أحاسيس فوق شجرة الرمان ..

[قرفوص]

.. (( 1 )) ..


الفهاوة ..
والعباطة ...
والكماخة ...
فيك ياحبيبتي .. أزين شيء ..


فعندما أذهب إلى ميد ..
وأشتري فطيرة لوزين ..
وأقول له صديق حط هذا مكيرويف ..
بعدين جيب ..
عندما ألامس لوزينتي .. أتذكر حرارة شوقي اليكِ ..
.
.
.


ذات مرّه أيتها البهيمة ..
أشتريت كتكات غندور " أبو ريال "..
فأخذت منه أصبع .. ورميت الاخران بالزباله لأجلكِ ..



كل هذا حنان ..
كل هذا شوق ..
كل هذ كبرياء واستكبار ..
لو رأتك الطواويس .. لأعتزلت الغرور والإستكبار ..!
فأين أنتي من حديقات الحيوان ..؟!


.
.


حبيبتي .. أو للأسف حبيبته ..
عندما أرى وجه السماء ..
أتذكر شوشتك ..
وعندما أرى رضا تكر ..
أتذكر منخريك ..
وعندما أرى وجهيهما جميعاً أتذكرك ..
فلا تلوميني عندما أحدق فيهما كثيراً ..
فأنا أرغب بالبقاء معك ..



يا لمعة عيني ..
السلحفاة بطيئة ..
والفرس سريعة ...
الحمامة وسيلة ..
وأنتِ الغاية ...
فلا تدعي أهلك يخرّبون علينا ..
وتقولين لي .. أبي أمي .. أخي وأخواتي ..
رجال خواتي .. وخوالي .. جيراننا .. إمام الحي ..
أرجوكِ لا تخلين أحد يخرب علينا .. أبداً أبدأً ..
اسحبي عليهم .. اسحبي على الجميع ..
وما جاءك علي ...



فالجو ماطر .. والسماء ملبدة بالغيوم ..
ونحن في موسم الصيد ..
دعينا نذهب بعيداً إلى الكثبان الرملية ..
لكي نضبب .. ونصيد الأرانب ونقتل الذئاب ..
ونجلس شوية ويلتف حوالينا الذباب ..



حبيبتي ..
إن ما جازّ لتس الحتسي ذا ..
الفقيها ..
واعلمي علم اليقين أن ماعند أمتس سالفةٌ ..
فقلمي قد ورثته عن المتنبي ..

[قرفوص]

.. (( 2 )) ..


هل تذكرين حبي لك من سنين ..
يوم إنك آخر الليل للبرحة تذهبين ..

لكى تقضي حاجتك مثل الآخرين ..
ومن حبي لكي كنت لك من الحارسين ..

خوفاً عليك من نظرات الغادرين ..
ولكن بعد أن كبرتي صرتي تغدرين ..

مع أني أنا كنت لأهلك من الطالبين ..
ولكنك إذا سألتي عن حبنا تتجاهلين ..

وترفسين مثل الحمارة حبنا بل تناهقين ..
وبعد أن حبيت غيرك ترجعين ..

وتقولين قرفوص كن من المتسامحين ..
الآن رجعتي وصرتي تذكرين ..

أم أنك طالعتي المراية وخفتي تعنسين ..
أنا الآن أقول لكي لا ترجعين ..

فقلبي الذى ملكتيه كنتي له من البائعين ..
بعتيه لواحد من التكرن المتجنسين ..

هل يعقل تتركين الورود وتحبين الدارسين ..
أم أن قلبك صار أسود من كثر ماتغدرين ..

خلاص الآن أقول لكي لاترجعين ..
تدرين لماذا ؟ لأني لا أحب العانسين ..

[قرفوص]

.. (( 3 )) ..


أنفاسك تعبق بشارعنا العتيق تفرقه ..
خدك المحفور ماودي إلأ أصفقه ..!
ودمجتك ودي بحصاته أفلقه ..!


حبيبتي بدون أن تنطقين ..
أعلم أنك مريتي .. ولشوفة سكسوكتي تعنيتي ..


لكن من شوفتك أصبحت
كناقة من بعيرها أجلفت ..
وتعوذت وعن يساري ثلاثاً نفثت ..


لكن مارحتي ..
ياجعل رجلك لكسر ماله جبر ..
سعابيلك هذي والا حبر ..


يالهوي لقد فضحتيني ..
من وحشة شوفتك صيحتيني ..
خلاص بئة روحي وسيبيني ..


كم مرة سمعت أن الحب أعمى ..
الحقيقة أنه أحول ..
بغيت أحب صديقتك حبيتك ..
وطبيت على بيتك ..
ليتني ماطبيت ..
ليتني رديت ..


يابنت الناس هاتي هداياي ..
والعطر اللي سرقته من أختي ..
أرجوك لاهنتي ..
يامن كنتي حبيبتي ..
لاعاد اشوف رقعه وجهك ..
وإلا والله العظيم أعلم أبوك اقول فكنا من شر بنتك ..
وأخلي فضيحتك توصل جلاجل ..

[قرفوص]

.. (( 4 )) ..


حبيبتي .. حبيبتي ..
إني أكتب لك هذه الخاطرة ..
وأنا أتعشى طبق من الفول .. وإحساسي صاير مش معقول ..
نعم إيتها الحبيبة ..إحساسي بهذه الخاطرة بطعم الفول ..
لا تستغربي من ذلك إنه صحيح ..


حبيبتي ..
بلغة الحب أخاطبك .. وبنكهة الفول بكلماتي أداعبك ..
حقيقة لا أعلم ما هو حبنا ..!
أهو حب مصلحة ..؟ أم حب كماخة ..؟!
هل أحببتك عشانك مدرسة وراتبك سبعة آلاف ..؟
وهل أحببتني من أجل شعري صدري المثير ..؟
لأني أذكر أنك تعشقين أفلام الحركة والإثارة ..
ودائماً أتصل بك وأنتي تشاهدين سبيس تون ..
واسمع كوكب أكشن كوكب الإثارة والغموض ..!
لكن فيما يبدو سرق عبدو ..


حبيبتي ..
لم أعد قادراً على التخوطر أكثر ..
لا لا .. لأن الكلمات قضت ..
ولا لا .. لأن الورق والحبر انتهى ..


بل لأن تسبدي حامت منك ..
ولأن الفول ..
ابتدى المفعول ..
وصرت غير معقول ..
الله ما أجمل مواهب وأفكار ..
وما أمصل مفيد .. وما أجمل بهلول ..

[قرفوص]

.. (( 5 )) ..

ابتسامتن من شفتيك ..
خلتني ياحلوه رايح فيها ..

فنظرت إلى بؤبؤ عينيك .. فصمتت ..
يا إلهي .. ماهذا الخشم ..
أهو حقيقة .. أم مزحة ..؟

فأقتربت رويداً رويداً ..
وأقتربت أكثر ..

وهمست بصوت متحشرج ..
كأني بموت .. ياحلوتس ..
فتمعّر وجهها ..

وضاق صدري قليلاً ..
فابتسمت .. فازداد تمعرّها ..


فعطست ..
فسقطت من حدقة عيني العدسات ..
ولم أستطع رؤيتك قط ..!

فأين أنتي الآن ..؟!
إني لا أراك ..
أرجوك بلا مصالة ..
مالي خلق نلعب واحد طش ..!
لكن ماعندي مشكلة نلعب كيرم ..

[قرفوص]

.. (( 5 )) ..






أحبائي وأعزائي القراء في الوطن العربي الكبير .. كلنا معرض لأن تصيبه مصيبة .. وكل منا معرض لأن تحل به مشكلة .. كما أنه لكل منا أفراح وأتراح وأحزان وهموم .. فنحن بشر ومعرضون لهذا .. فلو استسلمنا لمايصيبنا .. لصارت حياتنا كخه ( يمديكم على التعبير http://www.s-qu.com/forum/images/smilies/23247cb00f.png ) .. فالحياة مثل الماء .. تحتاج للهواء والآيس كريم :confused: ..


فلو عشنا بلا مشاكل .. لأصبحت حياتنا بلا مشاكل .. ( كيف الاستنتاج http://www.s-qu.com/forum/images/smilies/23247cb00f.png) .. ولكن هذا لايتحقق إلا بالقوة والصبر والعزيمة ( بشرط تصير العزيمة على تيس http://www.s-qu.com/forum/images/smilies/23247cb00f.png ) ولاتتحقق إلا بالارادة والمقاومة الفلسطينية .. وقبل كل ذلك يجب أن تعرف .. أنها لاتتحقق إلا في الأحلام http://www.s-qu.com/forum/images/smilies/23247cb00f.png ..نعم نحن البشر وأخص من البشر الإنسان .. وأخص من الإنسان بنى آدم .. وأخص من بنى آدم .. أنت أيها القابع بالجهة الأخرى من الشاشة وترى إنعكاس دمجتي شاشتك بشكل حروف رقمية .. أعلم أنك أحياناً تبكي .. وأحياناً تبتسم ونضحك .. فلماذا البكاء ..؟!
لماذا تبكي والفرح موجود .. أما سمعت قول الشاعر سليّم السعد لزوجته عندما همت بالخروج للسوق :
فين رايح ياقميل .. لسه ما بصيت بصه !
وديني معاك لو للنيل .. اشتري من بسطة ماما حصة !

عندما تتخيل أنك وسط حلم جميل .. فبالتأكيد أنت تحلم ( لاياشيخ http://www.s-qu.com/forum/images/smilies/23247cb00f.png) .. وكذلك عندما تحلم بشيء سيء فبالتأكيد إنك تحلم أيضاً .. لذا لا تحلم .. لأن الحلم هو أخو الألم وولد عم الأمل ..

أعود لرأس حديثي وأنا مقطب الجبين وأقول : كلنا معرض لأن تصيبه مصيبة .. وكل منا معرض لأن تحل به مشكلة .. كما أنه لكل منا أفراح وأتراح وأحزان وهموم .. ولكن كيف نجعل المشاكل تتحول لأفراح وأحزان وصياح ونباح ..؟!

لكن في إعتقادي الشخصي والمتواضع أن الجواب هو الحب فبالحب نقدر نسوي أي شيء .. ونهزم أي قوة فلو حبينا لانتهت كل مشاكلنا .. ولكن مرات الحب نفسه قد يكون مشكله .. يعني المسألة للحين ما انحلت ونبي نرجع لنفس البوتقة كلنا معرض لأن تصيبه مصيبة .. وكل منا معرض لأن تحل به مشكلة .. كما أنه لكل منا أفراح وأتراح وأحزان وهموم .. فنحن بشر ومعرضون لهذا ..

وعلى طاري الحب وكونه مشكلة أحياناً .. فأعتقد إن سبب مشكلة الحب هي طريقة الحب .. فكما إنه له لكل منا مشاكله ولكل منا أفراحه .. فأيضاً لكل منا طريقته في الحب .. فمنا من يحب من أول نظره .. وبعضهم يحب من أول لمحه .. والبعض يحب من رسالة خاصة أو أيقونة أو إشارة تنبية .. وبعضهم يحب بسماع الصوت .. يعني يكفي أن تكون محبوبته صاحبة صوت جميل يشبه نباح العصفور الجائع في منتصف الظهيرة .. فعلشان تنال محبته لابد أن تكون صاحبة صوت جميل .. يعني حتى لو كانت شيفه وبوهته تسنه زكية زكريا مايهم .. أهم شئ صوتها .. لأن هذا العاشق يؤمن بالمثل القائل .. أهم شئ الأخلاق ..
وبعضهم يحب من أول شمة .. نعم من أول شمة ولاداعي للاستغراب .. أما علمتم أن الخشم يعشق قبل الأنف أحيانا ..!


لذا أحب أقولكم اتركوا عنكم السهر وناموا بدري ولا تفطرون فول الله يجزاكم خير http://www.s-qu.com/forum/images/smilies/23247cb00f.pnghttp://www.s-qu.com/forum/images/smailes/smailes/icon26.gif ..

[قرفوص]

.. (( 7 )) ..




الأشياء الجميلة واللي تستحق التفكير وش كثرها .. بس مشكلتنا إننا حاصرين أنفسنا بهوامش وأشياء إما مضت أو ستمضي .. قصدي بهوامش أو ماضي ولى وانتهى .. واهتمامانتا بالهوامش يفقدنا التركيز بما هو أهم ويفقدنا القدرة على استيعاب الأشياء ومعرفة أبعادها ومقدار الضرر والنفع الناتج عنها .. وهالشيء يفقد الإنسان مقدار كبير من متعة وجمال الحياة .. ويقيده بمكانه لايتطور ولا يتحرك ماغير يتذكر بماضيه ويندب حظه العاثر .. ومن هالنقطة ينبثق الحزن ويسيطر على الشخص ويصير الإنسان حزين ضائق الصدر مطنقر البوز .. ياجماعة الحياة جميلة وحلوة فيها من الجمال والفرح مالله به عليم والله سبحانه خص البشر وحدهم بمزية التأمل والتفكر فالحيوان وإن عاش بين جدوال وأنهار وخضرة وأشجار إلا إنه ماراح يحس بلذة التأمل والتفكر وهالشيء ماراح يغير في طبيعته شيء !
دعونا نتفكر ونتأمل ماحولنا أقرؤوا تفاصيل الأشياء وحددوا قيمتها وأهميتها عشان ماتأخذ حق شيء ثاني ويصير عندك مرحلة لا توازن بين الأشياء المهمة والعادية والهامشية فتضيع طاسك .. نحتاج فعلاً إننا نأخذ من الطيور الطيران ونطير عشان نشوف أكبر مساحة للمشكلة أو الهم اللي يجتاحنا وماتعطيه أكبر من حجمه .. نحتاج نصير زي النعامة http://www.s-qu.com/forum/images/smilies/23247cb00f.png .. وندخل رأسنا بوسط المشكلة أو الهم ونكتشف اللي تحت هالمشكلة والأسباب اللي أنتجته .. نحتاج نصير زي السمك ونتنفس بأبعد نقطة داخل المشكلة ونتحمل الضغط الحاصل بالأسفل بعدها نطفو على السطح ونرجع بأنفسنا أولاً محملين بلؤلؤ مكنون من بنشوة النصر ...... والأمثلة على هالأشياء كثيرة ..


لكن المهم إننا مانحصر أنفسنا داخل قوقعة أي شيء ونعلق أملنا وحياتنا عليه .. علينا إن نطلق العنان لعقولنا وخيالاتنا فالعقل البشري والمشاعر الإنسانية أسمى من أن تكون هدفاً لتوافه الأمور ..

[قرفوص]

.. (( 8 )) ..


http://www.formspring.me/images/logo_small.png



صفحات الأسك مي ذي سبب لي قلق مستحفل وغثيان .. مدري هي سخيفة من جد وإلا أنا سخيف وما افهم .. قال ايش قال اسئلوني .. الله لاتهينه يالبردعي وكيل الطاقه الذريه عشان نجي نسئلك أسئله تهم القرن الواحد والعشرين .. يجيك الواحد فاتح لي صفحة كنه فاتح بسطة بسوق الحريم اللي بالصناعة والناس تجي تسئل أسئلة بايخة وهو يجي يرد بشكل رسمي وثقافي مسوي عبدالباري عطوان أو هيكل .. واللي يشوف أجوبته يقول هذا شخصية مثقفة ومهمة بالمجتمع هو بالحقيقة والواقع عضو زائد على الطبيعة بل عار على الطبيعة والجنس البشري .. والأسئلة كوم والأجوبة وكومن ثاني أسئلة مامنها أي فايدة والأجوية تسبب لك صرع بالنخاع المستطيل لدرجة إنك بأي لحظة ممكن تنهبل .. الصراحة كنت بجيب لكم كومة أسئلة وأجوبة من اللي قريته هناك بس خفت على مشاعركم وأحاسيسكم .. والسلام عليكم ورحمة الله وبركاته ..

[قرفوص]

ترى المشاركة ذي شوية بس أنا مكبر الخط <--- ايه هين بس وأي واحد يراجع مغربي انا مالي دخل ..



.
.
.
.



بصراحة مدري شلون أبدأ .. لكن خلوني أبد ببسم الله الرحمن الرحيم فهي خير مايبدأ به العبد المسلم كتاب ..
.

بطلنا اليوم ذا وضعه مأساوي وضعه مزري لحد الثمالة على بسطار عسكري على الحد مع العراق .. وضعه مأساوي بشكل لا يتخيله خيال حمار http://www.s-qu.com/forum/images/smilies/23247cb00f.png .. ولا يفكر فيه بعرصي تحت لمبة http://www.s-qu.com/forum/images/smilies/23247cb00f.png .. مدري وش لون أوصفه أو أشرحه لكم .. لكن خلوني أسرد لكم سيرته الشخصية وقفشات من حياته البائسة http://www.s-qu.com/forum/images/smilies/smile.gif ..


.
.


بطلنا هو منقاوي ولد الست حصة .. والست حصة عطارة مشهورة بالعجيبة والشماس وتعالج بالكي وتقرأ الكف والفنجان .. وتداوي الصحيّح والعيان .. منقاوي أكبر عيالها وهو القعده بينهم يعني ماله إلا هو .. وهو شاب أرعن أعزب عاطل عن العمل يقدر عسكريم أربع حبات بريال .. وإلا دخل البقالة استلم الفريز يفكك العلب يدور علبه به العسكريمة السوداء اللي بطعم الببسي .. وإلى كتابة الموضوع وهوايته المفضلة تجميع لزقات وصور السن توب http://www.s-qu.com/forum/images/smilies/23247cb00f.png ! حاصل على شهادة الثانوية - ليلي - وعنده شهادة ضمان رادو بانسونيك سارقة من جارتهم منيّر البلحاء http://www.s-qu.com/forum/images/smilies/23247cb00f.png.. وحائز على بطولتين ويننق إليفن للأندية والمنتخبات نسخة بلاي ستيشن ثري من مقهى الليل الجميل الناعس الطرف <--- ترا صز ذا اسمه http://www.s-qu.com/forum/images/smilies/23247cb00f.png.. وآخر مرحلة وصل له بكراش مرحلة الثلج .. قبل الوحش الثائر البائر http://www.s-qu.com/forum/images/smilies/23247cb00f.png..


يعتبر بطلنا ولا زال يعتبر قائداً لفريق الكماخة ومركزه بالفريق إحتياط http://www.s-qu.com/forum/images/smilies/23247cb00f.png.. ومن هذا نستنتج كماخته فكيف بقائد يرضى على نفسه يكون مركزه إحتياط ..؟! محكوم عليه أن يعيش ويقبع خلف أسوار الكماخة حكم مؤبد حتى لو حفظ القرآن والسنة والاجماع والقياس والتحصيلي وحتى لو كانت نسبته المكآفئة تأهله للطب والهندسة أو حتى كأس العالم http://www.s-qu.com/forum/images/smilies/23247cb00f.pnghttp://www.s-qu.com/forum/images/smilies/frown.gif ..! بيضل قابع خلف تلك الأسوار الحزينة ..


يومه روتيني بشكل ممل ورهيب وعجيب والمسكت وإن خمس وتسعين .. لا له هدف بالحياة ولا ضربة جزاء بل مطرود من متع الحياة بكرت أحمر .. دايم يحلم بعمر المهنا بس للحين ما اكتشف وش سر هالحلم .. يعيش بعالم وكوكب آخر .. الناس تمشي قدام وهو مدحدر لوراء ..



أول مايقوم من نومه يطلع الشارع يناظر باللي رايح والجاي وعشان يركز ويخش جو بالمناظر يدخل إصبع يده اليمنى من خلال فتحه خشمه اليسرى ومايوقف لين يوصل مخه ويحكه http://www.s-qu.com/forum/images/smilies/23247cb00f.png.. ويحكه لين يطلع مخه شرر من الحك فيشتغل التفكير عنده http://www.s-qu.com/forum/images/smilies/23247cb00f.png.. وتفكيره دايم بأشياء ماله علاقة بالحياة الدنيا وزينتها .. فمرة تخيل إنه جربوع يتمشى بالبر حزة الضحى .. وهو يتمشى لقى بطريقة بنت الضب طاقة البرقع وقاعده تخض الحليب عند جخرهم http://www.s-qu.com/forum/images/smailes/smailes/icon26.gif.. وقف قريب منه وقعد يناظره وهو فاق كشرته عنده .. قرب منه شوي وقعد ينشد ماهقيت إن البراقع يفتنني إلين شفت ضببت النفود مبرقعاتي http://www.s-qu.com/forum/images/smailes/smailes/icon26.gif.. وطلع جواله عنده وقاله شغلي البلوتوث http://www.s-qu.com/forum/images/smilies/23247cb00f.png.. قالت له ياعيب الشوم عليك إنزح وراك ياجربوع والله لا أنده عليك بابا يجي يطخك بالبندق http://www.s-qu.com/forum/images/smilies/23247cb00f.png.. قال له بتندهين لبابا ليه اندهي لي أنا وأقي لك http://www.s-qu.com/forum/images/smailes/smailes/icon26.gif.. قالت أقول انزح وراك أنت بنت شيخ الضبان وتبا ترقمني http://www.s-qu.com/forum/images/smilies/23247cb00f.png.. فرد عليه منشداً (( لو كان ترقيمي لك جريمة فليشهد التاريخ إني أكبر مجرمووو http://www.s-qu.com/forum/images/smailes/smailes/icon26.gif )) .. قالت له زين ياجربوع ونادت أبوه ولعن والديه وعلقه مع إذانه على الرمثه اللي جنب جخرهم وكتب فوقة شهيد البلوتوث http://www.s-qu.com/forum/images/smilies/23247cb00f.png.. وغيرها الكثير من الأشياء الغبيه جداً .. طبعاً هو حمار حتى بخياله ما صار بطل وكفخ أبو الضبة http://www.s-qu.com/forum/images/smilies/23247cb00f.png..


.
.
.


بيوم من الأيام قام الظهر من الحر .. وفسخ فانيلته العلاقية وعصره ورفعه فوق يبي يعلقه .. بالغلط سقطت قطرات من غسال الفنيله على رأسه .. وحس منقاوي إن به شيء بمخه بدى يتحرك وحس بطقطه بمخه مايدري وش سببه وبدى مخه يطلع صوت لحام http://www.s-qu.com/forum/images/smilies/23247cb00f.png.. وحس إن يومه قرب وإنه يبودع الملاعب ويموت .. وبدى يفكر من يجيب لحفل توديعه للملاعب .. وإختار بين نادي مارد اللي بالأسياح ونادي مرخ اللي بالطايف http://www.s-qu.com/forum/images/smilies/23247cb00f.png.. وتضاربت الأسلاك عنده وقعد يصيح لأنه خاف يودع الملاعب بدون حفل إعتزال وينساه الجمهور كما نسي غيره http://www.s-qu.com/forum/images/smilies/23247cb00f.png.. وقام يصلى ركعتين ويدعي الله يتوب عليه وإنه صز كان نقمه على أمه وحارته وعلى كل هالمجتمع اللي متحمله كل يوم ..


خلص من الصلاة وقعد يتذكر وش سوى شيء زين بحياته عل وعسى يلقى شيء يشفع له بعد مماته .. قعد ساعتين يفكر وكل شوي مدخل أصبع يده اليمنى بمخه عن طريق فتحت خشمه اليسري ويحك بمخه لين يطلع شرر ويشغل التفكير عنده http://www.s-qu.com/forum/images/smilies/23247cb00f.png..


وتذكر ولد جيرانهم " خفيف " اللي كان دايم يضطهده وما قد لقى له بال .. مع إنه كان صديقه ودايم يباشر له من عسكريم .. وبخضم هالتفكيرات تذكر إنه قد سوى معروف لخويه " خفيف " .. فكان " خفيف " محشور بيوم من الأيام بلعبة الطب ( المصاقيل ) وكان ولد جيرانهم الثاني يبي منه 3 طب كويتيات و2 سحريه .. وجاء منقاوي وفك الطب لخويه خفيف وصار ولد جيرانهم الثالث ما يطلب خفيف شيء .. ناظر خفيف خويه منقاوي بعد مافك طباته وأجهش بالبكاء وقال ما تدري وش سويت ..؟ تراك فرجت عن مصيبة .. شكراً من القلب لك .. وأهداه حدى الطب اللي فكهن كتذكار وعربون محبة ووفاء للفعل النبيل http://www.s-qu.com/forum/images/smilies/23247cb00f.png.. طبعاً كان منقاوي مشهور بكل الحارات أنه أعظم من مسكه الطبة بين أصابعه .. فكان من كثر ماهوب فنان مرات ما يلعب بإيدينه .. يحط الطبه بخشمه وينبطح ويبدى يصوب من خشمه http://www.s-qu.com/forum/images/smilies/23247cb00f.png..



بدى تفكير منقاوي يشتغل أكثر .. وحس إنه لازم يعول نفسه ويعول أمه .. وقرر إنه يروح لم خويه خفيف ويشرح له معاناته وإنه يبي يتوظف ويبي يصير رجل ..


كان منقاوي من أشد المعجبين بالفنان سعد جمعه http://www.s-qu.com/forum/images/smailes/smailes/icon26.gif.. وكان حاط على جدار غرفته صوره لسعد جمعه اللي يعتبره المثل الأعلى بالشياكة والوسامة والفن الهادف .. تلبس زيه وطلع مشمراً عن أنفه واهباً نفسه كمية من الثقة المفطرة .. اللي كل ما مشى خطوة إنقصت ..



وقف على كشك خويه خفيف اللي كان مصنوع من الخشب الدمياطي الأصلي .. وكان يشم ريحه سيقار كوبي تفوح رائحته بأرجاء المكان .. ويسمع صوت " خفيف " وهو يلج على الموظف يقوله أقول تروح الحين يعني تروح ترى ماعلي منك ومن الخرابيط اللي تقوله مالي لي سنة بس مغير لك الكفارات .. رح عايرهن وأقضب الأرض لأقضبك أياه ..


طرق منقاوي الباب بلطف .. وسمع صوت يقول له أدخل .. دخل ولقى خويه خفيف رافع رجلينه على الطاولة وهالموظف المسيكين يتراجد من الخوف .. وعلى يمين خفيف ثنين من البوديقاردات اللي الواحد منهم يبيله كوشكين عشان يشيلهم ..


على طول منقاوي قال شف يا زميل الطفولة يا خفيف .. التريلة اللي برى نصيحتي لك لا تخليه تمسك خط .. ذي ما توصلك ولا للشارع الآخر عاد وش لون تبيه تمشيك بخط ..؟ ناظره خفيف ونفث الدخان بوجهه وأشار بإبهامة للباب .. وكانت عينيه تشير إلى بوديقارداته أن اطرحوه أرضاً وارموه في الخارج .. <--- في الخارج والا مشغول بمكالمة كخكخكخ ..


قام خوينا المسيكين ينفض الغبار ويقول لخفيف هذا جزاء الطب اللي بيننا ..؟ تجي حاجك عندي المرة الثانية ..!


بعد يوم ونص اليوم اليوم جاء خبر لخفيف إن تريلته انفقعت حدى كفراته وانقلبت ومات السواق واحترقت كل بضاعته وخسر فلوس كثير من هالحادث ..!!
وقع الخبر كالصاعقة على خفيف وبدى يجدع خيط وخيط مايدري وش يسوي وكيف يعوض هالخسارة الفادحة له .. وهو ماسك الحاسبه يحسب خسايره طلعت براطم منقاوي من شاشة الحاسبة وهي تقول : لا تخلي التريلة تمسك الخط الخط الخط .. <--- مؤثرات صوتيه http://www.s-qu.com/forum/images/smilies/23247cb00f.png.. ترى كفراته ماتوصلك الشارع الآخر الآخر الآخر <----- للحين الصدى شغال والمؤثرات http://www.s-qu.com/forum/images/smilies/23247cb00f.png..


فأمر خفيف البوديقاردات حقينه أن أتوا لي بمنقاوي .. وراحوا له وتلوة مع علباته وودوه لم خفيف .. قال له خفيف الحين وراك تقول إن السيارة ما يصلح تمشي على وشو بنيت هالكلام ..؟ طبعاً خفيف ماقاله شيء عن الحادث بس بيجس نبض منقاوي عنده سالفة والا لقحت معه ..


حك رأسه منقاوي وقال له شف يا خفيف مسألة أني أساعدك يوم أنت بزر همن أساعدك يوم أنت كبير ذي أسمح لي .. فيها قولان ..


بس عشان العشرة والكمثرا اللي بيننا بقولك وش دران إن تريلتك بيصير عليه حادث وبيموت هالموظف المسكين .. لأنك لو لاحظت كان ظغط الهواء بكفراتك القداميات يختلف عن ضغط الكفر اللي بالأستبنه .. وهذا أثر بالسلب على حرارة اللديتر وخلى المكيف مايبرد زين .. وهذا أدى إلى انفجار كفر التريلة ثم انقلابها رأسن على عقب ..
بهت الشيخ خفيف من كلام وفنطنه ونباهت منقاوي وكيف إنه عرف السبب وعرف وش صار بالتريلة مع إن الخبر للحين ما انتشر ..
وخق الشيخ خفيف لكنه لم يبدى خقته لمنقاوي عشان مايشوف نفسه .. وقال له اثرك منتب بسيط ياولد حارتنا .. قال منقاوي بكل زهو وغرور ماشفت شيء حتى تراني حللت لك المشكلة وأنا ماتوضيت لو أتوضى كان جبت لك وقت الحادث ومكانه بخطوط الطول ودوائر العرض http://www.s-qu.com/forum/images/smilies/23247cb00f.png..


قاله أقول لا يكثر .. شف أنا عندي فكرة مشروع فحم وبجيبه من الصومال ومادري هل هو بيخرب بالطريق ولا لأ .. وأبي خبير زيك يحدد الشي ذا .. حط منقاوي رجل على رجل وبدى يدخل إصبع يده اليمنى بفتحه خشمه اليسرى ويحك مخه .. وقاله صز إنك خفيف على اسمك .. الحين أنت ماتدري إن القرصانة مالين الصومال فأكيد إنه مب جايك إلا الخياش تسانهن سلمن منهم .. وبعدين فيه أحد يتاجر فحم بالصيف ..؟؟ لذا أنا مانيب أأيد هالمشروع البته ..
قاله خفيف والله إنك صادق وطلعت منتب سهل يا منقاوي .. خلاص تراني قررت أخليك مستشاري الخاص .. قاله معليش توني متعشي قمبري بالبيشاميل http://www.s-qu.com/forum/images/smilies/23247cb00f.png.. بس كان عندك فاتنا بالفراولة ميخالف .. قال أقول أقلب وجهك وتعال بكره استلم منصبك الجديد .. قال منقاوي بكل أدب ونحو وبلاغة .. تآمر أمر بس على أي صفحة تبين أقلب وجهي http://www.s-qu.com/forum/images/smilies/23247cb00f.png ..؟ فقام خفيف ومسح بوجه منقاوي الأرض وجدعه برى المكتب ..


ومن بكره استلم منقاوي المنصب الجديد .. وبدي يمارس طقوس العمل .. وكل شوي جايه خفيف يشاوره بمشروع ومنقاوي يقول رأيه وكل آراءه تطلع سديدة .. وصار يشاوره بكل صغيرة وكبيرة .. حتى خصوصياته وكيف يتعامل مع زوجته وأولادهـ .. حتى لو صار حسران ويبي الحمام لازم يشاور منقاوي ويأخذ الإشارة منه .. هل هو يلبي نداء الطبيعة بالفرنجي ولا العربي http://www.s-qu.com/forum/images/smilies/23247cb00f.png..


وهالشيء خلى نشاط الشيخ خفيف يزيد وصار يشار له بالبنان عقب ماكان يشار إليه بالنعال .. وذاع صيته وصار من أصحاب الملياديرات ووجهاء البلاد والأعيان .. وكله بسبب منقاوي ونظرته المستقبلية للأمور ..


مع انه كانت كل تحليلات منقاوي مب يم جادة وكله شختك بختك .. وكانت دايم تلقح معه .. وعشان كذا خفيف قربه منه وصار ايده اليمين واليسار وسيقانه وشعر بعد http://www.s-qu.com/forum/images/smilies/23247cb00f.png..


زاد صيت هالمنقاوي وصار كلن وده يتقرب منه .. حتى حريم الجيران صاروا يدقون على امه ويقولون خلي ولدك يتوقع ان بناتنا يبي ينجح زاوجهم ولا لأ http://www.s-qu.com/forum/images/smilies/23247cb00f.png..؟ وصاروا التجار ما يسوون جدوى اقتصادية لمشاريعهم صاروا الزم ما عليهم بس انهم يدقون على منقاوي ويقول لهم ان مشروعهم يبي ينجح ولا لأ .. حتى طلاب حارتهم تركوا البراشيم وصاروا يعتمدون على كلامه http://www.s-qu.com/forum/images/smilies/23247cb00f.png..


راح منقاوي للدوام زي العادة ولقى خفيف قدام الشاشة حقت الأسهم وقعد يقهويه .. سولفوا عن الأسهم وقعد يستشيره وش رايك وش أشري من هالشركات الكثار .. قعد منقاوي يسوي عادات بالحكحكة .. وقاله اشتر اسهم شركة زين قاله وراه ؟ قال اشتر يوم الخميس ولا الجمعة .. عشان اللي تدفعه بهاليومين .. يرجع لك باقي أيام الأسبوع دبل http://www.s-qu.com/forum/images/smilies/23247cb00f.png.. قام خفيف وحب راسه وأصبعه اللي وآهبه الذكاء .. قاله تكفا يامنقاوي انت من وين طلعت لي ..؟


اشترى بكل فلوسه هالأسهم من زين .. وقعد يحتري الأسبوع الجاي انه بيتدبل سعر أسهمه .. جاء الأسبوع ونزلن أسهمه دبل .. عكس ما قاله منقاوي .. وجلس ينتظر الأسبوع اللي بعده ونزلن برضه الدبل .. وعلى هالحال جلس ينتظر وما فيه فايدة .. وخلا بنفسه وبدى يفكر هالمنقاوي ذا وشي مؤهلات كل عمري اعرفه نكره من نكرات حارتنا .. وبدى يفكر وش لون وصل منقاوي هالمرحلة .. استعرض المواقف اللي كان يشاور به منقاوي .. ولاحظ انه كان مجرد انه معزز بس .. وما كان يعطيه رأي بس كان يوافق ويتكلم كلمتين خرابيط .. بعد ما فكر بعقل وبمنطق اكتشف انه منغر بمنقاوي .. قام استدعى منقاوي .. وقاله كم عرض كتوفك ..؟ قاله تبي بالإنش والا بالسنتيمتر http://www.s-qu.com/forum/images/smilies/23247cb00f.png..؟ قاله لا أبي بالبوصة .. شفت هالباب يامنقاوي .. أبيك بحكم إنك مستشاري الخاص تطلع منه بالريوس ولا عاد تجي .. قاله طيب ماتبي استفهم وأنا طالع بالريوس ..؟ فقام الشيخ وخلع ردائه واستفهم بمخ منقاوي عن طريق فتحات خشمه الثنتين لين كربن مخه وطلع صوت لحام وطرده شر طرده http://www.s-qu.com/forum/images/smilies/23247cb00f.png.. كما يطرد الشوك من عفن خبز السلمان http://www.s-qu.com/forum/images/smilies/23247cb00f.png..!


.
.



المشاركة ذاي تعالج قضية المفروض وزير التربية والتعليم يقراه ..ويلقي له بال .. وبعد يحطه موضوع بمادة التربية الوطنية .. ولا يحطه بمادة بلحاله ويحط صورتي على الغلاف http://www.s-qu.com/forum/images/smilies/23247cb00f.png .. الموضوع كله يتكلم عن تثقيف المجتمع ولازم يكون المجتمع مثقف وما يصير صيد سهل لضعاف النفوس وانه يكون متسلح بالعلم والمعرفة .. والمجتمع الأمي هو المجتمع اللي يكثر فيه الجهل والأخطاء ولابد من تطوير المجتمع وتعليمه .. خاصة وأنه حالياً كثير من السحر والشعوذة والاعمال الخاطئة اللي تنطلي على الناس وخاصة النساء .. وكثير من الناس من يتلبس ويتخفى بستار العلم والغريب انه يسيطر على العقول ويوهم انه شخص متمكن .. وهو خلاف ذلك .. والمصيبة ان الشخص لا يُكتشف إلا بعد ما يقع الفاس بالراس ..



إن أصبت فمن الله ثم نفسي http://www.s-qu.com/forum/images/smailes/smailes/icon26.gif.. وإن اخطأت فمن الشيطان والكيبورد http://www.s-qu.com/forum/images/smilies/23247cb00f.png..



.

[قرفوص]

في ساعات عصر يومي الطيب المبارك فيه كنت منجطلاً أمام التلفاز .. لا أدري ماذا أفعل ولم يكن لدى سماحتي هدف أصبو إليه ولا هجمة خطيرة .. فصرخت منادياً أخي بأعلى صوتي أن أحضر لي لمبةً صفراءُ فاقع لونها واشكبها على رأسي لتنير فتطلع لي فكرة أشغل بها نفسي بدل أن أخرج للشارع وأنحرف مع أطفال الحي الأشيقاء ..!


لكن أخي الهيس تأخر علي .. فأزبدت عليه وصرخت للمرة الثانية على التوالي .. وفجأة خرة من خشمي دخان ..!! مع أني لم أدخن في حياتي إلا كم بكت يوم أن كنت بالإبتدائية ..! وإذا بي أفسر هذا الدخان بحكم حسي الهندسي المرهف إنه ناتج عن عصبيتي منقعطة النظير .. فابتسمت ابتسامة رضا تكر واتكئت على المركا وقعدت أرشف الشاي http://www.s-qu.com/forum/images/smailes/smailes/icon26.gif .. وقعدت أقلب بإحدى المجلات التي عاث بها الزمن ولقيت فيها هذي الطُرفة المصالة لكنها ذات هدف سامي http://www.s-qu.com/forum/images/smilies/q1.gif :


( يقال أن أعرابياً خرج وقت الفجر فرأى قطعة مظلمة .. ويوم قرب منها لقاها قطعة من الليل لم تعلم أن الصبح قد حل .. فنبهها حتى استيقظت ورحلت لتحلق بباقي قطع الليل http://www.s-qu.com/forum/images/smilies/q1.gif ) ..


,
.
.
,





http://sfiles.d1g.com/photos/69/49/3644969_max.jpg



الأرانب مفرد أرنب .. وراعي الأرانب هو الشخص الكلاك http://www.s-qu.com/forum/images/smilies/q1.gif .. أو النصاب أو الكذاب http://www.s-qu.com/forum/images/smilies/q1.gif .. تختلف التمسيات لكن الفعل واحد http://www.s-qu.com/forum/images/smilies/q1.gif .. وفي مجتمعنا للأرانب حضور قوي ومميز على كافة الأعمار والأصعدة .. عاد يوم كنا بزران كانت أرانبنا جميلة وبرئية بسعابيل الطفولة وإن اختلفت أشكالها وأهدافها .. لكن الشيء المحزن إن الأرانب بدت في الآونة الأخيرة تفقد بريقها وجمالها .. وضرنا نفقد تلك النصبات القوية ومانلقى مثلها .. فأرانب هالوقت دخلت عليها التقنية وحاستها ..


وهنا سأسرد لكم بعضاً من أرانب الزمن الجميل تخليداً لذكراها ..


.
.



- يوم كنت بالإبتدائية كان فيه واحد راعي أرانب .. ومن ضمن أرانبه كان يقول كنا طالعين البر ويوم تغدينا وخلصنا جينا نبي نغسل .. بس مالقينا صابونه .. وبلشنا شلون نغسل ..؟! قال عمي لاتضيق صدوركم بس .. وجاب سكينه وقعد وشق ركبته وطلع صابونه الركبة .. وقال يالله غسلوا ياعيال .. وغسلنا كلنا بصابونة ركبته .. يوم خلصنا غسله ورجعه للركبة http://www.s-qu.com/forum/images/smilies/q1.gif ..


,
,


- ويحكي لي أحدهم إن عمه كان طالع للبر وانقطع فيه البنزين وماحوله أحد ولا حوله محطة ولا شيء .. وقعد لحاله يدعي الله إنه يرزقه بنزين .. وقعد شوي ومرت طيارة فوقة .. فنقز وجاب الشوزل ورمي تانكي البنزين حق الطيارة وصب التانكي وجاب طاسة وقعد يلاحق البنزين وهو ينقط من فوق لين ملى الطاسة .. بعدين عبي سيارته .. يوم شغله مامشت .. طااارت http://www.buraydh.com/forum/images/smilies/gap.gif .. لأن البنزين حق طيارة http://www.s-qu.com/forum/images/smilies/q1.gif .. ويقول وقع علينا بحوش البيت http://www.s-qu.com/forum/images/smilies/q1.gif ..


,
,



- وآخر سكنوا بيت جديد وأبلشنا عنده وكل يوم جاينا بشيء .. مرة قال إن عندنا مسبح بالبيت عمقه 400 م http://www.s-qu.com/forum/images/smilies/q1.gif .. ومرة يقول غرفة أمي وأبوي مساحته 1000 متر http://www.s-qu.com/forum/images/smilies/q1.gif .. وشكلي بأخذه لأن أمي تقول أني أتعب لاقمت من النوم أقومكم للمدرسة الباب بعيدة مرة http://www.s-qu.com/forum/images/smilies/q1.gif ..


,
,




- وواحد كانوا بأبها .. ورقوا فوق جبل وكان الجو حلو وخالع .. يقول قال أبوي بنقعد نتقهوى هنا .. يقول يوم جينا بنصلح الشاهي مالقينا ماء ..! وقلنا لأبوي قال ماعليكم ياعيالي .. وأخذ البريق وراح لطرف الجبل وغرف من سحابة ماء http://www.s-qu.com/forum/images/smilies/q1.gif .. وصلحوا منه شاهي وشربوا منه http://www.s-qu.com/forum/images/smilies/q1.gif .. يقول إنه أحسن شاهي شربه في حياته http://www.s-qu.com/forum/images/smilies/q1.gif ..




.


عاد بالنهاية تخيلوا مايصير فيه كذب لمدة يوم http://www.s-qu.com/forum/images/smilies/q1.gif .. ولكم سؤال واحد تسألونه وغصب اللي تسألونه بيجاوب بصدق http://www.s-qu.com/forum/images/smilies/q1.gif .. وش تبي تسألون http://www.s-qu.com/forum/images/smilies/q1.gif .. ومين تبي تسألون http://www.s-qu.com/forum/images/smilies/q1.gif ..



.
.
.



فمان الله http://www.s-qu.com/forum/images/smailes/smailes/icon26.gif ..

[قرفوص]

هذا ياطويلين العمر والسلامة مرتن من المرات على أوقات الجهل والمراهقة , دخلت أتميلح بأحد التشاتات المعروفة في هاك الزمن الغابر المقفر , يوم درعمت بحفظ من الله ورعايته وبفضل حكومة خادم الحرمين الشرفين اللي وفرت لنا النت بذاك الوقت بأسعار تقصم الظهر , وأنا بأمان الله أسولف واناقر الخلق دخل علي واحد خاص الله لا يعيده ولايذكره بالخير كان نكه ( < هكر > ) دخل علي وقالي بووو .. قلت بسم الله الرحمن الرحيم وش تبي سلامات يا الشيخ .. قالي انا هكر .. قلت ياهلا والله بمستر هكر .. مدري يا قلبي انت من اي ولايه ..؟؟
قال يا حمار انا هكر ادخل جهازك .. قلت بعد تدخل جهازي بدون ماغير ما تقولي وبعدين تعال وش دعوى انت نمله يوم انك تدخل جهازي ؟؟ عقبها الرجال تأكد اني ما حولك احد وطلع من المحادثة وهو يدعي ربه العفو والعوفيه !!
المراد انها اعجبتني حركة الهكر هذي .. وقعدت أتخيل إني نملة أو أي شيء بس أهم شيء أدخل أجهزة الناس وأقلب بصورهم وملفاتهم وجازت لي الفكرة فقلت بخاطري ابي اصير زيه يعني بالعربي قررت اصير هكر .. خصوصاً يوم انى شفت فلم وتأثرت فيه قلت يمكن اسطو على بنك وبدال ماهو حسابي زيرو هالكبر يصير 5896049 يريور ..
والله واقوم بعملية بحث وخذت كم لفه ودرعمت مع جماعة عطونى برنامج هكر واقوم ادور على ضحية وادور وادور الين ما لقيتها تسان اشمر عن سواعدي الرقيقة وادرعم بجهازه واقعد اقلب واقلب فى ملفاته والعب فيها واحذف منها وأشيل واحط وأغير ترتيب سطح المكتب وأغير الخلفيات وأنا في خضم الهكرنه حقتي بجهاز الضحية انتابتني شكوك يوم شفت ملفاته تشبه الملفات اللى بجهازي .. وكانت الكارثه يوم اكتشفت بعدين انى دخلت على جهازى نفسه يعنى انا الهكر وانا الضحية ..

ودارت الدنيا والأيام وأنا لازت أحاول أتعلم ومايئست واستمريت احاول وادور واثناء قعودي وجلوسي ودخولي وطلوعي عالنت دخلت منتدى فيه ناس يعلمون الهكر تسان يقولون لي تتعلم معنا يالنشبه .. قلت اتعلم ليش لا .. قالو خلاص خذ نزل هالملفات عندك .. والله واخذها وانزلها على جهازي واقعد شهرين وانا مثل السبهة اكتب موضوع في الورد ولا جيت الصبح القاه مغير ولا محذوف .. واذا جيت اكتب في الماسنجر يطلع النخل في راسي اكتب عربي يقلب انقليزي !!

عاد في الأخير كلمني واحد منهم وقال لي والله ياجهازك معفوس عفسه بس انا فرمطتنه لك ورتبت الملفات من جديد .. سالته وشلون ؟؟ قال الله يخلف على جدتك لنا شهرين انا وكم واحد من المنتدى لاعبين في جهازك ومره ثانيه يالدلخ لا تقبل اي برنامج يجيك الا انت متاكد من اللي مرسله .. وماكمل كلامه الا والله واقوم وابيع الجهاز على طول واشتري واحد ثاني بس المشكلة اني نقلت كل البرامج القديمة للجديد تسان اول ماشغلته طلعت لي شاشة شات صغيرة بوسط شاشتي وبدا يتكلم معاي وقالي تدري اني اقدر اخرب جهازك واحرقه .. قلت له والله ياخوي هذي احلى هدية تقدمه للوالده بس الله يعافيك قبل لاتحرقه علمني عشان اكلم المطافي ..
همن من عقبه غسل يده وعرف ان اللي معه ما حولك احد.. ومن عقبه مااحد اخترق جهازي مدري يجوز انه علم اخوياه الهكر ان صاحب الجهاز الله بالخير مهب صاحي .. وهذا اللي مضيق صدري تشوهت سمعتي عند الهكر وماصار أحد يبيني ابي احد منهم يدخل جهازي عشان اشرح له وجهة نظري وافهمه اني مب غبي بس مافيه .. علموني وش اسوي احط معسل عند جهازي عشان يدخلونه وأشرح لهم وجه نظري بالهكرنه وإلا أعتزل الهكرنه وأودعه , لكني خايف يخسر عالم الهكر واحد زيي :( ..!

[قرفوص]

من عشر سنين وأنا بعد كل صلاة أجمع أطلع من المسجد وأروح للبقالة اللي بآخر العاير وأفتش بالجرايد وأقرى ببلاش ولاخلصت فتشت الوسيلة أدور لي وظيفة تظفن وتقدر مواهبي وقدراتي البديعة والخطيرة ولاخلصت جدعتهن بمكانهن , وأنا طالع من البقالة أسأل العامل عندك لبن الخبراء ؟ يقول لأ :29_1_8[1] , وأنا أرد عليه وأقوله ياااخي جيبوووه وأطلع معصب :for1: ..

ومرة من المرات وأنا أقلب بالوسيلة كعادتي الأسبوعية لقيت إعلان عن وظيفة حارس أمن في أحد المجمعات التجارية , ومن الفرحة جدعت الجريدة ورحت لمكان التقديم أبي ألحق على الوظيفة لاتطير وأنا طالع قالي العامل قرفوص فيه لبن الخبراء :) , كان موقفي معه محرج ماسألته عن اللبن من العجلة المراد إني سحبت عليه ورحت لمدير التوظيف وكنت مستعد للمقابلة الشخصية , دخلت عليه وسلمت وعرفته بنفسي الكريم وسألني بعدها عن خبراتي في الحراسة ,
تنحنحت وقلت عندي خبرات كبيرة في الحراسة , حيث إني كنت أحسن حارس في مدرستي :) , ماذكر إن أحد سجل علي هدف إلا مدافع فريقنا صالح أبو سنون في المباراة النهائية ضد فصل ثاني ( ب) :) , بس والله إنه غشاش كان شايت الكوره بوووز وحنا متفقين إن البوز والتمزيع ممنوع , وإلا ماهو مب كفو يجيب هدف علي :) , لا واللي قهرني زود في القول هذا انهم عطوا أبو سنون كأس احسن هدف :c5: , ومن ذاك اليوم إلى اليوم وأبو سنون يعيرني في الهدف اللي جابه علي , بس ماعاد لعبناه مدافع لفريقنا نخاف يسجل فيني هدف مره ثانيه ثمن عاد وش يسكته :29_1_6[1] , وعلى العموم ياطويل العمر إذا ماتبوني حارس شغلوني رأس حربه أو جناح يسار :) !

قال المدير : لا لا ياقرفوص ماحنب لاقين واحد زيك وترى من بكرى الدوام والحين أطلع للسكرتير يعطيك قبعة وعصا وأنت مر السوق واشر لك بنطلون أسود وقميض أخضر :) !, قلت وش دعوه أخضر وأسود تبي تشغلوني حارس والا بيديجانة :29_1_6[1]؟! وطلعت وأنا زعلان شوي , ومريت السكرتير وعطاني القبعة والعصا وأنا طلعت منهم للسوق , وأمر لي محل ملابس رجالية ويقابلني في المحل سوري لابس كشخة والضحكة الصفراء شاقتن خشته , جاني وسفهته وقعدت أترزز عنده أوريه إن عندي ذوق وإني مانيب هين وقلت له أبي بنطلون أسود مقاس 34 وقميص أخضر مقاس ميدم وأبي أندر وير أسود مخطط بأخضر :) قالي السوري إش معنى أسود مخطط بأخضر ؟ قلت عشان يركب مع الطقم :) .

ودخل علينا بالمحل واحد دب كنه علي الزين اللي يجي مع مصطفى الآغاء بصدى الملاعب بس بملامح سعودية وطلب نفس طلابتي بس أختلف معي بالأندروير أخذ أسود منقط بأسود وقلت بنفسي مسكين ماعنده ذوق :29_1_8[1] , يوم راح السوري يجيب طلبي سألته قلت أكيد تبي تشتغل بيدجانه بس في أي مجمع تجاري :) ؟ وهو اللي يسفهني ومايرد وتأكدت وقتها إن ماعنده ذوق !
وقطع الموقف الجاف معه جيت السوري بالطلبات حقاتي , وأخدتهم ورحت أجربهم بغرفة القياس عشان أجرب ملابسي الجديدة وادخل أفصخ كل شيء ثوبي والسروال وأعلقهم بالمعلاق ولبست الأندور وير والبنطلون والقميص وأشوف نفسي وأقول ياسلام مقاسي بالتمام كنى من ممثلي بوليود :) , وذكرت اسم الله علي وفصخت اللي لبستهم وعلقتهم على المعلاقة وأدور ثوبي وسروال السنة حقي مالقتيها ! , والتفت أدور ملابسي الجدد اللي توني متقوسهم مالقيتهم أختفت بعد وأنا اللي ابتلش بنفسي قعدت جطل بالغرفة :( , وأنا أفكر بيني وبين نفسي وش السواة دخل علي الدب بالغرفة وأنا اللي أنط في قرنة الغرفة واشوى ماشافني , ويسكر الدب الستارة ويتفصخ وأنا منثبر وفاق أثمي وأتفرج في بديع الرحمن في جسم هالدب :):29_1_6[1] , وهو يلبس الأندروير حقه المنقط مالت عليه هو ذوقه :29_1_6[1] والبنطلون الأسود والقميص الأخضر وصار بيدجانه كبيرة :) ويوم شاف نفسه الدب وبدى يتفصخ انفتحت دريشة صغيرة جنب المعلاقة وطلعت منه يد وأخذ سروال السنة وثوب الدب , ويبدى الدب يدور ثوبه وسرواله وطلعت اليد ثانية وأخذت ملابسه اللي توه متقوسه وطاح الأندروير وأعطيه اليد اللي تطلع مع الدريشه , أجل أقعد جطل لحالي :) ؟ ويلتفت علي الدب ويقول بنفس شينة وش جابك هنا ؟ قلت أنت اللي وش جابك أنت وهالبزران اللي متعلقين بك , أقول بس أمسك الزاوية الثانية لايجي أحد ويأخذها قبلك يابو كرشه , ويبرطم الدب ويرفع يده بيصكني بقس تسان يدخل علينا مدير التوظيف ميت من الضحك ويأشر على فوق !




وقال معكم الكميرا الخفية :29_1_6[1]