ارجوا من جميع الاعضاء والمشرفين المشاركه .. ماهو سبب اختيارك للنك نيم المسجل به هنا

[طاب الخاطر]

بسم الله الرحمن الرحيم

طبعا الجميع يعرف ان لكل واحد منا اسم او لقب او رمز له يعرف به في المنتدى

واغلب الأعضاء في المنتدى يفضل ان لايظهر باسمه الحقيقي (وليس الجميع)
نريد من الجميع اعطائنا ماهي اسباب اختيارك للقبك الموجود في منتدى بريده
وماهو الدافع لأن تختار هذا اللقب ولماذا اخترته خصيصا هذه الفكره رايتها في احد المنتديات فقلت من باب اولى وضعها هنا .




وشكرا لكل من يشارك في الموضوع
:D :D :D

[طاب الخاطر]

سابدأ بنفسي
طاب الخاطر اخترته لأن كلمة طاب الخاطر هي لحاله تطيب الخاطر وان شاءالله مالكم الا اللي يطيب خواطركم:)

[الغزال الملثم]

ليش اخترت الغزال الملثم :confused: :confused: :confused: ؟؟؟

اممممممممم والله اني ما ادري ليش


بس اسم جاء على بالي واخترته :D :D




مــــــــلاحظه
اتمنى نقل الموضوع الى الطرائف والالغاز

[جلوي العتيبي]

دخلت علشان انقل الموضوعبناء على طلب غزالنا الملثم

يعني لازم اقول سبب النك نيم ((الاسم المستعار)

الزعيم اظن السبب معروف والزعيم معروف<<<<<<<<< بدون تعصب

بس انا زعيم على نفسي وبس والزعامه شيء حلو

[الصقر]

اهلا بك يا طاب الخاطر بيننا هنا في منتدى بريدة .. هذا اولا ..
اما اختياري لاسمي انا يالصقر فقد جاء عفويا

رغم انني لا اشترك مع الصقر في اي صفة من صفاته( اعتراف صريح );)
ربما ان عقلي الباطن اختار هذا الاسم لمحاولة محاكاة الصقر .. لكن: اين الثرى من الثريا:D

شكرا على هذه المشاركة ..

[الجنرال]

حي الله اهل حايل....وشلونك ياملي....

ونشكر الزعيم لنقله الموضوع هنا عشان نكيب كاتب زي طاب الخاطر..

ليش اخترت الجنرال؟؟؟؟:confused:

بيني وبينك انا هرجي كثير..ويبي له موضوع لاني لي سنه ابي اكتبه ومتعاجز

(كسووول بعيد عنك:D ..)اختصار الكلام.....اسباب سيكولوجيه بحته( ما كني

مثقف شوي;) ..)

ابدا اختيار الجنرال جاء وانا في احد المنتديات قبل ما انقل منه لهنا لاني وقت

التسجيل كنت اتابع الاخبار وسمعتهم يقولون جنرال فقمت وسجلت بجنرال..

وعلى فكرة هذا الاسم في كل المنتديات اللي كتبت فيها بس ايش معناه؟؟؟

بعيد اقولكم في فيلم هندي مطول :D


تحياتي لك

[المعيد]

شكرا يا طاب الخطر على هذا الموضوع اللي برأيي أنه حلو ويستاهل المشاركة .

عموما أنا افكر أني أسوى دراسه على أسماء الأعضاء بهذا المنتدى وتكون فصول الدراسه من حيث ألأسماء الجيد والمعقوله والطموحه والمتفائله وبعضها الحزينه وبعضها اللي تستحي انك تخاطب راعيها ... وإذ خاطبته كأنك تشتمه مع الأسف أستغرب كيف يحب هذا العضو أنه ينادونه الأعضاء بهذا الأسم . (((((( مثل السلقا )))))

أرجع لمحور حديثنا : = إشتعوا برنامج صادوه

طال عمر على زود عمل صالح

انا يوم جيت أسجل بهذا المنتدى ورعصت على اختيار التسجيل وإذا بفراغ اسم المستخدم جلست أفكر وش أحط في هذا الفراغ وإذا بي ألقا هذا الأسم ((((( المعيد )))))...

السؤال ليش جاء هذا الأسم في بالي

أقولك عاد طال عمرك

أنا توي متعين في الجامعة بوظيفة معيد ... وعلشان كذا حطيت هذا الأسم لكي يعبر عني حضرتي المتواضعه ..


شكرااااااااااااااا

[العبرى]

الموضوع حلو,, وانا اخترت العبرى,,

من مرثية الخنساء بأخوها صخر,,

وهو كنايه عن كثرة الدموع,,

وانا اسم على مسمى,,

بس منب دلوععععه,,

تحياتي

العبرى

[خـــــــــــــــالـــــــــد]

موضوع حلو


تشكر عليه

--------------------

انا اخترت هالاسم لانهم اذا نادوني قالوا
ياــــــــــــــــــــ

رديت عليهم : نعم , انا هنا

ومسكتها اختي مني فاذا سالتها على المسنجر وينك؟

ردت وهي تضحك تلمح الى ردي


انــــــــــــــــــا هنــــــــــــــــــــــا


لذلك لقيت انه احلى اسم اسجل فيه بمنتدى بريده
وللعلم هو ماركه مسجله لمنتدى بريده فقط

[بردقانه]

اسم. مرح. لطيف .قديم.

عندما كنت صغيره كنت اقول للبرتقال برددان

ومسكت معي هذه الكلمه بردقانه.


ارجو عدم المؤاخذه .تقبل تحياتي وفائق احترامي.برددانه

[طاب الخاطر]

تحيااتي لكم جمييعا وإلى الآن في مشرفين واعضاء كثير ماشاركووووووا يهوووووووووووووه وينكم معقوله

لهذه الدرجه اساميكم سرييه خخخخخخخخخ يلا نبي نشووف كل الاعضاء يشاركون يابعد حيي :cool:

[الداحوس العمى]

السلام عليكم:1:

ياهلا باهل حايل:p

نبي كرمك ابداعات نبي نحشى حشى;)

الداحوس العمى اسم احبه واموت فيه بل اعشقه عشقا اكثر من اسمي الحقيقي

لما لا ومن اطلقه علي هي امي {رحمها الله}

كانت لما تجي تصحين اتلفلف بالغطاء{اتدوحس} وتقول وراء ماتقوم يالداحوس

ولقمت اصبخ الجدران همن تمسك ايدي وتقول داحوس وعمى

وكل ماجت تصحين قم يالداحوس العمى وكبرت ومانسيت ها الاسم العزيز

واعتقد انه غريب ومركب بس موسيقي:D :D

ومازلت اعتقد ان احسن شي بالحياة الدوحسه;)

<<<<<<<<<طولها:mad:

يكفي ماقلولك قص قصة حياتك :D :p ;)

[مسافره بلا زاد]

السلام عليكم ورحمة الله وبركاته ,,,



هلا وغلا باهل حايل يا حيا الله اهل الكرم والجود حيا الله حاتم طي طاب الخاطر الله يطيب خواطر الجميع ,,



قبل كل شيء ترى تدودهت عيوني :6: من هاللي يمشي بتوقيعك خله ينثبر ترى ادوش راسي من كثر ما يمشي :D




اسمع مني هالابيات للامام علي زين العابدين في قصيدته (الغريب )::




لا تنهرن غريـــــبا حال غربته ***الدهر ينهره بالذل والمحــــــــن ...
سفري بعيد وزادي لن يبلغني ***وقوتي ضعفت والموت يطلبني ...
ولي بقايا ذنوب لست أعلمها ***الله يعلمها في الســــــر والعلن ...
ما أحلم الله عني حيث أمهلني ***وقد تماديت في ذنبي ويسترني...
تمر ساعات أيامي بلا نـــــــدم ***ولا بكــــــــاء ولا خوف ولا حَزَنِ...




اتمنى اني ما أطلت عليك وبصراحة اروع من هالقصيده بحياتي ما شفت ,,,واذا تبي تسمعها تراها موجوده بشريط (الغريب )لسلسلة الرحيل ,,,



الف تحية لك ,,,

[طاب الخاطر]

اشكركم اخواني في الله ويعلم الله حبي لكم واشكرك اخي مسافره بلازاد وكما قلت: سفري بعيد وزادي لن يبلغني نسأل الله ان يرحمنا برحمته فقد قرب الرحيل : إلى ديار الآخرة فاجعل إلهي خير عمري آخره
وارحم عظامي حين تبقى ناخرة
فأنـا المسكيـن الذي أيامـه ولت بأوزار غـدت متواتـرة
فإن رحمت فأنت أكرم راحم فبحار جودك يا إلهـي زاخرة

[البكيراوي]

طاب الخاطر !!

هلا بك يا بعدي حيي !! هلا بك !!

اقول وشلون الامطااااااار عندكم يقلون جايكم سيل !! << يحب الشرافة !!


اقول تقول الاسم المستعار وشو له !! والله يا انت ملقوووووووف !!

يا اخي الاسماء لا تعلل !! عرفت !! بعدين كل واحد ينام على الجنب اللي يوجعه !!



عاد انا قلت البكيراوي

يعني من البكيرية !!

وفيه اشاعه طالعه ان البكيراوي خواله من بريدة !!

ومصدر هذه الاشاعه طبعا الغزال المثلم !! مصدر الاشاعات !!

وخرطة المنتدى ما يعرف يقضب لساااااانه !!

[الرمادي]

السلام عليكم ورحمة الله وبركاته
مشكور ( طاب الخاطر ) على هالموضوع الجميل ..

أما عن الأسم المستعار !!
فقد كنت أستخدم دائما الأحرف الأولى من أسمي الثلاثي
(باللغه الأنجليزيه طبعا ) من يوم تعلمت الأنجليزي في الصف الأول متوسط كرمز لي اسجله في الرسائل وعلى الأشياء التي تخصني
ثم حاولت ترجمة هذه الأحرف فوجدت أقرب معنى لها مناسب هو هذا الأسم ... الرمادي
بس لاتعتمد على الترجمه لأني بالأنجليزي الله بالخير !!

وتقبلوا تحياتي