تسجيل الدخول

مشاهدة النسخة كاملة : ياصغير السن قددرك طاحت ابراجه..


قيثارة نجد
01-04-10, 02:49 pm
ياصغير السن قدرك طاحت ابراجه=الجرح خلى الصخر ينطق ونطقني

خلاص ماعاد تعني ولا حاجه=رح جعل ربي يوفقك ويوفقني

من عقب ماكنت نور العين وسراجه=اليوم صرت الظلام اللي يطوقني

عطيتك أكثر من اللي كنت محتاجه=أسرفت بالحب لين الحب وهقني

خلاص مالي ومال الحب وأزعاجه=مالي ومال الدروب اللي تضايقني

تعبت اضم البحر وأهدي امواجه=تعبت اجامل وأشوف الوقت يسرقني

شكواي للي عليه الضيق وأفراجه=اللي اذا شاء يرحمني ويرزقني

أما انت يابو جبين عقد احجاجه=لا عاد تسأل علامك ما أنت طايقني

الناس كل على دربه ومنهاجه=وانا عن الناس مابه شي يفرقني

الا اني دايم احب الصدق واواجه=مخلوق والله على هالوضع خالقني

حتى رفيقي ضماد القلب وعلاجه=على كثر ماتمسك فيه صدقني

لو أدري انه مرافقني على حاجه=لا امسكه حاجته واقول فارقني

صح لسان شاعرها
الشاعر فهد المساعد..

ملكه بعز الخوالد
01-04-10, 06:00 pm
صح ذوقك الراقي على كلماتك الرائعه
دوما متألقه في حضورك
لاعدمناك

أســماء
01-04-10, 06:06 pm
جدا روعه هالقصيده ..

شكــراً لكـِ ..:)

قيثارة نجد
02-04-10, 02:03 am
الله يسلمكم على هالمرور العذب

الــــــــهرم
04-04-10, 08:44 am
ذوق راقي
واختيار ينم عن حس شعري رائع

قيثارة لا تحرمينا من عزف انغام اختيارك القادم

مـاجـد الحـمـيـد
07-04-10, 02:37 pm
رائعه . . . رائعه . . . رائعه

من روائع الشاعر الخلوق / فهد المساعد

ونص يحاقي واقع الكثير . . ونص اجتماعي متماسك . . وافي وكافي

قيثارة نجد

شكرا جزيلا . . / /