وراء كل رجل أنيــــــــــــــــــــــــــــــــــــــق امرأة !!

[ميسم الورد]

http://sub3.rofof.com/img3/03jsmeo28.jpg (http://www.rofof.com)


وراء كل رجل أنيق امرأة ؟!
ووراء كل امرأة انيقه رجل كريم ؟!
ما رأيكم هل هذا صحيح ؟؟

وهل الرجل يقبل ان تكون زوجته او اخته انيقه فكما هو معروف النساء لديها نعمة الأناقه هبة من الله
لاننكر هناك بعض الفتيات يتفوقن في اناقتهن على الشباب بل يعطونهم دروس
لكن انا هنا اتحدث هل تقبل ايها الرجل ان تختار معك شريكتك مايناسبك في اللباس
او تختار لك العطر او الحذاء وكل مايزيدك اناقة ؟! ام لاتثق في ذوقها وتعتبرها لاتعي مايناسبك ؟ وتعتبره نقص في شخصيتك >مع ان المراءه دائما ذوقها انيق
فدائما يكون عنوان الرجل زوجته اي عندما يرون زوج انيق و"كاشخ" يقال ماشاء الله زوجته تهتم في لباسه
وبالذات اذا رأوا ثوبه "يتقرطس" ( مع انو ثلاثة ارباع الرجال اثوابهم ماودك تناظره من العرفطه)
كذلك الانثى إذا ماشاهدوها انيقه وذات لبس متجدد يغبطونها على زوجها فيقولون لايقصر معها ويشجعها على الأناقه (مع ان المراءه انيقه بطبيعتها)
فهل كل شخص عنوان للأخر ؟؟
وهل يعتبر انتقائها لملابسك تدخل في خصوصياتك وفرض سيطرتها عليك ؟
ايضا انتِ ايتها الانثى هل تقبيلن ان يختار لك زوجك او ابوك او اخوك شيء ما يراه مناسب وأخآآآآآآآآاذ عليك ؟؟
الموضوع موضوعكم ضعوا لمساتكم فيه وياريت توضع امثال واقعيه لنستفيد منها




مـ\نـ

[سبـيـعـية]

ياهلا وغلا بميسووووو

=>قاعده اتخيل نفسي مع ابوي ولا اخوي بالسوق وهو قاعد يشتري لي لبسي ههههه
ابوي لو اخليه يشتري كان جاب لي الوان الطيف:f5:
مايطيق الغوامق وانا العكس..

مره ابوي حاج وجابلي هدية تعليقة ذهب يابعد تسبدي هو عجزت البسه كبريش تقل رشرش ههههه
ولا ودي اكسر خاطرة بديت البسه بالبيت لاجا:f5:
عاد يوم تخرجت خلى امي تشري لي هدية التخرج=>شكله دري عن الرشرش انه ماجازلي خخ
=>اومير تقص قصة حياته هههه
.
.
سلمتِ ميسوووو يابعدهم
ترا يمكن لي رجعات
^_^

[بطلة العالم]

فهل كل شخص عنوان للأخر ؟؟

اكيـــــــــــــد عنوان للاخر

وهل يعتبر انتقائها لملابسك تدخل في خصوصياتك وفرض سيطرتها عليك ؟
لا<<<او مولي هالسوا
ايضا انتِ ايتها الانثى هل تقبيلن ان يختار لك زوجك او ابوك او اخوك شيء ما يراه مناسب وأخآآآآآآآآاذ عليك ؟؟

اذا كان فيه تشاور من كل الطرفين اكيد بيكون مناسب واكيد راح اقبل


تشكراااااتي لك

[دانة الروح]

فهل كل شخص عنوان للأخر ؟؟

اكـــيد
وهل يعتبر انتقائها لملابسك تدخل في خصوصياتك وفرض سيطرتها عليك ؟

اكيد تدخل مثل ما قلتي خصوصيات
ايضا انتِ ايتها الانثى هل تقبيلن ان يختار لك زوجك او ابوك او اخوك شيء ما يراه مناسب وأخآآآآآآآآاذ عليك ؟؟

اذا كان ملامس لذوقي ما فيش مانع

شكرآ ميســم

[أنثى خرافية]

بعض الرجال ذوقهم ولا بقرش وبعضهم اكشخ من مرته ..

(وراء كل ولد انيق بنت )

أخوي اذا بيشري بدل يقولي تروحين معي تختارين

واختار له ويقتنع بهن .. وحتى عطوارته وساعاته ..

حتى هو إذآ راح معي يختار لي بس احيانا مايجوز لي

وأقوله دايم اشري هاللون أبي لون غيره http://www.s-qu.com/forum/images/smilies/23247cb00f.png

[~,رذاذ الأمل,~]

الصراحه فيه بعض الرجال أنيق
وزوجته عكسه ماتعرف الأناقه
يعني مو دليل أن وراء كل رجل أنيق امرأه
والعكس صحيح إمرأه أنيقه وزوجها
ماهناش
والأغلب ذوق الرجل لايعجب المرأه
شكرآآ مبسم

[شموع تحت المطر]

الحمدلله والشكر إني انيقه:)

[عبود زمان]

http://sub3.rofof.com/img3/03jsmeo28.jpg (http://www.rofof.com)

سبحان الله
هذا به من بوهتي بس انا لي دقن وشنب :f5:
وراء كل رجل أنيق امرأة ؟!
ووراء كل امرأة انيقه رجل كريم ؟!
ما رأيكم هل هذا صحيح ؟؟
نعم كلام سليم 100%

وهل الرجل يقبل ان تكون زوجته او اخته انيقه فكما هو معروف النساء لديها نعمة الأناقه هبة من الله
والله الأناقة مب خاصه بأحد معيّن
يعني مو كل الحريم راعيآت اناقة بس نقدر نقول الأغلب :a2:
ومن ناحية هل اقبل ان تكون زوجتي واختي انيقات
فالجواب : نعم احب انهن يكونن بهالصوره قدام أقآربنا بس بحدود المعقول
مو مثل بعض الحريم اللي يكفينا شره
تحسب الأناقة بالسعر http://www.buraydh.com/forum/images/icons/icon8.gif
يعني إن كان سعره غالي ومن المحل الفلاني فهو اكيد زين !!http://www.buraydh.com/forum/images/icons/icon8.gif
لاننكر هناك بعض الفتيات يتفوقن في اناقتهن على الشباب بل يعطونهم دروس
وشقصدتس http://www.buraydh.com/forum/images/icons/icon8.gif
لكن انا هنا اتحدث هل تقبل ايها الرجل ان تختار معك شريكتك مايناسبك في اللباس
او تختار لك العطر او الحذاء وكل مايزيدك اناقة ؟! ام لاتثق في ذوقها وتعتبرها لاتعي مايناسبك ؟ وتعتبره نقص في شخصيتك >مع ان المراءه دائما ذوقها انيق
احس هالكلام اللي فوق تسنك ودك نتهاوش يـ ميسم :f5:
بالعكس اقبل المشاركه في اختيآرهآ إن اعجبن
كأن اقول لها مارأيك بـ هالحاجآت الثلاث ايهم احسن http://www.buraydh.com/forum/images/icons/icon12.gif
وإذا اختارت شي اختار العكس وبكذا اكون حققت الأناقة القصوى :a2:
اما من ناحية الذوق فالحمدلله ايق بذوقه
وماله دخل شخصيتي في هالنوع من المشاركه :)
فدائما يكون عنوان الرجل زوجته اي عندما يرون زوج انيق و"كاشخ" يقال ماشاء الله زوجته تهتم في لباسه
وبالذات اذا رأوا ثوبه "يتقرطس" ( مع انو ثلاثة ارباع الرجال اثوابهم ماودك تناظره من العرفطه)
ماتسنتس سبيتينا شوي يـ ميسم في العرفطه جعل موضوعتس يتعرفط http://www.buraydh.com/forum/images/icons/icon8.gif
لاكن ارجع واقول فعلاً لما نشوف احد الشباب دائماً انيف نقوله هنيآله هالزلمه أكيد عندهم شغاله سنعه :a2:
امزح عاد :f5:
كذلك الانثى إذا ماشاهدوها انيقه وذات لبس متجدد يغبطونها على زوجها فيقولون لايقصر معها ويشجعها على الأناقه (مع ان المراءه انيقه بطبيعتها)
فهل كل شخص عنوان للأخر ؟؟
نعم كل شخص عنوان للآخر
بس المرأه لا تكون أناقتها مقتصره في إن زوجه مب مقصّر معها
لأننا نشوف في جيرآننا اللي حولنا ماشاءالله عليهم داجين ولا تلقين بدولاب البنت اكثر من ثوبين وتيورين ومع ذلك لما تشوفينه تقولين ياعيني على هالأناقة << مع إن اللبس كل يوم تلبسه :f5:
وهل يعتبر انتقائها لملابسك تدخل في خصوصياتك وفرض سيطرتها عليك ؟
لا
بشرط أن لا تطلب أن البس شي يضايقني << مثل كنادر في فصل الصيف http://www.buraydh.com/forum/images/icons/icon11.gif

ايضا انتِ ايتها الانثى هل تقبيلن ان يختار لك زوجك او ابوك او اخوك شيء ما يراه مناسب وأخآآآآآآآآاذ عليك ؟؟
الموضوع موضوعكم ضعوا لمساتكم فيه وياريت توضع امثال واقعيه لنستفيد منها




مـ\نـ

يـ ميسم وشلون الامور

موضوع سكره

شكراً لك وآسف على الإطاله << نشب بالموضوع نشبه :f5:

[الزنون]

الله وكبر الثياب اللي نلبس
ثوب ابيض طول العام
يعني ما يحتاج احد يختار لك
والملابس الداخليه مثل

اما البناطيل والبلوزات اللي اشتريها
ما عمر احد راح معي يشتري
اروح لحالي وانا اصلاً دائم اختار اللون البيج والبني الغامق او الاسود
وكذلك العطورات اختار العطورات الهادئة واحياناً استخدم العطورات النسائية
ومع ذلك اختياري دائم جيد نوعاً ما
والاغلبية يمدحون ذوقي

حتى في اختيار الاثاث
اهلي وخوالي وخالاتي وبعض الاصدقاء
لازم يشاوروني بالالوان والاشكال

لكن زبدة الموضوع
مو دليل اللي تقولون عنه

من ناحية عرفطة الثياب
فيه مغاسل تغسل وتكوي
الحريم صارن ما يسون اي شيء

<<لف بالموضوع خخخخخ

[هلاوين]

طيب يمنه صار الرجل انيق وهو ماعنده امرأة هل تصح المقووووله ......؟


والصز والله كثير مااستشير امي واخواتي البعض الملابس والعطوووووووورات


لاني مومن بان ذوق المراة افضل من الرجل خاصة بالامور الجماليه .


والرجل له استشاره بالامور الميكانيكيه ..............؟الى اخره


شكرا لك منسم الورد

[حلاتي بعنادي]

لا وآلله مآيختآإآرون لي ~
.
آلحين مآإآيقنعن آذوآق خوآإآتي وآمي عشآإآن آخلي ولد يختآإآرلي ..
.
هو آذآ ودآإآن كثثثر خيررره http://up.arab-x.com/Mar10/puw22588.gif (http://up.arab-x.com/)..
.
ثووكرن ميسم http://up.arab-x.com/Mar10/Yu293674.png (http://up.arab-x.com/)

[نــف نــف]

لــآ الله يخلي لي ذوقــي

آنـآ شخصيـآ مأحب احـد يشتري لي لبـسي

ثوكروون

[ميسم الورد]

ياهلا وغلا بميسووووو

=>قاعده اتخيل نفسي مع ابوي ولا اخوي بالسوق وهو قاعد يشتري لي لبسي ههههه
ابوي لو اخليه يشتري كان جاب لي الوان الطيف:f5:
مايطيق الغوامق وانا العكس..

مره ابوي حاج وجابلي هدية تعليقة ذهب يابعد تسبدي هو عجزت البسه كبريش تقل رشرش ههههه
ولا ودي اكسر خاطرة بديت البسه بالبيت لاجا:f5:
عاد يوم تخرجت خلى امي تشري لي هدية التخرج=>شكله دري عن الرشرش انه ماجازلي خخ
=>اومير تقص قصة حياته هههه
.
.
سلمتِ ميسوووو يابعدهم
ترا يمكن لي رجعات
^_^

هلا والله بالحلا كله
انا ماايد ذوق الرجال خاصه اذا كان من الدقه القديمه والله ان يلبسك لبس ملبوس بعام الفيل ههه

اما عن هالرشرش مسكين ياحول فرح بالهديه حطمتيه ههه

بانتظار رجعاتك
نووورتي يالغلا

[ميسم الورد]

فهل كل شخص عنوان للأخر ؟؟

اكيـــــــــــــد عنوان للاخر

وهل يعتبر انتقائها لملابسك تدخل في خصوصياتك وفرض سيطرتها عليك ؟
لا<<<او مولي هالسوا
ايضا انتِ ايتها الانثى هل تقبيلن ان يختار لك زوجك او ابوك او اخوك شيء ما يراه مناسب وأخآآآآآآآآاذ عليك ؟؟

اذا كان فيه تشاور من كل الطرفين اكيد بيكون مناسب واكيد راح اقبل


تشكراااااتي لك

حلو بطله يعني تايدين ان يختارك رجل
ولا يمكن الي حولك اذواقهم زينه هه
نورتي بطله
مشكوووره

[ميسم الورد]

اكـــيد

اكيد تدخل مثل ما قلتي خصوصيات

اذا كان ملامس لذوقي ما فيش مانع

شكرآ ميســم
هلا والله بشبيهتي
بلاول تقولين تدخل
والجيين تقولين اذا مثل ذوقي عادي
يعني انتي من الي ايد ان اخوها او ابوها او زوجها يختارون لها
طيب لو ماكن عاجبك الي اختاروه وش راح تكون ردة فعلا
بتقولينها صريحه (ماعجبني )ولا كيف
منوووره يالغلا

[الشاطئ]

نعم وراء كل رجل عظيم أمراة بجمالها العفوي

وليس الشكلي .......
وكم من امرأة ذهبت ضحية زيفها الكاذب بجمالها السطحي

وكم من أمرأة بحسن خلقها عاشت تربي الأجيال وتكسب القلوب

بجمالها الأخلاقي وليس الشكلي !!!!!!!!!!!!

[ميسم الورد]

بعض الرجال ذوقهم ولا بقرش وبعضهم اكشخ من مرته ..

(وراء كل ولد انيق بنت )

أخوي اذا بيشري بدل يقولي تروحين معي تختارين

واختار له ويقتنع بهن .. وحتى عطوارته وساعاته ..

حتى هو إذآ راح معي يختار لي بس احيانا مايجوز لي

وأقوله دايم اشري هاللون أبي لون غيره http://www.s-qu.com/forum/images/smilies/23247cb00f.png


اهلا انثى
نعم ربما تكون هذه العبره صحيحه والغالب انها لا تكون

..

ايوه هذا الي ابغى اقوله ان الرجل يعجب بذوق المراءه وفي الغالب المراءه لا تعجب بذوقه

مالسبب هل يكفي اننا نقول انه رجل ولا يدري عن مستجدات الملابس وتطورات الموضه للنساء ؟

شاكره لك مروورك
نورتي

[ميسم الورد]

الصراحه فيه بعض الرجال أنيق
وزوجته عكسه ماتعرف الأناقه
يعني مو دليل أن وراء كل رجل أنيق امرأه
والعكس صحيح إمرأه أنيقه وزوجها
ماهناش
والأغلب ذوق الرجل لايعجب المرأه
شكرآآ مبسم

ايه احنا قلنا هذا الكلام في البدايه انو ربما نشوف رجال اكثر اناقه من المراءه بس قليل
هذا مانرنو اليه

سلمت\يـ على المروور

[ميسم الورد]

الحمدلله والشكر إني انيقه:)

مادمت امراءه فثقي انك انيقه :20[2]:

نوووورتي

[ميسم الورد]

يـ ميسم وشلون الامور

موضوع سكره


شكراً لك وآسف على الإطاله << نشب بالموضوع نشبه :f5:



اهلا عبوود
هه هو تراه الرجل موب ذاك الملح بس انه انيـــيق (ترى مالسبب ؟

يعني انت تؤيد ان ان ورى كل رجل انيق امراءه انيقه (جيد

انا معك بان الاناقه ماهي خاصه باحد بس ارجو ان تتفق معي بان اذا اردنا ان نصور الاناقه فالمراءه خير مثال (فهل تتفق ؟

ههه ماقصدي شي لكن اتوقع انه هذا الصحيح

لا ماراح انتهاوش بس نقاش يقبل الحده البسيطه
لكن لااثق انك اذا مااخذت مااختارته لك انك وصلت الاناقه فهذا غير صحيح فاناقتك باختيارها وذوقها

لا ااسف لا اقصد السب
بس مو كل البيوت فيها شغالات
وبعض الاحيان تلاقي رجل انيق اكثر من ورجل ثاني ببيتهم شغاله يعني ماهو شرط

وهنا اثبات اخر منك عبود ان المراءه حتى وان كانت حالتهم الماديه ضعيفه تبقى اناقتها ضاهرة للعيان

يعني تثق بذوقها هذا شيئ جميل

وش اموره كانك تقصد الخلطه ماش كني خفت على نفسي وجربته ببنت اختي بغت تموت الى شوي ههه

شاكره لك مروورك منور
متقبلين نشبتك بصدر رحب

[ميسم الورد]

الله وكبر الثياب اللي نلبس
ثوب ابيض طول العام
يعني ما يحتاج احد يختار لك
والملابس الداخليه مثل
حتى الثوب الابيض يالزنون طالعله حركات وموضات
يعني يبغى لمسات ابداعيه من المراءه

اما البناطيل والبلوزات اللي اشتريها
ما عمر احد راح معي يشتري
اروح لحالي وانا اصلاً دائم اختار اللون البيج والبني الغامق او الاسود
والواحد دايما على البيج والاسود
لو اخذت وحده من خواتك راح تطلعلك الوان ماكانت تخطر على بالك
تانسب مثلا جسمك تناسب لون بشرتك تناسب المناسبه الي بتلبسها فيها
يعني المراءه مهمممه
وكذلك العطورات اختار العطورات الهادئة واحياناً استخدم العطورات النسائية
ومع ذلك اختياري دائم جيد نوعاً ما
والاغلبية يمدحون ذوقي
عطورات نسائيه يعني من اختصاص النساء يعني لو اختارتلك اختك مو راح يمدحونك وبس راح يسالونك من وين اشتريته وكم سعره و من هالكلام
حتى في اختيار الاثاث
اهلي وخوالي وخالاتي وبعض الاصدقاء
لازم يشاوروني بالالوان والاشكال

انا معك بهذي الاثاث كلكم راح تتشاركون فيه فلازم يكون مشاوره ببنكم مع ان الحريم هن اكثر جلوس فيه واكثرمعرفه بتطورات الاثاث
لكن زبدة الموضوع
مو دليل اللي تقولون عنه

من ناحية عرفطة الثياب
فيه مغاسل تغسل وتكوي
الحريم صارن ما يسون اي شيء

<<لف بالموضوع خخخخخ
فيه مغاسل صح بس فيه رجال مسوين ثقل عند اخوياه انا اغسل ملابسي عند المغسله وهي ليش ماتغسلهم وش عنده
يعني مهما رحنا مهما جينا لازم المراءه لها دووورها

نوورت يالزنون
ولف الموضع بس المهم ماتطلع برى الداائره

[التوت البري]

يســـلمو .
أنـا شخصيـا ماحب احـد يشتري لي لبـسي .
,,,,,,,,,,,,

[موسى العناز]

صحيح ميسوم وانا معك بالفعل

[|| دريم ~]

.

ツ ツ ツ ツ ツ ツ ツ ツ ツ ツ ツ ツ ツ ツ ツ ツ

http://www.buraydh.com/forum/images/icons/icon7.gif وراء كل رجل أنيــــــــــــــــــــــــــــــــــــــق امرأة !!
ليس صحيح .!! لآننا نشوف عزوبيه مهنآ آكشخ منهم http://www.buraydh.com/forum/images/icons/icon6.gif
ووراء كل امرأة انيقه رجل كريم ؟!
صحيح مية بالميه .. لآنه يازوج آو آبوهـ يكد عليه http://www.buraydh.com/forum/images/icons/icon12.gif


ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ

[سبـيـعـية]

^^^
آكيد بيكد عليه ولا وش فايدتكم:f5:

[سبـيـعـية]

سبحان الله
هذا به من بوهتي بس انا لي دقن وشنب

ومن قالك انه مزيون ميسم حاطه صورته توريكم اناقته موب خشته:f5:
يعني بالعربي الآناقة من نعم الله عليكم تخفي العيوب:f5:


كأن اقول لها مارأيك بـ هالحاجآت الثلاث ايهم احسن
وإذا اختارت شي اختار العكس وبكذا اكون حققت الأناقة القصوى
شكلي بكلم ع المدام بقولة عندتس هالاشهب اذا طلب شورتس اختاري الشين عشان ياخذ الزين ومايفشلتس عند الخلق:f5:

[سبـيـعـية]

ميسوو بحوس بموضوعتس ميخالف:f5:

[مدحدره للقمه]

لبسي لو امووووووووووووووت اشاااارو رجل

الا اذا كنت ابروووح حفله تنكريه << آآآخذ شوووره

[Яęęм✯]

بالعكس انا بعض الاحيان ابوي يختار لي لبسي
وانا بصراحه يعجبن اختياره
حتى عمتي لازم استشيره

شوكرن

[مدحدره للقمه]

.

ツ ツ ツ ツ ツ ツ ツ ツ ツ ツ ツ ツ ツ ツ ツ ツ


ليس صحيح .!! لآننا نشوف عزوبيه مهنآ آكشخ منهم http://www.buraydh.com/forum/images/icons/icon6.gif

صحيح مية بالميه .. لآنه يازوج آو آبوهـ يكد عليه http://www.buraydh.com/forum/images/icons/icon12.gif


ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ

العزوبيه يا اخ دريم وراااهم خواااات حلواااات :36_1_1[1]

واذااا ماكااان عنده اخت حلوه

يصير عنده ام جميله <<يعني المرأه لها دووور كبير :36_1_12[1

[ميسم الورد]

طيب يمنه صار الرجل انيق وهو ماعنده امرأة هل تصح المقووووله ......؟


والصز والله كثير مااستشير امي واخواتي البعض الملابس والعطوووووووورات


لاني مومن بان ذوق المراة افضل من الرجل خاصة بالامور الجماليه .


والرجل له استشاره بالامور الميكانيكيه ..............؟الى اخره


شكرا لك منسم الورد

اذا صار انيق وماتزوج فااكيد عنده خوات يعطنه رايهن
رائع منك رمانسي
هذا ماكنا نريد قوله
سلمت

[ميسم الورد]

لا وآلله مآيختآإآرون لي ~
.
آلحين مآإآيقنعن آذوآق خوآإآتي وآمي عشآإآن آخلي ولد يختآإآرلي ..
.
هو آذآ ودآإآن كثثثر خيررره http://up.arab-x.com/mar10/puw22588.gif (http://up.arab-x.com/)..
.
ثووكرن ميسم http://up.arab-x.com/mar10/yu293674.png (http://up.arab-x.com/)

فعلا فيه بعض الناس مايثقون بذوق احد مهما كان
وكلامك صحيح هو اذا وصلنا للسوق جزاه الله خير هه
نووووورتي بطلتك

[Šiļểηţ ● «]

فهل كل شخص عنوان للأخر ؟؟



طبعاً :)

وهل يعتبر انتقائها لملابسك تدخل في خصوصياتك وفرض سيطرتها عليك ؟



لاِ عآدي لكن مآيكون فرض .. مجرد تخيير

ايضا انتِ ايتها الانثى هل تقبيلن ان يختار لك زوجك او ابوك او اخوك شيء ما يراه مناسب وأخآآآآآآآآاذ عليك ؟؟



على حسب و الله .. تعرفين ذوق آلرجال آنتي :p
إذا شفته ملزم آلشكوى لله آخذه و آلبسه بالبيت ( مجآمله بس )
وإذا يخيرني آقدر آتعلث بأي شي
لين يصرف آلنظر عنه
:)

وراء كل رجل أنيــــــــــــــــــــــــــــــــــــــق امرأة !!


صحيح 100 %

نآدر مآتشوفين الأنيق ولو شفتي
آذا هو متزوج من ذوق حرمته .. و إذا لا من ذوق خوآته :f5:

عوآإآفي ميسوم

[الدفايه بالبرد]

تسن هالموضوع طعيم

ما فيه اي مانع انه تختارلي واذا حصل بعد تلبسن


يكون احسن

[ميسم الورد]

لــآ الله يخلي لي ذوقــي

آنـآ شخصيـآ مأحب احـد يشتري لي لبـسي

ثوكروون

احترم رايك و تقريبا الاغلبيه يؤيدونك
نتوووره

[ميسم الورد]

نعم وراء كل رجل عظيم أمراة بجمالها العفوي

وليس الشكلي .......
وكم من امرأة ذهبت ضحية زيفها الكاذب بجمالها السطحي

وكم من أمرأة بحسن خلقها عاشت تربي الأجيال وتكسب القلوب

بجمالها الأخلاقي وليس الشكلي !!!!!!!!!!!!

كلام حلو وصحيح
بس احنا هنا نتكلم عن الجمال الشكلي
ولا الجمال الحمد الله فطرتنا نشاتنا عليه وان شاء الله بنحتفظ فيه
ولكن تتفق معي ان اين ماوجدت المرءه فالجمال ملازما لها
شاكره لك مروورك منور

[ميسم الورد]

يســـلمو .
أنـا شخصيـا ماحب احـد يشتري لي لبـسي .
,,,,,,,,,,,,

اممم
اذا كان اختيار مراءه فاكيد رح يعجبك
وانتي ادرى
منوووره

[ميسم الورد]

صحيح ميسوم وانا معك بالفعل

اولا الحمد الله على السلامه
تكفير ان شاء الله

وممتاز فيه احد من الرجال يؤيد كلامي وبقوه
شاكره لك حضوورك منوور

[ميسم الورد]

.

ツ ツ ツ ツ ツ ツ ツ ツ ツ ツ ツ ツ ツ ツ ツ ツ

ليس صحيح .!! لآننا نشوف عزوبيه مهنآ آكشخ منهم http://www.buraydh.com/forum/images/icons/icon6.gif

صحيح مية بالميه .. لآنه يازوج آو آبوهـ يكد عليه http://www.buraydh.com/forum/images/icons/icon12.gif



ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ ღ



العزوبيه لازم ياخذون راي خواتهم
ولا هم وش عرفهم بالموضات والكشخه


اكيد ولا شلون تشتري الملابس الانيقه الى من ابوه او من زوجه اذا هي متزوجه
والله يعافيهم ويطول بعمارهم

لكن فكر شوي
لو قلتلك ماذا تعبر لك كلمة( الجمال)
فاول مايخطر ببالك المراءه لان هي الي تمثله من الدرجه الاولى

شرفت اخ دريم

[ميسم الورد]

ميسوو بحوس بموضوعتس ميخالف:f5:

هلا بغلاها
انا وموضوعي تحت امرس

[ميسم الورد]

لبسي لو امووووووووووووووت اشاااارو رجل

الا اذا كنت ابروووح حفله تنكريه << آآآخذ شوووره

هههه احلام اووما حفله تنكريه هه
بس والله صاادقه
نوورتي بطلنك يالغلا

[ميسم الورد]

بالعكس انا بعض الاحيان ابوي يختار لي لبسي
وانا بصراحه يعجبن اختياره
حتى عمتي لازم استشيره

شوكرن

امم عمتك ستشيرينه اوكي ماقلنا شي قلنا الحريم ذوقهن حلو
اما تخلين ابوك يختاارلك فغريبه صراحه
متاكده انك ماتفكرين بترجيعه بعدين ههه
منوووره طفله

[Яęęм✯]

امم عمتك ستشيرينه اوكي ماقلنا شي قلنا الحريم ذوقهن حلو
اما تخلين ابوك يختاارلك فغريبه صراحه
متاكده انك ماتفكرين بترجيعه بعدين ههه
منوووره طفله

لا ماافكر بالعكس والله ذوقه حلو وناعم
النور نورك

[ميسم الورد]

طبعاً :)


لاِ عآدي لكن مآيكون فرض .. مجرد تخيير



على حسب و الله .. تعرفين ذوق آلرجال آنتي :p
إذا شفته ملزم آلشكوى لله آخذه و آلبسه بالبيت ( مجآمله بس )
وإذا يخيرني آقدر آتعلث بأي شي
لين يصرف آلنظر عنه
:)


صحيح 100 %

نآدر مآتشوفين الأنيق ولو شفتي
آذا هو متزوج من ذوق حرمته .. و إذا لا من ذوق خوآته :f5:

عوآإآفي ميسوم





فعلا هذا هو الصحيح المهم انه مايكون اجباري خاصه اذا كان اللبس لمناسبه معينه>وافشلاااه

والله شوفي من زوجته من خواته كلهن حريم يعني اذواقهن عااليه

نوورتي

[ميسم الورد]

تسن هالموضوع طعيم

ما فيه اي مانع انه تختارلي واذا حصل بعد تلبسن


يكون احسن

اهم شي انه يعجبك اختياره

شاكره لك مروورك

[الامل الظامي]

اهلين ميسم,,
لك وحشه وربي,,

بـ النسبه لـ موضوعك,,
اخواني فديتهم دايما ياخذو رايي في لبسهم,,
احيان كثيره اروح معاهم للسوق
طبعا في حكاية البناطيل,,
واذا مارحت وجابو شيء ما عجبني يردوه,,

حتى انا كثير اخذ رأيهم
بما انو ما عندي خوات,,

يعطيك العافيه يا غاليه,,

[لاشيء بدونك]

وراء كل رجل أنيق امرأة ؟!
ووراء كل امرأة انيقه رجل كريم ؟!
ما رأيكم هل هذا صحيح ؟؟

اغلبهم نعم..
موشرط الاناقه بالسعر ..

وهل الرجل يقبل ان تكون زوجته او اخته انيقه فكما هو معروف النساء لديها نعمة الأناقه هبة من الله

اكيد بيقبل ليش لا...
صحيح لان المراه تتابع الموضه والازياء
وتعرف الجديد بعكس الرجل اللي مايدري وين الله حاطه هههه>امزح


لاننكر هناك بعض الفتيات يتفوقن في اناقتهن على الشباب بل يعطونهم دروس

نعم نعم صحيح ..


فدائما يكون عنوان الرجل زوجته اي عندما يرون زوج انيق و"كاشخ" يقال ماشاء الله زوجته تهتم في لباسه
وبالذات اذا رأوا ثوبه "يتقرطس" ( مع انو ثلاثة ارباع الرجال اثوابهم ماودك تناظره من العرفطه)

موشرط بعض الرجال روسهم يابسه مالهم الا رايهم>مجربه

كذلك الانثى إذا ماشاهدوها انيقه وذات لبس متجدد يغبطونها على زوجها فيقولون لايقصر معها ويشجعها على الأناقه (مع ان المراءه انيقه بطبيعتها)

اصلن الاناقه مالها دخل بالدفع لان الذوق مو بالسعر ابد وفيه بعض الحريم عندها ملايين
ولبسها ماودك تناظرينه من شينه هه...

فهل كل شخص عنوان للأخر ؟؟

في بعض الاحيان مو دايم ...

ايضا انتِ ايتها الانثى هل تقبيلن ان يختار لك زوجك او ابوك او اخوك شيء ما يراه مناسب وأخآآآآآآآآاذ عليك ؟؟

اذا كان حلو ويناسبني ليش لا
واذا كان معجبه هو لو ماعجبني اخذه والبسه عنده ..

الموضوع موضوعكم ضعوا لمساتكم فيه وياريت توضع امثال واقعيه لنستفيد منها

تسلمين والله موضوعك روعه كروعتك.