المساعد الشخصي الرقمي

مشاهدة النسخة كاملة : 90 % من الشعب السعودي بدون ..........!!!

سراج اللوذه
05-04-10, 06:33 am
السلام عليكم والرحمة من الله .. وهو خير الراحمين ..
أسعد الله أوقاتكم بالود واليمن والمسرات ..






كنت في زيارة لأحد الدول .. العربية .. قبل فتره .. وقد شاء الله أن التقي بمجموعة من الشباب .. الذي ينافح ويناضل .. من أجل العلم والسعي .. خلف الرقي بنفسه وذاته.. ماعلينا ...


كان من ضمن الشباب .. كويتي كما كان يبدو لي من خلال مظهره ولهجته ..:a1: .. وتجاذبنا أطراف الحديث .. وكنت أسأله عن دراسته ولماذا أختار .. الدراسة في الخارج .. وليس سؤالي جهلاً مني بأن الجامعات الأجنبية أجود وأعظم وأكبر .. وتعطي مؤهلين .. الأول كونها من الخارج .. والآخر ..يعرفه الجميع ... برضو ماعلينا ...


جاوبني .. وقد تغيرت ملامحه وأدركه الخجل .. حتى أخجلني .. وطأطأت رأسي من الفشيله .. وراي اسأله يمكني مالي داااعي أسأل ..!!
كان جوابه أنا بدووووووون .. والبدون .. ما يدخل الجامعات الكويتية .. ولازم يدرس على حسابه الخااص .. وما دام أني يامعووود داافع دااافع فلوس .. خليها برى ابررك ..

طال الحديث .. بيننا وأشتغلت اللقافه .. والشرافه .. أومير ... اقعد أسأله ..:ash:
الأ .. متى .. يبي يعطونكم جنسيه .. تقل سمعت أن النواب بالمجلس .. عندكم بعضهم يصوت .. باعطاءكم الجنسيه .. <<<<مسوي فيها أني ما أفوت أخبار الكويت وأنها أكبر همي .!!:4_1_101[1

المهم .. سولفنا .. وسألته .. عن السؤال المهم .. بصراحه ..
وش الفرق بين البدون واللي معه الجنسية ..
قال .. حنا محرومين من الآتي :
1- ما لنا حق نصوت بالبرلمان .. ولا ننتخب .
قلت والله حاله .. ماصارت ديموغراطية والله !!:12[1]:
2- الجامعات .. ما يدخلونها .. مثل ما تخبر ..
قلت الشكوى لله ولله ظلم الحقيقة يعني هذا علم .. يعني ياخذون اجر الغريب مهوب عاد اللي عايش بالديرة !:for1:
3- الوظايف .. يامعود .. ممنوع تدخل على وظيفة حكومية ..بس الأهلي اللي يقبلك ... ووالله ياحجي حتى الأهلي بعضهم يشوف إذا معك جنسيه أو لا ..
قلت أفاااااا .. الله يعينكم .. يعني يقدر الواحد .. يعمل بالتجاره محيل صغيّر ولا أي شي .. :5[1]:
4- مكافئة زواج .. لأن اللي معه جنسية يعطونه فلوس المهر ...
قلت لاحول ولا قوة الا بالله ..
5- أعانة مولود .. يعني أي واحد يجيه مولود .. يزيد في راتبه .. حول الألفين ريال .. هذي مصاريف الولد ..
قلت .. والله قهر .. الحقيقه ..!!!
6- بدل السكن .. اللي يجيك .. يعادل أجار شقة ألين ينزل قرضك العقاري اللي حول المليون بالسعودي ..
قلت كلش ولا هذي ... بعد ما يعطونكم قروووض عقاريه .. أجل الواحد وشلون يسكن .؟؟!
7- التأمينات والجمعيات .. وما أدراك ..
8- مكافئة عاطل .. وراتب شهري .. للي ما حصّل وظيفة ..


اممم .. أنا الحقيقه .. ندمت أني سألته .. وحسيت ... اني قلبت المواجع عليه ..ماعلينا .. الشكوى لله .

تفارقنا ... ورجعت لأهلي .. بعد سفريه استجمام :for10:.. وصرفت ثلاث رواتب جامعهن .. ريال ينطح ريال .. :29_1_8[1]
يوم وصلت البيت .. وسلمت على الوالدة رحت لغريفتي الله لا يخليه من ولا يخلين منه ..:13[1]:

.. جلست أفكر في هالرحله .. وانتظر باتسر يجي .. أبسولف على الربع .. وش شفت ووش لقيت وتسذا يعني :10_5_2[1] ..
وتذكرت كلام هالكويتي .. واقول الحمدالله اني معي جنسية .. ماااااااااااعلينا ...

جلست أتذكر .. كل شي مهوب من حقة ..
وأسترجعت كلامه حرف حرف ..إلين لقيت ..
1-التصويت للبرلمان .. <<<<ما عندنا شي اسمه تصويت لمجلس الشورى على أقل تقدير !!
2-الجامعات .. ما قد سمعت أحد داخل الجامعة اللي كان يفكر فيها من يومه صغير .. وتذكرت .. نفسي يوم أتخبط بين المعاهد والكليات والشركات .. الين أنتهى المطاف على الجلسه بالبيت .. فتره طويله ألين الله فرجه .. من عنده .
3-الوظائف .. لا حول ولا قوة الا بالله ..واللي ماله واسطه نخلةً ماسطه .. <<وينطبق الكلام على الوظائف الحكومية ووظائف القطاع الخااص !!
4-مكافئة الزواج .. يوم تذكرتها ..ضحكت ألين .. أوجعتن تسلاي .. وتمزعت مصراني !
5-إعانة المولود زاد الضحتس .. حتى اني خفت لا ألجيران .. يطقون علينا الباب .. الله يستر ..
6-بدل السكن .. دمعت عيوني .. وأجست تكاك بالصدر .. وصارت الدنيا .. عندي تقل مبط ابره من صغره !!
7-التأمينات والجمعيات وما أدراك .. <<<<مالي خلق اتذكر شي .. عن الأسعار ... تراي منغبن .. من قيمة الرز .. وصاغرة كريشتي الله يخلف .
8-مكافئة عاطل ..والله يرحم .. ذكريات التتكيس وصنان البنقاليه :8[1]:.. وزمرة الباكستانيين :36_1_5[1].. وأستحقار السوريين !!:29_3_10[1


.. عجزت أستحمل .. وقتها .. وأرسلت له رساله بالجوال قبل ما أنام .. وكتبت له::36_1_4[1]


( ترى الشعب السعودي متضامن معكم قلباً وقالبا وهم كلهم بدون بس بشكل مخفي ..وتكفى لا يدري أحد ترانا جاحدين !!)





وسلامتكم ،،،،
اصالة نادرة
05-04-10, 08:18 am
8- مكافئة عاطل .. وراتب شهري .. للي ما حصّل وظيفة ..

قررت اني اجاهد الصعاب للحصول على الجنسية الكويتية
رونا
05-04-10, 08:38 am
اه ياسرااااااج
مو يقولون خليها بالقلب وتجرح
ولاتطلع برا القلب وتفضح
عارف اش المشكلة ببلدنا
الاذناااااااب
حسبي الله عليهم
المسئولين عندنا مايخافون الله الا من رحم ربي
الواحد همه نفسه كل ماحصل فلس جمعه لنفسه
الله لايجعل الدنيا اكبر همنا
انا قررت رونا خالد من هالرد القرار التالي
اتحول من سعوديه الجنسية الى بدون خخخخخخخخخخخخخ
على الاقل يكون عندي امل احصل الجنسيه
مو زي الي عندنا واحطبه
تقبلوا عصبيتي وفتح جروحي
عـــــســـــولــي
05-04-10, 10:04 am
إحمدوا ربكم على النعمة بس .. (الهواء) اللي نشمه مجاني وشتبون اكثر من هالنعمه. هاه قولولي ؟!
صحيح إني منتف وسيارتي (كسره) واللبناني معه (فياجرا),وأنا عاطل عن العمل ومعي شهاده جامعية ,واللبناني موظف ويستلم راتب خيالي .وبيتي خرابه واللبناني ساكن بشقه فخمه بالعلياء ومع هذا (حنا) بنعمة عظيمة تبي شكر بس.
إلإ ياسراج اللوذه (بنغلاديش) تحريهم يعطونن الجنسيه ؟
" TWIX "
05-04-10, 10:22 am
5- أعانة مولود .. يعني أي واحد يجيه مولود .. يزيد في راتبه .. حول الألفين ريال .. هذي مصاريف الولد ..
أشوى ماهي عندنا الميزة هذي وإلا كان تشوف صنهات وراه
طابور كله رضاعين ...http://www.buraydh.com/forum/images/icons/icon10.gif
سراج اللوذه
06-04-10, 02:29 am
قررت اني اجاهد الصعاب للحصول على الجنسية الكويتية

أهلاً بك مع زمرة البدون ..

حنا ما نبي الجنسية الكويتيه .. ودنا... بس نصير سعوديين حقيقيين .. وناخذ الجنسية السعودية فعلاً .. لأننا بدون .. بشكل مبطّن ..
سراج اللوذه
06-04-10, 02:37 am
اه ياسرااااااج
مو يقولون خليها بالقلب وتجرح
ولاتطلع برا القلب وتفضح
عارف اش المشكلة ببلدنا
الاذناااااااب
حسبي الله عليهم
المسئولين عندنا مايخافون الله الا من رحم ربي
الواحد همه نفسه كل ماحصل فلس جمعه لنفسه
الله لايجعل الدنيا اكبر همنا
انا قررت رونا خالد من هالرد القرار التالي
اتحول من سعوديه الجنسية الى بدون خخخخخخخخخخخخخ
على الاقل يكون عندي امل احصل الجنسيه
مو زي الي عندنا واحطبه
تقبلوا عصبيتي وفتح جروحي


خلها بالقلب تحرق ما بقى..
..عادتي ما أشكي على غيري عناااي:a2: دن درن

.. انتي بدون أصلاً رضيي ولا أنرضيتي .. الله بس يخلف علينا ..

والمسئولين ناكحين الكراسي . .وآخذينهن صبره ..

يعين ربك ،،،
فارس الخبوب
06-04-10, 02:54 am
تبي السراحه قولهالي ماتبيني ماعلينا
اقولكم رحت الكويت او جلست مع البدون الصدق حالتهم ماتسر عدو ولى صديق
منبوذين من الحكومة ولي معهم الجنسيات .
مع انه كثير منهم شاركو في الحرب ضد صدام
اقل حاجه ينعطون الجنسيه
اما بنسبه لنا حنا ههههههههه لى يسحبون الجنسية بس
شاكرلك على موضوعك الحلو
وتقبل مروري
شموع تحت المطر
06-04-10, 03:11 am
دوروا أحد يشري جنسيتي الموقره<<كش..!!

وقبله ببيع انتمائي القبيلي<<مالوهـ دخل بس قاهرن هالانتماء اللي ماعطانا ولاتبن..:(

بالله شعب افريقيا هالسووود وش احسن منا فيه..!!

شفتوا دعاية المطعم الشهير اللي يصور ان كل مواطن سعودي عندهـ بئر بتروووول..؟؟!!!
يارب يقضي هالبترول زاد ماجانا من وراهـ شي..:(
أبو الريش
06-04-10, 03:17 am
البدون يروح يدرس برى ويتعلم أكثر من الكويتي اللي يتعلم بديرته أزين له بكرا يطلع قانون من برلمانهم على قولته ويبدون يتلاقطون اللي دارسين برى ويالله حجه وقضى حاجه ههه

-مكافئة عاطل ..والله يرحم .. ذكريات التتكيس وصنان البنقاليه .. وزمرة الباكستانيين .. وأستحقار السوريين !!


كيف يعني أستحقار وزمره ,,, مادري يمكن أنت تناظر نفسك مستحقر ولا أنا وغيري معززين ومكرميين مهووووب حنا اللي نستحقر حنا من أرض منبته رجال وحنا اللي ناظر غيرنا ذبـــــاب مع الاحترام للجميع
مال لأحــــد منّــــــه ,,,
سراج اللوذه
06-04-10, 03:27 am
إحمدوا ربكم على النعمة بس .. (الهواء) اللي نشمه مجاني وشتبون اكثر من هالنعمه. هاه قولولي ؟!
صحيح إني منتف وسيارتي (كسره) واللبناني معه (فياجرا),وأنا عاطل عن العمل ومعي شهاده جامعية ,واللبناني موظف ويستلم راتب خيالي .وبيتي خرابه واللبناني ساكن بشقه فخمه بالعلياء ومع هذا (حنا) بنعمة عظيمة تبي شكر بس.
إلإ ياسراج اللوذه (بنغلاديش) تحريهم يعطونن الجنسيه ؟



أيوالله ... الحمدالله ان الهوى مالحد به منّه ..

على طاري الهوى .. تصدق اني .. استغفر الله كل ما عطست العن والدين اللي جاب البرسوبس !!

.. ماتجزم نروح ناخذ جنسية بنقاليه ... ونجي نمرر مكالمات .. يمكن تزين الأمور !
شـــــادن
06-04-10, 03:30 am
الله يكون بعون((السعوديين والبدون)) يــــارب http://www.buraydh.com/forum/images/icons/icon10.gif


إعانات الزواج أشوى إنه مهب عندنا تسان عاد نص السعوديين ماينعطون وجه
يتبطح بالبيت ولاطنت معه يبي يتزوج أخذ هالإعانه وراح يخطب , خله يكدّ لو عامل بمزرعه http://www.buraydh.com/forum/images/icons/icon10.gif
سراج اللوذه
06-04-10, 03:32 am
أشوى ماهي عندنا الميزة هذي وإلا كان تشوف صنهات وراه
طابور كله رضاعين ...http://www.buraydh.com/forum/images/icons/icon10.gif


صنهات على اغلب الاحوال يعرف يروح يشحد .. ويطاير بهالمعاريض !

الفقر داقاً اللي ما يعرف يهايط .بمدح هالبشوت .. وكافياً خيره شره .


يالله ألحقنا خير يارب ،،،
غَسَقْ,
06-04-10, 03:46 am
"الحَمدلله" عَلى نِعمَة الأَمن وَالأَمَان ,
شَكراً أخوي

أَما أَخواني اللي يَقالهم " بَدون "
فَ ثِق ثَقه تَامه أَن لهم رب لَن يَضيعهم


جُل إِحتِرامي سَيدي
غَسَقْ,
06-04-10, 03:51 am
90 % من الشعب السعودي بدون ..........!!!


هُناك خَطوط حَمراء لايجب أَن نتخَطاها ,
فَكن حَذِر ..


أَحببت تَنبِيهك فَقط
سراج اللوذه
06-04-10, 05:27 pm
تبي السراحه قولهالي ماتبيني ماعلينا
اقولكم رحت الكويت او جلست مع البدون الصدق حالتهم ماتسر عدو ولى صديق
منبوذين من الحكومة ولي معهم الجنسيات .
مع انه كثير منهم شاركو في الحرب ضد صدام
اقل حاجه ينعطون الجنسيه
اما بنسبه لنا حنا ههههههههه لى يسحبون الجنسية بس
شاكرلك على موضوعك الحلو
وتقبل مروري

وحنا بعد تشاركنا في حب الوطن والولاء لولاة امره بالإمتثال والطاعه ..أليس كذلك ؟!




..والله يستر .. لو يسحبون الجنسية عاد وين نروح :36_1_4[1]
بسومة بريده
06-04-10, 06:13 pm
يوووووه اثري بدون وانا مادريت....

الله يهدي الولده مااخذت لها كويتي ...ودي اكمل بس اخاف اروح فيها...
بسومة بريده
06-04-10, 06:16 pm
باك....

مداخله بسيطه...<<بتجني على نفسها

حنا الي لاعبين بنا وهاكين علينا الي بدون البدون ...وشين وقوي عين وكأننا حنا الي بدون...
فديكا التميمي
06-04-10, 07:58 pm
<<<<< اشوى اني موب سعوديه...
يالله معقوله كل هذا تعانون منه الله يكون بعونكم
عـــــســـــولــي
06-04-10, 08:08 pm
والله ياسراج ماهيب شينه نطق أنا وإياك الجنسيه البنغلاديشية وثق ثقة وظيفتنا مضمونه عند (غازي القصيبي) وعقب العصر ندهر بتمرير المكالمات بس شف إذا فيها (قطع عرق) (سيديات سكس) لاتعرفن ولا أعرفك خخخخخخخخخ
سراج قسم بالله واحد من الشباب خريج هندسه وماغير يتسدح عندنا بالإستراحه .تصدق إن عبدالستار البنغالي (يسلفه) قروش !!!!!!!!!!!!!!
عـــــســـــولــي
06-04-10, 08:10 pm
<<<<< اشوى اني موب سعوديه...
يالله معقوله كل هذا تعانون منه الله يكون بعونكم

لك الله ياعسولي ...دبرين تكفين عندكم بديرتكم لو أصير (سواق) بس اهج من هالديره
سراج اللوذه
07-04-10, 06:23 pm
دوروا أحد يشري جنسيتي الموقره<<كش..!!

وقبله ببيع انتمائي القبيلي<<مالوهـ دخل بس قاهرن هالانتماء اللي ماعطانا ولاتبن..:(

بالله شعب افريقيا هالسووود وش احسن منا فيه..!!

شفتوا دعاية المطعم الشهير اللي يصور ان كل مواطن سعودي عندهـ بئر بتروووول..؟؟!!!
يارب يقضي هالبترول زاد ماجانا من وراهـ شي..:(
للأسف ما حد يقدر يبيع شي ما يملكه .. !!

حنا نحب جنسيتنا .. وولائنا لهالأرض الطاهرة يخلينا .. نصبر ونستحمل ونبيع أرواحنا ..

لكن .. ودنا .. نذوق طعم البترول .. !!:e5:



همسه :
مع الأسف الانتماء القبلي .. تغيّر مفهومه وصار للتفاخر والاعتزاز ..اللي ينسي الواحد هم رفعة ذاته وقيمته ..يعني عزاك في نقصك .. ذكرك لجدك !!
سراج اللوذه
07-04-10, 06:41 pm
البدون يروح يدرس برى ويتعلم أكثر من الكويتي اللي يتعلم بديرته أزين له بكرا يطلع قانون من برلمانهم على قولته ويبدون يتلاقطون اللي دارسين برى ويالله حجه وقضى حاجه ههه[quote]

ربك كريم ويمهل ولا يهمل .. ولكل مجتهد نصيب ..
وكلاً يبي يحصل رزقه ان شاء الله ..



[quote=أبو الريش;3442391]

كيف يعني أستحقار وزمره ,,, مادري يمكن أنت تناظر نفسك مستحقر ولا أنا وغيري معززين ومكرميين مهووووب حنا اللي نستحقر حنا من أرض منبته رجال وحنا اللي ناظر غيرنا ذبـــــاب مع الاحترام للجميع

مال لأحــــد منّــــــه ,,,[/align]

يبدو لي عندك خلط الله يهديك ..
الأستحقار اللي ادركته مفاهيمك .. راح بعيد .. أرض رجال .. وحنا رجال... وما على أحداً قصور ونعم في الجميع .

وكلاً يعرف قيمة نفسة .. وفرق بين ان الواحد يكون حقير في ذاته أو انه يشاهد نظره إستحقاريه من شخص ما !!
سراج اللوذه
07-04-10, 06:46 pm
الله يكون بعون((السعوديين والبدون)) يــــارب http://www.buraydh.com/forum/images/icons/icon10.gif


إعانات الزواج أشوى إنه مهب عندنا تسان عاد نص السعوديين ماينعطون وجه
يتبطح بالبيت ولاطنت معه يبي يتزوج أخذ هالإعانه وراح يخطب , خله يكدّ لو عامل بمزرعه http://www.buraydh.com/forum/images/icons/icon10.gif





لا وأزيدك من الشعر دبلوكس دورين..
لو تعرفين النظام عندهم وش لون يحمي حقوق الزوجه ..
خوذي عندك ..
1- للزوجه حق في جزء من راتب زوجها في حال طلاقها .. وحتى تتزوج بغيره !!
2- إذا كانت منجبه ولها أولاد .. فالبيت من حقها .. ولها أن تسكن به !

هاه.. هذا اللي أتذكر ه .. ومادري عن الباقي اظن به شي ناسيه
سراج اللوذه
07-04-10, 10:13 pm
الكويتين عرفو كيف يعالجون هالظاهره (البدون )
لكن ربعنا ........ رح للحجاز تلقى اغلبهم من الطروش ومآآخذين الجنسيه ومثله مثلك...
وبالشمال ....... بادية الشام مشخص وصب القهوه ياقهوجي ..
وعااد بالجنوب ... حدث ولا حرج .... الزيود على آآآفى من يشيل..
وكلهم ناهبين خيرات بلادك ....... ويتمتعون بالجنسيه ......

والكويتيين ....... مقدين فيهم والله .......

خلها على الله يارجال ...... ترى البنقالي ما بقي شي ويصير مثله مثلك ..
وهل إتساع الحدود هو المشكله الرئيسية في فقر شعب الدوله الأغنى بالعالم ؟
وكيف .. مقدين .. فيهم .. لا حول ولا قوة إلا بالله ..
هنا .. لم آتي بالموضوع من باب التعاطف مع البدون في الكويت .. فنحن لسنا .. بظروف أحكام الدوله التي هم يعيشون بها ولسنا مهاجرين ولا مستوطنين .. نحن نحمل الجنسية وظروفنا المعيشيه ليست متوافقه مع مدخلات الوطن .
والحمدالله والشكر .. لكن .. نتمنى الرفاهيه ونؤمل أنفسنا بالعيش الكريم!!!


وربي وربك كريم ..
يكفيني حنانك
08-04-10, 01:04 am
حنا كثر خيرهم
عندنا الضمان شهري للمحتاج،،
والمناخ سنوي ،،اشكرو وان شكرتم لاازيدنكم،،

الا،، الكويتي البدون وش اللي يمنعهم
ما يعطونهم جنسيه مثلهم مثل
ثلاثة ارباع الكويت،المتجنسين
ودي اعرف الاسباب،،
حب استطلاع
سراج اللوذه
08-04-10, 01:55 am
"الحَمدلله" عَلى نِعمَة الأَمن وَالأَمَان ,
شَكراً أخوي

أَما أَخواني اللي يَقالهم " بَدون "
فَ ثِق ثَقه تَامه أَن لهم رب لَن يَضيعهم



جُل إِحتِرامي سَيدي


حقاً.. الحمدالله على نعمة الأمن والأمان ..
نحن نعيش .. بأمن وراحة وأستقرار .. الله لا يغير علينا .
وقد لا يدرك .. قيمة هذا النعمة من لا يرى العالم من حوله ويستشعر مدى التعاسة التي يعيشون بها .


والبدون /
لهم ولنا الله سبحانه .. فهو الخالق الباري .. وهو الجبار الوالي على كل والي ..مقسم الأرزاق..وله ما أخذ وما أعطى .. و بيدة ملكوت السموات والأرض !

لكن .. لنا أن نرجوه .. الغنى والرخاء .. وأن يغيثنا ويرزقنا .. لنتمتع بالدنيا .. ونتصدق .. ونشكره.
زخات المطر
08-04-10, 01:19 pm
كويتي كما كان يبدو لي من خلال مظهره ولهجته


و انت ما لقيت تطلع المقارنات و الفروقات الاَّ مع ابناء الكويت ( ابناء الشَعب المُدلل ) !


قيل مثل يذكرك بالقناعة و الرضى بما قسم الله لك : ( لا تطالع فوق، عشان ما تنكسر رقبتك ) ..

الحمد لله على كُل حال ..
سراج اللوذه
08-04-10, 06:59 pm
هُناك خَطوط حَمراء لايجب أَن نتخَطاها ,
فَكن حَذِر ..


أَحببت تَنبِيهك فَقط


الخطوط الحمراء .. أعتقد انها .. حدود لا يُسمح بتجاوزها . .

أولها حدود الله والمسلّمات والتشريعات .. التي أتت بالقرآن والسنه .
وأخرها.. دنيويه .. يقرها الحاكم وتكون .. لحقن الدما .. وجلب المصلحة العامه .


ولا أعتقد بأن ماجاء في الموضوع .. شيء فيه تجاوز .. على تلك الحدود ..

مجرد أمنيات .. وحقائق .. نابعه من قلب صادق .. يحب دينه ووطنه ويحمل الولاء لحاكمه .. بكل جوارحه وأحاسيسه !


أشكرك اخي من الأعماق .. وتوقف عن الخوفً الغير مبرر .. أرجوك .
خن بط
08-04-10, 07:05 pm
سراج اللوذه بعيدا عن تصنيفاتك اللي مب يم جاده . فقط تأمل معي قول الرسول صلى الله عليه وسلم (حيثما تكونوا يولى عليكم) .
سراج اللوذه
09-04-10, 04:18 pm
يوووووه اثري بدون وانا مادريت....

الله يهدي الولده مااخذت لها كويتي ...ودي اكمل بس اخاف اروح فيها...


ربما لو كنتي كويتيه .. لكانت أكبر أمانيك .. أن تكوني أبنة هذا البلد السعودي.....
فنحن .. هنا نعيش .. بأستقرار أسري.. وديني بشكلٍ أكبر ..
والكويت تعتبر ..أعلى نسبة طلاق على مستوى العالم حسب آخر الإحصائيات ..ماااعلينا .


اللي نتأمله الرفاهيه الأقتصادية المتواكبه مع كوننا أبناء هذا البلد ..

وقولي اللي في خاطرك.. بس أهم شي الأخلاق والصحة والغذاء:e5:


باك....

مداخله بسيطه...<<بتجني على نفسها

حنا الي لاعبين بنا وهاكين علينا الي بدون البدون ...وشين وقوي عين وكأننا حنا الي بدون...


ولكم بااك .. :10_1_12v[
بدون البدون ..<<<< هذولا قصدك المجنسين .. أو في رواية أخرى طرش البحر ..
أو الزيود .. أو مادري منهم .. ما أظن هم السبب .. لأن بلدنا .. قادر على كفالة دول بأكملها .. ولبنان خير دليل .. !!
سراج اللوذه
09-04-10, 04:30 pm
<<<<< اشوى اني موب سعوديه...


يالله معقوله كل هذا تعانون منه الله يكون بعونكم


والله أن شغالتنا .. هاجه .. وعجزنا نلقااه .. الله يخلف الحدعش ألف ..

لتس خاطر .. نستقدمتس ؟!:for4:
سراج اللوذه
10-04-10, 03:06 am
سراج قسم بالله واحد من الشباب خريج هندسه وماغير يتسدح عندنا بالإستراحه .تصدق إن عبدالستار البنغالي (يسلفه) قروش !!!!!!!!!!!!!!

يالله أن الشكوى لك والمشتكى لك يارب ...

والله جيد هالبنقالي .. يخدمكم ويسلفكم بعد .. ماتكزه للحي الاخضر بالله ؟!
الصااااعقة
10-04-10, 10:16 pm
( ترى الشعب السعودي متضامن معكم قلباً وقالبا وهم كلهم بدون بس بشكل مخفي ..وتكفى لا يدري أحد ترانا جاحدين !!)


يااااااااااااااااااااااابعد عمري انت يسلم لي هالراس وهالفكر
والله انك صااااااااااااااااااااااااااااااااااااااااااااااااد ق
دِيم
10-04-10, 10:31 pm
والشرافه

:)


,

مثالية الإجابة تفرض علي أن أقول لك , بأن الملك مرآة الشعب .

والفهم لكم
سَـاكنة القـلب
12-04-10, 01:17 am
http://www.u06p.com/up/upfiles/i2O35987.png (http://www.u06p.com/up/)





بصراحة وعن معايشة للدولتين ..
السعودي أكثر عاشق في الدنيا لوطنه ، وأكثر كاره لجنسيته !
الكويتي العكس حرفيًا !
حتى في منتدياتهم !!
الأغلبية توقيعاتهم عن الكويت !
وهذا المقابل المتوقع ، فالجنسية أعطتهم الكثير وأنصفتهم !
لكن المشكلة التي تجعلني أفضل الجنسية الاريترية على الكويتية هي الظلم المؤلم !
كثير من البدون هم ممن حارب آبائهم أيام الغزو !
وكثير من التجار ذوي الغنى الفاحش هم من الفرس أصلًا !
والمؤلم أكثر .. أنهم يعتزون بذلك ويعبرون عنه بقولهم ( عيمي ) !!
وقصورهم تملأ الرميثية ..
أما العرب من ذوي الجنسية الكويتية فمهما كانت حالتهم المادية جيدة ؛ لا يقارنون أبدًا بالفرس الأغنياء ..
وهذا شيء ملاحظ وواضح ..

أيضًا العنصرية البغيضة للبدون المساكين ، فحتى مناطقهم معروفة !
ودائمًا مشتبه بهم في أعين الشرطة !!

حالة نصف البدون لا تسر العدو ، وهم الذين لا يملكون واسطات !
فأغلبهم في أعشاش مهدمة و أطفالهم لا يقبلون في المدرسة لأن شهادة الميلاد لا تمنح لهم !
ولا يعالجون مجانًا وغيرها من الأمور الإنسانية قبل المادية ..

فيا رب لك الحمد ولك الشكر على الغنى و العافية .

النصف الآخر لهم أقارب يملكون الجنسية ، لذا هم أحسن حالًا فبالواسطة يوظفون ..
وأعرف رجلًا من البدون راتبه قرابة 3700 ريال وطبعًا مقهور ويطمح بمثل رواتب الكويتيين !!
ولا أدري ما هو تعليقه على سعوديين رواتبهم 1200 و 1500

أكره جنسيتي كرهي للمرض .. ولم أحبها في يوم ..
وحتى بدون الكويت أرحم منا ، فهم مظلومين ينتظرون الفرج وقضيتهم حية !

شيء مؤلم حقيقة !

الله يصلح الحال ..
شكرًا لك .. والغريب أن صاحبك ( البدون ) استطاع السفر !
فالذين أعرفهم من نفس هذه الفئة لا يستطيعون السفر حتى للعمرة لأن لهم جوازات لا تقبل ولها اسم معين في الكويت ولكني لا أذكره .
شهلا
12-04-10, 08:09 am
هذا الكويتين ومايعطون اجل لو تروح قطر وتشوف الاعانات الى تجي الشعب كان تجيك جلطه من القهر والمرار 0000
وطبعن بقطر يميزون بني تميم عن غير القبايل000 ماقول الا الحمد لله وشكر بس
تويجري و افتخر
12-04-10, 08:16 am
ههههههههههههههههههههه حلوة مشكور
كااااجو
13-04-10, 11:46 pm
أجل ارفع راسك انت بدون
الصراحه اسلوبك يضحك وخفيف دم
دحيم السادس عشر
18-04-10, 02:37 pm
ترى الشعب السعودي متضامن معكم قلباً وقالبا وهم كلهم بدون بس بشكل مخفي ..وتكفى لا يدري أحد ترانا جاحدين

جملة معبرة جداً لواقع أليم والأكثر إيلاماً هو مايحصل للأخوة البدون في الكويت البلد الذي دائماً مايتغنى بالحرية والديمقراطية ..جميعنا يتذكر مافعلته الدكتورة الكويتية التي فقدت والدها في حرب الخليج الأولى والتي رغم ماتحمله من شهادات وفناء والدها في سبيل الدفاع عن بلده لم تستطيع الحصول على الجنسية الكويتية .
اسقاطات كثيره هنا تطرح الكثير من الإستفهامات .. ربما عدد الشعب يشفع لهم بإستمرار الضحك على ذقون ابناء هذا البلد الطاهر!
سراج اللوذه
22-04-10, 03:45 am
حنا كثر خيرهم
عندنا الضمان شهري للمحتاج،،
والمناخ سنوي ،،اشكرو وان شكرتم لاازيدنكم،،



كثر الله خير أمك وأبوك الله يحفظهم ويخليهم لك .
مصيبه أن نتعلم الإنخناع والرضوخ دون حقوقونا ..
والمصيبة الأعظم ..أن القناعه تفهم بهالطريقه :36_1_4[1]

فرق بين أن نأخذ حقنا بتوسل وأستشفاق..
أو .. نعطى ماهو أصلاً من حقنا .. بطيبة نفس راضياً مرضياً !!!
سراج اللوذه
22-04-10, 03:55 am
و انت ما لقيت تطلع المقارنات و الفروقات الاَّ مع ابناء الكويت ( ابناء الشَعب المُدلل ) !


قيل مثل يذكرك بالقناعة و الرضى بما قسم الله لك : ( لا تطالع فوق، عشان ما تنكسر رقبتك ) ..

الحمد لله على كُل حال ..

وش المانع ... الله يصلحنا وياك .. من المقارنه مع الكويت ..؟!
يفترض ان يكون وضعنا .. أفضل منهم بألف مرّه !!

وأبشرك رقبتي عنقا .. وكله ملح .. خلين أمغّطه وأستانس به :4_1_104[1
سراج اللوذه
22-04-10, 03:59 am
سراج اللوذه بعيدا عن تصنيفاتك اللي مب يم جاده . فقط تأمل معي قول الرسول صلى الله عليه وسلم (حيثما تكونوا يولى عليكم) .

اللهم صلي وسلم على نبينا وحبيبنا المصطفى وعلى آله ومن أتبعه بالهدى ..

الجاده .. وعره بالحيل .. والمطانيج أعدمت الشاصي وطاح المسجل .

ودق فليفل ياكمووووووووون !!!
سراج اللوذه
22-04-10, 04:03 am
يااااااااااااااااااااااابعد عمري انت يسلم لي هالراس وهالفكر
والله انك صااااااااااااااااااااااااااااااااااااااااااااااااد ق
الله يسلمك .. لاتقول يابعد عمري أرووووووووووح جريش انا تسذا <<< عنده كبت عاطفي !!


يعين ربك على هالدنيا ...
سراج اللوذه
22-04-10, 04:07 am
:)


,

مثالية الإجابة تفرض علي أن أقول لك , بأن الملك مرآة الشعب .

والفهم لكم
لا والله ما فهمت .. الفهم عندي بعض الأحيان لك عليه ..

يالله يالله لو تجيبين سبوره وماصوره http://www.buraydh.com/forum/images/icons/icon10.gif



أخبر مرايه .. عند جدتي الله يغفر له .. ماتقوين تشوفين به من لطوخ الحنا..<<هي اللي انتي تعنين ؟!http://www.buraydh.com/forum/images/icons/icon11.gif
سراج اللوذه
06-05-10, 01:20 am
http://www.u06p.com/up/upfiles/i2o35987.png (http://www.u06p.com/up/)






بصراحة وعن معايشة للدولتين ..
السعودي أكثر عاشق في الدنيا لوطنه ، وأكثر كاره لجنسيته !
الكويتي العكس حرفيًا !
حتى في منتدياتهم !!
الأغلبية توقيعاتهم عن الكويت !
وهذا المقابل المتوقع ، فالجنسية أعطتهم الكثير وأنصفتهم !
لكن المشكلة التي تجعلني أفضل الجنسية الاريترية على الكويتية هي الظلم المؤلم !
كثير من البدون هم ممن حارب آبائهم أيام الغزو !
وكثير من التجار ذوي الغنى الفاحش هم من الفرس أصلًا !
والمؤلم أكثر .. أنهم يعتزون بذلك ويعبرون عنه بقولهم ( عيمي ) !!
وقصورهم تملأ الرميثية ..
أما العرب من ذوي الجنسية الكويتية فمهما كانت حالتهم المادية جيدة ؛ لا يقارنون أبدًا بالفرس الأغنياء ..
وهذا شيء ملاحظ وواضح ..

أيضًا العنصرية البغيضة للبدون المساكين ، فحتى مناطقهم معروفة !
ودائمًا مشتبه بهم في أعين الشرطة !!

حالة نصف البدون لا تسر العدو ، وهم الذين لا يملكون واسطات !
فأغلبهم في أعشاش مهدمة و أطفالهم لا يقبلون في المدرسة لأن شهادة الميلاد لا تمنح لهم !
ولا يعالجون مجانًا وغيرها من الأمور الإنسانية قبل المادية ..

فيا رب لك الحمد ولك الشكر على الغنى و العافية .

النصف الآخر لهم أقارب يملكون الجنسية ، لذا هم أحسن حالًا فبالواسطة يوظفون ..
وأعرف رجلًا من البدون راتبه قرابة 3700 ريال وطبعًا مقهور ويطمح بمثل رواتب الكويتيين !!
ولا أدري ما هو تعليقه على سعوديين رواتبهم 1200 و 1500

أكره جنسيتي كرهي للمرض .. ولم أحبها في يوم ..
وحتى بدون الكويت أرحم منا ، فهم مظلومين ينتظرون الفرج وقضيتهم حية !

شيء مؤلم حقيقة !

الله يصلح الحال ..
شكرًا لك .. والغريب أن صاحبك ( البدون ) استطاع السفر !
فالذين أعرفهم من نفس هذه الفئة لا يستطيعون السفر حتى للعمرة لأن لهم جوازات لا تقبل ولها اسم معين في الكويت ولكني لا أذكره .



أهلا وسهلاً بالصمت الخجول ..
وأعتذر على تأخري بالتعقيب .. لأني كنت في مسافر :4_16_1[1]

طبعاً أنا أشكرك على الإضافه الشامله والصراحه الصادقه ..

لكن الا تتفقين معي أن لدينا .. لبس ..او إلتباس .. في معنى الوطنية؟!

حُقِنتْ عقولنا ..من الصغر ..في مناظر الأستقبال والتوديع ..حتى أصبحت مناظر المشالح أو البشوت ..ترهبنا وتشعرنا .. بأننا مساكين وتافهين أمام .. من يلبس البشت .. وكبرنا وكبرت معنا الحاله !!
نحن نعاني الفقر النسبي .. وعلى حد علمي ..أن الفقر النسبي يُخلّف الأمراض النفسية والجرائم والسرقات ... ويولد جيلاً مضطرب غير مستقر محطم محبط .. يائس !

ملاحظه :
الفقر نوعان
1- الفقر المدقع.. اي الفقر المميت من الجوع وهو غالباً ما يكون جماعي <<كما حصل في الصومال .
2- الفقر النسبي..وهو تعدد الطبقات ..كما يحصل الآن عندنا .



لك تحياتي ،،،
دِيم
06-05-10, 02:47 am
لا والله ما فهمت .. الفهم عندي بعض الأحيان لك عليه ..

يالله يالله لو تجيبين سبوره وماصوره http://www.buraydh.com/forum/images/icons/icon10.gif



أخبر مرايه .. عند جدتي الله يغفر له .. ماتقوين تشوفين به من لطوخ الحنا..<<هي اللي انتي تعنين ؟!http://www.buraydh.com/forum/images/icons/icon11.gif

طب طبشورة يمكن نصرفها ؟

:)