خطة استراتيجية للبنات فقط ( ممنوع دخول الغزلان الملثمة )

[السعودي]

http://saeegate.jeeran.com/monoat/g-name.gif http://ali954.jeeran.com/slam.gif http://konouz.net/img/banco/welcome/wel100.gif

خطة استراتيجية للبنات فقط
http://www.mamarocks.com/ccrose4.gif

إذا طلبتي من أخوكِ يوديكِ السوق ورفض لأنه راح يطلع مع ربعه ....لا تزعلين .. وقولي له جزاك الله خير ..روحي غرفتكِ ولهي نفسكِ بأي شي ( الموضوع ما راح يعدي بالساهل ..

إليك الانتقام ...اختاري أي وسيله للانتقام من الوسائل الآتية :

1) روحي لمزيل الروائح حق أخوكِ قبل ما يسبح وافتحي غطاه وحطي فيه استون مزيل المناكير....ورديه مكانه...هذا وجهي إذا قدر ينزل يده ويمشي طبيعي ...


2) روحي للنعال ( الله يكرمكم ) اللي يحب يلبسها أخوكِ دائماً وأكلي علبة لبان كاملة طلعيها من حلقكِ وحطيها في نعاله من تحت ومن داخل....قرف على أصوله...


3) روحي للقلم الباركر اللي يلبسه أخوكِ مع الثوب وطلعي الحديده اللي داخل وغطيسيها في الحبر ورديها مكانها ...لما ترجعي القلم لمكانه خلييه مفتوح ..يعني جاهز للكتابة....وطبعا أخوكِ راح يكون مستعجل وما ينتبه له ...وينزل الحبر على ثوبه....قمة القهر


4) خذي مشطه حق شعره وغطسيها في ماء الحنه أو في ماء مخلوط ببيضه نيه ....لا تتركي المشط مببلل ..لا خليه رطب بس ..أخوكِ طبعا بيطلع من الحمام ( أعزكم الله ) ويمشط شعره وهو مبلول كالعاده ..شوفي الريحه اللي بتطلع ...كمحاوله للمساعده لاظهار حسن النيه اعرضي عليه انك تستشوري له شعره ...سدي خشمك ...


5) خذي الجوال وفرغي البطاريه يعني العبي فيه لين الشحن ماينتهي ..ولا بغى يخرج من البيت قولي له جوالك بطاريته فارغه ..خذ بطاريتي ....كرم أخلاق من جد


6) خذي مفتاح سيارته وخشيه ..وإذا سأل عنه قولي انكِ شفتيه مع طفل في العائلة عمره سنه ...طبعا مايقدر يخاصمه ولا يضربه على العكس حيتحايل عليه ويحاول يوصله المعلومه بأي طريقه ...وانتي اضحكي عليه بس لا يشوفكِ ..قومي دوري المفتاح معاه لاتفرحي بانتصارك مو وقته ...في النهايه بيتصل لربعه علشان يمروا عليه ...اهني اسئليه إذا محتاج فلوس ( ايه لا تبخلي عليه ولاتقولين لي ماعندي ..جيب السبع ما يخلى .. وفي النهايه كله لصالحكِ ) اعرضي عليه من 100 الى 300 في الغالب هو راح يرفض ماله وجه ...ماوداكِ السوق وبعد يأخذ منك فلوس ؟؟!!.......


7) قبل ما يطلع من البيت خذي مفتاح غرفته بعد مايقفلها ...حاولي تحصلي على المفتاح ضروري ...لا رجع من السهره طبعا يبي ينام ..يدور على المفتاح في الميداليه ماراح يلقاه ..اكيد حيتوقع انه ناسيه او مضيعه برا ...طبعا ماله مكان ينام فيه الا الكنبه ....روحي قوميه وقولي له نام في غرفتي انا ماني نايمه ....قمة في الكرم والأخلاق ....هنا من جد انتي كسرتي خاطره ...وضميره اكيد بيقوم ..ممكن مايبين لكِ لكن ثاني يوم راح يجي بنفسه ويقلكِ أي سوق تبغين...

pnm://www.fanateq.com/audio/tap/rm/536.rm

[الرجل البسيط]

معليش ابو ابراهيم اني دخلت بس انت منعت الغزلان الملثمة وانا ماني منهم :p


الله يهديك يا ابو ابراهيم انت تبي تقويهم علينا :3: وبعدين يا حليلك اكيد انهم قد سووها لانه ما يطوف على البنات شيء وخصوصا اذا بغوا الطلعة :4:


حلووووووووووووووووووووووووووووة موووووووووووووووت

يا ابو ابراهيم :D


ربي يعطيك الصحة والعافية


اخوك
ابو علي

[الفراشة]

سلا11111111م
شكل وحدة من خواتك مسويتها فيك وبعدين لا تشيشنا على اخوانا محنا ناقصين زعلهم
تحياتي
الفراشة

[الغزال الملثم]

معليش ابو ابراهيم تراي ما بعد دخلت الى الان :D:D <== وشلون اجل كتب الرد :D


وراك علينا :3: :3: ؟؟؟


الحين البنات يقولن لنا ودوا والا خطة السعودي عندنا :mad: :mad:


وحنا :3: يا غافل لك الله




شكرا لك ابو ابراهيم


تقبل تحياتي;) ;)

[السعودي]

وأخيراً صدنا الغزال .....وانتظروا فك اللثام

اضغط هنا لقراءة الخبر الأكيد في نزع اللثام العنيد (http://forum.buraydh.com/showthread.php?s=&threadid=19947)

ولذلك يصبح العنوان " كيف تستطيع استدراج الغزلان وهي مطرقة لك الأذان "

http://www.alhusam.com/vb/images/myicons/11.gif http://www.alhusam.com/vb/images/myicons/11.gif

[العبرى]

والله ياهو بيحس,, :confused:

------------------------------

أبقول شئ مادري له دخل ولا لا!!,, :confused:


مره أخوي الكبير يلعب كوره مع أخوي الصغير (حنون صح)

وبالصاله (ضيقت),,, المهم حسيت أنه ناوي على شئ

لأنه يشوت الكوره على الجدار اللي أنا متركيه عليه

بالتحديد فوق راسي!!! :13: قلت له لا تضربن!!

وهو يعاند!!!(مستخف دمه),,,قلت له أذاضربتن ترى أبسوي


شئ يزعلك وأنا مالي دخل (أنا حذرته)!!! :o

وفجأه ماحسيت ألا والكوره ضربتن!!!

تدرون وش سويت: :4: ,,,فتحت الثلاجه,,وأخذت صلصه (معجون طماطم)

وكبيته على منطقه صغيره من ثوبه :5:

أنا فرحت (بردت كبدي),,بس الأخ ماقصر!!!

فرك كل خشتي (يعني ملى أثمي) بباقي الصلصه,,,

:3:

الحين هذا وش يسوى معه!!!

-------------------------------

ماله دخل صح :D ,,,معلييييييش,,,

تحياتي

العبرى

[الجنرال]

السلام عليكم

هلا اخوي السعودي....ايش فيك على الغزال....

وبعدين ترا منظمة " شباب " تطردك:D ...لانه انت الان خالفت الشروط...وافشيت

سر من اسرار المنظمة...........ولاتستبعد يطلع بيان من المنظمة يتهمك بانك عميل

لمنظمة " بنات"":p

اركد واحذف الموضوع لااشوته الى الحي اللي انت تعرف;) ...


تحياتي ..وكثر من الزيارات;)

[القهوه]

اخوي مسأ الخير
الا تعلم انك بهذا العمل تدعوا فتياتنا للتمرد والعصيان والتخطيط للارهاب النسائي الخشن!!
واحب اقول لك اخوي السعودي كانك بهذا العمل تبيع البض على سلاقينه!!!!!!!!!!!!!
كأني بك اخي اتيت لهن بأفكار كن تجهلنهن الفتيات !!!
((الله يرضى عليك بدون زعل ترى حنا اصدقأ يا صديقي))
عذراً لوقاحتي ولكن حبيت اكون لك اخ!!!!!!
ولكن عندي اسئله وهي :
-لو كان اخوهالايحب الأستحمام مالعمل؟!!!
-لوكان اخوها معه (مغازل) ماله رجلين!!!!!
-لوكان اخوها(امي) لايقرأ ولايكتب مالعمل؟!!
-لوكان اخوها(اصلع)مافيه ولاشعره مالعمل؟!!
-لوكان اخوها(اصمخ) لايسمع مابيده جوال مالعمل؟!!!!
-لوكان اخوهاينام بالسطح بالصيف وينام بالمقلط بالشتأ يعني ماله غرفة مستقله مالعمل هل يروح يستأجرله شقه علشان يصير له غرفة ؟؟؟؟!!!!!!!!!
محبك القهوه

[الغزال الملثم]

صراحه يا القهوه حجرت لسعودي


شلون ما خطرت لي الفكر هذه :D :D :D

[فتاة الشرقية]

**** أهلين اخووووي السعودي
ياخي كيذا المشاررركات ولا بلالالاش
أنا عن نفسي نفذت أغلبها لأني عندي
*** أخو الله لا يوريك ***
** لكن أول وحده حقت مزيل المناكير ....
هذي أول مررره أسمع عنها لكن بجربها
الخميس الجاي إذا عيا يظهرني(يمشيني) .....(خبله وموصاه) ..
وسالفة تفضيت البطاريه أنا فضيتها بس للأسف ماتكرمت
عليه ببطارية جوالي خليته يروح ببطاريته فاضيه
بس جاني تكفيخ ذيك اليوم على كيفك ...........لأنه ماأكتشف إن
الجوووال فاضي إلا يوم إنه طلع من البيت ...........
وفيه بعد طريقه حلللوووه أسمح لي بقولها للبنات ( إضافيه ) ..
** إذا رفض يطلعك حاولي تحصلين على غترته (شماغه) ...
وأفرشيها فرش لين تصير بشكل مربع .........
وأكويها كوي لين يضيع المرزام وخليه ...........
يحوس .. لا جا يلبسها ........ مايدري وين راسها من كرياسها ...
وصدقووووني يابنات بتبرد كبدكم إذا شفتوه يحوس مع غترته .....
بس إتوقعي أي شيء منه في ذيك اللحظة يعني إحتمال يلفك بالمكواه
على وجهك وهي حاره .. لأنه في وضع لا يحسد عليه ....
وهذي طريقه بعد بس هذي إذا رفع ضغطك بأي شيء:
** عليكي برسايله سوي(مسح الكل)........
** وجهاز كمبيوتر سوي له (فور مات)......
والله لا يحرم يرفع ضغطك بأي حاجه .......
بس أكيد بتنطقين (إستحملي) .......
**************
وبالنسبه لأخوي القهوووه .......
ليش متحامل لها الدرجه على أخونا السعودي
وصررراحه أحس إنك أهنته
والسعودي شخصيه الكل يحترمها في المنتدى
وحرام عليك الي قلته فيه وأخص كلمة

فها العباره أحس إنها تجررح أي رجال في مجتمعنا السعودي
وياأخي القهوه : لا تحسب إني أدافع عن أخونا الكبير
السعودي لأنه كتب هالمشارركه لا بالعكس
الاخ السعودي محترم من قبل أعضاء منتدانا
وأنا أحترمه من قبل هالمشارررركه .......
والكل يشهد ... على هالشيء ...

****
تحياتي : أختك/ فتاة الشرقية .



:1: :1: :1: :1: :1: :1: :1: :1: :1:

[القهوه]

اخواني السلام عليكم ومسأ الخير
اخوي السعودي ارجوك انصافي !!!!!!
وانتم كذلك ايها الرجال المشاركون انصفوني او عدلوني او انتصروا لي!!!!
الاخت المحترمه فتاة منطقتنا!!
ايهما اشد كلمة ((محامي النسوه)) ام ((والله سخافه))
هل ترضين اناطلق عليكي محامية الرجال ام سخيفه والعياذ بالله وانت تكرمين عنها!!
وكم تعلمين ان الفتاة طبيعتها الرقه والأنوثه والبعد عن الكلمات التي تلوث لسانهن وتخدش حيائهن !!
وختاماً اعتذر للجميع !!!
واحب اقول للمراقب ايهما اشد سخيف ام محامي النسوه
محبكم كلكم القهوه

[السعودي]

السلام عليكم ورحمة الله وبركاته

قهوة معاليق قلبي ..قل ( لا إله إلا الله ) خير من الدنيا وما عليها

أختي فتاة الشرقية قولي ( استغفر الله ) فإنها تكفي لإرضاء أخي ( القهوة ) وهو فقط لا يريد منكِ سواها ....

ـــ فإذا كان لي قـدر عندكم ... وكما تقولون / أرجو منكما تحرير ردودكما ... خصوصاً الكلمتين اللتين كانتا سبباً .. في جعل كل منكما يسىء الظن بالآخـر

ـــ ولا تنسو أحبابي أننا نكتب في منتدى الطرائف ... وليس المواضيع الجادة والتي ليس مجالها ها هنا

ـــ فأنا بطبعي احب الدعابة والطرائف ... ولكني أحجمها واقلل منها قدر المستطاع خوفاً من حدوث ما يشوبها من سوء الفهم فتأتي النتائج عكسية

ــ ( القهوة + فتاة الشرقية ) ... يعلم الله إن لكما معزة عندي لو تعبأ بتـنك ما تشيلها تريلات الراجحي

ــ يا لله كل واحد منكما يعتذر للثاني وإلا سوف تكونان سبباً فـي رحيل محبكم الـ( ؟؟؟!!!! )

فتاة الشرقيةhttp://www.sahwah.net/sahwah/avatar.php?userid=3576&dateline=1040747666 القهوة

ــ واعفوا واصفحوا .... ألا تحبون أن يغفر الله لكم

ـــ تحياتي لمن أحبني ( القهوة ) أبو مسمار ... وأحبكَ الله

ــ تحياتي لأختي ( في الله ) فتاة الشرقية .... وأحبكِ الله

[فريـــد]

في البداية : لانرضى بحال من الأحوال أن يكون هناك اساءة لأي شخص في هذا المنتدى ..

فما بالك إذا كانت الإساءة موجهة لحبيب الجماهير الأول النجم السعودي بالتأكيد لن نقبلها

ولذلك أرجو من القهوة + فتاة الشرقية . التسامح والعفو في مابينهم

عشان مايزعل علينا الأستاذ ابوابراهيم

ولكم تحياتي

[بـــســـام]

اقول تلايصو كلكم ولايكثر القرق

وتراكم ابلشتونا محامي وما ادراك ما محامي

والله اذا ما عقلتو لا اعلق كل واحد مع شوشته بالمروحه واشغله على رقم واحد

<---- والله ياهو متهور

تحياتي للجميع

واحسن شي هوشة القهوة وفتاة الشرقية

تصدقون ودي اشوف هوشات ومعط اشوش وتكسير اضافر في المنتدى

<---- على باله قال شي مهم

[فتاة الشرقية]

أستغفر الله

***
أنا آسفه يالسعودي

أنا آسفه يالقهوه

على إني تدخلت بينكم

وحشرت نفسي بينكم ..

وسامحووووني على هاللقافه...

وآسفه على التأخير لكن (ظروف) ...

وأسمحوا لي أدافع عن نفسي .........

لأني لحد الحين وأنا حاسة إني

ما غلطت ولكن :

** علشان السعودي ....

** ولأنا إخوان وبمنتدى ووووووووووواحد ....

إعتذرت .............

وأحب أرد على سؤال أخي المحترم: القهوه ..

** الأشد ياأخي القهوه هي (محامي النسوه) ..

لأن( سخيف) .. كلمه عاديه ..ومش من الكلمات الي

تخدش الحياء وتلوث اللسان ...

** وشوف أنا يوم قلت: (والله سخاااااااافه)..

كان قصدي فيها : إن كلامك ... ماله داعي تقوله ...

ومالها عندي أي معنى ثاني وإحتمال يكون معناها

عندك شيء ثاني ...........؟؟؟

وكان المفروض ماأقولها لأنا في منتدى الطرائف..
ولأني المفروض ماأتدخل بينكم ..

لكني (إنفعلت وتركت العنان لأناملي) .. يوم شفت

كلمة (محامي النسوه) ..............

فهي كلمه .......قووووووووويه .........

ويمكن تكون قلتها أنت على سبيل المزح ........

وأنا خذتها بجديه .......

فآسفه على هالتسرع ..........

وكلنا خطاؤن ..............

** أخي القهوه .. وش رايك تسووي تصويت
لأيهما أشد
(محامي النسوه) أم (سخااااااافه)
***
تحياتي :أختكم/ فتاة الشرقية .

:1: :1: :1: :1: :1: :1: :1: :1: :1: :1:

[عبدالله30]

السلام عليكم00

كلمة حق00يعني شهادة00


كلمة سخافة اشد واقوى00

اما محامي النسوة بالعكس كلمة عادية جدا0

تحياتي

[البكيراوي]

فتى الشرقية ( القـهوة ) وفتاة الشرقية


ما شاء الله عليكم ......:D



اثركم تهاوشون بذا ..



ترى الهواااااش ممنوع بالطرائف


بقــرار من معاليه ..:D


اللي يبي يتهاوش يروووووح بعيييييد ثمن يجي لمنا ويوسع صدرة ..


بعدين اقولكم شئ بس ما تزعلون ..:rolleyes:


وعد ؟!

اسمعوا


مهب عيب عليكم

يا عيال الشرقية ...:) >>>( والنعم والله باهله )..:cool:


انكم تجوووون تتهاوشون عندنا بذا ...:D


وانت عياااااال ديرة وحده ;)


بعدييييين اهل وسكان الشرقية معروفيييييين بالسماحة ..


يعني لو تصدمه سيارته بالشارع ...وتخطي عليه


نزل يضحك بوجهك ..ويقول وش حقه داعمني ...:p

وهذا من طيبته وسماحتهم ..

عاد وانتم خلكم سمحين وحبايب

ولا تزعلون السعودي علينا

ويبدا ما يجي للطرائف ابد :eek:

[فريـــد]

صدق أخوي البكيراوي ..:D :D وقال ووفى - ماشاء الله عليه -

------------------------------------------
طلب خاص من الأخ السعودي:
=====================
أنا لاحظت أن أكثر من يدخل لموضوعك هم من اللي لهم علاقة بالإرهاب .. عفواً : أقصد القهوة :D

ولذلك أقترح عليك تغير في العنوان من : خطة استراتيجية للبنات فقط ( ممنوع دخول الغزلان الملثمة )

إلى : خطة استراتيجية للبنات فقط ( ممنوع دخول من لهم علاقة بالقهوة ) ;) :D

ودمتم بخير