه صح تراي ابكتبووه بمضوع العضوه ساره

بس من الخبه والعجله كتبته بذا هههههههههههههههههه

الشمالي بلس

23-06-10, 03:27 pm

في الصميم الموضواع
بس منو يقدر يغير
فلنبدا بأنفسنا نحن

»•° عطر الليل °•«

23-06-10, 04:33 pm

مـع أن الموضوع منقول !
الا انه أحدث لمسه جميله للمواضيع في القسم .,~
وظاهرة يعاني منها مجتمعنا الذي كان بسيط في يومآ من الأيام ولكن!
اليوم أصبح مجتمع بأذخ جدآ !
همهم الأول والأخير تقديم ماهو أفضل ونادرآ جدآ ؟!.
ضعف الشخصية مجتمع مهزوز داخليا ! مجتمع يحب المظاهر
لو اصلحنا انفسنا واصلحنا من حولنا وأثرنا على البيئه اللي تحيط حولنا
راح نؤثر على الجميع وهكذآ حتى تنتهي ظاهرة من يقدم الأفضل ومن يفعل الأفضل !
*
شكرآ بنت منيرة

بنت منيره

24-06-10, 04:13 am

يعطيك العافية بنت منيرة

موضوع بالصميم
ومشكلتنا كلنا ما يعجبنا التكلف
لكنا هكذا تعودنا
أننا صورة طبق الأصل من غيرنا

خاااااااالص ودي

الله يعافيك
فعلا هي مجرد تقليد اعمي
منور

النبراسكية

24-06-10, 06:13 am

خلاص النبراسكية اعزمينا عندس
بس هااه بدون كلافه تقعدين الحين تتكلفين همن تزعل بنت منيره ...
وبلمره نشوف وش يسون usa عاااد انتي حددي الوقت الي يناسبك وحنا جاهزين قصدك نتهدد على العزايم لاونبي طحنيه بس من شان يجي عبدالله هههههههههههه

هههههههههههههههههههه

لا والله ضف انت وقرشيعك بعد بعدhttp://www.buraydh.com/forum/images/icons/icon10.gif

هماهيم

24-06-10, 07:19 am

هههههههههههههههههههه

لا والله ضف انت وقرشيعك بعد بعدhttp://www.buraydh.com/forum/images/icons/icon10.gif

^
^
^
^
افا افا بشويش النبراسكية لايسمعونك الغرب انك ماتكرمين ضيوف ديرتك
ثم يزعلون عليك الي ماله اول شي اكيد ماله تالي واعيباه واعيباه هههههههههههههههههههه

≈ Śķőőŋ »

24-06-10, 09:33 am

والله انتس صادزه بس ماباليد حيله كلن يناظر الثاني ويسوي مثله:(

انا ماضحكت الا على الي نفساء وحاطه النون ومايعلمون ماخلت شي ماحطته
حتى هي كاشخه وحاطه مكياج وتسريحه نفخه لا والمشكله انه ممده بالسرير ههههههههههههههههhttp://www.5d5l.com/smilles/smile_albums/other/151.gif
وشوله الكشخه والتسريحات والنفخات والمكياج قسم انه صارت مضحكه لناس

شكرآآ

عادل الحبيتر

24-06-10, 12:16 pm

لان الزمن تغير

وصاروا الناس .. يحبون يكونوا الافضل ويحبوا المظاهر
وأتوقع أن العادات والتقاليد فرضت عليهم هذا الشئ

بخصوص العزايم والتكلف

مشكوره على الطرح

ام عساف

24-06-10, 12:25 pm

:18[1]::18[1]::18[1]::18[1]:

الله يعطيك العافيه على الموضوووع

بنت منيره

24-06-10, 05:44 pm

بنت منيره

24-06-10, 05:45 pm

اخ بس لو تشوفون المجتمع الامريكي

متواضعين بشكل غريييييييييييييييييييب كل شي يمشي عندهم

هم راضى ومقتعين في حياتهم
لكن هنا اتوقع الواحد يحس بنقص اذا ماهايط