][][§¤°^°¤§][عبق الذكريات][§¤°^°¤§][][

[شموخ للتجميل]

السلام عليكم ورحمة الله وبركاته

كل يوم يمر اتمنى ان يكون احلى من اللي بعده..وكل شهر يمضي اقول في نفسي ليتني فعلت كذا وكذا وليتني لم افعل كذا ..وكل هذا يحدث والسنين تنسلخ من اعمارنا من دون ما نحس ..لكن المصيبه في ان حنا ما ننتبه لقول على ابن ابي طالب رضي الله عنه:


ولو أنا إذا متنـا تُركنـا...... لكانَ المَوْتُ راحَة َ كُلِّ حَيِّ
ولكنـا إذا متنـا بُعثـنـا ......... ونُسأل بعد ذا عن كل شي

وكنت دائما اتمنى ان ادون ما يجول في خاطري من يوميات سواء محزنه او سعيدة لتبقى خالدة على الورق ..ويستفيد الناس من بعدي بما فيها من تجارب وخبرات تخللت حياتي..
لكن للاسف اكتب يوم اويومين وامل او انشغل ولا يحصل اكمل ..بس يوم شفت مدونات الاعضاء تشجعت ادون مذكراتي من جديد..لان النت ممتع بكل ما تعنيه الكلمة من معنى غير الكتابة بخط اليد ..يعني تلاقي نفسك تقدر تضيف ملفات صوتية او مرئية او حتى حرفيه بكل سهوله ..ويطلع عليها الاخرون ويعطونك ارائهم .. لكن الكتابه الخطيه فرق كبير ..

لذالك ساسعى جاهدة بأذن الله على ان تكون هذي الصفحات شاهدة لي لا علي

واسال الله ان يسددني لما يحبه ويرضاه
ان كان ما في صفحاتي صواب فهو من الله سبحانه وتعالى
وان كان فيها من زلل فمن نفسي والشيطان

ختاما تقبلوا تحياتي
تاريخ التحرير 07-07-1431 هـ
2010 -07-18

[شموخ للتجميل]

من أشهر عبارات الكاتبة أحلام مستغانمي قولها :
” أينتهي الحب عندما نبدأ بالضحك من الأشياء التي بكينا بسببها يوماً..؟ “




هذه العبارة قيلت لي كثيراً، ولكنني لم أقتنع بها أبداً ..




فالحب لا ينتهي عندما نضحك على الأشياء التي بكينا بشأنها يوماً..!
فنحن قد نضحك على بكائنا ذاك بعد سنوات،
لكن هذا لا يعني أن الحب قد انتهى!، لإننا قد نضحك على سذاجة ما بكينا عليه، وقد نضحك لإننا تذكرنا أياماً مليئة بالجمال ..




هل تعرفون متى ينتهي الحب بالنسبة لي..؟




الحب ينتهي عندما يجرحك من تحبه ثم يعود ويجرحك مرة أخرى ..
لإن الجُرح من الصعب أن يلتئم خاصة إذا أصيب قلبك مرتين ..
وصدقوني، عندما يتكرر الألم مرتين؛ فلا حاجة للإعتذار مرة ثالثة ..




يا فؤادي، رحم الله الهوى — كان صرحاً من خيالٍ فهوى

[شموخ للتجميل]

أعشق العطور، وأحب اقتنائها دائماً، وأحب اللحظات التي أشتري فيها عطر جديد لأجربه..

وأكثر ما يبهرني في العطور كيف أنها قادرة على تغيير مزاجك وجوك ..




من عادتي إذا شممت أحد العطور أن أشمها وأنا مغلقه لعيني، شعور رائع تشعر فيه خاصة إذا كان العطر له رائحه مميزة، رائحة تُشعرك بأنك في مكان آخر غير المكان الذي أنت فيه ..وقد لا انسى ابدا عطر شممته او مر على انفي وعجبني ,,




المشكلة التي يقع فيها أغلبنا أننا نشتري نفس العطور دائماً، لإننا نكون قد تعودنا عليها وأصبحت شيء مهم بالنسبة لنا..
لا أنسى قصة بحثي عن عطر اختفى فجأة من الأسواق ..لا لانه مرغوب جدا عند الناس .. بل لانه قديم جدا من ايام الوالدة..لاني اتذكر وانا صغيرة كنت اتسلل لغرفة امي وابخ من عطرها هذا.. فتركز في ذاكرتي .. ولم انساه طيلة حياتي.. ومن يومها فقد اصبح عطري المفضل .لكن للاسف العطور القديمه لاتتوفر كثير في الاسواق

وهذا العطر اللي اقصدة اسمه لورين قديم جدا

http://file9.9q9q.net/img/39442753/-----.jpg (http://file9.9q9q.net/preview/39442753/-----.jpg.html)






هل جربتم مرة أن تتعطروا قبل أن تناموا..؟

أفعلها دائماً، أرش على نفسي من أحد العطور التي أحبها ثم أتغطى بالبطانية في وسط الظلام والبرد لأجد نفسي أنام نومة ولا أروع : )..



بعض العطورات اللتي تعجبني واقتنيها مهما كان سعرها

عطر منتال
http://file9.9q9q.net/img/22381677/-----.jpg (http://file9.9q9q.net/preview/22381677/-----.jpg.html)


عطر ردريغوز هو رجالي نسائي ريحته خيال
http://file9.9q9q.net/img/52567362/-------.jpg (http://file9.9q9q.net/preview/52567362/-------.jpg.html)

عطر بويزن
http://file9.9q9q.net/img/84523283/imagesCAMGP5TP.jpg (http://file9.9q9q.net/preview/84523283/imagesCAMGP5TP.jpg.html)

عطر رش من قوتشي
http://file9.9q9q.net/img/58815985/--------.jpg (http://file9.9q9q.net/preview/58815985/--------.jpg.html)

[شموخ للتجميل]

بين اذان واقامة صلاة الفجر حبيت تسمعون هالدعاء
http://file9.9q9q.net/Download/48144924/----------------------2.flv.html

[شموخ للتجميل]

كنت قد وعدت نفسي أن أعود لكتابة ما يستوقفني أثناء قراءة أي كتاب او مقال واكتبه هنا في مدونتي المتوضعه وها أنا ذا أفي بوعدي :)


اصنع من الليمون شرابا حلوا


(من كتاب لاتحزن لعائض القرني)

بما معناه :الذكي الاريب من يحول الخسائر الى ارباح،والجاهل الرعديد من يجعل المصيبة مصيبتان

فانا اذكر ان الامام احمد بن حنبل سجن وجلد، فصار امام السنة

وحبس ابن تيمية، فأخرج من حبسة علماً جماً

فأذا ناولك احدهم كأس من الليمون، فأضف أليه حفنة من السكر :)

***********************************************


النفوس بيوت اصحابها، فاذا طرقتها فاطرقها برفق

(من كتاب متعة الحديث عبد الله الداوود)



يقول شكسبير : شق طريقك بابتسامتك خير لك من أن تشقها بسيفك.



يقول عبد الكريم بكار في مراعاة النفس:البشرمخلوقات عاطفية، تجذبهم الكلمة الطيبة وينفرهم التوبيخ والتقريع





ومما قرات ايضاً:البخيل هو شخص ينتحر جوعاً، ليقتل ورثته بالتخمه.

[شموخ للتجميل]

بكره عندي مقابلة وهالمقابلة بيسالوني فيها عن جدول الضرب بشكل عام ولازم احفظ
جدول الضرب وبحثت وطلعت لي طريقة حلوة

طريقة في غاية السهولة لتعلم جدول الضرب



رائع جدا

لكن لا بد من حفظ الجدول إلى 6*5

ونبدأ بالأصابع من جدول 6*6

نعتبر الخنصر رقم6 , والبنصر رقم7 , والوسطى رقم 8 والسبابة رقم 9 والإبهام رقم 10
كما في الصورة





مثلا 6*6 نطبق الخنصر ين وتبقى بقية الأصابع ممدودة
نضرب الأصابع الممدودة في بعضهايعني 4*4=16
والأصابع المقبوضة كل واحدة بعشر يعني 20
ثم نجمع 16+20= 36




الصورة الآتية 7*7 يعني نقبض الخنصر والبنصر في كلا الإصبعين

الأصابع الممدودة 3 في كل أصبع فنقول 3*3=9 والمقبوضة 4 يعني40إذن

9+ 40 = 49



الآن 8*8 يعني أقبض الخنصر والبنصر والوسطى في كلتا اليدين

يبقى إصبعين ممدودين في كل يد إذن 2*2=4والأصابع المقبوضة 6 ب60

إذن 4+60=64





الآن 9*9 يعني نقبض الخنصر والبنصر والوسطى والسبابة ويبقى الإبهامان ممدودان

إذن 1*1 =1 والمقبوضة 8 =80 إذن 1+80=81




الآن 6*7 نقبض البنصر فقط في إحدى اليدين , والخنصر والبنصر في اليد الثانية

الأصابع الممدودة4*3=12 والمقبوضة 3 ب30 إذن 12+30=42





الأن 8*7 يعني نقبض الخنصر والبنصر والوسطى في يد وفي اليد الأخرى نقبض الخنصر والبنصر
الأصابع الممدودة2*3=6 والمقبوضة5ب50إذن 6+50=56




الآن 8*8 نقبض الخنصر والبنصر والوسطى في كلتا اليدين الأصابع الممدودة 2في كل يد2*2=4
الأصابع المقبوضة 6ب60 إذن 4+60=64




أكتفي بهذه الأمثلة وأرجو أن تكونوا عرفتوا طريقتها

مارأيكم أليست سهله وومتعه ]

[شموخ للتجميل]

قبل عدة ايام رن جوالي واذا برقم غريب لم اعتاده


انا:الوووه

المتصلة:السلام معك معهد ...نرجو الحضور لاجراء مقابلة شخصية


انا:خير ان شاء الله متى؟ واين؟

المتصلة:يوم السبت القادم الساعة 11 ص(وتعني يوم امس)بحي النهضة


انا:بأذن الله سأكون على الموعد

ومنذ انقطاع الخط وانا بدات اخطط واحلم ان قد جائتني وظيفة العمر ..ووعدت نفسي ان لا افوت الموعد مهما كانت ظروفي.. و...و...وفي الليلة التي تسبق الموعد قررت ان اختار الباس المناسب لاجراء مثل هذه المقابلة.. فوقع الاختيار على بلوزة لون سماوي وتنورة سوداء.. في صباح اليوم التالي استيقطت قبل الوقت ب نصف ساعه وافطرت ولبست وانا قلقة لا اريد ان اتاخر على الموعد .. (لان المقابلة الشخصية اهم مافيها الحضور في الموعد المناسب او قبله بفتره زمنية قصيرة لتثبت ولو بأقل القليل جديتك في العمل)..... وفعلا وقع ما خفت منه تاخرت لا محالة..وعندما وصلت للموقع بدأت بتهدأت اعصابي قبل الدخول.. ثم ذكر الله في نفسي وتقدمت للموظفه ..


انا:السلام عليكم




الموظفة:وعليكم السلام


وتصافحنا الايدي



انا:اسفه على التاخير



الموظفة:لاتهتمي المقابلة مجرد روتين

:!!"مجرد روتين ليتك عشتي معي اللحظات التي تسبق هذا الروتين"هذا ما قلته في نفسي

وتابعت هي قائلة:نحن اطلعنا على
الsvتبعك ووجدناه مناسب للوظيفة المطروحة لدنيا
وهي اشبه بخدمات عامة او تستطيعين القول سكرتارية ولابد عليك ان تعي ما قد ستواجهينه من مقابلة الجمهور وكتابة الخطابات وو..وو..كل هذا كان مناسب بالنسبة لدي الى ان استرسلت قائلة:وسيكون لك جوالك خاص بالعمل لكي تباشرين حجوزات المدربين في الفنادق.. وحجوزاتهم للطيران... وفي حال الاعلان عن المركز في الصحف ستتلقين اتصالات الجمهور من كلتا الجنسين.جلست صامته لعدة ثواني ثم نظرت اليها وحال نفسي يقول"جت الحزينة تفرح مالقتلهاش مطرح"


فقلت:منذ نعومة اظافري كانت امي تمنعني من الخروج من المنزل ومخاطبة الرجال بحجة ان هذا "عيب" ولم ولن تسمح لي ولو لمرة واحدة ذالك...وحتى عندما كبرت قليلا وضعت على راسي بما يسمى بالطرحة حياً من الرجال الاجانب..
والان وبكل سهوله تريدين مني التخلي عن حيائي لمجرد وظيفة دنيوية ممكن الاستغنى عنها... !!


فقالت وبكل استهتار:هذا حال الوظائف القادمة مستقبلا وانتي كونك عاطلة شيء احسن من لاشيء


فرددت وبكل صرامة:لا اعادها الله من وظيفة.. قراري النهائي انا لا اجد في نفسي مجال للشك ان اقبل التفاوض في وظيفة تفتح المجال بيني وبين الجنس الاخر.. واللي جابها يجيب غيرها ..عن اذنك.


انتهاء


سؤال ظل يتردد في ذهني ويشعرني بالخوف هل ماقالته تلك الموظفه صحيح؟؟؟


ارجو ان لا لا يكون كذالك

[شموخ للتجميل]

عذرا ياايتها المدونه المتوضعه..صدقاً لم اطق فراقك..لقد اشتقت اليك.. بعد غياب طويل ..فقد حصلت لي مواقف ..لم اسطرها لك..فبما ان الاجازة قد حانت سافرت الى منطقة الرياض للتنزة... ولحضور زواج لاحدى قريباتي... لكن ليتني لم احضر.. كنت اظن انه زواج كباقي الزيجات.. كان موقعه بفندق السليمانيه القاعه الكبرى.. وبما انها كبرى حضر ما يقارب ال700 شخص.. لم اكن اعلم ان الحفل كبير جدا..فعندما حان موعد الزواج ..ذهبنا نحن والاهل.. وبمجرد دخولنا للقاعه ذٌهلنا من الحضور.. فلم اكن اعلم ان المجتمع قد تغير بهذة الطريقة الشنعاء.. المصيبه اني لم اعرف بعض قريباتي لانهم شملهم التغير في الشكل والمظهر..حتى ان بعض الحضور كاسيات عاريات والعياذ بالله.. وكأن العري اصبح موضة هذا العام.. لم يعلموا انه على قدر الايمان تكسى الابدان.. نظرت اليهم ولسان حالي يقول :ماذا دهاهم الناس؟؟ ما سبب هذا التغير المفأجا؟
لكن ردي عقلي على لساني وقال:هذا التغير لم يكن مفأجا بل هذة نتاج كان يسعى له الغرب
من قرون وبالفعل قد نجحوا في ذالك
والدليل قول الله تعالى
{ولن ترضى عنك اليهود ولا النصارى حتى تتبع ملتهم}اية120سورة البقرة

فالواحد منا اصبح في حيرة من امره هل يذهب لمثل هذه الحفلات ويتحمل هذة المناظر..وتحسب عليه امام الله عز وجل ..او يلزم المنزل ويقطع في رحمه..
سؤال اترك لكم الاجابة عليه

[شموخ للتجميل]

يا رب تنجح سفرتي في مسابقة احسن سفرة رقمها 5 صدقا تعبت عليها مره بس كله بأجره تصدقوني حتى ما جاتني ولا كلمة يعطيك العافيه بس يالله الحمد لله على كل حال

[شموخ للتجميل]

لو اقولكم اني مالي في كتابة النت هذي احسها غير عن الكتابه التقليديه لانك تجلس ساعه كيف تنقل الفكره وتحس انك مراقب من الناس ولازم تحسب لكلمتك الف حساب
حتى اذا جيت تنزل بعض الصور او المقاطع حاله ..مع اني دخولي للنت من ايام بطاقات لنا ههههههههوالبطايق حقت النت كانكم لحقتو عليها صراحه توحفه هالبطايق وربي ان حنا بنعمه اللحين صحيح ان النت الحين بطيئ بس مش بطال مقارنة بالنت سابقا
ومع ذالك ما فكرت يوم اني استمر في منتدي او اني اكتب فيه صراحه المفروض استحي على وجهي احس اني استنفذ طاقة الناس بدون ما اعطيهم <<< اقعد يا استنفذ انت هههه
احس انكم ما راح تفهمون على بعض كلامي لاني رياضيه ؛؛ مو من كثر الحركه والتمارين لا لا لا انا من اهل الرياض يعني حتسيي<< يعني اني تقلدكم خخخخخ غير عن حتسيكم يخي مدري ليش لازم اختلاف هاللهجات ليش ما تصير السعوديه كلهم لهجه وحده وخلاص ضروري يعني اختلاف اللهجات وكننا عاد استفدنا شيء من هالشيء فهمتوو شيء << هالبنت اليوم في مخها شيء ههههههههه لا وربي هذا من الطفش الزايد تعرفون اذا صار الواحد اجتماعي زيي احم احم وفجاء لقاء نفسه وحيد بين 4 جدران من جد تطق كبده امل اني القى لي مكان بينكم يا اهل بريدة بما اني ضيفتكم لمدة 3 سنين ولا احد عبرني

صحيح ذكرتوني وشفيكم كذا قطوعين وعنصريين ما تبون الا اللي منكم وفيكم يعني اعطيكم مثال وانا ما احب اعمم بعضكم او بالاصح اكثركم لاحظت عليه كذا نرجع للمثال: من سكنت بريدة تعبت يالله لقيت جيران حليلين لا وتلاقيني انا اللي ابدا بالخطوة الاولى مثل ما تعودت طبعا عندنا فيذا بالرياض هع هع الجيران تعرف بعضها لا وفيه قهوة الضحى وجمعه كله اسبوع بس هنا لاحظت انه لا حياة لمن تنادي كل واحد يقول نفسي نفسي واهلي اهلي ما يبون او ما يرحبون بالجديد او الغريب امثالي مدري هو من عاداتكم او انه اهلكم عودوكم كذا
يا عميري انا اجتماعيه بالحيل لدرجة اني يوم من الايام رحت العام الماضي << حددي يوم من الايام والا العام الماضي
يعني يوم في العام الماضي قررت اروح اصلي بمسجد قريب منا انا رحت والا لا!!!
احس عالم غريب اللي يصلون متغطيات يعني حنا رجال تتغطون عنا
واللي متحجرمين في اخر طابور والطابور اللي قدام مخلينه فاضي يعني ابي افهم هذا مفهوم الدين الصحيح؟؟ انا اللي اعرفه ان الرسول صلى الله عليه وسلم قال خير صفوف الرجال اولها وخيرها للنساء اخرها (بما معناه) لكن هذا كان زمان تدرون ليش انا اقولكم ليش لان ما كان يفصل بينهم وبين الرجال شيء
عشان كذا احسنها اخر الصفوف في عهد الرسول لكن اللحين بينا وبينهم على الاقل شراع في بعض المساجد فليه هالخوف كله وكأن لسان حالكم يقول حنا احسن منكم دين وشوفونا حنا اهل الدين كله .. وانتم ما تعرفون شيء وربي اقهروني فكوني عليهم واذا مو متاكدين اقراووو

http://www.islamww.com/islamww/alfatwa.php?id=13155

انا عارفه انكم اللحين تحسبوني علمانيه على هالكلام او غيره لكن فكرو اللي تفكرونه انا اي شيء يضايقني بكتبه هنيا وما علي من احد
لا وفيه وحده غثتنا غثه طول الصلاة تمشع (سحب) عباتي تحت ويوم خلصت صلاة التفت لها وقالت لي المراءة ما يطلع الا كفيها ووجهها في الصلاة طيب هذا يستاهل انك تسحبين عبايتي وتحوسين صلاتي انا معها لكن اني ما ارتكبت واخليت ركن من اركان الصلاة الاساسيه
عالعموم امل تقبلي معكم مع اني عندي قفلات وقطعات وطلعات <ــــــــــ يا بنت حدددي يعني اني اقطع شوي وانشغل شوي بس محافظه على مدونتي المغبرة هع هع هع وش عليكم مني بجي متى ما اجي واوسع صدري هنا وابصم بصمه واطلع وان شاء الله تكون بصمتي ايجابيه عليكم
تحياتي
يتبع:: وش يتبع انتي ووجهك
ليه مسلسل هعين

[شموخ للتجميل]

صديقتي عزيزتي وكما حفظت اسمك في جوالي
العزيزة الشوخي صديقة عمري كم انا مشتاقه اليك والى جلساتك وكلماتك الرنانه والحنونه علي ..ونصائحك لي .. وصوتك الناعم.. كم اشتقت الى اهتمامك بي وسؤالك عني .. لماذ قطعتي عن اتصالك واخترتي الجلوس في زاويه بعيده عني.. لا تلوميني لانشغالي عنك.. فليس هذا عذر يشفع لك .. بل ضدك فلو عندك قدري لي ما كنت قطعتي بي.. اوجه لك شكر خاص من اعماق قلبي على كل شيء عملتيه من اجلي.. عرفت اهميتك عندما فارقتك .. لكن ستظلين عزيزة على قلبي قريبه انتي او بعيدة
تحياتي لك ولصداقتك

[شموخ للتجميل]

إن حكوا فيني بوجهي أو حكوا بي من وراي**** مالقو غير البياض اللي قهر سود الظنون

[شموخ للتجميل]

بكره عندنا جمعة شهريه لعائلتنا.... :36_1_12[1يعني كل شهريجتمعون افراد العائله الكبيرة
يخي ما ادري ليش هالناس ما عاد يحبون الجماعات ...لاننا اول ما بدينا نجتمع كان العدد قليل ...يعني عوائل قليله كانت تجي .. بعدين شوي شوي بدو يكثرون... وبعد فتره رجعو يتقلصون...مدري العله من مين ... هو من الناس انفسهم والا من كثرة الملهيات في هالدنيا..


اللي اقصده ملا تلاحظون ان العائله الوحده قليل تجتمع على غداء او قهوه.. وان اجتمعت تلاقي افراد الاسرة كل واحد لاهي بنفسه اللي مشغول بالبي بي<<اقصد جوال البلاك بيري الله لا يعيده
والا تلاقي الثاني مشغول بالاب توب والثالث يقلب بهالدش ويالله هلم جر وعلى هالحاله طيب ابي افهم ليش مجتمعين انا مدري



نرجع لمحور حديثنا.. عاد الجمعه الشهريه ذي صايرة ممله ومجرد روتين:22[1]:.. وانا جالسه افكر بيني وبين نفسي؟؟ وش فيه من افكار عشان نعطي هالجمعه رونق خاص عشان نرغب مجموعة العوائل فيها ويضلون يجتمعون كل شهر بدون ملل ..؟؟
ففكرت في ان نؤسس شراكه بسيطه بين النسوان بما انهم يحبون البيع والشراء ويتقنون هالموهبه.. ويبدا السهم من 100 ريال ولو الوحده حابه تدخل بأكثر من سهم ما عندنا مشكله .. المهم اذا جمعنا فلوسهم نروح نشتري بها بضاعه مرغوبه عند الكل ونوزعها على افراد هالجمعه عشان يصرفونها بطريقتهم .. من خلال هالطريقه نقدر نجمع قلوبهم لو على الاقل بالمال... اتوقع انها راح تنجح هالطريقه وتخليهم يجتمعون لان فيها ارباح ومكسب كثير لان الله سبحانه خل تسعه اعشار الرزق في التجاره تخيلو كيف؟؟


حتى اني شفت طريقة ثانيه من الطرق اللي تخليهم يتكاتفون ويظلون يجون للجمعه هذي
هالطريقة تقول :اني ابدا ارسلهم رسائل تتضمن سؤال ديني وذالك كان بفترة رمضان؟
ويجاوبن عليه وفيه جوائز قيمه تسلم في اخر شهر بوقت هالجمعه وانبسطو كثير اهلنا بهالفكره اتمنى انكم تجربونها


انا اخترت اني اتكلم عن الموضوع هذا لاني مر علي موقف خطير استعظمت صلة الارحام وكيف انها مهمه وستمدت اهميتها من عند الله ومن سابع سماء
يقول رسول الله صلى الله عليه وسلم : ( الرحم معلقة بين السماء والارض تقول من وصلني وصله الله ومن قطعني قطعه الله )
وعنه صلى الله عليه وسلم( من أحب أن يبسط له في رزقه وينسأ له في أثره فليصل رحمه ) متفق عليه ( رياض الصالحين
مالكم في الطويله
ابوي طبعا ولله الفضل والمنه هو القائمه على مثل هذي الجمعه .. وتلاقونه مع قرب نهاية كل شهر يكلف نفسه ويرسل رسائل لكل افراد العائله بتذكريهم بتلك الجمعه
ويروح يستاجر استراحه عشان يجتمعون فيها كله عشان ما ينقطعون
المهم مره من المرات قربت هالجمعه وقرر ابوي انه يسافر فتعيجز وقال هالمره ماني متعب نفسي على ناس ما تقدر ولا حتى تسأل .. المهم وسافر ابوي وفعلا محد فقد الهجمعه وكأنهم يقولون فكه.. الموهم مرت فتره على هالكلام ويجي ابوي يسولف لواحد من اخوياه انه حلم وكأنه يشوف نفسه جواء بلده فاضيه .. وكلها بيوت طين .. ومن طلع من هالبلده وهو مستاق يرجع لها بس ما عرف.. مالكم في الطويله.. راح صديق ابوي وفسر الحلم عند واحد من اقاربه بدون علم ابوي.. ودق عليه وقاله ابيك ضروري قاله ابوي خير ان شاء الله يوم تقابلو قال تراني فسرت حلمك وطلع تفسيره ان هالبلده تعبر عن الرحم سبحان الله لانه اول شيء فاضي وثاني شيء مكون من مواد طبيعيه مثل الطين.. ويوم طلعت من هالمكان وودك ترجع له.. هذي تعني قطع الرحم اللي قصدت انك تتركه بس بنفس الوقت فقدته....


يووووووووووووه انا عن نفسي انصدمت قلت يمه قد ايش صلة الرحم قويه ومهمه
ومن يومها وانا ادعي ربي انه يقدرني واحافظ على صلة الرحم لو بس بمكالمه

[شموخ للتجميل]

هذا يوم من الايام جانا خبر وفاة واحد من عيال عم ابوي....<<طيب حنا وش دخلنا بالتفاصيل ههههه
الموهم وهذا الرجال ساكن بالحوطه وفيه احد ما يعرف الحوطه؟؟ اكيد لا
قرر ابوي الله يحفظه انه يمسك خط ويتجه الى محافظة الحوطه الحبيبه<< كنك تتهزين ههههههه:4[1]:
وقدم التعازي لعيال عمه وهو راجع قالو له لا تروح الا وانت مسلم على عمك ؟؟ هنا ابوي جلس لبرهه (حلوه لبرهه هذا اذا كان السبلينق حقها صح... اقعد يا السبلينق=الاملاء)
يفكر وقال اي عم فيهم انا مالي الا عم واحد وسلمت عليه وقت العزا اللي هو عمي فلان
وباقي عماني ماتو من زمان الله يغفرلهم ويرحمهم وموتى المسلمين

قالو لا فيه لك عم كانك منت مصدق رح له في بيته ووصفوا له البيت وراح
فعلا يقول وانا متجه لبيت عمي الغفله اشتغلت عندي الذاكره وصرت اتذكر ان ابوي يوم كنا صغار كان يودينا من هالطريق نسلم على احد بس ما ادري منهو هالاحد ؟؟ شوفوا البراءه كيف هههههه:11_4_125v
المهم ويقول والله ويوم نزلنا نسلم الا فعلا عمي وجلس يهلي ويرحب في ابوي وجلس ابوي يسأله كيف صار هالشيء
قال انه انا عمك من الام اخو ابوك من الام اتوقع انكم سويتو كذا >>:36_1_5[1]
( يعني اخو جدي انا من الام )

اتوقع انكم ما فهمتوا بس دققوا وركزو شوي وبتفهمون

[شموخ للتجميل]

http://hh7.net/Nov/hh7net_12887301731.png (http://hh7.net/)


السلام عليكم ..




لا أدري كيف أتكلم ..

ولا أدري ماذا أقول ..




أنا مشمئزه، مشمئزه بمعنى الكلمة ..

مشمئزه للغاية ..




فقبل أيام خرج لنا مقطع من أحد السجون في السعودية لمجموعة من الشواذ جنسياً -الحمدلله الذي عافانا مما ابتلاهم – يتبجحون فيه بعلاقاتهم، ويتلفظون فيه بألفاظ مقرفة..

وعندما أقول مقرفة فهي مقرفة ..




أشكالهم، أصواتهم، حركاتهم، ضحكاتهم، كلها تدعو للاشمئزاز ..




أحدهم تم القبض عليه قبل فترة بسبب ظهوره في مقطع فيديو وهو يلبس زي عسكري، ومع ذلك يخرج لنا مرة ثانية ليقرفنا ويقرف الجميع..

أتعرفون لماذا..؟




لإنه من أمن العقوبة أساء الأدب ..




لو رأى تصرف حقيقي معه تجاه ما بدر منه في المرة الأولى لما تجرأ وأظهر نفسه مرة ثانية ..




أنا أشعر بالقرف بعدما شاهدت هذا المقطع ..

أشعر بالقرف ممن لم يحاسبوا هؤلاء المرضى ..

أشعر بالقرف ممن سمح للجنس الثالث بالانتشار ..

وأشعر بالقرف أكثر لمن ترك هؤلاء بدون عقاب ..




أعذروني على هذه الكلمة، لكنني كدت أن أتقيأ عندما شاهدت الفيديو وشاهدت الميوعة القذرة والألفاظ الحقيرة ..

هل ستتم محاسبتهم..؟

أم سيتركون لينشروا مقاطع أقذر وأكثر اشمئزازاً ..







٣ نوفمبر ٢٠٠٩، أي قبل عام بالضبط استشهد أول رجل أمن في حرب الحوثيين ..

ولحقه العشرات من الرجال الشجعان الذين وهبوا أنفسهم لهذا الدين ولهذا الوطن..




ثم يخرج هؤلاء الحثالة بهذه المقاطع والمناظر المخجلة ..

تباً لأشباه الرجال ..




وليرحم الله الأبطال الرجال بحق الذين قضو نحبهم شهداء في حربنا مع الحوثيين ..







قسماً بالله، أنني أكاد أبكي من الغيظ والقرف ..




حسبي الله ونعم الوكيل ..