بنات مهمتهن (خطف الرجال المتزوجين) . لماذا ؟

[عـــــســـــولــي]

في محيط عائلتي فقط اكثر من عشر رجال كبار في السن (من 40الى 50)سنه تزوجوا فتيات صغيرات في السن واكثرهن خريجات جامعيات .
واغرب هالبنات وحده من اقاربي نصبت الأفخاخ والخطط لخالي وهو رجل متزوج وعنده ثمان اولاد وعمره 48سنه وبالنهاية جاء خالي على خشته وعاش قصة حب مع هالفرفوره (قسم بالله حقدت على خالي) وبالنهاية تزوجها .
بس تبون الصراحه .خالي بعد زواجه تغير نهائيا ..صار يكشخ ويلبس وطق العقال والكبك وباع جواله (برج العرب) كسره ويحوم الكبد واشترى جوال بلاك بيري .وصار يتعشى بالمطاعم وباع الجمس (قديم) موديل 85واشترى يوكن جديد للعروسه .
وش اللي يخلي بنت عزباء تترك الشاب القريب منها فكرا وعمرا وتذهب لمطاردة الشيبان المتزوجين ؟

[هااااااااااوي]

والله يـاعـــسولي اتوقـع يدورون حنان الاب يمكن لاني على نياتي

بس مـــشـــكــوريــاعــسولــي واعـــذرنــي عــلـــى القــصــور

[سحايب نجد]

اجل صارت هي السبب !!
اقول خالك لو مايبيها ماتزوجها
بعدين اكيد انه شاف انه لازم يجدد حياته مع فرفوره وهذا من حقه واكيد انه يحبها وتو الظروف تسمح له يتزوج ثانيه ويمكن ثالثه
بعدين من قال ان فيه بنت بالدنيا تحب تاخذ مستعمل
الوحده ماتاخذ متزوج الا لما تحدها الظروف والضغوط والا لفلوسه
معلوماتك غلط صححها

[سارح بخياله]

فعلا كلامك صحيح صايره موضه تقدر الوقت

صاحبة اختي عمرها 21 وتزوجت من رجال متزوج والاسباب اللي جعلتها توافق للزواج عليه

تقول ليه اخذ شاب لايقدر مسؤلية الزواج راح اخذ مراهق واعلب وقته بالاستراحه

والطلعات ..وبيت اهلي ماعتقد بفارقها كثير من كثر مايوديني عندهم ...

والعكس بالنسه للرجل المتزوج فهوا يقدر المسؤليه اكثر وراح ا عيش معه بسعاده

وواثقه من قراري وأختياري ...

[أم احمد]

في محيط عائلتي فقط اكثر من عشر رجال كبار في السن (من 40الى 50)سنه تزوجوا فتيات صغيرات في السن واكثرهن خريجات جامعيات .
واغرب هالبنات وحده من اقاربي نصبت الأفخاخ والخطط لخالي وهو رجل متزوج وعنده ثمان اولاد وعمره 48سنه وبالنهاية جاء خالي على خشته وعاش قصة حب مع هالفرفوره (قسم بالله حقدت على خالي) وبالنهاية تزوجها .
بس تبون الصراحه .خالي بعد زواجه تغير نهائيا ..صار يكشخ ويلبس وطق العقال والكبك وباع جواله (برج العرب) كسره ويحوم الكبد واشترى جوال بلاك بيري .وصار يتعشى بالمطاعم وباع الجمس (قديم) موديل 85واشترى يوكن جديد للعروسه .
وش اللي يخلي بنت عزباء تترك الشاب القريب منها فكرا وعمرا وتذهب لمطاردة الشيبان المتزوجين ؟


عاد بالله ياعسولي ..

ما إستانست ام العيال بالوك الجديد؟

[للقلوب قطاع طرق]

فعلا كلامك صحيح صايره موضه تقدر الوقت

صاحبة اختي عمرها 21 وتزوجت من رجال متزوج والاسباب اللي جعلتها توافق للزواج عليه

تقول ليه اخذ شاب لايقدر مسؤلية الزواج راح اخذ مراهق واعلب وقته بالاستراحه

والطلعات ..وبيت اهلي ماعتقد بفارقها كثير من كثر مايوديني عندهم ...

والعكس بالنسه للرجل المتزوج فهوا يقدر المسؤليه اكثر وراح ا عيش معه بسعاده

وواثقه من قراري وأختياري ...


سارح بخياله وصل الكلام الي كنت بقوله كذا تفكير بعض البنات وحبيت أضيف نقطه أنه بعض البنات تعاني من ضغوط في بيت أهلها وتلجأ لأي شخص للزواج منه سوا كان متزوج من قبل او لا وحتى الأخير لو كان فيه أشياء تعيبه ممكن توافق عليه وتتنازل عن بعض الي كنت تطمح إليه سابقا...
شاكره لصاحب الموضوع على طرحه الجميل,,

[لمعةالألماس]

وش اللي يخلي بنت عزباء تترك الشاب القريب منها فكرا وعمرا وتذهب لمطاردة الشيبان المتزوجين ؟


السبب
(ينطبق على تفكير بعضهن )!

*الكبير المتزوج..

1-مكون نفسه_ بيت_ فلوس_

2- مجرب الحياة الزوجية > عنده خبره

3- بعد الأربعين غالبا الرجل يحب التجديد > فتحب البنت أنها تكون هي الجديد بحياته,,

4- بحكم عمرها بيطير فيها وبتدلع عليه وبيدلعها,,

5- مايلتفت لغيرها لأنه ماصدق إن وحده بعمرها تركض وراه,,

بالمقابل :

*الشاب ..

1- يسكنها عند أهله أو بشقه إيجار,,

2- أول مرة يجرب مسؤليات وزوجه فينفر منها ويتذمر..!

3- الشباب قليل يمتدح زوجته ويدلعها يبي هي اللي تدلعه ,,

4- إن تدلعت عليه تطنز عليها وكشّر واستهتر ,,!

5- بس يتلفت ويناظر البنات ويحاول يبين لزوجته حتى يثيرها..!
>> حرق أعصاب ,,


(هذه ليست نظرتي ولا منطقي,, إنما هذا تفكير من تريد كل شيء ! )http://www.buraydh.com/forum/images/icons/icon9.gif


>> تشكر

[أسامة99]

لم أرى في كلامك صور الخطف



حالة وحده ( خالك ) أكدت أن التخطيط مشترك


من وجهة نظري


نادر جداً أن تجد ( بنت ) تترك غير المتزوج وتذهب للمتزوج


المعتاد أن الظروف تقود بعضهن


( الجمال الجسدي المتدني )

( العنوسه )


( حالة صحية )

( طلاق أو ترمل )

إلى خيار الرجل المتزوج


ويكون بعضهم خير عظيم وأكبر


- بنت صغيره تزوج شاب وفي شهر العسل قالت :

ليتني متزوجه كبير !

[خن بط]

كلام سليم . البنات مصلحجيات ويدورن الفلوس ...................غبيات

[برق الوسم]

فعلا شي غريب !!!

هالسؤال ساله رفيقي المتزوج 73999393 مره وللحين يسأل والحقوا عليه بالجواب لا ينجن !!

هل بنظرها ان مستقر او لديه عشة >>>يعني بيت

او لانه يلمك وظيفه او دخل ثابت

انا اسال بعد وبشوف لعل اجد جوابا شافيا يخرجنا من هذه المتاهات

تحياتي وتقديري لك عسولي

[عاشق الكلمة]

أنا سمعت
إن هذي هي موضة البنات هاليومين ..

تشوف لها رجال كشخة
وتجدد له حياته
وتجدد هي حياتها معاه ..

عاد تصدقون
إن بعض الرجال كبار السن
أحسن منا يالشباب
يخليها على راحتها
والفلوس بيدها وهي المدللة ..
وهلم جرا ..

[طيب الساس]

الشباب نااااااادر منهم الي يقدر المسئوليه
علشان كذا فيه خياااااانات اسريه سواء من الولد اوالبنت
ولا نقول إلا الله يصلح الحال ويغيرها لحسن حااااااااال

[فديكا التميمي]

انا اعلمك ترى بعض الحريم هدوره يمدحن برجالهن عند البنات
فيطير قليب البنيه وتحاول تحتك به وماراح تحسف الا بعدين...
ويمكن فاته قطار الزواااج واحتدت تاخذ ابو عيال وصارت عارفته وعارفتن طبعه
واخذته احسن من تطيح بوحدن اكربه..

[إيثــــار]

والله مافيهم خير من صغيرهم لكبيرهم

[(*)أوقـآآت فرآآآغ]

كلامك صحيح ,, غريبه جدا تفكير بعض الفتيات حصل لي موقف قبل فترة معي ومع خالي في احدى الاسواق الاحظ ان اغلب الفتايات بالسوق يطالعن خالي وبالعامية يتميلحن قدامه ! مادري ايش السر بس ممكن حسب تفكيرهم ولا ادري اذا الصورة الي كونتها بمخيلتي انها صحيحه وهي انه حسب عقولهن ان الرجل الاكبر في السن يكون جاد اكثر من الشباب ,
ع العموم الله يستر ع بنات المسلمين ويكفينا شرهن :)

[Šiļểηţ ● «]

أغلب صديقاتي نفس الشيء ..

منهم من تقول ( آخذ كبير و فاهم ولا بزر و أبتلش فيهـ )

و البعض الآخر للأسف أجبرتهـ الظروف ,,

ربما يكون خالك هو من خطط لأخذها ~> فـ لو فعلت ما فعلت لن يلتفت

إليها إلا برغبتهـ ..

[أخت الذيب خالد]

يمكنها حبته ...
الحب ... لا يعرف عمر .. ولا شكل :)

وحدة من قريباتي.. جمال ودلال وشهادة عالية.. اخذت رجال معاه حرمة وعيال(يمكنه خالك) هه
اول شي انقهرت انا.. ولما سألتها.. قالت وش نفع صقيقاتي اللي اخذن شباب؟,, اللي داج,, واللي يغازل من وراها,, واللي ما يتحمل المسؤلية,, واللي ما يقدر الحياة الزوجية.. خليني انا استفيد من تجاربهم والسعيد من وعض بغيره.. هه

لكن يوم شفت كيف عايشة.. قلت والله هي اللي عرفت لها .. :)

["غرك غلاك"]

إذا كان فيه بنات يبحثن عن المادة عن طريق الرجل المسن في المقابل رجال يبحثون عن المادة (الزوجة الموظفة)
عن طريق الزوجة التي لا تكون حسب ما يريد .

[هلاوين]

يالغالي ماتوقع بنت سليمة عقلا وفطرة ان تقبل بشخص كبير السن


الا اذا كانت كبيرة بالسن او قليلة الجمال او عندها ضغوط داخليه .


شكرا لك

[(*)أوقـآآت فرآآآغ]

يمكنها حبته ...
الحب ... لا يعرف عمر .. ولا شكل :)

وحدة من قريباتي.. جمال ودلال وشهادة عالية.. اخذت رجال معاه حرمة وعيال(يمكنه خالك) هه
اول شي انقهرت انا.. ولما سألتها.. قالت وش نفع صقيقاتي اللي اخذن شباب؟,, اللي داج,, واللي يغازل من وراها,, واللي ما يتحمل المسؤلية,, واللي ما يقدر الحياة الزوجية.. خليني انا استفيد من تجاربهم والسعيد من وعض بغيره.. هه

لكن يوم شفت كيف عايشة.. قلت والله هي اللي عرفت لها .. :)


حالات شاذة .
يعني مو كل المتزوجات من شباب صاير معاهم الي قلتي . ولا كل الي متزوجات من متزوجين عايشين بسعاده !

واكيد ولا يخفى عليك فرق بين اللي تتزوج رجل كبير وبين الي تتزوج شاب بنفس عمرها وتفكيرها , خصوصا في الجوانب الرومانسيه..
وبالاخير قسمة ونصيب هالمسائل .

[أخت الذيب خالد]

حالات شاذة .
يعني مو كل المتزوجات من شباب صاير معاهم الي قلتي . ولا كل الي متزوجات من متزوجين عايشين بسعاده !

واكيد ولا يخفى عليك فرق بين اللي تتزوج رجل كبير وبين الي تتزوج شاب بنفس عمرها وتفكيرها , خصوصا في الجوانب الرومانسيه..
وبالاخير قسمة ونصيب هالمسائل .

اكيد فيه فرق.. وانا لا أييد ابدأ من تتزوج اكبر منها بمسافة !
أقل شي.. بتستانس خمس ست إلى عشر سنوات.. ثم بتصير ممرضه له :(

الله يوفق الجميع.. كل شي مكتوب ومقدر ,,

[تـولين]

يحسن بالانتصار لما تاخذ زوج من زوجته

وبكذا عوضت احساسها بالنقص انه ماحد يبيها ولااهتم لها

بس عوضته على حساب هالمسيكينه الاولى

[≈ Śķőőŋ »]

نفقت الا متزوج:29_1_6[1]

اخذات بالي يقول الشايب يدلل ..<<ماخذتس عشان مصلحته وشهوته:(


المتزوج المستقبل معاه مو مضموون يمكن نزوه وتروح منه
ويطلقها يله وش بتسوي صغيره ومطلقه

ويمكن بعضهن تطمع بفلوووسه والحين الي صاير ان الاب نفسه
يزوج بنته عشان الفلوس والبنت ماله راي يعني تصير مغصوبه


وانت حكمت انه هي الي لفت ع الرجال واخذته يمكن جايه منه هو
ليش حطيته بالبنت معقوله بيفضحون بانفسهم اعتقد الناس الي ألفت عليهم القصه


الحمدلله والشكر الله لايبلانا


شكرآآ

[الــــــــهرم]

لا اراها ظاهرة في مجتمعنا
بل هي من عينات بسيطة جدآ

شكرآ لك

[سمر العبدالله]

الحين الظروف صعبة بالنسبة للفتيات المقبلات ع الزواج .
شبابنا فيهم الخير بس لو تقوم الدولة بواجبها وتساعدهم بإيجاد وظائف لهم لتغيرت نظرة الفتيات لهم .
بعض البنات لديها إدمان غريب بصرف الفلوس وعندما تريد الزواج تريده غنيا .
والشباب حاليا طفارى وداجين .وتلك البنت ستفكر بالرجل المتزوج فهو مستقر ماليا ووظيفيا (عريس جاهز) ومو مشكله عندها مسألة العمر بينهم ......تفكير غريب وغير منصف . تقبل مروري

[خن بط]

بس عوضته على حساب هالمسيكينه الاولى

الدين أباح للرجل أن يتزوج بأربع شريطة العدل بينهن .

[بنت آلهاص]

قبل دقائق خلف اسوره الجامعه الكريهه

تحدثني زميله لي

تقول (لو يجي يخطبن واحد كبير شوي وله عيال بعد عاااادي اعرس عليه)

هذا مانطقت به

ربما لرجاحة عقله وصدق مشاعره بعكس الشاب العادي الصغير في العقود الثانيه

تحيتي

[مدرعمهـ]

يالغالي ماتوقع بنت سليمة عقلا وفطرة ان تقبل بشخص كبير السن


الا اذا كانت كبيرة بالسن او قليلة الجمال او عندها ضغوط داخليه .


شكرا لك

نفس الفكرة

شكرااا

[To Be]

طيب واين اللي تقولون يخطفن :)

[مشروع فيلسوفة]

^
^

شكله في ناس تبي تنخطف ...


بس تراه نصيب .. والبنت اللي شافت بدنياها كثير .. والعقل الزايد يفوق العاطفه تبي كذه ..

تحسبها :
كبير وعاقل .. جيبه مليان ما عنده قروض والتزامات .. ومهومقابلها كل يوم بحكم الزوجه الاولى وانشغاله بعياله ..

يعني الموضوع مقنع .. بعدين شكل الموضوع ايجابي والدليل خالك :)

...

[X 7oor S3od X]

فرقى عـين جدي ..
يعـني السالفه به خطف وخطيف ..


وش اللي يخلي بنت عزباء تترك الشاب القريب منها فكرا وعمرا وتذهب لمطاردة الشيبان المتزوجين ؟


( شايب يدلل ولا شاب يعـلل ) http://www.buraydh.com/forum/images/icons/icon10.gif
عاد لا جينا للجد .. ماأظن فيه بنت بالعـشرين بتقبل بواحد عمره 50
إلا إذا كانت مجبره ؟

العـروس من تالي صارت دردبيس http://www.buraydh.com/forum/images/icons/icon10.gif
الله يعـين بس ..

[عاشق الترحال]

موضوع شيق بصراحة عجبني كثيررر وفعلا انا قريت كل التعليقات على الموضوع واكثر شي عجبني تعليق جمرة وهو في الصميم تحياتي لكم