بنات الفيس بوك والنت لوق >>مهم جدآآآآ

[تختوخهـ]

بسم الله الرحمن الرحيم

السلام عليكم ورحمة الله وبركاته




تحيه طيبه لقلوبكم الطاهرهـ


وينك يازمان البرائه والحيا .....اطعنوك الناس واختفيت


صورتين



لـ 6او 7 بنات..صافات..عالجدار وملقينا ظهورهم..ومرفعات يدينهم (كأنهم معاقبات)..



ومنزلين البنطلون.. ولافين وجهم عن الكام >>اكيد بتلف وجها خايفه احد يعرفها بس ماخافت من اللي فوقها ومنزلين هالصورة في النت لوق ولا الفيس بوك..



قله الحيا هذي مهيب مقبوله!!



كيف وصلنا لهذي الدرجه من فراغ الاخلاق . ؟؟
وين نبي نوصل ؟؟
يعني لهذه الدرجة بعنا اخلاقنا وقيمنا وتربيتنا ؟؟


ليش صرنا نشوف صور كثيره.. وعناوين الصور



((سعوديات..سعوديات..سعوديات))




لو نتفرج عالصور..




نلقى رجول..




نلقى جزم!




نلقى اساور خضرا<<يعني ترا حنا سعوديات..


نلقى عيون >>يعني مقصدها تجذب لها الذئاب البشرية




بعدين انتي ياللي مصوره انتي وخوياتك..




يعني انتي همك الوحيد ما يشوفون وجهك عشان محد يعرفك..




بس مقفاك.. شفايفك.. و* * * *...... عادي يشوفونه ؟




لأن المهم عندك الناس.. موب الله ...!!




طيب صورتك قدام نفسك طيب.... ما تهتز انك سويتي شي حقير ووضيع مثل هالشي؟؟




اصلاً اصلاً.. كيف صورتوا صوره زي كذا.. يعني ما استحيتوا من بعض يا بنات؟؟




عيب يعني...... يعني عشانكم بنات مع بعض عادي تورون بعض يعني؟؟




ولا اقولكم..انا نسيت انكم ناشرين الصور للشباب..... فما يهمكم البنات..!





يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا..





ودي اعرف امك..وابوك..وش بينظرون لك بعد ذي الصور؟؟



حرام..اهلكم ربوكم احسن تربيه..



بس انتم للأسف ما ربيتوا انفسكم..



فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!





ولا قروب ثاني سعودي برضه... ..والصور اللي ناشرينها..




ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..!




طيب.... وبعدين؟؟ ابي افهم وش الهدف؟؟ مره وناسه؟؟ مره يضحك؟؟ مررره فله ؟؟مررررره كوووول انتم صراحه!!





طبعا ترى الكلام موب موجه للبنات فقط.. .. لأن يوجد عندنا وبكثره رجال عقول فاضيه..




اللي همهم نوم واكل.. ..وفلوس ياخذها من ابوه ولا امه!





تطوروا شوي.. ارتقوا شوي..اطلعوا بصوره احلى من كذا..





انتم عارفين ان النت اكبر وسيله انتشار..




قبل فتره.. في ام بي سي فور.. برنامج من برامجها عارض بروفايلات لبنات سعوديات.. باسماءهم..



طبعا موب اسماء حقيقه.. !



بس شوفوا الصور انتم!! شفايف و * * * * ومدري وشو.. علقوا على هالشي باننا متكمكمين بعبايتنا



عشان كذا نروح عن انفسنا بهاذي الطريقه..




ما تستحون؟؟ صوركم قدام انفسكم!؟ ما تهتز؟؟




انشرو شي حلو,,...حاولو تطلعون بشخصياتكم الحقيقيه.. موب تصيرون مثل الامعه اللي يسوي شي



عشان يقلد الفنان الفلاني.. ولا البنت الفلانيه..




ليه بس تنشرون الشي الشين؟




انواع المقاطع الشينه تنتشر.. انواع الصور الشينه..




ليه؟ وش استفدت؟؟ غير الذنب واالأثم.. انك خليت احد يشوفها.. وانك نشرت شي مو كويس عن



المسلمين!





اقولكم شي؟



شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا..طبعاً لفئه معينه من



الناس..



بس تدرون ان الكتاب تترجم لاكثر من 22 لغه؟؟



تدرون انهم برا يدرسون الكتاب ..



فيه دوله من الدول يدرسونه؟؟ تخيلوا؟؟



يا حلّو الثقافه اللي يتثقفونها بس ..!!



يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في



سلبيات,,!,,



مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه



والسياسيه الاجتماعيه في هذيك الفتره..



هم يدرسون (بنات الرياض) لتمثيل المجتمع السعودي!




انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه



بعيني عندنا..



وكل اللي سووا عليه ضجه.. هذولي يبون يعترضون لمجرد الاعتراض..




ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف !!



ليه تنكرون كل اللي بالقصه وانه موب موجود!



الا موجود ونص والدليل هاللي نشوفه بالنت والسوق والجامعه وكل مكان!



شلون الواحد يصلح مجتمعه؟؟



بأنه يكمكم على اغلاطه ولا يحكيها عشان ما ينفضح قدام الاجانب والناس!




بس عادي يدشرون ويخربون وكل شي.. بس ما ينتشر عنهم شي!




ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم



سعوديين.... ناس طاهرين!




غلط ! كل دوله بالعالم فيها الصالح والطالح..



البيت الواحد فيه الصالح والطالح..




ما تحبون احد يحكي فيكم ابد.. بالرغم من كل الاغلاط بحياتكم..




قبل فتره سمعت انهم رحلو هشوم الرياض.. الى ديرته الحقيقه



(سوريا)



وانه لا يمت للشعب السعودي بصله!



كأن ما عندنا سعوديين من هالجنس!!




ليه ما تصلحون ايميلات تعود لكم بالفايده؟



وتحسن سمعتكم!



وتظهر الجانب الحلو في كل سعودي وسعوديه؟




بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونهالجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو ...فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!





شله شباب..اعرفهم بعد.. طبعا هم نجديين..طالعين لجده..في رحله بحريه..وصادو كميه لا بأس بها من السمك..



تدرون لو باعوا السمك.. كم يبيجب لهم؟ تقريبا 4 الاف ريال ....



بس هم كانتنواياهم اهم من الفلوس..



اخذو السمك وودوه لمنطقه فيها ناس فقرا.. وتصدقوا به..




برضو حمله تبرعات الراجحي..



ترى اكثر من تبرع فيها شباب..




يعني فيه ناس تشتغل.. فيه ناس عندها اهداف.. تفكر صح



موب بس بالنت.. حتى برا النت,,



سواء بنات او شباب..



نبغى جيلنا السعودي الجديد ينتشر عنه كل شي حلو..



انا ما اقول انكم ما تنبسطون... بس برضه بحدود..




موب عشانكم ورا الشاشات .... الأمر يعني عادي؟؟




(هياط ورا الشاشه = مرض)




الصور اللي من النوعيه اللي ذكرتها في البدايه.. بطلوا تنزلونها النت.. بطلوا تحطونها بالبروفايل حقكم.. ترا صدق يعني هالشي ما يبين الا فضاوه عقولكم....لأن هالبروفايل يبين شخصيتك..




اي احد يشوف هالصور..والا يجيه ايميل من هالنوعيه.. يبطل ينشرها.. لأنها يساعد على انتشار



هالظاهره..لأن التقليد عندنا اعمى!!




وابي اتطرق لموضوع دخل فجأه معاي .. بس لازم اعلق عليه(( فضيحه بنت .. الخ)) هالنوعيه من الصور



والفيدوهات.. ترا عليكم اثم لو نشرتوها..



حرام.. يعني ما تخافون من ربي؟؟



اولاً نشرت شي حرام. ثاني شي ما سترت على بنت او ولد الناس..



ما تخاف ربي يفضحك بشي بعد سنه او 2 او 100!!




قال الرسول صلى الله عليه وسلم



(من ستر على مؤمن بالدنيا,,ستر الله عليه بالاخره)



اتمنى ان موضوعي هذا ينتشر بنفس الطريقه اللي انتشرت فيها هالصور..




يهمني الموضوع ينتشر في المنتديات السعوديه.. اكثر من المنتديات العربيه..




لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..




ابغى اذا احد قال((احلى تحيه لشعب السعوديه)) وعادها 6 او 10 مرات..



اعرف ليه قالها.. واقول معه حق..



تعليق :



واعرف من فضل الله ان الغالبية العظمى من المجتمع السعودي بعيدة عن هذه الأمور....


منقول للفائدة



آسآلتي الموجها لكم ؟؟



تعليقكم على الموضووع بكل صراحة ؟؟


مآهو رآيكم ببنات النت لوق والفيس بوك ؟؟


برآيكم وش الاسباب اللي تخلي البنات يدخلون هالاماكن الفاسدة؟؟


سؤال موجه للشباب >>>


هل انت تدخل على الفيس بوك او النت لوق واذ كنت تدخل ماهو غرضك؟؟؟


وماهي النصيـحه التي تقدموها لهذه الفئة ؟؟



واتمنى ان الموضوع يعجبكم

[صديق الملك]

وعليكم السلام ورحمه الله وبركاته


الله يجزاك خير اختي ويوفقك
ويكثر من امثالك


آسآلتي الموجها لكم ؟؟



تعليقكم على الموضووع بكل صراحة ؟؟
موضوع حساس جدا ورائع
اشكرك عليه

مآهو رآيكم ببنات النت لوق والفيس بوك ؟؟
الله يهديهن ويصلحهن

برآيكم وش الاسباب اللي تخلي البنات يدخلون هالاماكن الفاسدة؟؟
برأيي
الفراغ العاطفي
تقليد للغير

سؤال موجه للشباب >>>


هل انت تدخل على الفيس بوك او النت لوق واذ كنت تدخل ماهو غرضك؟؟؟

لأ الحمد لله مالي بالفيس بوك
الله يحفظنا ويحفظ الجميع
ممكن الماسنجر وماافتحه الاقليل جدا
الصفح الرسايل فقط الموجوده

وماهي النصيـحه التي تقدموها لهذه الفئة ؟؟
اتقوا الله ..

[حفيدة خالد]

موضوع رائــــــــــــع رائـــــــــــــع بمعنى الكلمه

صراحه ما فيه كلام نقدر نقوله اكثر من الكلام هذا لانه كلام ما بعده كلام


تعليقكم على الموضووع بكل صراحة ؟؟
صراحه موضوع رائـــع واهنيك عليه وكلام منطقي ومضبوط ميه %

مآهو رآيكم ببنات النت لوق والفيس بوك ؟؟
احسهم بنات قليلات حياء ودين وتافهات وما عندهم احساس بالمسؤوليه
ولا احساس بأهلهم اللي ربوهم

برآيكم وش الاسباب اللي تخلي البنات يدخلون هالاماكن الفاسدة؟؟

ضعف الوازع الديني والفراغ واصحاب السؤء والتقليد اللي على غير سنع


وماهي النصيـحه التي تقدموها لهذه الفئة ؟؟
انصحهم انهم يخافون ربهم ويحافظون على الصلاه ويكثرون من قرات القران
ويبتعدون عن اصحاب السؤء




الله يعطيك العافيه على الموضوع الرائع

[بطلة العالم]

كلام لاتعقيب عليه

نقص الدين والثقه بالنفس له دور كبير

والفيس بوك اسمع به مدري وشو

والبنات راعيات هالحركات تراه كله بتصير فوق راسك واجعلى الجنه والنار امام عينيك

والله يهدي الجميع لما فيه الخير والصلاح

اشكرك من قلبي عالموضوع الهادف

[آنسكًآبَ ||••]

/
~
/
آسآلتي الموجهه لكم ؟؟



تعليقكم على الموضووع بكل صراحة ؟؟
موضوع مهــــم ومنطقي وللأسف واقع بهاليومين:29_1_8[1]

مآهو رآيكم ببنات النت لوق والفيس بوك ؟؟
ناقصات ع ـقل "الله يستر علينآ وعليهم"

برآيكم وش الاسباب اللي تخلي البنات يدخلون هالاماكن الفاسدة؟؟
برايي اقوى سبب هو ضع ـف الدين و الفراغ:(


يع ـــطيك ألف عافيآ عالموضوع ....:for12:

[دخل مزاجي وعاجبني]

جزآ ـكــ الله الــف خير وكثــر الله من امثــــآلكـ


وجعــــــــله الله في موازين حسنـــــآتكـ


الصراحـــه موضوع آكـــــثر من رائع


طرح مميـــــــــــــز


,,,,,,, يسلمووووووؤ آختي تختوخـــــــهـ

[المنطلزه]

جزآآآآآآآآآآآآآآك الله الف خير على هاذا الموضوووع اللي بصراحه يدمي القلب
والفيس بوك ثبت انه حرآآآآم شفته قبل ايام بالجريده بس الحمد لله مااعرفه
والله يستر علينا وعلى بنات المسلمين

[نــف نــف]

تعليقكم على الموضووع بكل صراحة ؟؟

موضوع جميـــل .. وطرح أجمــل ..


مآهو رآيكم ببنات النت لوق والفيس بوك ؟؟

شوفي آنآ .. آمشي على مقولــه .. آي شي آستخدمــه صح آمشي فيه ..

برآيكم وش الاسباب اللي تخلي البنات يدخلون هالاماكن الفاسدة؟؟

المجتـــمع .. آلصديقــآت .. الاهـــل ..



الف شكر ..،

[الزنون]

انا ما راح اجاوب
لكن عندي شيء بقوله

دائم ما نتطرق لمثل هذه الاشياء هنا بالمنتدى
نقول ان البنات والشباب في ضياع ويكلمون بعض و و و
ماذا تكون الردود
انت كاذب
انت مفتري
انت وانت وانت

انتِ مثلاً
لو قلت لك ان اخيك او اختك تفعل ما تقولينه
ستردين علي
انت كاذب اختي او اخي مربينه احسن تربية

هنا المشكلة

نتكلم عن الناس
لكن لا ننظر لخواتنا واخواننا
نعتقد انهم افضل الناس


لي اخ صغير
ابوي دائم يقول ان شلته خربته
واصلاً اخوي يخرب العالم

بس دائم لا نعترف بان اولادنا على خطأ


بعدين كل اللي يصير مرحلة مراهقة
ايام وتمضي
ونسأل الله بان تمضي على خير

تحياتي

[ابوغرام]

موضوع رائع

وصدق شي والله يغث من الي يشوهون صوره السعوديه من المراهقين
الموضوع منطقي وواقعي ولا نقدر نضيف على هالكلام

الله يجزاك خير

[≈ Śķőőŋ »]

ودي اعرف امك..وابوك..وش بينظرون لك بعد ذي الصور؟؟
ومن قالك انه يدورن عن هالصور ياغافلين لكم الله

بجد شي يفشل الله يحفظنا ويستر علينا يااارب

جزاك الله خير

[فلسفة جيـل]

بجد موضوع جمييييييييييييييل و طرح آجممممل ,
يآليت كنتي منزلته بآلمجلس آحس هنآك مكآنه .. :29_1_16[1

بصرآحه مآفي كلآم بعد آللي قلتيه , كفيتي و وفيتي

برد على آسألتك ,


تعليقكم على الموضووع بكل صراحة ؟؟

موضوع جمييييل جداً و يحكي وآقعنآ :) :for12:

مآهو رآيكم ببنات النت لوق والفيس بوك ؟

في بنآت يدخلون فيه لمجرد { آلتسليه } و في

بنآت يدخلون للهدف آللي تكلمتي عنه .. :29_1_16[1

عموماً آحسهم { نآقصآت عقل } ولآ يدخلون آمآكن

زي كذآ ليش ..؟ حتى لو كآن مجرد آلتسليه , بتتسلين

جيبي صديقآتك و سولفي معهم بآلمسن .. :29_1_16[1
برآيكم وش الاسباب اللي تخلي البنات يدخلون هالاماكن الفاسدة؟؟

آلفـرآغ , آلتقليـد , غيآب آلوآزع آلديني , آلصديقآت .. :29_1_8[1]

و أهم نقطه تخليهم يدخلون هآلأمآكن هو { آلفـرآغ آو

بآلأصح آلطـفـش } .. :29_1_8[1]يعطيييك الله ألف عآإفيـه .. من جد طرح حلووووو

الله يجعله بموآزين أعمآلك يارب .. :):for12:

[تختوخهـ]

مشكوووووووورين

على مروووركم الرااائع

اشاء الله نفيد ونستفيد

[الأرجوانه]

تعليقكم على الموضووع بكل صراحة ؟؟

الموضوع روووعه وواقعه نعيشه الآن ..

مآهو رآيكم ببنات النت لوق والفيس بوك ؟؟

عادي انا عندي احساب بالنت لوق والفيس بوك .. لكن كل شئ له حدوده



برآيكم وش الاسباب اللي تخلي البنات يدخلون هالاماكن الفاسدة؟؟

هذولي مووب اماكن فاسده .. لكن بعض اللي يدخلونه فاسدين ..




وماهي النصيـحه التي تقدموها لهذه الفئة ؟؟


اقول كلل شئ له حدود .. وتذكري الله قبل ماتسوين شئ ..

[تختوخهـ]

انتِ مثلاً
لو قلت لك ان اخيك او اختك تفعل ما تقولينه
ستردين علي
انت كاذب اختي او اخي مربينه احسن تربية

معك حق اخووي وهذي اكبر مشكله اننا ناظر عيوب الغير وما ناضر عيوبنا
وننتقد بعد
والاصلاح من الفرد وكل واحد اصلح نفسه او غيره سوااء كاان ,صديق ,ابن عم ,
ابن خال ....الخ
لاصرنا احسن الشعوووب
اتمنى ماتتضايقوون من الكلام
تحيااتي لكل من رد ولم يرد

[تكرونيه كووول]

الســلام ,,
بصراحه موضووع رائــع وواقعي جدآ ,,
وانا وحده من قريباتي مسجله بالنت لوق
وانا قاعده انااضر الصوور انهبلت ماتوقعت رااح
يووصلن بناات السعوديه{الاسلام} يسوون كيذا,
مغطييه وجه طبعا لكن فييه اشياااء اعضم واستغرب منهن
مايستحن من انفسهن مايأنبهن ضميرهن ,,
بس لو فكرتي اشوي انهن موب معقوله بدون ضمير او عقل
لكن الشيطااان ماالي حيااتهن بختصار مافيه وقت تفكر ,,
وهو احرص عليهن من انفسهن ,,
وهذا بلاء الله يعافيهن ولا يبلانا ,,
,
,

تعليقكم على الموضووع بكل صراحة ؟؟
موضووع راائع

مآهو رآيكم ببنات النت لوق والفيس بوك ؟؟
ماقدر اقول الا الله يهديهن

برآيكم وش الاسباب اللي تخلي البنات يدخلون هالاماكن الفاسدة؟؟
والله اشياء كثيره لو نبتل نحتسي بهن ماقضينا ومن اولهن الغزو الفكري
الي يشوفوونه بالتلفزيوون خلاص صار شي عادي


عذرا اختي على الاطأله لكن موضووع رااقي لي ,,,

لك كل الشكر والتقدير ,,

اللهم وفقنا للخير يارب العالمين وسهله لنا ,,

اللهم حبب إلينا الإيمان وزينه في قلوبنا وكره إلينا الكفر والفسوق والعصيان ,,

[هيـبة ملك]

تعليقكم على الموضووع بكل صراحة ؟؟
طرح جميل جزاك الله خير
وكتبه الله في ميزان حسناتك

مآهو رآيكم ببنات النت لوق والفيس بوك ؟؟

الله يهديهم جميع البنات والشباب

برآيكم وش الاسباب اللي تخلي البنات يدخلون هالاماكن الفاسدة؟؟
والله حسب الاستخدام كل شي الحين صار سلاح ذو حدين وانت اختار ؟
واكيد اول سبب الفراغ وغياب الوازع الديني وضعف الرقابه الذاتيه
فلو كانت البنت متربيه صح ما راح يضرها فيس بوك او نت لوق
دامها مقتنعه بشي اللي تسويه صح ولا خطا

سؤال موجه للشباب >>>



هل انت تدخل على الفيس بوك او النت لوق واذ كنت تدخل ماهو غرضك؟؟؟
نعم
لا يوجد غرض محدد

وماهي النصيـحه التي تقدموها لهذه الفئة ؟؟
الله يهديهم ان شاءالله واتمنى تكون مرحله وتعدي

الله يعطيك العافيه