اربط حزام الامان عند التفتيش فقط ""وش نسميه

[معلمة]

اشعر باننا مجتمع متخلف عندما نقترب من نقاط التفتيش داخل وخارج المدن ويسرع قادة السيارات لربط حزام الامان ثم فكه فورا بعد تجاوزها ..حتى رجال المرور والامن احس بعيونهم ضحك على المشهد....
ايششششششششششششششش نسمى هذا بكلمة وحدة فقط

[الفلته 9]

الي ما يربط حزام الامان عند نقطة التفتيش راح يأخذ مخالفه

وكل الي يربطونه قبل نقاط التفاتيش خوف من القسيمه فقط

أنا سبق وإن مريت مع نقطة تفتيش وكنت ناسي أربط حزام الامان

فقالي العسكري وين الحزام لازم تربطه لو بس قبل توصل نقطة التفتيش

حتى إذا شافك العسكري ما يقولك شي

[بسومة بريده]

اولا ربط الحزام لمصلحتهم وليس لمصلحة المرور....

ماادري متى ربعنا بيحسون بأهميته بالتقليل من اضرار الحوادث بإذن الله....

اما وش نسميه فممكن نسميه بلاهه...

[بسومة بريده]

الي ما يربط حزام الامان عند نقطة التفتيش راح يأخذ مخالفه

وكل الي يربطونه قبل نقاط التفاتيش خوف من القسيمه فقط

أنا سبق وإن مريت مع نقطة تفتيش وكنت ناسي أربط حزام الامان

فقالي العسكري وين الحزام لازم تربطه لو بس قبل توصل نقطة التفتيش

حتى إذا شافك العسكري ما يقولك شي

الله يفشل العدو ....استلموا كوم بلاهه ...

[روح لايسعهآ جسـد]

نسميه حريه شخصيه

[اين هم ؟]

مره جيت لنقطة تفتيش وكنت رابط الحزام
قال لي العسكري اسالك بالله من متى وانت رابطه
قلت خير يابو الشباب بمحكمه حنا؟

[خوي الليل]

هم اللي اجبرونا على هالشيء ولا حنا ناس ماتعودنا مثل غيرنا صعب تبي تعلمن شي بعد مرور فتره طويله من العمر

القسايم الحين صارت تتدبل تاخذ مثلاً اليوم قسيمه بــ 300 اذا ماسددته خلال شهر بالضبط وبالتاريخ الميلادي يحسبونه عليك وتجيك القسيمه 600 ريال

[الصابره]

الله يهديهم الشباب حزام الأمان من أجل مصلحتهم.

مره مرين من عند تفتيش جاء أخوي ربط حزام الأمان

يوم تعدين التفتيش يجي يفسخ حزام الأمان

قلتلو طيب وشلو تفسخ الحزم قال أناماأسرعت!

[Mr.RaYaN]

والله فيه فواؤد وفيه مضار

اناا اخوي الحمدالله على سلامته

كان له قبل سنتين حادث وكل جاي على باب السواق

ونط من باب السواق راح للراكب توقع لو هو رابط حزام الامان تسان منفرش بالمرتبة اعرف ان باب السواق واصل الراكب يعني لوهو رابط الحزام كان الله يرحمه..

يعني له فوائد اكثر من مظاره لو تصدم الوجهيه تكفيك على انك تلزق بالقزازة

تقبلوو مروري

[الــــــــهرم]

المسألة سيدتي ثقافة قيادة لا اكثر

لكن المُتعارف عليه في فطرة الانسان انها تكره الفرض والإجبار
فلو كان هذا القرار اختياري لكن اجدى
بتكثيف التوعية لمنافع هذا الحزام دون اللجوء الى فرض القسيمة
شكرآ لك

[بندر الحمر]

ما الوم رجال المرور في تطبيق النظام

ويظل ان المشكله تكمن في ذاتنا حيث لو كان التعلم منذ البداية بأن نحرص على حزام الامان لكن هناك وعي اكثر بذلك

>>اذكر ذات يوم قال لي >>رجل المرور وين الحزام >> قلت سيارتي به ارباق هههه

الحل لربط حزام الامان واحد ما فيه غيره

انه يكون ربط حزام الامان موضه فمتى ما اصبح ربط حزام الامان موضة فليثق الجميع بان نسبة كبيره من الشباب راح يضع حزام الامان فعلى المرور ان يقدم افكار كيف يجعلوا من حزام الامان موضه ويضاف على حزام الامان اكسسوارات لترغيب الشباب في الحزام
شكرا جزيلا لك

[ع الفعيم]

تطبيق روتين يفكك من قسيمة

[بدرالوابلي]

قلة وعي ؟؟؟؟؟؟؟؟؟؟؟

[memo2003]

نقول أبعد عن شر وغني له

[عاشق الخير]

من له حيله فليحتال ...

[( قصة لم تكتمل )]

جـــــــــهـــــــــل

اربط حزام الأمان وسر في أمان

[أوتار الحب]

الحزام لو الواحد عود نفسه عليه صدقوني راح يصير شي طبيعي بالنسبة له ومراح يستغني عنه
واحس انه مافيها شي بس ممكن مجتمعنا ما تعود على الشيء هذا بعدين المشكلة برجال الأمن تلاقي اغلبيتهم مايطبق النظام الصحيح عليه بس يطبق النظام على المواطن وهذي مشكلة
لكن الله يكون بالعون وشكراً لك يالمعلمة على طرحك الموضوع وان شاء الله انك من اللي يربطون الحزام اهم شيء

[رشروش]

المشكلة هاللي يقول تخلف وما أدري ايش شرط ما قد ربط هالحزام الا عند النقطة
لا يلعب على نفسه بس وش يحس فيه اللي ينتقد طال عمره

[اابن النصر]

لن يعرف قيمة الحزام الا بعد ما يقع الفاس بالرأس " حادث "