الـــــــــــــــــــى متـــــــــى ..؟!!

[(عروس الهلالية )]

ا


الــــــــى متى .. ؟؟

الى متى بجلس انتظر
الى متى بجلس اتخيل
الى متى بجلس اناظر عقارب الزمن تمشي
الى متى بجلس اتأمل ازهار الربيع تزهر
الى متى بجلس امسح دمعي الحراق
الى متى بجلس احكي لنجمي الاشواق
الى متى بجلس اقلب الصفحات والاوراق
الى متى بجلس اتكلم مع الصور والاحلام
الى متى بجلس اتقلب على جمري الحراق
الى متى بجلس واقول عجل يا زمان

متى تحن علي يا صاحبي وتجيني
متى تحس فيني وتذوق لوعه أنيني

تصدق .. ؟
رسمتك صوره بعيوني وسجلتك قصيده ببيت
خطفتك من وسط رسمك وصرت بلوحتي عنوان

ليتي اقدر املك هالكون لو ثواني
بخليه من كل البشر وبصورك بصورة ملك
بخلي عيوني لك عرش وقلبي لك امير وروحي لك عبيد

دنيا ،، جنه ،، جحيم ،، عذاب ،، شوق ،، صبر ،، وله
ماكنت اعرف وش تعني هالحروف والنقاط والسطور

بس الحين عرفت ان الدنيا بوجودك جنه مزروعه اشواق وحنين
والصبر لشوفه وجهك الصبوح عذاب وانتظار يدوم شهور وسنين

احس اني مخلوقه لجل حبك بس
احس ان وجودي لاسعادك وبس

يا حلمي يا حلم الطفوله
ارسمه واتخيله واعيشه واهتني فيه

تصدق .. ؟
الشمس بوجودك تستحي ويختفي شعاعها
والقمر بحضورك يخجل ويتغبى ورى السحاب

والبحر ..
حتى البحر وموجه القاسي اذا حضرت تحول زبده لألماس
وصارت امواجه انغام تعزفها مجاديفك

والليل وسواده ونجومه وبدره
والنهار وضيه والهوا وانتعاشه

كلهم من غيرك مالهم داعي ولا ينفقدون
انت صرت كل الطبيعه ، كل الفصول ، كل الشهور

تخيل عالمي من غيرك ..؟
لا .... مقدر اتخيله من غيرك .

بيكون جحيم ووحوش مسعورة
بيكون قبر زاد ظلامه وعذابه

حبيبي .. !!
كيف انا كنت عايشه طول هاك السنين
كيف انا كنت مدفونه تحت اسم انسانه

الحين بس اعترف اني مخلوق
الحين بس اعترف اني لي كيان

حسبي الله على ذيك الايام اللي ما جابتك عندي
مقهوره على كل سنه راحت من عمري ما عرفتك فيها

يا كياني يا وجودي يا حياتي يا مصيري يا احلى اقداري

قرب بقولك شي ..

اعترف لك وبكل فخر

(( أحبــــــــــــ بجنون ــــــــــــــــك ))





تحياتي
عروس الهلاليه
=============

[حي الصفراء]

حتى البحر وموجه القاسي اذا حضرت تحول زبده لألماس
وصارت امواجه انغام تعزفها مجاديفك

والليل وسواده ونجومه وبدره
والنهار وضيه والهوا وانتعاشه

كلهم من غيرك مالهم داعي ولا ينفقدون
انت صرت كل الطبيعه ، كل الفصول ، كل الشهور

تخيل عالمي من غيرك ..؟
لا .... مقدر اتخيله من غيرك .

بيكون جحيم ووحوش مسعورة
بيكون قبر زاد ظلامه وعذابه

حبيبي .. !!
كيف انا كنت عايشه طول هاك السنين
كيف انا كنت مدفونه تحت اسم انسانه

الحين بس اعترف اني مخلوق
الحين بس اعترف اني لي كيان

حسبي الله على ذيك الايام اللي ما جابتك عندي
مقهوره على كل سنه راحت من عمري ما عرفتك فيها

يا كياني يا وجودي يا حياتي يا مصيري يا احلى اقداري


جميل ماسطرتي من معاني وحروف...

ربطتي بين العامية والفصحى في الكثير من العبارات

مماجعل المعاني تتاصل وتتجة نحو عالم اكثر دفئ

يسير بناالى خيال واسع ننتظر من خلاله عودة من نحبه

تحياتي

[(عروس الهلالية )]

هلا وغلا بحي الصفرا


تسلم لي ويسلم ردك وحضورك واتمنى من كل قلبي ان اقدم كل جديد يليق بذوقكم المميز الف تحيه وتقبل مني اصدق واجمل واعذب سلام مغلف باجمل باقه ورد.


تحياتي
عروس الهلاليه
===========

[FaBio13]

الله يعطيك العافية أختي (عروس الهلالية ) ...

كلمات جميلة ومعبرة .

الف شكر لك .

تحياتي .

[(عروس الهلالية )]

هلا والله فيك وبطلتك
تسلم لي يا غالي ويسلم لي ردك
من ذوقك يا ذوق
الاجمل والله تواجدك ومتابعتك


الف تحيه وهلا فيك

عروس الهلاليه
========

[بنت الشقه]

السلام عليكم

يعطيكي الف عافية :) :)

بس عندي تعليق بسيط بس اتمنى انك تاخذية برحااااابة صدر :p

(احس اني مخلوقه لجل حبك بس)

للذكرى قال تعالى (وما خلقت الجن والانس الا ليعبدون) اختي وين راحت هذي

الآية عن ذهنك يوم كتبتي هذي الخاطرة.

لا تعليق............

تحياتي

بنت الشقه

[3bdullah]

|


بنت الشقة ..:

|
استوقفني ردك .. على ماكُتب .

|
لا اعتقد ان احد يتجرد من فطرته ودينه عندما يحب .. انما صور المبالغة لها حضورها

لا اشك ان لها جمالها ايضا فيما يتحف النص بمزيد من المعاني التي تسيل ..الى ذروة تفعيل المفردة لنقل هاجس او معنى معين..

|

لا اجد مبررا لما ذكرتي .. لم تتجرد من دينها حينما كتبت ، ولن تفعل ذلكـ


|
تحيه

3bdullah