عيادة (خن بط) للتجميل وتبييض البشره وتنعيم الشعر .

[خن بط]

تم بحمدلله افتتاح عيادة (خن بط) للتجميل الكشابير وتبييض البشرة اللي تعاني من نمش وحبوب خال وحب شباب وسواد من كثر ضرب الشمس وكذلك تنعيم شعر من تعاني من خشونة شعرها وصايرن تقل اسيام كفر .
علاجنا جميعه يتم بالأطعمه من مأكولات ومشروبات وهذا سر تميزنا .
تبييض البشره : 1000ريال .
نفخ البراطم : 500ريال
تنعيم الشعر: 500ريال
أختي لتبييض البشره فقد إستقدمنا الخبيره اللبنانية (كارول ) وتقوم بتبييض البشرة عن طريق وضع الأطعمه على وجهك المتصفط وتضع( خيار) مخلوط (بتبوله وزعتر) لبناني لمدة ساعة بعدها تنتقل للمرحلة الثانية بوضع (العسل) مخلوط (بقشطة التاج) ثم يترك لمدة خمس ساعات مع أخذ الحذر لايدري النمل بالعسل خخخخخخ
ثم ننتقل للمرحلة الثالثة وهي دهن الوجه (بعصير الجزر) ومعه قليل من( زيت الزيتون) الطبيعي .
أما لتنعيم الشعر فقد تم إستقدام الأستاذه نبوية حسنين وهي استاذة التجميل بأحد جامعات مصر .
لتنعيم شعرك اللي واقف وتقل اسيام كفر يجب وضع (لبنه تركيه مخلوط بفلفل حار) ويترك لمدة ساعتين ثم يغسل ويوضع عليه (عصير طماطم مخلوط بزبادي) ويترك لمدة ساعة ويغسل وستلاحظين الفرق .
زورونا ستجدن مايسركن .من تزورنا مستحيل زوجها يتزوج عليها .
هل بلغ الغباء والإستغلال وقلة الإيمان بالنساء هذا الحد ؟؟ خن بط يتشرف بمداخلاتكم

[نبض قلب]

ايه بلغ اشد من هذا

بل القادم افضع من كل هذا

[بسومة بريده]

وش هالسلطات والمقبلات....

شكله فاتح محل منتجات شاميه لبنه وزيت زيتون وزعتر....

حشى صار فطاير مو وجه اوادم...

[منت اتحادي احراج]

وشفيــــــكمـ؟؟
عــــــــــادي
هل بلغ الغباء والإستغلال وقلة الإيمان بالنساء هذا الحد؟؟
اي غبــــــــــاء يبحتون عن النضاارة والجمـــال

اما بالنسبة لعمليات التجميل
حراااامـ

[" TWIX "]

وش هالسلطات والمقبلات....

شكله فاتح محل منتجات شاميه لبنه وزيت زيتون وزعتر....

حشى صار فطاير مو وجه اوادم...

بسومة ..
شكل عنده مطعم شامي ..
والبايت من المقبلات يبتلش فيه .. ولا يبي الخسارة ..ويبيصير مثل
المنشار نازل آكل وطالع آكل ..http://buraydh.com/forum/images/icons/icon7.gif

[قرفوص]

الله مير يسلمكم يامجموعة خن بط الإستشارية .. واسمحوا بحكم إن كتمان العلم مايجوز .. إني لي أدلو بدولي بالموضوع .. بس ياجماعة خلوكم بعيدين عن دلوي عشان ماينكب عليكم .. بالرد ذا بعرض عليكم بعض المشاكل اللي تعرض علي وأقوم بحلها ومعالجتها ..


.
.

- 1 -


ن.غ.ف من القويع .. أنا أعاني من كبر مساحة الخشم لا من جهة الطول ولا العرض .. خشمي كنه صاير بوجهي كنه مجسم برج بيتزا المائل .. من كبره لاجيت أنام فكيته وحطيته جنبي بسرير أخوي البزر ..! أول ما أنولدت سووا علي فحوصات مخبرية وسريرية لأنهم كانوا شاكين إني شفاط نمل مب آدمي .. ساعدني أرجوك وش أزين بخشمي الكبير ..



أهلين وسهلين بأخوي نون .. بالبداية أحب أقولك عظم الله أجرك بخشمك الكبير اللي الظاهر إن أمك متحومة بلي حوشكم أو خرطوم فيل .. لكن ولا يهمك علاج كبر الخشم عندي وهو على أربع مراحل ..
المرحلة الأولى :
على فكة الريق لازم تشم لك ليمون ابو زهيره لان الليمون فيه مادة تصغر .. وماقد لاحظت اللي يشربون ليمون اغلبهم قزمان ولاجاء بيشغل التلفزيون يحط مركى ..
المرحلة الثانية :
لازم انك تحك خشمك بالجدار مثل مالناقه تحك جسمها بالشبك لاجاها المخاض ..
المرحلة الثالثة :
تحاول تسوي رجيم قاسي لخشمك .. يعني ماتدخل أصبعك بخشمك إلا مرتين باليوم وياليت الأوقات تكون أوقات ذروة ..
المرحلة الرابعة :
تعتزل الناس والعرب عشان خشمك يستحي على وجهه ويصغر من نفسه ..

.
.
.

- 2 -


خ . و . ل من البصرية .. أنا ركبي كلهن سود .. لدرجة إن زوجي إعتزلني من فراشة عشانهم سود ويهددني بالطلاق .. ماذا أفعل ..؟



بسيطة جداً لكنها تحتاج لصبر ومرابطة .. علاجك التالي :
فيه خلطه لازم تسوينها وتحطنها على ركبك قبل تنامين والخلطه هي ..
تجيبين قدر ضغط فرنسي .. وتحطين فيه ماء وتخلين الماء يغلي ويغلي لما ينقطع قلبه .. وبعدها تحطين قطعة سفنجه بوسطها ملح ونمل ميّت ويفضل يكون النمل الميّت مطلع لسانه وهو ميّت عشان اللعاب حق النمل فيه ماده إسمها " الإكتسزوجين " وهي مادة تبيض الأشياء .. وبعد ماتحطين الإسفنجه مع الملح والنمل الميت بالقدر الفاااايح .. تخليين الاسفنجه على ركبك وتربطينها مثل " الشماله " .. وتنامين وتسوين هالطريقه يوم ويوم لا .. لو تسوينها يومين ورى بعض بتموت أنتي وركبك ..!



هذا اللي بجعبتي الحين .. ونفتح بعد مباراة النصر ..

[روح لايسعهآ جسـد]

لو سمحت انا ابي كبسولهـ اكلهــآ
واقلب طبق اصل هيفاء وهبي :4_16_1[1]
لاني بصراحهـ مابي اتزوج سعودي :mad:
وشكلي شين مايأهل للاجنبي:e7:
ياليت ترد لي هل اللقاء عندك هذي الكبسولهـ ؟
وشــــكرآ

[سحايب نجد]

مو قصة غباء لكن هناك فعلا عيادات ناجحه وتخيل البشعه قمر والاغلبيه نصب

[SAGA]

إذا قصدك خلطات طبيعيه عسل وخيار وهالأشياء عايدي حتى الرجال اللي يهتمون بأنفسهم يسوونها خلطات طبيعيه لتنظيف ونضاره البشرة مافيها شي ..

أما إذا تقصد عمليات تجميل وكريمات فمسكينه الحرمه مفتونه بالزين بس فيه شي قاهرني قبل كم شهر رحت لسوق الداخلي وفيه محل كاتب بلوحه ومعلقها على بابه خلطه ال... لتبييض في خمس أيام ومليااااااااااان حريم يبغونه والسعودي اللي يبيع وربي إنه يضحك عليهن ودي أصرخ بهن وش يحسن به بيصيرن بيض بعد خمسة أيام<<شكلي شطحت عن الموضوع................


بس ياليت تحط قسم لرجااال كودهم يزينون شوي

[بنت آلهاص]

مرحبا خن بط

للاسف هذا الموضوع مكرر للعضو العمده العجوز السمنسي

وهذا الرابط المباشر له

http://www.buraydh.com/forum/showthread.php?t=213825

امممم لا اعلم لما الاعضاء كهذا يحاولون التقليد بكل شيء وحتى وصل للمواضيع المتقاربه
,
ولكن ليس انتم من تصنعون هذا فالسمنسي هو وحده فقط

وايضاً ادارة المنتدى لاتسمح للمواضيع المكرره
,

ليت ايام السمنسي تعود لكي نخبره ماذا فعلوا من بعده هؤلاء ....

[خن بط]

ايه بلغ اشد من هذا

بل القادم افضع من كل هذا

الله يستر بس لايحطن جريش بشعورهن علشان يجعدن الشعر .>>شكلي بحط الجريش وصفه لتجعيد الشعر .
قصدت من الموضوع إن الأطعمه ماسلمت من دباشة بعض الحريم ...حررررررراااام شرعا تحطن بوجيهكن وشعوركن طعام . الأفارقه مالقوا يأكلون ومن شدة جوعهم صاروا يأكلون (نمل) . اصحن ياحريم ويابنات ترى النار اكثر سكانها من النساء . تشكراتي نبض

[خن بط]

وش هالسلطات والمقبلات....

شكله فاتح محل منتجات شاميه لبنه وزيت زيتون وزعتر....

حشى صار فطاير مو وجه اوادم...

علمي هالكمخ اللي ولله لو يعلنون عن منتج جديد لتبييض البشره مكون من قشور فصفص مخلوط بزيت محروق ويضاف عليه قليلا من الرماد إن يحطنه بوجيههن ويدفعن الف ريال . دباشه وسذاجه .
كله علشان مايعرس عليها خخخخخ

[غرشوبه الرعبوبه]

من شاف اسم العياده مارجى خير
خنننننننننننننننط بط

[غرشوبه الرعبوبه]

اقول دقيقه بس ابسبحن عليكم بصالة انتظارالعياده لمى يجي دوري
تعرفن زحمه ماشاءالله عليهم هالخنابطه ابدعوا وجعلوا من القمل جرادا :) ..
كان ياماكان في قديم الزمان وسالف العصر والآوان غراب .. شاهد حمامة تمشي
فأعجبته مشيتها لما فيها من ملكية طبيعية .. ففكر بنفسه
وقارن بينه وبينها .. ووجدها تتميز عنه بالكثير .. فحاول
أن يقلد مشيتها .. تدرب وتدرب .. وحاول كثيراً
أن يتقنها ولم يستطع .. فشل فشلاً ذريعاً... ثم أنه
عندما يئس ... أراد العودة لمشيته القديمة .. فأكتشف
أنه نسيها أيضاً .. الان ليس هو بالغراب ولا هو حمامة
فقد هويته بالكامل ..
تحياتي لآل خنابطه :)

[عــــــازف]

شكل سوقك مااااشي بذا العياااادة ...
بس والله مشكلة ..
ان تزينو قلتووو غبياااات ...
وان ما دفعن فلوسهن على الجمااال ..
جلستو تعيرونهم بالشااااميااات والركب السووود ...
انا اقول كل وحدة تغطي وجهها بخيشة وعسى الضبااان ترضى ...

[المنطلزه]

ياخن بط مارجينا منك خير انت وعيادتك
اجل جريش لتجعيد الشعر اعنبوا ابليسك وش يغسله من الشعر ووش يروحه بس

[إلينـ اليوم]

يامجموعة خن بط
مواضيعك تذكرني بددسن أبوي عزيز الله يرحمه:mad:
ماأشوف أي فايده بالمووضوع.

[مشقاص]

يامجموعة خن بط
مواضيعك تذكرني بددسن أبوي عزيز الله يرحمه:mad:
ماأشوف أي فايده بالمووضوع.
الين اليوم

كل الي حصل لخن بط سببه الأدارة صار عنده أنفصام بالشخصيه بسبب توقيف اكثر معرفاته الأصليه الله يكون بعونه .

[دِيم]

.
.
.


:)

عطوا زخات ابرة زِين .. يمكن تزين .


**

[خن بط]

وشفيــــــكمـ؟؟
عــــــــــادي

اي غبــــــــــاء يبحتون عن النضاارة والجمـــال

اما بالنسبة لعمليات التجميل
حراااامـ

وش اللي عادي !!!لعنبو بليسك يحطن طعام وشراب على وجيههن وشعرهن وتقول عادي.
مرتن دخلت على اختي لقيتها حاطتن عسل على خدوده قلت ليش حاطته قالت يقولون انه يمنع تجعد الجلد اذا كبرت . اومير اروح وآخذ قطعة خبزه وكوب شاهي واجي وهي مغمضه واغط الخبزه بالعسل اللي بخدوده وتقعد تصيح وتصارخ علي وصارت مشكله .بس يوم دري ابوي لعن خامسها وعطان خمسين ريال مكافئه .

[خن بط]

بسومة ..
شكل عنده مطعم شامي ..
والبايت من المقبلات يبتلش فيه .. ولا يبي الخسارة ..ويبيصير مثل
المنشار نازل آكل وطالع آكل ..http://buraydh.com/forum/images/icons/icon7.gif


بدينا بالنق والحسد ياتويكس .
شف عندي لك وصفه تخلي عيونك جذابه وإذا شافتهن البنات خقن عليك .
الوصفه كالتالي : اعصر واحد بصل الين يصير ماء واعصر فصين ثوم واخلطهن مع بعض وحطه عند رأسك واذا جيت تنام ضع ثلاث قطرات بعيونك وخلال اسبوع حتشوف الفرق ..بس ترى بالبدايه يبي تورم عيونك ويصيرن حمر تقل قواطي صلصه بس عادي >>وهقه

[aĻŖeem]

كأني اقرأ لقلم العجوز السمنسي
الله يذكره بالخير

.

[جبل السكر]

كأني اقرأ لقلم العجوز السمنسي
الله يذكره بالخير

.

لا الاسلوب ابدا مش واحد
ولا يلي قاعد يصير تمثيل وانا ياغافل لكم الله هههه

وبالنسبه للموضوع والله الحريم مبتليات ادعيلهم بالهدايه
بعيد عن القشطه والزبادي والمربى :f5:

خن بط استمر على هدا النهج بارك الله فيك:4_1_200v[





تحيتي

[خن بط]

الله مير يسلمكم يامجموعة خن بط الإستشارية .. واسمحوا بحكم إن كتمان العلم مايجوز .. إني لي أدلو بدولي بالموضوع .. بس ياجماعة خلوكم بعيدين عن دلوي عشان ماينكب عليكم .. بالرد ذا بعرض عليكم بعض المشاكل اللي تعرض علي وأقوم بحلها ومعالجتها ..


.
.

- 1 -



أهلين وسهلين بأخوي نون .. بالبداية أحب أقولك عظم الله أجرك بخشمك الكبير اللي الظاهر إن أمك متحومة بلي حوشكم أو خرطوم فيل .. لكن ولا يهمك علاج كبر الخشم عندي وهو على أربع مراحل ..
المرحلة الأولى :
على فكة الريق لازم تشم لك ليمون ابو زهيره لان الليمون فيه مادة تصغر .. وماقد لاحظت اللي يشربون ليمون اغلبهم قزمان ولاجاء بيشغل التلفزيون يحط مركى ..
المرحلة الثانية :
لازم انك تحك خشمك بالجدار مثل مالناقه تحك جسمها بالشبك لاجاها المخاض ..
المرحلة الثالثة :
تحاول تسوي رجيم قاسي لخشمك .. يعني ماتدخل أصبعك بخشمك إلا مرتين باليوم وياليت الأوقات تكون أوقات ذروة ..
المرحلة الرابعة :
تعتزل الناس والعرب عشان خشمك يستحي على وجهه ويصغر من نفسه ..

.
.
.

- 2 -




بسيطة جداً لكنها تحتاج لصبر ومرابطة .. علاجك التالي :
فيه خلطه لازم تسوينها وتحطنها على ركبك قبل تنامين والخلطه هي ..
تجيبين قدر ضغط فرنسي .. وتحطين فيه ماء وتخلين الماء يغلي ويغلي لما ينقطع قلبه .. وبعدها تحطين قطعة سفنجه بوسطها ملح ونمل ميّت ويفضل يكون النمل الميّت مطلع لسانه وهو ميّت عشان اللعاب حق النمل فيه ماده إسمها " الإكتسزوجين " وهي مادة تبيض الأشياء .. وبعد ماتحطين الإسفنجه مع الملح والنمل الميت بالقدر الفاااايح .. تخليين الاسفنجه على ركبك وتربطينها مثل " الشماله " .. وتنامين وتسوين هالطريقه يوم ويوم لا .. لو تسوينها يومين ورى بعض بتموت أنتي وركبك ..!



هذا اللي بجعبتي الحين .. ونفتح بعد مباراة النصر ..

هلا والله ومرحبا بصقيقي قرفوص .. خلاص نبي نضمك لمجموعة خن بط .
ماقصرت يابعدي على هالكلام السنع كفيت ووفيت .
اجل يحطن نشا الطعام مخلوط بزبادي بالمناطق الحساسه السودا علشان يبيضهن .تهي تهي تهي :6[1]::6[1]: هالغبار ماجاء عبث . الله يستر لايجينا خسف من تصرفاتهن لعنبوهن شبعن وكفرن بالنعمه

[خن بط]

لو سمحت انا ابي كبسولهـ اكلهــآ
واقلب طبق اصل هيفاء وهبي :4_16_1[1]
لاني بصراحهـ مابي اتزوج سعودي :mad:
وشكلي شين مايأهل للاجنبي:e7:
ياليت ترد لي هل اللقاء عندك هذي الكبسولهـ ؟
وشــــكرآ

شكلتس شينه قووه يوم ودتس اقلبتس لهيفاء وهبي خخخخ
شوفي عندي كبسوله اسمها (كبسولة خن بط السحريه) بس تاكلينها على الريق الصبح وتبي تحسين بدوخه ويبي يطلع لتس ظفور زي مخالب الصقر ويبي يطلع ريش بسيقانتس ويبي يطلع لتس زقم لونه اصفر وتبي تقعدين تقطقطين طول اليوم مثل الدجاجه عاد أنتي وحظتس إن كانت هرمونات السايدرك قويه علطول تقلبين هيفاء وهبي وإذا الهرمونات ضعيفات فالله يعينتس يبون يحطونتس اهلتس داخل شبك وكل صبح يجون ياخذون البيض ويجوزونتس ديتس الجيران ...

[رواسي]

هذآ ليس غبآء
ولآ إستغلآل
لأن البنت خآصةً العروسهـ تدخل شيء وتخرج شيء ثآني

إزآلة الجلد الميت ألي كثير من البنآت وحتى الشبآب لآيهتمون بآزآلتهـ فيقسى الجلد
وغير ذلك

فكل شخص ولهـ تخصص ينفع غيرهـ فيهـ
:)

[خن بط]

مو قصة غباء لكن هناك فعلا عيادات ناجحه وتخيل البشعه قمر والاغلبيه نصب
ماقلت شيء عن العيادات اللي تعالج بعلاجات بعيده عن الأطعمه .. هالشيء حرام ويغضب الله .
تخيلي وحده تكتب بشريط بدايه تقول : اللي تعاني من سواد المنطقه الحساسه تخلط نشا مع زبادي وتحطه على المنطقه لمدة ساعتين وتبون تدعون لي . امحق من وصفه . حسبي الله .
تصدقين لو أعلن هالإعلان واحط رقم جوالي واطلب مبالغ ماليه كبيره إن يتصلن علي ويدفعن . شوفي الوصفه :
لمن تعاني من السمنه وتريد أن تصبح مثل جسم نانسي عجرم لدينا العلاج وخلال اسبوع تصبحين جميله ورشيقه .
الوصفه هي : واحد قرن (تيس) ويطحن ثم يخلط مع خمس وعشرين (قعس) ويضاف عليه قليلا من (غبار) جنوط السيارات الدقاق والناعم ثم يضرب بالخلاط لمدة خمس دقائق ويوضع بالثلاجه لمدة يومين .
ثم يصفى بالمشخال وتشربين منه لمدة اسبوع وستلاحظين ان وزنكي انخفض .
قيمة الوصفه : 2000ريال مع الخصم .

[قيدوم]

زبادي مانقول فيه شي
بس فلفل وطماطم ومدري وشو ...:g1:
الصراحة ماأتوهق بعيادتكم

أهم شي جمال الروح ولا كل شي يروح :4_1_107[1

[زخات المطر]

.
.
.


:)

عطوا زخات ابرة زِين .. يمكن تزين .


**



خلاص ، و الحساب عليك

---


رحمة الله عليكم آل خن بَط ، كُنتم تَضرِبون بسَوط مِن حَديد ، و لا يَلومكم فِي الحَق لومة لائِم ، لَيتني لم " اتفاول " !


لاَ مانع ، من ان نَجد بيينا من ذُريتكم لو كانوا ( خَن وَز ) ..


مُوفقين اينما كُنتم .