البكيراوي في مـدرجــات أستــاد بريــدة !!

[البكيراوي]

السلام عليكم ورحمه الله وبركاته ,,,,


ومساكم الله بالخييييييير جميعا !!


اليوم جايب لكم سالفة صايرة بالمدرجــات :D


طبعا هالسالفة اللي انا جايب سامعه , ولا انا منب وجه حضور مباراااايات :cool:


ما اطول عليكم !! اخبر هاللطلاب عندهم إختبارات الله يعنهم


يقولك هكالنوبة عصر الجمعه كانت بـُه مباراة بين الرائــد و التــعاون

عاد وتعرفووووون الحماس والتنافس بين هالفريقين !! يعني بالليل تبي تصير سالفة المجالس ببريدة وبالقصيم بشكل عام !! كلن يبي يسولف عن المباراة وش صار به !!

عاد ويجيك رئيس رابطة المشجعين ابو سليمان ( بطل قصتنا ) يوم طلع من صـلاة العصـر ولاه مولم الهـوليكس الـ 79 حـق المـزرعـة !! ورابــطن عليه علم التعاون حبـيب القلب..

وضاف بزارين خلق الله !! اللي ولد اخته واللي ولد اخوه واللي لقاه بالشارع و مير ياخذه بالغلط

ومطقم للبزارين طواقي علشان الشمس ما تذبحهم ومعطي كل واحد منهم علم أصفــر ..

ويوم ركبهم بالصحن !! وهالبزارين مسفهلين وهم يدورن بشوارع بريدة :p


ويوم وصل الملعب ولاه اول من جاء ومير يدخل المدرجات وكلن مطير عيونه بهالبزارين !:eek: !

وتخبرون ابو سليمان ما هنا دبره !! يعني متحمس على غير سنع !!

ويروح ويلقى هكالمحل الوسيع ومير يجلس هو والبزارين اللي ضافهم !!

ويوم بدوا العالم يجتمعوووون وقربت تبدا المباراة !!


ولا الحبيب ابو سليمان جالس بمدرجات الرائــد :confused:

وتبدا والله المبارة ويبدا الحماس بين الفريقين !!

ومير تطلع العلووووووم من هالبزارين !!

كلهم وبصووت واحد يقولون



تعااااون ...تعاون ...!! تعااااون ...تعاون ...!!



وجماهير الرائد كله تنااااظر :eek: مستغربة !! كومة جالسين بنص مدرج الرائد مع هالهدر ( ابو سليمان ) ويشجعون التعاون :confused:

طبعا بحكم انهم بزارين تركوهم !!

والله وتجي هجمه خطرة للتعاون ويجي السكاكر ويحط بالباب وهدف !!


ومير يبدون البزارين يناقزووووووون !! ويصارخوون !!



سكااااكر ...سكاكر ...!! سكااااكر ...سكاااكر ...!!



عاد هالحين اندبلت اكبدهم صدق جماهير الرائد ولعت معهم :4:


ومير يجي واحد عيااااااااااار منهم !! ويشوف هالبزارين اللي مطقمن طواقي مع الهدر ابو سليمان !!

ومير يقول !!


يالدجاجة سكتي عيالتس

ومير يضحكون جماهير الرائد ويبدون يردون وراه !!


الدجــاجة وعيالها..... الدجـــاجة وعيالها


عاد ابو سليمان مات من الفشل !! كلن يناظره !!

ومير يلقط البزارين ويقول لهم قوه مشينا !!

والبزارين جلسوا يصيحون عليه !! يبون يكملون المبارة !!


وصار الهـدر ابو سليمان في موقف لا يحسد عليه !!


هذي السالفة !! واتنمى انه جازت لكم !!

وتراي قلته كما سمعته !! والا الرائد والتعاون & والتعاون والرائد كلهن غاليات على قلبي !! وجميع اندية القصيم فلا يزعل احد !!

وترقبوا !!

سالفة دحيم في ملـعب الملز !!

تحياتي لكم !!

البكيراوي

[قروي فاهم]

ياالدجاجه سكتي عيالتس ..

حلوووووووووه .


يسلمووو البكيراوووووووي

[الغزال الملثم]

الله يقطع سواليفك يا البكيراوي :D :D :D



اجل اخذن واحد بالغلط لقاه بالشارع :D :D :D <===== اكثر وحده عجبتن



القصه حلوه بس اللي فوق احلى والله جلست اضحك اكثر من 5 دقائق على الفقره العلويه


تسلم موووووووت يا الغالي البكيراوي

[بنت الشقه]

السلام عليكم

حلوووووووووووووووووووووووة :D :D :D

ويعطيك العافية .....

بنت الشقه

[الداحوس العمى]

السلام عليكم:1:

ههههههههههههه حلوه:D

مثل هالهدور كثير ولو تسأله عن اسماء الفريق مايعدلك اثنين:D ;)

[البكيراوي]

قطرة ندى !!

هــــــلا والله !!

مشكورة على التواجد والحضور !!

وتسلمين !!

[البكيراوي]

حبيب قلبي الغزال الملثم !!


هلا بك والله ...!


وترى أحولت عيوووني وانا ادور القصة اللي أعجبك :D


بس الظاهر انه الهايلوكس الـ 79 حق المزرعـة :p


شكلك راعـي هالحركات !! إن كنت منب واهم !! ان صعيدي المزرعه متوذي منك :mad:


وتسلم يا الغالي .......! :1:

[البكيراوي]

الاخت الفاضلة !! بنت الشقة !!

هلا بك والله !!

واهم شئ ان القصة اعجبك !!

هذا هو المطلوووووب !!

وتسليمن على التواجد والحضور !!

ويا هلا بك ...

[البكيراوي]

الداحوس العمى !!


أهلا أهــلا ..!!

بس حراااااام عليك !! يا رجل !!

ابو سليمان رئيس رابطة المشجعين !!


تقول عنه ما يعرف اثنين من اللاعبين :p


الرجال يهذري بهم بالليل :D


بس مشكلته دلــخ وهــدر !! يعني ما هنا دبره !!


واذا تبي تشوف الهدر صدق !! اللي ما يدري وش الكوووووورة !!

ترقب الموضوع القادم


سـالفة دحــيم في ملـعب الملز

ذاك الهــدر صدق !!

وتسلم يا ابو الدواحيس كلهن :p

[صقار]

البكيراوى .... حبيبى الحبيب اللبيب .......... بدا يمون .
هلا ومسهلا ..
شف اول ما بديت اقرأ ..
ويوم وصلت لكلمة هدر ..
.
.
.
.
.
وقفت وقعدت اتوقع..
.
.
.
.
قلت اية بس ..
.
.
.
.
يوم وصل الملعب واثر المباراة مؤجلة..
.
.
.
كملت وفشل توقعى كالعاده ....
.
.
المهم يعنى ..
فاز الامل ...................... ما يدرى وش الموضوع .
.
.
.

ورط البكيراوى ..
.
.
تحياتى ...

[الفراشة]

ههههههههههههه
والله قصته قصة


ماتسر عدو ولا صديق


وتسلم البكيراوي على القصة


تحياتي
الفراشة

[خـــــــــــــــالـــــــــد]

اتاري السالفه ضحك وفيها تنكيت وانا من عقب العصر كلما جيت افتح الصفحة قلبت على



((( لايمكن العثور على الملقم))))

وقلت مو معقوله فيها ان بس اكيد الملقم مات من الضحك وضيع الخط

بس حلوه يالبكيرواي عطنا زي كذا خل ربع المنتدى الرياضي يقلبونها روح رياضيه ويستانسون

[العبرى]

حلووووووووووووووووووووه,,



رهيييييييييييييييييييييييييييبه,,


رائئئئئئئئئئئئئئئئئئئئئئئئئعه,,

وبأنتظار السالفه الثانيه,,,

تحياتي

العبرى

[أبو عنبر التعاوني]

السلالالالالالام


أخوي البكيراوي يا ثقل دمـــــك .................

لا والمره ذي على التعاون ...................

كلـــش ولا التعاون ........ نراه احب لي من اي شي ........

وبعـــض المرات أحــــس ...... اني أبنجن من حبي لــــه

مير اقول اعقل وأثقـــل وخل عنــــك مثل هذولي ......

المواضيـــع ..........................




تحياتي لكـــــــــــــــــــم
أبو عنبــــــــر:D;)..............

[المعيد]

انا من يوم شفت الكاتب البكيراوي

عرفت إن فيه مصيبه ... بس منهو بطلها

صار هالمره أبوسليمان

أجل تلقاه يعضعض أضافره هالحين من الفشل

وأن أقول وين بزارين حارتنا يوم الجمعيه ما هي عاده بالعادة الشارع لجه من هالبزران .

الله يطلع سنك من الضحك يالبكيراوي ..

وبأ نتظار الحلقه القادمه من قصص للبكيراوي

[البكيراوي]

أهـــــــــلا بالغالي ( صقــار ) ..!


هلا بك والله وتمووووووون ونص بعد ..

اذا انت ما تمون من اللي يمون اجــل ؟!


بس حرام عليك يا رجـــال !! تقول المبارة مؤجلة !!


وييييين يا حبيبي !! تفوت على ابو سليمان هذي !! مغيب الجدوووول :D


ايــه تقول فاز نادي الامل :p

عندي لك سالفة نادي الامــل <<< يا حبك للسواليف يا البكيراوي

هذا الله يسلمك ايام الازمه

كنا متجمعين بالقصيم كومه عيالين :p وما غير فت كورة عن نادي الامــل

جنب النادي بُـه ملعب مزروع ومسبل للي يبي يلعب !! وهو تبع النادي

السالفة ان اللي يلعبوووووون كان يفتون يلعبون صح !! وتجتمع العالم تناظرهم:eek:

يعني برنامج البكيراوية العصر متابعه المباريات !! كل واحد يجيب بساطة وزمزمية الشاهي وفصفص يعقد يعلق على اللعب :D

وكل اللي يلعبوووووون اعرفهم هم من سكان الرياض اصلا وهم فتيته كورة ومشهورين بالحواي

السالفة انه جاء مصري النادي ( الظاهر انه المدرب ) و قال تعااااااالو تمرنوا داخل النادي ونسجلكم !!

عاد يقولون انه تمرنوا مع فريق النادي وصكوهم :D


وهالسالفة لك تبي تصدقه والا امزعه بووووووز :p

بس تجمهر العالم على اللي يلعبون هذا انا شايفه بعيني لاني كنت الحق كور هكالوقت :p



وتسلم يا الغالي على حضورك ..

[البكيراوي]

أهــــــــلا بالاخت فراشة ...‍‍‍!!


هلا بك يا لغالية

واهم شئ اعجبك الســالفة :cool:


والدلاخلة ما له حــل:o

شاكر لك تواجدك وحضورك :D


وتسليمن ......!

[البكيراوي]

أهلييييين ...! تحية كبيرة لــ أنا هنا !!


اهلا بك يا الغالي وتواجدك منور المشاركة ..!



اجل لا يمكن العثوووور على الملقم :confused:


الظاهر من دلاخه ابو سليمااااان :D يا حول يا ابو سليمان !!

عساه يحللن بس :p

مشكور يا الغالي على تواجدك وابشر بسعدك !!

الحلقة القادمة

قصـة دحيم في ملعب الملــز


وتسلم يا الغالي :)

[الجنرال]

هلا البكيرواي

سبقتني للموضوع:D ....عندي موضوع حول هالموضوع بس قلت اجله عشانك..

;) ...

بس حلوة الدجاجه ...ههههههه( وكما ن عندي موضوع اخر عن الدجاجه:D ..)


تسلم على التحفه يا واسطتنا;) ...

[(عروس الهلالية )]

هلا وغلا بكيراوي


والله انك منسم ويبيلك نفخ ورقع من 4 جهات


اجل الدجاجه عياااااااالها ابلشو المتفرجين ,=====الله من زين الجمهور الحين


بس تعااال ما علمتنا


عيال الدجاجه


هم ديوك ولا دجاج ولا بيض توهن ما فقسن
واذا هن بيض بيض
مسلوق ولا مقلي
واذا هم عيال كم اعمااااااارهم
واذا كانو بنات كيف وصول للملعب وهو للشباب فقط


على العموووووم يسلمووووو اصابيعك اللي فغصت الكيبورد ونقلت لنا البت المباااشر للمباااره



على فكره ؟؟؟؟؟؟؟؟


كم النتيجه ؟؟



تحياتي
عروس الهلاليه
============

[البكيراوي]

الاخت الفاضلة العَــبرى !!

أهــــــلا بك ..

واهم شئ انه القصة اعجبك :)

والاروع والاجمل تواجدك وتفاعلك الدائم ..!


تحياتي لك ..

[البكيراوي]

الاخ العزيز أبـو عنبر التعاوني ..

هلا بك يا الغالي


وفخر لي تواجد شخص مثلك في مشاركاتي المتواضعه ..


وهدئ اعصابك يا الغالي ..

التعاون على عينني وراسي من فوق بعد ..

أعــد قراءة الموضوع حتى تتأكد اني لم امس التعاون بسوء

السالفة وما فيها موقف طريف لاحد مشجعين التعاون فقط ..

اشكرك لك تواضعك يا الغالي ..

[البكيراوي]

ميييييييين !! المعيد !!


اهلا اهلا اهلا ...!


هلا بك يا الغالي !!


وترى المشاركة ناقصة اذا ما علقت عليه :) انت اللي تحليّـه وتزينه يا الغالي ..


اجل مستنكر فضاوة حراتكم هكالجمعه ....



احمد ربك انك ما كنت طارف والا كان ضفك ابو سليمان بالصحن مع الشلة :D



واشكرك على تواجدك وتعليقك يا عزيزي الغالي

[أبو عنبر التعاوني]

السلالالالالالام


أموووووووت على هالأخلاق ...........

البكيراوي عيوني ....... منين هالأخلاق ..>>>>>> أمون ...

بـــــــــــس تبي الصراحه عطيتن اكثر من حقي ..........



تحياتي لكـــــــــــــــــم
أبو عنبـــــر:D;)...............

[البكيراوي]

مشرفنا الغالي الجنرااااااال

هلا بك يا ابو عبدالله ...

وما شاء الله على مشاركاتك ما تقضي :D


تقل تسحب من بير :p قلت ما شاء الله ..


بس واسطتنا هذي ما فهمته زيــن ;)

وانت تأمر يا الغالي ..:cool:

[البكيراوي]

أهـــلا بالرجة والهبال كله بكبرة

اهلا اهلا عروس الهلالية ...

بس ترى نفح ورق من اربع جهاااااااات هذي صعبة ...:D


بعدين خلي الدجاجة بحالة وشو له هاللقافة ...:p


وشكر على تواجدك وحضورك ..:)